Book List

<h2 style="text-align:center">အခန်း (၂၉၅)</h2> <h2 style="text-align:center">ဆန်းကြယ်မီးကို ဆွဲထုတ်ခြင်း</h2> <h2 style="text-align:center">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">အမည်းရောင်အလွှာ ကွာကျသွားသောအခါ လက်ဆစ်တစ်ဆစ်ထက်ပင် သေးငယ်ပြီး အရောင်ခြောက်မျိုး လင်းလက်နေသည့် ဆေးလုံးလေးတစ်လုံး ပေါ်ထွက်လာသည်။ ထိုဆေးလုံးထံမှ တောင်တန်းကြီးတစ်ခုကဲ့သို့ ဖိအားမျိုး ထွက်ပေါ်နေကာ ရှိနေသူအားလုံးကို အသက်ရှူကြပ်သွားစေသည်။</p> <p style="text-align:justify"> </p> <p style="text-align:justify">ဤအခိုက်အတန့်တွင် လူတိုင်းနီးပါး ခေါင်းမူးမိုက်သွားသကဲ့သို့ ခံစားလိုက်ရသည်။</p> <p style="text-align:justify"> </p> <p style="text-align:justify">မှော်ဆေးပညာရှင်များအနေဖြင့် ယခုဖြစ်ပျက်နေသမျှအရာအားလုံးက သူတို့၏ နားလည်နိုင်စွမ်းကို လုံးဝ ကျော်လွန်သွားခဲ့ပြီ ဖြစ်သည်။</p> <p style="text-align:justify"> </p> <p style="text-align:justify">ဒါက ဒဏ္ဍာရီတစ်ခု... အံ့ဖွယ်ရာတစ်ခုပဲ...</p> <p style="text-align:justify"> </p> <p style="text-align:justify">ရှောင်နင်က လုချန်ကို မျက်လုံးပြူးကြီးများဖြင့် စိုက်ကြည့်နေမိသည်။</p> <p style="text-align:justify"> </p> <p style="text-align:justify">လွန်ခဲ့သော ဆယ့်တစ်နာရီအတွင်း ဤသခင်လေးသည် ကြယ်သုံးပွင့်အဆင့် ဆေးလုံးဖော်မြူလာကို မလေ့လာဘဲ ဇယ်ထျန်းဆေးလုံးကိုသာ အဘယ်ကြောင့် အဆက်မပြတ် စိုက်ကြည့်နေရသနည်းဟု သူမ စူးစမ်းချင်စိတ် ဖြစ်ခဲ့မိသည်။ ယခုတော့ သူမ နောက်ဆုံးတွင် နားလည်သွားခဲ့ပြီ။ သခင်လေးက ဇယ်ထျန်းဆေးလုံးကို ဖော်စပ်ရန် ဤသို့ ပြုလုပ်နေခဲ့ခြင်းပင်။</p> <p style="text-align:justify"> </p> <p style="text-align:justify">“ဘုန်း...”</p> <p style="text-align:justify"> </p> <p style="text-align:justify">ကောင်းကင်ထက်မှ ကျယ်လောင်သောအသံကြီးကြောင့် လူအများစု သတိပြန်ဝင်လာကြသည်။ သူတို့၏ အထက်တွင် မည်းမှောင်သော တိမ်တိုက်ကြီးများ စုရုံးလာနေသည်။</p> <p style="text-align:justify"> </p> <p style="text-align:justify">“ဟိုမှာ ကြည့်လိုက်... ဆေးလုံးကပ်ဘေး... ဆေးလုံးကပ်ဘေး ကျရောက်လာပြီ...”</p> <p style="text-align:justify"> </p> <p style="text-align:justify">လူတစ်ယောက်က အထက်သို့ လက်ညှိုးထိုးပြကာ အော်ဟစ်လိုက်သည်။</p> <p style="text-align:justify"> </p> <p style="text-align:justify">ကြယ်ခြောက်ပွင့်အဆင့် အရည်အသွေးရှိသော မည်သည့်ဆေးလုံးမဆို ဆေးလုံးကပ်ဘေးကို ဖြစ်ပေါ်စေသည်။ အဘယ်ကြောင့်ဆိုသော် ဆေးလုံး၏ အာနိသင်က တကယ်ကို ကောင်းကင်ဘုံကို အံတုနိုင်လွန်းသောကြောင့် ကောင်းကင်ဘုံကပင် ၎င်းကို ဖျက်ဆီးပစ်ရန် ကြိုးစားလာရခြင်း ဖြစ်သည်။</p> <p style="text-align:justify"> </p> <p style="text-align:justify">လူကြီးတစ်ယောက်၏ လက်မောင်းလုံးခန့်ရှိသော လျှပ်စီးကြောင်းတစ်ခုက ကောင်းကင်ထက်မှ ကျဆင်းလာပြီး ဆေးလုံးပေါ်သို့ ပြင်းပြင်းထန်ထန် ရိုက်ခတ်သွားသည်။</p> <p style="text-align:justify"> </p> <p style="text-align:justify">မျက်တောင်တစ်ခတ်အတွင်းမှာပင် လျှပ်စီးကြောင်းက ပျောက်ကွယ်သွားသည်။ ထပ်မံကြည့်ရှုလိုက်သောအခါ အရောင်ခြောက်မျိုးရှိသော ဆေးလုံးလေးမှာ အတော်လေး သေးငယ်သွားသော်လည်း ၎င်း၏ ဆေးရနံ့ကတော့ ပိုမို ပြင်းပြလာခဲ့သည်။</p> <p style="text-align:justify"> </p> <p style="text-align:justify">ထို့နောက် ဆေးလုံး၏ မျက်နှာပြင်ပေါ်တွင် အကွက်အဆင်များ စတင်ပေါ်ပေါက်လာပြီး အလွှာလိုက် အဝိုင်းကွင်းများဖြင့် ဖုံးလွှမ်းသွားလေသည်။</p> <p style="text-align:justify"> </p> <p style="text-align:justify">“ကြယ်ခြောက်ပွင့်အဆင့်... ဘယ်လိုလုပ် ဖြစ်နိုင်မှာလဲ... ဒါက တကယ်ကြီး ဇယ်ထျန်းဆေးလုံးပဲ...”</p> <p style="text-align:justify">တောင်ကြားသခင်ဟုန်က မယုံကြည်နိုင်စွာဖြင့် ရေရွတ်လိုက်သည်။</p> <p style="text-align:justify"> </p> <p style="text-align:justify">တောင်ကြားသခင်ဟုန်၏ ထောက်ခံသူများလည်း ပါးစပ်ပိတ်သွားကြပြီး လုချန်ကို ကြည့်နေသော သူတို့၏ အကြည့်များတွင် ထိတ်လန့်ကြောက်ရွံ့မှုများ ပြည့်နှက်နေသည်။</p> <p style="text-align:justify"> </p> <p style="text-align:justify">ဤမျှ ငယ်ရွယ်သောလူငယ်တစ်ယောက်က ဤကဲ့သို့ နည်းစနစ်မျိုးကို ပိုင်ဆိုင်ထားခြင်းက တကယ်ကို ကြောက်စရာကောင်းလှပြီး သူတို့ တစ်ခါမှပင် မကြားဖူးခဲ့သော အရာဖြစ်သည်။</p> <p style="text-align:justify"> </p> <p style="text-align:justify">တစ်ချိန်တည်းမှာပင် တောင်ကြားသခင်စွန်းကို ထောက်ခံသူများက အံ့အားသင့်နေရာမှ လွန်စွာ ဝမ်းသာပျော်ရွှင်သွားကြပြီး ချက်ချင်းပင် အောင်ပွဲခံ အော်ဟစ်လိုက်ကြသည်။</p> <p style="text-align:justify"> </p> <p style="text-align:justify">သက်လတ်ပိုင်းအမျိုးသမီး နားလည်သွားသည်။ သခင်လေးသည် အမြဲတမ်း မောက်မာစွာ ပြုမူပြီး ပြိုင်ဘက်ကို အမှိုက်ဟု ခေါ်ခဲ့သည်။ ၎င်းက သူတို့ကို ရန်စဖို့ ကြိုးစားရုံသက်သက် မဟုတ်ဘဲ သူ့တွင် တကယ်ကို အရည်အချင်းရှိနေခြင်းဖြစ်ပြီး ‘အမှိုက်’၊ ‘အသုံးမကျတဲ့ကောင်’ ဟု ထပ်ခါတလဲလဲ ဆဲရေးခဲ့ခြင်းများက သူ၏ ရင်ထဲမှ အစစ်အမှန် လာခြင်းပင်။</p> <p style="text-align:justify"> </p> <p style="text-align:justify">“မဖြစ်နိုင်ဘူး... လုံးဝ မဖြစ်နိုင်ဘူး... မင်း လိမ်တာ... မင်း လိမ်တာ ဖြစ်ရမယ်... မင်းက ကြယ်ခြောက်ပွင့်အဆင့် ပါဝင်ပစ္စည်းတွေကို သုံးခဲ့တာမလား... မဟုတ်ဘူး... ကြယ်ခုနစ်ပွင့်အဆင့် ပါဝင်ပစ္စည်းတွေကို သုံးခဲ့တာမလား...”</p> <p style="text-align:justify">မှုန်ကုပ်ကုပ်လူငယ်၏ မျက်နှာပေါ်မှ မောက်မာမှုများ ပျောက်ကွယ်သွားပြီး လုချန်ကို လက်ညှိုးထိုးလိုက်ရာ သူ၏နှုတ်ခမ်းများပင် အနည်းငယ် ဖြူရော်နေလေသည်။</p> <p style="text-align:justify"> </p> <p style="text-align:justify">“အဓိပ္ပာယ်မရှိတာတွေ ပြောမနေနဲ့... ငါက လူတိုင်းရှေ့မှာ ဆေးဖော်စပ်ပြခဲ့တာ... ငါ ဘာပါဝင်ပစ္စည်းတွေ သုံးခဲ့လဲဆိုတာ အားလုံး အမြင်ပဲ... ရှုံးတာကို ဝန်ခံပြီး မင်းရဲ့ ဆန်းကြယ်မီးကို ပေးလိုက်တော့...”</p> <p style="text-align:justify"> </p> <p style="text-align:justify">“ငါ့ကို လာမလိမ်နဲ့... မင်းက ငါ့ရဲ့ ဆန်းကြယ်မီးကို အကြံအစည်နဲ့ လှည့်စားပြီး လုယူချင်နေတာပဲ... မဖြစ်နိုင်ဘူး...”</p> <p style="text-align:justify">မှုန်ကုပ်ကုပ်လူငယ်က ခေါင်းခါလိုက်ပြီး လုချန်ကို မျက်နှာမူရင်း နောက်သို့ ဆက်တိုက် ဆုတ်ခွာသွားသည်။ ထိုဆန်းကြယ်မီးက သူ၏ အခြေခံအုတ်မြစ်ဖြစ်ရာ သူ လုံးဝ ပေးအပ်နိုင်မည် မဟုတ်ပေ။</p> <p style="text-align:justify"> </p> <p style="text-align:justify">“ဟက်ဟက်... ကြိုက်သလိုပြော... လောင်းကြေးကို အကောင်အထည်ဖော်ရမယ့်အချိန် ရောက်ပြီ...”</p> <p style="text-align:justify"> </p> <p style="text-align:justify">“ဂျူနီယာ... ဘယ်အချိန် ရပ်ရမလဲဆိုတာ သိထားဖို့ ကောင်းမယ်နော်...”</p> <p style="text-align:justify">တောင်ကြားသခင်ဟုန်က လုချန်နှင့် မှုန်ကုပ်ကုပ်လူငယ်ကြားသို့ ရုတ်တရက် ဝင်ရပ်လိုက်သည်။</p> <p style="text-align:justify">“ဒီပွဲမှာ မင်း နိုင်သွားတယ်ဆိုပေမယ့် အရမ်းကြီး အတင်းအကျပ် မလုပ်တာ ပိုကောင်းမယ်...”</p> <p style="text-align:justify"> </p> <p style="text-align:justify">“ဟာသပဲ... စောစောက ကျုပ်တို့နှစ်ယောက် လောင်းကြေး သဘောတူတုန်းက ခင်ဗျား ဒီလိုပုံစံမျိုး မဟုတ်ပါဘူး...”</p> <p style="text-align:justify">လုချန်က လှောင်ပြုံးပြုံးလိုက်သည်။</p> <p style="text-align:justify"> </p> <p style="text-align:justify">စောစောက သူ မနိုင်နိုင်ဘူးဟု လူတိုင်း ထင်မှတ်ထားချိန်တွင် ဤလူက ‘သူတို့ဘာသာသူတို့ ကိစ္စ’ ဟု အော်ဟစ်နေခဲ့သည်။ ယခု သူ နိုင်သွားသောအခါကျမှ မျက်နှာလိုက်ရန် ကြိုးစားနေလေသည်။</p> <p style="text-align:justify"> </p> <p style="text-align:justify">“ဂျူနီယာ... လွန်မသွားခင် ရပ်လိုက်တာ ကောင်းမယ်... ဆန်းကြယ်မီးဆိုတာ ဘာလဲဆိုတာကိုရော မင်း နားလည်ရဲ့လား... လောင်းကြေးတစ်ခုတည်းကို အခြေခံပြီး တခြားလူရဲ့ ဆန်းကြယ်မီးကို လုယူဖို့ ကြိုးစားနေတာက မင်းရဲ့ စိတ်ရင်း အရမ်းယုတ်မာလွန်းနေပြီ...”</p> <p style="text-align:justify"> </p> <p style="text-align:justify">လုချန်က သူ့ကို လျစ်လျူရှုကာ မှုန်ကုပ်ကုပ်လူငယ်ကို ကြည့်လိုက်သည်။</p> <p style="text-align:justify">“ငါ မေးမယ်... မင်းက ဒီလောင်းကြေးကို အကောင်အထည်ဖော်ဖို့ ငြင်းဆန်နေတာလား...”</p> <p style="text-align:justify"> </p> <p style="text-align:justify">“မင်းက ငါ့ကို လှည့်စားပြီး ငါ့ရဲ့ ဆန်းကြယ်မီးကို ခိုးယူဖို့ အကြံအစည်ထုတ်ခဲ့တာ...”</p> <p style="text-align:justify"> </p> <p style="text-align:justify">“မင်းလိုကောင်က စကားနောက်ပြန်ရုတ်မယ်ဆိုတာ ငါ သိပြီးသားပါ...”</p> <p style="text-align:justify">လုချန်က လှောင်ပြုံးပြုံးလိုက်သည်။ ဤအခိုက်အတန့်တွင် သူနှင့် မှုန်ကုပ်ကုပ်လူငယ်ကို ချိတ်ဆက်ထားသော လျှို့ဝှက်ဆန်းကြယ်သည့် စွမ်းအားက စတင် အလုပ်လုပ်လာကြောင်း ရှင်းရှင်းလင်းလင်း ခံစားလိုက်ရသည်။</p> <p style="text-align:justify"> </p> <p style="text-align:justify">မမြင်ရသော လက်ကြီးတစ်ဖက်က မှုန်ကုပ်ကုပ်လူငယ်ကို ဆုပ်ကိုင်လိုက်သည့် မြင်ကွင်းက လုချန်၏ စိတ်ထဲတွင် သဘာဝကျကျ ပေါ်လာသည်ကို အလွန် ရှင်းလင်းစွာ သိလိုက်ရသည်။ ထို့နောက် ချက်ချင်းပင် မှုန်ကုပ်ကုပ်လူငယ်ထံမှ စူးရှသော အော်ဟစ်သံကြီး ထွက်ပေါ်လာလေသည်။</p> <p style="text-align:justify"> </p> <p style="text-align:justify">အပြင်လူများအမြင်တွင် မှုန်ကုပ်ကုပ်လူငယ်သည် ဟင်းလင်းပြင်ထဲမှ စွမ်းအားတစ်ခုခု၏ ဖမ်းဆုပ်ခြင်းကို ခံလိုက်ရပုံပေါ်ပြီး သူ၏ပတ်လည်တွင် ပြင်းထန်သော လေပြင်းတစ်ရပ် အလိုလို ထွက်ပေါ်လာသည်။</p> <p style="text-align:justify"> </p> <p style="text-align:justify">“အား...”</p> <p style="text-align:justify"> </p> <p style="text-align:justify">မှုန်ကုပ်ကုပ်လူငယ်၏ ကိုယ်ပေါ်ရှိ အနက်ရောင်မီးတောက်သည် သူ၏ကိုယ်တွင်းမှ အတင်းအဓမ္မ ဆွဲထုတ်ခံနေရပုံပေါ်သည်။ အလွန်ကြီးမားသော မီးတောက်များ ပြန့်နှံ့သွားသည်ကို လူတိုင်းက အံ့အားသင့်စွာ ကြည့်နေကြသည်။ မီးတောက်များ ပိုကြီးလာသည်နှင့်အမျှ မှုန်ကုပ်ကုပ်လူငယ်၏ ခန္ဓာကိုယ်ပေါ်တွင် မီးလောင်ဒဏ်ရာများပင် ထွက်ပေါ်လာသည်။</p> <p style="text-align:justify"> </p> <p style="text-align:justify">ဤမြင်ကွင်းကို ကြည့်ရင်း အခြားသူများက တီးတိုးရေရွတ်လိုက်ကြသည်။</p> <p style="text-align:justify">“ခရမ်းရောင်လော့ အစွန်းရောက်မီးတောက်လေ... သူနဲ့ ချိတ်ဆက်ထားတာ ပျောက်ကွယ်သွားပြီပဲ...” (ရှေ့မှာတုန်းက ခရမ်းရောင်အစွန်းရောက် လို့ပဲ ပါပေမယ့် ဒီနေရာမှာ (Luo)လော့ ဆိုပြီး တစ်လုံးပိုလာပါတယ်။ ရှေ့ကမီးတောက်နဲ့ အတူတူပါပဲ)</p> <p style="text-align:justify"> </p> <p style="text-align:justify">ထို့နောက် ချက်ချင်းပင် ကြီးမားသော အနက်ရောင်မီးတောက်အစုအဝေးကြီးက သူ၏ ခန္ဓာကိုယ်မှ လွင့်စင်ထွက်သွားသည်။ မှုန်ကုပ်ကုပ်လူငယ်က သွေးတစ်လုပ် အန်ချလိုက်ပြီး သူ၏ မျက်နှာက ချက်ချင်း သေလူလို ဖြူဖျော့သွားကာ သတိလစ်မေ့မြော၍ လဲကျသွားလေသည်။</p> <p style="text-align:justify"> </p> <p style="text-align:justify">အနက်ရောင်မီးတောက်က လေထဲတွင် ပျောက်ကွယ်သွားသည်။ အခြားသူများအဖို့ ၎င်းက မှုန်ကုပ်ကုပ်လူငယ်ထံမှ ထွက်ခွာသွားရုံသာဟု ထင်ရသော်လည်း ထိုခရမ်းရောင်လော့ အစွန်းရောက်မီးတောက်ကို တည်းခိုခန်းမှ စုပ်ယူသွားကြောင်း လုချန်က ရှင်းရှင်းလင်းလင်း သိနေသည်။</p> <p style="text-align:justify"> </p> <p style="text-align:justify">ဤမြင်ကွင်းက အလွန် ရုတ်တရက် ဆန်လွန်းလှသဖြင့် လူတိုင်း ဇဝေဇဝါ ဖြစ်သွားကြသည်။ ပေါင်းစပ်ထားပြီးသားဖြစ်သော ဆန်းကြယ်မီးတစ်ခု ပိုင်ရှင်နှင့် ကွဲကွာသွားခြင်းမျိုး တစ်ခါမှ မကြားဖူးခဲ့ပေ။</p> <p style="text-align:justify"> </p> <p style="text-align:justify">တောင်ကြားသခင်ဟုန် တစ်ယောက်တည်းသာ ၎င်းကို ထိုးထွင်းသိမြင်သွားပြီး သူ၏ အကြည့်က ချက်ချင်း အေးစက်ကြမ်းတမ်းသွားကာ လုချန်ကို စူးရဲစွာ စိုက်ကြည့်လိုက်သည်။</p> <p style="text-align:justify"> </p> <p style="text-align:justify">“ဂျူနီယာ... မင်းရဲ့ စိတ်နှလုံးက တကယ်ကို ရက်စက်ယုတ်မာလွန်းတယ်...”</p> <p style="text-align:justify"> </p> <p style="text-align:justify">“ဒါက မူလကတည်းက ကျုပ်တို့ရဲ့ လောင်းကြေးထဲမှာ ပါပြီးသားလေ...”</p> <p style="text-align:justify"> </p> <p style="text-align:justify">ဤစကားကို ကြားလိုက်ရသောအခါ စောစောက ဖြစ်ပျက်ခဲ့သမျှ အရာအားလုံးက သူတို့ရှေ့ရှိ သခင်လေး၏ လက်ချက်ဖြစ်ကြောင်း လူအုပ်ကြီးက ရုတ်တရက် သဘောပေါက်သွားကြသည်။ ဤအခိုက်အတန့်တွင် သူတို့က လုချန်၏ နည်းလမ်းများကို ထပ်မံ၍ ထိတ်လန့်အံ့ဩသွားကြပြန်သည်။ အခြားသူတစ်ယောက်၏ ဆန်းကြယ်မီးကို တိတ်တဆိတ် ဆွဲထုတ်နိုင်ခြင်းက နောက်ထပ် ကောင်းကင်ဘုံကို အံတုနိုင်သော စွမ်းရည်တစ်ခုပင် မဟုတ်ပါလား။</p> <p style="text-align:justify"> </p> <p style="text-align:justify">တောင်ကြားသခင်ဟုန်က တစ်ခုခု ဆက်ပြောရန် ပြင်လိုက်စဉ်မှာပင် သက်လတ်ပိုင်းအမျိုးသမီးက ဝင်ပြောလိုက်ရာ သူမသည် ဆေးတောင်ကြားအတွင်း၌ အတိုင်းအတာတစ်ခုအထိ အဆင့်အတန်းရှိကြောင်း ပြသနေသည်။</p> <p style="text-align:justify"> </p> <p style="text-align:justify">“သူတို့နှစ်ယောက် လောင်းကြေးထပ်ခဲ့တာကို ကျွန်မတို့အားလုံး မျက်မြင်သက်သေပဲလေ... ဒါကြောင့် သဘောတူညီချက်ကို အကောင်အထည်ဖော်တာက လုံးဝ သဘာဝကျပါတယ်... တောင်ကြားသခင်ဟုန်... ရှင်က ရှင့်ရဲ့ လွှမ်းမိုးမှုကို သုံးပြီး တခြားသူတွေကို ဖိနှိပ်ဖို့ ကြိုးစားနေတာတော့ မဟုတ်ပါဘူးနော်... ဪ ဟုတ်သားပဲ... ရှင်က အခု တောင်ကြားသခင် မဟုတ်လောက်တော့ဘူး... ဒီပြိုင်ပွဲရဲ့ ရလဒ်ကို လူတိုင်း ရှင်းရှင်းလင်းလင်း သိကြမယ်လို့ ကျွန်မ ယုံကြည်ပါတယ်...”</p> <p style="text-align:justify"> </p> <p style="text-align:justify">“ဟုတ်တယ်... ဒီပြိုင်ပွဲမှာ ခင်ဗျား ရှုံးသွားပြီ... တောင်ကြားသခင် ရာထူးက ခင်ဗျားအတွက် မဟုတ်တော့ဘူး...”</p> <p style="text-align:justify"> </p> <p style="text-align:justify">သက်လတ်ပိုင်းအမျိုးသမီး စကားပြောပြီးနောက် အလားတူအသံများ ချက်ချင်း ပဲ့တင်ထပ်လာသည်။</p> <p style="text-align:justify"> </p> <p style="text-align:justify">ဤအသံများကို ကြားသောအခါ တောင်ကြားသခင်ဟုန်က ခေါင်းကို အဆက်မပြတ် ညိတ်လိုက်သည်။ လူတိုင်း အံ့အားသင့်သွားစေသည်မှာ ထို့နောက် သူက အသံကျယ်ကြီးဖြင့် ရယ်မောလိုက်ခြင်းပင်။ ထိုကိစ္စအတွက် သူက တကယ်ကို ဝမ်းသာနေပုံရသည်။</p> <p style="text-align:justify"> </p> <p style="text-align:justify">“ကောင်းတယ်... အရမ်းကောင်းတယ်... ဟားဟားဟား... အဲဒီလိုဆိုရင်လည်း တောင်ကြားသခင် ရာထူးကို ငါ ဂရုမစိုက်ဘူး... ဒါပေမဲ့ ဟို စွန်းဆိုတဲ့ကောင်က ဒီမှာ မရှိတဲ့အတွက် ဒုတိယတောင်ကြားသခင်အနေနဲ့ ဆေးတောင်ကြားရဲ့ ကိစ္စတွေကို ငါ ဆက်ပြီး တာဝန်ယူရမှာပဲ... ပြိုင်ပွဲလည်း ပြီးသွားပြီဆိုတော့ ဒီ အပြင်လူကို မြန်မြန် ထွက်သွားခိုင်းလိုက်ပါတော့...”</p> <p style="text-align:justify"> </p> <p style="text-align:justify">တောင်ကြားသခင်ဟုန်က သူ၏ အင်္ကျီလက်ကို ခါယမ်းလိုက်ပြီး ဇယ်ထျန်းဆေးလုံးကို လှမ်းယူရန် လက်ကို ဆန့်ထုတ်လိုက်သည်။</p> <p style="text-align:justify"> </p> <p style="text-align:justify">“ရှင် ဘာလုပ်မလို့လဲ...”</p> <p style="text-align:justify">သက်လတ်ပိုင်းအမျိုးသမီးက သူ၏ ရည်ရွယ်ချက်ကို ချက်ချင်း သိလိုက်ပြီး သူ့ကို တားဆီးရန် ချက်ချင်း လှုပ်ရှားလိုက်သည်။</p> <p style="text-align:justify"> </p> <p style="text-align:justify">“ဖယ်စမ်း...”</p> <p style="text-align:justify">တောင်ကြားသခင်ဟုန်ထံမှ အလွန်ကြီးမားသော စိတ်ဝိညာဉ်ချီများ ပေါက်ကွဲထွက်လာသည်။ သူက မှော်ဆေးပညာရှင်တစ်ဦး ဖြစ်ရုံသာမက ဝိညာဉ်ပြောင်းလဲခြင်း နောက်ဆုံးအဆင့် ပညာရှင်တစ်ဦးလည်း ဖြစ်သည်။ ရှေ့သို့ တက်လာရန် ကြိုးစားလိုက်သော သက်လတ်ပိုင်းအမျိုးသမီးမှာ သူ၏ ရိုက်ခတ်မှုလှိုင်းကြောင့် တိုက်ရိုက် လွင့်စင်သွားလေသည်။</p> <p style="text-align:justify"> </p> <p style="text-align:justify">“သူ ဇယ်ထျန်းဆေးလုံးကို ခိုးယူဖို့ ကြိုးစားနေတယ်... သူ့ကို တားကြ...”</p> <p style="text-align:justify"> </p> <p style="text-align:justify">သက်လတ်ပိုင်းအမျိုးသမီးက အော်ဟစ်လိုက်ကာ တောင်ကြားသခင်ဟုန်၏ ရည်ရွယ်ချက်များကို ဖွင့်ချလိုက်သည်။</p> <p style="text-align:justify"> </p> <p style="text-align:justify">“ဟားဟားဟား... ဒါက မူလကတည်းက ငါတို့ ဆေးတောင်ကြားပိုင်တဲ့အရာပဲ... ဒုတိယတောင်ကြားသခင်အနေနဲ့ ဒါကို ငါယူတာ ဘာဖြစ်လဲ...”</p> <p style="text-align:justify">တောင်ကြားသခင်ဟုန်က ဆေးလုံးကို ဆုပ်ကိုင်လိုက်သည်။ ဤအခိုက်အတန့်တွင် အခြား မည်သည့်အရာကိုမဆို သူ ဂရုမစိုက်တော့ပေ။</p> <p style="text-align:justify"> </p> <p style="text-align:justify">ကြယ်ခြောက်ပွင့်အဆင့် ဆေးလုံး... ဇယ်ထျန်းဆေးလုံး... ဒါက ကံကြမ္မာကို ရွေးချယ်နိုင်တယ်လေ...</p> <p style="text-align:justify"> </p> <p style="text-align:justify">ဒီအရာကို ရထားမှတော့ တောင်ကြားသခင်ရာထူးက ဘာအရေးပါတော့လို့လဲ...</p> <p style="text-align:justify"> </p> <p style="text-align:center">***</p>


Save