Book List

<h2 style="text-align: center;">အခန်း (၂၉၅)</h2> <h2 style="text-align: center;">ရှုံးနိမ့်မှုကို အောင်ပွဲအဖြစ် ပြောင်းလဲခြင်း</h2> <h2 style="text-align: center;">*</h2> <p> </p> <p>စနစ်အတွင်း၌ ကိုရီးယားအဖွဲ့၏ ရပိုင်ခွင့်ပိုင်ဆိုင်မှုများမှာ လျင်မြန်စွာ တိုးပွားလာနေပြီး သူတို့၏ မျက်နှာထက်မှ အပြုံးများမှာလည်း ပိုမိုကျယ်ပြန့်လာသည်။ တစ်ဖက်တွင်မူ တရုတ်</p> <p>အဖွဲ့၏ လေထုမှာ တင်းမာမှု အရှိန်အဟုန် မြင့်</p> <p>တက်လာတော့သည်။</p> <p>"ဒီတစ်ခါတော့ တကယ်ပဲ ရှုံးတော့မှာလား"</p> <p>"ခဏလောက် စောင့်ကြည့်ပါဦး မင်ယွဲ့ရဲ့ ပုံစံက ရှုံးမယ့်သူနဲ့ မတူဘူး တစ်ခုခု ကြိုတင်</p> <p>ပြင်ဆင်ထားတာ ရှိမှာပါ"</p> <p>"ကျန့်ယွန်းလည်း အစွမ်းပြနေတာပဲ ရန်ပုံငွေတွေ တက်လာနေပြီ အဆုံးထိ စောင့်ကြည့်ကြတာပေါ့"</p> <p>တရုတ်အဖွဲ့သားများမှာ စိတ်ဓာတ်မကျဘဲ မျှော်လင့်ချက်အလင်းတန်းလေးကို ဆုပ်ကိုင်ထားကြဆဲ ဖြစ်သည်။ </p> <p>ကိုရီးယားလူငယ်ကမူ မင်ယွဲ့၏ လက်ကျန်ငွေများ တဖြည်းဖြည်း လျော့နည်းလာသည်ကို ကြည့်ရင်း အလွန်ပင် ကျေနပ်အားရနေသည်။ </p> <p>လွန်ခဲ့သော ရက်အနည်းငယ်အတွင်း မင်ယွဲ့မှာ သူတို့ရှေ့တွင် ကျော်ဖြတ်၍မရသော တောင်ကြီးတစ်လုံးကဲ့သို့ ရှိနေခဲ့ပြီး သူတို့၏ အသက်ရှူနှုန်းကိုပင် ထိန်းချုပ်ထားနိုင်ခဲ့သည်။</p> <p>မင်ယွဲ့ ရှိနေသရွေ့ သူတို့အတွက် အောင်နိုင်ခြေ မရှိဟု ခံစားခဲ့ရသော စိတ်ပိုင်းဆိုင်ရာ အတားအဆီးကို ယနေ့တွင် ကျော်ဖြတ်နိုင်တော့မည်ဟု သူတို့ ယုံကြည်နေကြသည်။ </p> <p>သို့သော်လည်း သူတို့၏ ပျော်ရွှင်မှုမှာ ခဏတာမျှသာ ဖြစ်ခဲ့သည်။</p> <p>"ကြည့်လိုက်ဦး မင်ယွဲ့ရဲ့ ရန်ပုံငွေတွေ အရှိန်အဟုန်နဲ့ တက်လာပြီ”</p> <p>ဆူခဲက စိတ်လှုပ်ရှားစွာဖြင့် ခုန်ပေါက်</p> <p>အော်ဟစ်လိုက်သည်။ </p> <p>ခန်းမအတွင်းရှိ ပန်နယ်လ်မျက်နှာပြင်ပေါ်တွင် လူတိုင်း၏ ကွန်ပျူတာ လုပ်ဆောင်ချက်များကို ပြသနေသည်။</p> <p>"မင်ယွဲ့က ကုမ္ပဏီတစ်ခုကို မှတ်ပုံတင်လိုက်တာပဲ"</p> <p>သူမသည် လူတိုင်း မထင်မှတ်ထားသော နေရာမှ ခြေလှမ်းသစ်များကို စတင်လေ့ရှိသည်။</p> <p>"အခုမှ ကုမ္ပဏီထောင်တာ ဘာထူးမှာလဲ" </p> <p>ဟု ကိုရီးယားတို့က အယုံအကြည်မရှိစွာ ဆိုကြသည်။</p> <p>သို့သော်လည်း မင်ယွဲ့သည် သူတို့အားလုံးကို အံ့အားသင့်စေခဲ့သည်။ နောက်ဆုံးမိနစ်ပိုင်းသို့ ရောက်သောအခါ သူမ၏ ရန်ပုံငွေများမှာ ဒုံးပျံကဲ့သို့ မြင့်တက်သွားတော့သည်။</p> <p>တစ်သန်း... လေးသန်း... ရှစ်သန်း... မှသည် နောက်ဆုံးတွင် သန်းနှစ်ရာအထိ ရောက်ရှိသွားသည်။</p> <p>"သန်းနှစ်ရာ ငါ ဘာကို မြင်နေရတာလဲ သန်းနှစ်ရာတဲ့လား”</p> <p>ပြိုင်ပွဲဝင်နေသူများပင် အံ့သြလွန်းသဖြင့် လက်ရှိအလုပ်များကို ရပ်တန့်ကာ စခရင်ကြီးကို မော့ကြည့်မိကြသည်။</p> <p> မင်ယွဲ့ကမူ အလုပ်အားလုံးကို ရပ်တန့်လိုက်ပြီး ထိုင်ခုံတွင် အေးအေးလူလူ မှီထိုင်လျက် ကျန်ရှိသော ၂ မိနစ်ကို စောင့်ကြည့်နေသည်။ အခြားသူများမှာ စတော့ရှယ်ယာများနှင့် ရင်းနှီးမြှုပ်နှံမှုများကြားတွင် လုံးပန်းနေရဆဲဖြစ်သော်လည်း သူမကမူ ဂိမ်းအတွင်းမှ ကြိုတင်နုတ်ထွက်ကာ အကဲခတ်သူအဖြစ်သို့ ရောက်ရှိနေပြီ ဖြစ်သည်။</p> <p>"ပြိုင်ပွဲ ပြီးဆုံးပါပြီ အမြင့်ဆုံးရမှတ်ကို တရုတ်အဖွဲ့မှ မင်ယွဲ့က virtual coin သန်း ၂၀၀ ဖြင့် ရရှိသွားပါတယ်"</p> <p>ကိုရီးယားအဖွဲ့မှာ ဒေါသထွက်လွန်းသဖြင့် ကီးဘုတ်များကိုပင် လွှတ်ပစ်လိုက်ကြသည်။</p> <p> သူတို့၏ အမြင့်ဆုံးရမှတ်မှာ သန်း ၅၀ သာရှိရာ ကွာဟချက်မှာ ကြီးမားလွန်းလှသည်။ မင်ယွဲ့သည် မတ်တပ်ရပ်လိုက်ပြီး တည်ငြိမ်သောအမူအရာဖြင့် သူငယ်ချင်းပီသစွာ လက်ဝှေ့ယမ်းပြလိုက်သည်။ သို့သော် ထိုအပြုအမူမှာ ကိုရီးယားတို့အတွက်မူ ဗြောင်ကျကျ စော်ကားလိုက်</p> <p>ခြင်းပင်။</p> <p>"ယွဲ့ယွဲ့... နင်ကတော့ တကယ့်ကို အံ့မခန်းပဲ”</p> <p>မင်ယွဲ့သည် အေးချမ်းစွာ ပြုံးလိုက်သည်။ </p> <p>သူမသည် သင်ကြားရေးခန်းမအတွင်း၌ စီးပွားရေးစစ်ပွဲပေါင်းများစွာကို ကျော်ဖြတ်ခဲ့သူဖြစ်ရာ ယခုကဲ့သို့ အသေးစား ယှဉ်ပြိုင်မှုမျိုးမှာ သူမအတွက် ကလေးကစားစရာမျှသာ ဖြစ်သည်။</p> <p>"နှစ်ယောက်လုံး တော်ကြပါတယ်"</p> <p> ဟု အဖွဲ့ခေါင်းဆောင်က မင်ယွဲ့နှင့် ကျန့်ယွန်းတို့၏ ပခုံးကို ပုတ်ကာ အားပေးသည်။</p> <p> ကျန့်ယွန်းသည်လည်း သန်း ၄၈ သန်းအထိ ရရှိခဲ့သဖြင့် မညံ့လှပေ။</p> <p>ကိုရီးယားတို့မှာမူ အရှက်တကွဲ ဖြစ်ခဲ့ရသဖြင့် အမျက်ချောင်းချောင်း ထွက်နေကြသည်။</p> <p>"နောက်လာမယ့် ပြိုင်ပွဲတွေမှာ မင်ယွဲ့ မပါတော့ဘူးဆိုတာ သေချာလား" </p> <p>ဟု ကိုရီးယားအဖွဲ့ခေါင်းဆောင်က မေးသည်။</p> <p>"သေချာပါတယ်၊ သူက လက်ဖက်ရည်၊ အချက်အပြုတ်နဲ့ စီးပွားရေး... ဒီသုံးခုမှာပဲ ပါဝင်တာပါ"</p> <p> ဟု အဖွဲ့ဝင်တစ်ဦးက အတည်ပြုသည်။</p> <p>"ငါတို့ ၆ ပွဲမှာ ၄ ပွဲ ရှုံးခဲ့ပြီ ကျန်တဲ့ ၂ ပွဲကိုတော့ ဘယ်လိုနည်းနဲ့ဖြစ်ဖြစ် အနိုင်ရမှ ဖြစ်မယ် ဒါဟာ နိုင်ငံရဲ့ သိက္ခာပဲ နားလည်လား"</p> <p>ကိုရီးယားတို့ဘက်တွင် တင်းမာစွာဖြင့် မဟာဗျူဟာများ ချမှတ်နေချိန်တွင် တရုတ်အဖွဲ့သားများမှာမူ ဟော့ပေါ့ဆိုင်တစ်ခု၌ အောင်ပွဲခံနေကြပြီ ဖြစ်သည်။</p> <p>"ပြိုင်ပွဲ ၆ ခုမှာ ၄ ခု အနိုင်ရခဲ့တာဟာ အားလုံးရဲ့ ကြိုးစားမှုကြောင့်ပါ အထူးသဖြင့် မင်ယွဲ့ရဲ့ စွမ်းဆောင်ရည်က အံ့မခန်းပါပဲ အားလုံးအတွက် ဂုဏ်ပြုပါတယ်"</p> <p>တာဝန်ရှိသူက ခွက်ကို မြှောက်ကာ ဂုဏ်ပြုစကား ဆိုလိုက်သည်။ </p> <p>မင်ယွဲ့ကလည်း သူမ၏ ဖျော်ရည်ခွက်ကို မြှောက်လိုက်ရင်း -</p> <p>"ဒါဟာ ကျွန်မ လုပ်သင့်လုပ်ထိုက်တဲ့ အရာပါ၊ အားလုံးကို လေးစားပါတယ်" </p> <p>ဟု ပြုံးလျက် ပြန်လည်တုံ့ပြန်လိုက်လေသည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save