Book List

<h2 style="text-align: center;">အပိုင်း ၁၃၆</h2> <h2 style="text-align: center;">*</h2> <p> </p> <p> </p> <p>​ဒါက တကယ်ပဲ " ချော်ရေမိချောင်း " ပဲ။</p> <p> </p> <p>မစ်ရှင်ဇယားပေါ်မှာ ရင်းနှီးကျွမ်းဝင်တဲ့ ဓာတ်ပုံကို မြင်လိုက်သည့်နေ့ လုနင် ခန္ဓာကိုယ်တစ်ခုလုံး တုန်ယင်လာသည်။ သူသည် အစ်မဖြစ်သူကို ပြန်သယ်လာခဲ့သည့် မိုးသည်းသော ညအကြောင်းကို ပြန်လည် သတိရသွားလေသည်။ ဖြတ်တောက်ထားသော လက်မောင်းတစ်ဖက်ဟာ ဓာတ်ပုံတစ်ခုကို တင်းတင်းကျပ်ကျပ် ဆုပ်ကိုင်ထား၏။ ထိုဓာတ်ပုံတွင် ယောက်ျားတစ်ယောက်ကဲ့သို့ ဝတ်ဆင်ထားသော အစ်မဖြစ်သူနှင့် မိန်းမတစ်ယောက်ဖြစ် ဝတ်ဆင်ထားသော သူ ရှိနေသည်။</p> <p> </p> <p>" ချော်ရေမိချောင်း... ချော်ရေမိချောင်း... ငါ မင်းကို သတ်မယ် "</p> <p> </p> <p>လုနင်၏ မျက်လုံးထဲတွင် ကြမ်းကြုတ်သော သတ်ဖြတ်လိုသည့် စိတ်ဆန္ဒက ပေါ်ထွက်လာသည်။</p> <p> </p> <p>​သူသည် တစ်စုံတစ်ယောက်ကို သတ်ဖြတ်ချင် စိတ်ကို ယခုလောက်ထိ ပြင်းထန်စွာ မခံစားဖူးသေးပေ။</p> <p> </p> <p>သတင်းထူး...</p> <p>ကြယ်ငါးပွင့် မစ်ရှင် ပေါ်လာပြီး တပ်ရင်းဗိုလ်ချုပ်ကြီး တင်းပိုင်ချုံးက ချက်ချင်း ယူလိုက်ပြီ။ ဟုတ်တယ်၊ တင်းပိုင်ချုံးက အခုလက်ရှိ ချဲ့ထွင်ရေးအသင်းကို စီမံနေပြီလေ။ တပ်ရင်းဗိုလ်ချုပ်ကြီးက အဖွဲ့ ငါးဖွဲ့ ကျော်ကျော်လောက်ကို ဦးဆောင်ခေါ်သွားလိမ့်မယ်။ ငါ ကြားတာတော့ အဲဒီမှာ စာရင်းသွင်းထားတဲ့အဖွဲ့က ၁၂ ဖွဲ့လောက် ဖြစ်သွားပြီပဲ၊ ဒါပေမဲ့ ငါးဖွဲ့ပဲ လိုတာ။ တင်းပိုင်ချုံးက ပါဝင်လာပြီဆိုတာနဲ့ ဒီချော်ရေမိချောင်းကတော့ အဆုံးသတ်မှာ သေချာပြီ။ တင်းပိုင်ချုံးက A အဆင့် နိုးထသူ ဆိုပေမဲ့ သူက စိန်အဆင့် ၇ အင်အားကို ပိုင်ဆိုင်ထားတာလေ။</p> <p> </p> <p>​ဆိုတော့ သူ့အနေနဲ့ ဒီချော်ရေမိချောင်းကို ကြောက်စရာ အကြောင်းကို မရှိတာ။ ဒီမစ်ရှင်ရဲ့ ဆုလဒ်တွေက အရမ်းကို ရက်ရောတယ်၊ ခက်ခဲမှုကလည်း မြင့်တာ မဟုတ်ဘူး။ ဆိုတော့ သာမန်လူ တော်တော်များများက ဝင်ပါကြတယ်။ သူတို့က အကောင်းဆုံးတွေကို ရွေးမှာလေ။ တင်းပိုင်ချုံးက သာမန်အသင်းတွေကို မကြည့်တတ်ဘူး။</p> <p> </p> <p>" ဟူး... ငါတို့ရဲ့ ခေါင်းဆောင်က အသေခံ ဝင်ချင်နေတာ၊ ဒါပေမဲ့ မျှော်လင့်ချက် မရှိပါဘူး။ အဖွဲ့ ၁၂ ဖွဲ့ရဲ့ ခေါင်းဆောင်တွေ အားလုံးက အနည်းဆုံး ရွှေအဆင့် ၅ မှာ ရှိကြတာတဲ့။ သူတို့အားလုံးက ဝါရင့်တွေပဲ။ ငါတို့ရဲ့ ခေါင်းဆောင်က ရွှေအဆင့် ၃ မှာပဲ ရှိနေတာဆိုတော့ အရေအတွက် ဖြစ်ရုံလေးပါပဲ "</p> <p> </p> <p>​" မဟုတ်လို့လား... ဟူး... "</p> <p> </p> <p>လုနင် အိမ်ထဲသို့ ပြန်သွားသည်။ သူသည် ချော်ရေမိချောင်း အမဲလိုက်ပွဲတွင် ပါဝင်ချင်နေသော်လည်း သူက မင်ချန်း အသင်းသားအားလုံးကို သူ့၏ ပုဂ္ဂိုလ်ရေးဆိုင်ရာ အကြောင်းကြောင့် ဆွဲထုတ်၍ မဖြစ်ပါချေ။ ထို့ကြောင့် သူသည် မည်သို့ပြောရမည်မှန်းလည်း မသိသေးပေ။</p> <p> </p> <p>" အိုး... စီနီယာလုနင်... ပြန်လာပြီလား၊ အချိန်ကိုက်ပဲ။ အသင့်ပြင်... ငါတို့ မစ်ရှင် သွားလို့ရမယ် "</p> <p> </p> <p>​စောင့်ဆိုင်းနေပုံရသော သူ့ကို မြင်သည်နှင့် လော့မင်၏ မျက်ခုံးက တွန့်သွားပြီး လှမ်းအော်လိုက်သည်။ လုနင်က မှင်တက်သွားသော်လည်း အချိန်မီ တုံ့ပြန်လိုက်နိုင်သည်။ ထိုအချိန်တွင် လော့မင်က ဖုန်းကို လှမ်းပြနေသည်ကို မြင်ရသည်။</p> <p> </p> <p>" ချော်ရေမိချောင်းကို အမဲလိုက်ရမယ့် တာဝန်... မစ်ရှင်ရှိတယ် မဟုတ်လား။ ငါလည်း လက်ခံလိုက်တယ်။ ဒါပေမဲ့ ပြိုင်ပွဲကတော့ ပြင်းထန်မှာပဲ။ ဒါပေမဲ့လည်း ငါတို့ရဲ့ မင်ချန်းအသင်းက ကိုင်တွယ်နိုင်မယ်လို့ ငါ ယုံတယ် "</p> <p>လော့မင်က ပြောသည်။</p> <p> </p> <p>" ဆိုတော့ အသင့်ပြင်... အခု သွားရတော့မယ် "</p> <p> </p> <p>​သူတို့က အိမ်ထဲမှ ထွက်သွားသောအခါ ကျောင်းအုပ်ရှောင်၏ ကိုယ်ပိုင်ကားကြီးက အပြင်ဘက်တွင် ရပ်ထားပြီဖြစ်ကြောင်း မြင်ရသည်။ သူတို့တစ်ဖွဲ့လုံးက ကားထဲသို့ ဝင်လိုက်ကြ၏။</p> <p> </p> <p>" လော့မင်... ဒီတစ်ခါ တင်းပိုင်ချုံးက ချော်ရေမိချောင်းကို အမဲလိုက်တဲ့ အသင်းကို ဦးဆောင်လိမ့်မယ်။ သူ့ရဲ့ အဖွဲ့ဝင်စာရင်းက အရမ်းကို ရှင်းနေပြီးသား။ ရွှေအဆင့် ၅ အောက်ကလူတွေ အားလုံး အဖယ်ခံရမယ်။ လက်ရှိအချိန်မှာ ရွေးချယ်ခံရနိုင်ခြေ အများဆုံး အသင်းတွေက လျိုဟော၊ ကျော့ဖုန်း၊ ဟေးယင်၊ ခွမ်းထောင်နဲ့ ကျင်းရှား အဖွဲ့တွေပဲ။ ဒီခေါင်းဆောင်တွေ အားလုံးက ရွှေအဆင့် ၆ နဲ့ ၇ အထက်မှာ ရှိကြတယ်။ "</p> <p> </p> <p>ထို့အပြင် အထူးဧည့်သည်လည်း ရှိသေးသည်ဟု ဆိုကာ သူက ထိုနေရာတွင် ရပ်သွားသည်။</p> <p> </p> <p>​" မင်းလည်း အဲဒီလို သိပါတယ် "</p> <p>ကျောင်းယွီယန်က သက်ပြင်းချသည်။</p> <p> </p> <p>" ငါ ယန်ရှားတက္ကသိုလ်ကို လာတာက ငါ့အစ်ကိုရဲ့ ခြေရာကို နင်းချင်လို့။ ဒါပေမဲ့ ကုန်လွန်ခဲ့တဲ့ နှစ်တွေမှာ သူ့ရဲ့ အကျင့်စရိုက်က အများကြီး ပြောင်းလဲသွားလို့ ငါ သတိထားမိလာတယ်။ သူက ထောင်လွှားလာတယ်၊ လူတိုင်းကို အထင်သေးလာတယ်။ သူက ငါသိတဲ့ အစ်ကို မဟုတ်တော့ဘူးလို့ ခံစားရတယ်။ ဆိုတော့ လော့မင်။ မင်း သတိထားသင့်တယ်။ ငါ့အစ်ကိုက ဒီအခွင့်အရေးကို အခွင့်ကောင်းယူပြီး ဒီတစ်ခေါက်က ကိစ္စကို စာရင်းရှင်းလိမ့်မယ် "</p> <p>ကျောင်းယွီယန်က သတိပေးသည်။</p> <p> </p> <p>​" မင်းအစ်ကိုက ဒါကို သုံးပြီး စာရင်းရှင်းမယ်ဆိုရင် မင်းက ဘယ်ဘက်က လိုက်မှာလဲ။ "</p> <p> </p> <p>" လော့မင်... မင်း ဒီမေးခွန်းကို မေးတာက ငါ ကျောင်းယွီယန်ကို အထင်သေးတာပဲ။ ငါ မင်းကို မနာလိုသေးသရွေ့ ငါက မင်ချန်အသင်းသားပဲ။ ဆိုတော့ အသင်းဝင် တစ်ယောက်အနေနဲ့ ငါ သစ္စာမဖောက်ဘူး "</p> <p>လော့မင်က ခေါင်းငြိမ့်လိုက်သည်။</p> <p> </p> <p>" ဒါဆိုရင် လုံလောက်ပြီ။ ကျန်တာကို စိုးရိမ်စရာ မလိုတော့ဘူး။ ဒီနေရာမှာ ဝင်ခွင့်ရအောင် ငါ လုပ်ပေးနိုင်တယ် "</p> <p> </p> <p>​သူတို့အဖွဲ့က တပ်၏ မစ်ရှင် ခန်းမသို့ ရောက်သွားသည်။ ခန်းမကြီးက လူများဖြင့် ပြည့်နှက်နေသည်။ အသင်းပေါင်းများစွာက ကြိတ်တိုးနေ၏။ ပါဝင်သောအသင်းတိုင်းအပြင် ကြည့်ရှုသူများလည်း များပြားလှပေသည်။</p> <p> </p> <p>" ယို... လော့မင်ပဲ... မတွေ့ရတာ ကြာပြီ "</p> <p> </p> <p>ယခင်တစ်ခေါက်က သူနှင့်အတူ ခရီးသွားခဲ့ဖူးသော တောက်လန်နှင့် ဝူကန်းမန်တို့ကို တွေ့လိုက်ရသည်။</p> <p> </p> <p>" ဘာလဲ... မင်းတို့လည်း ဒီမှာ ဝင်ပါဦးမလို့လား "</p> <p> </p> <p>လော့မင်က မေးသည်။ ထိုနှစ်ယောက်က ခေါင်းခါကြသည်။</p> <p> </p> <p>" ဟာသပဲ... မင်းက ငါတို့ ကို အထင်ကြီးနေတာ။ ငါတို့က ဒီတိုင်း အမြောက်စာ အဆင့်ပဲ ရှိတာလေ၊ ဘယ်လိုဖြစ်ပြီး သူတို့နဲ့ ယှဉ်နိုင်မှာလဲ။ အဲဒီအဖွဲ့ကို ကြည့်... ဒါက တင်းပိုင်ဟွေ့ အဖွဲ့လို့ ခေါ်တယ်။ "</p> <p> </p> <p>​" အခြား ပါဝင်တဲ့ အသင်းတွေကိုလည်း ကြည့်လိုက်ဦး။ ထိပ်ဆုံး ငါးယောက်က စာရင်းသွင်းတဲ့ သူတွေထဲမှာ အင်အားအကြီးဆုံး ဖြစ်ရမှာ။ မင်း ဒီမစ်ရှင်မှာ ပါဝင်ချင်ရင် သူတို့ထဲက တစ်ယောက်ကို ဖယ်ထုတ်ရလိမ့်မယ်။ ဒါပေမဲ့ အသင်းတိုက်ပွဲတွေ ဆိုတာက ခေါင်းဆောင်တစ်ယောက်တည်းရဲ့ အင်အားကိုပဲ မူတည်တာ မဟုတ်ဘူးလေ။ တစ်သင်းလုံးက အဖွဲ့ဝင်တွေ အားလုံးရဲ့ အင်အားနဲ့လည်း သက်ဆိုင်သေးတယ်။ "</p> <p> </p> <p>တောက်လန်က လော့မင်ကို စိုးရိမ်ပူပန်သလို ကြည့်သည်။ သူသည်လည်း လော့မင်၏ အင်အားကို သိသော်လည်း မင်ချန်အသင်းဝင်များက ငယ်ရွယ်လွန်းကြသည်။ အမှန်တကယ် တိုက်ခိုက်ရေး အင်အားချင်း နှိုင်းယှဉ်ကြည့်သော် ဝါရင့်များ၏ နောက်တွင် ကျန်ရစ်လောက်သည်။</p> <p> </p> <p>​" မင်ချန်အသင်းရဲ့ အင်အားနဲ့ ပတ်သက်ပြီး ခင်ဗျား စိတ်အေးအေးထားလို့ ရတယ် "</p> <p> </p> <p>လော့မင်က ပြုံးပြီး ပြောလိုက်သည်။</p> <p> </p> <p>လူတိုင်းက ပါရမီရှင်တွေချည်းပဲ။</p> <p> </p> <p>တိုးတက်တဲ့ အရှိန်နှုန်းကလည်း တအားမြန်သည်။ ထိုအချိန်အတောအတွင်းတွင် ကျောင်းယွီယန်က ရွှေအဆင့် ၂ သို့ ရောက်ရှိသွားပြီဖြစ်ကာ ရှားချင်းချန်ကမူ ရွှေအဆင့် ၁ ကို ရောက်ရှိသွားခဲ့ပြီ။ ချန်ဟွဲ့နှင့် လုချန်တို့ အားလုံးကလည်း ငွေအဆင့် အထွတ်အထိပ်များ ဖြစ်ကြသည်။</p> <p> </p> <p>ထို့အပြင် အင်အားက မဆိုးလှသော လုနင်လည်း ရှိသေးသည်။ သူက ရွှေအဆင့် ၃ ဖြစ်သည်။ သူ့၏ အမှန်တကယ် မွန်းစတား၏ တိုက်ခိုက်နိုင်စွမ်းရည်ကိုမူ မသေချာသေးပေ။</p> <p> </p> <p>​သူတို့အဖွဲ့က တင်းပိုင်ဟွေ့၏ နေရာသို့ သွားလိုက်ကြသည်။ လော့မင်ကိုလည်း သတိထားမိပြီးနောက် အာရုံစိုက်လာကြသည်။</p> <p> </p> <p>" မိတ်ဆွေလေးတို့... မင်းတို့က ဘယ်အသင်းကလဲ "</p> <p> </p> <p>ခေါင်းဆောင်တစ်ယောက်က အရှေ့ကို တိုးပြီး မေးသည်။</p> <p> </p> <p>" မင်ချန်အသင်း "</p> <p> </p> <p>" မင်ချန်အသင်း... "</p> <p> </p> <p>သူက စာရင်းကို တစ်ချက်ကြည့်သည်။ ထို့နောက် ကျယ်လောင်စွာ ထအော်သည်။</p> <p> </p> <p>" မင်ချန်အသင်း ဟုတ်လား။ ရွှေအဆင့် ၁ ခေါင်းဆောင်ကို ပိုင်ဆိုင်ထားတဲ့ ကြိုကြိုကြားကြားက ကျန်ရစ်တဲ့ အသင်းလား။  "</p> <p> </p> <p>​ထိုစကားကို ကြားသည်နှင့် အားလုံးက အော်ရယ်ကြသည်။ ဆိုတော့ သူတို့က မင်ချန်အသင်းကို ရိုရိုသေသေ ပြောရရင် ရွှေအဆင့် ၁ ခေါင်းဆောင်... ငါ့ရဲ့ အသင်းက ဘယ်သူမဆို သူတို့ရဲ့ ခေါင်းဆောင် သွားလုပ်လို့ ရတယ်။</p> <p> </p> <p>" ဒီလို အင်အားမျိုးနဲ့ သူတို့က ဒီမစ်ရှင်မှာ ဝင်ပါချင်နေတာ ဟုတ်လား။ ငါသာဆိုရင်တော့ စာရင်းတောင် သွင်းရဲမှာ မဟုတ်ဘူး။ အားလုံးရဲ့ အရှေ့မှာ အရှက်ကွဲရမှာလေ... သနားစရာပဲ။ "</p> <p> </p> <p>အခြား အသင်းခေါင်းဆောင်များက ခေါင်းခါကြသည်။</p> <p> </p> <p>​" အဲဒီလိုဆိုမှ... မင်ချန်အသင်း ခေါင်းဆောင်က ရွှေခြင်္သေ့အဖွဲ့က ချန်ကျင်းဟန်ကို ဆွဲချခဲ့တဲ့ တစ်ယောက် မဟုတ်လား။ "</p> <p> </p> <p>" အိုး... ချန်ကျင်းဟန် ဟုတ်လား။ အင်အားက နည်းနည်း ရှိတာပဲ။ ဒါပေမဲ့ ချန်ကျင်းဟန်ရဲ့ အဆင့်က အဆင့် ၁၊ ၂ လောက်မှာ ရှိတဲ့ မစ်ရှင်တွေကိုပဲ လုပ်နိုင်တာလေ။ ဒါက ဒီထက် ပိုပြီး ခက်ခဲတာနဲ့ သူ့ကို သတ်နိုင်လိမ့်မယ်။ ငါကြားတာတော့ သူက မွေးရပ်မြေကို ပြန်ပြီး လယ်ယာ လုပ်နေပြီတဲ့။ "</p> <p> </p> <p>​" မင်ချန်ရဲ့ လော့မင်... ငါ မင်းကို သိတယ်။ မင်းက ယန်ရှားတက္ကသိုလ်က လူသစ်ဘုရင်ပဲ။ သွေးပူနေတဲ့ ကျောင်းသားလေးပေါ့။ ဒါပေမဲ့ ဘယ်လိုပဲ ဖြစ်ဖြစ် မင်းက ကျောင်းသားပဲ။ လူသစ်က လူသစ်ပဲ။ မင်းရဲ့ အဆင့်၊ မင်းရဲ့ အတွေ့အကြုံ၊ မင်းရဲ့ အင်အား၊ မင်းရဲ့ လုပ်ဆောင်မှုတွေ အားလုံးက ဒီလောက်ပဲ။ ဒီမစ်ရှင်က မင်းအတွက် မသင့်တော်ဘူး၊ သူငယ်ချင်းတွေကို ခေါ်ပြီး အိမ်ပြန် ရေချိုးပြီးတော့ အိပ်ကြတော့။ ခြေထောက် အနှိပ်ခံတာပဲဖြစ်ဖြစ် အပျော်ရှာကြပေါ့။ ဦးလေးကြီးက အကြံပေးလိုက်မယ်။ "</p> <p> </p> <p>​အပြာရောင်ဆံပင်နှင့် နားကပ်နှစ်ဖက်နှင့် သက်လတ်ပိုင်း လူကြီးတစ်ယောက်က ပြောသည်။</p> <p> </p> <p>" ခင်ဗျားက ဘယ်သူလဲ။ "</p> <p> </p> <p>လော့မင်က သူ့ကို ကြည့်သည်။</p> <p> </p> <p>" ငါလား... ငါ ကျန်းချင်တဲ့။ ကြက်မင်းအဖွဲ့ရဲ့ ခေါင်းဆောင်ပဲ။ ငါကလည်း ဒီမစ်ရှင်မှာ ဝင်ပါမယ့် အဖွဲ့ ငါးဖွဲ့ထဲက တစ်ဖွဲ့ကပေါ့ "</p> <p> </p> <p>သူက ရယ်မောရင်း ပြောသည်။</p> <p> </p> <p>​" သိပြီ "</p> <p>လော့မင်က ခေါင်းငြိမ့်သည်။</p> <p> </p> <p>" ကောင်းပြီ... ပြန်ပြီးတော့ ခြေထောက် အနှိပ်ခံလိုက်၊ ငါ ပိုက်ဆံ ပြန်ပေးလိုက်မယ်။ အသင်းရဲ့ နေရာကိုတော့ ငါ ယူမယ် "</p> <p> </p> <p>လော့မင်က ရယ်လိုက်ရာ တစ်ခန်းလုံး ဟိန်းခနဲ တိတ်ဆိတ်သွားကြသည်။</p> <p> </p> <p style="text-align: center;">အပိုင်း ၁၃၆ ပြီး၏။</p> <p style="text-align: center;">***</p>


Save