Book List

<h2 style="text-align: center;">အခန်း (၂၉၄)</h2> <h2 style="text-align: center;">ကျွန်မပဲ ဖြစ်နေပြန်ပြီ</h2> <h2 style="text-align: center;">*</h2> <p> </p> <p>ဒုတိယမြောက် ယှဉ်ပြိုင်ရမည့် ဟင်းလျာမှာ ကိုရီးယား အအေးခေါက်ဆွဲ ဖြစ်သည်။ ဤနေရာတွင် မင်ယွဲ့၏ ဓားရေးပညာမှာ ကြည့်ရှုသူအပေါင်းကို မှင်သက်သွားစေခဲ့သည်။ သူမ လှီးဖြတ်လိုက်သော အမဲသားပြားများမှာ ပုရစ်တောင်ပံကဲ့သို့ ပါးလွှာလွန်းလှပြီး သခွားသီးစိတ်လေးများမှာလည်း ပိုးသားမျှင်လေးများ</p> <p>အလား သေသပ်လှပလှသည်။</p> <p>ပြင်ဆင်မှုများအပြီးတွင် မင်ယွဲ့၏ ပါဝင်ပစ္စည်းများမှာ စနစ်တကျ အသင့်ဖြစ်နေပြီ ဖြစ်သည်။ </p> <p>သူမ၏ ဘေးရှိ ကိုရီးယားအမျိုးသားမှာမူ မင်ယွဲ့၏ ကျွမ်းကျင်လှသော လှုပ်ရှားမှုများကို ကြည့်ရင်း စိတ်တည်ငြိမ်မှုများ ပြိုကွဲကာ တစ်ကိုယ်လုံး တုန်ရင်လာတော့သည်။ ဤဟင်းလျာသည် မင်ယွဲ့အတွက် မခဲယဉ်းလှသော်လည်း တစ်ဖက်လူအတွက်မူ ကြီးမားသော ဖိအားတစ်ခု ဖြစ်နေသည်။</p> <p>ဟင်းလျာများကို အမည်မဖော်ဘဲ တင်ဆက်လိုက်သောအခါ ဒိုင်လူကြီးများက တစ်ခုချင်းစီကို စေ့စပ်စွာ မြည်းစမ်းကြသည်။</p> <p>"ဒါကတော့ အကောင်းဆုံးပဲ၊ စွပ်ပြုတ်က အရသာ ပြည့်စုံသလို ခေါက်ဆွဲသားကလည်း အိစက်ညက်ညောနေတာပဲ"</p> <p>ရလဒ်ထွက်ပေါ်လာသောအခါ ကိုရီးယားတို့ လုံးဝ မျက်နှာပျက်သွားကြရသည်။</p> <p>"ကျွန်တော်က ကိုရီးယားလူမျိုးပဲ၊ အအေးခေါက်ဆွဲက ငါတို့နိုင်ငံရဲ့ အစစ်အမှန် အရသာခင်ဗျားတို့ရဲ့ အရသာခံစားမှုက မှားနေပြီ၊ ဒီရလဒ်ကို ကျွန်တော် လက်မခံနိုင်ဘူး" </p> <p>ဟု ကိုရီးယားပြိုင်ပွဲဝင်က အရှက်ပြေ အော်ဟစ်သည်။</p> <p>"ကိုရီးယား အအေးခေါက်ဆွဲက ကိုရီးယားဟာ ဖြစ်နိုင်ပေမဲ့ ကောင်းမွန်တဲ့ အစားအသောက်ဆိုတာကတော့ တစ်ကမ္ဘာလုံးနဲ့ ဆိုင်ပါတယ် ဒါက အချက်အပြုတ် စွမ်းရည်ပြိုင်ပွဲ ဖြစ်တဲ့အတွက် ဘယ်သူက အကောင်းဆုံး အရသာကို ဖော်</p> <p>ဆောင်နိုင်သလဲဆိုတာကပဲ အဓိကပါ"</p> <p> ဟု ဒိုင်လူကြီးများက တည်ငြိမ်စွာ တုံ့ပြန်သည်။</p> <p>ကိုရီးယားလူငယ်က ဆက်လက်ငြင်းခုံရန် ပြင်သော်လည်း ဒိုင်လူကြီးတစ်ဦးက ပြတ်သားစွာပင် -</p> <p>"ရှုံးနိမ့်မှုကို အသိအမှတ်မပြုဘဲ ငြင်းခုံနေတာဟာ အနိုင်မခံ အရှုံးမပေးတတ်တဲ့ ကလေးတစ်ယောက်ရဲ့ အပြုအမူမျိုးပဲ ဒါဟာ တကယ့်ကို ရှက်စရာကောင်းပါတယ်" </p> <p>ဟု အဆုံးသတ်လိုက်သည်။</p> <p>ထို့နောက် မင်ယွဲ့ကို အမှတ်ပြည့် ၁၀ မှတ် ပေးလိုက်ရာ ကိုရီးယားတို့မှာ ခေါင်းမူးနောက်သွားကြရသည်။ </p> <p>မိမိတို့၏ ကိုယ်ပိုင်ဟင်းလျာနှစ်မျိုးစလုံးတွင် ရှုံးနိမ့်ခဲ့ရသဖြင့် ကျန်ရှိသည့် တရုတ်ဟင်းလျာများတွင် အနိုင်ရရန်မှာ ပို၍ပင် မဖြစ်နိုင်တော့ပေ။</p> <p>မျှော်လင့်ထားသည့်အတိုင်းပင် ဒုံဖိုဝက်သားဟင်းနှင့် ယန်ကျိုးထမင်းကြော် ပြိုင်ပွဲများမှာ မင်ယွဲ့အတွက် သူမ၏ စွမ်းဆောင်ရည်ကို ထုတ်ဖော်</p> <p>ပြသရသည့် စင်မြင့်တစ်ခုကဲ့သို့ ဖြစ်နေသည်။ </p> <p>ဒယ်အိုးကို မြှောက်၍ လှန်လိုက်တိုင်း ပါဝင်ပစ္စည်းများမှာ လေထဲတွင် ဝဲပျံနေကြပြီး သူမ၏ သွက်လက်သော လှုပ်ရှားမှုများမှာ ရုပ်ရှင်တစ်ကားကို ကြည့်နေရသကဲ့သို့ ခမ်းနားလှသည်။</p> <p>အချက်အပြုတ်ကဏ္ဍတွင် မင်ယွဲ့သည် နံပါတ်တစ်ဆုကို ထိုက်ထိုက်တန်တန် ဆွတ်ခူးသွားခဲ့သည်။ </p> <p>သူမသည် အောင်နိုင်သူဖြစ်သော်လည်း မောက်မာခြင်းမရှိဘဲ အေးချမ်းစွာပင် ရှိနေသည်။ နိုင်ငံခြားရေးဝန်ကြီးဌာနမှ လူကြီးများကမူ မင်ယွဲ့ကဲ့သို့သော ပါရမီရှင်တစ်ဦးကို မိမိတို့ဝန်ကြီးဌာနသို့ မဝင်ရောက်လိုခြင်းအတွက် အလွန်ပင် နှမြောတသ ဖြစ်နေကြရသည်။</p> <p>မွန်းလွဲပိုင်းတွင် ပြိုင်ပွဲမရှိသဖြင့် ကိုရီးယားအဖွဲ့သားများမှာ ဟိုတယ်၌သာ အနားယူကြသည်။</p> <p>"ပြိုင်ပွဲ ၆ ခုမှာ ၃ ခု ရှုံးသွားပြီ၊ ကျန်တဲ့ ၃ ခုကိုတော့ အနိုင်ရမှ ဖြစ်မယ်" </p> <p>ဟု ကိုရီးယားအဖွဲ့ခေါင်းဆောင်က မည်းမှောင်သော မျက်နှာဖြင့် ဆိုလိုက်သည်။ </p> <p>သူတို့သည် တရုတ်ပြည်သို့ အရှက်ရရန် လာခဲ့ကြခြင်း မဟုတ်ပေ။</p> <p>နောက်တစ်နေ့တွင် မင်ယွဲ့သည် ကိုရီးယားတို့နှင့် ပြန်လည်ဆုံတွေ့သောအခါ သူတို့သည် မနေ့က စိတ်ဓာတ်ကျနေသည့် ပုံစံမျိုး မဟုတ်တော့ဘဲ အားသစ်လောင်းထားသည့်ပုံစံဖြင့် နိုးကြားနေကြသည်။</p> <p>"ဒီနေ့တော့ ငါတို့ ဧကန်အမှန် အနိုင်ရလိမ့်မယ်" </p> <p>ဟု ကိုရီးယားအမျိုးသားတစ်ဦးက မင်ယွဲ့ကို စိန်ခေါ်လိုက်သည်။</p> <p>မင်ယွဲ့က အေးအေးဆေးဆေးပင် ပြုံးလိုက်ရင်း -</p> <p>"ဒီနေ့လည်း ကျွန်မပဲ ဖြစ်နေပြန်ပြီ၊ ရှင်တို့ရဲ့ အောင်ပွဲကို မျှော်လင့်နေပါ့မယ်" </p> <p>ဟု သူမက ဆိုလိုက်သည်။</p> <p> ထိုစကားမှာ နတ်ဆိုးတစ်ပါး၏ တိုးတိုးလေး ကပ်ပြောလိုက်သော စကားသံကဲ့သို့ပင် ကိုရီးယားလူငယ်၏ ခြေထောက်များကို တုန်ရင်သွားစေသည်။</p> <p>ယနေ့ပြိုင်ပွဲမှာ စီးပွားရေးဆိုင်ရာ စွမ်းဆောင်ရည် ပြိုင်ပွဲဖြစ်သည်။ ၎င်းကို အထူးပြုလုပ်ထားသော စနစ် system နေရာအတွင်း၌ ယှဉ်ပြိုင်ရမည် ဖြစ်သည်။ </p> <p>တရုတ်ဘက်မှ ချမ်းသာသော မိသားစုမှ လူငယ်တစ်ဦးက မင်ယွဲ့နှင့်အတူ ပါဝင်</p> <p>ယှဉ်ပြိုင်သည်။</p> <p>"ယွဲ့ယွဲ့... စိတ်မပူနဲ့ ငါက မိသားစုလုပ်ငန်းကို အမွေမဆက်ခံရသေးပေမဲ့ ငယ်ငယ်ကတည်းက ဒါမျိုးတွေကို မြင်ဖူးသင်ဖူးပါတယ်" </p> <p>ဟု ထိုလူငယ်က ရင်ဘတ်ကို ပုတ်ကာ အားပေးသည်။</p> <p>စနစ်အတွင်းသို့ ဝင်ရောက်လိုက်သောအခါ တစ်ဦးလျှင် အရင်းအနှီး ယွမ်တစ်သန်းစီဖြင့် စတင်ရသည်။ ၎င်းမှာ ပြင်ပကမ္ဘာနှင့် မခြားနား</p> <p>ဘဲ အရောင်းအဝယ်များမှာ ပိုမိုမြန်ဆန်လှသည်။</p> <p>မင်ယွဲ့သည် စနစ်အတွင်းသို့ ဝင်ရောက်လိုက်သည်နှင့် အချိန်ဆိုင်းခြင်းမရှိဘဲ အလျင်အမြန်ပင် ဝယ်ယူခြင်း၊ ရောင်းချခြင်းနှင့် ပြန်လည်ဝယ်ယူခြင်းများကို ပြုလုပ်တော့သည်။ သူမ၏ လှုပ်ရှားမှုများမှာ လျင်မြန်လွန်းသဖြင့် ဘေးမှကြည့်နေသူများမှာ ရလဒ်ကိုသာ စောင့်ကြည့်နေကြရသည်။</p> <p>"ဒီတစ်ခါတော့ ငါတို့ နိုင်ပြီဟေ့ ဂျင်မှာ အခု ယွမ်သုံးသန်း ရှိနေပြီ၊ တရုတ်ဘက်ကတော့ အများဆုံးရှိမှ နှစ်သန်းပဲ"</p> <p> ဟု ကိုရီးယားတို့က ဝမ်းသာအားရ ဆိုကြသည်။</p> <p>"မင်ယွဲ့တော့ နောက်ဆုံးမှာ အရေးနိမ့်သွားပြီ။ သူဌေးလေး ဂျင်က ငါတို့အတွက် ကလဲ့စားချေပေးလိုက်ပြီ"</p> <p>"သူ့ကို တော်လှပြီ ထင်နေတာ၊ အခုတော့ လက်ကျန်ငွေ တစ်သိန်းပဲ ရှိတော့တယ် မကြာခင် ဒေဝါလီခံရတော့မှာပဲ"</p> <p>သို့သော်လည်း မင်ယွဲ့သည် သူမ၏ လက်ကျန်ငွေ တစ်သိန်းကို ကြည့်ရင်း မည်သည့်စိုးရိမ်မှုမျှ မရှိဘဲ တည်ငြိမ်စွာပင် သူမ၏ နောက်ဆုံး တိုက်</p> <p>ကွက်ကို ပြင်ဆင်နေလေတော့သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save