Book List

<h2 style="text-align: center;">အခန်း (၄၆၃)</h2> <h2 style="text-align: center;">*</h2> <p> </p> <p> </p> <p style="text-align:justify">ပွဲကစားချိန် (၄၀) မိနစ်ဝန်းကျင်...</p> <p style="text-align:justify">“ကွန်တီရဲ့ ၃-၅-၂ စနစ်ကို မော်ရင်ညိုက ကောင်းကောင်းကြီး အဖြေရှာထားနိုင်ပုံရတယ်”</p> <p style="text-align:justify">အင်တာမီလန်၏ တိုက်စစ်ကို ကန်တေက ကြားဖြတ်လုယူလိုက်ပြီးနောက် ဟားဗက်ဇ်ထံသို့ ပေးပို့လိုက်သည်။ ဟားဗက်ဇ်သည် ခန္ဓာကိုယ် တောင့်တင်းမှု မရှိသော်လည်း ပါးနပ်စွာဖြင့် ဖနောင့်ဖြင့် ဘောလုံးကို နောက်သို့ ပုတ်ထုတ်ပေးလိုက်၏။</p> <p style="text-align:justify">ဘောလုံးကို ဂရီးလစ်ရှ် ရသွားသည်။ သူက ဘောလုံးကို ဆွဲပြေးရင်း ခန္ဓာကိုယ်ကို ယိမ်းပြလိုက်သည့် အခါ ဝါရင့်နောက်ခံလူ ဂိုဒင်ပင်လျှင် ဇဝေဇဝါ ဖြစ်သွားရ၏။ ဂိုဒင်က ဘောလုံးကို မထိဘဲ ဂရီးလစ်ရှ်၏ ခြေသလုံးကြီးတွေကို ကန်မိသွားသဖြင့် ဒိုင်လူကြီးက ဖောင်းဘော သတ်မှတ်လိုက်ရ၏။</p> <p style="text-align:justify">“ဂရီးလစ်ရှ်ရဲ့ ကစားဟန်က နေမာလောက် မလှပပေမဲ့ ပြိုင်ဘက်တွေက သူ့ကို ဖောင်းဘော မလုပ်ဘဲ မနေနိုင်အောင်ကို ဆွဲဆောင်နိုင်တဲ့ မှော်တစ်မျိုး ရှိနေသလိုပဲ” မော်ရင်ညိုက ဘေးကနေ ပြုံးကြည့်ရင်း ပြောလိုက်သည်။</p> <p style="text-align:justify">ခဏအကြာတွင်...</p> <p style="text-align:justify">ဂရီးလစ်ရှ်က ဂိုးဧရိယာ အစပ်သို့ ချဉ်းကပ်လာပြီး ဘောလုံးကို အသာလေး ဖြတ်တင်ပေးလိုက်သည်။</p> <p style="text-align:justify">ချူဖုန်းသည် လျှပ်စီးလက်သကဲ့သို့ ပြေးဝင်လာကာ...</p> <p style="text-align:justify">“ဘုန်း...”</p> <p style="text-align:justify">အဝေးကန်ချက်ဖြင့် အင်တာမီလန်၏ ဂိုးပိုက်ကို ဒုတိယအကြိမ်မြောက် တုန်ခါသွားစေတော့သည်။</p> <p style="text-align:justify">နည်းပြ ကွန်တီသည် အရန်ခုံတွင် မျက်နှာပျက်ပျက်ဖြင့် ပြန်ထိုင်လိုက်ရ၏။ အမှန်အတိုင်း ပြောရလျှင် သူသည် အင်္ဂလန် ပရီးမီးယားလိဂ် ကနေ ထွက်လာခဲ့မိတာကိုပင် ကျေးဇူးတင်နေမိတော့သည်။ ချူဖုန်းနှင့် ရင်ဆိုင်ရသည်မှာ မည်သည့် နည်းပြအတွက်မဆို ငရဲခန်းပင် ဖြစ်ပေလိမ့်မည်။</p> <p style="text-align:justify">တီ… တီ… တီ…</p> <p style="text-align:justify">ဒိုင်လူကြီး၏ ပွဲသိမ်းဝီစီသံနှင့်အတူ အင်တာနေရှင်နယ် ချန်ပီယံဖလား ပထမပွဲစဉ် ပြီးဆုံးသွားခဲ့သည်။ မန်ယူအသင်းက အင်တာမီလန်ကို ၃-၁ ဖြင့် အနိုင်ရရှိခဲ့ပြီး ချူဖုန်းက ပထမပိုင်းမှာတင် နှစ်ဂိုး သွင်းယူပေးခဲ့၏။</p> <p style="text-align:justify">ဒုတိယပိုင်းတွင် နည်းပြ မော်ရင်ညိုက လူသစ်၊ လူဟောင်းများ အသားကျစေရန် လူစားလဲမှုများ ပြုလုပ်ခဲ့သည်။ ထို့ကြောင့် တိုက်စစ်အရှိန် အနည်းငယ် လျော့သွားသော်လည်း ပွဲကစားချိန် (၆၄) မိနစ်တွင် ဂရီးလစ်ရှ် ဂိုးဧရိယာအတွင်း အလဲခံရသဖြင့် ပင်နယ်တီ ရရှိခဲ့သည်။ ချူဖုန်းက ထိုပင်နယ်တီကို အမှားအယွင်းမရှိ ကန်သွင်းကာ ဟက်ထရစ် ရယူသွားခဲ့လေသည်။</p> <p style="text-align:justify">ပွဲအပြီးတွင်တော့ နန်ကျင်း အိုလံပစ်အားကစားကွင်းကြီးမှာ အနီရောင်လှိုင်းလုံးကြီးများအလား ဆူညံပွက်လော ရိုက်နေတော့သည်။ အားလုံးက ချူဖုန်း ဟူသော နာမည်ကိုသာ တညီတညွတ်တည်း အော်ဟစ်နေကြ၏။ </p> <p style="text-align:justify">အမှန်အတိုင်း ပြောရလျှင် ဤကဲ့သို့ ခြေစမ်းပွဲမျိုးတွင် အသင်းကြီးအများစုက လူငယ်အရန်များဖြင့်သာ ကစားလေ့ရှိသော်လည်း မန်ယူကတော့ လူစုံထုတ်ကာ ချူဖုန်းကို ပွဲပြီးဆုံးသည်အထိ ကစားစေခဲ့သဖြင့် တရုတ်ပရိသတ်များ၏ အချစ်ကို အပြည့်အဝ ရရှိသွားခဲ့သည်။</p> <p style="text-align:justify">ထို့နောက် အစီအစဉ်သစ်တစ်ခု အဖြစ် ပြီးခဲ့သည့် ရာသီက ရရှိခဲ့သော ချန်ပီယံဖလား (၇) လုံးကို ကွင်းလယ်တွင် ခင်းကျင်းပြသခဲ့သည်။ ပြိုးပြိုးပြက်ပြက် တောက်ပနေသော ဖလားများကို ကြည့်ရင်း မန်ယူပရိသတ်များမှာ ဂုဏ်ယူဝင့်ကြွားမှု အပြည့်ဖြင့် ကျေနပ်နေကြတော့သည်။</p> <p style="text-align:justify">---</p> <p style="text-align:justify">ထိုညတွင် ချူဖုန်း ကုတင်ပေါ်၌ လှဲလျောင်းရင်း ယနေ့ပွဲကို ပြန်လည် သုံးသပ်နေမိသည်။ အသင်း၏ လူစာရင်းက စက္ကူပေါ်မှာတော့ အလွန် တောင့်တင်းနေသော်လည်း ပြဿနာအချို့ ရှိနေသေး၏။</p> <p style="text-align:justify">အဓိကအချက်မှာ ကွင်းလယ်တိုက်စစ် နေရာပင်။ ပေါ့ဘာ၏ စရိုက်က စိတ်ပျက်စရာ ကောင်းသော်လည်း သူ၏ အရည်အချင်းကတော့ ငြင်းမရပေ။ </p> <p style="text-align:justify">ဟားဗက်ဇ်သည် ပါရမီရှင် ဖြစ်သော်လည်း ခန္ဓာကိုယ် တောင့်တင်းမှုနှင့် နည်းစနစ်ပိုင်းမှာ ပေါ့ဘာကို အပြည့်အဝ အစားထိုးနိုင်ရန် အလှမ်းဝေးနေသေးသည်။ ထို့ကြောင့် ချူဖုန်းကိုယ်တိုင် နောက်ဆင်းပြီး ကစားကွက် ဖန်တီးမှုများကို ကူညီပေးနေရခြင်း ဖြစ်သည်။</p> <p style="text-align:justify">ဘရူနို ဖာနန်ဒက်ဇ်ကတော့ အားကိုးရမည့် ပုံစံရှိသည်။ သူ၏ ခဏခဏ ပုခုံးတွန့်တတ်သည့် အကျင့်မှ လွဲလျှင် ကွင်းထဲတွင် အားသွန်ခွန်စိုက် ပြေးလွှားနေတတ်၏။ သူ၏ နေရာယူမှုနှင့် အသင်းအတွက် ပေးဆပ်လိုစိတ်မှာ ဟားဗက်ဇ်ထံတွင် မရှိသည့် အချက်ပင် ဖြစ်သည်။</p> <p style="text-align:justify">“ဆရာကတော့ ဒီလိုကစားသမားမျိုးကို ကြိုက်မှာပဲ” </p> <p style="text-align:justify">ချူဖုန်း တစ်ယောက်တည်း ရေရွတ်လိုက်မိသည်။ မော်ရင်ညိုသည် အမြဲတမ်း ပြေးလွှားနေပြီး တက်ကြွနေသည့် ကစားသမားမျိုးကိုသာ အဓိက ဦးစားပေးလေ့ရှိသည် မဟုတ်ပါလား။</p> <p style="text-align:justify">ဂျက် ဂရီးလစ်ရှ်ကလည်း မဆိုးပေ။ သူသည် မိမိ၏ အခန်းကဏ္ဍကို ကောင်းကောင်း နားလည်သည်။ ပြိုင်ဘက် နောက်ခံလူများ ဖောင်းဘောလုပ်လာအောင် ဆွဲဆောင်နိုင်သည့် သူ့အရည်အချင်းက တကယ့်ကို မှော်ဆန်လှ၏။</p> <p style="text-align:justify">---</p> <p style="text-align:justify">ငါးရက်အကြာ… ရှန်ဟိုင်းမြို့၌ ကျင်းပသည့် စပါးအသင်းနှင့် ပွဲစဉ်တွင်တော့ ဟုန်းခုအားကစားကွင်း၌ ဆဲဆိုသံများ ဆူညံသွားခဲ့သည်။ အကြောင်းမှာ စပါးအသင်းက အလွန် ကြမ်းတမ်းစွာ ကစားခဲ့သောကြောင့် ဖြစ်၏။</p> <p style="text-align:justify">ပွဲကစားချိန် (၁၇) မိနစ်တွင် ဒယ်လီ အလီက ချူဖုန်း၏ ခြေကျင်းဝတ်ကို တမင် နင်းရန် ကြိုးစားခဲ့သည်။ ချူဖုန်းသာ အချိန်မီ မရှောင်နိုင်ခဲ့လျှင် အကြီးအကျယ် ဒဏ်ရာရသွားနိုင်ပေသည်။ ဒိုင်လူကြီး မာနင်က အဝါကတ် ထုတ်ပြသည့်အခါ အလီက မကျေမနပ်ဖြင့် သွားရောက် ငြင်းခုံခဲ့သည်။</p> <p style="text-align:justify">မာနင်ကတော့ အလျှော့မပေးဘဲ ဒုတိယမြောက် အဝါကတ်ကိုပါ ထပ်မံ ထုတ်ပြကာ အနီကတ်ဖြင့် ကွင်းပြင်သို့ မောင်းထုတ်လိုက်တော့သည်။</p> <p style="text-align:justify">ကွင်းဘေးတွင်တော့ နည်းပြ ပိုချက်တီနို တစ်ယောက် သက်ပြင်းအရှည်ကြီး ချလိုက်ရ၏။ ပရိသတ်စင်ပေါ်မှ ရေပုလင်းတွေ၊ သော့ချိတ်တွေ ကွင်းထဲသို့ လွင့်ပျံလာသည်ကို ကြည့်ရင်း သူ ထိတ်လန့်သွားမိသည်။ သူတို့သာ ချူဖုန်းကို ဒဏ်ရာရအောင် လုပ်မိလျှင် ယနေ့ ရှန်ဟိုင်းကွင်းထဲကနေ အကောင်းအတိုင်း ပြန်ထွက်သွားရဖို့ မလွယ်ကူကြောင်း သူ သိနေသည် မဟုတ်ပါလား။</p> <p style="text-align:justify">မန်ယူကစားသမားများကလည်း အေးဆေးမနေကြပေ။ မိနစ် (၃၀) ဝန်းကျင်တွင် ဆွန်ဟောင်မင် ဘောလုံး ဆွဲပြေးလာစဉ် ဝမ်ဘစ်ဆာကာက ဘောလုံးကို မကြည့်ဘဲ လူကိုသာ ပစ်မှတ်ထားကာ ဖျက်ထုတ်ပစ်လိုက်သည်။</p> <p style="text-align:justify">“ဘုန်း...”</p> <p style="text-align:justify">ဆွန်ဟောင်မင် လေထဲသို့ ပျံတက်သွားပြီး ကြော်ငြာဘုတ်များကို ဝင်တိုက်ကာ လိမ့်သွားတော့သည်။ ကွင်းလုံးပြည့် ပရိသတ်များကတော့ ဝမ်းသာအားရ အော်ဟစ် အားပေးကြ၏။ </p> <p style="text-align:justify">ဝမ်ဘစ်ဆာကာကတော့ အဝါကတ် အပြခံရသော်လည်း ဘာမှမဖြစ်သလို ပခုံးတွန့်ပြရုံသာ။ သူ့အတွက်တော့ သူ့ကို ကူညီစောင့်ရှောက်ပေးခဲ့သည့် ချူဖုန်းကို စော်ကားသူမှန်သမျှ ရန်သူပင် ဖြစ်သည်။</p> <p style="text-align:justify">ပထမပိုင်းအပြီးမှာတင် မာနင်က အဝါကတ် (၁၄) ကတ်နှင့် အနီကတ် (၁) ကတ်အထိ ထုတ်ပြခဲ့သည်။ ကတ်ဆရာကြီး ဟူသော နာမည်နှင့် လိုက်ဖက်ပါပေသည်။ နောက်ဆုံးတွင် မန်ယူက စပါးကို ၃-၂ ဖြင့် အနိုင်ရရှိသွားခဲ့သည်။</p> <p style="text-align:justify">---</p> <p style="text-align:justify">မန်ယူအသင်းသည် အေစီမီလန်ကိုလည်း ၂-၁ ဖြင့် အနိုင်ရယူပြီးနောက် အင်္ဂလန်သို့ ပြန်လည် ထွက်ခွာခဲ့သည်။ ရှေ့တွင်တော့ ရာသီသစ်၏ ပထမဆုံး ဖလားပွဲဖြစ်သည့် ကွန်မြူနတီဒိုင်း ပွဲစဉ် ရှိနေသည်။</p> <p style="text-align:justify">ပြိုင်ဘက်ကတော့ မန်စီးတီးပင် ဖြစ်၏။</p> <p style="text-align:justify">ငါးရက်အကြာတွင် ဥရောပစူပါဖလားပွဲ ရှိနေသဖြင့် မော်ရင်ညိုသည် အဓိက ကစားသမားများကို အနားပေးကာ အရန်လူငယ်များဖြင့်သာ ပွဲထွက်ခဲ့သည်။</p> <p style="text-align:justify">ကွင်းဘေးတွင် မော်ရင်ညိုနှင့် ဂွာဒီယိုလာတို့ နှုတ်ဆက်ကြစဉ် ဂွာဒီယိုလာက မျက်နှာမကောင်းပေ။ သူက ချူဖုန်း ပါဝင်သည့် အင်အားအပြည့် မန်ယူကိုသာ အနိုင်ယူလိုခြင်း ဖြစ်သည်။</p> <p style="text-align:justify">“ချူဖုန်းကို ရောင်းဖို့ ရီးရဲလ်က သန်း ၂၅၀နဲ့ ကမ်းလှမ်းတာကို မန်ယူက ပယ်ချလိုက်တယ်ဆိုတာ ဟုတ်လား” ဂွာဒီယိုလာက မေးလိုက်သည်။</p> <p style="text-align:justify">“ဟုတ်တယ်... သူတို့က ချူဖုန်းကို မရောင်းဘူးတဲ့။ တကယ်လို့ ဂွာဒီယိုလာ... မင်းသမီးလေးကိုသာ ချူဖုန်းနဲ့ စေ့စပ်ပေးလိုက်ရင်တော့ မင်းက ငါတို့ရဲ့ ခမည်းခမက် ဖြစ်လာမှာပေါ့”</p> <p style="text-align:justify">မော်ရင်ညိုကလည်း ပြန်လည် နောက်ပြောင်လိုက်သည်။</p> <p style="text-align:justify">ဂွာဒီယိုလာက ဂုဏ်ယူသလို မျက်ခုံးပင့်ပြကာ... “မင်းကတော့ ချူရဲ့ နည်းပြပဲ ဖြစ်ဦးမှာပါ။ ငါကတော့ တစ်နေ့ကျရင် သူ့ရဲ့ ယောက္ခမ ဖြစ်လာမှာလေ... တရုတ်စကားပုံအရ ယောက္ခမဆိုတာ အဖေအရင်းနဲ့ တူတယ်တဲ့” ဟူ၍ ပြန်ပက်သည်။</p> <p style="text-align:justify">ထိုအခါ မော်ရင်ညို တစ်ယောက် မျက်နှာကြီး ရှုံ့မဲ့သွားတော့သည်။</p> <p style="text-align:justify">---</p> <p style="text-align:justify">ကွင်းထဲတွင်တော့ အခြေအနေက ပြောင်းလဲသွားခဲ့ပြီ။ ဖိုဒန်က အရန်နောက်ခံလူ ဒါးလော့ကို ကျော်ဖြတ်ကာ ဂိုးဧရိယာ အပြင်ဘက်မှ လှပစွာ ကန်သွင်းလိုက်သည်။</p> <p style="text-align:justify">“ဘုန်း...”</p> <p style="text-align:justify">မန်ယူ ၀-၁ မန်စီးတီး</p> <p style="text-align:justify">ထို့နောက် မိနစ် (၃၈) တွင် ဒီဘရိုင်း၏ ဖန်တီးမှုမှတစ်ဆင့် အဂူရိုက ဒုတိယဂိုးကို သွင်းယူခဲ့သည်။</p> <p style="text-align:justify">အရန်လူများဖြင့်သာ ပွဲထွက်ခဲ့သော မန်ယူသည် မန်စီးတီး၏ အရှိန်အဟုန်ကို မယှဉ်နိုင်ဘဲ နောက်ဆုံးတွင် ၃-၀ ဖြင့် ရှုံးနိမ့်သွားခဲ့သည်။ မန်စီးတီးသည် ကွန်မြူနတီဒိုင်းကို မြှောက်ကိုင်ကာ မန်ယူအပေါ် (၇) ပွဲဆက် ရှုံးနိမ့်ခဲ့သည့် အကြွေးကို အနည်းငယ် ပြန်ဆပ်နိုင်ခဲ့လေသည်။</p> <p style="text-align:justify">“လိဂ်ပွဲကျမှ ပြန်တွေ့ကြတာပေါ့ ဂွာဒီယိုလာ” </p> <p style="text-align:justify">ပွဲအပြီးတွင် မော်ရင်ညိုက မြေခွေးအိုကြီးတစ်ကောင်လို ပြုံးလျက် နှုတ်ဆက်လိုက်တော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save