Book List

<h2 style="text-align: center;">အခန်း (၂၈၁) အမှတ်ပြည့်</h2> <h2 style="text-align: center;">*</h2> <p> </p> <p> </p> <p> </p> <p>ကိုရီးယားကိုယ်စားလှယ်အဖွဲ့ကို ငါးကြယ်ပွင့်ဟိုတယ်တွင် နေရာချပေးပြီးနောက် တရုတ်ဘက်မှ လူနှစ်ဦးသာ အဖော်အဖြစ် ကျန်ရစ်ခဲ့ပြီး ကျန်ရှိသူများမှာ မိမိတို့နေရာ အသီးသီးသို့ ပြန်သွားကြလေသည်။ </p> <p>မင်ယွဲ့နှင့် အခြားသူများမှာလည်း သူတို့၏ တက္ကသိုလ်ကျောင်းများသို့ အသီးသီးပြန်ကြရပြီး နောက်တစ်နေ့အတွက် ညွှန်ကြားချက်ကို စောင့်ဆိုင်းနေကြရသည်။</p> <p>ကိုရီးယားအဖွဲ့မှာမူ မင်ယွဲ့တို့အဖွဲ့ကို လုံးဝအရေးမစိုက်သည့်အပြင် ထိုညက ဟိုတယ်မှထွက်ကာ ဖျော်ဖြေရေးကလပ်များ၌ အပျော်အပါးမက်</p> <p>မက်ဖြင့် အချိန်ဖြုန်းခဲ့ကြသည်။ </p> <p>တရုတ်ကိုယ်စားလှယ်အဖွဲ့အနေဖြင့် ၎င်းတို့၏ ယဉ်ကျေးမှုဖလှယ်ရေး ပထမဆုံးနေ့၌ပင် ပြုမူသည့် မလေးမစားနိုင်သော အသုံးအဖြုန်းနှင့် ပေါ့ပျက်ပျက်အပြုအမူများကို မနှစ်မြို့သော်လည်း တစ်စုံတစ်ရာ ထုတ်ဖော်ပြောဆိုခြင်း မပြုခဲ့ပေ။</p> <p>နောက်တစ်နေ့တွင် မင်ယွဲ့တို့အဖွဲ့သည် သတ်မှတ်ထားသော နေရာသို့ ရောက်ရှိလာကြသည်။ ယွဲ့ဟွာ နည်းပညာနှင့် တရုတ်ဘက်မှ တာဝန်ရှိသူများသည် အချိန်တိကျစွာပင် ခမ်းနားထည်ဝါသော ခန်းမအတွင်း၌ ကြိုတင်ပြင်ဆင် စောင့်ကြိုနေကြပြီ ဖြစ်သည်။</p> <p> နိုင်ငံခြားဧည့်သည်များကို လက်ခံတွေ့ဆုံခြင်းဖြစ်သဖြင့် တရုတ်နိုင်ငံဘက်မှ ငွေကြေးအမြောက်အမြား အကုန်အကျခံကာ ခမ်းနားသော နေရာထိုင်ခင်းများကို စီစဉ်ပေးထားခြင်း ဖြစ်သည်။</p> <p>တရုတ်အဖွဲ့မှာ မနက်စာ စားသောက်ပြီးစီး၍ အသင့်စောင့်နေသော်လည်း ကိုရီးယားအဖွဲ့မှာမူ မခိုးမခန့်ဟန်ဖြင့် တစ်ယောက်တစ်ပေါက် အေးအေးလူလူ ရောက်ရှိလာကြသည်။</p> <p>"စကြစို့"</p> <p>မနေ့က မင်ယွဲ့နှင့် ယှဉ်ပြိုင်ရန် စိန်ခေါ်ခဲ့သော လူနှစ်ဦးမှာ ဝင့်ဝါသော အကြည့်များဖြင့် သူမကို ကြည့်နေကြသည်။ </p> <p>မင်ယွဲ့မှာမူ ထိုသူတို့ မည်သည်ကို အားကိုး၍ ဤမျှ ဂုဏ်ယူနေကြသည်ကို နားမလည်နိုင်အောင် ရှိတော့သည်။ တစ်ယောက်မှာ သူမထက် အရပ်ပုပြီး ကျန်တစ်ယောက်မှာလည်း သူမနှင့် အရပ်</p> <p>ချင်း မတိမ်းမယိမ်းသာ ရှိပေသည်။</p> <p>ယနေ့တွင် နှစ်ဖက်သဘောတူညီချက်အရ သီချင်းဆိုပြိုင်ပွဲ ကျင်းပရန်ဖြစ်ပြီး အိမ်ရှင်တရုတ်နိုင်ငံအနေဖြင့် လိုအပ်သော ပြင်ဆင်မှုများကို အပြည့်အစုံ ပြုလုပ်ထားပြီးဖြစ်သည်။ </p> <p>ပြိုင်ပွဲဝင်နှစ်ဦးသည် အသံလုံသော စတူဒီယိုခန်းအတွင်းသို့ ဝင်ရောက်သွားကြပြီး ကျန်ရှိသူများက မှန်တံခါးပြင်ပမှ စောင့်ကြည့်နေကြသည်။ </p> <p>စတူဒီယိုအတွင်း၌မူ နှစ်ဖက်စလုံးမှ အဓိကပုဂ္ဂိုလ် အနည်းငယ်သာ ကြီးကြပ်ရန် ပါဝင်သည်။</p> <p>ကိုရီးယားအမျိုးသားသည် အလွန်ကျော်ကြားသော ကိုရီးယားဇာတ်လမ်းတွဲ ဇာတ်ဝင်တေးတစ်ပုဒ်ကို ရွေးချယ်လိုက်သည်။ ထိုသီချင်းမှာ တရုတ်နိုင်ငံ၌ပင် လူသိများလှသော သီချင်းဖြစ်သည်။ </p> <p>ဤကဲ့သို့ ကျော်ကြားသော သီချင်းကို ဆိုခြင်းမှာ အားသာချက်ရှိသလို အားနည်းချက်လည်း ရှိသည်။ လူသိများသောကြောင့် ကောင်းကောင်းဆိုနိုင်လျှင် အမှတ်ရလွယ်သော်လည်း မူရင်းအဆိုတော်၏ အရှိန်အဝါက ကြီးမားလွန်းသဖြင့် အနည်းငယ် ချော်သွားရုံနှင့် အမှတ်အများအပြား လျော့နည်းသွားနိုင်ပေသည်။</p> <p>"မင်းအလှည့်ပဲ"</p> <p>အမျိုးသားဖြစ်သူ သီချင်းဆိုပြီးသွားသောအခါ စတူဒီယို မှန်တံခါးအပြင်ဘက်အထိ ကြားရလောက်အောင်ပင် လက်ခုပ်သံများ ဟိန်းထွက်သွားသည်။ </p> <p>တရုတ်ကိုယ်စားလှယ်အဖွဲ့မှာမူ မင်ယွဲ့အတွက် စိုးရိမ်ပူပန်လာကြသည်။ ဤသည်မှာ တစ်ဦးတစ်ယောက်ချင်း ပြိုင်ပွဲထက် နိုင်ငံ၏ ဂုဏ်သိက္ခာနှင့် သက်ဆိုင်နေသောကြောင့် ဖြစ်သည်။</p> <p>စစ်မှန်သော တရားမျှတမှုရှိစေရန်အတွက် တရုတ်နိုင်ငံ တေးဂီတအသင်းမှ ပညာရှင်များကို ဒိုင်လူကြီးအဖြစ် ဖိတ်ကြားထားပြီး ထိုအထဲတွင် နိုင်ငံခြားသား ဂီတပညာရှင်များလည်း ပါဝင်</p> <p>သည်။ </p> <p>ကိုရီးယားတို့၏ သူတစ်ပါးယဉ်ကျေးမှုကို မိမိတို့အရာဟု အတင်းအဓမ္မ ပြောဆိုတတ်သော အကျင့်ဆိုးကို သိရှိကြသဖြင့် တရုတ်ဘက်မှ အဘက်ဘက်က ပြည့်စုံအောင် ပြင်ဆင်ထားခြင်း ဖြစ်သည်။</p> <p>"ကျွန်တော်ကတော့ ၈.၅ မှတ် ပေးပါတယ်၊ ဖျော်ဖြေမှုက ကောင်းမွန်ပါတယ်"</p> <p>"ကျွန်မကတော့ ၈ မှတ်ပဲ ပေးချင်တယ်၊ မူရင်းအဆိုတော်ကို ကျော်ဖြတ်ဖို့ ခက်ခဲနေသေးလို့ပါ"</p> <p>ဒိုင်လူကြီး ၈ ဦး၏ အမှတ်များထဲမှ အမြင့်ဆုံးနှင့် အနိမ့်ဆုံးကို ပယ်ဖျက်ပြီးနောက် ကိုရီးယားအမျိုးသားမှာ ၈.၄ မှတ် ရရှိခဲ့သည်။ </p> <p>ပရော်ဖက်ရှင်နယ် မဟုတ်သူတစ်ဦးအတွက် ဤအမှတ်မှာ အလွန်မြင့်မားသည်ဟု ဆိုရမည်။ ထိုသူမှာလည်း မိမိကိုယ်ကို ကျေနပ်နေပုံရပြီး မင်ယွဲ့ကို မထီမဲ့မြင် ကြည့်လိုက်ပြန်သည်။</p> <p>မင်ယွဲ့မှာမူ သူ့ကို လုံးဝဥပေက္ခာပြုထားပြီး ဒိုင်လူကြီးတန်း၏ အလယ်တွင် ထိုင်နေသော ဆရာကြီးတစ်ဦးကို မျက်စိတစ်ဖက် မှိတ်ပြလိုက်သည်။ </p> <p>ထိုဆရာကြီးမှာ သူမအား အမှတ်ပေးဖူးသော ဆရာတစ်ဦး ဖြစ်နေသည်မှာ မမျှော်လင့်ထားသော တိုက်ဆိုင်မှုပင်။ ဆရာကြီးကလည်း သူမကို သိမ်မွေ့စွာ ပြုံးပြလိုက်သည်။ သူမသည် အဆင့်သတ်မှတ်ချက် ရပြီးကတည်းက ဂီတအသင်းသို့ ထပ်မံမလာရောက်တော့သဖြင့် သူတို့မှာ အလွန်စိုးရိမ်နေခဲ့ကြခြင်း ဖြစ်သည်။</p> <p>မစ္စတာ ပိုင် ထံမှတစ်ဆင့် မင်ယွဲ့သည် ယန်ကျင်းတက္ကသိုလ်တွင် ဂီတနှင့်မသက်ဆိုင်သော ဘာသာရပ်ဖြင့် မဟာဘွဲ့ တက်ရောက်နေကြောင်း သိရသောအခါ သူတို့ ပို၍ပင် နှမြောတသ ဖြစ်ခဲ့ရသည်။ </p> <p>ယခုအခါ နိုင်ငံခြားရေးဝန်ကြီးဌာန၏ ဖိတ်ကြားချက်အရ ယာယီဒိုင်အဖြစ် လာရောက်စဉ် သူမနှင့် ပြန်လည်ဆုံတွေ့ရခြင်းမှာ အလွန်ဝမ်းသာစရာပင်။ မင်ယွဲ့သည် တူရိယာများစွာ တီးခတ်နိုင်သည်ကို သူသိသော်လည်း သီချင်းဆိုသည့် အစွမ်းကိုမူ ယနေ့မှသာ ပထမဆုံး ကြားရတော့မည်ဖြစ်သည်။</p> <p>မင်ယွဲ့မှာ များစွာစဉ်းစားနေရန် မလိုပေ။ သူမ ကိုယ်တိုင် ရေးစပ်ထားသော သီချင်းများ အင်တာနက်ပေါ်တွင် ရှိသော်လည်း လူသိနည်းသော အသိုင်းအဝိုင်းလေးအတွင်း၌သာ ပျံ့နှံ့နေသေးသည်။ </p> <p>သူမသည် ကျန်းမင်း အတွက် ရေးစပ်ပေးခဲ့ဖူးသော "သဘာဝတရား၏ ဧချင်း" သီချင်းကို ပြတ်ပြတ်သားသား ရွေးချယ်လိုက်သည်။</p> <p>သီချင်းအစ တူရိယာသံစဉ်များ လွင့်ပျံ့လာသည်နှင့် နားဆင်သူများမှာ သဘာဝတောတောင်များကြား ရောက်ရှိသွားသကဲ့သို့ ခံစားလိုက်ရသည်။ </p> <p>ထို့နောက် မင်ယွဲ့၏ ချိုမြိန်ကြည်လင်သော အသံထွက်ပေါ်လာသောအခါ ခန်းမတစ်ခုလုံး တိတ်ဆိတ်ငြိမ်သက်သွားရသည်။ သူမ၏ အသံသည် တောအုပ်ထဲမှ နတ်သက်ကြွေလာသော ဝိညာဉ်လေးတစ်ပါး သီဆိုနေသကဲ့သို့ လွတ်လပ်မှု၊ ပျော်ရွှင်မှုနှင့် နွေးထွေးမှုတို့ကို တစ်ပြိုင်နက်တည်း ခံစားရစေသည်။</p> <p>သီချင်းသံ ဆုံးသွားသည့်တိုင်အောင် လူတိုင်းမှာ မှင်သက်မိနေကြဆဲ ဖြစ်သည်။ ပြင်းထန်သော လက်ခုပ်သံများ ဟိန်းထွက်လာသောအခါမှသာ စတူဒီယိုအတွင်း ရှိနေသည်ကို သတိပြန်ဝင်လာကြသည်။</p> <p>ကိုရီးယားအမျိုးသားမှာမူ မျက်နှာပျက်သွားတော့သည်။ ဂီတဆိုသည်မှာ ဘာသာစကား အတားအဆီး မရှိပေ။ မင်ယွဲ့၏ သီဆိုမှုမှာ မည်မျှ ကောင်းမွန်သည်ကို သူတို့ ငြင်းဆို၍ မရနိုင်တော့ပါ။ နိုင်ငံခြားရေးဝန်ကြီးဌာနမှ တာဝန်ရှိသူများကလည်း ကျေနပ်စွာ ပြုံးလျက် မင်ယွဲ့ကို ခေါင်းညိတ်ပြကြသည်။</p> <p>ဂီတအသင်းမှ ဒိုင်လူကြီးများမှာလည်း မတ်</p> <p>တပ်ရပ်၍ လက်ခုပ်တီး ချီးကျူးကြသည်။</p> <p>"ဒီသီချင်းကို ကျွန်တော် ကြားဖူးပါတယ်၊ မူရင်းထက် ပိုကောင်းအောင် ဆိုနိုင်သူ ရှားပါတယ်၊ ဒါပေမဲ့ မင်းရဲ့ ခံစားချက်ပေးစွမ်းနိုင်မှုက မူရင်းကိုတောင် ကျော်လွန်သွားပြီ၊ ဒါကြောင့် ငါကတော့ အမှတ်ပြည့် ၁၀ ပေးတယ်"</p> <p>"မင်းနဲ့ ကျန်းမင်းက ခံစားချက်ချင်း မတူဘူး၊ ဒါပေမဲ့ မင်းရဲ့ဆိုဟန်က ဒီသီချင်းနဲ့ ပိုပြီး လိုက်ဖက်ညီတယ်လို့ ခံစားရတယ်၊ ငါလည်း ၁၀ မှတ် ပေးပါတယ်"</p> <p>ကျန်ရှိသော ဒိုင်အားလုံးကလည်း တညီတညွတ်တည်း အမှတ်ပြည့် ၁၀ မှတ်စီ ပေးလိုက်ကြသည်။ ရလဒ်များ ကြေညာနေချိန်တွင် မင်ယွဲ့သည် အောင်မြင်မှုအပေါ် သာယာခြင်းမရှိဘဲ စစ်သူကြီးတစ်ဦးကဲ့သို့ တည်ငြိမ်</p> <p>ရင့်ကျက်စွာ ရပ်နေလေသည်။</p> <p>ကိုရီးယားအမျိုးသားမှာမူ အလွန်ရှက်ကိုးရှက်ကန်း ဖြစ်သွားပြီး လူအုပ်ကြားထဲတွင် ခေါင်းငုံ့ကာ ပုန်းကွယ်နေတော့သည်။ </p> <p>သူတို့သည် မင်ယွဲ့ကို အရေအတွက်ဖြည့်ရန် ပါလာသော ကျောင်းသူလေးတစ်ဦးဟု မယူဆရဲတော့ပေ။ တရုတ်အဖွဲ့ထဲတွင် ဝှက်ဖဲအဖြစ် ပါဝင်လာသော ထူးချွန်ထက်မြက်သည့် "မြင်းမည်း" တစ်ဦးအဖြစ်သာ သတ်မှတ်လိုက်ကြတော့သည်။</p> <p>နိုင်ငံခြားရေးဝန်ကြီးဌာနမှ လူများပင်လျှင် မိမိတို့အဖွဲ့ထဲတွင် ဤမျှ စွမ်းဆောင်ရည်မြင့်မားသော လူငယ်တစ်ဦး ပါဝင်နေသည်ကို ယခုမှသာ အံ့အားသင့်စွာ သိရှိလိုက်ရခြင်း ဖြစ်လေသည်။</p> <p>***</p> <p> </p>


Save