Book List

<h2 style="text-align:center">အခန်း (၄၆၄)</h2> <h2 style="text-align:center">*</h2> <h2 style="text-align:center"> </h2> <p> </p> <p style="text-align:justify">ယူရေးရှားတိုက်၏ လမ်းဆုံလမ်းခွ၊ ကော့ကေးဆပ်ဒေသ၏ အရှေ့တောင်ဘက်တွင် အဇာဘိုင်ဂျန်ဟု ခေါ်သော နိုင်ငံလေးတစ်ခု တည်ရှိသည်။ ထိုမြေတွင် ကျောက်ခေတ်နှောင်းပိုင်းကတည်းက လူသားတို့ အခြေချနေထိုင်ခဲ့သည့် အထောက်အထားများ ရှိခဲ့၏။</p> <p style="text-align:justify">ယခုတော့ နှစ်ပေါင်းများစွာ အကြာတွင် အဇာဘိုင်ဂျန်၏ မြို့တော် ဘာကူရှိ အိုလံပစ် အားကစားကွင်းကြီးသည် ၂၀၁၉ ခုနှစ် ဥရောပစူပါဖလား ဗိုလ်လုပွဲကို လက်ခံကျင်းပနေပြီ ဖြစ်သည်။ ပြီးခဲ့သည့်ရာသီက ချန်ပီယံလိဂ်ရှင် မန်ယူအသင်းနှင့် ယူရိုပါလိဂ်ချန်ပီယံ ချဲလ်ဆီးအသင်းတို့ ရင်ဆိုင်ရမည် ဖြစ်၏။</p> <p style="text-align:justify">“နှစ်သင်းလုံးရဲ့ ပွဲထွက်လူစာရင်းတွေ ထွက်လာပါပြီ”</p> <p style="text-align:justify">“၂၀၁၈ စူပါဖလားတုန်းက မန်ယူဟာ အက်သလက်တီကိုကို အနိုင်ယူပြီး ဖလားယူခဲ့ဖူးတယ်။ ဒါ့အပြင် မန်ယူဟာ ဥရောပစူပါဖလား ဗိုလ်လုပွဲကို (၃) နှစ်ဆက်တိုက် တက်လှမ်းနိုင်တဲ့ စံချိန်သစ်ကိုလည်း တင်ထားနိုင်ခဲ့ပြီ။ ၂၀၁၇ တုန်းကတော့ ရီးရဲလ်ကို ရှုံးခဲ့ရပေမဲ့ပေါ့လေ...”</p> <p style="text-align:justify">“ဒီနေ့ မန်ယူရဲ့ လူစာရင်းမှာတော့ ကွင်းလယ်နဲ့ တိုက်စစ်ပိုင်းမှာ အပြောင်းအလဲတွေ အများကြီး တွေ့ရတယ်။ ဟားဗက်ဇ်ရဲ့ နေရာမှာ ဘရူနို ဖာနန်ဒက်ဇ်က ကွင်းလယ်တိုက်စစ် ကစားသမားအဖြစ် ပွဲထွက်လာပြီး မက်တော်မီနေးနဲ့ မာရက်ဇ်တို့လည်း ပါဝင်လာကြတယ်”</p> <p style="text-align:justify">“ချဲလ်ဆီးဘက်ကို ကြည့်ရအောင်။ ဆာရီ ထွက်သွားပြီးနောက်မှာတော့ အသင်းဂန္ထဝင် လမ်းပတ်က အသင်းကို ကိုင်တွယ်နေပြီ။ သူကတော့ ရာသီမစခင်မှာပဲ ခပ်ကြမ်းကြမ်း ကြေညာချက် ထုတ်ထားသေးတယ်...”</p> <p style="text-align:justify">“ကျွန်တော့်ကို အပြောင်းအရွှေ့ ကာလ (၃) ခုလောက်ပဲ အချိန်ပေးပါ။ ချဲလ်ဆီးကို အင်္ဂလန်တင်မကဘူး... ဥရောပရဲ့ ထိပ်ဆုံးကို ပြန်ပို့ပေးမယ်တဲ့”</p> <p style="text-align:justify">ပရိသတ်အချို့ ထိုစကားကို ကြားသည့်အခါ တစ်နေရာရာမှာ ကြားဖူးနားဝ ရှိနေသလို ခံစားလိုက်ရသည်။ သောက်ကျိုးနည်း... ဒါ လူထူးဆန်းကြီး မော်ရင်ညို မန်ယူကို စရောက်တုန်းက ပြောခဲ့တဲ့ စကားတွေ မဟုတ်လား</p> <p style="text-align:justify">လမ်းပတ်ကတော့ တစ်လုံးမကျန် Copy & Paste လုပ်လိုက်ပုံရပေသည်။</p> <p style="text-align:justify">မကြာသေးမီက ထွက်ပေါ်ခဲ့သော The Sun သတင်းစာ၏ သတင်းများအရ ချဲလ်ဆီးသည် အသင်း ဂန္ထဝင် နောက်တစ်ဦးဖြစ်သည့် ဂျွန်တယ်ရီကို နည်းပြခန့်ရန် စီစဉ်ခဲ့သော်လည်း ကစားသမား အများစုက ကန့်ကွက်ခဲ့ကြသည်ဟု ဆိုသည်။ အကြောင်းမှာ သူတို့၏ ဇနီးသည်များ တယ်ရီနှင့် ပါသွားမည်ကို စိုးရိမ်သောကြောင့်ပင်။ ထို့ကြောင့် တယ်ရီမှာ လူငယ်အသင်း နည်းပြဘဝဖြင့်သာ ကျေနပ်လိုက်ရတော့သည်။</p> <p style="text-align:justify">---</p> <p style="text-align:justify">ပွဲစသည်နှင့် မန်ယူ၏ တိုက်စစ်က တောင်ပံမှတစ်ဆင့် စတင်လာသည်။ ဘရာဇီးလ် ပျံလွှားလေး ဆန်ဒရိုသည် အရှိန်အဟုန်ပြင်းပြင်းဖြင့် ဘောလုံးကို ဆွဲတက်လာ၏။</p> <p style="text-align:justify">သူသည် အသက် (၃၀) အရွယ် ချဲလ်ဆီးနောက်ခံလူ အက်စ်ပီလီကွီတာကို အကြိမ်ကြိမ် ကျော်ဖြတ်ကာ ကွင်းလယ်သို့ ချဉ်းကပ်လာပြီး ချူဖုန်းထံသို့ ဘောလုံး ပေးပို့လိုက်သည်။</p> <p style="text-align:justify">ချူဖုန်း၏ ရှေ့တွင်တော့ ခရစ္စတန်ဆန် ရှိနေ၏။</p> <p style="text-align:justify">စာရင်းဇယားများအရ ပြီးခဲ့သည့်ရာသီက ချူဖုန်း၏ ပညာပြခြင်းကို အခံရဆုံး နောက်ခံလူများထဲတွင် ခရစ်တန်ဆန်က (၂၄) ကြိမ်ဖြင့် ထိပ်ဆုံးက ပြေးနေသည်။ မန်စီးတီး နောက်ခံလူတွေတောင် ဤစံချိန်ကို မမီကြပေ။</p> <p style="text-align:justify">ချူဖုန်းက ဘောလုံးကို လက်ခံပြီး ဂိုးဧရိယာထဲသို့ တိုးဝင်ရန် ပြင်လိုက်သည်။ ခရစ္စတန်ဆန်သည် သူ၏ ဟန်ချက်ကို အကြိမ်ကြိမ် ပြင်ဆင်နေရ၏။ ချူဖုန်း၏ လိမ်ခေါက်ကွက်များမှာ တကယ့်အစစ်အတိုင်း ထင်ယောင်ထင်မှား ဖြစ်စေသဖြင့် တုံ့ပြန်မှုကိုပဲ အားကိုးနေ၍ မရမှန်း သူ သိသည်။</p> <p style="text-align:justify">ချူဖုန်းက ပုခုံးကို တစ်ချက်ယိမ်းကာ ရုတ်တရက် အရှိန်မြှင့်လိုက်သည့်အခါ...</p> <p style="text-align:justify">ခရစ္စတန်ဆန်သည် ထိန်းမရတော့ဘဲ ခြေထောက်ကို ဆန့်ထုတ်မိသွားတော့သည်။</p> <p style="text-align:justify">“ဂျွတ်...”</p> <p style="text-align:justify">ချူဖုန်းသည် ဂိုးဧရိယာဘေးစွန်းတွင် ခရစ္စတန်ဆန်၏ တိုက်ခိုက်မှုကြောင့် လဲကျသွားခဲ့သည်။ ဒိုင်လူကြီး၏ ဝီစီသံက ချက်ချင်း ထွက်ပေါ်လာ၏။</p> <p style="text-align:justify">“ဝါး... ရိုးရှင်းတဲ့ လိမ်ခေါက်ကွက် နှစ်ခုတည်းနဲ့တင် ခရစ္စတန်ဆန်ကို ပျာယာခတ်သွားစေတာပဲ”</p> <p style="text-align:justify">“အခုခေတ် ကစားသမားတွေထဲမှာ ချူဖုန်းရဲ့ တစ်ကိုယ်တော် ထိုးဖောက်နိုင်စွမ်းကတော့ အကောင်းဆုံး လို့ ပြောရမယ်။ ပရိသတ်တွေ ပြောသလိုပေါ့... စူပါစတား နှစ်ယောက်ပြိုင်တဲ့ ခေတ်က ကုန်ဆုံးသွားပြီ၊ အခုကတော့ တစ်ယောက်တည်းကပဲ အသာစီးရတဲ့ခေတ်ကို ရောက်နေပြီ”</p> <p style="text-align:justify">---</p> <p style="text-align:justify">“မင်း ဒီပြစ်ဒဏ်ဘောကို ကန်ချင်လို့လား”</p> <p style="text-align:justify">ဘရူနို ဖာနန်ဒက်ဇ်က ဘောလုံးကို ဖက်ထားသလို ကိုင်ထားသည်ကို မြင်သည့်အခါ ချူဖုန်းက နားမလည်သလို မေးလိုက်သည်။</p> <p style="text-align:justify">“ဟင့်အင်း... မဟုတ်ပါဘူး။ ငါက မင်းအတွက် နေရာချပေးနေတာပါ”</p> <p style="text-align:justify">ဘရူနို ဖာနန်ဒက်ဇ်က ခေတ္တတွေဝေသွားပြီးမှ ဘောလုံးကို သူ၏ ဂျာစီဖြင့် အသေအချာ ပွတ်တိုက် သန့်ရှင်းပေးကာ မြက်ခင်းပေါ်သို့ တလေးတစား တင်ပေးလိုက်သည်။ </p> <p style="text-align:justify">တကယ်ဆို သူက ကန်ချင်တာပေါ့။ ဒါပေမဲ့ ဘယ်ပြောရဲပါ့မလဲ။ </p> <p style="text-align:justify">ချူဖုန်း၏ လက်ရှိ ဩဇာအာဏာနှင့် ဆိုလျှင် စီရော်နယ်ဒိုဆီက ပြစ်ဒဏ်ဘောကိုတောင် လုကန်နိုင်တဲ့သူ မဟုတ်လား။ ဘယ်သူကမှ ချူဖုန်းဆီက ဘောလုံးကို လုဖို့ မဝံ့ကြပေ။</p> <p style="text-align:justify">“အော်... အဲဒါဆိုလည်း ဘေးကို ခဏဖယ်ပေးဦး” ချူဖုန်းက ခေါင်းညိတ်ပြလိုက်သည်။</p> <p style="text-align:justify">ဘရူနို ဖာနန်ဒက်ဇ် : “...”</p> <p style="text-align:justify">ငါ့ကို ကန်ခိုင်းလိမ့်မယ်လို့ ထင်နေတာ... သောက်ကျိုးနည်း... ဘောလုံးကို တစ်ယောက်တည်း ချုပ်ကိုင်ထားတဲ့ ကောင်ကြီးရာ </p> <p style="text-align:justify">ဘရူနို ဖာနန်ဒက်ဇ်က စိတ်ထဲကနေ ကျိန်ဆဲနေမိသည်။ သို့သော် သူသည်လည်း ချူဖုန်း၏ ခြေရာကို နင်းကာ တစ်နေ့တွင် အသင်း၏ ဘုရင် ဖြစ်လာရန် စိတ်ကူးယဉ်နေတော့၏။</p> <p style="text-align:justify">ချူဖုန်းသည် ချဲလ်ဆီးဂိုးပေါက်၏ ညာဘက်အပေါ်ထောင့်ကို စူးစိုက်ကြည့်ကာ အသက်ပြင်းပြင်း ရှူလိုက်သည်။ ပြီးနောက် နောက်သို့ လေးလှမ်းခန့် ဆုတ်လိုက်၏။</p> <p style="text-align:justify">လူတံတိုင်းထဲရှိ ကိုဗာဆစ်သည် လည်ချောင်းထဲက တံတွေးကို ဂလုခနဲ မြိုချလိုက်မိသည်။ ချူဖုန်း၏ ကန်ချက်က ဘယ်လောက် ပြင်းထန်သလဲဆိုတာ အားလုံး သိကြသည်။ မျက်နှာကိုသာ လာမှန်လျှင်တော့ သေချာပေါက် ဆေးရုံရောက်ပေလိမ့်မည်။</p> <p style="text-align:justify">မန်ယူ နံပါတ် (၇) ပြေးထွက်လာပြီ။ လက်မောင်းကို လွှဲ၊ ခြေထောက်ကို အားကုန်သုံးကာ ကန်လိုက်သည်။</p> <p style="text-align:justify">“ဝှစ်...”</p> <p style="text-align:justify">ဘောလုံးသည် လေထဲတွင် ဝေ့ဝဲကာ လူတံတိုင်းကို ကျော်ဖြတ်သွားပြီး ဂိုးသမား ကီပါ၏ လက်ဖျားလေးကို ပွတ်ကာ ဂိုးပေါက် ညာဘက်အပေါ်ထောင့်ထဲသို့ တန်းခနဲ ဝင်သွားတော့သည်။</p> <p style="text-align:justify">၁-၀ </p> <p style="text-align:justify">“လှလိုက်တာ ပွဲစပြီး (၂) မိနစ်တောင် မပြည့်သေးဘူး။ မန်ယူက အသာစီး ရသွားပြီ”</p> <p style="text-align:justify">“ဒါက ချူဖုန်းဇုန် လို့ ခေါ်တဲ့ နေရာပဲ။ ဒီနေရာကနေ ချူဖုန်းရဲ့ ကန်ချက်တွေက (၄၃) ရာခိုင်နှုန်းအထိ ဂိုးဝင်လေ့ရှိတယ်။ အဲဒီ အကွေးအဝိုက်၊ အဲဒီ အရှိန်... ဒါက တကယ့်ကို အနုပညာ လက်ရာတစ်ခုပဲဗျာ”</p> <p style="text-align:justify">ဘရူနို ဖာနန်ဒက်ဇ်က ချက်ချင်း ပြေးလာပြီး ချူဖုန်းကို ဖက်လိုက်သည်။ “မင်း တကယ် တော်တာပဲ”</p> <p style="text-align:justify">မန်ယူမှာ အသင်းကို တစ်ယောက်တည်း မချုပ်ကိုင်နိုင်သေးသရွေ့တော့ ဒီလို ထိပ်တန်းလူတွေကို ဖားထားရုံပဲ ရှိတာပေါ့။ ဒါက အရိုးစွဲနေတဲ့ ဖားခြင်း မဟုတ်ပါဘူး... ရိုးသားတဲ့ ချီးမွမ်းခြင်းသက်သက်ပါဟု သူကိုယ်သူ ဖြေသိမ့်နေမိသည်။</p> <p style="text-align:justify">“မင်းလည်း နေရာယူတာ ကောင်းပါတယ်” ချူဖုန်းက ယဉ်ကျေးစွာ ပြန်ပြော၏။</p> <p style="text-align:justify">ဘရူနို ဖာနန်ဒက်ဇ်ကတော့ အူကြောင်ကြောင်ဖြင့် ရယ်နေမိသည်။ ငါ ဘာလုပ်လိုက်လို့လဲ... ဘောလုံးတောင် မထိရသေးဘူး</p> <p style="text-align:justify">---</p> <p style="text-align:justify">ဂိုးပေးလိုက်ရပြီးနောက် ချဲလ်ဆီး၏ အခြေအနေမှာ ပို၍ ဆိုးရွားလာသည်။ ခရစ္စတန်ဆန်သည်လည်း သက်ပြင်းကိုသာ အကြိမ်ကြိမ် ချနေရ၏။ သူသည် နောက်ထပ် နှစ်အနည်းငယ်နေလျှင် ချဲလ်ဆီးကနေ ထွက်သွားရန် စဉ်းစားထားသည်။ </p> <p style="text-align:justify">ငါ မင်းကို မယှဉ်နိုင်ရင်တောင် ထွက်ပြေးလို့တော့ ရမှာပေါ့... စပိန်လိဂ်ပဲဖြစ်ဖြစ်၊ အီတလီလိဂ်ပဲဖြစ်ဖြစ် သွားတော့မယ်။ ပရီးမီးယားလိဂ်မှာတော့ ဆက်မနေတော့ဘူး</p> <p style="text-align:justify">ပွဲကစားချိန် (၃၈) မိနစ်အရောက်တွင်တော့...</p> <p style="text-align:justify">ဘရူနို ဖာနန်ဒက်ဇ်က ကန်တေထံမှ ဘောလုံးကို လက်ခံကာ မာရက်ဇ်ထံသို့ ပေးပို့လိုက်သည်။</p> <p style="text-align:justify">“မာရက်ဇ်က အဇာဘိုင်ဂျန်ရဲ့ အပူရှိန်အောက်မှာတောင် အစွမ်းပြနေတုန်းပဲ ခြေကွက်တွေကို သုံးပြီး အီမာဆန်နဲ့ ဇူးမားတို့ကို ဆက်တိုက် ကျော်ဖြတ်သွားပြီ”</p> <p style="text-align:justify">မာရက်ဇ်က ဘောလုံးကို ဂိုးဧရိယာအတွင်းသို့ ဖြတ်တင်ပေးလိုက်သည်။ ချူဖုန်းက ရုတ်တရက် နောက်လှည့်ကြည့်ကာ အခြေအနေကို အကဲခတ်လိုက်၏။</p> <p style="text-align:justify">ထိုခဏတွင် သူ၏ ဦးနှောက်ထဲတွင် နာမည်ကျော် ရော်နယ်ဒို၏ ဗီဒီယိုများက လျှပ်ခနဲ ပေါ်လာသည်။ ပြီးနောက် သူသည် ဘယ်ခြေကို မြက်ခင်းပေါ်တွင် ခိုင်မြဲစွာ နင်းကာ တစ်ကိုယ်လုံးကို နောက်သို့ လှန်ချလိုက်တော့သည်။</p> <p style="text-align:justify">“ဘုန်း...”</p> <p style="text-align:justify">ပီလီကစ်…</p> <p style="text-align:justify">သို့သော် ကန်ချက်က ဂိုးပေါက်ထဲသို့ တိုက်ရိုက် မဝင်ဘဲ ချဲလ်ဆီးခံစစ်ကစားသမားတွေ ကြားထဲက ကွင်းလယ်လူ မက်တော်မီနေးထံသို့ အတိအကျ ရောက်သွားခဲ့သည်။ မက်တော်မီနေးကလည်း အခွင့်အရေးကို အမိအရ ဆုပ်ကိုင်ကာ ညာခြေဖြင့် အားကုန်လွှဲကန်လိုက်၏။</p> <p style="text-align:justify">၂-၀ </p> <p style="text-align:justify">“ဒါ... ဒါက ကင်မရာတွေကိုတောင် လှည့်စားသွားနိုင်တဲ့ ဖန်တီးမှုပဲဗျာ။ အံ့မခန်း နောက်ပြန် ပေးပို့မှုကြီးပဲ”</p> <p style="text-align:justify">“ချူဖုန်းရဲ့ ပါရမီကတော့ ပြီးခဲ့တဲ့ ရာသီကထက်တောင် ပိုပြီး တောက်ပနေပြီလို့ ပြောရမယ်”</p> <p style="text-align:justify">မက်တော်မီနေးက ချူဖုန်းကို ပြေးဖက်ကာ စိတ်လှုပ်ရှားစွာ ပြောလိုက်သည်။ “ငါသိတယ်... မင်း ငါ့ဆီ ပေးမယ်ဆိုတာ ငါသိတယ်။ ငါ တစ်နေ့ကျရင် ဂိုးသွင်းအများဆုံး ဆုကို ရနိုင်မလားဟင်”</p> <p style="text-align:justify">ချူဖုန်းက သူ့ကို ဘေးစောင်းကြည့်ကာ... “မင်း ဘယ်လို ထင်လဲ”</p> <p style="text-align:justify">“ဟားဟား... မင်း အနားယူသွားတဲ့ တစ်နေ့ကျရင် ငါ ရမှာပေါ့” မက်တော်မီနေးက ရယ်ရင်း ပြော၏။</p> <p style="text-align:justify">ဘေးနားရှိ မာရက်ဇ်ကလည်း ဝင်နောက်လိုက်သည်။ “မင်းက ချူဖုန်း အနားယူမှာကို စောင့်မလို့လား။ မင်းရဲ့ သားလေး ဘောလုံးကန်တဲ့ အချိန်အထိ ချူဖုန်းက အသင်းခေါင်းဆောင် ဖြစ်နေဦးမှာပါကွ”</p> <p style="text-align:justify">---</p> <p style="text-align:justify">ဒုတိယပိုင်းတွင်တော့ မန်ယူက နည်းစနစ်သစ်များကို စမ်းသပ်ကစားခဲ့ပြီး ချဲလ်ဆီးမှာတော့ မည်သို့မျှ ပြန်လည် တုံ့ပြန်နိုင်ခြင်း မရှိတော့ပေ။ လမ်းပတ်၏ သက်ပြင်းချသံများကြားမှာပင် မန်ယူအသင်းက ချဲလ်ဆီးကို ၄-၀ ဆိုသည့် ရလဒ်ဖြင့် အပြတ်အသတ် အနိုင်ယူကာ ဥရောပစူပါဖလားကို ထိုက်ထိုက်တန်တန် ဆွတ်ခူးသွားခဲ့လေတော့သည်။</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save