Book List

<h2 style="text-align: center;">အခန်း (၂၈၉) ထိုက်တန်သော အောင်ပွဲ</h2> <h2 style="text-align: center;">*</h2> <p> </p> <p> </p> <p> </p> <p>လက်ဖက်ရည်၏ အရသာမှာ နူးညံ့ပျော့ပျောင်းပြီး မွှေးကြိုင်လှသည်။ ခေါင်းဆောင်ဖြစ်သူသည် တစ်စုံတစ်ရာ ထုတ်ဖော်မပြောသော်လည်း သူ၏ လက်ထဲမှ လက်ဖက်ရည်ခွက်ကို ကျေနပ်စွာ ငုံ့ကြည့်နေပုံမှာ အလွန်ပင် သဘောကျနေကြောင်း သက်သေပြနေသည်။</p> <p> မင်ယွဲ့သည် တည်ငြိမ်စွာ မတ်တပ်ရပ်လိုက်သောအခါ တစ်ခန်းလုံး၌ လက်ခုပ်သံများ သောင်းသောင်းဖျဖျ ထွက်ပေါ်လာတော့သည်။</p> <p>သူမသည် စနစ်တကျ ပြန်လည်အလေးပြုလိုက်ပြီး နိုင်ငံကြီးသား ပီသသော အမူအရာကို အပြည့်အဝ ဖော်ဆောင်ပြခဲ့သည်။</p> <p>"နောက်တစ်မျိုးကို ဆက်သွားကြစို့"</p> <p>ကိုရီးယားအဖွဲ့ခေါင်းဆောင်မှာမူ အရှက်ရလွန်းသဖြင့် မျက်နှာထားမတတ်အောင် ဖြစ်နေသည်။ </p> <p>သူသည် မိမိတို့၏ သာလွန်မှုကို ပြသရန် ရည်ရွယ်ချက်ဖြင့် လာရောက်ခဲ့သော်လည်း တရုတ်အဖွဲ့၏ စွမ်းဆောင်ရည်အောက်တွင် လုံးဝ အရေးနိမ့်နေခဲ့သည်။ ထို့ကြောင့် ဤနေရာမှ အမြန်ဆုံး ထွက်ခွာသွားချင်စိတ်သာ ရှိတော့သည်။</p> <p>"ကောင်းပါပြီ၊ နောက်တစ်ပွဲကို ကူးပြောင်းကြတာပေါ့"</p> <p>အခြားသော ပြိုင်ပွဲကွင်းသို့ ရောက်ရှိလာသောအခါ ဒိုင်လူကြီးများမှာ အသင့်နေရာယူထားကြပြီ ဖြစ်သည်။ </p> <p>ကိုရီးယားနှင့် တရုတ်ပြိုင်ပွဲဝင်များ ရှေ့သို့ အသီးသီး ထွက်လာကြသည်။ ကိုရီးယားတို့သည် တရုတ်ပြိုင်ပွဲဝင်များကြားတွင် မင်ယွဲ့ကို မတွေ့ရသောအခါမှသာ သက်ပြင်းချနိုင်တော့ပြီး ပျောက်ဆုံးနေသော ယုံကြည်မှုများ ပြန်လည်နိုးထလာကြသည်။</p> <p>ပထမဆုံး ကိုရီးယားပြိုင်ပွဲဝင်သည် လမ်းပေါ်ကပြခြင်း အနုပညာကို တင်ဆက်သည်။ စင်မြင့်ထက်သို့ သူခြေချလိုက်ပြီး တက်ကြွသော တေးဂီတသံစဉ်များ စတင်လိုက်သည်နှင့် သူ၏ အမူအရာမှာ ချက်ချင်းပင် ပြောင်းလဲသွားတော့သည်။ </p> <p>သူ၏ လှုပ်ရှားမှုများမှာ လျင်မြန်ဖြတ်လတ်ပြီး စီးချက်ညီလှသဖြင့် ခန်းမအတွင်းရှိ လူအများမှာ တေးသံနှင့်အတူ လိုက်ပါလှုပ်ရှားလာကြသည်။</p> <p>တေးဂီတ ရုတ်တရက် ရပ်တန့်သွားပြီး နောက်ဆုံး အကကွက်၌ သူသည် အေးခဲသွားသကဲ့သို့ ရပ်တန့်လိုက်သည်။ ဒိုင်လူကြီးများပင် မတ်တပ်ရပ်၍ လက်ခုပ်တီး ချီးကျူးကြရသဖြင့် ထိုကိုရီးယားလူငယ်မှာ အလွန်ပင် စွမ်းဆောင်ရည် မြင့်မားကြောင်း ထင်ရှားလှသည်။ </p> <p>ဤသည်က တရုတ်ပြိုင်ပွဲဝင် နှစ်ဦးအပေါ် ကြီးမားသော ဖိအားများကို သက်ရောက်စေခဲ့သည်။</p> <p>"ဖိအားတွေ သိပ်မထားပါနဲ့၊ ကိုယ်စွမ်းနိုင်</p> <p>သလောက် အကောင်းဆုံး လုပ်ပြခဲ့ရင် ရပါပြီ"</p> <p>နိုင်ငံခြားရေးဝန်ကြီးဌာန ကိုယ်စားလှယ်က အားပေးစကား ဆိုလိုက်သည်။ </p> <p>အောင်နိုင်ခြင်းက အရေးကြီးသော်လည်း လူငယ်များအနေဖြင့် ဤကဲ့သို့သော အတွေ့အကြုံများမှတစ်ဆင့် ဆက်လက်ကြီးထွားလာရန်မှာ ပို၍ အရေးကြီးသည်ဟု သူယူဆသည်။ </p> <p>တရုတ်နိုင်ငံ၏ ဂုဏ်သိက္ခာမှာ ဤချစ်ကြည်ရေးပွဲလေး တစ်ခုတည်းအပေါ်တွင်သာ မူတည်နေသည် မဟုတ်ပေ။ သိပ္ပံနှင့် နည်းပညာ အင်အား၊ စီးပွားရေး အင်အားနှင့် စစ်ရေးအင်အားတို့မှာသာ တရုတ်နိုင်ငံ မတ်မတ်ရပ်တည်နိုင်စေရန် ထောက်ကန်ပေးထားသော အခြေခံအုတ်မြစ်များ ဖြစ်သည်။</p> <p>"ကျွန်တော်တို့ အစွမ်းကုန် ကြိုးစားပါ့မယ်"</p> <p>သူတို့သည် နှစ်သိမ့်မှုကို ရရှိသော်လည်း စိတ်ထဲတွင်မူ အမှန်တကယ် အနိုင်ရလိုစိတ် ပြင်းထန်နေကြသည်။</p> <p>ဒုတိယမြောက် ကိုရီးယားပြိုင်ပွဲဝင်မှာ စက်ရုပ်</p> <p>အကကို ကပြခဲ့သော်လည်း သာမန်မျှသာ ရှိသည်။ သူ၏ နည်းစနစ်နှင့် အင်အားမှာ ကောင်းမွန်သော်လည်း အမှတ်ရလောက်အောင် ဆွဲဆောင်နိုင်မှု မရှိပေ။</p> <p>တရုတ်ဘက်မှ အမျိုးသားနှင့် အမျိုးသမီး ပြိုင်ပွဲဝင် နှစ်ဦးသည် ပရော်ဖက်ရှင်နယ် ကကွက်ဝတ်စုံများကို လဲလှယ်ဝတ်ဆင်ပြီးနောက် စင်ပေါ်သို့ တက်လာကြသည်။</p> <p> ဦးစွာ အမျိုးသမီးဖြစ်သူက ဘဲလေးအကကို တစ်ဦးတည်း ကပြတင်ဆက်သည်။ သူမသည် ခြေဖျားလေးများဖြင့် ထောက်ကာ လှပစွာ လည်ပတ်နေပုံမှာ စင်မြင့်အလယ်ရှိ ကျော့ရှင်းသော ငန်းဖြူလေးတစ်ကောင်အလား တောက်ပနေပြီး ကောင်းမွန်သော အမှတ်များကို ရရှိခဲ့သည်။</p> <p>သို့သော်လည်း သူမသည် ပထမဆုံး ကိုရီးယားပြိုင်ပွဲဝင်ထက် အနည်းငယ် အမှတ်လျော့နည်းနေသဖြင့် ကျန်ရှိနေသော အမျိုးသားပြိုင်ပွဲဝင်အပေါ်တွင်သာ မျှော်လင့်ချက် အားလုံး ပုံအောထားရတော့သည်။</p> <p>"ကြိုးစားပါ သူငယ်ချင်း"</p> <p>သူတို့နှစ်ဦး အပြန်အလှန် အားပေးပြီးနောက် အမျိုးသားပြိုင်ပွဲဝင် စင်ပေါ်သို့ တက်လှမ်းသွားသည်။ </p> <p>သူ၏ ဝတ်စုံကို ကြည့်ခြင်းဖြင့် မင်ယွဲ့သည် သူကပြမည့်အရာမှာ တရုတ်ရိုးရာ အကဖြစ်ကြောင်း သိလိုက်သည်။</p> <p>သူ၏ ခြေလှမ်းတိုင်းမှာ အခြားသူများနှင့် ကွဲပြားနေသည်။ ပေါ့ပါးသွက်လက်သော ခြေလှမ်းများဖြင့် စင်လယ်သို့ ရောက်ရှိလာပြီး ဂီတသံစဉ်နှင့်အတူ သူ၏ ကိုယ်လက်အင်္ဂါများကို ဆန့်ထုတ်လိုက်ပုံမှာ အလွန်ပင် သဘာဝကျပြီး လှပလွန်းလှသည်။</p> <p>"သူ ပျံနေတာပဲ"</p> <p>"တရုတ်ကိုယ်ခံပညာလား"</p> <p>တရုတ်အဖွဲ့သားများသာမက ကိုရီးယားကိုယ်စားလှယ်များပင် သူ၏ ခက်ခဲလှသော ကကွက်များကို ကြည့်ရင်း တရုတ်ကိုယ်ခံပညာများ ပါဝင်နေသလောဟု အံ့သြစွာ မေးခွန်းထုတ်မိကြသည်။ </p> <p>မင်ယွဲ့ပင်လျှင် ထိုလူငယ်၏ စွမ်းဆောင်ရည်ကို ချီးကျူးမိသည်။ ခန္ဓာကိုယ် ကြွက်သားများကို ထိန်းချုပ်ကာ ခက်ခဲသော အကွက်များကို လေထဲတွင် ရပ်တန့်နေသကဲ့သို့ ကပြနိုင်ရန်မှာ ထိပ်တန်း ကပညာရှင်များသာ လုပ်ဆောင်နိုင်သည့် အရာဖြစ်သည်။</p> <p>စနစ်၏ အကူအညီမပါဘဲ မိမိ၏ ကြိုးစားအားထုတ်မှု သက်သက်ဖြင့် တစ်စုံတစ်ရာသော နယ်ပယ်တွင် တောက်ပနေသူများကို မင်ယွဲ့ အမြဲတစေ လေးစားအားကျမိသည်။</p> <p>သံသယဖြစ်ဖွယ်မရှိဘဲ ထိုတရုတ်လူငယ်သည် အကကဏ္ဍတွင် ပထမဆုကို ဆွတ်ခူးသွားခဲ့သည်။ ဤသည်မှာ သူနှင့် ထိုက်တန်သော အောင်ပွဲပင် ဖြစ်သည်။</p> <p>ကိုရီးယားအရာရှိမှာမူ မျက်နှာပျက်ပျက်ဖြင့်ပင် ယဉ်ကျေးမှုအရ ဂုဏ်ပြုစကား ဆိုလိုက်ရသည်။ </p> <p>တရုတ်ဘက်မှ ဝမ်းသာအားရ အောင်ပွဲခံနေကြသော်လည်း ကိုရီးယားအဖွဲ့မှာမူ အားကိုးရာမဲ့စွာဖြင့် အထီးကျန် ဆိတ်သုဉ်းနေတော့သည်။ </p> <p>ကံကောင်းထောက်မစွာဖြင့် ယနေ့အတွက် ပြိုင်ပွဲမှာ နှစ်ခုသာရှိသဖြင့် မွန်းလွဲပိုင်းတွင် ထပ်မံ အရှက်ရစရာ မရှိတော့ပေ။</p> <p>မွန်းလွဲပိုင်းတွင်မူ ထုံးစံအတိုင်း သူတို့ကို လည်ပတ်စရာ နေရာများသို့ ခေါ်ဆောင်သွားပြီး တရုတ်နိုင်ငံ၏ ဖွံ့ဖြိုးတိုးတက်မှုများကို လမ်းတစ်လျှောက် မိတ်ဆက်ပေးခဲ့လေသည်။</p> <p>***</p> <p> </p>


Save