Book List

<h2 style="text-align: center;">အပိုင်း(၂၄၇၅) ရန်ငြိုး၏ အစ </h2> <h2 style="text-align: center;">*</h2> <p> </p> <p> </p> <p> </p> <p>      သွမ့်လင်းထျန် လုံး၀ကို မှန်ကန်သော ရွေးချယ်မှု ပြုလုပ်ခဲ့ခြင်းဖြစ်သည်။ တစ္ဆေတစ်ရာ မဟာမိတ်အဖွဲ့မှ လူများ လောကငယ်ထဲသို့ ဝင်လာပါက သူ့အား လိုက်ဖမ်းမည်ကို သူ မစိုးရိမ်ပေ။ </p> <p>      အကြီးအကဲဟော်၏ အဆိုအရ လောကငယ်ထဲသို့ ဝင်ရောက်သွားသည်နှင့် တစ်ပြိုင်နက် ထိုသူမှာ လောကငယ်အတွင်းရှိ နေရာတစ်နေရာသို့ ကျပန်း ရွှေ့ပြောင်းခံရမည် ဖြစ်သည်။ ဆိုလိုသည်မှာ လူတိုင်းက လောကငယ်ထဲသို့ အတိအကျ တစ်ချိန်တည်း ဝင်ရောက်ခဲ့ခြင်း မရှိပါက တူညီသော နေရာသို့ ရွှေ့ပြောင်းခံရမည် မဟုတ်ပေ။ </p> <p>      သွမ့်လင်းထျန်သည် တစ္ဆေတစ်ရာ မဟာမိတ်အဖွဲ့မှ လူများ မဝင်မီ လောကငယ်ထဲသို့ ဝင်သွားခဲ့ပြီဖြစ်ရာ ယခု သူတို့ ဝင်လာလျှင်တောင်မှ မတူညီသော နေရာတစ်ခုသို့ ရွှေ့ပြောင်းခံရမည် ဖြစ်သည်။ </p> <p>      သွမ့်လင်းထျန် မည်သည့် တုံ့ဆိုင်းမှုမျှ မရှိဘဲ ဟင်းလင်းပြင် အက်ကွဲကြောင်းထဲသို့ ဝင်သွားသောအခါ လူတိုင်း အံ့အားသင့်သွားကြသည်။ သူတို့ထဲမှ မည်သူကမျှ ဟင်းလင်းပြင် အက်ကွဲကြောင်းထဲသို့ ဝင်ရန် ရဲရင့်မှု မရှိကြသောကြောင့် ဟင်းလင်းပြင် အက်ကွဲကြောင်း၏ ပတ်လည်တွင် စုဝေးနေခဲ့ကြခြင်း ဖြစ်သည်။ ဟင်းလင်းပြင်အတွင်း၌ ရှိနေနိုင်သော မသိနိုင်သည့် အန္တရာယ်အတွက် သူတို့ စိုးရိမ်နေကြသည်။ </p> <p>      အဆုံး၌ လူတိုင်းတွင် အသက်တစ်ချောင်းတည်းသာ ရှိသည်။ အစကနေ ပြန်စရန် ခလုတ်မရှိပေ။ </p> <p>      ဟင်းလင်းပြင် အက်ကွဲကြောင်းထဲသို့ ဝင်ရန် အန္တရာယ်မရှိကြောင်း သူတို့ အတည်မပြုနိုင်သောကြောင့် သဘာဝကျကျပင် သူတို့က ပေါ့ပေါ့ဆဆ ဝင်ရောက်ကြမည် မဟုတ်ပေ။ </p> <p> </p> <p>      တစ်ချိန်တည်းမှာပင် တစ္ဆေတစ်ရာ မဟာမိတ်အဖွဲ့၏ ခေါင်းဆောင် ယင်ရွှမ်မင် သတိပြန်ဝင်လာသည်။  </p> <p>     “ဝတ်ရုံနက်လူ...”  </p> <p>     သူက အံကြိတ်ကာ ပြောလိုက်သည်။ သူ၏ အသံမှာ အလွန် အေးစက်နေသဖြင့် လူများကို ကျောချမ်းသွားစေသည်။ </p> <p>      တစ္ဆေတစ်ရာ မဟာမိတ်အဖွဲ့မှ အဆင့်မြင့်ပုဂ္ဂိုလ်များ၏ မျက်နှာထားမှာ မှုန်ကုပ်နေသည်။ တစ္ဆေတစ်ရာ မဟာမိတ်အဖွဲ့၏ ပထမအကြီးအကဲ ယိုးချွန်းဝူ သေသွားပြီဖြစ်သည်။ ယိုးချွန်းဝူ သေဆုံးခြင်းက တစ္ဆေတစ်ရာ မဟာမိတ်အဖွဲ့ကို လူပုံအလယ်တွင် အရှက်ကွဲစေရုံသာမက ပိုအရေးကြီးသည်မှာ တစ္ဆေတစ်ရာ မဟာမိတ်အဖွဲ့၏ အခြေခံအုတ်မြစ်စွမ်းအားကို အားနည်းသွားစေခဲ့သည်။ </p> <p>      လက်ရှိတွင် တန်ခိုးထွားမဟာမိတ်အဖွဲ့က အန္တရာယ်စွန့်စားပြီး သူတို့ကို တိုက်ခိုက်ရဲပါက တစ္ဆေတစ်ရာ မဟာမိတ်အဖွဲ့မှာ သုတ်သင်ခံရနိုင်ပေသည်။ </p> <p> </p> <p>      “ဆရာဝတ်ရုံနက် ပြောတာ မှန်တယ်... တစ္ဆေတစ်ရာ မဟာမိတ်အဖွဲ့ရဲ့ ပထမအကြီးအကဲက လူရွှင်တော် တစ်ယောက်ပဲ”  </p> <p>    တန်ခိုးထွားမဟာမိတ်အဖွဲ့၏ ခေါင်းဆောင် ချန်ရွှမ်ပက အသံထွက်၍ ရယ်မောလိုက်သည်။ သူ၏ မျက်လုံးများထဲတွင် ကြေကွဲသည့် အရိပ်အယောင်တစ်ခုကို မြင်တွေ့နိုင်သော်လည်း သူသည် စိတ်ခံစားချက် ကောင်းမွန်နေသည်။ </p> <p>      တန်ခိုးထွားမဟာမိတ်အဖွဲ့မှ အဆင့်မြင့်ပုဂ္ဂိုလ်များ အားလုံးသည်လည်း ထိုနည်းတူပင် ဖြစ်သည်။ သူတို့ ရယ်မောနေကြသော်လည်း သူတို့၏ မျက်လုံးများထဲတွင် ကြေကွဲသည့် အရိပ်အယောင်တစ်ခုကို မြင်တွေ့နိုင်ပေသည်။ </p> <p>      သဘာဝကျကျပင် ၎င်းမှာ ဝတ်ရုံနက်လူက တန်ခိုးထွားမဟာမိတ်အဖွဲ့တွင် ပူးပေါင်းကာ ဒုခေါင်းဆောင် ဖြစ်လာရန် သူတို့ခေါင်းဆောင်၏ ဖိတ်ခေါ်မှုကို ငြင်းပယ်လိုက်သောကြောင့် နှမြောစရာကောင်းသည်ဟု သူတို့ ထင်နေကြခြင်း ဖြစ်သည်။ </p> <p>      ဝတ်ရုံနက်လူ၏ စွမ်းအားအပေါ် အခြေခံ၍ ဝတ်ရုံနက်လူသည် သူတို့၏ တန်ခိုးထွားမဟာမိတ်အဖွဲ့မှ ဒုခေါင်းဆောင် တစ်ဦး ဖြစ်လာရန် သေချာပေါက် အရည်အချင်း ပြည့်မီကြောင်း သူတို့ မြင်တွေ့နိုင်ပေသည်။ </p> <p>      ခဏအကြာတွင် တန်ခိုးထွားမဟာမိတ်အဖွဲ့မှ အဖွဲ့ဝင်များက တစ္ဆေတစ်ရာ မဟာမိတ်အဖွဲ့မှ အဖွဲ့ဝင်များကို အထင်အမြင်သေးစွာ စတင် ကြည့်ရှုလာကြသည်။ သူတို့ စကားမပြောကြသော်လည်း သူတို့၏ မျက်လုံးများက စကားလုံးပေါင်း ထောင်နှင့်ချီ၍ ပြောနေကြသကဲ့သို့ပင်ဖြစ်သည်။ </p> <p>      တစ္ဆေတစ်ရာ မဟာမိတ်အဖွဲ့မှ အဖွဲ့ဝင်များကို ဘေးဖယ်ထားလိုက်လျှင် သူတို့၏ ခေါင်းဆောင် ယင်ရွှမ်မင်မှာ ပို၍ပင် အရှက်ရသွားသည်။ အစပိုင်းတွင် တန်ခိုးထွားမဟာမိတ်အဖွဲ့၏ ခေါင်းဆောင် ချန်ရွှမ်ပကို အရှက်ခွဲရန် သူ ရည်ရွယ်ခဲ့သည်။ သို့သော်လည်း သူ၏ အစီအစဉ်က တလွဲဖြစ်သွားရုံသာမက ညာလက်ရုံးကိုပါ ဆုံးရှုံးလိုက်ရသည်။ </p> <p>      တစ္ဆေတစ်ရာ မဟာမိတ်အဖွဲ့၏ ပထမအကြီးအကဲ ယိုးချွန်းဝူသည် မဟာမိတ်အဖွဲ့တွင် အသန်မာဆုံး လူများထဲမှ တစ်ဦး ဖြစ်သည်။ ထိုသို့သော လူတစ်ယောက်က အလဟဿ သေဆုံးသွားခဲ့သည်။ </p> <p> </p> <p>      “ချန်ရွှမ်ပ... အရမ်း အပျော်လွန်မနေနဲ့... စောင့်သာ ကြည့်နေလိုက်”  </p> <p>      ယင်ရွှမ်မင်က ခြိမ်းခြောက်လိုက်သည်။ လူတိုင်း၏ အကြည့်က သူ၏ အပေါ်သို့ ကျရောက်နေကြောင်း ခံစားလိုက်ရပြီးနောက် သူ ပို၍ပင် ရှက်သွားသည်။ သူ ခြိမ်းခြောက်ပြီးနောက် ချန်ရွှမ်ကို စူးရဲစွာ စိုက်ကြည့်ကာ ဘေးသို့ ဖယ်လိုက်သည်။ </p> <p> </p> <p>      “ငါ မင်းကို စောင့်နေမယ်”  </p> <p>      ချန်ရွှမ်ပက ယင်ရွှမ်မင်၏ စကားများကို အရေးမစိုက်သည့်အလား ဂရုမစိုက်သည့် လေသံဖြင့် ပြောလိုက်သည်။ အတိတ်ကတည်းက တစ္ဆေတစ်ရာ မဟာမိတ်အဖွဲ့ကို သူ မကြောက်ခဲ့ပေ။ ထို့ပြင် ယခု တစ္ဆေတစ်ရာ မဟာမိတ်အဖွဲ့က ယိုးချွန်းဝူကို ဆုံးရှုံးလိုက်ရပြီဖြစ်ရာ သူတို့၏ စွမ်းအားမှာ သိသိသာသာ အားနည်းသွားပြီ ဖြစ်သည်။ </p> <p> </p> <p>      ယင်ရွှမ်မင်က သူ၏ လူများကို တန်ခိုးထွားမဟာမိတ်အဖွဲ့မှ လူများထံမှ အဝေးသို့ ခေါ်ဆောင်သွားတော့မည့် အချိန်တွင် အေးစက်သော အသံတစ်သံက ရုတ်တရက် ပြောလိုက်သည်။ </p> <p>       “ခေါင်းဆောင်ယင်... ဝတ်ရုံနက်လူကို ပြဿနာရှာဖို့ ခင်ဗျား အကြီးအကဲ တစ်ယောက်ကို အမိန့်ပေးခဲ့တာ တကယ် ရဲရင့်တာပဲ” </p> <p>      ၎င်းက သဘာ၀ကျကျပင် လူတိုင်း၏ အာရုံကို ဖမ်းစားသွားသည်။ </p> <p>      သပ်ရပ်သော အဝတ်အစားများကို ဝတ်ဆင်ထားသည့် ဖြူနုပြီး ဖျော့တော့သော လူငယ်တစ်ဦး လူတိုင်း၏ မြင်ကွင်းတွင် ပေါ်လာသည်။ သူ၏ အနောက်မှ သက်လတ်ပိုင်းအမျိုးသား တစ်ဦး လိုက်ပါလာသည်။ </p> <p> </p> <p>      “သခင်လေး...” </p> <p>      သပ်ရပ်စွာ ဝတ်ဆင်ထားသော လူငယ် ပေါ်လာသည်နှင့် တစ်ပြိုင်နက် တစ္ဆေတစ်ရာ မဟာမိတ်အဖွဲ့နှင့် တန်ခိုးထွားမဟာမိတ်အဖွဲ့မှ ခေါင်းဆောင်များ ဖြစ်ကြသော ယင်ရွှမ်မင်နှင့် ချန်ရွှမ်ပါတို့က ရှေ့သို့ ထွက်လာပြီး သူ့ကို ရိုသေလေးစားစွာ နှုတ်ဆက်လိုက်ကြသည်။ </p> <p>      သပ်ရပ်စွာ ဝတ်ဆင်ထားသော လူငယ်မှာ အခြားသူမဟုတ်ဘဲ သတ်ဖြတ်ခြင်းခုနစ်ပါး မဟာမိတ်အဖွဲ့၏ သခင်လေး အိုချင်းပင် ဖြစ်သည်။ </p> <p> </p> <p>      ပုံမှန်အားဖြင့် အိုချင်းကဲ့သို့ လူပေါ် ကြော့သူဌေးသားမှာ တစ္ဆေတစ်ရာ မဟာမိတ်အဖွဲ့နှင့် တန်ခိုးထွားမဟာမိတ်အဖွဲ့၏ ခေါင်းဆောင်များထံမှ လေးစားမှုကို ရရှိမည် မဟုတ်ပေ။ သို့သော်လည်း တစ္ဆေတစ်ရာ မဟာမိတ်အဖွဲ့နှင့် တန်ခိုးထွားမဟာမိတ်အဖွဲ့တို့မှာ သတ်ဖြတ်ခြင်းခုနစ်ပါး မဟာမိတ်အဖွဲ့၏ လက်အောက်ခံများ ဖြစ်ကြသည်။ </p> <p>      ဒုစရိုက်မြို့တော်တွင် မဟာမိတ်အဖွဲ့များစွာ ရှိသည်။ သို့သော်လည်း အသန်မာဆုံး မဟာမိတ်အဖွဲ့ သုံးခုမှာ သတ်ဖြတ်ခြင်းခုနစ်ပါး မဟာမိတ်အဖွဲ့၊ နှစ်တစ်ထောင် မဟာမိတ်အဖွဲ့နှင့် ထာဝရ မဟာမိတ်အဖွဲ့တို့ ဖြစ်ကြသည်။ </p> <p>      ဤအသန်မာဆုံး မဟာမိတ်အဖွဲ့ သုံးခု၏ အောက်တွင် တစ္ဆေတစ်ရာ မဟာမိတ်အဖွဲ့နှင့် တန်ခိုးထွားမဟာမိတ်အဖွဲ့တို့ကဲ့သို့ အခြား မဟာမိတ်အဖွဲ့များ ရှိကြသည်။ အသက်ရှင်ရပ်တည်ရန်နှင့် သတ်ဖြတ်ခြင်းခုနစ်ပါး မဟာမိတ်အဖွဲ့၊ နှစ်တစ်ထောင် မဟာမိတ်အဖွဲ့ သို့မဟုတ် ထာဝရ မဟာမိတ်အဖွဲ့တို့၏ သိမ်းပိုက်ခြင်းမှ ရှောင်ရှားနိုင်ရန်အတွက် သူတို့သည် အသန်မာဆုံး မဟာမိတ်အဖွဲ့ သုံးခုထဲမှ တစ်ခုနှင့် ပူးပေါင်းရမည် ဖြစ်သည်။ </p> <p>      တစ္ဆေတစ်ရာ မဟာမိတ်အဖွဲ့နှင့် တန်ခိုးထွားမဟာမိတ်အဖွဲ့ နှစ်ခုစလုံးက သတ်ဖြတ်ခြင်းခုနစ်ပါး မဟာမိတ်အဖွဲ့နှင့် ပူးပေါင်းရန် ရွေးချယ်ခဲ့ကြသည်။ </p> <p>      တကယ်တော့ တစ္ဆေတစ်ရာ မဟာမိတ်အဖွဲ့နှင့် တန်ခိုးထွားမဟာမိတ်အဖွဲ့တို့၏ ရန်ငြိုးမှာ သတ်ဖြတ်ခြင်းခုနစ်ပါး မဟာမိတ်အဖွဲ့ထံမှ မျက်နှာသာပေးမှု ရရှိရန် ယှဉ်ပြိုင်ကြရာမှ အစပြုခဲ့ခြင်း ဖြစ်သည်။ </p> <p>      သတ်ဖြတ်ခြင်းခုနစ်ပါး မဟာမိတ်အဖွဲ့၏ သခင်လေးအနေဖြင့် အိုချင်းကို သတ်ဖြတ်ခြင်းခုနစ်ပါး မဟာမိတ်အဖွဲ့၏ ခေါင်းဆောင် တစ်  </p> <p>ယောက်အဖြစ်လည်း မှတ်ယူနိုင်ပေသည်။ </p> <p>      သတ်ဖြတ်ခြင်းခုနစ်ပါး မဟာမိတ်အဖွဲ့နှင့် ပူးပေါင်းထားသော မဟာမိတ်အဖွဲ့များ၏ ခေါင်းဆောင်များအနေဖြင့် ချန်ရွှမ်ပနှင့် ယင်ရွှမ်မင်တို့က အိုချင်းအပေါ် ရိုသေလေးစားမှု ရှိကြသည်မှာ သဘာဝပင် ဖြစ်သည်။ </p> <p>      အဆုံး၌ သူတို့ကို သတ်ဖြတ်ခြင်းခုနစ်ပါး မဟာမိတ်အဖွဲ့၏ လက်အောက်ငယ်သားများအဖြစ် သတ်မှတ်နိုင်ပေသည်။ </p> <p> </p> <p> </p>


Save