Book List

<h2 style="text-align: center;">အခန်း (၉၉) အရပ်လေးမျက်နှာလုံး လှုပ်ရှားလာခြင်းနှင့် ဒု-ဥက္ကဋ္ဌ ကိုယ်တိုင် ရောက်ရှိလာခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">A1 အခြေစိုက်မြို့တော်။ </p> <p style="text-align:justify">လုမိသားစု စံအိမ်တော်၏ ဂိတ်တံခါးအပြင်ဘက် ကောင်းကင်ယံတစ်ခုလုံးတွင် ရေတွက်၍မရနိုင်သော ပျံသန်းကားများနှင့် လေယာဉ်များက သိပ်သည်းစွာ ဖုံးလွှမ်းနေသည်။</p> <p style="text-align:justify">ရဟတ်တပ်၊ ဂျက်အင်ဂျင်တပ်၊ မြေဆွဲအားဆန့်ကျင်ရေးစနစ်တပ်...</p> <p style="text-align:justify">အမျိုးအစားပေါင်းစုံသော လေယာဉ်များက လေထဲတွင် ဝဲပျံနေကြသည်။ ထိုအရာများအားလုံးမှာ မဟာမိတ်အဖွဲ့ထံမှ နောက်ဆုံးပေါ် မော်ဒယ်များချည်းသာ ဖြစ်ကြသည်။ ဤအချိန်တွင် လုမိသားစု စံအိမ်တော်၏ ဂိတ်တံခါးကြီးများက ကျယ်လောင်စွာ ပွင့်ဟနေသည်။ အရပ်လေးမျက်နှာမှ ဧည့်သည်တော်များကို ကြိုဆိုနေသည်။ </p> <p style="text-align:justify">ပြဿနာလာရှာမည့်သူ ရှိမရှိ ဆိုသည်မှာကား အဆင့်B စစ်သည်တော် သုံးယောက်က ထိုနေရာတွင် အသင့်စောင့်ကြပ်နေသည်။ ထိုအထဲတွင် အဆင့်B နဝမအလွှာကို ရောက်ရှိနေသူတစ်ယောက်ပင် ပါဝင်သေးသည်။ </p> <p style="text-align:justify">၎င်းက မကောင်းသော ရည်ရွယ်ချက် ရှိသူများကို ဟန့်တားရန် လုံလောက်ရုံသာမက အဆင့်B ကျွမ်းကျင်သူ အများအပြားကိုပင် သတိထားသွားစေကာ နောက်ဆုတ်သွားရန် စဉ်းစားမိစေသည်။ လုမိသားစု၏ ဧည့်ခံပွဲတွင် မည်သူတစ်ဦးတစ်ယောက် (သို့မဟုတ်) မည်သည့် အင်အားစုကမျှ ပြဿနာ လာမရှာရဲကြပေ။</p> <p style="text-align:justify">" A8 အခြေစိုက်မြို့တော်မှ စူပါမိသားစုဖြစ်သော ယွမ်မိသားစု ရောက်ရှိလာပြီး လုမိသားစု ဆက်ခံသူအတွက် ဂုဏ်ပြုလက်ဆောင်အဖြစ် ဝိညာဉ်ဆေးမြစ်... ခရမ်းရောင်တိမ်တိုက် မှိုပွင့်ကို ပေးအပ်ပါတယ် ယွမ်မိသားစုရဲ့ ယခင် မိသားစုခေါင်းဆောင်ဟာ နာမည်ကျော် အဆင့်B ကျွမ်းကျင်သူတစ်ဦး ဖြစ်ပါတယ်" </p> <p style="text-align:justify">ကြေညာသံတစ်ခု ထွက်ပေါ်လာသည်။ အင်အားစု အသီးသီးမှ လာရောက်ကြသူများက အချင်းချင်း တီးတိုးရေရွတ်နေကြသည်။</p> <p style="text-align:justify">"လန်မိသားစု ရောက်ရှိလာပြီး လုမိသားစု ဆက်ခံသူအတွက် ဂုဏ်ပြုလက်ဆောင်အဖြစ် ဝိညာဉ်ဇာစ်မြစ် ခြင်ဆီ တစ်ပုလင်းနဲ့ ရေခဲပုံဆောင်ခဲ သစ်သီး ခြောက်လုံးကို ပေးအပ်ပါတယ်"</p> <p style="text-align:justify">"ဘုရားရေ လန်မိသားစုက ဝိညာဉ်ဇာစ်မြစ် ခြင်ဆီကိုတောင် ထုတ်ပေးလိုက်တာလား... ဒါက အမြင့်ဆုံး ကုသရေး ရတနာပဲ... ပျက်စီးနေတဲ့ ဝိညာဉ်သွေးကြောတွေကိုတောင် ပြန်လည်ကုသပေးနိုင်တယ်"</p> <p style="text-align:justify">ထိုစကားကို ကြားသောအခါ လူအများအပြား၏ မျက်လုံးများ ပြူးကျယ်သွားကြသည်။ ဤလက်ဆောင်များကို သီးခြားစီ ထုတ်ယူကြည့်မည်ဆိုလျှင်ပင် အစွမ်းထက်သူ အများအပြားကို အသေအလဲ လုယက်တိုက်ခိုက်ချင်စိတ် ပေါက်သွားစေရန် လုံလောက်နေပြီ ဖြစ်သည်။</p> <p style="text-align:justify">သို့သော် ယခုအခါတွင်မူ ၎င်းတို့အားလုံးက လုမိသားစု ဆက်ခံသူအတွက် ဂုဏ်ပြုလက်ဆောင်များအဖြစ် ပေးအပ်ခံနေရသည်။ မနာလိုဖြစ်၊ မရှုဆိတ်ဖြစ်ကာ ဒေါသထွက်ဖို့ဆိုတာ မဖြစ်နိုင်သောအရာပင်။</p> <p style="text-align:justify">"ကျုံးမိသားစု ရောက်ရှိလာပြီး လုမိသားစု ဆက်ခံသူအတွက် ဂုဏ်ပြုလက်ဆောင်အဖြစ် အဆင့်D ဓာတ်သဘာဝ လက်နက်... အေးစက်သောအလင်းဓားကို ပေးအပ်ပါတယ်"</p> <p style="text-align:justify">ကြေညာသံနှင့်အတူ ဧည့်သည်တော်များ ရောက်ရှိလာသည်။ အလွန်လှပပြီး ဆွဲဆောင်မှုရှိသော မိန်းကလေးတစ်ဦးက ၁.၅ မီတာခန့် ရှည်လျားသည့် အနက်ရောင် သေတ္တာကြီးတစ်ခုကို သယ်ဆောင်ကာ ရှေ့သို့ ထွက်လာသည်။ သူမ၏ မျက်နှာပေါ်တွင် ချိုမြိန်သော အပြုံးတစ်ခု ရှိနေသည်။ လှပသော မျက်လုံးလေးများက တလက်လက် တောက်ပနေသလိုပင်။</p> <p style="text-align:justify">"ဒါ... ကျုံးမိသားစုရဲ့ မင်းသမီးလေးလေ... သူက အရမ်းလှတာပဲ"</p> <p style="text-align:justify">"ဟူး... ဒီလောက်လှတဲ့ မိန်းကလေးကို... ငါတို့ကတော့ နတ်သမီးတစ်ပါးလို အဝေးကနေ ငေးကြည့်နေရုံပဲ တတ်နိုင်တယ်... သူကတော့ လုမိသားစု ဆက်ခံသူရဲ့ မျက်နှာသာပေးမှုကို ရဖို့ ကြိုးစားနေရတယ်... ဒီလိုမျိုး လူတွေကို နှိုင်းယှဉ်ရတာ တကယ်ကို ဒေါသထွက်စရာပဲ"</p> <p style="text-align:justify">နယ်ပယ်အသီးသီးမှ ထူးချွန်သော လူငယ်များစွာက စိတ်ထဲမှ သက်ပြင်းချလိုက်ကြသည်။ သူတို့တွင် ကျုံးမိသားစု၏ မင်းသမီးလေးကို လိုက်လံပိုးပန်းရန်ပင် အရည်အချင်း မပြည့်မီကြပေ။ သို့သော် ဤနေရာသို့ ရောက်လာရသည့် သူတို့၏ အကြီးမားဆုံး ဆန္ဒမှာကား ထိုလျှို့ဝှက်ဆန်းကြယ်သော လုမိသားစု ဆက်ခံသူ၏ မျက်နှာသာပေးမှုကို ရရှိရန် မျှော်လင့်နေခြင်းပင်။</p> <p style="text-align:justify">ထို့နောက် ရေတွက်၍မရနိုင်သော အင်အားစုများ တစ်ဖွဲ့ပြီးတစ်ဖွဲ့ ဆက်တိုက် ရောက်ရှိလာကြသည်။ ဂုဏ်ပြုလက်ဆောင်များ ပေးအပ်ကြသည်။ အခြား အခြေစိုက်မြို့တော်များမှ စူပါမိသားစုများ ရှိသလို၊ ကမ္ဘာပျက်ကြီး၏ နယ်မြေအသီးသီးမှ ကော်ပိုရေးရှင်းကြီးများနှင့် ထိပ်တန်း အကယ်ဒမီများလည်း ပါဝင်သည်။</p> <p style="text-align:justify">ဖိတ်စာရရှိထားသော မည်သည့် အင်အားစုမဆို ရောက်လာကြသည်ဟု ဆိုနိုင်သည်။ ဤအင်အားစု အများစုမှာ အနည်းဆုံး အဆင့်Cကို ပိုင်ဆိုင်ထားကြသည်။ သို့မှသာ လုမိသားစု စံအိမ်တော်၏ ဂိတ်တံခါးအတွင်းသို့ ဝင်ရောက်ခွင့်ရရန် အရည်အချင်း ပြည့်မီမည်ဖြစ်သည်။ အဆင့်C စစ်သည်တော်ပင် မရှိသော အင်အားစုများအတွက်မူကား လက်ဆောင် ပေးအပ်ရုံသာ တတ်နိုင်ကြသည်။ သူတို့ကို ပင်မဂိတ်တံခါး အပြင်ဘက်ရှိ ဧည့်ခံပွဲတွင် နေရာချထားပေးသည်။</p> <p style="text-align:justify">သို့သော်လည်း ဤအင်အားစုများက ညည်းတွားသံ တစ်ခွန်းမျှပင် မဟရဲကြပေ။ အဘယ်ကြောင့်ဆိုသော် အတွင်းဘက်ရှိ အရေးပါသော ပုဂ္ဂိုလ်ကြီးများနှင့် ယှဉ်လိုက်လျှင် သူတို့က အမှန်တကယ်ပင် အရည်အချင်း မပြည့်မီသောကြောင့် ဖြစ်သည်။</p> <p style="text-align:justify">"မဟာမိတ်အဖွဲ့ရဲ့ ဒု-ဥက္ကဋ္ဌ... ဥက္ကဋ္ဌ ရှောင် ရောက်ရှိလာပါပြီ"</p> <p style="text-align:justify">ကြေညာသံ ထွက်ပေါ်လာသည့် ခဏမှာပင်။ လုမိသားစု ခြံဝင်းတစ်ခုလုံး သေမင်းတမန်ကဲ့သို့ တိတ်ဆိတ်သွားသည်။ ပတ်ဝန်းကျင်က အလွန် တိတ်ဆိတ်လွန်းလှသဖြင့် မိမိ၏ နှလုံးခုန်သံကိုပင် ပြန်ကြားနေရသည်။ လုဟုန်တောက်နှင့် သူ၏ သားနှစ်ယောက်က ခန်းမဆောင်ထဲမှ အမြန် လျှောက်ထွက်လာကြသည်။</p> <p style="text-align:justify">"အဲဒါ အဘိုးကြီး လုဟုန်တောက် နဲ့ သူ့ရဲ့ သားနှစ်ယောက်လေ... သူတို့ကိုယ်တိုင် ဒု-ဥက္ကဋ္ဌကို လာကြိုကြတာပဲ"</p> <p style="text-align:justify">"ဒီနေ့ ဒီနေရာမှာ ရှိနေရတာ တကယ်ကို ဂုဏ်ယူစရာကောင်းတယ်... ဒီလောက် အရေးပါတဲ့ ပုဂ္ဂိုလ်ကြီးကို ငါ့တစ်သက်မှာ ဒီတစ်ကြိမ်ပဲ မြင်ဖူးတာ ဖြစ်နိုင်တယ်"</p> <p style="text-align:justify">အချို့သော စစ်သည်တော်များမှာ စိတ်လှုပ်ရှားနေကြသည်။ လေးလံသော ဖိအားကြီးတစ်ခုက ကောင်းကင်ယံမှ ကျဆင်းလာသည်။ လုမိသားစု စံအိမ်တော် တစ်ခုလုံးရှိ လေထုက အေးခဲသွားသလိုပင်။ လူတိုင်းက အပေါ်သို့ မော့ကြည့်လိုက်ကြသည်။ </p> <p style="text-align:justify">လုမိသားစု၏ ဂိတ်တံခါးအထက်သို့ အမည်းရောင် လေယာဉ်တစ်စင်း ရောက်ရှိလာသည်။ နေရောင်အောက်တွင် မီးတောင်ကျောက်နက် အရောင်ကဲ့သို့ တလက်လက် တောက်ပနေသည်။ လေယာဉ်က မြေပြင်သို့ မဆင်းသက်ခဲ့ပေ။ တံခါးပေါက်က တိုက်ရိုက် ပွင့်ဟသွားသည်။ ရှောင်ဝမ်လုံက ထိုနေရာမှ လျှောက်ထွက်လာသည်။</p> <p style="text-align:justify">ယနေ့ သူက တရားဝင်ဝတ်စုံကို ဝတ်ဆင်ထားသည်။ လက်နှစ်ဖက်ကို နောက်ပစ်ထား၏။ လေဟာပြင်ထဲသို့ ခြေလှမ်းလှမ်းလိုက်သည်။ သူ လေယာဉ်ခန်းထဲမှ ထွက်လာသည့် ခဏမှာပင် ထိတ်လန့်ဖွယ်ရာ ဖိအားကြီးက ကောင်းကင်ယံမှ ကျဆင်းလာခဲ့သည်။ လူအုပ်ကြီး တစ်ခုလုံးကို ဝါးမြိုတော့မည့်အလားပင်။</p> <p style="text-align:justify">၎င်းက ရုပ်ပိုင်းဆိုင်ရာ ဖိအားပေးမှု မဟုတ်ပေ။ စိတ်ပိုင်းဆိုင်ရာ ဖိအားပေးမှုထက်... ဝိညာဉ်ရေးရာအရ ဖိအားပေးမှုဟု ဆိုလျှင် ပိုမှန်ပေလိမ့်မည်။ ပိုမို မြင့်မားသော သက်ရှိတစ်ခု၏ ရှေ့မှောက်တွင် အောက်တန်းစား သက်ရှိများက သဘာဝအတိုင်း ထိတ်လန့်ရိုသေသွားရခြင်းမျိုး ဖြစ်သည်။ ရှောင်ဝမ်လုံက နတ်ဘုရားတစ်ပါး ကမ္ဘာမြေသို့ ဆင်းသက်လာသည့်အလား ပေါ်ထွက်လာသည်။ ကောင်းကင်ယံမှနေ၍ တစ်လှမ်းချင်းစီ လျှောက်ဆင်းလာသည်။</p> <p style="text-align:justify">ဖြည်းညင်းစွာဖြင့် သူ၏ ခြေထောက်များက မြေပြင်နှင့် ထိတွေ့သွားသည်။ လုဟုန်တောက်က အမြန် ရှေ့တိုးလာပြီး သူနှင့် လက်ဆွဲနှုတ်ဆက်လိုက်သည်။ ရှောင်ဝမ်လုံက အားရပါးရ ရယ်မောလိုက်သည်။ </p> <p style="text-align:justify">"လုဟုန်တောက်... မင်းလို မြေခွေးအိုကြီးက ဒီလောက် မြန်မြန်ဆန်ဆန် လှုပ်ရှားလိမ့်မယ်လို့ ငါ မထင်ထားဘူး... ဒီကောင်လေးက မနေ့ကမှ ရောက်တာလေ... မင်းက ဒီလောက် ခမ်းနားတဲ့ ဧည့်ခံပွဲကြီး လုပ်ဖို့ကို မစောင့်နိုင်တော့ဘူးပေါ့... ငါ သူ့ကို လုသွားမှာ ကြောက်နေတာလား"</p> <p style="text-align:justify">ရှောင်ဝမ်လုံက ဒေါသထွက်ချင်ယောင်ဆောင်ကာ ရယ်မောရင်း ဆူပူလိုက်သည်။ လုဟုန်တောက်က ဟန်လုပ်ပြုံးလိုက်သည်။ </p> <p style="text-align:justify">"ဒု-ဥက္ကဋ္ဌ... ခင်ဗျား ဘာတွေ ပြောနေတာလဲ ကျွန်တော် နားမလည်ပါဘူး... ဘာပဲဖြစ်ဖြစ် လုချန်က လုမိသားစုရဲ့ သွေးသားလေ... ဒါကြောင့် ကျွန်တော်က သူ့ကို ကြိုဆိုပြီး သင့်တော်တဲ့ အစီအစဉ်တွေ လုပ်ပေးရမှာပေါ့" </p> <p style="text-align:justify">သူ၏ အသံထဲတွင် ဝင့်ကြွားမှု အရိပ်အယောင်လေးများ ပါဝင်နေသည်။ ရှောင်ဝမ်လုံက လက်ယမ်းပြလိုက်သည်။ </p> <p style="text-align:justify">"ကဲပါ ကဲပါ... ငါက မင်းရဲ့ မျက်နှာပြောင်တိုက်နေတဲ့ မျက်ခွက်အိုကြီးကို လာကြည့်တာ မဟုတ်ဘူး... ဟိုကောင်လေး ဘယ်မှာလဲ... သူ့ကို ကိုယ်တိုင်ပေးချင်တဲ့ လက်ဆောင် ရှိတယ်"</p> <p style="text-align:justify">လူအများရှေ့တွင် သူတို့နှစ်ဦး၏ စကားပြောဆိုမှုကို လူတိုင်း ကြားလိုက်ရသည်။ ကုထျန်းယန်လည်း ကြားလိုက်ရသည်။ လူတိုင်းက ထိတ်လန့်တုန်လှုပ်စွာဖြင့် စိုက်ကြည့်နေမိကြသည်။ မိုးကြိုးပစ်ခံလိုက်ရသလို ခံစားလိုက်ရသည်။ ယခင်က ထိုလျှို့ဝှက်ဆန်းကြယ်သော လုမိသားစု ဆက်ခံသူ၏ ပါရမီက မည်မျှ ထိတ်လန့်ဖွယ် ကောင်းကြောင်း ကောလာဟလ အများအပြားကို သူတို့ ကြားခဲ့ဖူးသည်။</p> <p style="text-align:justify">ထိုစကားများ အများစုမှာ လုမိသားစုထံမှ စတင်ထွက်ပေါ်လာခြင်း ဖြစ်သောကြောင့် လူအများစုက တစ်ဖက်လူမှာ ချဲ့ကားပြောဆိုနေသည်ဟုသာ ထင်ခဲ့ကြသည်။ သို့သော် ယခု ကြည့်ရသည်မှာ ထိုကောလာဟလများက အတုအယောင်တွေ မဟုတ်ဘူးဆိုတာ ထင်ရှားနေသည်။ လူသားမျိုးနွယ်၏ အရုဏ်ဦးဟု တင်စားခေါ်ဝေါ်ခံရသော ဒု-ဥက္ကဋ္ဌရှောင် ပင်လျှင် ဤပွဲသို့ ကိုယ်တိုင် ကိုယ်ကျ တက်ရောက်လာခဲ့သည် မဟုတ်ပါလား။</p> <p style="text-align:justify">သူတို့အားလုံး ယခုအခါ အလွန် သိချင်နေကြပြီ ဖြစ်သည်။</p> <p style="text-align:justify">“ဒီဒဏ္ဍာရီလာ ပါရမီရှင်ဆိုတာ တကယ်တော့ ဘယ်သူများလဲ...”</p> <p style="text-align:justify">***</p>


Save