Book List

<h2 style="text-align:center">Chapter 353</h2> <h2 style="text-align:center">ငါတို့ အစွမ်းကုန် ကြိုးစားသင့်လား</h2> <h2 style="text-align:center">*</h2> <p> </p> <p>"ချသာချ"</p> <p> </p> <p>ရီထျန်းမင်၏ စကားကို ကြားလိုက်ရသည်တွင် အကျဉ်းထောင်သခင်က ရုတ်ခြည်းဆိုသလိုပင် အောက်ပိုင်း၌ အနည်းငယ် နာကျင်သွားသလို ခံစားလိုက်ရ၏။</p> <p> </p> <p>လေးယောက်တစ်ယောက် မဟုတ်ပါလော။ သူတို့က မည်သို့ ချနိုင်ပါမည်နည်း။</p> <p> </p> <p>သူက ခေတ္တမျှ တုံ့ဆိုင်းနေပြီးနောက်တွင် "နတ်ဘုရား... ရန်သူကို ဆုတ်ခွာသွားအောင် လုပ်ဖို့ နတ်ဘုရားဆီမှာ နည်းဗျူဟာများ ရှိလို့လား"</p> <p> </p> <p>ရီထျန်းမင်က ခေါင်းခါယမ်းလိုက်၏။</p> <p> </p> <p>အကျဉ်းထောင်သခင်မှာ မှင်သက်သွားသည်။ "ထိပ်တိုက်ရင်ဆိုင်မှာလား"</p> <p> </p> <p>ရီထျန်းမင်က ခေါင်းညိတ်လိုက်၏။</p> <p> </p> <p>အကျဉ်းထောင်သခင်မှာ ချက်ချင်းဆိုသလို သူ၏ ဥနှစ်လုံးစလုံး နာကျင်သွားသလို ခံစားလိုက်ရ၏။</p> <p> </p> <p>အထွတ်အမြတ်နတ်ဘုရားကျောင်းတော်ငါးခုက သူတို့ကို ဝိုင်းရံထားခြင်းပင်။ ထိုအရာက ကိစ္စသေးသေးလေး မဟုတ်ချေ။ မော့ခယ်နတ်ဘုရား ချန်ထားရစ်ခဲ့သော အစီအရင် ကျိုးပျက်သွားသည်နှင့်တစ်ပြိုင်နက် မော့ခယ်နတ်ဘုရားအကျဉ်းထောင်က လုံးဝ သုတ်သင်ခံရပေလိမ့်မည်။</p> <p> </p> <p>ပြီးခဲ့သောနှစ်များတစ်လျှောက်၌ မော့ခယ်နတ်ဘုရားအကျဉ်းထောင်က မော့ခယ်နတ်ဘုရားအစီအရင်ကို အားကိုး၍ ရှင်သန်လာခဲ့ရခြင်းပင်။ မော့ခယ်နတ်ဘုရားအစီအရင်ကို မော့ခယ်နတ်ဘုရားက ဖန်တီးခဲ့ခြင်း ဖြစ်သော်လည်း သူက လေးယောက်တစ်ယောက် တိုက်ပွဲ၌ ယုံကြည်မှု မရှိချေ။ ထို့ကြောင့် သူ မထိတ်လန့်ဘူးဟု ဆိုလျှင် ထိုအရာက လိမ်ညာနေခြင်းသာ ဖြစ်ပေသည်။</p> <p> </p> <p>အကျဉ်းထောင်သခင်က ရီထျန်းမင်ကို တစ်ချက်ကြည့်လိုက်၏။ ထိုအခိုက်အတန့်၌ ဤနတ်ဘုရားက တကယ်ကို အနည်းငယ် အားကိုးမရ ဖြစ်နေကြောင်းကိုသာ သူ ခံစားနေရသည်။ ရီထျန်းမင်ကမူ ကောင်းကင်ယံသို့ လှမ်းကြည့်နေကာ တိတ်ဆိတ်နေ၏။</p> <p> </p> <p>အဝေးရှိ ကောင်းကင်ယံ၌ ကောင်းကင်သခင် အစီအရင်အတွင်းတွင် နတ်ဘုရားသတ်လက်နက်ဖြစ်သော ကောင်းကင်သခင်ကြေးမုံက ဗဟိုချက်၌ တည်ရှိနေကာ အစီအရင်အတွင်းသို့ ကြောက်မက်ဖွယ်ကောင်းသော စွမ်းအင်များကို အဆက်မပြတ် လောင်းထည့်ပေးနေသည်။ စွမ်းအင်များ စုစည်းလာသည်နှင့်အမျှ ကောင်းကင်သခင် နတ်ဘုရားအစီအရင်က ယင်း၏ အစစ်အမှန် နတ်ဘုရားစွမ်းအားကို စတင်ပြသလာ၏။ အစီအရင်၏ ပတ်ပတ်လည်ရှိ ကြယ်တာရာနယ်မြေမှာလည်း ယင်း၏ ကြောက်မက်ဖွယ်ကောင်းသော စွမ်းအားကြောင့် ကြယ်တာရာနယ်မြေ ရေဝဲတစ်ခုအဖြစ် တိုက်ရိုက် မွှေနှောက်ခံလိုက်ရကာ ကြောက်မက်ဖွယ်ကောင်းသော ဖိအားများက ယင်း၏ အတွင်းမှနေ၍ အဆက်မပြတ် လျှံကျလာပြီး အရာအားလုံးကို တိုက်ခတ်သွားလေသည်။</p> <p> </p> <p>ထိုကောင်းကင်သခင် နတ်ဘုရားအစီအရင်ကို မြင်လိုက်ရသည်တွင် မော့ခယ်နတ်ဘုရားအကျဉ်းထောင်အတွင်းရှိ သန်မာသူများ၏ အမူအရာများက လေးနက်သွားကြ၏။</p> <p> </p> <p>နတ်ဘုရားသတ်လက်နက်ကို ဗဟိုချက်အဖြစ် အသုံးပြုထားသော နတ်ဘုရားအစီအရင်တစ်ခုက တကယ်ကို ကြောက်မက်ဖွယ် ကောင်းလွန်းလှပေသည်။ အစစ်အမှန်နတ်ဘုရားတစ်ပါးကို ယှဉ်ပြိုင်နိုင်စွမ်းရှိသည်ဟု မဆိုနိုင်သော်လည်း နတ်ဘုရားများ၏ အောက်ရှိ သာမန်နတ်ဘုရားတုအဆင့် သန်မာသူများကမူ ဤကဲ့သို့သော အစီအရင်နှင့် နတ်ဘုရားသတ်လက်နက်ကို ယှဉ်ပြိုင်နိုင်စွမ်း လုံးဝရှိမည် မဟုတ်ချေ။</p> <p> </p> <p>ထိုစဉ် မော့ခယ်နတ်ဘုရားအကျဉ်းထောင် အပြင်ဘက်၌ နတ်ဘုရားတာအိုကျောင်းတော်၏ ကျောင်းတော်သခင် ကျင်းချင်၏ အသံက ရုတ်ခြည်းဆိုသလို ပဲ့တင်ထပ်သွား၏။ "အစီအရင်ကို အသက်သွင်းလိုက်"</p> <p> </p> <p>ဝုန်း...</p> <p> </p> <p>အဝေးရှိ နတ်ဘုရားတာအို ကြယ်တာရာနယ်မြေ၌ ဧရာမ ရေဝဲကြီးတစ်ခု ရုတ်ခြည်းဆိုသလို ထွက်ပေါ်လာသည်။ ထိုရေဝဲကြီးအတွင်း၌ သန်းပေါင်းဆယ်နှင့်ချီသော နတ်ဘုရားအလင်းတန်းများက တောက်ပသော ကြယ်တာရာနယ်မြေများအလား ရောယှက်လျက် လိမ်ယှက်နေကြ၏။ ထို့ပြင် အနက်ရှိုင်းဆုံးဗဟိုချက်၌ ရွှေရောင်တံဆိပ်တုံးကြီးတစ်ခုကလည်း လျင်မြန်စွာ လည်ပတ်နေသည်။</p> <p> </p> <p>နတ်ဘုရားတာအို တံဆိပ်တုံးပင်။</p> <p> </p> <p>နတ်ဘုရားသတ်လက်နက် ဖြစ်၏။</p> <p> </p> <p>နတ်ဘုရားတာအိုတံဆိပ်တုံးအတွင်းမှနေ၍ ကြောက်မက်ဖွယ်ကောင်းသော ရွှေရောင်စွမ်းအင်များက အပြင်သို့ ပေါက်ကွဲထွက်ပေါ်လာကာ နတ်ဘုရားတာအိုအစီအရင်ထံသို့ စုစည်းသွားကြ၏။ စွမ်းအင်များ အဆက်မပြတ် ဝင်ရောက်လာသည်နှင့်အမျှ နတ်ဘုရားတာအိုအစီအရင်က ချက်ချင်းဆိုသလို အတိုင်းအတာကင်းမဲ့သော နတ်ဘုရားစွမ်းအားမျိုးဖြင့် ပေါက်ကွဲထွက်ပေါ်လာကာ မော့ခယ်နတ်ဘုရားအကျဉ်းထောင်ကို တိုက်ရိုက် ပစ်မှတ်ထားလိုက်လေသည်။</p> <p> </p> <p>မော့ခယ်နတ်ဘုရားအကျဉ်းထောင်တစ်ခုလုံးရှိ သန်မာသူများအားလုံးက မိုးပျံမတတ် မြင့်မားသော တောင်ကြီးပေါင်း သောင်းနှင့်ချီ၍ သူတို့အပေါ် ဖိချလာသည့်အလား ခံစားလိုက်ရ၏။</p> <p> </p> <p>ထိုမြင်ကွင်းကို မြင်လိုက်ရသည်တွင် မော့ခယ်နတ်ဘုရားအကျဉ်းထောင်အတွင်းရှိ သန်မာသူများ၏ အမူအရာများက ပို၍ပင် အရုပ်ဆိုးသွားကြသည်။</p> <p> </p> <p>ဦးဆောင်နေသော အကျဉ်းထောင်သခင်၏ အမူအရာကလည်း အင်မတန် လေးနက်နေ၏။ ဤတစ်ကြိမ်တွင် အထွတ်အမြတ်နတ်ဘုရားကျောင်းတော်လေးခုက အတည်လုပ်နေပြီ ဖြစ်ကြောင်း သူ သိထားသောကြောင့်ပင်။</p> <p> </p> <p>သေချာပေါက် သူက အင်မတန် အံ့အားသင့်နေပေသည်။</p> <p> </p> <p>ဤမျှကြာညောာင်းခဲ့သော ကာလများအတွင်း၌ အထွတ်အမြတ်နတ်ဘုရားကျောင်းတော်လေးခုက လှုပ်ရှားရန် မရွေးချယ်ခဲ့သော်လည်း သူတို့ လှုပ်ရှားလိုက်သည့် အချိန်တွင်မူ သူတို့၏ ဝှက်ဖဲများ အားလုံးကို ထုတ်သုံးလိုက်ကြ၏။ ရှင်းနေသည်မှာ နတ်ဘုရားတစ်ပါးက ဤလူအိုကြီးလေးဦးအား ခြိမ်းခြောက်မှုတစ်ခု ခံစားရစေခဲ့ခြင်းကြောင့်ပင်။ ထို့ကြောင့် သူတို့က မလှုပ်ရှားဘဲနေခြင်း သို့မဟုတ် လှုပ်ရှားမည်ဆိုလျှင်လည်း သတ်ဖြတ်ရန်သာ တိုက်ရိုက်ဦးတည်သွားကြလိမ့်မည် ဖြစ်၏။</p> <p> </p> <p>"အစီအရင်ကို အသက်သွင်းလိုက်"</p> <p> </p> <p>ထိုစဉ် နတ်ဆိုးနတ်ဘုရားရှေးဟောင်းကျောင်းတော်၏ ကျောင်းတော်သခင် ခဲ့ရှန်း၏ အသံကလည်း ကောင်းကင်နှင့်မြေပြင်တစ်ခွင်၌ ရုတ်တရက် ပဲ့တင်ထပ်သွားသည်။</p> <p> </p> <p>ဝုန်း...</p> <p> </p> <p>ခဲ့ရှန်း၏ အသံက ကောင်းကင်နှင့်မြေပြင်တစ်ခွင် ပဲ့တင်ထပ်သွားသည်နှင့်တစ်ပြိုင်နက် အဝေးရှိ နတ်ဆိုးနတ်ဘုရား ကြယ်တာရာနယ်မြေ၌ သွေးရောင်လှံရှည်တစ်လက်က ကောင်းကင်ယံသို့ ရုတ်ခြည်းဆိုသလို ထိုးတက်သွား၏။ ထိုအရာက နတ်ဘုရားသတ်လက်နက်ဖြစ်သော နတ်ဆိုးနတ်ဘုရားလှံပင်။ နတ်ဆိုးနတ်ဘုရားလှံက သွေးမြူခိုးများဖြင့် ဝန်းရံထားကာ ရင်တုန်ဖွယ်ကောင်းသော နတ်ဆိုးချီစွမ်းအင်များကို ထုတ်လွှတ်နေ၏။ ယင်းက ကြယ်တာရာနယ်မြေတစ်ခုအတွင်းသို့ ပြေးဝင်သွားချိန်၌ ကြယ်တာရာနယ်မြေတစ်ခုလုံးက ချက်ချင်းဆိုသလို ပွက်ပွက်ဆူလာသည်။</p> <p> </p> <p>ဤနတ်ဆိုးနတ်ဘုရားလှံကို ဗဟိုချက်အဖြစ်ထားကာ ဧရာမ သွေးရောင်အစီအရင်ကြီးတစ်ခုက တိတ်တဆိတ် ဖွဲ့စည်းလာ၏။ ထိုအစီအရင်က ကြယ်တာရာနယ်မြေတစ်ခုလုံးကို တိုက်ရိုက်လွှမ်းခြုံထားကာ ကြောက်မက်ဖွယ်ကောင်းသော နတ်ဆိုးအရှိန်အဝါများက ပွက်ပွက်ဆူနေသော ရေနွေးများအလား အဆက်မပြတ် ဟိန်းဟောက်သောင်းကျန်းနေကြကုန်သည်။</p> <p> </p> <p>နတ်ဆိုးနတ်ဘုရားအစီအရင်ပင်။</p> <p> </p> <p>"အစီအရင်ကို အသက်သွင်းလိုက်"</p> <p> </p> <p>လူတိုင်း တုံ့ပြန်နိုင်စွမ်း မရှိသေးခင်၌ပင် နိုးထခြင်းနန်းတော်၏ ကျောင်းတော်သခင် ကျဲကျဲ၏ အသံကလည်း ကောင်းကင်နှင့်မြေပြင်တစ်ခွင် ရုတ်တရက် ပဲ့တင်ထပ်သွား၏။</p> <p> </p> <p>နိုးထခြင်းကြယ်တာရာနယ်မြေ၌ ကြယ်တာရာနယ်မြေတစ်ခုက ရုတ်တရက်ဆိုသလို ပွက်ပွက်ဆူလာသည်။ ထိုကြယ်တာရာနယ်မြေအတွင်း၌ ရှေးဟောင်းစာအုပ်တစ်အုပ်က တိတ်တဆိတ် ထွက်ပေါ်လာ၏။ ထိုအရာက နိုးထခြင်းနန်းတော်၏ နတ်ဘုရားသတ်လက်နက်ဖြစ်သော နိုးထခြင်းစာအုပ်ပင်။ နိုးထခြင်းစာအုပ်က အလင်းရောင်ဖျော့ဖျော့လေး ထုတ်လွှတ်နေကာ ယင်း၏ စာမျက်နှာများကလည်း လေမတိုက်ဘဲ လှန်နေပေသည်။</p> <p> </p> <p>နိုးထခြင်းစာအုပ်ကို ဗဟိုချက်အဖြစ်ထားကာ ရှေးဟောင်းအက္ခရာများက ပတ်ဝန်းကျင်ရှိ ကြယ်တာရာနယ်မြေ၌ ရှေးဟောင်းရွတ်ဆိုသံများနှင့်အတူ ရုတ်ခြည်းဆိုသလို ထွက်ပေါ်လာ၏။ ထိုရွတ်ဆိုသံများ ပဲ့တင်ထပ်သွားသည်နှင့်အမျှ ကြောက်မက်ဖွယ်ကောင်းသော စွမ်းအားများက ကောင်းကင်နှင့်မြေပြင် တစ်ခွင်သို့ ပြန့်နှံ့သွားလေသည်။</p> <p> </p> <p>နိုးထခြင်းနတ်ဘုရားအစီအရင်ပင်။</p> <p> </p> <p>ရှေးဟောင်းအက္ခရာတိုင်း၌ ကမ္ဘာဖျက်စွမ်းအားများ ပါဝင်နေ၏။</p> <p> </p> <p>နိုးထခြင်းနတ်ဘုရားအစီအရင်အတွင်း၌ ပါဝင်နေသော အရှိန်အဝါက အခြားနတ်ဘုရားအစီအရင်သုံးခုထက်ပင် ပို၍ အားကောင်းနေပေသည်။</p> <p> </p> <p>နိုးထခြင်း နတ်ဘုရား။</p> <p> </p> <p>ဤသူက အထွတ်အမြတ်နတ်ဘုရားတစ်ပါး မဟုတ်သော်လည်း ထိပ်တန်းနတ်ဘုရားများထဲမှ တစ်ပါးဖြစ်ကာ အတိတ်က အထွတ်အမြတ်နတ်ဘုရားတစ်ပါး ဖြစ်လာရန် အခွင့်အရေးအများဆုံး ရှိခဲ့သော ထိပ်သီးနတ်ဘုရားတစ်ပါးလည်း ဖြစ်၏။</p> <p> </p> <p>နတ်ဘုရားကျောင်းတော်လေးခု၏ နတ်ဘုရားအစီအရင်များအားလုံး အသက်ဝင်လာခဲ့ပြီဖြစ်ကာ ယင်းတို့အားလုံးက မော့ခယ်နတ်ဘုရားအကျဉ်းထောင်ကို ပစ်မှတ်ထားလာကြခြင်းပင်။</p> <p> </p> <p>ထိုမြင်ကွင်းကို မြင်လိုက်ရသည်တွင် မော့ခယ်နတ်ဘုရားအကျဉ်းထောင်အတွင်းရှိ လူတိုင်း ထိတ်လန့်သွားကြ၏။</p> <p> </p> <p>ထိုအထွတ်အမြတ်နတ်ဘုရားကျောင်းတော်လေးခုက အသေအကြေ တိုက်ပွဲဝင်ရန် တိုက်ရိုက် ရောက်ရှိလာကြခြင်းပင်။</p> <p> </p> <p>ထိုအချိန်၌ အကျဉ်းထောင်သခင်သည်လည်း အနည်းငယ် စိုးရိမ်ပူပန်နေ၏။ သူက ရီထျန်းမင်ကို လှည့်ကြည့်လိုက်ရာ ရီထျန်းမင်၏ တည်ငြိမ်နေသော အမူအရာကို မြင်လိုက်ရသည်တွင် သူ၏ နှလုံးသားမှာ အနည်းငယ် စိတ်သက်သာရာရသွားသည်။</p> <p> </p> <p>သူက ထိပ်တန်း အထွတ်အမြတ်နတ်ဘုရားတစ်ပါးပင်။</p> <p> </p> <p>သူ့ထံ၌ ဝှက်ဖဲတစ်ခုခု သေချာပေါက် ရှိလောက်ပေသည်။</p> <p> </p> <p>ရုတ်တရက် ရီထျန်းမင်က "အစီအရင်ကို အသက်သွင်းလိုက်"</p> <p> </p> <p>အကျဉ်းထောင်သခင်က ချက်ချင်းဆိုသလို လက်မောင်းကို မြှောက်ကာ အော်ဟစ်လိုက်သည်။ "အစီအရင်ကို အသက်သွင်းလိုက်"</p> <p> </p> <p>ဝုန်း...</p> <p> </p> <p>မော့ခယ်နတ်ဘုရားအကျဉ်းထောင်၏ မြေအောက်အနက်ပိုင်းမှနေ၍ သွေးရောင်သံကြိုးများက ကောင်းကင်ယံသို့ ရုတ်ခြည်းဆိုသလို ထိုးတက်သွားကြ၏။ ထိုသံကြိုးများက ဧရာမနဂါးကြီးများအလား တုတ်ခိုင်လှကာ ယင်းတို့၏ မျက်နှာပြင်ပေါ်၌ မည်သည့်သွေးမှန်းမသိသော သွေးများက စီးဆင်းနေပြီး ရင်တုန်ဖွယ်ကောင်းသော အပုပ်နံ့နှင့် နတ်ဆိုးအရှိန်အဝါများကို ထုတ်လွှတ်နေသည်။ ယင်းတို့က အချင်းချင်း လိမ်ယှက်နေကြကာ မော့ခယ်နတ်ဘုရားအကျဉ်းထောင်တစ်ခုလုံးကို ဖုံးလွှမ်းထားသည့် ထိုးဖောက်ဝင်ရောက်၍ မရနိုင်သော သွေးပိုက်ကွန်တစ်ခုအား မျက်စိတစ်မှိတ်အတွင်း၌ပင် ဖွဲ့စည်းလိုက်ကြ၏။</p> <p> </p> <p>ထိုသံကြိုးများက သက်ရှိသတ္တဝါအပေါင်း၏ စိတ်ဝိညာဉ်များကို အကျဉ်းချနိုင်စွမ်း ရှိသည့်အလား ကျောချမ်းဖွယ်ကောင်းသော သွေးဆာနေသည့် အရှိန်အဝါတစ်ခုကို ထုတ်လွှတ်နေကြသည်။</p> <p> </p> <p>ထိုအခိုက်အတန့်၌ ရုတ်တရက် ယုံရှီးက လက်ဆန့်ထုတ်လိုက်ရာ သူမ၏ လက်ထဲမှနေ၍ မော့ခယ်သေမင်းလှံက အထက်သို့ ထိုးတက်သွားပြီး မော့ခယ်နတ်ဘုရားအစီအရင်၏ ဗဟိုချက်သို့ တိုက်ရိုက်ဆိုသလို ရောက်ရှိသွား၏။</p> <p> </p> <p>မော့ခယ်သေမင်းလှံ ထပ်မံပေါင်းထည့်လိုက်ခြင်းနှင့်အတူ မော့ခယ်နတ်ဘုရားအစီအရင်မှနေ၍ ယခင်ကထက် ပို၍ ကြောက်မက်ဖွယ်ကောင်းသော စွမ်းအားများ ချက်ချင်း ပေါက်ကွဲထွက်ပေါ်လာသည်။ ဗဟိုချက်၌ မော့ခယ်သေမင်းလှံက ပြင်းထန်စွာ တုန်ခါနေကာ မော့ခယ်နတ်ဘုရားအစီအရင်တစ်ခုလုံး၏ စွမ်းအားနှင့် ပဲ့တင်ထပ်နေသော ကြောက်မက်ဖွယ်ကောင်းသည့် သေမင်းချီစွမ်းအင်များကိုလည်း ထုတ်လွှတ်နေ၏။</p> <p> </p> <p>မော့ခယ်နတ်ဘုရားအစီအရင်ပင်။</p> <p> </p> <p>မော့ခယ်နတ်ဘုရား ချန်ထားရစ်ခဲ့သော မဟာအစီအရင်ကြီး ဖြစ်ပေသည်။</p> <p> </p> <p>ဤမဟာအစီအရင်ကြီးမှာ ယခင်က နတ်ဘုရားများစွာ၏ ပူးပေါင်းတိုက်ခိုက်မှုကြောင့် ပြင်းထန်စွာ ပျက်စီးခဲ့ရသော်လည်း ယင်းက ကြောက်မက်ဖွယ်ကောင်းနေဆဲဖြစ်ကာ ယင်း၏ အရှိန်အဝါက အဝေးရှိ နတ်ဘုရားအစီအရင်လေးခုထက် အများကြီး ပို၍ သာလွန်နေပေသည်။</p> <p> </p> <p>ဤသည်က အထွတ်အမြတ်နတ်ဘုရားတစ်ပါး၏ အစီအရင်ပင်။</p> <p> </p> <p>ရီထျန်းမင်က မော့ခယ်နတ်ဘုရားအစီအရင်ကို ကြည့်ကာ သူ၏ နှလုံးသားထဲ၌ အနည်းငယ် အံ့အားသင့်နေမိ၏။ ဤနတ်ဘုရားအစီအရင်က လက်ရှိတွင် အားနည်းနေသော အခြေအနေ၌ ရှိနေခြင်းဖြစ်ပေသည်။ အကယ်၍ ယင်းသာ အထွတ်အထိပ်အခြေအနေ၌ ရှိနေမည်ဆိုလျှင် သေချာပေါက် ပို၍ပင် ကြောက်မက်ဖွယ် ကောင်းနေလိမ့်မည် ဖြစ်သည်။</p> <p> </p> <p>ဤနတ်ဘုရားများ... သူတို့၏ စွမ်းအားများက တကယ်ကို ခန့်မှန်းရခက်လွန်းခြင်းပင်။</p> <p> </p> <p>အဝေး၌ အထွတ်အမြတ်နတ်ဘုရားကျောင်းတော်လေးခုမှ ကျောင်းတော်သခင်များက မော့ခယ်နတ်ဘုရားအစီအရင်ကို မြင်လိုက်ရသည်တွင် တုန်လှုပ်သွားကြကာ သူတို့၏ မျက်လုံးများထဲ၌ စိုးရိမ်ပူပန်မှုများ ပို၍ ဖြစ်တည်လာ၏။</p> <p> </p> <p>အထွတ်အမြတ်နတ်ဘုရား။</p> <p> </p> <p>နတ်ဘုရားများကြားတွင်ပင် ကွာခြားချက်များ ရှိပေသည်။</p> <p> </p> <p>ယခင်က အထွတ်အမြတ်နတ်ဘုရားသုံးပါးက သူတို့၏ အောက်ရှိ နတ်ဘုရားများထက် အများကြီး ပို၍ အားကောင်းခဲ့ကြောင်း သံသယဝင်စရာပင် မလိုချေ။</p> <p> </p> <p>အကယ်၍ သူတို့ရှေ့ရှိ မော့ခယ်နတ်ဘုရားအစီအရင်က အားနည်းနေသော အခြေအနေ၌ ရှိမနေခဲ့ပါလျှင် သူတို့၏ နတ်ဘုရားအစီအရင်လေးခုကို ပူးပေါင်းထားလျှင်ပင် ယင်းကို အနည်းငယ်မျှ လှုပ်ခါနိုင်လိမ့်မည် မဟုတ်ချေ။</p> <p> </p> <p>သို့သော် ထိုအစီအရင်က အားနည်းနေသော အခြေအနေ၌ ရှိနေခြင်းပင်။</p> <p> </p> <p>နတ်ဘုရားတာအိုကျောင်းတော်၏ ကျောင်းတော်သခင် ကျင်းချင်က ရှေ့သို့ လှမ်းထွက်လာ၏။ သူက အဝေးရှိ မော့ခယ်နတ်ဘုရားအကျဉ်းထောင်ကို ကြည့်လိုက်ချိန်၌ သူ၏ မျက်လုံးများထဲတွင် ရက်စက်မှုအချို့ ဖြတ်ပြေးသွားသည်။ "တိုက်ခိုက်ကြ..."</p> <p> </p> <p>"တိုက်ခိုက်ကြ..."</p> <p> </p> <p>သူတို့၏ အနောက်ရှိ များပြားလှသော လူများကလည်း တစ်ပြိုင်နက်တည်း အော်ဟစ်လိုက်ကြ၏။</p> <p> </p> <p>အထွတ်အမြတ်နတ်ဘုရားအစီအရင်လေးခုက တစ်ပြိုင်နက်တည်း အသက်ဝင်လာသည်။ သိပ်မကြာခင်၌ပင် ကြောက်မက်ဖွယ်ကောင်းသော စွမ်းအားများက ကောင်းကင်ယံကို ထိုးခွင်းလျက် မော့ခယ်နတ်ဘုရားအကျဉ်းထောင်ထံသို့ ပြင်းထန်စွာ ကျဆင်းလာသည်အား မော့ခယ်နတ်ဘုရားအကျဉ်းထောင်အတွင်းရှိ သန်မာသူများက မြင်တွေ့လိုက်ရ၏။</p> <p> </p> <p>ဤသည်က တိုက်ရိုက် ဝင်တိုက်ခိုက်ခြင်းပင်။</p> <p> </p> <p>ဝုန်း...</p> <p> </p> <p>မျက်စိတစ်မှိတ်အတွင်း၌ပင် မော့ခယ်ကြယ်တာရာနယ်မြေတစ်ခုလုံး တိုက်ရိုက်ဆိုသလို ပွက်ပွက်ဆူလာသည်။ မော့ခယ်နတ်ဘုရားအစီအရင်မှနေ၍ ကြောက်မက်ဖွယ်ကောင်းသော မီးတောက်များနှင့် စွမ်းအားလှိုင်းလုံးများက ဧရာမဂြိုဟ်ကြီးများ ပေါက်ကွဲထွက်သွားသည့်အလား ပေါက်ကွဲထွက်ပေါ်လာသည်မှာ အင်မတန် ကြောက်မက်ဖွယ် ကောင်းလှပေသည်။</p> <p> </p> <p>နားကွဲမတတ် အသံများကလည်း အဆက်မပြတ် ထွက်ပေါ်နေ၏။</p> <p> </p> <p>ထိုအခိုက်အတန့်၌ မော့ခယ်နတ်ဘုရားအကျဉ်းထောင်တစ်ခုလုံးက ပြင်းထန်စွာ တုန်ခါနေသည်။ တစ်ချိန်တည်း၌ပင် ကြောက်မက်ဖွယ်ကောင်းသော ကမ္ဘာဖျက်အရှိန်အဝါများကလည်း မော့ခယ်နတ်ဘုရားအကျဉ်းထောင်၏ အထက်မှနေ၍ အဆက်မပြတ် ပြန့်နှံ့လာနေ၏။</p> <p> </p> <p>ရီထျန်းမင်၏ အမူအရာကလည်း အင်မတန် လေးနက်နေသည်။ အထွတ်အမြတ်နတ်ဘုရားအစီအရင်လေးခုက တကယ်ကို ကြောက်မက်ဖွယ်ကောင်းလှ၏။ အကယ်၍ မော့ခယ်နတ်ဘုရားအစီအရင်သာ ကျိုးပျက်သွားပါလျှင် အတွင်းရှိ မည်သူကမျှ အသက်ရှင်နိုင်လိမ့်မည် မဟုတ်ချေ။</p> <p> </p> <p>နတ်ဘုရားတစ်ပါးတည်းသာလျှင် ဤအဆင့်ရှိသော အစီအရင်များကို ခံနိုင်ရည်ရှိမည် ဖြစ်သည်။</p> <p> </p> <p>မော့ခယ်နတ်ဘုရားအစီအရင်က တောင့်ခံထားနိုင်ပါ့မည်လော။</p> <p> </p> <p>ရီထျန်းမင်က မော့ခယ်အစီအရင်ကို ကြည့်လိုက်၏။ အထွတ်အမြတ်နတ်ဘုရားအစီအရင်လေးခုနှင့် နတ်ဘုရားသတ်လက်နက်လေးခုတို့၏ ပူးပေါင်းတိုက်ခိုက်မှုအောက်၌ မော့ခယ်နတ်ဘုရားအစီအရင်၏ သံကြိုးများက ပြင်းထန်စွာ စတင်တုန်ခါလာကြသည်။ ယင်းတို့ပေါ်၌ စီးဆင်းနေသော သွေးများကလည်း ထိုအခိုက်အတန့်၌ လောင်ကျွမ်းသွားကာ ကြောက်မက်ဖွယ်ကောင်းသော သွေးမီးတောက်များအဖြစ်သို့ ပြောင်းလဲသွားပြီးနောက် လွှမ်းမိုးနိုင်သော စွမ်းအားများကို ပြင်းထန်စွာ ခုခံထားလေသည်။</p> <p> </p> <p>လက်ရှိ၌ မော့ခယ်နတ်ဘုရားအစီအရင်က မည်သည့်ပြဿနာမျှ ရှိပုံမပေါ်ချေ။</p> <p> </p> <p>အစီအရင်လေးခုကို ယှဉ်နိုင်သော အစီအရင်တစ်ခုပင်။</p> <p> </p> <p>မော့ခယ်နတ်ဘုရားအစီအရင်က တောင့်ခံထားနိုင်သည်ကို မြင်လိုက်ရသည်တွင် အကျဉ်းထောင်သခင်နှင့် မော့ခယ်နတ်ဘုရားအကျဉ်းထောင်မှ သန်မာသူများက ချက်ချင်းဆိုသလို သက်ပြင်းချလိုက်ကြ၏။</p> <p> </p> <p>ထိုအစီအရင်လေးခု၏ ကြောက်မက်ဖွယ်ကောင်းမှုကို မျက်မြင်တွေ့လိုက်ရချိန်၌ သူတို့က တကယ်ကို ထိတ်လန့်သွားခဲ့ကြခြင်းပင်။</p> <p> </p> <p>အစီအရင် ကျိုးပျက်သွားသည်နှင့်တစ်ပြိုင်နက် သူတို့က ထိုအစီအရင်လေးခုကို လုံးဝ ယှဉ်ပြိုင်နိုင်စွမ်း ရှိတော့မည် မဟုတ်ချေ။</p> <p> </p> <p>ကံကောင်းထောက်မစွာဖြင့် မော့ခယ်နတ်ဘုရားအစီအရင်က အားကောင်းနေ၏။</p> <p> </p> <p>အပြင်ဘက်၌ အထွတ်အမြတ်နတ်ဘုရားကျောင်းတော်လေးခုမှ ကျောင်းတော်သခင်များအားလုံးမှာ မော့ခယ်နတ်ဘုရားအစီအရင်က တောင့်ခံထားနိုင်သည်ကို မြင်လိုက်ရသည်တွင် မျက်နှာများ ပျက်ယွင်းသွားကြသည်။</p> <p> </p> <p>မော့ခယ်နတ်ဘုရားအစီအရင်က ကျန်အစီအရင်လေးခုကို ယှဉ်နိုင်လိမ့်မည်ဟု သူတို့ ထင်မထားခဲ့ချေ။ ထို့ပြင် အားနည်းနေသော အခြေအနေ၌ ရှိနေသည့်တိုင်အောင် လုပ်နိုင်နေခြင်း ဖြစ်သည်။</p> <p> </p> <p>အရေးအကြီးဆုံးအချက်မှာ နတ်ဘုရားသတ်လက်နက်လေးခု ပူးပေါင်းထားခြင်းကပင် လုံလောက်မှု မရှိသေးခြင်းပင်။</p> <p> </p> <p>"မလောနဲ့"</p> <p> </p> <p>ထိုစဉ် နိုးထခြင်းနန်းတော်၏ ကျောင်းတော်သခင် ချူနိုင်းက ရုတ်တရက် ပြောလိုက်၏။</p> <p> </p> <p>ကျောင်းတော်သခင်သုံးဦးက ချူနိုင်းကို ကြည့်လိုက်ရာ ချူနိုင်းက ဖြည်းဖြည်းချင်း ပြောလိုက်သည်။ "အစီအရင်တွေဆိုတာ အရင်းအမြစ် ကုန်ကျမှုနဲ့ ပတ်သက်နေတာ။ သူတို့ရဲ့ မော့ခယ်နတ်ဘုရားအကျဉ်းထောင်က ငါတို့လောက် အရင်းအမြစ်တွေ အကုန်ခံနိုင်ပါ့မလား"</p> <p> </p> <p>ထိုစကားကို ကြားလိုက်ရသည်တွင် အခြားသူများအားလုံးက ရယ်မောလိုက်ကြ၏။</p> <p> </p> <p>အစီအရင်များက အမွှေးတိုင်စိတ်ဝိညာဉ်ချီစွမ်းအင်များ ကုန်ကျရန် လိုအပ်ပေသည်။</p> <p> </p> <p>မော့ခယ်နတ်ဘုရားအကျဉ်းထောင်က အထွတ်အမြတ်နတ်ဘုရားကျောင်းတော်လေးခု၏ စုဆောင်းထားသော အရင်းအမြစ်များနှင့် ယှဉ်နိုင်မည်မဟုတ်ကြောင်း ရှင်းလင်းနေပေသည်။</p> <p> </p> <p>မော့ခယ်နတ်ဘုရားအကျဉ်းထောင်အတွင်း၌ အကျဉ်းထောင်သခင်သည်လည်း ထိုအချက်ကို ရှင်းလင်းစွာ နားလည်ထား၏။ သူက ရီထျန်းမင်ထံသို့ လျှောက်သွားလိုက်ကာ "နတ်ဘုရား... သူတို့က ကျုပ်တို့ကို အချိန်ဆွဲတဲ့တိုက်ပွဲတစ်ခု ဆင်နွှဲချင်နေတာ သိသာနေတယ်။ ကျုပ်တို့..."</p> <p> </p> <p>ရီထျန်းမင်က "မစိုးရိမ်နဲ့၊ ငါ လှုပ်ရှားမယ်"</p> <p> </p> <p>အကျဉ်းထောင်သခင်က ချက်ချင်းဆိုသလို သက်ပြင်းချလိုက်၏။ "နတ်ဘုရားရဲ့ စွမ်းရည်ပြသမှုကို မျှော်လင့်နေပါမယ်"</p> <p> </p> <p>ရီထျန်းမင်က ကောင်းကင်ယံသို့ ဖြည်းဖြည်းချင်း လျှောက်လှမ်းသွားလိုက်သည်။</p> <p> </p> <p>ထိုအခိုက်အတန့်၌ လူတိုင်း၏ အကြည့်က ရီထျန်းမင်ထံသို့ ကျရောက်လာ၏။</p> <p> </p> <p>သူတို့ရှေ့ရှိ လူက ထိပ်တန်းနတ်ဘုရားတစ်ပါး ဖြစ်ကြောင်း မော့ခယ်နတ်ဘုရားအကျဉ်းထောင်ရှိ လူတိုင်းက သိထားကြပေသည်။</p> <p> </p> <p>သူတို့၏ မျက်လုံးများအားလုံး၌ မျှော်လင့်ချက်များ ဖြစ်တည်နေကြ၏။</p> <p> </p> <p>ယုံရှီးကလည်း ရီထျန်းမင်ကို ကြည့်နေသည်။</p> <p> </p> <p>ရီထျန်းမင်ကို မြင်လိုက်ရသည်တွင် ကျောင်းတော်သခင်လေးဦး၏ အမူအရာများက တစ်ပြိုင်နက်တည်းဆိုသလို အနည်းငယ် ပြောင်းလဲသွားကြ၏။</p> <p> </p> <p>စိုးရိမ်ပူပန်မှုပင်။</p> <p> </p> <p>သူတို့ မစိုးရိမ်ဘူးဟု ဆိုလျှင် ထိုအရာက လိမ်ညာနေခြင်း ဖြစ်ပေသည်။</p> <p> </p> <p>မည်သို့ပင်ဆိုစေကာမူ သူက နတ်ဘုရားတစ်ပါးပင်၊ ထို့ပြင် ထိပ်တန်းနတ်ဘုရားတစ်ပါးလည်း ဖြစ်နေသေး၏။ ထိုမျှအဆင့်ရှိ သန်မာသူတစ်ယောက်ထံ၌ မည်သို့သော နည်းလမ်းများ ရှိနေမည်ကို မည်သူမှ မသိနိုင်ချေ။</p> <p> </p> <p>ရီထျန်းမင် ထွက်ပေါ်လာသည်ကို မြင်လိုက်ရသည်တွင် အကျဉ်းထောင်သခင်၏ မျက်လုံးများက စိတ်လှုပ်ရှားမှုကြောင့် ချက်ချင်းဆိုသလို တောက်ပလာ၏။ နောက်ဆုံး၌ ဤနတ်ဘုရားက သူ၏ နတ်ဘုရားစွမ်းအားကို ပြသတော့မည်ပင်။</p> <p> </p> <p>လူတိုင်း၏ အကြည့်အောက်၌ပင် ရီထျန်းမင်က အထွတ်အမြတ်နတ်ဘုရားကျောင်းတော်လေးခုမှ ကျောင်းတော်သခင်များကို ကြည့်လိုက်ပြီးနောက် ရုတ်တရက် သူက လက်တစ်ချောင်းကို ဆန့်ထုတ်လိုက်သည်။</p> <p> </p> <p style="text-align:center"> </p> <p style="text-align:center">***</p>


Save