Book List

<h2 style="text-align: center;"> အပိုင်း(၂၄၇၁) ၀တ်ရုံနက် </h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>      သက်လတ်ပိုင်းအမျိုးသားသည် ထိုမှတ်ချက်များကို ကြားသောအခါ မျက်နှာ ဖြူရော်သွားသည်။ အစောက တစ်ယောက်ယောက် အရင် ဝင်သွားစေရန် မျှော်လင့်ချက်ဖြင့်  သူ တမင် ပြောခဲ့ခြင်း ဖြစ်သည်။ </p> <p> </p> <p>      ယခုအချိန်အထိ ဒုစရိုက်မြို့တော်ရှိ အသန်မာဆုံး မဟာမိတ်အဖွဲ့များမှ အဆင့်မြင့်ပုဂ္ဂိုလ်များသာ စိန့်ကောင်းကင် နဝမပုံစံ စွမ်းအားရှင် တစ်ဦး ချန်ရစ်ခဲ့သော ရတနာသိုက်ဖြစ်သည်ဟု ယူဆရသည့် နေရာသို့ သွားရာ ဟင်းလင်းပြင် အက်ကွဲကြောင်းထဲသို့ ဝင်ရောက်ခဲ့ကြခြင်း ဖြစ်သည်။ </p> <p> </p> <p>      အခြား မဟာမိတ်အဖွဲ့များမှ လူများ သို့မဟုတ် တစ်ကိုယ်တော် သမားများမှာ မဝင်ခဲ့ကြပေ။ </p> <p> </p> <p> </p> <p> </p> <p>      နောက်ဆုံးတွင် သက်လတ်ပိုင်းအမျိုးသားမှာ ဟင်းလင်းပြင် အက်ကွဲကြောင်းထဲသို့ မဝင်ခဲ့သဖြင့် သူ၏ ပတ်လည်ရှိ လူများ၏ လှောင်ပြောင်မှုကို ခံလိုက်ရသည်။ လှောင်ပြောင်ခံရခြင်းက မကောင်းသော်လည်း အသက်ဆုံးရှုံးရသည်ထက်တော့ ပိုကောင်းသေးသည်။ </p> <p> </p> <p> </p> <p> </p> <p>      “ဝတ်ရုံနက်လူ...” </p> <p> </p> <p>       အော်ဟစ်သံတစ်ခု လေထုထဲတွင် ထွက်ပေါ်လာပြီး ဟင်းလင်းပြင် အက်ကွဲကြောင်းကို ဝန်းရံထားသော လူများကို သတိပေးလိုက်သည်။ </p> <p> </p> <p> </p> <p> </p> <p>      လူအုပ်ကြီးက သက်လတ်ပိုင်းအမျိုးသားကို လှောင်ပြောင်နေခြင်း ချက်ချင်း ရပ်တန့်သွားသည်။ သူတို့သည် စကားပြောလိုက်သူ ကြည့်နေသော နေရာသို့ သူတို့၏ အာရုံကို ပြောင်းလိုက်ကြသည်။ </p> <p> </p> <p> </p> <p> </p> <p>      တိမ်တိုက်များကြားမှ ပျံသန်းလာပြီး ဆင်းသက်ရန် ပြင်ဆင်နေသော ပုံရိပ်တစ်ခု ရှိနေသည်။ </p> <p> </p> <p>      ထိုလူသည် အနက်ရောင် ဝတ်ရုံကို ဝတ်ဆင်ထားပြီး သူ၏ မျက်နှာကို ခေါင်းစွပ်ဖြင့် ဖုံးကွယ်ထားသည်။ သူ၏ မျက်နှာကို  ရှင်းလင်းစွာ မမြင်ရပေ။ </p> <p> </p> <p> </p> <p> </p> <p>      “သူက တကယ့် ဝတ်ရုံနက်လူ အစစ် ဟုတ်မဟုတ် မသိဘူး” </p> <p> </p> <p>      လူအများအပြား၏ စိတ်ထဲတွင် တူညီသော မေးခွန်းများ ရှိနေကြသည်။ </p> <p> </p> <p> </p> <p> </p> <p>      “တကယ့် ဝတ်ရုံနက်လူ အစစ်က ဒီဟင်းလင်းပြင် အက်ကွဲကြောင်းထဲကို ဝင်ရဲပါ့မလား မသိဘူး” </p> <p> </p> <p>      ဟင်းလင်းပြင် အက်ကွဲကြောင်းကို ဝန်းရံထားသော လူတိုင်း၏ အရှေ့တွင် ပေါ်လာသည့် ဝတ်ရုံနက်လူမှာ အခြားသူမဟုတ်ဘဲ သွမ့်လင်းထျန်ပင် ဖြစ်သည်။ </p> <p> </p> <p>      သွမ့်လင်းထျန်သည် လွန်ခဲ့သော အချိန်အတန်ကြာက ရောက်ရှိလာပြီး သူတို့၏ ဆွေးနွေးမှုများကို ကြားခဲ့ရသောကြောင့် သတ်ဖြတ်ခြင်းခုနစ်ပါး မဟာမိတ်အဖွဲ့၊ နှစ်တစ်ထောင် မဟာမိတ်အဖွဲ့နှင့် ထာဝရ မဟာမိတ်အဖွဲ့မှ အဆင့်မြင့်ပုဂ္ဂိုလ်များ ဟင်းလင်းပြင် အက်ကွဲကြောင်းထဲသို့ ဝင်သွားကြပြီဖြစ်ကြောင်း သူ သိလိုက်ရသည်။ </p> <p> </p> <p>      ထိုနေရာတွင် ဝဲလည်ဝဲလည် လုပ်နေကြသူ အများစုမှာ စိန့်ကောင်းကင် နဝမပုံစံ စွမ်းအားရှင် တစ်ဦး ချန်ရစ်ခဲ့သော ရတနာသိုက်ဆီသို့ ဦးတည်သွားခြင်း ဟုတ်မဟုတ် မသေချာသောကြောင့် ဟင်းလင်းပြင် အက်ကွဲကြောင်းထဲသို့ မဝင်ခဲ့ကြသူများ ဖြစ်သည်။ </p> <p> </p> <p> </p> <p> </p> <p>      သူတို့က အဲ့လောက် သေရမှာ ကြောက်နေရင် ဘာလို့ ဒီနေရာကို လာကြသေးလဲ..... </p> <p> </p> <p>      သွမ့်လင်းထျန်သည် ဤလူများကြောင့် စကားပင် မပြောနိုင်တော့ပေ။ </p> <p> </p> <p>      သွမ့်လင်းထျန် လူလုံးမထွက်ပြမီ ဝင်ပေါက်ကို စစ်ဆေးပေးရန် အကြီးအကဲဟော်ကို သူ တောင်းဆိုခဲ့သည်။ </p> <p> </p> <p> </p> <p> </p> <p>      “ဒါက ဟင်းလင်းပြင် အက်ကွဲကြောင်းတစ်ခုပဲ... အဲဒါက လောကငယ်တစ်ခုဆီကို ဦးတည်သွားလောက်တယ်” </p> <p> </p> <p>      အကြီးအကဲဟော်က သူ့ကို ပြောခဲ့သည်။ </p> <p> </p> <p> </p> <p> </p> <p>      သွမ့်လင်းထျန်သည် ဤစကားကို ကြားသောအခါ သဘာဝကျကျပင် အံ့အားသင့်သွားသည်။ သူ ချက်ချင်း ထပ်မံ မေးလိုက်သည်။  </p> <p> </p> <p>     “အကြီးအကဲဟော်... သိုင်းတာအိုသူတော်စင်နယ်မြေရဲ့ အထက်ပိုင်းပြည်နယ်ကလည်း လောကငယ်တစ်ခုလို့ အကြီးအကဲ ပြောခဲ့တာကို ကျုပ် မှတ်မိတယ်” </p> <p> </p> <p> </p> <p> </p> <p>      “ဟုတ်တယ်”  </p> <p> </p> <p>       အကြီးအကဲဟော်က အလျင်အမြန် ပြန်ဖြေလိုက်သည်။ </p> <p> </p> <p>       “သိုင်းတာအိုသူတော်စင်နယ်မြေရဲ့ အထက်ပိုင်းပြည်နယ်က သဘာဝအတိုင်း ဖြစ်ပေါ်လာတဲ့ လောကငယ်တစ်ခုပဲ... ဒါပေမဲ့ ဒီလောကငယ်ရဲ့ ဝင်ပေါက်ကတော့ လူတွေ တမင် ဖန်တီးထားတာ” </p> <p> </p> <p>      အကြီးအကဲဟော်က ဆက်ပြောလိုက်သည်။ </p> <p> </p> <p>        “သာမန်လောကတွေမှာ တစ်ယောက်ယောက်က ကောင်းကင်ကပ်ဘေးကို အောင်မြင်စွာ ကျော်ဖြတ်နိုင်တဲ့အခါတိုင်း သူတို့ရဲ့ ခန္ဓာကိုယ်ထဲက စွမ်းအားတွေက အသွင်ပြောင်းလဲသွားလိမ့်မယ်... ဒါက ကောင်းကင်မူရင်းစွမ်းအင်အဖြစ် မပြောင်းလဲသွားပေမဲ့ သူတို့အတွက် လောကငယ်လို့ ခေါ်တဲ့ သီးခြားလောကတစ်ခုကို ဖန်တီးဖို့ လွယ်ကူသွားလိမ့်မယ်” </p> <p> </p> <p>      “ဒါကြောင့် ဒီဟင်းလင်းပြင် အက်ကွဲကြောင်းရဲ့ အနောက်က လောကငယ်ကို သေချာပေါက် စိန့်ကောင်းကင် နဝမပုံစံ စွမ်းအားရှင် တစ်ယောက်က  ဖန်တီးထားတာပဲ... ဒါ့ပြင် အဲဒီ စွမ်းအားရှင်က ကောင်းကင်ကပ်ဘေးကို အောင်မြင်စွာ ကျော်ဖြတ်နိုင်ခဲ့တာ ဖြစ်ရမယ်” </p> <p> </p> <p>      “ဒါပေမဲ့ ဒီအက်ကွဲကြောင်းရဲ့ အနောက်က လောကငယ်ဟာ ရတနာသိုက် ဟုတ်မဟုတ်ဆိုတာကိုတော့ ကျုပ် မသေချာဘူး... ရတနာသိုက် ဖြစ်နိုင်ခြေတော့ ရှိတယ်... ကောင်းကင်ကပ်ဘေးကို အောင်မြင်စွာ ကျော်ဖြတ်ပြီး ဒေဝတာဘုံကို တက်တော့မဲ့ လူတစ်ယောက်အတွက်တောင်မှ ဟင်းလင်းပြင် အက်ကွဲကြောင်းတစ်ခု ဖန်တီးဖို့ဆိုတာ အားစိုက်ထုတ်မှု အများကြီး လိုအပ်တယ်... စွမ်းအားရှင်က သူ့ရဲ့ ရတနာတွေကို ဒီနေရာမှာ ချန်ထားခဲ့တာ ဖြစ်နိုင်တယ်... ဒါပေမဲ့ အဲဒါတွေက သာမန်လောကထဲက ရတနာတွေလို့ပဲ သတ်မှတ်လို့ ရတယ်”  </p> <p> </p> <p>       အကြီးအကဲဟော်က ပြောလိုက်သည်။ </p> <p> </p> <p> </p> <p> </p> <p>      သွမ့်လင်းထျန်သည် အကြီးအကဲဟော်၏ စကားကို နားထောင်ရင်း ဆက်လက် ပျံသန်းလာခဲ့သည်။ ဟင်းလင်းပြင် အက်ကွဲကြောင်းထဲသို့ ဝင်ရန် သူ ဆုံးဖြတ်ချက် ချလိုက်ပြီ ဖြစ်သည်။ အကြီးအကဲဟော်၏ စကားများကို အခြေခံ၍ ချန်ရစ်ခဲ့သူမှာ သာမန် စိန့်ကောင်းကင် နဝမပုံစံ စွမ်းအားရှင် တစ်ဦး မဟုတ်သောကြောင့် ရတနာသိုက်ထဲရှိ ရတနာများမှာ သာမန်မဟုတ်ကြောင်း သူ သိသည်။ ထိုလူသည် ကောင်းကင်ကပ်ဘေးကို အောင်မြင်စွာ ကျော်ဖြတ်နိုင်ခဲ့သော စွမ်းအားရှင် တစ်ဦး ဖြစ်သည်။ </p> <p> </p> <p>      ကောင်းကင်ကပ်ဘေးကို ကျော်ဖြတ်ပြီးသော စိန့်ကောင်းကင် နဝမပုံစံ စွမ်းအားရှင်နှင့် မကျော်ဖြတ်ရသေးသော စွမ်းအားရှင်တို့ကြား ကွာခြားချက်မှာ အလွန် ကြီးမားကြောင်း သိထားသင့်သည်။ </p> <p> </p> <p>      ပထမတစ်ယောက်မှာ သူတို့၏ ကျင့်ကြံမှုအခြေခံနှင့် အဆင့်အရ စင်္ကြရှင် တစ်ဦးနီးပါး ဖြစ်နေပြီဖြစ်ပြီး ဒုတိယတစ်ယောက်မှာမူ မဟုတ်ပေ။ </p> <p> </p> <p>      ထိုကဲ့သို့သော စွမ်းအားရှင် တစ်ဦးက အားစိုက်ထုတ်မှုများစွာဖြင့် ဖန်တီးထားသော လောကငယ်တစ်ခုသည် သူ၏ ရတနာသိုက် ဖြစ်နိုင်ခြေ များပြီး ဒေဝတာဘုံသို့ မတက်ရောက်မီ သူ ပိုင်ဆိုင်ခဲ့သော ပစ္စည်းများ ရှိနိုင်သည်။ ထိုနေရာတွင် ရတနာများစွာ ရှိနေမည် ဖြစ်သည်။ </p> <p> </p> <p> </p> <p> </p> <p>      “သူ ဟင်းလင်းပြင် အက်ကွဲကြောင်းထဲကို ဝင်ရဲမယ်လို့ ထင်လား” </p> <p> </p> <p> </p> <p> </p> <p>      “ငါ မသေချာဘူး... အစကတည်းက သူက တကယ့် ဝတ်ရုံနက်လူ အစစ် ဟုတ်မဟုတ် ငါတို့ မသိဘူးလေ... ဒါပေမဲ့ သူသာ တကယ့် အစစ်ဆိုရင်တောင် ဝင်မလား မဝင်ဘူးလားဆိုတာကိုတော့ ငါ မသေချာဘူး” </p> <p> </p> <p> </p> <p> </p> <p>      “ငါ သဘောတူတယ်” </p> <p> </p> <p> </p> <p> </p> <p>      “တန်ခိုးထွားမဟာမိတ်အဖွဲ့ရဲ့ ခေါင်းဆောင်နဲ့ အဆင့်မြင့်ပုဂ္ဂိုလ်တွေတောင် ဟင်းလင်းပြင် အက်ကွဲကြောင်းထဲကို မဝင်သေးတာကို မင်း မမြင်ဘူးလား... ဝတ်ရုံနက်လူက တန်ခိုးထွားမဟာမိတ်အဖွဲ့ရဲ့ ခေါင်းဆောင်ထက် ပိုသတ္တိရှိတယ်လို့ မင်း ထင်လို့လား” </p> <p> </p> <p> </p> <p> </p> <p>      သွမ့်လင်းထျန်သည် သူ၏ ပတ်လည်ရှိ ဆွေးနွေးမှုများကို သဘာဝကျကျပင် ကြားလိုက်ရသည်။ လူအများအပြားက သူသည် ဝတ်ရုံနက်လူ အစစ် ဟုတ်မဟုတ် သံသယရှိနေကြပြီး ဟင်းလင်းပြင် အက်ကွဲကြောင်းထဲသို့ ဝင်ရန် သတ္တိ ရှိ မရှိကိုလည်း သိချင်နေကြသည်။ </p> <p> </p> <p> </p> <p> </p> <p>      တန်ခိုးထွားမဟာမိတ်အဖွဲ့ရဲ့ ခေါင်းဆောင်လား..... </p> <p> </p> <p>      ဤစကားကို ကြားသောအခါ သွမ့်လင်းထျန်သည် လူအများစု ကြည့်နေသော နေရာသို့ အကြည့်ပြောင်းလိုက်သည်။ </p> <p> </p> <p> </p> <p> </p> <p>      နေရာတစ်နေရာတွင် လူတစ်စု စုဝေးနေကြသည်။ ဦးဆောင်သူမှာ မုတ်ဆိတ်မွေး ရှိပြီး အရပ်ရှည်ကာ တောင့်တင်းသော ခန္ဓာကိုယ် ရှိသည်။ သူသည် သေသပ်စွာ ချုပ်လုပ်ထားသော အဝတ်အစားများကို ဝတ်ဆင်ထားသည်။ တစ်ချက်ကြည့်ရုံဖြင့် သူသည် အာဏာရှိနေသည်မှာ အတန်ကြာပြီဖြစ်ကြောင်း သိနိုင်ပေသည်။ ထိုနေရာတွင် စုဝေးနေသော အဖွဲ့တစ်ဖွဲ့ ရှိသည်။ </p> <p> </p> <p> </p> <p> </p> <p>      သူက တန်ခိုးထွားမဟာမိတ်အဖွဲ့ရဲ့ ခေါင်းဆောင် ချန်ရွှမ်ပ ဖြစ်မယ်... </p> <p> </p> <p>      သွမ့်လင်းထျန် စိတ်ထဲမှ တွေးလိုက်သည်။ </p> <p> </p> <p>      တန်ခိုးထွားမဟာမိတ်အဖွဲ့၏ ခေါင်းဆောင် ချန်ရွှမ်ပသည် စိန့်ကောင်းကင် ပဉ္စမပုံစံ စွမ်းအားရှင် တစ်ဦး ဖြစ်သည်။ သူသည် အဓိပတိသူတော်စင်အဆင့်စာရင်းတွင် ထိပ်ဆုံး ၅၀ အတွင်း၌ ရှိသည်။ ထို့ပြင် တန်ခိုးထွားမဟာမိတ်အဖွဲ့ကို ဒုစရိုက်မြို့တော်တွင် အစွမ်းထက်သော မဟာမိတ်အဖွဲ့ တစ်ခုအဖြစ် သတ်မှတ်နိုင်သည်။ သတ်ဖြတ်ခြင်းခုနစ်ပါး မဟာမိတ်အဖွဲ့၊ နှစ်တစ်ထောင် မဟာမိတ်အဖွဲ့နှင့် ထာဝရ မဟာမိတ်အဖွဲ့တို့ထက်သာ အားနည်းခြင်း ဖြစ်သည်။ </p> <p> </p> <p>      သွမ့်လင်းထျန် ဒုစရိုက်မြို့တော်သို့ ရောက်ရှိလာစဉ်က သူ ပထမဆုံး တည်းခိုခဲ့သော ကြိုဆိုပါ၏ တည်းခိုခန်းမှာ တန်ခိုးထွားမဟာမိတ်အဖွဲ့ပိုင် ဖြစ်ကြောင်း သူ မှတ်မိနေဆဲ ဖြစ်သည်။ </p> <p> </p> <p> </p> <p> </p> <p> </p>


Save