Book List

<h2 style="text-align: center;">အခန်း (၂၉၀) မတုန်မလှုပ် ရဲရင့်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ပြိုင်ပွဲ (၆) ခုအနက် ပထမဆုံးပွဲစဉ် (၂) ခုစလုံးတွင် တရုတ်နိုင်ငံက အပြတ်အသတ် ဦးဆောင်နိုင်ခဲ့ခြင်းကြောင့် ကိုရီးယားတို့၏ ကနဦးကရှိခဲ့သော ယုံကြည်မှုနှင့် မောက်မာမှုတို့မှာ လွင့်စဉ်ပျောက်ကွယ်သွားခဲ့ရလေပြီ။ </p> <p>သို့သော်လည်း မွန်းလွဲပိုင်း အပန်းဖြေခရီးစဉ်များက သူတို့အား ရှုံးနိမ့်မှုဝေဒနာကို ခေတ္တမေ့လျော့စေခဲ့သည်။</p> <p>နိုင်ငံတကာမှ ရောက်ရှိလာသော ဧည့်သည်တော်များကို ဧည့်ဝတ်ပြုသည့်အနေဖြင့် တရုတ်ဘက်က သူတို့အား အမျိုးသားပြတိုက်ကြီးသို့ တိုက်ရိုက်ခေါ်ဆောင်သွားခဲ့သည်။ </p> <p>နိုင်ငံခြားရေးဝန်ကြီးဌာနမှ တာဝန်ရှိသူများမှာ မိမိတို့နိုင်ငံ၏ ယဉ်ကျေးမှုအမွေအနှစ်များကို အလွန်နှံ့စပ်ကျွမ်းကျင်ကြသူများဖြစ်ရာ ဤပြတိုက်သို့ လာရောက်ရခြင်းမှာ သူတို့အတွက် အိမ်ဦးနှင့် ကြမ်းပြင်သဖွယ် ရင်းနှီးလှပေသည်။</p> <p>ရှေ့ဆုံးမှ ရှင်းလင်းပြောကြားသူက ပြတိုက်အတွင်းရှိ အဖိုးတန်ရတနာများကို စိတ်အားထက်သန်စွာ မိတ်ဆက်ပေးနေသည်။</p> <p>"ဒါကတော့ ကျောက်စိမ်းဖြင့် ပြုလုပ်ထားတဲ့ အသုဘဝတ်စုံ၊ ဒါကတော့ နွားလေးကောင်ပုံစံ ကြေးအိုးနဲ့ မိခင်ကျောက်ပြားပုံစံ ကြေးအိုးကြီးတွေပဲ ဖြစ်ပါတယ်"</p> <p>လမ်းတစ်လျှောက် ပြသထားသော ရှေးဟောင်းပစ္စည်းများမှာ အမျိုးအမည်စုံလင်လှသဖြင့် ကြည့်မဝနိုင်အောင် တောက်ပဝေဖြာနေတော့သည်။ ထိုစဉ် ကိုရီးယားအမျိုးသားတစ်ဦးက မဆီမဆိုင်သော စကားတစ်ခွန်းကို ကြားဖြတ်ပြောဆိုလိုက်သည်။</p> <p>"ဒါမျိုးကို ကျွန်တော် အင်္ဂလန် မှာ မြင်ဖူးသလိုပဲ"</p> <p>ထိုစကားကြောင့် ရှေ့ဆုံးမှ ရှင်းလင်းနေသူ၏ မျက်နှာမှာ ချက်ချင်းပင် တည်တံ့သွားသည်။ </p> <p>"နဂါးကိုးကောင်နဲ့ ဖီးနစ်ကိုးကောင် သရဖူ" </p> <p>ဆိုသည်မှာ တစ်ကမ္ဘာလုံးတွင် တရုတ်နိုင်ငံ၌သာ ရှိသောအရာဖြစ်သည်။ </p> <p>အင်္ဂလန်တွင် ရှိနေခဲ့သည်ဆိုလျှင်ပင် ၎င်းမှာ တရုတ်ပြည်မှ မတရားလုယက်ယူဆောင်သွားခြင်းခံခဲ့ရသော ပစ္စည်းများသာ ဖြစ်ပေလိမ့်မည်။</p> <p>ပြည်ပသို့ ရောက်ရှိနေသော ရှေးဟောင်းပစ္စည်းများအကြောင်း ပြောဆိုမိတိုင်း တရုတ်လူမျိုးတို့၏ စိတ်ထဲတွင် တစ်ချိန်က မိမိတို့နိုင်ငံ ကျူးကျော်ဖျက်ဆီးခံခဲ့ရကာ အဖိုးတန်ရတနာပေါင်းများစွာ အတင်းအဓမ္မ လုယူခံခဲ့ရသည့် သွေးစွန်းသော သမိုင်းပုံရိပ်များကို ပြန်လည်</p> <p>မြင်ယောင်လာကြရမြဲ ဖြစ်သည်။</p> <p>"ဒါက မင်းတို့ တရုတ်ပြည်ကလို့ ဘယ်လိုသက်သေပြမလဲ ကျွန်တော် ဗြိတိသျှပြတိုက်မှာ အထင်အရှား မြင်ခဲ့တာပဲလေ" </p> <p>ဟု ထိုအမျိုးသားက ဇွတ်မှိတ်၍ ဆက်လက်</p> <p>ပြောဆိုနေသည်။</p> <p>"ဒါကတော့ ကိုယ်ထင်တာကိုယ် ပြောတာပဲလေ ကိုရီးယားလူမျိုးတွေက နဂါးလှေပွဲတော်ကို သူတို့ပိုင်တယ်လို့ ထင်နေသလိုမျိုးပေါ့၊ အိပ်ချင်ဟန်ဆောင်နေတဲ့သူကို နှိုးလို့မရဘူးဆိုတာ ဒါကို ပြောတာပဲ"</p> <p>နိုင်ငံခြားရေးဝန်ကြီးဌာနမှ တာဝန်ရှိသူများက ရာထူးဂုဏ်သိက္ခာအရ ပြင်းထန်သောစကားများကို ရှောင်ကြဉ်ရသော်လည်း မင်ယွဲ့ ကဲ့သို့သော လူငယ်များမှာမူ ကျောင်းသားဘဝ၏ အကာအကွယ်ဖြင့် ပွင့်လင်းစွာ ပြောဆိုခွင့်ရှိပေသည်။ </p> <p>မင်ယွဲ့၏ ဘေးမှ မျက်နှာဝိုင်းဝိုင်းနှင့် မိန်းကလေးကလည်း မခံမရပ်နိုင်ဖြစ်စွာဖြင့် မင်ယွဲ့ဘက်မှ ကူညီပြောဆိုလိုက်သည်။</p> <p>"မင်းမှာ အထောက်အထားမရှိဘဲ စကားမပြောသင့်ဘူး" </p> <p>ဟု ထိုကိုရီးယားအမျိုးသားက မိန်းကလေးကို အထင်သေးသော အပြုံးဖြင့် တုံ့ပြန်သည်။</p> <p>"ဘယ်လိုအထောက်အထားမျိုး လိုချင်တာလဲနဂါးကိုးကောင်နဲ့ ဖီးနစ်ကိုးကောင် သရဖူဆိုတာ မင်မင်းဆက် က ဧကရီ 'ရှောင်တွမ်း' ရဲ့ သရဖူပဲ၊ ဧကရာဇ် 'ဝမ်လီ' ရဲ့ ဂူဗိမာန်ကနေ တူးဖော်တွေ့ရှိခဲ့တာ ဒီက ပစ္စည်းတိုင်းဟာ ငါတို့နိုင်ငံရဲ့ သမိုင်းသက်သေတွေပဲ၊ ရှင်တို့မှာကော ဘာရှိလို့လဲ"</p> <p>မင်ယွဲ့၏ စကားလုံးများမှာ ထိုသူ၏ သိက္ခာကို အပိုင်းပိုင်းဖြတ်တောက်လိုက်သကဲ့သို့ ပြင်းထန်လှသည်။</p> <p>"တရုတ်ပြည်က ပိုင်ဆိုင်တဲ့အရာမှန်သမျှဟာ နောက်ဆုံးမှာ မိခင်နိုင်ငံရဲ့ ရင်ခွင်ထဲကို ပြန်</p> <p>ရောက်လာမှာပဲ ငါတို့က အောက်တန်းကျတဲ့ ခိုးသူတွေနဲ့ အခြေအတင် စကားမပြောချင်ဘူးဒါပေမဲ့ မင်းက မျက်စိရော စိတ်နှလုံးပါ ကန်းနေမယ်ဆိုရင်တော့ ငါတို့ဆီက နွေးထွေးတဲ့ ဆက်ဆံမှုကို ခံယူဖို့ မထိုက်တန်ဘူးလို့ပဲ ထင်တယ်"</p> <p>အခြေအနေများ တင်းမာလာသည်ကို မြင်သောအခါ ကိုရီးယားအရာရှိက ချက်ချင်းပင် ကြားဝင်စေ့စပ်လိုက်သည်။</p> <p>"ဒီကလေးမလေးက တော်တော်လေး စိတ်ကြီးတာပဲ သူက အင်္ဂလန်မှာ မြင်ဖူးတယ်လို့ ပြောရုံလေးကို ဒီလောက်အထိ စိတ်ဆိုးသွားရသလား ငါတို့ မှတ်သားထားပါ့မယ်၊ ဒါဟာ မင်းတို့ တရုတ်</p> <p>ပြည်ကဆိုတာ ငါတို့ အခု သိသွားပါပြီ"</p> <p>သူတို့အနေဖြင့် တရုတ်နိုင်ငံနှင့် ဗြောင်ကျကျ ဆက်ဆံရေးအပျက်မခံဝံ့ပေ။</p> <p> သို့မဟုတ်ပါက အဖွဲ့ခေါင်းဆောင်တစ်ဦးအနေဖြင့် မိမိနိုင်ငံသို့ ပြန်ရောက်သောအခါ ရှင်းပြနိုင်မည်မဟုတ်ပေ။ လူတိုင်းက မင်ယွဲ့ လျှော့ပေးလိုက်လိမ့်မည်ဟု ထင်မှတ်ထားချိန်</p> <p>တွင် သူမက ရပ်တန့်မသွားဘဲ ဆက်လက်</p> <p>တိုက်စစ်ဆင်လိုက်သည်။</p> <p>"ရှင်တို့ တရုတ်ပြည်ကို လာတာဟာ ငါတို့ကို သူငယ်ချင်းလို့ တကယ်သတ်မှတ်လို့လို့ ကျွန်မ ယုံကြည်ပါတယ် ရှင်တို့က ဒီလောက်တောင် သိချင်စိတ်ပြင်းပြနေမှတော့ သူငယ်ချင်းတစ်ယောက်အနေနဲ့ ကျွန်မ အပိုဆောင်းပြီး ပြောပြရဦးမှာပေါ့ နဂါးလှေပွဲတော်က ငါတို့ဟာပဲ၊ ကွန်ဖူးရှပ်ကလည်း ငါတို့ဟာပဲ၊ ရွှေ့လျားပုံနှိပ်စနစ်ဆိုတာလည်း ငါတို့ရဲ့ ကြီးမြတ်တဲ့ တီထွင်မှု ၄ ခုထဲက တစ်ခုပဲ၊ ပြီးတော့ ငါတို့ဆီမှာ ကင်မ်ချီ လုပ်တဲ့ သမိုင်းကြောင်းကလည်း အရှည်ကြီး ရှိပြီးသား..."</p> <p>မင်ယွဲ့က တစ်ခုပြီးတစ်ခု ထောက်ပြနေသည်နှင့်အမျှ ကိုရီးယားအဖွဲ့သားများ၏ မျက်နှာမှာ မည်းမှောင်လာတော့သည်။</p> <p> အစက သတိပေးချက်မျှသာဟု ထင်ရသော်လည်း ယခုမူ မင်ယွဲ့သည် သူတို့၏ မျက်နှာကို တည့်တည့်ချိန်ကာ အမြောက်ဖြင့် ပစ်ခတ်</p> <p>လိုက်သကဲ့သို့ပင်။</p> <p>ကိုရီးယားတို့မှာ အရှက်ရခြင်းနှင့် ဒေါသထွက်ခြင်းတို့ ရောပြွမ်းနေကြပြီး အချို့ကမူ သူတို့ကို အရှက်ခွဲခဲ့သော မင်ယွဲ့အပေါ် ရန်ငြိုးများပင် ထားရှိလာကြသည်။ </p> <p>သို့သော်လည်း မင်ယွဲ့ကမူ သူမပြောခဲ့သော စကားများအတွက် မည်သည့်အခါမျှ တုန်လှုပ်ခြင်းမရှိဘဲ ရဲရင့်စွာပင် ရပ်တည်နေလေတော့သည်။</p> <p>***</p>


Save