Book List

<h2 style="text-align: center;">အပိုင်း(၂၄၇၇) အားလုံး ဝင်ရောက်ရန် ဆုံးဖြတ်ခြင်း   </h2> <h2 style="text-align: center;">*</h2> <p> </p> <p> </p> <p> </p> <p> </p> <p>           ဝှစ်... ဝှစ်... ဝှစ်... ဝှစ်... ဝှစ်...   </p> <p> </p> <p>      ခဏအကြာတွင် သူတို့၏ ခေါင်းဆောင် ယင်ရွှမ်မင် ဦးဆောင်သော တစ္ဆေတစ်ရာ မဟာမိတ်အဖွဲ့မှ လူများသည်လည်း ဟင်းလင်းပြင် အက်ကွဲကြောင်းထဲသို့ ဝင်သွားကြပြီး လူအများ၏ အမြင်အာရုံမှ ပျောက်ကွယ်သွားကြသည်။   </p> <p> </p> <p>      “တန်ခိုးထွားမဟာမိတ်အဖွဲ့နဲ့ တစ္ဆေတစ်ရာ မဟာမိတ်အဖွဲ့က လူတွေလည်း ဟင်းလင်းပြင် အက်ကွဲကြောင်းထဲ ဝင်သွားကြပြီ”   </p> <p> </p> <p>      “ငါ သိသလောက်တော့ သတ်ဖြတ်ခြင်းခုနစ်ပါး မဟာမိတ်အဖွဲ့ရဲ့ ခေါင်းဆောင်ငယ် အိုချင်းက သာမန် လူပေါ် ကြော့သူဌေးသား တစ်ယောက်ပဲ... သူသာ သေသွားရင် သူ့အဖေရဲ့ အဆင့်အတန်းကနေ ရလာတဲ့ အခွင့်အရေးတွေ အားလုံးကို သူ ခံစားရမှာ မဟုတ်တော့လို့ ပုံမှန်အားဖြင့် အရမ်း သူရဲဘောကြောင်တတ်တာ”   </p> <p>      ဤသူ၏ စကားများကို လူအများအပြား သဘောတူကြသည်။   </p> <p> </p> <p>      “အဲဒီလိုဆိုရင် အဲဒီအချက်ကြောင့် တန်ခိုးထွားမဟာမိတ်အဖွဲ့နဲ့ တစ္ဆေတစ်ရာ မဟာမိတ်အဖွဲ့က လူတွေက ဝင်ဖို့ လုံခြုံတယ်လို့ ထင်သွားကြတာ ဖြစ်ရမယ်”   </p> <p>      ထိုနေရာတွင် ပါးနပ်သော လူများ မရှားပါးပေ။ မကြာမီမှာပင် သူတို့သည် ကောက်ချက်တစ်ခုကို ချနိုင်ခဲ့ကြသည်။   </p> <p> </p> <p>      “အဲ့လို ဖြစ်ရမယ်”   </p> <p> </p> <p>      “တန်ခိုးထွားမဟာမိတ်အဖွဲ့နဲ့ တစ္ဆေတစ်ရာ မဟာမိတ်အဖွဲ့က လူတွေ ဝင်သွားကြပြီဆိုတော့ ငါတို့က ဘာလို့ တုံ့ဆိုင်းနေဦးမှာလဲ”   </p> <p> </p> <p>      “သွားကြစို့... ငါတို့လည်း ဝင်မယ်”   </p> <p> </p> <p>      ရုတ်တရက် မတူညီသော မဟာမိတ်အဖွဲ့များမှ လူအများအပြားနှင့် တစ်ကိုယ်တော် ဂိုဏ်းမဲ့ကျင့်ကြံသူများသည် ဟင်းလင်းပြင် အက်ကွဲကြောင်းထဲသို့ စတင် ဝင်ရောက်လာကြပြီး တစ်ယောက်ပြီးတစ်ယောက် ပျောက်ကွယ်သွားကြသည်။   </p> <p>      ခဏအကြာတွင် ထိုနေရာရှိ လူတစ်ဝက်နီးပါး ဟင်းလင်းပြင် အက်ကွဲကြောင်းထဲသို့ ဝင်သွားခဲ့ကြသည်။ သဘာဝကျကျပင် ဝင်ရန် ကြောက်ရွံ့နေဆဲဖြစ်သော လူအများအပြား ရှိနေသေးသည်။ သူတို့ထဲမှ အချို့မှာ တုံ့ဆိုင်းနေဆဲဖြစ်ပြီး အခြေအနေကို စောင့်ကြည့်ရန် ဆုံးဖြတ်ခဲ့ကြသည်။   </p> <p> </p> <p>      ကျီးကန်းနက်မဟာမိတ်အဖွဲ့မှ အဆင့်မြင့်ပုဂ္ဂိုလ်များ အားလုံးက သူတို့၏ ခေါင်းဆောင် ကျီးကန်းနက်အိုကြီးကို လှည့်ကြည့်လိုက်ကြသည်။ သူတို့ထဲမှ တစ်ယောက်က တုံ့ဆိုင်းနေပြီးနောက် သတ္တိသွေးကာ မေးလိုက်သည်။ </p> <p>     “အရှင် ခေါင်းဆောင်... လူတော်တော်များများ ဟင်းလင်းပြင် အက်ကွဲကြောင်းထဲ ဝင်သွားကြပြီ... ကျုပ်တို့လည်း ဝင်သင့်သလား”   </p> <p>      ဤအချိန်တွင် ကျီးကန်းနက်အိုကြီးမှာ မိန်းမောနေဆဲ ဖြစ်သည်။ လေဟာနယ် ဂယက်ထကာ ပုံပျက်သွားသည့် မြင်ကွင်းနှင့် ယိုးချွန်းဝူ၏ သေဆုံးမှုမှာ သူ၏ စိတ်ထဲတွင် လည်ပတ်နေဆဲ ဖြစ်သည်။ တစ္ဆေတစ်ရာ မဟာမိတ်အဖွဲ့၏ ပထမအကြီးအကဲ ဖြစ်ခြင်းအပြင် ယိုးချွန်းဝူမှာ အဓိပတိသူတော်စင်အဆင့်စာရင်းတွင် ထိပ်ဆုံး အဆင့် ၂၀၀ အတွင်း၌ ရှိသည်။ ထိုသို့သော လူတစ်ယောက်ကို ဝတ်ရုံနက်လူက အလွယ်တကူ သတ်ပစ်ခဲ့သည်။   </p> <p>      ကျီးကန်းနက်အိုကြီးမှာ ယိုးချွန်းဝူထက် များစွာ အားနည်းသည်။ သူက ဝတ်ရုံနက်လူ၏ ပြိုင်ဘက် ဘယ်လိုလုပ် ဖြစ်နိုင်မည်နည်း။ ခဏတာ သူ မျှော်လင့်ချက်မဲ့သွားသလို ခံစားလိုက်ရသည်။ ဤဘဝတွင် ဝတ်ရုံနက်လူကို သတ်ရန်နှင့် ကျီးကန်းနက်မဟာမိတ်အဖွဲ့မှ အဖွဲ့ဝင်များအတွက် လက်စားချေရန်မှာ သူ့အတွက် မဖြစ်နိုင်တော့သကဲ့သို့ ခံစားလိုက်ရသည်။ သူ အလွန် မကျေမနပ် ဖြစ်နေသည်။ အသုံးဝင်မည့်အရာ တစ်ခုခုကို ရှာတွေ့ရန် မျှော်လင့်ချက်ဖြင့် စောစောက မြင်ကွင်းကို သူ ဆက်လက် စဉ်းစားနေခဲ့သည်။ သို့သော်လည်း အလဟဿသာ ဖြစ်သည်။ ဂယက်ထကာ ပုံပျက်နေသော လေဟာနယ်ကို သူ လုံးဝ ထိုးထွင်းမမြင်နိုင်ခဲ့ပေ။ ဝတ်ရုံနက်လူက ယိုးချွန်းဝူကို မည်သို့ သတ်ခဲ့သည်ကို သူ မသိပေ။   </p> <p> </p> <p>      သူ၏ လက်အောက်ငယ်သားက စကားပြောလာသည်ကို ကြားသောအခါ ကျီးကန်းနက်အိုကြီး သတိပြန်ဝင်လာသည်။ </p> <p>      “ဟင်...”  </p> <p>      ထို့နောက် သူ၏ လက်အောက်ငယ်သားထံမှ ဘာတွေဖြစ်သွားလဲဆိုတာကို သူ သိရှိလိုက်ရသည်။   </p> <p> </p> <p>      “တန်ခိုးထွားမဟာမိတ်အဖွဲ့က ခေါင်းဆောင်ချန်နဲ့ တစ္ဆေတစ်ရာ မဟာမိတ်အဖွဲ့က ခေါင်းဆောင်ယင်တို့ ဟင်းလင်းပြင် အက်ကွဲကြောင်းထဲ ဝင်သွားကြပြီဆိုတော့ ငါတို့ ကြောက်စရာ ဘာအကြောင်းမှ မရှိတော့ဘူး... သွားကြစို့”  </p> <p>     ကျီးကန်းနက်အိုကြီးက ပြတ်သားစွာ ပြောလိုက်သည်။ သူသည် သူ၏ လူများကို ဟင်းလင်းပြင် အက်ကွဲကြောင်းထဲသို့ ချက်ချင်း ဦးဆောင်ခေါ်သွားသည်။   </p> <p> </p> <p>      “ကျီးကန်းနက်မဟာမိတ်အဖွဲ့က လူတွေလည်း ဝင်သွားကြပြီ”   </p> <p> </p> <p>      “ကျီးကန်းနက်မဟာမိတ်အဖွဲ့က ကျီးကန်းနက်အိုကြီးဟာ နာမည်ဆိုးနဲ့ကျော်ကြားလောက်အောင် သတိကြီးတဲ့ လူတစ်ယောက်ပဲ... မဟုတ်ရင် သူ ဒီလောက် အကြာကြီး သည်းခံပြီး ဝတ်ရုံနက်လူကို မတိုက်ခိုက်ဘဲ နေမှာ မဟုတ်ဘူး”   </p> <p> </p> <p>      “အဲဒါ မှန်တယ်... ဝတ်ရုံနက်လူက ကျီးကန်းနက်မဟာမိတ်အဖွဲ့က အဖွဲ့ဝင် အများကြီးကို သတ်ခဲ့တာ... သူက ကျီးကန်းနက်မဟာမိတ်အဖွဲ့မှာ ဒုတိယ အသန်မာဆုံး လူဖြစ်တဲ့ ကျောင်ကျန်းကိုတောင် သတ်ခဲ့တာ... ကျီးကန်းနက်အိုကြီးက ဝတ်ရုံနက်လူကို အရမ်း မုန်းတီးမှာ သေချာပေမဲ့ သူ့ကိုယ်သူ ထိန်းချုပ်ထားနိုင်ရုံမကဘူး တခြား အဖွဲ့ဝင်တွေကိုပါ ငြိမ်နေဖို့ ပြောခဲ့တယ်”   </p> <p> </p> <p>      “ဒီလောက် သတိကြီးတဲ့ လူတစ်ယောက်တောင် ဟင်းလင်းပြင် အက်ကွဲကြောင်းထဲ ဝင်သွားပြီပဲ... ငါတို့ ဘာကို စောင့်နေတာလဲ... ဘာလို့ တုံ့ဆိုင်းနေတာလဲ”   </p> <p> </p> <p>      ကျီးကန်းနက်မဟာမိတ်အဖွဲ့မှ လူများ ဟင်းလင်းပြင် အက်ကွဲကြောင်းထဲသို့ ဝင်သွားပြီးနောက် တုံ့ဆိုင်းကာ အခြေအနေကို စောင့်ကြည့်နေသော လူစုသည်လည်း ချက်ချင်း လိုက်ပါသွားကြပြီး ဟင်းလင်းပြင် အက်ကွဲကြောင်းထဲသို့ ဝင်သွားကြသည်။   </p> <p>      ချက်ချင်းပင် ထိုနေရာရှိ လူတစ်ဝက်ကျော် ပျောက်ကွယ်သွားကြသည်။   </p> <p>      ကျန်ရစ်သူများမှာ တုံ့ဆိုင်းနေဆဲ ဖြစ်သည်။ အဆုံး၌ အတွင်းတွင် မည်သည့်အရာများ ရှိနေသည်ကို မသိနိုင်ပေ။ အတွင်းတွင် မည်သည့်အရာများနှင့် ကြုံတွေ့ရမည်ကို သူတို့ မသိကြပေ။ လုံခြုံပါက ကိစ္စမရှိပေ။ သို့သော်လည်း သူတို့ မှားယွင်းသွားပါက သူတို့၏ အသက်ကို ဆုံးရှုံးရမည် ဖြစ်သည်။   </p> <p>      လက်ရှိအချိန်တွင် လူသစ် အများအပြား ရောက်ရှိလာကြသည်။   </p> <p>      ဤအချိန်တွင် အဘိုးအို တစ်ဦး၏ မျက်လုံးများ လင်းလက်သွားပြီး စိတ်လှုပ်ရှားစွာဖြင့် အော်ဟစ်လိုက်သည်။  </p> <p>      “နေရာလွတ် အက်ကွဲကြောင်း”   </p> <p> </p> <p>      “နေရာလွတ်အက်ကွဲကြောင်း”   </p> <p>      ချက်ချင်းပင် လူအများအပြားက သူ့ကို အံ့အားသင့်စွာ လှည့်ကြည့်လိုက်ကြသည်။   </p> <p> </p> <p>      သူတို့၏ အကြည့်များကို သတိပြုမိသောအခါ အဘိုးအိုက ရုတ်တရက် မတ်မတ်ရပ်လိုက်ပြီး ချောင်းဟန့်ကာ ပြောလိုက်သည်။  </p> <p>     “ငါ မမှားဘူးဆိုရင် ဒါက နေရာလွတ်အက်ကွဲကြောင်းတစ်ခုပဲ... ယေဘုယျအားဖြင့် ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင် တစ်ယောက် ချန်ထားခဲ့တဲ့ ရတနာသိုက်တွေကိုပဲ နေရာလွတ်အက်ကွဲကြောင်းတစ်ခုရဲ့ အနောက်မှာ ဖုံးကွယ်ထားလေ့ရှိတယ်”   </p> <p>      “ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင် တစ်ယောက် ချန်ထားခဲ့တဲ့ ရတနာသိုက်ကို ငါ့အသက်ရှင်တုန်းမှာ မြင်ခွင့်ရလိမ့်မယ်လို့ မထင်ထားခဲ့ဘူး” </p> <p>       စကားပြောပြီးသည်နှင့် တစ်ပြိုင်နက် သူသည် အခြားသူများ မတုံ့ပြန်နိုင်မီ နေရာလွတ်အက်ကွဲကြောင်းထဲသို့ ဝင်သွားသည်။   </p> <p> </p> <p>      “ဒါက ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင် တစ်ယောက် ချန်ထားခဲ့တဲ့ ရတနာသိုက်လို့ သူ ပြောလိုက်တာလား”  </p> <p>     တစ်ယောက်က သတိပြန်ဝင်လာပြီးနောက် တီးတိုး ပြောလိုက်သည်။   </p> <p> </p> <p>      “ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင်လား... အဲဒါက တက်လှမ်းသွားတဲ့ လူတစ်ယောက် မလား”   </p> <p>      လူပိုများလာကာ သတိပြန်ဝင်လာကြသည်။ အံ့အားသင့်ပြီး မယုံကြည်နိုင်သော အမူအရာများက သူတို့၏ မျက်နှာပေါ်တွင် အထင်းသား ပေါ်နေသည်။   </p> <p> </p> <p>      “ငါ သိသလောက်ဆိုရင် ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင် တစ်ယောက်ရဲ့ စွမ်းအားက အရမ်းသန်မာတယ်... အဲဒီစွမ်းအားနဲ့ သီးခြားလောကတစ်ခုကို သူတို့ ဖန်တီးနိုင်တယ်”   </p> <p> </p> <p>      “မင်း ပြောတာ အမှန်ဆိုရင် နေရာလွတ်အက်ကွဲကြောင်းက ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင် တစ်ယောက် ဖန်တီးထားတဲ့ သီးခြားလောကဆီကို သွားတဲ့ ဝင်ပေါက် ဖြစ်ရမယ်”   </p> <p> </p> <p>      “ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ စွမ်းအားရှင် တစ်ယောက်က ငါတို့အတွက် ထောင်ချောက်ဆင်လောက်တဲ့အထိ သဘောထားသေးသိမ်မှာ မဟုတ်ဘူး မလား... ဟင်းလင်းပြင် အက်ကွဲကြောင်းက သူ့ရဲ့ ရတနာတွေကို သိမ်းထားတဲ့ နေရာဆီကို သွားတဲ့ ဝင်ပေါက် ဖြစ်ဖို့ များတယ်”   </p> <p> </p> <p>      “လခွီး... တုံ့ဆိုင်းနေတာနဲ့တင် အချိန်တွေ အများကြီး ဖြုန်းမိသွားပြီ... ဒါကို စောစောကတည်းကသာ သိခဲ့ရင် နေရာလွတ်အက်ကွဲကြောင်းထဲကို ဝင်ပြီးပြီ”   </p> <p> </p> <p>      “တစ်ခါတလေ အရမ်း သတိကြီးလွန်းတာကလည်း မကောင်းဘူး”   </p> <p>      အဘိုးအို၏ စကားများကို ကြားပြီးနောက် အပြင်တွင် ရပ်နေသော လူများ ဆက်လက် မတုံ့ဆိုင်းကြတော့ပေ။ သူတို့ အားလုံး နေရာလွတ်အက်ကွဲကြောင်းဆီသို့ သွားလိုက်ကြပြီး သုံးယောက်ငါးယောက် တစ်စုစီ ဝင်သွားကြသည်။   </p> <p> </p> <p>      နေရာလွတ်အက်ကွဲကြောင်းသည် ဆာလောင်နေသော သားရဲတစ်ကောင်၏ ပါးစပ်နှင့် တူသည်။ မည်သူကိုမျှ ဝင်ရောက်ခြင်းမှ မငြင်းပယ်ပေ။   </p> <p> </p> <p>      မကြာမီမှာပင်‌ နေရာလွတ်အက်ကွဲကြောင်း၏ အပြင်ဘက်တွင် မည်သူမျှ မကျန်တော့ပေ။   </p> <p> </p> <p>      နောက်မှ ရောက်လာသော လူများပင်လျှင် ခဏတာ တုံ့ဆိုင်းပြီးနောက် နေရာလွတ်အက်ကွဲကြောင်းထဲသို့ ဝင်သွားကြသည်။ အနီးအနားတွင် မည်သူမျှ မရှိသည်ကို သူတို့ မြင်သောအခါ နေရာလွတ်အက်ကွဲကြောင်းထဲသို့ ဝင်ရောက်ရန် လုံခြုံကြောင်းကို သူတို့ နားလည်သွားကြသည်။   </p> <p> </p> <p>      ဝှစ်... ဝှစ်...   </p> <p> </p> <p>      ရုတ်တရက် နားကွဲမတတ် လေတိုးသံ နှစ်သံ လေထုထဲတွင် ထွက်ပေါ်လာသည်။ မြန်ဆန်သော အမြန်နှုန်းဖြင့် ရွေ့လျားနေသော ပုံရိပ်နှစ်ခုက မျက်စိတစ်မှိတ်အတွင်း နေရာလွတ်အက်ကွဲကြောင်းဆီသို့ ရောက်ရှိလာသည်။ </p> <p> </p> <p> </p>


Save