Book List

<h2 style="text-align:center">အခန်း (၄၆၅)</h2> <h2 style="text-align:center">*</h2> <h2 style="text-align:center"> </h2> <p> </p> <p style="text-align:justify">“၂၀၁၉ ခုနှစ် ဥရောပစူပါဖလားကို ဆွတ်ခူးသွားနိုင်ခဲ့တဲ့ မန်ချက်စတာယူနိုက်တက်အသင်းအား ဂုဏ်ပြုလိုက်ပါတယ်ဗျာ”</p> <p style="text-align:justify">“ပြီးခဲ့တဲ့ရာသီက ရုန်းကန်ခဲ့ရတာတွေနဲ့ ယှဉ်ရင် ဒီနေ့ပွဲမှာ မန်ယူဟာ ယူရိုပါလိဂ်ချန်ပီယံ ချဲလ်ဆီးကို အေးအေးဆေးဆေးပဲ အနိုင်ယူသွားခဲ့တာပါ။ ဂိုးလည်း မပေးခဲ့ရသလို နည်းပြ မော်ရင်ညိုနဲ့ လမ်းပတ်တို့ကြားက နည်းပြအရည်အချင်း ကွာခြားချက်ကိုလည်း ကောင်းကောင်းကြီး မြင်ခဲ့ရပါတယ်” </p> <p style="text-align:justify">အားကစားဝေဖန်ရေးဆရာများက ဤကဲ့သို့ ဆိုကြသည်။</p> <p style="text-align:justify">ကွင်းအတွင်း၌မူ...</p> <p style="text-align:justify">ပေါင်ခြံဒဏ်ရာ အပြင်းအထန်ရထားသည် ဆိုသော ရူဒီဂါသည် နည်းပြလမ်းပတ်၏ အံ့ဩနေသော အကြည့်များအောက်တွင် ချူဖုန်းဆီသို့ ဘာမှမဖြစ်သလို တဟုန်ထိုး ပြေးလာခဲ့သည်။</p> <p style="text-align:justify">“ချူ... ငါ မင်းနဲ့ ဂျာစီလဲလို့ ရမလား” </p> <p style="text-align:justify">ရူဒီဂါက ဝမ်းနည်းပူဆွေးသည့် မျက်နှာပေးဖြင့် မေးလိုက်သည်။ ရှုံးနိမ့်ထားသည့်အသင်းမှ ကစားသမား ဖြစ်သဖြင့် ပြုံးပြုံးရွှင်ရွှင်လုပ်နေလျှင် ပရိသတ်များ၏ ဆိုက်ဘာတိုက်ခိုက်မှုကို ခံရမည်အား သူ ကောင်းကောင်းသိသည်။ ဂျာမန်သားတို့မှာ ငယ်စဉ်ကတည်းက မိမိကိုယ်ကိုယ် ကာကွယ်တတ်ကြသည် မဟုတ်ပါလား။</p> <p style="text-align:justify">“ရတာပေါ့... ကိစ္စမရှိပါဘူး။ မင်း ဒီနေ့ပွဲမှာ မကစားရတာ နှမြောစရာပဲ” </p> <p style="text-align:justify">ချူဖုန်းက ဂျာစီကို လဲပေးရင်း ဆိုလိုက်၏။ “ဒါပေမဲ့ ပရီးမီးယားလိဂ် ပထမဆုံးပွဲမှာ ငါတို့ ပြန်ဆုံဦးမှာပဲလေ”</p> <p style="text-align:justify">ထိုစကားကို ကြားသည့်အခါ ရူဒီဂါ၏ မျက်နှာက ပို၍ ညှိုးငယ်သွားကာ - “မင်း သိတဲ့အတိုင်း ပေါင်ခြံ ဒဏ်ရာက ပျောက်ဖို့ကြာတယ်လေ... နောက်ပွဲမှာ ငါ ပါနိုင်ချင်မှ ပါမှာပါ” ဟူ၍ ဝမ်းနည်းသော လေသံဖြင့် ဆိုလာသည်။ </p> <p style="text-align:justify">အမှန်တော့ သူက မန်ယူနှင့် မကစားချင်၍သာ ဒဏ်ရာအကြောင်းပြခဲ့ခြင်း ဖြစ်ပေသည်။ ထို့နောက် သူသည် စိတ်ထဲတွင် အတွေး တစ်ခု ပေါ်လာသည်။</p> <p style="text-align:justify">“ဟေး ချူ... ငါ တစ်ခုလောက် မေးပါရစေ” </p> <p style="text-align:justify">ရူဒီဂါက ဘေးဘီကို ဝေ့ဝဲကြည့်ကာ ပါးစပ်ကို လက်ဖြင့်အုပ်လျက် တိုးတိုးလေး မေးလိုက်သည်။ “သီယာဂိုက အခု ၃၅ နှစ်ရှိပြီလေ။ သူ အကြာကြီး ကစားနိုင်တော့မှာ မဟုတ်ဘူး။ မင်းတို့ဆီမှာ အရန်နောက်ခံလူတွေ လိုသေးလား”</p> <p style="text-align:justify">ချူဖုန်းက အဓိပ္ပာယ်ပါပါ ပြုံးလိုက်ပြီး - “လိုနိုင်တာပေါ့... ဒါပေမဲ့ ဒါက နည်းပြနဲ့ အပြောင်းအရွှေ့အဖွဲ့ရဲ့ တာဝန်ပါ”ဟုသာ ပြန်ဖြေလိုက်သည်။</p> <p style="text-align:justify">ရူဒီဂါက ခေါင်းညိတ်ပြလိုက်၏။ သူ၏ အတွေးမှာ ရှင်းပါသည်။ မနိုင်ရင် ထွက်ပြေးမည့် ခရစ္စတန်ဆန်နှင့် မတူဘဲ သူကတော့ မနိုင်ရင် အတူပေါင်းရန် ချူဖုန်းနှင့် လမ်းကြောင်း ကြိုခင်းထားခြင်း ဖြစ်လေသည်။</p> <p style="text-align:justify">---</p> <p style="text-align:justify">ပွဲအပြီး သတင်းစာရှင်းလင်းပွဲတွင် နည်းပြ မော်ရင်ညိုက သူ၏ အရှိန်အဝါကို ပြန်လည် ထုတ်ဖော် ပြသခဲ့သည်။</p> <p style="text-align:justify">“ကျွန်တော် အသက် ၅၉ နှစ် ရှိနေပြီဆိုပေမဲ့ အောင်မြင်မှုအပေါ် ဆာလောင်စိတ်ကတော့ ငယ်ငယ်တုန်းက အတိုင်းပဲ။ မန်ယူရဲ့ ဒီရာသီ ရည်မှန်းချက်က ချန်ပီယံဆုတွေ ဆက်သိမ်းပိုက်ဖို့ပဲ” ဟူ၍ သူက ရဲရဲဝံ့ဝံ့ ပြောဆိုလိုက်သည်။</p> <p style="text-align:justify">သတင်းထောက် တစ်ဦးက မန်စီးတီးနှင့် လီဗာပူးလ်တို့၏ အင်အားဖြည့်တင်းမှုကြောင့် မန်ယူ (၃) ကြိမ်ဆက် ချန်ပီယံဖြစ်ဖို့ အဟန့်အတား ကြုံရနိုင်ကြောင်း မေးမြန်းသည့်အခါ မော်ရင်ညိုက မထီမဲ့မြင်ဟန်ဖြင့် - “မော်ကြွားတယ်လို့ ထင်ရင်လည်း ထင်ပါ... မန်ယူမှာ အကောင်းဆုံး ကစားသမားတွေနဲ့ အကောင်းဆုံး နည်းပြ ရှိတယ်။ ဒါကြောင့် ကျွန်တော်တို့က အကောင်းဆုံး ဖြစ်နေရမှာပဲ။ ကျွန်တော်တို့ ပြုတ်ကျမှာကို စောင့်နေတဲ့သူတွေအနေနဲ့ ဝယ်ထားတဲ့ ရှန်ပိန်ပုလင်းတွေကို ရေခဲသေတ္တာထဲ ပြန်ထည့်ထားလိုက်ပါဦး။ တကယ်တမ်း တစ်ယောက်ယောက်က ကျွန်တော်တို့ကို တားဆီးနိုင်တဲ့အထိ စောင့်ကြဦးပေါ့” ဟု တုံ့ပြန်လိုက်လေသည်။</p> <p style="text-align:justify">---</p> <p style="text-align:justify">ချန်ပီယံဆုနှင့်အတူ မန်ချက်စတာသို့ ပြန်ရောက်လာသည့်အခါ ဟားဗက်ဇ်က ချူဖုန်းကို သူ၏ ခြံသို့ ဖိတ်ခေါ်ခဲ့သည်။</p> <p style="text-align:justify">“ချူ... ငါ့မြည်းလေးတွေကို လာကြည့်ပါဦး”</p> <p style="text-align:justify">သူတို့နှစ်ဦး မန်ချက်စတာ ဆင်ခြေဖုံးရှိ ဇိမ်ခံမြည်းတင်းကုပ်ထဲသို့ ဝင်လာကြသည်။</p> <p style="text-align:justify">“အား-အု-အား-အု”</p> <p style="text-align:justify">“ချူ... ဒီကောင်က မင်းကို သိပ်ကြိုက်နေတာပဲ” </p> <p style="text-align:justify">ဟားဗက်ဇ်က မြည်းခေါင်းကို ပွတ်ရင်း ဆို၏။ “ဒါနဲ့... ဒီမြည်းမလေးက သားပေါက်တော့မယ်။ နာမည်ကို ချူ လို့ ပေးရင် ဘယ်လိုလဲ”</p> <p style="text-align:justify">တင်းကုပ်တစ်ခုလုံး တိတ်ဆိတ်သွား၏။ ချူဖုန်း မျက်မှောင်ကြုတ်ကာ - “မင်းမြည်းနာမည်က ဘာတဲ့လဲ”</p> <p style="text-align:justify">“ကိုင်ဟားဗက်ဇ်လေ” ဟားဗက်ဇ်က ဂုဏ်ယူစွာ ပြောလိုက်သည်။ “နာမည်ပြောင်ကတော့ ကိုလာပေါ့”</p> <p style="text-align:justify">“အင်း... မူလာရဲ့ မြင်းနာမည်က ဟေးနက်စ် ဆိုလားပဲ” </p> <p style="text-align:justify">ချူဖုန်းက စိတ်ကူးပေါက်ကာ - “မင်းသားပေါက်မယ့် မြည်းလေးကို မော်ရင်ညို လို့ ပေးလိုက်ပါလား။ ဆရာလည်း ဝမ်းသာသွားမှာပေါ့”ဟူ၍ စစနောက်နောက်ဖြင့် ပြောလိုက်သည်။</p> <p style="text-align:justify">သို့သော် မထင်မှတ်ထားသည်မှာ -</p> <p style="text-align:justify">“အကြံကောင်းပဲ” </p> <p style="text-align:justify">ဟားဗက်ဇ်က ပျော်သွားကာ - “ဒါဆို နာမည်ကို မော်ရင်ညို လို့ ပေးမယ်။ ဒီနာမည်က သူ့ကို ခွန်အားတွေ ပေးလိမ့်မယ်။ သူ အရွယ်ရောက်လာရင် ဂျာမနီကို ပြန်ခေါ်သွားပြီး မူလာရဲ့ မြင်းနဲ့ ပြိုင်ခိုင်းမယ်။ ငါ့မြည်းက မနိုင်စရာ အကြောင်းမရှိဘူး”</p> <p style="text-align:justify">ချူဖုန်း : “...” (ဆရာ သိသွားရင်တော့ သေပြီ)</p> <p style="text-align:justify">---</p> <p style="text-align:justify">လေ့ကျင့်ရေးကွင်းသို့ ပြန်ရောက်သည့်အခါ ချူဖုန်းသည် ကန်တေ တစ်ယောက် ဖုန်းပြောရင်း စိတ်ညစ်နေသည်ကို တွေ့လိုက်ရသည်။</p> <p style="text-align:justify">ကန်တေကဲ့သို့ နာမည်ကြီးလာသည့် ကစားသမားများမှာ သွေးစုပ်ဖုတ်ကောင်များ၏ ပစ်မှတ် ဖြစ်လာတတ်သည်။ သူ၏ ဆွေမျိုးများ၊ သူငယ်ချင်းများနှင့် အေးဂျင့်ဟောင်းများမှာ ကန်တေကို ရွှေဥဥပေးသည့် ငန်းမလေး ကဲ့သို့ သဘောထားကာ ငွေကြေး အမြတ်ထုတ်နေကြခြင်းပင်။ </p> <p style="text-align:justify">အေးဂျင့်အပြောင်းအလဲ ကိစ္စများကြောင့် သေနတ်ဖြင့် ခြိမ်းခြောက်ခံရသည့် အဖြစ်မျိုးပင် ရှိခဲ့ဖူးသည်။</p> <p style="text-align:justify">“ဘာမှ စိတ်မပူနဲ့ ကန်တေ... အခက်အခဲရှိရင် ငါ့ကိုပြော။ ငါ မဖြေရှင်းနိုင်ရင်တောင် အသင်းက ဖြေရှင်းပေးလိမ့်မယ်” </p> <p style="text-align:justify">ချူဖုန်းက ကန်တေကို အားပေးရင်း ဟွာဝေးဖုန်း အသစ်တစ်လုံး လက်ဆောင်ပေးလိုက်သည်။ ကန်တေကဲ့သို့ လူကောင်းလေးများမှာ လူဆိုးများ၏ နှိပ်စက်မှုကို ခံနေရခြင်းမှာ မတရားဟု သူ ခံစားရသောကြောင့် ဖြစ်၏။</p> <p style="text-align:justify">---</p> <p style="text-align:justify">၂၀၁၉ ခုနှစ်၊ ဩဂုတ်လ (၁၁) ရက်နေ့။ ရာသီသစ် ပထမဆုံးပွဲစဉ်။</p> <p style="text-align:justify">ဟားဗက်ဇ်၏ မြည်းလေး မွေးဖွားလာခဲ့ပြီး နာမည်ကို မော်ရင်ညိုဟု ပေးလိုက်သည့် သတင်းက တွစ်တာပေါ်တွင် ပျံ့နှံ့သွားခဲ့သည်။ ချူဖုန်းကလည်း မော်ရင်ညိုကို Tag လုပ်ကာ ရယ်မောနေသည့် အီမိုဂျီ (၁၅၀) ခန့် ပို့လိုက်လေသည်။</p> <p style="text-align:justify">ရလဒ်ကတော့... နောက်တစ်နေ့တွင် ဟားဗက်ဇ်တစ်ယောက် ခက်ခဲလွန်းသည့် ကြွက်သား လေ့ကျင့်ခန်းများကို (၃) လတိတိ လုပ်ဆောင်ရန် အမိန့်ပေးခြင်း ခံလိုက်ရတော့သည်။</p> <p style="text-align:justify">အိုးထရက်ဖို့ဒ် အဝတ်လဲခန်းထဲတွင်တော့...</p> <p style="text-align:justify">“ကိုင်... မင်းကို ငါ သတိပေးသားပဲ။ ဆရာက သူ့လုပ်ဖော်ကိုင်ဖက်တွေဆီကနေ မြည်း လို့ ခေါ်ပြီး နောက်ပြောင်တာ ခံနေရတယ်တဲ့” </p> <p style="text-align:justify">ချူဖုန်းက တိုးတိုးလေး ပြောလိုက်သည်။ ဟားဗက်ဇ်မှာတော့ အဝတ်ဗီဒိုကို မှီကာ ချူဖုန်းကို ရန်ငြိုးတကြီး ကြည့်နေတော့၏။</p> <p style="text-align:justify">ပွဲစသည်နှင့် မန်ယူက ချဲလ်ဆီးကို ဖိအားပေး ကစားခဲ့သည်။ ပွဲကစားချိန် ၃၇ မိနစ်တွင် ဆန်ဒရို၏ ဖြတ်တင်ဘောကို ချူဖုန်းက ရူဒီဂါ၏ ခေါင်းပေါ်မှ ကျော်တက်ကာ ခေါင်းတိုက်သွင်းလိုက်သည်။ ဂိုးသမား ကီပါ ကာကွယ်နိုင်ခဲ့သော်လည်း ဂရီးလစ်ရှ်က နောက်ကနေ အလိုက်သင့် ပိတ်သွင်းကာ ဦးဆောင်ဂိုး ရယူပေးခဲ့သည်။</p> <p style="text-align:justify">ထို့နောက် ချူဖုန်းကပင် အသင်းအတွက် ဦးဆောင်ဂိုး နှစ်ဂိုး ထပ်သွင်းပေးခဲ့၏။ နောက်ဆုံးတွင် မန်ယူက ချဲလ်ဆီးကို ၃-၀ ဖြင့် အပြတ်အသတ် အနိုင်ရရှိသွားခဲ့သည်။ </p> <p style="text-align:justify">ပွဲအပြီးတွင် လမ်းပတ်က - “မော်ရင်ညိုက ကျွန်တော့်ရဲ့ တစ်သက်တာ ဆရာပါပဲ။ သူ့ဆီက အများကြီး သင်ယူခဲ့ရပါတယ်”ဟု ဆိုကာ အရှုံးကို လက်ခံသွားခဲ့သည်။</p> <p style="text-align:justify">---</p> <p style="text-align:justify">ပွဲအပြီးတွင် ဟူပု အားကစား ဝက်ဘ်ဆိုဒ်တွင် ပရိသတ်များ၏ မှတ်ချက်များ ဆူညံသွားခဲ့သည် -</p> <p style="text-align:justify">【ကီပါ : ဒီဂီယာနဲ့ ယှဉ်ရင်တော့ ငါက ကလေးလေးပါပဲ】</p> <p style="text-align:justify">【ချူဖုန်း : ဖေဖေကြီးပဲပေါ့】</p> <p style="text-align:justify">【ဂရီးလစ်ရှ် : ငါကတော့ တော်ဝင် တင့်ကားကြီးပေါ့】</p> <p style="text-align:justify">ပရီးမီးယားလိဂ် ပထမဆုံးပွဲစဉ်အပြီးတွင် မန်ယူနှင့် လီဗာပူးလ်တို့မှာ အမှတ်ပေးဇယား ထိပ်ဆုံးသို့ ရောက်ရှိလာခဲ့သည်။ မန်စီးတီးကတော့ စပါးနှင့် သရေကျခဲ့သဖြင့် တတိယနေရာသို့ ရောက်သွားခဲ့၏။</p> <p style="text-align:justify">စက်တင်ဘာလသို့ ရောက်သည့်အခါ ချူဖုန်းသည် မော်ရင်ညိုနှင့်အတူ ချန်ပီယံလိဂ် မဲခွဲပွဲတက်ရန် မိုနာကိုသို့ ပျံသန်းခဲ့သည်။ ထို့နောက်တွင်တော့ သူသည် တရုတ်လက်ရွေးစင်အသင်းအတွက် ကမ္ဘာ့ဖလားခြေစစ်ပွဲ ကစားရန် တရုတ်နိုင်ငံ၊ ကွမ်ကျိုးမြို့သို့ တန်းခနဲ ပြန်ရတော့မည် ဖြစ်လေသည်။</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save