Book List

<h2 style="text-align: center;">အခန်း (၄၆၆)</h2> <h2 style="text-align: center;">*</h2> <p> </p> <p> </p> <p style="text-align:justify">မိုနာကိုမြို့၊ ဂရီမောလ်ဒီ ညီလာခံဗဟိုဌာန။</p> <p style="text-align:justify">လူအုပ်ကြီးက တိုးမပေါက်အောင် စည်ကားနေ၏။ ကင်မရာမီးသီးများ၏ တဖျတ်ဖျတ် လက်ခနဲ အလင်းတန်းများအောက်တွင် ကလပ်အသင်းအသီးသီးမှ ကြယ်ပွင့်ကစားသမားများ ကော်ဇောနီပေါ်သို့ တစ်ယောက်ပြီး တစ်ယောက် တက်လှမ်းလာကြသည်။</p> <p style="text-align:justify">ယခုတစ်ကြိမ်တွင်တော့ အားလုံး ရောက်ရှိနေကြ၏။ ဆုမရလျှင် ပွဲမတက်ဟု ငြင်းဆန်သူမျိုး တစ်ယောက်မှ မရှိချေ။ </p> <p style="text-align:justify">ချူဖုန်းသည် ကားပေါ်တွင် ထိုင်နေရင်း လွန်ခဲ့သော နှစ်နှစ်က အဖြစ်အပျက်များကို ပြန်လည် မြင်ယောင်နေမိသည်။ ထိုစဉ်က သူသည် ရုပ်မြင်သံကြားရှေ့မှနေ၍ ထိပ်တန်းကစားသမားများ ဆုပေးပွဲတက်နေသည်ကို အားကျ တုန်လှုပ်စွာ ကြည့်ခဲ့ရသူ မဟုတ်ပါလား။</p> <p style="text-align:justify">သောက်ကျိုးနည်း... ငါကိုယ်တိုင် ဒီဇာတ်လမ်းရဲ့ ဇာတ်သိမ်းပိုင်းမှာ အဓိကဇာတ်ဆောင် ဖြစ်လာလိမ့်မယ်လို့ ဘယ်တုန်းကမှ မတွေးခဲ့ဖူးဘူး... </p> <p style="text-align:justify">ချူဖုန်းက အတွေးထဲတွင် ကျေနပ်စွာ ရေရွတ်လိုက်မိသည်။</p> <p style="text-align:justify">“မက်ဆီ...”</p> <p style="text-align:justify">“စီရော်နယ်ဒို...”</p> <p style="text-align:justify">ဘာစီလိုနာ ဂန္ထဝင်နှင့် ဂျူဗင်တပ်စ်အသင်း၏ ကြယ်ပွင့်တို့သည် ကော်ဇောနီပေါ်သို့ လှမ်းတက်လိုက်စဉ် ညီလာခံဗဟိုဌာန အပြင်ဘက်တွင် ချိတ်ဆွဲထားသော မန်ယူနံပါတ် (၇) ၏ ဧရာမ ပိုစတာကြီးကို တစ်ချက် လှမ်းကြည့်လိုက်ကြသည်။ သူတို့၏ မျက်ဝန်းများထဲတွင် စိတ်ပျက်မှု အချို့ ဖြတ်ပြေးသွားသော်လည်း ချက်ချင်းပင် တိုက်ခိုက်လိုစိတ်များ ပြန်လည် တောက်ပလာ၏။</p> <p style="text-align:justify">သူတို့သည် တစ်ချိန်က ဘောလုံးနယ်ပယ် တစ်ခုလုံးကို စိုးမိုးထားသူများ ဖြစ်ခဲ့ကြပေသည်။ အခုတော့ သူတို့က စိန်ခေါ်သူအဖြစ် ပြန်လည် တိုက်ပွဲဝင်ရတော့မည် မဟုတ်ပါလား။</p> <p style="text-align:justify">မက်ဆီက သူ့ဝတ်စုံပေါ်က အတွန့်အခေါက်လေးတွေကို အသာအယာ ပွတ်သပ်လိုက်သည်။ သူသည် တစ်ချိန်လုံး တွေးနေမိသည်မှာ... တကယ်လို့ ဘာစီလိုနာသာ မန်ယူကို နိုင်ခဲ့ရင် ငါတို့ ချန်ပီယံလိဂ် ရနိုင်မလား ဆိုသည့် မေးခွန်းပင်။</p> <p style="text-align:justify">ဤသည်မှာ အဖြေမရှိသော ပုစ္ဆာတစ်ခု ဖြစ်သော်လည်း လူသားတို့၏ သဘာဝအရ ထိုအရာကိုပင် ပိုမို စွဲလမ်းတတ်ကြသည်။</p> <p style="text-align:justify">---</p> <p style="text-align:justify">ချူဖုန်း အဝတ်လဲခန်းဧရိယာသို့ ရောက်သည့်အခါ ပေါ့ဘာနှင့် ဆုံ၏။ ပေါ့ဘာ၏ မျက်နှာမှာ အလွန် သိသာစွာပင် ပျက်ယွင်းနေသည်။</p> <p style="text-align:justify">အသင်းတွင်း အာဏာလုပွဲများကြောင့် မန်ယူမှ အထုတ်ခံခဲ့ရသူဖြစ်သဖြင့် သူသည် ချူဖုန်းကို ကြည့်ရသည်မှာ စိတ်မချမ်းမြေ့လှပေ။ ထို့ထက် ပိုဆိုးသည်မှာ သူသည် ချူဖုန်းကို ကျိန်စာတိုက်ရန် စုန်းကဝေတစ်ဦးကို ယူရို (၂) သိန်း ပေးခဲ့သည့် သတင်း ပေါက်ကြားသွားခြင်းပင်…။ ထို့ကြောင့် သူက ချူဖုန်းကို မျက်နှာချင်း မဆိုင်ရဲပေ။</p> <p style="text-align:justify">လက်စသတ်တော့ ဒင်းက ငါ့ကို ကျိန်စာတိုက်ဖို့ စုန်းကဝေကို ပိုက်ဆံပေးထားတာကိုး... သောက်ကျိုးနည်း... ဒီကောင် ဘာတွေ ဖြစ်နေတာလဲ... </p> <p style="text-align:justify">ချူဖုန်းက ပေါ့ဘာကို လုံးဝ မမြင်သလို ဟန်ဆောင်ကာ ကျော်ဖြတ်သွားလိုက်သည်။ သူသည် ထိုကဲ့သို့ အောက်တန်းကျသော လုပ်ရပ်မျိုးကို လုံးဝ ဂရုမစိုက်ပေ။</p> <p style="text-align:justify">ထိုစဉ် အမ်ဘာပေက ဖော်ဖော်ရွေရွေ လက်ကမ်းနှုတ်ဆက်လာသည်။</p> <p style="text-align:justify">“ချူ... ငါတို့ ချန်ပီယံလိဂ်မှာ မဆုံဖြစ်တာ နှစ်နှစ်ရှိပြီနော်။ ဒီရာသီမှာတော့ ဆုံဖြစ်ဖို့ မျှော်လင့်တယ်”</p> <p style="text-align:justify">ချူဖုန်းက အမ်ဘာပေ၏ လက်ကို ဆုပ်ကိုင်ကာ ပြုံးလိုက်မိသည်။ အမ်ဘာပေကို ကြည့်ရသည်မှာ လိပ်နင်ဂျာနှင့် လားလားမျှ မခြားတော့ပေ။ မျက်နှာဖုံးလေးသာ တပ်လိုက်လျှင် Cosplay လုပ်ရန်ပင် မလိုတော့ချေ။</p> <p style="text-align:justify">---</p> <p style="text-align:justify">မကြာမီမှာပင် ဆုပေးပွဲ အစီအစဉ် စတင်လေသည်။ ပထမဆုံး ဆုမှာ ယူအီးအက်ဖ်အေ ဥက္ကဋ္ဌဆု ဖြစ်၏။</p> <p style="text-align:justify">စင်ပေါ်က ဖန်သားပြင်ကြီးတွင် မန်ယူနံပါတ် (၇) ဂျာစီကြီး ပေါ်လာသည်။ သို့သော် ချူဖုန်း မဟုတ်ပေ။ ဂျာစီ ကော်လာကို ထောင်ထားသည့် အိုးထရက်ဖို့ဒ်၏ ဘုရင်ကြီး ကန်တိုနာပင် ဖြစ်သည်။</p> <p style="text-align:justify">“အဲရစ်... မန်ယူနံပါတ် (၇) ဂျာစီရဲ့ နောက်ထပ် ဆက်ခံသူကို ဘာများ ပြောချင်လဲဗျ” </p> <p style="text-align:justify">အစီအစဉ် တင်ဆက်သူက ဆုပေးလိုက်ရင်း မေးလိုက်သည်။ ဤသည်မှာ မျိုးဆက်သစ် နံပါတ် (၇) နှစ်ယောက်ကို ထိပ်တိုက်တွေ့ပေးရန် ယူအီးအက်ဖ်အေက တမင် စီစဉ်ထားခြင်း ဖြစ်၏။</p> <p style="text-align:justify">ကန်တိုနာက ဆုဖလားကို ကိုင်လျက် ပရိသတ်ထဲမှ ချူဖုန်းကို စူးစိုက်ကြည့်ကာ ပြောလိုက်သည်။<br /> “ငါ နံပါတ် (၇) ကို ဝတ်တုန်းက သမိုင်းရဲ့ အလေးချိန်ကို ငါ ခံစားခဲ့ရတယ်။ တချို့ကစားသမားတွေက ဒီအလေးချိန်အောက်မှာ ပိပြားသွားတတ်ကြတယ်။ ဒါပေမဲ့ ငါကတော့ ဒီအလေးချိန်ကြောင့်ပဲ ပိုသန်မာလာခဲ့တာ”</p> <p style="text-align:justify">ကန်တိုနာက ပခုံးတွန့်ပြရင်း ခပ်အေးအေးပင် ဆက်ပြော၏။</p> <p style="text-align:justify">“ဒါကြောင့် ငါ့ညီလေး... မင်းသာ နောင်မှာ ကစားတာ ညံ့ဖျင်းပြီး မန်ယူကို အရှက်ခွဲမယ်ဆိုရင်တော့ ငါ ဖျော်ဖြေရေးလောကထဲကနေ ပြန်လာပြီး မင်းဆီက နံပါတ် (၇) ဂျာစီကို ကိုယ်တိုင် လာချွတ်ပစ်မယ်”</p> <p style="text-align:justify">တစ်ခမ်းနားလုံး တိတ်ဆိတ်သွား၏။ တင်ဆက်သူမှာလည်း ချွေးပြန်သွားတော့သည်။ ကန်တိုနာ ဆိုသည်မှာ မည်သည့် စည်းကမ်းကိုမျှ ဂရုမစိုက်ဘဲ ပရိသတ်ကိုပင် ကန်ဖူးသူ မဟုတ်ပါလား။</p> <p style="text-align:justify">ထိုအခါ ချူဖုန်းသည် ထိုင်နေရာမှ ထလိုက်ကာ မိုက်ခရိုဖုန်းကို ယူလိုက်သည်။<br /> “အဟမ်း... ခင်ဗျားက အိုးထရက်ဖို့ဒ်ရဲ့ ဘုရင် ဆိုရင်... ကျွန်တော်က အိုးထရက်ဖို့ဒ်ရဲ့ နတ်ဘုရားပဲ”</p> <p style="text-align:justify">ချူဖုန်းက လည်ချောင်းတစ်ချက်ရှင်းကာ အပြတ်အသတ် တုံ့ပြန်လိုက်၏။<br /> “ဒါကြောင့် ခင်ဗျား ကျွန်တော့်ဆီက ဂျာစီကို လာချွတ်ဖို့ဆိုတာ... ခင်ဗျား သင်္ချိုင်းထဲ ရောက်သွားရင်တောင် ဖြစ်လာမှာ မဟုတ်ဘူးဗျ”</p> <p style="text-align:justify">“ဝုန်း...”</p> <p style="text-align:justify">လက်ခုပ်သံများနှင့်အတူ တစ်ခမ်းနားလုံး ဆူညံပွက်လောရိုက်သွားတော့သည်။ ကမ္ဘာတစ်ဝှမ်း၌ တိုက်ရိုက်ထုတ်လွှင့်နေချိန်တွင် ဤမျှ ရဲတင်းသော စကားမျိုးကို ချူဖုန်းက ပြောထွက်လိမ့်မည်ဟု ဘယ်သူမှ မထင်ထားခဲ့ပေ။</p> <p style="text-align:justify">မော်ရင်ညို၏ တပည့်ပီသပေသည်။ ရူးသွပ်မှုချင်းက တူလှ၏။</p> <p style="text-align:justify">နောက်တန်းရှိ ဆဲလ်ဘက်အသင်းမှ လူငယ်တိုက်စစ်မှူး ဟာလန်းမှာတော့ ပါးစပ်လေး အဟောင်းသားဖြင့် ကြည့်နေမိသည်။ ထို့နောက် သူက ဘေးကပ်ရပ်ရှိ ဆန်ချိုကို တိုးတိုးလေး လှမ်းပြောလိုက်သည်။</p> <p style="text-align:justify">“ဂျေဒင် (ဆန်ချို)... ငါလည်း တစ်နေ့ကျရင် ချူဖုန်းလို ကစားသမားမျိုး ဖြစ်ချင်တယ်ကွာ”</p> <p style="text-align:justify">---</p> <p style="text-align:justify">ထို့နောက် ချန်ပီယံလိဂ် မဲခွဲပွဲ စတင်ခဲ့သည်။ မန်ယူသည် အုပ်စု (E) တွင် ကျရောက်ခဲ့ပြီး အေဂျက်စ် ၊ ဆဲလ်ဘက် ၊ ဂျန့်ခ်တို့နှင့် တစ်အုပ်စုတည်း ကျခဲ့သည်။</p> <p style="text-align:justify">အေဂျက်စ်နည်းပြ တန်ဟက်ဂ်မှာတော့ သူ့ခေါင်းပြောင်ကြီးကို ပွတ်ရင်း သက်ပြင်းချနေမိသည်။ သောက်ကျိုးနည်း... မန်ယူနဲ့မှ တည့်တည့်တိုးရတယ်လို့ဟု သူ တွေးနေမိပေလိမ့်မည်။</p> <p style="text-align:justify">ဆုပေးပွဲ၏ အဆုံးသတ်ပိုင်းသို့ ရောက်ရှိလာခဲ့ပြီ။</p> <p style="text-align:justify">“အကောင်းဆုံး ဂိုးသမား - ဒီဂီယာ”</p> <p style="text-align:justify">“အကောင်းဆုံး နောက်ခံလူ - ဗန်ဒိုက်”</p> <p style="text-align:justify">“အကောင်းဆုံး ကွင်းလယ်လူ - ပေါ့ဘာ” (ပေါ့ဘာမှာ မျက်နှာငယ်လေးဖြင့် ဆုတက်ယူခဲ့ရသည်)</p> <p style="text-align:justify">“အကောင်းဆုံး တိုက်စစ်မှူး - ချူဖုန်း”</p> <p style="text-align:justify">နောက်ဆုံးတွင် အထွတ်အထိပ်ဆု ဖြစ်သည့် ယူအီးအက်ဖ်အေ တစ်နှစ်တာ အကောင်းဆုံး ကစားသမားဆုကို ကြေညာရန် အချိန်ရောက်လာ၏။ ဖန်သားပြင်ကြီးပေါ်တွင် မက်ဆီ၊ ရော်နယ်ဒိုနှင့် ချူဖုန်းတို့၏ ပုံရိပ်များ ပေါ်လာသည်။</p> <p style="text-align:justify">တေးဂီတသံများ ရပ်တန့်သွားသည့် ခဏ...</p> <p style="text-align:justify">ဖန်သားပြင်ပေါ်တွင် ခိုင်မာစွာ ပေါ်လာသည်မှာ မန်ယူနံပါတ် (၇) ပင် ဖြစ်၏။ ဤတစ်ကြိမ်တွင်တော့ ကန်တိုနာ မဟုတ်တော့ပေ။</p> <p style="text-align:justify">“ယူအီးအက်ဖ်အေ တစ်နှစ်တာ အကောင်းဆုံး ကစားသမားဆုရှင် - ချူဖုန်း”</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save