Book List

<h2 style="text-align: center;">ရော်နယ်ဒိုလက်သစ် ကျွန်တော်</h2> <h2 style="text-align: center;">အခန်း (၄၆၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify">တစ်ဖက်တွင် ချူဖုန်းသည် တရုတ်ပြည်အနှံ့ လှည့်လည်ကာ စီးပွားရေး လုပ်ငန်းများ လုပ်ကိုင်နေရသည်။</p> <p style="text-align:justify">သူ့တွင် ငွေလိုနေသည်။ အနာဂတ်အတွက်သာမက သူတည်ထောင်မည့် လေဟုန်စီးသူ လူငယ် လေ့ကျင့်ရေးစခန်း အတွက် ရင်းနှီးမြှုပ်နှံမှုက အလွန်ကြီးမားလွန်းလှသဖြင့် ချူဖုန်းပင် အနည်းငယ် လက်တွန့်မိသည်။</p> <p style="text-align:justify">သို့သော် သူ လုပ်မည်ဟု ဆုံးဖြတ်ပြီးလျှင် နောက်မဆုတ်တမ်း လုပ်တတ်သူ ဖြစ်သည်။ ကံကောင်းသည်မှာ ချူဖုန်း၏ နာမည်ဂုဏ်သတင်းကြောင့် ဟွာဝေး ၊ ဝမ်ဒါနှင့် အန်တာ ကဲ့သို့ ကုမ္ပဏီကြီးများက သူ၏ လူငယ်သင်တန်းကျောင်းကို ကူညီပံ့ပိုးပေးရန် ကမ်းလှမ်းလာကြခြင်းပင်။</p> <p style="text-align:justify">ဇူလိုင်လဆန်းပိုင်းတွင် ချူဖုန်းသည် ကိုယ်ပိုင်ဂျက်လေယာဉ် တစ်စင်းကို လက်ငင်းငွေချေကာ ဝယ်ယူလိုက်သည်။ နိုင်ငံတကာပွဲများ ကစားရန် ကမ္ဘာပတ်ရတော့မည့် သူ့အတွက် အနားယူချိန်ရရန် ဂျက်လေယာဉ်မှာ မရှိမဖြစ် လိုအပ်ချက်တစ်ခု ဖြစ်လာခဲ့သည်။</p> <p style="text-align:justify">ထို့ပြင် လေဟုန်စီးသူ လူငယ်သင်တန်းကျောင်းကိုလည်း တရားဝင် စတင် ဖွင့်လှစ်နိုင်ခဲ့ပြီ။</p> <p style="text-align:justify">“ခေါင်းမော့ပြီး ဘောလုံးကန်တတ်အောင် ကျင့်ကြစမ်း... ပတ်ဝန်းကျင်ကို အကဲခတ်နိုင်တာက နည်းစနစ်ပိုင်း အကောင်အထည်ဖော်ဖို့ အခြေခံပဲ”</p> <p style="text-align:justify">ကွင်းပြင်ထဲတွင် (၆) နှစ်သားအရွယ် ကလေးငယ်လေးများ ပျော်ရွှင်စွာ လေ့ကျင့်နေကြသည်ကို ချူဖုန်း ကြည့်ရင်း ပြုံးလိုက်မိသည်။ ဤအရွယ်တွင် နည်းစနစ်ထက် ဘောလုံးကစားခြင်းကို ဝါသနာ ပါလာစေရန် လုပ်ဆောင်ပေးဖို့က ပိုအရေးကြီးသည် မဟုတ်ပါလား။</p> <p style="text-align:justify">ထို့နောက် ချူဖုန်းသည် ဂျာမနီမှ နည်းပြများကိုပါ ထပ်မံ ခေါ်ယူရန် စီစဉ်နေသည်။ သူသည် တရုတ်ဘောလုံးလောကကို သိပ္ပံနည်းကျ ပြုပြင် ပြောင်းလဲလို၏။ ထို့ကြောင့် အိတ်ထဲမှ ငွေကြေးများကို အသုံးချ၍ ကြိုးစားပေးနေခြင်းပင်…။</p> <p style="text-align:justify">၂၀၁၉ ခုနှစ်၊ ဇူလိုင်လ (၁၃) ရက်နေ့တွင်တော့ ချူဖုန်းသည် ရာသီသစ်အတွက် ပြင်ဆင်ရန် မန်ချက်စတာမြို့သို့ ပြန်လည် ထွက်ခွာလာခဲ့လေသည်။</p> <p style="text-align:justify">……………….</p> <p style="text-align:justify">“လာပြီဟေ့ ရိုမာနိုရဲ့ သတင်းထူးကြီးတွေ... ရက်ရှ်ဖို့ဒ် ဘာစီလိုနာကို ပြောင်းပြီ”</p> <p style="text-align:justify">“ပေါ့ဘာ ဂျူဗင်တပ်စ်ကို ပြန်သွားပြီ”</p> <p style="text-align:justify">“လူကာကူ အင်တာမီလန်ကို ရောက်သွားပြီ”</p> <p style="text-align:justify">《.》</p> <p style="text-align:justify">ချူဖုန်း ကာရင်တန် လေ့ကျင့်ရေးကွင်းသို့ ပြန်ရောက်လာသည့်အခါ ရင်းနှီးပြီးသား မျက်နှာအချို့ကို မတွေ့ရတော့ပေ။</p> <p style="text-align:justify">အမှန်အတိုင်း ပြောရလျှင် သူ အနည်းငယ်တော့ စိတ်မကောင်း ဖြစ်မိသည်။ နောက်ဆုံးတော့လည်း သူတို့အားလုံးသည် နှစ်နှစ်တိုင်တိုင် ပုခုံးချင်းယှဉ်ကာ စံချိန်များစွာကို ရိုက်ချိုးပြီး ချန်ပီယံဆုတွေ အတူတူ ယူခဲ့ကြသည့် ရဲဘော်ရဲဘက်တွေ မဟုတ်ပါလား။ သံယောဇဉ် လုံးဝမရှိဘူးဆိုလျှင် လိမ်ရာကျပေလိမ့်မည်။</p> <p style="text-align:justify">သို့သော် ပေါ့ဘာနှင့် ရက်ရှ်ဖို့ဒ်တို့ တောင်းဆိုသလိုမျိုး ဘောလုံးကို သူတို့စိတ်ကြိုက် ကိုင်ခွင့်ပေးရန် သို့မဟုတ် သူ့ထံမှ တိုက်စစ်အရင်းအမြစ်များကို ခွဲဝေပေးရန်တော့ ချူဖုန်း မည်သည့်အခါမှ သဘောတူမည် မဟုတ်။</p> <p style="text-align:justify">တစ်ကိုယ်ကောင်းဆန်သည်ပဲ ပြောပြော၊ အသင်းကို ချုပ်ကိုင်ထားသည်ပဲ ဆိုဆို... ချူဖုန်းသည် သူ၏ ဗဟိုချက်မနေရာကို အမြဲတမ်း ထိန်းသိမ်းထားရမည် ဖြစ်သည်။ ဤသည်မှာ သူ၏ ကစားဟန်နှင့် အသင်းကို အောင်မြင်အောင် လုပ်ဆောင်ပေးနိုင်သည့် တစ်ခုတည်းသော နည်းလမ်းပင်။</p> <p style="text-align:justify">“မင်းတို့နဲ့ မိတ်ဆက်ပေးပါရစေ... ဒါက ငါတို့အသင်းရဲ့ အနာဂတ် ဘယ်တောင်ပံ ကစားသမား ဂျက် ဂရီးလစ်ရှ်ပဲ”</p> <p style="text-align:justify">လက်ထောက်နည်းပြ ဖာရီယာက ဂရီးလစ်ရှ်ကို ခေါ်ဆောင်လာသည်။</p> <p style="text-align:justify">“နေကောင်းလား ဂျက်...”</p> <p style="text-align:justify">ချူဖုန်းက ခင်မင်ရင်းနှီးစွာ လက်ကမ်းလိုက်သည်။ “မင်းအကြောင်းတွေ ငါ ကြားဖူးပါတယ်။ ဗီလာမှာ မင်း တကယ် ကောင်းခဲ့တာပဲ။ ငါတို့အသင်းမှာ မြန်မြန် အသားကျလိမ့်မယ်လို့ မျှော်လင့်ပါတယ်”</p> <p style="text-align:justify">“နေ... နေကောင်းပါတယ်ဗျာ”</p> <p style="text-align:justify">ဂရီးလစ်ရှ်က ချူဖုန်း၏ လက်ကြီးများကို တုန်တုန်ရင်ရင်ဖြင့် ဆုပ်ကိုင်လိုက်မိသည်။ သူသည် အားတုံ့အားနာ ဖြစ်သွားရ၏။ </p> <p style="text-align:justify">ပြီးခဲ့သည့်ရာသီက ချူဖုန်း မန်ယူအသင်းဘက်ကို သွင်းခဲ့သည့် အံ့မခန်း ဂိုးနှစ်ဂိုးကို သူ ကောင်းကောင်း မှတ်မိနေသေးသည်။ ထိုကဲ့သို့ ကစားနိုင်ရန်မှာ သူ၏ တစ်သက်တာ အိပ်မက်ပင်။</p> <p style="text-align:justify">ချူဖုန်း၏ ချီးမွမ်းစကားကို ကြားရသည့်အခါ ဂရီးလစ်ရှ်က လေးလေးနက်နက် ပြန်ပြောလိုက်သည်။ “ကျွန်တော် အစွမ်းကုန် ကြိုးစားသွားမှာပါ”</p> <p style="text-align:justify">ချူဖုန်းက ခေါင်းညိတ်ပြပြီးနောက် ဘေးနားရှိ အသားညိုညို၊ ကြွက်သားအဖုအထစ်နှင့် လူကို ကြည့်လိုက်သည်။</p> <p style="text-align:justify">“သီယာဂို... မန်ယူကို ကြိုဆိုပါတယ်”</p> <p style="text-align:justify">ချူဖုန်းက ပြုံးလျက် နှုတ်ဆက်လိုက်၏။ “ခင်ဗျားနဲ့ ဟယ်ရီနဲ့ အတွဲညီမယ်လို့ ငါ ထင်တယ်”</p> <p style="text-align:justify">ချူဖုန်း သိထားသည်မှာ သီယာဂို ဆေးလ်ဗားသည် အသက် (၃၅) နှစ်အထိ ချဲလ်ဆီးတွင် ထိပ်တန်း အဆင့် ကစားနိုင်ခဲ့သူ ဖြစ်သည်။ သီယာဂို ဆေးလ်ဗားသည် အရပ် (၁၈၁) စင်တီမီတာသာ ရှိသော်လည်း ခုန်အားကောင်းကာ ခံစစ်နေရာယူမှုနှင့် ကြားဖြတ်ဖျက်ထုတ်မှုများမှာ ထိပ်တန်းအဆင့် ဖြစ်သည်။ နောက်တန်း၏ သံမဏိတံခါးကြီး ဟုပင် တင်စားနိုင်၏။</p> <p style="text-align:justify">“မန်ယူကို လာခွင့်ရတာ ဂုဏ်ယူစရာပါပဲ”</p> <p style="text-align:justify">သီယာဂို၏ မျက်လုံးများကတော့ အနည်းငယ် လှုပ်ခတ်နေသည်။ သူသည် မက်ဂွိုင်းယား၏ ဗီဒီယိုများကို ကြိုတင်လေ့လာခဲ့ရာ သူ၏ အနာဂတ် လက်တွဲဖော်မှာ အနည်းငယ် ကြောင်တောင်တောင် လုပ်တတ်ကြောင်း တွေ့ရှိခဲ့ရသည်။ ဥပမာ- ဂိုးဧရိယာထဲတွင် ဂိုးသမားထံသို့ ဘောလုံးကို လက်ဖြင့် ပစ်ပေးသည့် ကိစ္စမျိုးပင်။</p> <p style="text-align:justify">သူ့ဘဝတစ်လျှောက် ထိုကဲ့သို့ အဖြစ်မျိုး မတွေ့ဖူးခဲ့သဖြင့် ရှေ့လျှောက် သူ့မှာ မက်ဂွိုင်းယားကို ထိန်းကျောင်းရသည်မှာ မလွယ်ကူလှကြောင်း ခန့်မှန်းမိလေသည်။ သို့သော် ကိစ္စမရှိ။ </p> <p style="text-align:justify">သူ အေစီမီလန်ကို စရောက်တုန်းက နက်စတာက သူ့ကို သင်ကြားပေးခဲ့သလိုမျိုး သူလည်း မက်ဂွိုင်းယားကို အစွမ်းကုန် လက်ဆင့်ကမ်း သင်ကြားပေးမည်ဟု ဆုံးဖြတ်ထားသည်။</p> <p style="text-align:justify">“ဖာရီယာ... ပေါ့ဘာ ထွက်သွားတော့ ကွင်းလယ်တိုက်စစ် နေရာက လွတ်နေပြီ။ သင့်တော်တဲ့သူ ရှာထားတာ ရှိလား” ချူဖုန်းက မေးလိုက်သည်။</p> <p style="text-align:justify">ယခုအခါ မန်ယူတွင် ချူဖုန်း၏ ဩဇာမှာ မန်နေဂျာတစ်ယောက်ထက်ပင် မနိမ့်တော့ပေ။ သူသည် အသင်း၏ ဂုဏ်ဆောင် လူငယ်အကယ်ဒမီထွက် ဖြစ်သလို (၇) ထပ်ကွမ်း ချန်ပီယံလည်း ဖြစ်သည် မဟုတ်ပါလား။</p> <p style="text-align:justify">“စပို့တင်းက ဘရူနို ဖာနန်ဒက်ဇ်၊ လက်စတာက ဂျိမ်းစ် မက်ဒီဆင်၊ လေဗာကူဆင်က ကိုင် ဟားဗက်ဇ်... ဒီလူတွေ ရှိတယ်”</p> <p style="text-align:justify">ဖာရီယာက စိုးရိမ်တကြီး ခေါင်းခါလိုက်၏။ “လောလောဆယ် ဒီဘရိုင်း၊ ကော်တင်ဟို၊ ခရူးစ်တို့လို ထိပ်တန်းလူတွေက ခေါ်ဖို့မလွယ်ဘူး။ ဈေးကလည်း ခေါင်ခိုက်နေသလို အသင်းတွေကလည်း မလွှတ်ချင်ကြဘူး။ ငါတို့ လူငယ်တွေကိုပဲ အားကိုးရတော့မယ် ထင်တယ်”</p> <p style="text-align:justify">ချူဖုန်းက ခေတ္တစဉ်းစားပြီးနောက် ပြောလိုက်သည်။ “ရီးရဲလ်မက်ဒရစ်က လူငယ်လေး မာတင် အိုဒီဂတ်ကို အငှားချဖို့ ရှာနေတယ် မဟုတ်လား။ အပြောင်းအရွှေ့အဖွဲ့ကို အဲဒါလေး စုံစမ်းခိုင်းလိုက်ပါဦး”</p> <p style="text-align:justify">အိုဒီဂတ်သည် ယခုရာသီတွင် စတင် တောက်ပလာမည့်သူဖြစ်ကြောင်း ချူဖုန်း မှတ်မိနေသည်။</p> <p style="text-align:justify">“ငါ သူတို့ကို ပြောပြလိုက်ပါ့မယ်” ဖာရီယာက ခေါင်းညိတ်လျက် ဆို၏။</p> <p style="text-align:justify">——</p> <p style="text-align:justify">နောက်ရက်များတွင် မန်ယူအသင်းသည် ပေါ့ဘာနှင့် ရက်ရှ်ဖို့ဒ်တို့ကို ရောင်းချ၍ ရရှိလာသော ငွေများဖြင့် ဈေးကွက်ထဲတွင် ကြဲတော့သည်။</p> <p style="text-align:justify">ကွင်းလယ်အတွက် ဘရူနို ဖာနန်ဒက်ဇ်ကို ယူရို (၄၅) သန်းဖြင့် ခေါ်ယူနိုင်ခဲ့သော်လည်း ကိုင် ဟားဗက်ဇ် အတွက်မူ လေဗာကူဆင်က ယူရို သန်း (၉၀) အထိ တောင်းဆိုနေသဖြင့် ဈေးစစ်နေရဆဲ ဖြစ်သည်။</p> <p style="text-align:justify">သို့သော် ရီးရဲလ်မက်ဒရစ်က ကြားဖြတ်ဝင်လာသည့်အခါ ဈေးနှုန်းများ တက်သွားခဲ့သည်။ မန်ယူအသင်းက နောက်ဆုတ်ရန် ပြင်သောအခါမှသာ လေဗာကူဆင်က ချက်ချင်း ဈေးပြန်လျှော့ပေးခဲ့ရ၏။</p> <p style="text-align:justify">နောက်ဆုံးတွင် မန်ယူသည် အသက် (၂၀) အရွယ် လူငယ်ကြယ်ပွင့် ကိုင်ဟားဗက်ဇ်ကို ယူရို (၈၅) သန်းဖြင့် ခေါ်ယူလိုက်နိုင်တော့သည်။</p> <p style="text-align:justify">——</p> <p style="text-align:justify">၂၀၁၉ ခုနှစ်၊ ဇူလိုင်လ (၁၇) ရက်နေ့တွင် ဟားဗက်ဇ်သည် သူ၏ မြည်းလေးနှင့်အတူ မန်ချက်စတာသို့ ရောက်ရှိလာခဲ့သည်။</p> <p style="text-align:justify">အိုးထရက်ဖို့ဒ်ကွင်းကြီးထဲတွင် ကစားသမားသစ် မိတ်ဆက်ပွဲ ကျင်းပနေသည်။ ချူဖုန်းသည် ကစားသမား ဝင်ပေါက်တွင် အသစ်များကို တစ်ယောက်ချင်းစီ လက်ချင်းရိုက်ကာ နှုတ်ဆက်နေ၏။</p> <p style="text-align:justify">“ကဲ... နောက်ထပ် အစီအစဉ်ကတော့ မြေမကျ ကန်ချက် စိန်ခေါ်ပွဲပဲ ဖြစ်ပါတယ်” ကွင်းကြေညာသူက အော်ဟစ်လိုက်သည်။</p> <p style="text-align:justify">မန်ယူပရိသတ်များက အားတက်သရော အားပေးကြသော်လည်း ဟားဗက်ဇ်၏ မျက်နှာကတော့ ချက်ချင်း ပျက်သွား၏။</p> <p style="text-align:justify">သွားပြီ</p> <p style="text-align:justify">ပုံမှန်ဆိုလျှင် ဘောလုံးလေး ခေါင်းတိုက်ပြ၊ ခြေထောက်နဲ့ ပုခုံးနဲ့ ထိန်းပြရုံပဲ မဟုတ်လား။ အခုက ဂိုးကန်သွင်းခိုင်းနေတာလား။</p> <p style="text-align:justify">ကွင်းဘေးတွင်တော့ မော်ရင်ညိုနှင့် ချူဖုန်း စကားပြောနေကြသည်။</p> <p style="text-align:justify">“ဆရာ... ကျွန်တော် စီစဉ်တဲ့ မိတ်ဆက်ပွဲ အစီအစဉ် ဘယ်လိုလဲ” ချူဖုန်းက မေးလိုက်၏။</p> <p style="text-align:justify">“မင်း လက်ချက်မှန်း ငါ သိသားပဲ” </p> <p style="text-align:justify">မော်ရင်ညိုက ခေါင်းခါလျက် ဆိုသည်။ “နောက်ရာသီမှာ ငါတို့ ၄-၃-၁-၂ ပုံစံကိုပဲ သုံးမယ်။ ကိုင်ရဲ့ နေရာယူမှုနဲ့ ဉာဏ်ရည်က ကောင်းပါတယ်။ ဒါပေမဲ့ သူက ခြေစွမ်း အတက်အကျ ရှိတတ်တော့ မင်းကပဲ သူ့ကို ကူညီပြီး တိုက်စစ်ကို ဦးဆောင်ပေးရလိမ့်မယ်”</p> <p style="text-align:justify">မော်ရင်ညိုက (၅) မိနစ်ခန့် နည်းစနစ်များအကြောင်း ရှင်းပြနေသည်။ ပေါ့ဘာ ထွက်သွားခြင်းက အသင်းတိုက်စစ် အပေါ် သက်ရောက်မှု ရှိနိုင်သည်ကို သူ စိုးရိမ်နေခြင်းပင်။</p> <p style="text-align:justify">“စိတ်မပူပါနဲ့ ဆရာ... ကျွန်တော် ပြီးခဲ့တဲ့ရာသီကထက် ပိုတော်နေပြီဆိုတာ ပြပေးပါ့မယ်” ချူဖုန်းက သွားဖြူဖြူလေးများ ပေါ်သည်အထိ ပြုံးပြလိုက်သည်။</p> <p style="text-align:justify">ထိုစဉ် အိုးထရက်ဖို့ဒ် ကွင်းကြီးတစ်ခုလုံး ရုတ်တရက် တိတ်ဆိတ်သွား၏။ ချူဖုန်း လှမ်းကြည့်လိုက်သည့်အခါ...</p> <p style="text-align:justify">“ဘန်း...”</p> <p style="text-align:justify">ဟားဗက်ဇ်၏ ကန်ချက်က ဂိုးပေါက်နှင့် အဝေးကြီးသို့ လွင့်ထွက်သွားသည်။ သူ အတော်လေး စိတ်လှုပ်ရှားနေပုံရကာ (၁၀) ကြိမ်ဆက်တိုက် ကန်သော်လည်း တစ်ဂိုးမျှ မဝင်ပေ။</p> <p style="text-align:justify">ပရိသတ်များ စတင် ကဲ့ရဲ့လာကြပြီ။</p> <p style="text-align:justify">“ငါတို့ ယူရို ၈၅ သန်းတောင် ပေးထားရတာလေကွာ... ဒီလောက် တုံးအတဲ့ကောင်ကို ဝယ်လိုက်တာလား”</p> <p style="text-align:justify">“ဗီဒီယိုထဲမှာ ကြည့်တုန်းကတော့ တော်သားပဲ... အခုက အယောင်ဆောင် ကိုင် ဟားဗက်ဇ်များလား”</p> <p style="text-align:justify">“ဟားဗက်ဇ်ကို ပရော်ဖက်ရှင်နယ် ကစားသမား အယောင်ဆောင်မှုနဲ့ တိုင်ချက်ဖွင့်ရမယ်”</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save