Book List

<h2 style="text-align: center;">အခန်း (၂၈၂) စီမံကိန်းများ</h2> <h2 style="text-align: center;">*</h2> <p> </p> <p> </p> <p> </p> <p>ပထမဆုံးသော ထိပ်တိုက်ရင်ဆိုင်မှုတွင်ပင် မင်ယွဲ့သည် နှစ်ဖက်စလုံး၏ အာရုံစိုက်မှုကို အပြည့်အဝရရှိသွားခဲ့သည်။ </p> <p>ကိုရီးယားကိုယ်စားလှယ်အဖွဲ့မှာ သူမကို လျှော့တွက်၍မရမှန်း သိမြင်သွားကြသလို၊ တရုတ်ဘက်မှ တာဝန်ရှိသူများကလည်း သူမကို အသစ်တစ်ဖက် မြင်တွေ့လာရသည့်အလား အံ့သြတသ ကြည့်ရှုနေကြတော့သည်။</p> <p>ကိုရီးယားတို့သည် ပထမပွဲတွင်ပင် ရှုံးနိမ့်သွားခြင်းကို လက်မခံနိုင်ကြသေးပေ။ သူတို့သည် ပြိုင်ဘက်ရွေးချယ်မှု မှားယွင်းသွားသဖြင့် မာကျောသော ကျောက်ဆောင်ကို တိုက်မိသွားခြင်းသာ ဖြစ်သည်ဟု ကိုယ့်ကိုယ်ကိုယ် နှစ်သိမ့်နေကြသည်။ </p> <p>ကျန်ရှိသော တရုတ်လူငယ်များနှင့် အားကစားသမားများမှာမူ အခြားကဏ္ဍများတွင် ဤမျှ ထူးချွန်မည်မဟုတ်ဟု သူတို့ တွေးထင်နေကြဆဲပင်။</p> <p>ဦးစွာ ရောက်ရှိလာစဉ်ကကဲ့သို့ မောက်မာရိုင်းစိုင်းမှုများ အနည်းငယ် လျော့ပါးသွားသော်လည်း သူတို့၏ စိတ်အခံတွင် ရှိနေသော သာလွန်မှု အစွဲအလမ်းမှာမူ ပျောက်ကွယ်သွားခြင်း မရှိသေးပေ။</p> <p>တရုတ်နိုင်ငံသည် အိပ်ပျော်နေသော ခြင်္သေ့ဘဝမှ နိုးကြားဖျတ်လတ်သော နဂါးတစ်ကောင်အဖြစ် အသွင်ပြောင်းလဲခဲ့သည်မှာ ကြာမြင့်လှပြီ ဖြစ်သော်လည်း နိုင်ငံအချို့ကမူ အစွဲအလမ်းကြီးစွာဖြင့် အထင်သေးနေကြဆဲ ဖြစ်သည်။ </p> <p>တရုတ်ပြည်သည် တောင်ပေါ်ဒေသရှိ ဆင်းရဲမွဲတေသော နေရာတစ်ခုဟု ထင်မှတ်နေကြသော်လည်း လက်တွေ့တွင်မူ နိုင်ငံတကာအဆင့်မီ မြို့ပြကြီးများအဖြစ် ထွန်းကားနေကာ ပြည်သူများ၏ လူနေမှုဘဝမှာလည်း တစ်နေ့ထက်တစ်နေ့ မြင့်မားတိုးတက်လျက် ရှိသည်။</p> <p>သို့သော်လည်း အိပ်ချင်ဟန်ဆောင်နေသူကို နှိုး၍မရနိုင်ပေ။ တစ်ချိန်က "အရှေ့အာရှ၏ ဖျားနာနေသူ" ဟု ကဲ့ရဲ့ခံခဲ့ရကာ ကျူးကျော်စော်ကားမှုပေါင်းစုံကို ခံခဲ့ရသည့် လူမျိုးသည် ယခုအခါ မည်သူမျှ မယှဉ်သာသော အင်အားကြီးနိုင်ငံအဖြစ် ရပ်တည်နေသည်ကို သူတို့ အသိအမှတ် မပြုချင်ကြခြင်းသာ ဖြစ်သည်။</p> <p>သူတို့၏ မျက်နှာပေါ်မှ ဝင့်ဝါသော အပြုံးများ မှေးမှိန်သွားသော်လည်း မင်ယွဲ့၏ တောက်ပသော စွမ်းဆောင်ရည်တစ်ခုတည်းနှင့် သူတို့၏ မာနကို အမြစ်ပြတ်ချေမှုန်းရန်မှာမူ မလုံလောက်သေးပေ။</p> <p>မင်ယွဲ့သည် ထိုအခြေအနေကို ထိုးထွင်းသိမြင်သော်လည်း တစ်စုံတစ်ရာ ထုတ်ဖော်မပြောဘဲ တည်ငြိမ်စွာပင် ရှိနေသည်။ သူမ ဤနေရာသို့ ရောက်ရှိနေပြီဖြစ်ရာ တစ်ဖက်လူကို သင်ခန်းစာကောင်းကောင်း ပေးနိုင်မည့် အခွင့်အရေးမှာ မကြာမီ ရောက်ရှိလာတော့မည်</p> <p>ဖြစ်ကြောင်း သူမ နားလည်ထားသည်။</p> <p>ဂီတအသင်းမှ အဖွဲ့ဝင်များမှာ မင်ယွဲ့ရှိရာသို့ လျှောက်လှမ်းလာကြသည်။ အလယ်တွင်ပါလာသော တရုတ်လူမျိုး ဆရာကြီးမှာ မင်ယွဲ့ကို မြင်သောအခါ စိတ်လှုပ်ရှားတက်ကြွမှုကို မနည်းထိန်းချုပ်ထားရသည်။ </p> <p>အများအမြင်တွင် သံသယမဖြစ်စေရန်အတွက် သူတို့နှစ်ဦးမှာ အလွန်အမင်း ရင်းနှီးဟန်မပြဘဲ မိတ်ဆွေများကဲ့သို့သာ လက်ဆွဲနှုတ်ဆက်</p> <p>လိုက်ကြသည်။</p> <p>"တကယ်ကို ကောင်းမွန်တဲ့ သီဆိုမှုပဲ၊ ဆက်ပြီးတော့လည်း ကြိုးစားပါဦး"</p> <p>သူက အားပေးစကားကို တိုးညှင်းသိမ်မွေ့စွာ ဆိုလိုက်သည်။</p> <p>"ကျေးဇူးတင်ပါတယ် ဆရာ"</p> <p>မင်ယွဲ့ကလည်း လေသံတိုးတိုးဖြင့်ပင် ပြန်လည်ထူးလိုက်သည်။ </p> <p>ဂီတအသင်းမှ လူကြီးသူမများသည် သူမ၏ အကျိုးကို ရှေးရှု၍ ယခုကဲ့သို့ သတိကြီးစွာ ပြုမူနေကြခြင်းဖြစ်ကြောင်း သူမ သိရှိသည်။</p> <p>သူတို့သည် မင်ယွဲ့ကို အဖိုးတန်ရတနာတစ်ပါးကဲ့သို့ မြတ်နိုးစွာ ကြည့်ရှုနေကြပြီး နိုင်ငံခြားသား ဂီတပညာရှင်များမှာလည်း သူမ၏ အရည်အချင်းအပေါ် အထင်ကြီး လေးစားသွားကြသည်။</p> <p> သူတို့ နောက်ထပ် မေးခွန်းများ မမေးနိုင်မီမှာပင် တာဝန်ရှိသူများက သူတို့ကို ခန်းမအပြင်ဘက်သို့ ခေါ်ဆောင်သွားကြသည်။ ပြိုင်ပွဲ၏ တရားမျှတမှုကို ထိန်းသိမ်းရန် လာရောက်ခြင်းဖြစ်သဖြင့် တာဝန်ပြီးဆုံးပါက ထွက်ခွာသွားကြခြင်း ဖြစ်သည်။</p> <p>"အဲဒီမိန်းကလေးက ဂီတမှာ တကယ်ကို ပါရမီထူးတာပဲ၊ သူ့ကို ငါတို့ ဂီတအသင်းထဲဝင်ဖို့ မင်း ဘာလို့ မဖိတ်ခေါ်တာလဲ"</p> <p>နိုင်ငံခြားသား အဖွဲ့ဝင်တစ်ဦးက အံ့သြတသ မေးမြန်းလိုက်သည်။ </p> <p>ဤမျှ ထူးချွန်သော ပါရမီရှင်ကို မြင်ပါက လက်လွှတ်မခံတတ်သော ဆရာကြီး၏ အလေ့အကျင့်နှင့် ယခုအခြေအနေမှာ ကွဲပြားနေသောကြောင့် ဖြစ်သည်။</p> <p>"အဲဒီကလေးက ငါတို့ ဂီတအသင်းရဲ့ အဖွဲ့ဝင် ဖြစ်နေပြီးသားလေ"</p> <p>သူက အေးအေးဆေးဆေးပင် ပြန်လည်ပြောကြားလိုက်သော်လည်း မျက်နှာထက်တွင်မူ ဂုဏ်ယူဝင့်ကြွားသော အရိပ်အယောင်များ ထင်ဟပ်နေသည်။</p> <p>"ဘာ... ဒီနှစ်မှ ဝင်လာတဲ့ လူသစ်လား"</p> <p>မင်ယွဲ့၏ သီဆိုမှုမှာ ကောင်းမွန်သော်လည်း ဂီတအသင်း၏ စစ်ဆေးမှု စံနှုန်းများကို သူတို့ ကောင်းစွာ သိထားကြသည်။ အဆင့်မြင့်အဖွဲ့ဝင် ဖြစ်လာသူတိုင်းမှာ ထူးကဲသော အရည်အချင်းရှိသူများသာ ဖြစ်သည်။</p> <p>"သူ့မှာ ဆရာရှိလား" </p> <p>ဟု နိုင်ငံခြားသားအဖွဲ့ဝင်က စိတ်ဝင်တစား ထပ်မံမေးမြန်းပြန်သည်။</p> <p>"အဲဒီကိစ္စကိုတော့ မေ့လိုက်ပါတော့၊ ဒီကလေးရဲ့ ဆရာက ဒုတိယဥက္ကဋ္ဌ မစ္စတာ ပိုင်ပဲ၊ ပြီးတော့ သူကိုယ်တိုင်က ငါတို့အသင်းရဲ့ စီနီယာ အဆင့်</p> <p>မြင့်အဖွဲ့ဝင် တစ်ယောက်ပဲ"</p> <p>သူက တစ်ဖက်လူကို ခပ်အေးအေး ကြည့်ရင်း မျက်လုံးထဲ၌ "ငါတောင် ဆရာလုပ်ဖို့ အခွင့်အရေးမရှိတာ မင်းကတော့ စဉ်းစားတောင် မနေနဲ့တော့" ဟူသော အဓိပ္ပာယ်ကို ထည့်သွင်းပြလိုက်သည်။</p> <p>နိုင်ငံခြားသား အဖွဲ့ဝင်မှာ ထိုအကြံကို ချက်ချင်းပင် လက်လျှော့လိုက်တော့သည်။ သူသည် အဖွဲ့ဝင်သစ်များကို ဆရာလုပ်ရန် အရည်အချင်း ပြည့်မီသော်လည်း စီနီယာအဖွဲ့ဝင်တစ်ဦးမှာမူ ငယ်စဉ်ကတည်းက လေ့ကျင့်မှုနှင့် အံ့မခန်းပါရမီကြောင့်သာ ဤမျှအရွယ်နှင့် ဤအဆင့်ကို ရောက်ရှိနိုင်ခြင်းဖြစ်ရာ ၎င်းတို့၌ ခိုင်မာသော ဆရာသမားများ ရှိပြီးသားဖြစ်ကြောင်း နားလည်သွားသောကြောင့် ဖြစ်သည်။</p> <p>ပြိုင်ပွဲကျင်းပရာ ခန်းမအတွင်း၌ နှစ်ဖက်ညှိနှိုင်းမှုများ ပြုလုပ်ပြီးနောက် တရုတ်နှင့် ကိုရီးယားအဖွဲ့တို့သည် လာမည့် ၇ ရက်အတွင်း ယဉ်ကျေးမှုဖလှယ်ရေး ပြိုင်ပွဲ ၆ ခု ကျင်းပရန် သဘောတူညီလိုက်ကြသည်။ </p> <p>အပေါ်ယံအားဖြင့် "ခင်မင်ရင်းနှီးမှုက ပထမ၊ ပြိုင်ဆိုင်မှုက ဒုတိယ" ဟူသော ဆောင်ပုဒ်ဖြင့် ချစ်ကြည်ရေး ဖလှယ်ခြင်းသာ ဖြစ်သည်ဟု ဆိုသော်လည်း နိုင်ငံများအကြား ဆက်ဆံရေးတွင် မည်သူမျှ ရှုံးနိမ့်ခြင်းကို မလိုလားကြပေ။</p> <p>သတ်မှတ်ထားသော ပြိုင်ပွဲ (၆) ခုမှာ -</p> <p>၁။ လက်ဖက်ရည် အနုပညာ </p> <p>၂။ ကခြင်း အနုပညာ </p> <p>၃။ အချက်အပြုတ် အတတ်ပညာ </p> <p>၄။ စီးပွားရေးဆိုင်ရာ ပြိုင်ပွဲ </p> <p>၅။ မြင်းစီးအတတ်ပညာ </p> <p>၆။ ကိုယ်ခံပညာ </p> <p>အဆိုပါ သတ်မှတ်ချက်များကို လူတိုင်းသိရှိစေရန် တိုက်ရိုက် အသိပေးလိုက်သည်။ </p> <p>မင်ယွဲ့သည် ထိုစီမံကိန်းများကို ကြည့်ရင်း ကိုရီးယားတို့မှာ တကယ်ပင် အမြင်မရှိသူများဟု တွေးတောမိသည်။ တရုတ်နိုင်ငံသားများသည် ဤကဏ္ဍများတွင် လုံးဝနောက်ကျကျန်ခဲ့သူများ မဟုတ်ပေ။ ဤနည်းဗျူဟာဖြင့် အနိုင်ယူရန် ကြိုးစားခြင်းမှာ သူတို့၏ အကြီးမားဆုံး အမှားပင် ဖြစ်လိမ့်မည်။</p> <p>တရုတ်နိုင်ငံ၏ လက်ဖက်ရည် ယဉ်ကျေးမှုမှာ သမိုင်းကြောင်း ရှည်လျားလှသလို၊ အချက်အပြုတ် အနုပညာတွင်လည်း ထင်ရှားသော ဟင်းလျာကြီး ၈ မျိုးဖြင့် မည်သည့်နိုင်ငံနှင့်မျှ မယှဉ်သာအောင် ထူးကဲလှသည်။</p> <p>ကိုယ်ခံပညာပိုင်းတွင်မူ ပြောနေရန်ပင် မလိုတော့ပေ။ တိုက်ကွမ်ဒိုနှင့် အခြားသော ကိုယ်ခံပညာရပ်များကို အလွန်စွမ်းအားကြီးသည်ဟု ကြွားဝါနေကြသော်လည်း တရုတ်ရိုးရာ ကိုယ်ခံပညာနှင့် ယှဉ်လိုက်လျှင်မူ အလှပြကွက်များသဖွယ်သာ ဖြစ်သွားမည်ဖြစ်ကြောင်း မင်ယွဲ့က ယုံကြည်မှု အပြည့်ဖြင့် တွေးဆနေလေသည်။</p> <p>***</p> <p> </p>


Save