Book List

<h2 style="text-align: center;">အခန်း (၉၅) လုမိသားစု၏ အဆင့်မြင့်အရာရှိများနှင့် တွေ့ဆုံခြင်း</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">"ဟုတ်ကဲ့ပါ"</p> <p style="text-align:justify">လုချန်က ပန်းကန်ပြားကို ဘေးသို့ ဖယ်ချလိုက်သည်။ ထို့နောက် လုကွာကွာ၏ အနောက်မှလိုက်ကာ ခန်းမဆောင်၏ ဗဟိုချက်ဆီသို့ လျှောက်သွားလိုက်သည်။ ထိုနေရာရှိ စားပွဲရှည်ကြီးတစ်ခုတွင် လုဟုန်တောက် ထိုင်နေသည်။ ဘေးတစ်ဖက်တစ်ချက်စီတွင် လုမိသားစု၏ အဆင့်မြင့် အရာရှိကြီးများ ရှိနေကြသည်။ သူတို့ နီးကပ်သွားသည်နှင့် တစ်ပြိုင်နက် ဆူညံနေသော အသံများ ချက်ချင်း တိတ်ကျသွားလေသည်။ မျက်လုံးပေါင်းများစွာက သူ့ထံသို့ တပြိုင်နက်တည်း ကျရောက်လာကြသည်။ လုဟုန်တောက်က သူ့အနီးသို့ တိုးလာရန် လက်ဟန်ပြလိုက်သည်။</p> <p style="text-align:justify">"လုချန်..."</p> <p style="text-align:justify">သူက စကားစလိုက်သည်။ ထိုအသံက တိတ်ဆိတ်နေသော ခန်းမဆောင်တစ်ခုလုံးသို့ လွယ်ကူစွာ ပျံ့နှံ့သွားသည်။</p> <p style="text-align:justify">"မင်း လုမိသားစုရဲ့ အထက်တန်းအရာရှိတွေနဲ့ တွေ့ဆုံသင့်တယ်... လုမိသားစုရဲ့ နောက်ထပ် ဆက်ခံသူနဲ့ တွေ့ဆုံခွင့်ရဖို့ သူတို့မှာ အရည်အချင်း ပြည့်မီပါတယ်"</p> <p style="text-align:justify">လုချန်က ခေါင်းကို အနည်းငယ် စောင်းလိုက်သည်။ "ရတာပေါ့"</p> <p style="text-align:justify">ချက်ချင်းပင် ဝတ်စုံပြည့် ဝတ်ဆင်ထားသော အမှုဆောင်အရာရှိများက သူတို့၏ ထိုင်ခုံများမှ တစ်ယောက်ပြီးတစ်ယောက် မတ်တတ်ရပ်လိုက်ကြသည်။ ထိုအထဲတွင် လုမိသားစု လက်နက်ထုတ်လုပ်ရေးဌာန၏ ဒါရိုက်တာ၊ လုမိသားစု ကမ္ဘာလုံးဆိုင်ရာ သတ္တုတူးဖော်ရေး စီးပွားရေးဌာန၏ မန်နေဂျာ နှင့် ထောက်ပံ့ပို့ဆောင်ရေး၊ ဘဏ္ဍာရေး၊ သုတေသန အင်စတီကျု စသည့် ဌာနအသီးသီးမှ အကြီးအကဲများ ပါဝင်ကြသည်။</p> <p style="text-align:justify">သူတို့ထဲမှ အချို့မှာ အသက်အရွယ် အတော်လေး ရင့်ကျက်နေပြီဖြစ်သည်။ အသားအရေထိန်းသိမ်းမှု ကောင်းမွန်ပြီး သပ်ရပ်သော မိတ်ကပ်များကို လိမ်းခြယ်ထားသော်လည်း မျက်လုံးထောင့်မှ မှေးမှိန်နေသော အရစ်အကြောင်းလေးများကို ဖုံးကွယ်ထားရန် ခက်ခဲလှသည်။ အချို့ကတော့ လူလတ်ပိုင်းအရွယ်ပင် မရောက်ကြသေးပေ။ ငယ်ရွယ်ပြီး အလားအလာ ကောင်းမွန်သူများ ဖြစ်ကြသည်။ </p> <p style="text-align:justify">သူတို့က တစ်ယောက်ပြီးတစ်ယောက် မတ်တတ်ရပ်ကာ ကိုယ့်ကိုယ်ကိုယ် မိတ်ဆက်ကြသည်။ လုချန်က အလျင်စလို မလုပ်ခဲ့ပေ။ တစ်ယောက်ပြီးတစ်ယောက် လိုက်လံ လက်ဆွဲနှုတ်ဆက်လေသည်။ လူတိုင်းက သူတို့ကိုယ်သူတို့ မိတ်ဆက်နေချိန်တွင် လုချန်က တစ်ဖက်လူ၏ မျက်လုံးများကို တည့်တည့် စူးစိုက်ကြည့်နေတတ်သည်။ သူတို့၏ မျက်နှာအမူအရာများကို အကဲခတ်နေသည်။ သူ၏ မျက်နှာပေါ်တွင် ပြုံးယောင်ယောင်လေးတစ်ခု ရှိနေသည်။ သူတို့၏ နာမည်များကို ထပ်မံ ရေရွတ်လိုက်ပြီးနောက် နွေးထွေးစွာ လက်ဆွဲနှုတ်ဆက်လေသည်။</p> <p style="text-align:justify">သူတို့ထဲမှ အချို့မှာ အနည်းငယ် ရှက်ရွံ့နေကြသည်။ သတင်းအချက်အလက်များကို ကောင်းစွာ သိရှိထားသော အချို့ အဆင့်မြင့်အရာရှိများကမူ ယဉ်ကျေးပြီး တည်ငြိမ်သော သဘောထားကို ပြသကြသည်။ အချို့လူများ၏ မျက်လုံးထဲတွင်မူ သိသာထင်ရှားသော စူးစမ်းလိုစိတ်နှင့် မေးခွန်းထုတ်မှုများ ပါဝင်နေသည်။ သေချာသည်မှာ အချို့လူများက ယဉ်ကျေးမှုအရသာ ဆက်ဆံနေခြင်း ဖြစ်သည်။</p> <p style="text-align:justify">"သခင်လေးလုချန်... ကျွန်တော်တို့ သခင်လေး ရောက်လာမယ့်အချိန်ကို စောင့်မျှော်နေခဲ့တာ ကြာပါပြီ"</p> <p style="text-align:justify">"လုမိသားစုရဲ့ မျိုးဆက်သစ် ဆက်ခံသူနဲ့ တွေ့ဆုံခွင့်ရတာ ဂုဏ်ယူဝမ်းမြောက်မိပါတယ်"</p> <p style="text-align:justify">"သခင်လေးရဲ့ ဦးဆောင်မှုအောက်မှာ အလုပ်လုပ်ရဖို့ မျှော်လင့်ပါတယ်"</p> <p style="text-align:justify">ဤအရာများကို ကြည့်ရင်း လုချန်က အမြဲတမ်း တည်ငြိမ်ပြီး ယဉ်ကျေးသော တုံ့ပြန်မှုများကိုသာ ပြန်လည် ပေးအပ်ခဲ့သည်။</p> <p style="text-align:justify">"ကျေးဇူးတင်ပါတယ်"</p> <p style="text-align:justify">"အားလုံးနဲ့ တွေ့ရတာ ဝမ်းသာပါတယ်"</p> <p style="text-align:justify">"ပိုမို အားကောင်းတဲ့ လုမိသားစုနဲ့ ပိုမို တောက်ပတဲ့ အနာဂတ်တစ်ခုကို တည်ဆောက်ဖို့ အတူတကွ ကြိုးစားကြပါစို့"</p> <p style="text-align:justify">နောက်ဆုံး မိတ်ဆက်ခြင်း အစီအစဉ် ပြီးဆုံးသွားခဲ့သည်။ အမှုဆောင်အရာရှိများက ပြန်လည် ထိုင်ချလိုက်ကြသည်။ ခန်းမဆောင်အတွင်းရှိ စကားပြောသံများက ပုံမှန်အခြေအနေသို့ ပြန်လည် ရောက်ရှိသွားသည်။ လုဟုန်တောက်က ကျောမှီကို မှီချလိုက်သည်။ သူ၏ဘေးရှိ လုချန်ကို ကြည့်ကာ ကျေနပ်အားရစွာ ပြုံးလိုက်သည်။ </p> <p style="text-align:justify">"မင်း အခြေအနေကို အရမ်းကောင်းကောင်း ကိုင်တွယ်နိုင်ခဲ့တယ်" သူက တိုးညင်းစွာ ပြောလိုက်သည်။ လုချန်တစ်ယောက်သာ ကြားနိုင်ပေသည်။ "ဒီလိုလုပ်တာက မနက်ဖြန် မရောက်ခင် သူတို့ကို မင်းရဲ့ မျက်နှာကို မြင်ခွင့်၊ မင်းရဲ့ အသံကို ကြားခွင့် ပေးလိုက်တာပဲ"</p> <p style="text-align:justify">လုချန်က ခေါင်းညိတ်လိုက်သည်။ "နားလည်ပါပြီ"</p> <p style="text-align:justify">လုဟုန်တောက်၏ အပြုံးက ပိုမို ကျယ်ပြန့်သွားသည်။ "ကောင်းပြီ... မင်းရဲ့ ကိုယ်ပိုင်အချိန်တွေကို ဆက်ပြီး ပျော်ရွှင်စွာ အသုံးချလိုက်ပါ... နောက်မှ မင်းနဲ့ စကားဆက်ပြောမယ်"</p> <p style="text-align:justify">လုချန်က ပင်မစားပွဲကြီးမှ ထွက်ခွာလာခဲ့သည်။ ခန်းမကို တစ်ချက် ထပ်မံ ဝေ့ဝဲကြည့်လိုက်သည်။ အဝေးတစ်နေရာတွင် လုလီနာကို သူ မြင်လိုက်ရသည်။ သူမက သူမ၏ အဖော်ကို သူနှင့် တွဲရိုက်ထားသော ဓာတ်ပုံကို ပြသနေသည်။ လော့နျန်ယင်းက လော့နျန်ဝေ၏ ဘေးရှိ ကုလားထိုင်တွင် ထိုင်နေသည်။ သူတို့က အခြား အချိုပွဲတစ်ခုကို လူမသိသူမသိ ခိုးယူရန် ကြိုးစားနေကြသည်။</p> <p style="text-align:justify">လုယွမ်ကမူ သူနှင့် ရွယ်တူ အခြားလူအချို့နှင့် အလေးအနက် ဆွေးနွေးနေဆဲပင်။ ထိုခဏမှာပင် လုချန်က ဤမြင်ကွင်းကို တိတ်ဆိတ်စွာ စောင့်ကြည့်နေမိသည်။ တောက်ပနေသော မီးရောင်များ၊ ညှို့ငင်ဖမ်းစားနိုင်သော တေးဂီတသံများနှင့် ခမ်းနားကြော့ရှင်းစွာ ဝတ်ဆင်ထားသော လူရာပေါင်းများစွာက ရောနှောကာ အပြန်အလှန် ခွက်ချင်းတိုက် နှုတ်ဆက်နေကြသည်။</p> <p style="text-align:justify">လွန်ခဲ့သော တစ်လခန့်က သူ ဤနေရာတွင် ရောက်နေလိမ့်မည်ဟု ဘယ်သောအခါကမှ စိတ်ကူးမယဉ်ခဲ့ဖူးချေ။ သူက အရေးမပါသော လူတစ်ယောက်သာ ဖြစ်ခဲ့သည်။ အခြားကမ္ဘာတစ်ခုတွင် တိတ်ဆိတ်ပြီး လူမသိသူမသိ ဘဝမျိုးကို ဖြတ်သန်းနေခဲ့ရသည်။ သို့သော် ယခုအခါတွင်မူ သူ လုမိသားစု စံအိမ်တော်၌ ရပ်နေပြီဖြစ်သည်။ ကမ္ဘာ့ အထက်တန်းလွှာအကျဆုံး မိသားစုများ၏ အာဏာဗဟိုချက်တွင်ပင်။ </p> <p style="text-align:justify">မကြာမီ ဤနေရာက သူ အခြေချနေထိုင်မည့် နေရာဖြစ်လာမည်ကို သူ သိသည်။ မနက်ဖြန်က အနည်းငယ် စိန်ခေါ်မှု ရှိလာနိုင်ပေသည်။ အခြား မိသားစုများ၏ ဆက်ခံသူများကို သူ ယခုကတည်းက စိတ်ကူးထဲတွင် ပုံဖော်ကြည့်နိုင်နေသည်။ လုမိသားစု၏ မယှဉ်သာတဲ့ ပါရမီရှင်ဆိုသူနှင့် အပြိုင်အဆိုင် ယှဉ်ပြိုင်ချင်နေကြလိမ့်မည်။</p> <p style="text-align:justify">ဒါကို သူက ကြိုဆိုသည်။ သူတို့က သူ၏ အရည်အသွေးကို စမ်းသပ်ချင်ကြသည်ဆိုလျှင် သူက အခြားလူများနှင့် မည်သို့ ကွာခြားကြောင်းကို သူတို့အား ပြသပေးရမည်။ မနက်ဖြန် ကျော်လွန်သွားပြီးနောက် ဤမြို့တော်ရှိ မည်သူကမျှ (သို့မဟုတ်) လူသားကမ္ဘာတစ်ခုလုံးရှိ မည်သူကမျှ သူ့ကို မေးခွန်းထုတ်ရဲတော့မည် မဟုတ်ပေ။ ညစာစားပွဲက ဘာပြဿနာမှမရှိဘဲ အေးချမ်းစွာ ကုန်ဆုံးသွားခဲ့သည်။</p> <p style="text-align:justify">လုချန် သူ၏ အခန်းသို့ ပြန်လာခဲ့သည်။ သူ သိသည်။ နောက်တစ်ဆင့်သို့ ဖောက်ထွက်ရန်အတွက် ထပ်မံ အချိန်ဆွဲနေ၍ မရတော့ပေ။ အဆင့်C သို့ ဖောက်ထွက်နိုင်သွားသည်နှင့် တစ်ပြိုင်နက် သူက ဓာတ်သဘာဝ စွမ်းအင်များကို လွတ်လပ်စွာ ထိန်းချုပ်နိုင်လာပြီး သူ အမြဲတမ်း အိပ်မက်မက်ခဲ့ရသော ဓာတ်သဘာဝ စွမ်းရည်များကို အသုံးပြုနိုင်တော့မည်။</p> <p style="text-align:justify">သူက လေ့ကျင့်ရေးခန်း၏ အလယ်ဗဟိုတွင် တင်ပျဉ်ခွေ ထိုင်ချလိုက်သည်။ မူလအစ ထာဝရဇာစ်မြစ် ကျင့်စဉ်ကို စတင် လည်ပတ်လိုက်သည်။ ကြီးမားကျယ်ပြန့်လှသော စကြာဝဠာစွမ်းအင်များက လျင်မြန်စွာ စုဝေးရောက်ရှိလာကြသည်။ ချက်ချင်းဆိုသလိုပင် စွမ်းအင်ဝဲကယောက်တစ်ခု ဖြစ်ပေါ်လာသည်။ နာရီအနည်းငယ် ကုန်ဆုံးသွားခဲ့သည်။</p> <p style="text-align:justify">သူ၏ အတွင်းပိုင်းမှ ကြွပ်ဆတ်သော အသံတစ်ခု ပဲ့တင်ထပ်ထွက်ပေါ်လာသည်။ လုချန်၏ အငွေ့အသက်များက ဒီရေအလား မြင့်တက်လာ၏။ ဝိညာဉ်သွေးကြောများ ဖောက်ထွက်သွားသည့်တိုင်အောင် စွမ်းအင်များက ဆက်တိုက် စုစည်းနေခဲ့သည်။ သူက မျက်လုံးဖွင့်လိုက်သည်။ နံနက်ခင်း နေရောင်ခြည်က ပြတင်းပေါက်မှတစ်ဆင့် ဖြာကျနေသည်။ သူ၏ ခန္ဓာကိုယ်အတွင်းရှိ ဝိညာဉ်သွေးကြောများ၏ အချင်းကို သူ စစ်ဆေးကြည့်လိုက်သည်။ ၎င်းက မီလီမီတာ ၁၀ ကို ကျော်လွန်သွားခဲ့ပြီ ဖြစ်သည်။</p> <p style="text-align:justify">၁၁ မီလီမီတာအထိ ရောက်ရှိသွားခဲ့သည်။ သူက အဆင့်D စတုတ္ထအလွှာသို့ အောင်မြင်စွာ ဖောက်ထွက်နိုင်ခဲ့သည်။ ယခုအခါ နောက်တစ်နေ့ နံနက်ခင်းသို့ ရောက်ရှိနေပြီ ဖြစ်သည်။ လုချန်က ခေတ္တမျှ ရပ်တန့်လိုက်သည်။ သူ၏ အသက်ရှူနှုန်းကို တည်ငြိမ်သွားစေလိုက်သည်။ </p> <p style="text-align:justify">ထို့နောက် System Panel ကို ဖွင့်လိုက်သည်။ “Sign in လုပ်မယ်”</p> <p style="text-align:justify">အမည် : လုချန်<br /> ခွန်အား : ၃,၇၅၁,၅၂၀<br /> စိတ်ဝိညာဉ် : ၃,၇၅၁,၅၂၀<br /> ဝိညာဉ်စွမ်းရည် : နားလည်သဘောပေါက်နိုင်စွမ်း အမြင့်ဆုံးအဆင့်</p> <p style="text-align:justify">သူ၏ အခြေခံခွန်အားက တန် ၃ သိန်းအထိ ရောက်ရှိသွားခဲ့သည်။ ဒါက အလင်းဓာတ်၏ အခြေခံစွမ်းအားဖြစ်သည်။ သာမန် အဆင့်C ဒသမအလွှာ စစ်သည်တော်တစ်ယောက်၏ စွမ်းအားကိုပင် ကျော်လွန်နေပြီ ဖြစ်သည်။ စွမ်းအား ၉၉ ဆ တိုးပွားမှုနှင့်ဆိုလျှင် သူ၏ အထွတ်အထိပ် တိုက်ခိုက်ရေးစွမ်းရည်က အံ့မခန်း တန်ချိန် ၂၉၇.၁၂ သန်း အထိ ရောက်ရှိနိုင်သည်။ ဤပမာဏက အဆင့်B သတ္တမအလွှာ ကျင့်ကြံသူတစ်ယောက်၏ အခြေခံစွမ်းအားထက်ပင် ပိုမို အားကောင်းနေသေးသည်။ ၎င်းက အဆင့်B အဋ္ဌမအလွှာ ကျင့်ကြံသူတစ်ယောက်နှင့် ယှဉ်ပြိုင်နိုင်စွမ်း ရှိသည်။ သူက အဆင့်-B စစ်သည်တော်များ၏ အခြေခံ အချက်အလက်များကို ပြန်လည် စဉ်းစားကြည့်လိုက်သည်။</p> <p style="text-align:justify">အဆင့်-B၊ အဆင့် ၁ : တန် ၂ သန်း<br /> အဆင့်-B၊ အဆင့် ၂ : တန် ၄ သန်း<br /> အဆင့်-B၊ အဆင့် ၃ : တန် ၆ သန်း<br /> အဆင့်-B၊ အဆင့် ၄ : တန် ၁၀ သန်း<br /> အဆင့်-B၊ အဆင့် ၅ : တန် ၁၄ သန်း<br /> အဆင့်-B၊ အဆင့် ၆ : တန် ၁၈ သန်း<br /> အဆင့်-B၊ အဆင့် ၇ : တန် ၂၄ သန်း<br /> အဆင့်-B၊ အဆင့် ၈ : တန် ၃၀ သန်း<br /> အဆင့်-B၊ အဆင့် ၉ : တန် ၃၆ သန်း<br /> အဆင့်-B၊ အဆင့် ၁၀ : တန် ၄၄ သန်း</p> <p style="text-align:justify">သူ၏ ရင်ထဲတွင် နက်ရှိုင်းသော ကျေနပ်မှုကို ခံစားလိုက်ရသည်။ ထိုအချိန်မှာပင် တံခါးခေါက်သံက သူ၏ အတွေးများကို အနှောင့်အယှက် ပေးလိုက်သည်။ လုချန်က မတ်တတ်ရပ်လိုက်သည်။ သူ၏ နဖူးမှ ချွေးများကို သုတ်လိုက်ပြီး တံခါးသွားဖွင့်လိုက်သည်။ အပြင်ဘက်တွင် အိမ်အကူ ကောင်မလေးတစ်ယောက် ရပ်နေသည်။ သူမက စိတ်လှုပ်ရှားမှုကြောင့် လက်နှစ်ဖက်ကို တင်းကျပ်စွာ ဆုပ်ကိုင်ထားသည်။</p> <p style="text-align:justify">"သခင်လေး... သခင်မလေးဆုန့်က သခင်လေးနဲ့ မိသားစုဝင်တွေကို မနက်စာ အတူစားဖို့ ဖိတ်ခိုင်းလိုက်လို့ပါ"</p> <p style="text-align:justify">"ကောင်းပြီလေ... တခြားကိစ္စ ရှိသေးလား"</p> <p style="text-align:justify">"မရှိတော့ပါဘူး သခင်လေး"</p> <p style="text-align:justify">"အိုကေ... သွားလို့ရပြီ"</p> <p style="text-align:justify">***</p>


Save