Book List

<h2 style="text-align: center;">အခန်း ၁၈၄</h2> <h2 style="text-align: center;">နတ်ဘုရားစွမ်းရည်၊ နောက်ထပ် နတ်ဘုရားစွမ်းရည်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>အရှေ့ဘက် ခြံဝင်း။</p> <p> </p> <p>အိမ်သို့ ပြန်ရောက်ပြီးနောက် ကျန်းနင်က နဂါးငါးဖြူ အသား ဆယ်ပေါင်ကျော်ခန့်ကို လှီးဖြတ်ကာ ကျန်လီအား ပေးလိုက်ပြီး နေ့စဉ် စားသုံးမှုကို ဂရုတစိုက် ထိန်းချုပ်ရန် သတိပေးလိုက်၏။</p> <p> </p> <p>နဂါးငါးဖြူ၏ အာနိသင်မှာ သိမ်မွေ့သော်လည်း သာမန်လူ တစ်ယောက် အနေဖြင့် အများကြီး စားသုံးရန်မူ မဖြစ်နိုင်ပေ။</p> <p> </p> <p>ထို့ကြောင့် ကျန်းနင် အမြင်တွင်တော့ ဆယ်ပေါင်ကျော် ရှိသော နဂါးငါးဖြူ အသားမှာ သူ့အစ်ကို မိသားစုအတွက် လအနည်းငယ်ကြာအောင် စားသုံးရန် လုံလောက်ပေလိမ့်မည်။</p> <p> </p> <p>နဂါးငါးဖြူအား သိုလှောင်ရန် အတွက်ကမူ ပူစရာ မလိုချေ။</p> <p> </p> <p>နဂါးငါးဖြူ၏ အသားမှာ သာမန် အခန်းအပူချိန်တွင်ပင် မပုပ်သိုးဘဲ လနှင့်ချီ၍ ခံနိုင်ရည် ရှိပေသည်။</p> <p> </p> <p>ထို့နောက် သူက သူ့ခြံဝင်းဆီသို့ ပြန်လာခဲ့ပြီး ခါးတွင် ချိတ်ဆွဲထားသော ဝိုင်အိုးကို ဖြုတ်ယူလိုက်တော့သည်။</p> <p> </p> <p>ဤဝိုင်အိုးမှာ သိုင်းခန်းမဆောင်မှ သူ တောင်းယူလာခဲ့ခြင်း ဖြစ်ပြီး အတွင်းတွင် ဝမ်ကျင်းထံမှ ရရှိသော ဝိုင်ကောင်းများ ပါဝင်နေ၏။</p> <p> </p> <p>အိုးကို ဖွင့်လိုက်သည်နှင့် သင်းပျံ့သော ဝိုင်ရနံ့က လွင့်ပျံ့လာခဲ့သည်။</p> <p> </p> <p>ထို့နောက် ဂူထဲရှိ ရေကန်အောက်ခြေမှ သူ တွေ့ရှိခဲ့သော ကျောက်တုံးနက် တစ်တုံးကို ထုတ်ယူလိုက်၏။</p> <p> </p> <p>"အလုပ် ဖြစ်မဖြစ် ဆိုတာ ရက်အနည်းငယ် နေရင် သိရမှာပဲ" ကျန်းနင်က သူ့ဘာသာ တီးတိုး ရေရွတ်ရင်း ကျောက်တုံးနက်ကို ဝိုင်အိုးထဲ ပစ်ထည့်လိုက်တော့သည်။</p> <p> </p> <p>ချလွင်... ချလွင်... ချလွင်...</p> <p> </p> <p>သူက ဝိုင်အိုးကို အကြိမ်အနည်းငယ် လှုပ်ခါကြည့်လိုက်၏။</p> <p> </p> <p>အိုးထဲတွင် ကျောက်တုံးနက် ထိခိုက်မိသော အသံကို ရှင်းလင်းစွာ ကြားနေရပေသည်။</p> <p> </p> <p>ထို့နောက် ချက်ချင်းပင် ဝိုင်အိုးကို ခါးတွင် ပြန်လည် ချည်နှောင်ထားလိုက်တော့၏။</p> <p> </p> <p>ယခုအချိန်တွင် ထိုကျောက်တုံးနက်မှာ သူ့မျက်လုံးထဲ၌ အလွန် အရေးကြီးနေသည်။ အဘယ်ကြောင့်ဆိုသော် ရေအောက်ခြေရှိ ကောင်းကင်နှင့် မြေကြီး ရတနာများ၏ မြစ်ဖျားခံရာ အရင်းအမြစ် ဖြစ်နိုင်ကြောင်း သူ ခန့်မှန်းထား၍ပင်။</p> <p> </p> <p>အကယ်၍ သူ့ခန့်မှန်းချက်သာ မှန်ကန်သွားပါက ဤအရာမှာ သူ ပိုင်ဆိုင်သမျှထဲတွင် အဖိုးတန်ဆုံး အရာများထဲမှ တစ်ခု ဖြစ်လာပေလိမ့်မည်။</p> <p> </p> <p>တစ်ခုမှာ ဤကျောက်တုံးနက် ဖြစ်ပြီး အခြားတစ်ခုမှာ သူ့အား သခင်အဖြစ် အသိအမှတ်ပြုထားသော ဝိညာဉ်လက်နက်ပင် ဖြစ်ပေသည်။</p> <p> </p> <p>ဝိုင်အိုးကို လုံခြုံစွာ သိမ်းဆည်းပြီးနောက် ကျန်းနင်က ခြံဝင်းထဲရှိ ရှေးဟောင်း ရေတွင်းနံဘေးသို့ သွားရောက်ကာ အောက်သို့ ငုံ့ကြည့်လိုက်၏။</p> <p> </p> <p>လရောင်အောက်တွင် မျက်စိကျိန်းလောက်သော အဖြူရောင် အလင်းတန်း တစ်ခုက ရေတွင်းထဲ၌ တလက်လက် တောက်ပနေလေပြီ။</p> <p> </p> <p>ထိုစူးရှသော အလင်းရောင်မှာ နဂါးငါးဖြူ၏ အကြေးခွံဖြူများအပေါ် လရောင် အလင်းပြန်နေခြင်းသာ။</p> <p> </p> <p>ငါးပေကျော် ရှည်လျားသော နဂါးငါးဖြူတွင် စုစုပေါင်း အသား ပေါင်တစ်ရာခန့် ရှိနေ၏။</p> <p> </p> <p>ကျန်းနင်၏ အဆင့်ရှစ် ကိုယ်ခန္ဓာနှင့် ကြီးမားလှသော စားသုံးနိုင်စွမ်း ရှိသည့်တိုင် ဤပေါင်တစ်ရာ နီးပါးရှိသော နဂါးငါးဖြူ အသားများမှာ သူ့အတွက် အချိန်အတော်ကြာ စားသုံးရန် လုံလောက်လှပေသည်။</p> <p> </p> <p>ထို့ကြောင့် အသားများ ပိုမို လတ်ဆတ်နေစေရန် အေးစက်သော ရှေးဟောင်း ရေတွင်းထဲ၌ သိုလှောင်ထားလိုက်ခြင်း ဖြစ်၏။</p> <p> </p> <p>ထို့နောက်...</p> <p> </p> <p>ကျန်းနင်က ရေတွင်းထဲမှ ငါးအသားများကို ဆွဲတင်လိုက်ပြီး ကြိုတင် ပြင်ဆင်ထားသော ဓားငယ် တစ်လက်ကို ထုတ်ယူလိုက်တော့သည်။</p> <p> </p> <p>လက်တစ်ချက် လျင်မြန်စွာ လှုပ်ရှားလိုက်သည်နှင့် ငါးအသား တစ်ပေါင်ခန့်မှာ လှီးဖြတ်ခံလိုက်ရပြီး သူ့လက်ဖဝါးပေါ်သို့ ကျဆင်းလာခဲ့၏။</p> <p> </p> <p>သိုင်းခန်းမဆောင်တွင် ရှိစဉ်က ငါးအသား စားရသည်ကို သူ အပြည့်အဝ အားမရခဲ့ပေ။</p> <p> </p> <p>မည်သို့ပင်ဆိုစေ ငါးအသား နှစ်ပေါင်ခန့်သာ ယူသွားခြင်းက လူအများ ဝေမျှစားရန် မဆိုထားနှင့် တစ်ယောက်စာအတွက်ပင် မလုံလောက်ချေ။</p> <p> </p> <p>သူက တစ်ကိုက် ကိုက်လိုက်ရာ အေးစက်နေသော ငါးအသားများမှာ သူ့ခိုင်ခံ့သော သွားများကြားတွင် ပြတ်တောက်သွားတော့သည်။</p> <p> </p> <p>"လန်းဆန်းသွားတာပဲ" အကြိမ်အနည်းငယ် ဝါးမြိုလိုက်သည်နှင့် ငါးအသား တစ်ပေါင်ခန့်မှာ ဗိုက်ထဲ ရောက်ရှိသွားပြီး ကျန်းနင်လည်း သူ့ဗိုက်ကို ပုတ်ရင်း မှတ်ချက်ချလိုက်၏။</p> <p> </p> <p>ထို့နောက် နဂါးငါးဖြူ အသားများကို တစ်တုံးပြီး တစ်တုံး ဆက်လက် လှီးဖြတ်ကာ ပါးစပ်အပြည့် အငမ်းမရ မြိုချနေမိတော့သည်။</p> <p> </p> <p>သိုင်းပညာ လေ့ကျင့်သူများ အတွက်မူ တစ်နပ်လျှင် အသား သုံးပေါင်မှ ငါးပေါင် အထိ စားသုံးခြင်းမှာ ပြဿနာ တစ်ရပ် မဟုတ်ပေ။</p> <p> </p> <p>လက်ရှိ သူ့ခွန်အားနှင့် ဆိုလျှင် ပြောနေစရာပင် မလိုတော့ချေ။</p> <p> </p> <p>မျက်တောင် တစ်ခတ် အတွင်းမှာပင် ငါးပေါင်ကျော်ခန့်ရှိသော ငါးအသားများ ဗိုက်ထဲ ရောက်ရှိသွားပြီးနောက် ကျန်းနင်လည်း အတိုင်းမသိ ကျေနပ်မှုကို ခံစားလိုက်ရလေပြီ။</p> <p> </p> <p>အတွင်းမှ ပြည့်အင့်နေမှုကို ခံစားရင်း ဗိုက်ကို ပုတ်လိုက်ပြီးနောက် ကျန်ရစ်သော နဂါးငါးဖြူ အသားများကို ရှေးဟောင်း ရေတွင်းထဲသို့ ပြန်လည် သိမ်းဆည်းလိုက်၏။</p> <p> </p> <p>ယခုဆိုလျှင် ညဉ့်ပင် အတော်နက်နေခဲ့ပြီ။</p> <p> </p> <p>နောက်တစ်ခဏတွင်တော့...</p> <p> </p> <p>သူက ကစဉ့်ကလျား ကမ်းခြေ ရှိရာ ဘက်ဆီသို့ ခုန်ပျံ ထွက်ခွာသွားတော့သည်။</p> <p> </p> <p>အိပ်ရာဝင်ရန် စောသေးသည့်အပြင် နဂါးငါးဖြူ အသား အများအပြားကို စားသုံးထားခါစ ဖြစ်သောကြောင့် ခန္ဓာကိုယ်ထဲရှိ အသားများကို ချေဖျက်ရာတွင် အထောက်အကူ ဖြစ်စေရန် လက်သီးသိုင်း လေ့ကျင့်ဖို့ အကောင်းဆုံး အချိန်ပင်။</p> <p> </p> <p>ထို့အပြင် "ရေဝိညာဉ်နှင့် နီးစပ်ခြင်း" ဂုဏ်သတ္တိ ရှိနေသဖြင့် ရေထဲတွင် စိမ်၍ လေ့ကျင့်ခြင်းက သူ့အတွက် အသင့်တော်ဆုံး နေရာတစ်ခု ဖြစ်နေပေမည်။</p> <p> </p> <p>အဘယ်ကြောင့်ဆိုသော် ရေထဲတွင် ရှိနေခြင်းက သူ့အား အရင်းအမြစ်မှ တစ်ဆင့် အားဖြည့်ပေးမည် ဖြစ်ပြီး ယခင်ဘဝက သူ ကစားခဲ့ဖူးသော ဗီဒီယိုဂိမ်းများထဲမှ သက်စောင့်စမ်းရေ ကဲ့သို့ သူ့ခန္ဓာကိုယ်ကို အပြည့်အဝ ပြန်လည် ကောင်းမွန်လာစေမည် မဟုတ်ပါလား။</p> <p> </p> <p>ခဏအကြာတွင်...</p> <p> </p> <p>ဗွမ်း...</p> <p> </p> <p>ရေလှိုင်းများ ဖြာထွက်သွားပြီး ကျန်းနင်က ရေထဲသို့ ချက်ချင်း ခုန်ဆင်းသွားတော့သည်။</p> <p> </p> <p>အရမ်းကို သက်တောင့်သက်သာ ရှိလှ၏။</p> <p> </p> <p>လျှို့ဝှက်ဆန်းကြယ်သော စွမ်းအင်မှ အားဖြည့်ပေးမှုကို ခံစားရင်း ကျန်းနင် တစ်ယောက် သက်ပြင်းရှည်ကြီး တစ်ခုကို မချဘဲ မနေနိုင်တော့ချေ။</p> <p> </p> <p>ထို့နောက်...</p> <p> </p> <p>သူက ရေအောက်တွင် လက်သီးသိုင်းများကို စတင် လေ့ကျင့်တော့သည်။</p> <p> </p> <p>[သတ္တဝါငါးမျိုး လက်သီးသိုင်း အတွေ့အကြုံတန်ဖိုး +၁]</p> <p> </p> <p>[ရေကူးခြင်း အတွေ့အကြုံတန်ဖိုး +၁]</p> <p> </p> <p>[ရေကူးခြင်း အတွေ့အကြုံတန်ဖိုး +၁]</p> <p> </p> <p>[...]</p> <p> </p> <p>ရေအောက်တွင် လက်သီးသိုင်း လေ့ကျင့်နေစဉ် သတ္တဝါငါးမျိုး လက်သီးသိုင်း၏ အတွေ့အကြုံတန်ဖိုးများ အဆက်မပြတ် တိုးတက်လာသကဲ့သို့ ရေကူးခြင်း အတွက် အတွေ့အကြုံတန်ဖိုးများလည်း မြင့်တက်လာခဲ့၏။</p> <p> </p> <p>အကယ်၍ အစောပိုင်းကသာ ဆိုလျှင် လေ့ကျင့်မှုကြောင့် ကုန်ခမ်းသွားသော စွမ်းအင်များ သိသိသာသာ အားအင် ဆုတ်ယုတ်မှုကို ခံစားရမည် ဖြစ်ပြီး ရုပ်ပိုင်းဆိုင်ရာနှင့် စွမ်းအင် အဆင့်များ နှစ်ခုလုံး အဆက်မပြတ် ကျဆင်းသွားပေလိမ့်မည်။</p> <p> </p> <p>သို့သော် ယခုအချိန်တွင်မူ ရေထဲ၌ စိမ်၍ လက်သီးသိုင်း လေ့ကျင့်နေခြင်းပင်။</p> <p> </p> <p>သူ့အခြေအနေ ဆိုးရွားလာသည်ဟု မခံစားရသည့်အပြင် သူ့အနှစ်သာရ၊ စွမ်းအင်နှင့် စိတ်ဝိညာဉ်တို့မှာ တဖြည်းဖြည်း ပိုမို ပြည့်ဝလာခဲ့လေပြီ။</p> <p> </p> <p>ချော်ရည်မီးဖို ဆေးလုံး လျှို့ဝှက်သိုင်းကွက်ကို အသုံးပြုခဲ့စဉ်က ကုန်ခမ်းသွားသော ချီသွေးကြော ခွန်အားများပင် ယခု ကန်ရေထဲ၌ နစ်မြုပ်နေစဉ် အဆက်မပြတ် ပြန်လည် ပြည့်ဖြိုးလာခဲ့၏။</p> <p> </p> <p>နေ့အလင်းရောင်ပင် ထွက်ပေါ်လာခဲ့လေပြီ။</p> <p> </p> <p>ယနေ့တွင် ကန်ရေပြင်မှာ လေနှင့် လှိုင်းတံပိုးများ သိပ်မရှိဘဲ ငြိမ်သက်နေပေသည်။</p> <p> </p> <p>ရုတ်တရက်...</p> <p> </p> <p>ဗွမ်း...</p> <p> </p> <p>ရေများ ပန်းထွက်သွားပြီး ကျန်းနင်က ရေထဲမှ ခုန်ထွက်လာကာ လေထဲတွင် ပြီးပြည့်စုံသော မျဉ်းကွေးတစ်ခု ရေးဆွဲ၍ ကစဉ့်ကလျား ကမ်းခြေပေါ်သို့ ဆင်းသက်လာခဲ့၏။</p> <p> </p> <p>[ကျွမ်းကျင်မှု] - သတ္တဝါငါးမျိုး လက်သီးသိုင်း (တစ်ကြိမ် ကန့်သတ်ချက်ချိုးဖျက်ခြင်း ၂၇၂/၂၀၀၀) (ဂုဏ်သတ္တိ - အတွင်းအင်္ဂါငါးခု အနှစ်သာရ သိုလှောင်ခြင်း)</p> <p> </p> <p>"အတွေ့အကြုံတန်ဖိုး ဒါဇင် အနည်းငယ်လောက် ထပ်တိုးလာတာပဲ"</p> <p> </p> <p>ထို့နောက် သူက မျက်နှာပြင်ကို ပိတ်၍ လက်သီးများကို ကျစ်ကျစ်ပါအောင် ဆုပ်လိုက်တော့သည်။</p> <p> </p> <p>ပြည့်ဝမှုနှင့် ကြွယ်ဝသော အားအင် တစ်ရပ်က သူ့ခန္ဓာကိုယ် အနှံ့ ရုတ်တရက် ပျံ့နှံ့သွား၏။</p> <p> </p> <p>သူ့အနှစ်သာရ၊ စွမ်းအင်နှင့် စိတ်ဝိညာဉ်တို့မှာ ဤအခိုက်အတန့်တွင် အထွတ်အထိပ်သို့ ရောက်ရှိသွားခဲ့လေပြီ။</p> <p> </p> <p>"ငါ့ခွန်အားတွေ ထပ်တိုးလာပြန်ပြီ... နဂါးငါးဖြူက တကယ့်ကို ဝိညာဉ်ငါး ဆိုတဲ့ နာမည်နဲ့ ထိုက်တန်တာပဲ... လက်သီးသိုင်း လေ့ကျင့်ပြီး အစာချေဖျက်လိုက်တာနဲ့ ငါ့ခွန်အားက ချက်ချင်း ပေါင်ငါးဆယ်ကျော်လောက် တက်သွားတယ်"</p> <p> </p> <p>"ငါ့ရဲ့ ချီသွေးကြောကတောင် ဆယ်ရာခိုင်နှုန်းလောက် တိုးလာတယ်"</p> <p> </p> <p>ကျန်းနင် တစ်ယောက် ရင်ထဲတွင် စိတ်လှုပ်ရှားမှုများ ပြည့်လျှံနေလျက် သူ့ဘာသာ တီးတိုး ရေရွတ်နေမိ၏။</p> <p> </p> <p>နဂါးငါးဖြူ၏ အသားမှာ သူ့အတွက် များစွာ အထောက်အကူ ဖြစ်စေမည်ဟု ထင်ထားခဲ့သော်လည်း ဤမျှလောက် သိသာထင်ရှားလိမ့်မည်ဟု မမျှော်လင့်ထားခဲ့ချေ။</p> <p> </p> <p>ငါးအသား ဆယ်ပေါင်ပင် မပြည့်တပြည့်က ဤမျှ ကြီးမားသော တိုးတက်မှုကို ဖြစ်ပေါ်စေခဲ့သည် မဟုတ်ပါလား။</p> <p> </p> <p>ထို့အပြင် ဤသည်မှာ အပြင်ပန်း အာနိသင်မျှသာ။</p> <p> </p> <p>၎င်းအပြင် သူ့ကြွက်သားများနှင့် အရိုးများ အနည်းငယ် ပိုမို ကြံ့ခိုင်လာသည်ကို ခံစားနေရပြီး အခြေခံ စွမ်းရည်များမှာလည်း တိုးတက်လာခဲ့ပေ၏။</p> <p> </p> <p> </p> <p> </p> <p> </p> <p>***</p> <p> </p>


Save