Book List

<h2 style="text-align: center;">အခန်း (၂၃)</h2> <h2 style="text-align: center;">ငွေနဂါးလှံကျင့်စဉ် မူလသဘာဝသို့ ပြန်လည်ရောက်ရှိခြင်း</h2> <h2 style="text-align: center;">*</h2> <p> </p> <p>နင်တောက်ရန်သည် ခေါင်းကိုဖြည်းညင်းစွာ ငြိမ့်လိုက်မိ၏။ မိမိ၏ အသက်ဘေးကင်းလုံခြုံမှုကို မြှင့်တင်ပေးနိုင်မည့် ရတနာမျိုးကို သူသည် အမှန်တကယ်ပင် အလိုရှိနေခဲ့သည် ။</p> <p>လျှိူရူယန်က သူမ၏ နီမြန်းသော နှုတ်ခမ်းလွှာကို ဖိစေ့ရင်း “အမှန်အတိုင်း ပြောရရင် မောင်လေး... လွန်ခဲ့တဲ့ နှစ်နှစ်အတွင်းမှာ မမဟာ အဆင့်(၂)အနိမ့်တန်း မန္တန်စက္ကူတွေရဲ့ အခြေခံကို ထိတွေ့နိုင်ခဲ့ပါတယ်၊ စိတ်ကူးဉာဏ် ပွင့်လင်းလာတဲ့ ခဏမှာလည်း အဆင့်(၂)အနိမ့်တန်းမန္တန်စက္ကူတစ်ချပ်ကို အောင်အောင်မြင်မြင် ဖန်တီးနိုင်ခဲ့တယ်” ဟု ဆိုလေသည် ။</p> <p>သူမသည် စကားပြောရင်း သူမ၏ သိုလှောင်အိတ်ကို အသာအယာ ပုတ်လိုက်ရာ အပြာရင့်ရောင် မန္တန်စက္ကူတစ်ချပ်သည် လေထဲသို့ ဝဲပျံထွက်ပေါ်လာတော့၏ ။</p> <p>“အဆင့်(၂)... အဆင့်မြင့် မန္တန်စက္ကူပေါ်မှာ ရေးဆွဲထားတာလား” ဟု လင်းရှန့်က အနည်းငယ် အံ့အားသင့်လျက် ရေရွတ်မိသည် ။</p> <p>နင်တောက်ရန်သည် ကျမ်းစာဆောင်ရှိ စာအုပ်စာပေများကို နှံ့စပ်အောင် ဖတ်ရှုထားသူဖြစ်ရာ မန္တန်စက္ကူများအကြောင်းကို ကောင်းစွာ နားလည်ထားပြီးဖြစ်၏ ။</p> <p>ယေဘုယျအားဖြင့် အဆင့်တူညီသော မန္တန်စက္ကူများတွင် အဆင့်မြင့် စက္ကူကို အသုံးပြုပါက သာမန်စက္ကူထက် အစွမ်းထက်မြက်မှုမှာ ထက်ဝက်ကျော်မျှ ပိုမိုနိုင်ချေရှိပေသည် ။</p> <p>ထို့ကြောင့် ရှေ့မှောက်၌ မြင်တွေ့နေရသော မန္တန်မှာ အဆင့်(၂)အနိမ့်တန်း 'နှင်းခဲမန္တန်အဆင့်မြင့်စားပင် ဖြစ်တန်ရာသည် ။</p> <p>လျှိူရူယန်က တိုးညင်းသော လေသံဖြင့် “ဒါကို အသုံးပြုလိုက်မယ်ဆိုရင်  ပုတ်မြစ်တည်ဆောက်ခြင်းအဆင့် ကျင့်ကြံသူတစ်ယောက်ကိုတောင် ခဏတာ အစွမ်းမဲ့သွားအောင် လုပ်နိုင်စွမ်းရှိတယ်၊ သူ့ရဲ့ အစွမ်းက တကယ့်ကို အံ့မခန်းပဲ” ဟု ရှင်းပြလေသည် ။</p> <p>သူမက လင်းရှန့်ကို တစ်ချက်ကြည့်ကာ ဆက်လက်၍ “ဒါပေမဲ့ အဆင့်(၂) မန္တန်ကို သုံးရင် ဝိညာဉ်စွမ်းအင် အလွန်ကုန်သလို ထိန်းချုပ်ရတာလည်း အရမ်းခက်ခဲတယ်၊ ဒါကြောင့်မို့လို့ ဟွမ်လုံတောင်တန်းထဲမှာ ကျင့်ကြံတုန်းက ဒါကို ထုတ်မသုံးခဲ့တာပါ” ဟု ဆိုသည် ။</p> <p>လင်းရှန့်က သူမကို လေးနက်သော အကြည့်ဖြင့် ကြည့်လိုက်ရာ သူမ၏ ချောမောလှပသော မျက်နှာလေးမှာ ရှက်သွေးဖြာကာ နီမြန်းသွားရချေသည် ။</p> <p>“မောင်လေးနင်... ဒါဟာ သာမန်မန္တန်ဆိုရင် မမ တိုက်ရိုက်ပေးမှာပါ၊ ဒါပေမဲ့ ဒီအဆင့်(၂) အဆင့်မြင့်မန္တန်ရဲ့ တန်ဖိုးက အရမ်းကို မြင့်မားလွန်းတယ်၊ ဒါကြောင့်... ဒီမန္တန်နဲ့ တန်ဖိုးတူ ဒါမှမဟုတ် ပိုပြီး တန်ဖိုးရှိတဲ့ ရတနာနဲ့ လဲလှယ်မှပဲ ဖြစ်ပါလိမ့်မယ်” ဟု သူမက ဆိုလေရာ နင်တောက်ရန်က ဘာများ လိုအပ်ပါသနည်းဟု မေးမြန်းလိုက်သည် ။</p> <p>ချက်ချင်းပင် လင်းရှန့်သည် သူ၏ သိုလှောင်အိတ်ကို ပုတ်ကာ အဆင့် (၁)အဆင့်မြင့် မှော်လက်နက် နှစ်ခုကို ထုတ်ယူလိုက်ပြီး “ရူယန်... ဒါတွေနဲ့ သူ့အတွက် လဲပေးလို့ ရမလား” ဟု မေးလိုက်၏ ။</p> <p>လျှိူရူယန်က အံ့အားသင့်သွားပြီး လင်းရှန့်ကို အာနာသကဲ့သို့ ကြည့်လိုက်ရာ လင်းရှန့်က အားရပါးရ ရယ်မောရင်း “ညီလေးနင်က ငါ့ညီပဲ၊ ငါ့အသက်ကိုလည်း နှစ်ကြိမ်တောင် ကယ်ခဲ့တာ၊ စီနီယာအစ်ကို တစ်ယောက်အနေနဲ့ သူလိုချင်တာကို ဒီအတိုင်း ဘယ်ကြည့်နေနိုင်မှာလဲ” ဟု ပြန်ပြောလေသည် ။</p> <p>နင်တောက်ရန်က အသက်ကို ပြင်းပြင်းရှူလိုက်ပြီး “စီနီယာ... ခဏလောက် စောင့်ပါဦး၊ အမှန်တော့ ကျွန်တော်လည်း နောက်ဆုံးအကြိမ် အပြင်ထွက် ကျင့်ကြံတုန်းက အခွင့်အရေးအချို့ ရခဲ့ပါတယ်၊ ခဏနေရင် စီနီယာတို့ ကြည့်ရအောင် ယူခဲ့ပါ့မယ်” ဟု ဆိုကာ ကြမ်းပြင်၏ အစိတ်အပိုင်းတစ်ခုကို မ၍ မြေအောက်ခန်းသို့ ဆင်းသွားတော့သည် ။</p> <p>သူသည် ဝိညာဉ်အရှိန်အဝါဖုံးကွယ်ခြင်းကျင့်စဉ်၏ အကာအကွယ်အောက်တွင် အသက် ၅၀၀ ခန့်ရှိသော ယန်ဝိညာဉ်မြက် နှစ်ပင်ကို ဆွတ်ယူလိုက်၏ ။</p> <p>ယန်ဝိညာဉ်မြက်သည် ရှားပါးလှသည်မဟုတ်သော်လည်း အသက် ၅၀၀ ခန့် ရှိလာပါက အုတ်မြစ်တည်ဆောက်ခြင်းအဆင့် ကျင့်ကြံသူများအတွက် အစွမ်းထက်သော အဆင့် (၂)ထျန်းလောဆေးလုံး ဖော်စပ်ရာတွင် အသုံးပြုနိုင်ပေသည် ။</p> <p> သူသည် ထိုဆေးပင်များကို သေတ္တာအတွင်း ထည့်၍ လျှိူရူယန်တို့ထံ တင်ပြလိုက်ရာ လင်းရှန့်က အလွန်အံ့အားသင့်လျက် “ဒါ အသက် ၅၀၀ နီးပါးရှိတဲ့ ယန်ဝိညာဉ်မြက်တွေပဲ... ညီလေး၊ မင်း ကံကောင်းလှချည်လား၊ အနန္တဂိုဏ်း ပတ်ဝန်းကျင်က ဆေးပင်တွေကို လေလွင့်ကျင့်ကြံသူတွေ အကုန်ခိုးယူသွားပြီလို့ ငါထင်နေတာ” ဟု ချီးကျူးလေသည် ။</p> <p>နင်တောက်ရန်က “မမ... ဒီဆေးပင်နှစ်ပင်က ဒုအဆင့် (၂)အဆင့်မြင့် နှင်းခဲမန္တန်နဲ့ လဲဖို့ လုံလောက်ရဲ့လား၊ မလုံလောက်ရင် ဝိညာဉ်ကျောက်တုံးတွေ ထပ်ထည့်ပေးပါ့မယ်” ဟု ပြုံးလျက် မေးလိုက်သည် ။</p> <p> လျှိူရူယန်က ဤလဲလှယ်မှုတွင် သူမက ပို၍ အမြတ်ရသည်ကို သိသဖြင့် “လုံလောက်ပါတယ်၊ မောင်လေးကို နစ်နာအောင် မလုပ်ချင်ဘူး၊ ဒါကြောင့် နှင်းခဲမန္တန်အပြင် တခြားအဆင့်(၁) မန္တန်လေးချပ်ပါ ထပ်ပေးပါ့မယ်” ဟု ဆိုကာ မန္တန်များကို နှင်းခဲမန္တန်နှင့်အတူ တွန်းပေးလိုက်သည် ။</p> <p>နင်တောက်ရန်သည် ဝမ်းမြောက်ဝမ်းသာ လက်ခံလိုက်ပြီး “ကျေးဇူးတင်ပါတယ် မမ၊ ကျွန်တော်တော့ ရတနာပုံကြီး တွေ့ပြီ” ဟု ရယ်မောကာ သိုလှောင်အိတ်အတွင်း သိမ်းဆည်းလိုက်၏ ။</p> <p>လျှိူရူယန်ကလည်း ထိုဆေးပင်များကို ဂရုတစိုက် သိမ်းဆည်းလိုက်သည်၊ သူမသည် ဆေးပင်တစ်ပင်ကို သူမ၏ မိသားစုရှိ  အုတ်မြင့်တည်ဆောက်ခြင်းအဆင့် ဘိုးဘေးကြီးထံ ဆက်သရန်နှင့် ကျန်တစ်ပင်ကို သူမအတွက် 'နုပျိုခြင်းဆေးလုံး' ဖော်စပ်ရန် ဆုံးဖြတ်လိုက်ချေသည် ။</p> <p>ထိုသို့ဖြင့် သူတို့သည် အရသာရှိသော ဝိညာဉ်ငါးဟင်း၊ ကြက်သားဟင်းနှင့် အဆင့်(၂) စိမ်းလဲ့ဝါးဝိညာဉ်ဆန်တို့ကို မြိန်ယှက်စွာ စားသောက်ကြတော့သည် ။</p> <p>ညတာကုန်လွန်၍ တစ်နှစ်တာ အချိန်ကာလသည် မျက်စိတစ်မှိတ်အတွင်း ကုန်ဆုံးသွားခဲ့ပြန်ပြီ ။ နင်တောက်ရန်သည် အသက် ၃၀ ပြည့်ခဲ့ပြီဖြစ်သော်လည်း 'ထာဝရစိမ်းလန်းခြင်းကျင့်စဉ်' ကြောင့် သူ၏ ရုပ်ရည်မှာ အသက် ၁၈ နှစ်အရွယ်တွင်ပင် တန့်နေခဲ့သည် ။</p> <p>သူသည် သမင်အူကြောင်ကြီးနှင့်အတူ ပျော်ရွှင်စွာ စိုက်ပျိုးရေး လုပ်ကိုင်ရင်း အချိန်များကို ကုန်လွန်စေခဲ့သည် ။</p> <p>ယခုအခါ သူသည် နှစ်ပေါင်း ၂၀,၀၀၀ ကျော် ကျင့်ကြံမှု အရှိန်အဝါကို စုဆောင်းမိပြီဖြစ်ရာ 'ငွေနဂါးလှံကျင့်စဥ်'  ၏ အမြင့်ဆုံး 'မူလသဘာဝသို့ ပြန်လည်ရောက်ရှိခြင်းအဆင့်'သို့ တက်လှမ်းရန် ကြိုးပမ်းတော့သည် ။</p> <p>【(၁) နှစ်ကာလ၌ အရှင်၏ ငွေနဂါးလှံပညာသည် အထွတ်အထိပ်သို့ ရောက်ရှိခဲ့ပြီးဖြစ်ရာ အပြစ်ဆိုဖွယ်ရာမရှိအောင်ပင် ကျွမ်းကျင်ပိုင်နိုင်လှချေသည်။ အရှင်သည်လည်း သိုင်းလောကအတွင်း ထင်ရှားကျော်ကြားသော ပုဂ္ဂိုလ်တစ်ဦး ဖြစ်လာခဲ့သော်ငြား ယင်းထက်မကသော အဆင့်သို့ တက်လှမ်းရန်သာ သန္နိဋ္ဌာန် ချထားသည်။】</p> <p>【နှစ်ပေါင်း (၂,၄၀၀) သို့ ရောက်ရှိလာသောအခါ အရှင်၏ သိုင်းလောကမှ မိတ်ဆွေအပေါင်းတို့သည် အလွန်အံ့အားသင့်လျက် “အဘယ်ကြောင့် ပြည့်စုံပြီးသားဖြစ်သော ငွေနဂါးလှံပညာကို ယခုတိုင် မနားမနေ လေ့ကျင့်နေရသနည်း” ဟု မေးမြန်းကြကုန်၏။ ထိုသို့သော မေးခွန်းများအပေါ် သင်ကမူ ပြုံးရုံမျှသာ ပြုံး၍ တိတ်ဆိတ်စွာပင် နေပါတော့သည်။】</p> <p>【နှစ်ပေါင်း (၄,၁၀၀) သို့ ရောက်ရှိပြီးနောက် တစ်နေ့သော လေ့ကျင့်ခန်းများ အပြီးတွင် အရှင်သည် ရုတ်တရက်ဆိုသလို တစ်ကိုယ်တည်း ကျင့်ကြံရန်ဆုံးဖြတ်လိုက်ချေသည်။ ခြောက်လမျှ တည်ငြိမ်စွာ ကျင့်ကြံပြီးနောက်တွင်မူ အရှင့်ထံ၌ ထူးခြားဆန်းပြားသော စိတ်အလင်းတံခါး တစ်ရပ်သည် ရုတ်ချည်းပင် ပွင့်လင်းလာခဲ့ပါပြီ။】</p> <p>【ငွေနဂါးလှံပညာ - အဝါရောင်အဆင့် အလတ်တန်း (လောကကျော်လွန်ခြင်းအဆင့်)】</p> <p>【နှစ်ပေါင်း ၇,၆၃၃ သို့ ရောက်ရှိသည့်ကာလ၌ အရှင်၏ ငွေနဂါးလှံပညာသည် အထွတ်အထိပ်သို့ ရောက်ရှိခဲ့ပြီးဖြစ်ရာ သိုင်းလောကတစ်ခုလုံးကို လွှမ်းမိုးထားနိုင်လေပြီ။ ပြည်နယ်အသီးသီး၌ အရှင့်အား ယှဉ်ပြိုင်နိုင်မည့် လှံပညာရှင်ဟူ၍ မရှိတော့သော်လည်း အရှင်သည် ထိုနေရာ၌ပင် ရပ်တန့်မသွားခဲ့ပါ။】</p> <p>【အရှင်သည် တောတောင်လျှိုမြောင်တို့အတွင်း အခြေချလျက် လောကီစည်းစိမ်နှင့် ဂုဏ်ပကာသနတို့ကို ကျောခိုင်းကာ နေ့စဉ်မပြတ် ကြိုးပမ်းအားထုတ်နေခဲ့သည်။ တောင်ပေါ်သို့ လာရောက်၍ ပညာသင်ယူလိုကြသော သို့မဟုတ် အရှင့်အား ပြုစုလုပ်ကျွေးလိုကြသော ငယ်ရွယ်ချောမောသည့် အမျိုးသမီး ကျင့်ကြံသူများကိုပင် အရေးမလုပ်ဘဲ လျစ်လျူရှုထားပါသည်။】</p> <p>【နှစ်ပေါင်း (၉၉၀၀)သို့ ရောက်ရှိလာသောအခါ တောနက်ရာအရပ်၌ ထူးခြားဆန်းပြားသော နိမိတ်များ ပေါ်ထွန်းလာတော့၏။ ကောင်းကင်ယံ၌ အတိုင်းအဆမရှိသော တိမ်တိုက်များ ဖုံးလွှမ်းလာပြီး အရှင်ကျင့်ကြံနေသည့် နေရာ၏ အထက်တွင်မူ မည်းမှောင်နေသော တိမ်တိုက်ကြီးများသည် နီမြန်းသော အရောင်သို့ ပြောင်းလဲသွားချေသည်။ ထိုနွေးထွေး၍ ကျောက်စိမ်းရောင်သန်းသော တိမ်တိုက်များအတွင်း၌ လျှပ်စီးအလင်းတန်းတို့သည် နဂါးတစ်ကောင်ကဲ့သို့သော်လည်းကောင်း၊ မြွေတစ်ကောင်ကဲ့သို့သော်လည်းကောင်း ဝဲပျံနေကြကုန်၏။ ထိုခဏ၌ အရှင်သည် သင်၏ 'မဟာတာအို' ကို အောင်မြင်စွာ ပေါက်မြောက်သွားပြီဖြစ်ကြောင်း သိလိုက်ရပေတော့သည်။】</p> <p>【ငွေနဂါးလှံကျင့်စဉ် - အဝါရောင်အဆင့် အလတ်တန်း (မူလသဘာဝသို့ ပြန်လည်ရောက်ရှိခြင်းအဆင့်)】</p> <p>【ဆင့်ပွားလျှို့ဝှက်ကျင့်စဉ် - ပင်လယ်တွင်းမှ ထွက်ပေါ်လာသော ငွေနဂါး】</p> <p>【ဆင့်ပွားလျှို့ဝှက်ကျင့်စဉ် - ရေသောက်ဆင်းသော ငွေနဂါး】</p> <p>【ကျန်ရှိသော ကျင့်ကြံမှုအချိန် - ၁၅,၄၆၆ နှစ်】</p> <p>...</p> <p>“အောင်မြင်ပြီ...”</p> <p>နင်တောက်ရန်သည် အတိုင်းအထက်အလွန် ဝမ်းမြောက်သွားရချေသည်။ ငွေနဂါးလှံကျင့်စဥ်၏ မရေမတွက်နိုင်သော စစ်မှန်သည့် အနှစ်သာရများနှင့် လျှို့ဝှက်ချက်တို့သည် သူ၏ အသိစိတ်အာရုံအတွင်းသို့ အလုံးအရင်းနှင့် စီးဝင်လာတော့၏။</p> <p> ယင်းသည် အမှန်တကယ်ပင် နှစ်ပေါင်း သောင်းနှင့်ချီ၍ ကျင့်ကြံခဲ့သည့်နှယ် ခံစားရပြီး အမျိုးမျိုးသော လှံသိုင်းပညာရပ်တို့ကို အကုန်အစင် တတ်မြောက်သွားခြင်း ဖြစ်ပေရာသတည်း။</p> <p>ထို့အပြင် ငွေနဂါးလှံကျင့်စဥ်ကို မူလသဘာဝသို့ ပြန်လည်ရောက်ရှိခြင်းအဆင့်အထိ လေ့ကျင့်ပြီးနောက် လျှို့ဝှက်ကျင့်စဉ် နှစ်မျိုးကိုလည်း ဆင့်ပွားရရှိခဲ့သေးသည်။</p> <p>တစ်မျိုးမှာ 'ပင်လယ်တွင်းမှ ထွက်ပေါ်လာသော ငွေနဂါး' ဟု အမည်ရပြီး တိုက်ရိုက်ထိရောက်သော အပြင်းအထန် တိုက်ခိုက်မှုမျိုး ဖြစ်ပေသည်။</p> <p>အခြားတစ်မျိုးမှာမူ 'ရေသောက်ဆင်းသော ငွေနဂါး' ဖြစ်ပြီး ကောင်းကင်ယံမှ တိမ်မည်းများ ဖုံးလွှမ်းလျက် အောက်သို့ ထိုးဆင်းတိုက်ခိုက်ရသည့် ကျင့်စဉ်ဖြစ်ရာ ရုတ်တရက် ချောင်းမြောင်းတိုက်ခိုက်ရန် အလွန်သင့်လျော်သည့်အပြင် အဆင့်တူကျင့်ကြံသူတစ်ဦး၏ ဦးခေါင်းကို တစ်ချက်တည်းနှင့် ပွင့်ထွက်သွားစေနိုင်လောက်အောင် အစွမ်းထက်လှပေသည်။</p> <p>“ဟူး...”</p> <p>နင်တောက်ရန်သည် စိတ်အားတက်ကြွနေခိုက် မြေပြင်သို့ အပြေးတက်ကာ သူ၏ သိုလှောင်အိတ်အတွင်းမှ အဘိုးအို၏ လှံကို ထုတ်ယူလိုက်သည်။ ထို့နောက် မူလသဘာဝသို့ ပြန်လည်ရောက်ရှိခြင်းအဆင့်ရှိ ငွေနဂါးလှံပညာကို ချက်ချင်းပင် စတင်လေ့ကျင့်တော့၏။</p> <p>လှံဖျားက လေထုကို ခွင်းလိုက်သည့်ခဏ၌ ငွေနဂါး၏ ပုံရိပ်ယောင်တို့သည် လှံသွားနှင့်အတူ ထွက်ပေါ်လာချေရာ ယင်းသည် စစ်မှန်သော သိုင်းပညာ၏ ဝိညာဉ်နိုးထလာခြင်းပင် ဖြစ်တန်ရာသည်။</p> <p>“လျှို့ဝှက်ကျင့်စဉ် - ပင်လယ်တွင်းမှ ထွက်ပေါ်လာသော ငွေနဂါး...”</p> <p>လေခွင်းသံနှင့်အတူ ငွေဖြူရောင် လှံအလင်းတန်းသည် နဂါးတစ်ကောင်၏ ဟိန်းဟောက်သံနှင့်အတူ ထိုးထွက်သွားတော့၏။</p> <p>ထို့ပြင် ကောင်းကင်ယံ၌ တိမ်မည်းများ လိပ်တက်လာခြင်းမှာ သိုင်းပညာ၏ အထွတ်အထိပ်သည် မြေပြင်နှင့် ကောင်းကင်ကိုပင် တုန်လှုပ်စေနိုင်ကြောင်း သက်သေပြနေသကဲ့သို့ ရှိချေသည်။</p> <p>အနန္တဂိုဏ်း၏ အထက်ကောင်းကင်ယံ၌ ငွေနဂါးတစ်ကောင်၏ ဟိန်းဟောက်သံသည် ပဲ့တင်ထပ်သွားရပေတော့သည်။</p> <p>နင်တောက်ရန်သည် ထိုဖြစ်ရပ်ကြောင့် အလွန်တရာ ထိတ်လန့်သွားကာ သူ၏ လှံကို ဆွဲ၍ ပေနှစ်ဆယ်ခန့် နက်သော မြေအောက်ခန်းအတွင်းသို့ အပြေးအလွှားပင် ဝင်ရောက်ပုန်းအောင်းလိုက်ရလေတော့သည်။</p> <p>နောင်တစ်ချိန်တွင် တောင်ပေါ်မှ ဆင်းရန်အတွက် ကျွန်ုပ်၌ အားကိုးရာတစ်ခု တိုးလာခဲ့ချေပြီဟု သူသည် ဝမ်းသာအားရ တွေးတောမိတော့သည် ။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save