Book List

<h2 style="text-align: center;">အခန်း (၄၆၇)</h2> <h2 style="text-align: center;">*</h2> <p> </p> <p> </p> <p style="text-align:justify">“အစ်ကိုချူ... ကျွန်တော် အန့်ဝက်ပ် အသင်းရဲ့ အစမ်းလေ့ကျင့်မှု အောင်သွားပြီဗျ။ ပြီးခဲ့တဲ့ နှစ်ပွဲဆက်တိုက် လူစားဝင် ကစားခွင့်ရပြီး ခြေစွမ်းပြနိုင်ခဲ့တယ်။ နောက်ပွဲကျရင် ပွဲထွက်စာရင်းမှာ ပါရမယ်လို့ နည်းပြက ကတိပေးထားတယ်...”</p> <p style="text-align:justify">“ဒါတင်မကသေးဘူး။ ရှက်ဖီးလ်ယူနိုက်တက်ကလည်း ကျွန်တော့်ကို ဆက်သွယ်လာတယ်။ အလုပ်လုပ်ခွင့် ဗီဇာသာ ရမယ်ဆိုရင် ကျွန်တော့်ကို ခေါ်ဖို့ စဉ်းစားမယ်တဲ့...”</p> <p style="text-align:justify">ကျူးချန်ကျိက စိတ်လှုပ်ရှားစွာဖြင့် ပြောလာသည်။ အန့်ဝက်ပ်အသင်းက ရှန်ဟိုင်းရှန်ဟွာလောက် မကောင်းဘူးဟု သူ ခံစားရသော်လည်း ပြင်ပကမ္ဘာ၏ အာရုံစိုက်မှုကိုတော့ ပိုရနေသည်။</p> <p style="text-align:justify">ထို့အပြင် ဘယ်လ်ဂျီယံ ပထမတန်းလိဂ်က တရုတ်စူပါလိဂ်ထက် ယှဉ်ပြိုင်မှု ပိုပြင်းထန်ပြီး လူငယ် ကစားသမားများက ထိပ်သီးလိဂ်ငါးခုသို့ ကူးပြောင်းရန် ဤလိဂ်ကို ခြေကုပ်စခန်းတစ်ခုအဖြစ် အသုံးပြုလေ့ရှိကြသည်။</p> <p style="text-align:justify">ယခင်တုန်းက ဒေါင်ဖန်းဇိုသည်လည်း အန့်ဝက်ပ်အသင်းထံ အငှားချခံခဲ့ရပြီး ထိုနွေရာသီတွင် အသင်း၏ ဂိုးသွင်းအများဆုံး ကစားသမား ဖြစ်လာခဲ့ဖူးသည်။</p> <p style="text-align:justify">“ဘယ်လ်ဂျီယံ ပထမတန်းလိဂ်က ဥရောပရဲ့ ဒုတိယအဆင့် လိဂ်လို့ သတ်မှတ်ခံထားရတာဆိုတော့... အဲဒီမှာ ကစားရတာ ဘယ်လိုနေလဲ...” </p> <p style="text-align:justify">ချူဖုန်းက ပြုံး၍ မေးလိုက်၏။</p> <p style="text-align:justify">“ဟူး... ခင်ဗျား သိလား... အဲဒီမှာ ထူးဆန်းတဲ့ကောင်တွေ အများကြီးပဲ...”</p> <p style="text-align:justify">ကျူးချန်ကျိ၏ အသံက စိတ်လှုပ်ရှားမှုများအပြင် စိတ်ပျက်အားငယ်မှုများလည်း ရောယှက်နေသည်။</p> <p style="text-align:justify">သူက တရုတ်ပြည်၏ လူငယ်မျိုးဆက်များထဲတွင် ပါရမီအရှိဆုံး ဗဟိုနောက်ခံလူ တစ်ဦး ဖြစ်နေပြီ ဖြစ်သည်။ သို့သော် ထိုနေရာတွင် နေရာတစ်နေရာရရန် အလွန် ခက်ခဲနေဆဲပင်။ </p> <p style="text-align:justify">ထို့အပြင် အန့်ဝက်ပ်အသင်း၏ ပြိုင်ဆိုင်မှုက သိပ်မပြင်းထန်သေး။ အကယ်၍သာ ကလပ် ဘရုဂ် သို့မဟုတ် စတန်းဒတ်လီးချ် ကဲ့သို့သော အသင်းများသာဆိုလျှင် သူ့အနေဖြင့် လူစာရင်းတွင်ပင် ပါနိုင်မည်မဟုတ်ပေ။</p> <p style="text-align:justify">“မလောပါနဲ့ကွာ... မင်းက ငယ်ပါသေးတယ်။ တစ်လှမ်းချင်းစီ သွားပေါ့...” ချူဖုန်းက နှစ်သိမ့်စကား အနည်းငယ် ဆိုလိုက်သည်။</p> <p style="text-align:justify">“ဒါနဲ့... မင်း မော်လ်ဒိုက်နဲ့ပွဲကို ပြန်လာမှာလား...”</p> <p style="text-align:justify">ဝေ့ရှီဟောက်က မဆိုင်းမတွပင် အနားသို့ တိုးလာပြီး ပေါ့ပေါ့ပါးပါး ပြောလိုက်၏။ “ဒါက နည်းနည်းတော့ လွန်မနေဘူးလား...”</p> <p style="text-align:justify">“ကလပ်အသင်းမှာ သိပ်လုပ်စရာမရှိလို့ အမျိုးသားအသင်းအတွက် ဂိုးတွေ လာသွင်းတာပါ...” </p> <p style="text-align:justify">ချူဖုန်းက နောက်ပြောင်လိုက်သည်။ လက်ရှိ၌ တရုတ် ပြည်တွင်းဘောလုံးအသိုင်းအဝိုင်းက အခုမှ အစပျိုးနေဆဲ ဖြစ်ပြီး ဘောလုံးဈေးကွက်ကို ပိုမိုဖွံ့ဖြိုးလာစေရန် ကြီးမားသော အောင်ပွဲတစ်ခု လိုအပ်နေသည်။</p> <p style="text-align:justify">မော်လ်ဒိုက်အသင်းက အတော်လေး အားနည်းသော်လည်း သူတို့သည် ထိုပွဲကို အခွင့်ကောင်း ယူ၍ တရုတ်ဘောလုံး လောကကို မြှင့်တင်ရပေမည်။</p> <p style="text-align:justify">“သောက်ကျိုးနည်း... မင်းက ယူအီးအက်ဖ်အေ တစ်နှစ်တာ အကောင်းဆုံး ကစားသမားဆုရှင်ကြီး ဖြစ်နေပြီးတော့ ငါတို့ရဲ့ ပွဲထွက်ခွင့်နေရာကို လာလုပြီး ဂိုးတွေ လာသွင်းနေသေးတယ်ပေါ့...” </p> <p style="text-align:justify">ဝေ့ရှီဟောက်က နှုတ်ခမ်းကို တွန့်လိုက်သည်။</p> <p style="text-align:justify">“ချူဖုန်း... မင်း အဲဒီဆုဖလားကို ယူလာခဲ့လား...” </p> <p style="text-align:justify">ဝူလေက လက်နှစ်ဖက်ကို ပွတ်သပ်ရင်း မေးလိုက်သည်။ သူက ပြည်တွင်းဆုတွေ အများကြီး ရဖူးပေမယ့် ဥရောပဆုတွေကိုတော့ တစ်ခါမှ မမြင်ဖူးခဲ့ပေ။</p> <p style="text-align:justify">ထို့နောက်...</p> <p style="text-align:justify">ချူဖုန်းက သူ၏ ခရီးဆောင်အိတ်ထဲမှ သေချာစွာ ထုပ်ပိုးထားသော ဆုဖလားကို ထုတ်ယူလိုက်သည်ကို အားလုံးက မျက်တောင်မခတ်တမ်း ကြည့်နေကြသည်။</p> <p style="text-align:justify">“ဒါက တကယ် လေးတာပဲ...”</p> <p style="text-align:justify">“ဒီဇိုင်းက နည်းနည်းတော့ ရုပ်ဆိုးတယ်နော်...”</p> <p style="text-align:justify">“ငါရော ဒီဆုကို ဘယ်တော့လောက် ရနိုင်မလဲ... ငါ့တစ်သက်မှာရော အခွင့်အရေး ရပါ့မလား...”</p> <p style="text-align:justify">“......”</p> <p style="text-align:justify">အားလုံးက ဝမ်းသာအားရဖြင့် ငေးမောကြည့်နေကြပြီး သူတို့၏ မျက်နှာများထက်တွင် အားကျမှုများ အထင်းသား ပေါ်လွန်းနေသည်။</p> <p style="text-align:justify">“အာရှ တစ်နှစ်တာ အကောင်းဆုံး ကစားသမားဆုကို နောက်ထပ် ဆယ့်ငါးနှစ်လောက်အထိ အစ်ကိုချူပဲ ရသွားတော့မှာ...” ကျူးချန်ကျိက ဆုဖလားကို ဂရုတစိုက် လှမ်းယူလိုက်သည်။</p> <p style="text-align:justify">“အခု ဒီဆုက နှစ်ပိုင်း ကွဲသွားပြီလေ...” </p> <p style="text-align:justify">ကျန်းကျီက ဝင်ရှင်းပြလိုက်သည်။ “တစ်ခုက အကောင်းဆုံး အာရှဘောလုံးကစားသမားဆု ဖြစ်ပြီး နောက်တစ်ခုက နိုင်ငံရပ်ခြားမှာ ကစားနေတဲ့ အကောင်းဆုံး ဘောလုံးကစားသမားဆုပဲ။ ဆွန်ဟောင်မင်က လွန်ခဲ့တဲ့ နှစ်နှစ်က ဒုတိယဆုကို ရခဲ့ပေမယ့် သုံးနှစ်ဆက်တိုက် ရဖို့တော့ အခွင့်အရေး လုံးဝမရှိတော့ဘူး...”</p> <p style="text-align:justify">ချူဖုန်းကတော့ ထိုဆုနှင့် ပတ်သက်၍ သိပ်ဂရုစိုက်ပုံ မရပေ။ ရိုးရိုးသားသား ပြောရလျှင် သူ ထိုပွဲသို့ သွားရန် အချိန်ပင် ရမည်မဟုတ်ပေ။</p> <p style="text-align:justify">အဘယ်ကြောင့်ဆိုသော် ယခုနှစ် အာရှဘောလုံးအဖွဲ့ချုပ် နှစ်ပတ်လည် ဆုပေးပွဲအခမ်းအနားနှင့် ဘလွန်းဒီအော ဆုပေးပွဲ အခမ်းအနားတို့က အချိန်တိုက်ဆိုင်နေသောကြောင့် ဖြစ်သည်။</p> <p style="text-align:justify">“နောက်သုံးရက်နေရင် အဲဗာဂရန်းနဲ့ ခြေစမ်းပွဲ ရှိတယ်မလား...” ချူဖုန်းက ပွဲစဉ်ဇယားကို မေးလိုက်သည်။</p> <p style="text-align:justify">“ဟုတ်တယ်... အမျိုးသားအသင်းပွဲစဉ်တွေကြောင့် တရုတ်စူပါလိဂ်ကို တစ်ပတ် ရွှေ့ဆိုင်းလိုက်ရတော့ ကွမ်ကျိုး အဲဗာဂရန်း အရန်အသင်းနဲ့ ကစားပြီး ခြေစွမ်းပြန်သွေးဖို့ အခွင့်ကောင်း ရသွားတာပေါ့...” ဝေ့ရှီဟောက်က ရှင်းပြလိုက်သည်။</p> <p style="text-align:justify">“ဒါနဲ့... မင်းတို့တွေ ကြံ့ခိုင်ရေး လေ့ကျင့်ရေးတွေကို မေ့မထားကြဘူးမလား...” ချူဖုန်းက မျက်ခုံးပင့်ကာ မေးလိုက်၏။</p> <p style="text-align:justify">“မပြောပါနဲ့တော့... အခု ကလပ်အသင်းနဲ့ အမျိုးသားအသင်းက သတင်းအချက်အလက်တွေ မျှဝေနေကြပြီ ဆိုတော့ နေ့တိုင်း လေ့ကျင့်ရတာကနေ လွတ်မြောက်ဖို့ လုံးဝ လမ်းမရှိတော့ဘူး...” ဝေ့ရှီဟောက်က နာကျင်နေသော သူ၏ ပေါင်တံကို ပွတ်သပ်ရင်း ပြောလိုက်သည်။ </p> <p style="text-align:justify">သူက ကြံ့ခိုင်ရေး လေ့ကျင့်ရေးကို တကယ် ညည်းညူနေခြင်း မဟုတ်ဘဲ ဤသို့ ပြောနေကျဖြစ်၍သာ ပြောလိုက်ခြင်း ဖြစ်သည်။ </p> <p style="text-align:justify">တကယ်တမ်း ကျတော့ အမျိုးသားအသင်း ကစားသမားများ၏ တိုက်ပွဲဝင်စိတ်ဓာတ် အပေါ်တွင်သာ မူတည်ပါသည်။ ဝေ့ရှီဟောက်ဆိုလျှင် ထိပ်ဆုံးအဆင့်တွင် ပါဝင်သင့်ပေသည်။</p> <p style="text-align:justify">“လစ်ပီရဲ့ နည်းပြအဖွဲ့ကလည်း ကစားသမား တစ်ယောက်ချင်းစီရဲ့ ပွဲစဉ် အချက်အလက်တွေကို စစ်ဆေးဖို့ ပုံမှန် လှည့်လည်စစ်ဆေးနေတယ်။ မင်း မသတိထားမိဘူးလား... လူဟောင်းတွေ တော်တော်များများ ပျောက်သွားတာကို...” </p> <p style="text-align:justify">ကျူးချန်ကျိက ပါးစပ်ကို အုပ်ကာ တိုးတိုးလေး ပြောလိုက်သည်။</p> <p style="text-align:justify">ချူဖုန်း၏ အောင်မြင်မှုက အမျိုးသားအသင်းအတွက် အပြောင်းအလဲ တစ်ခုကိုလည်း ယူဆောင်လာခဲ့သည်။ </p> <p style="text-align:justify">အထက်မှ စေလွှတ်သော ကြီးကြပ်ရေးအဖွဲ့များ ရှိရုံသာမက သာမန်ပြည်သူများထဲမှ ဘောလုံး ကြီးကြပ်ရေးမှူးများလည်း ရှိလာသည်။ ဥပမာ- ပိုက်ဆံပြန်အမ်းခိုင်းခဲ့သည့် လူကဲ့သို့ပင်။ သူက တကယ့် ကြီးကြပ်ရေးမှူး အစစ်ပင်…။</p> <p style="text-align:justify">နယ်ပယ်အသီးသီးမှ ထောက်ခံမှုများနှင့်အတူ လစ်ပီသည်လည်း အမျိုးသားအသင်းအတွင်းမှ အဂတိလိုက်စားသူများကို စတင်ရှင်းလင်းတော့သည်။</p> <p style="text-align:justify">အရာအားလုံးကို အချက်အလက်များနှင့် ရလဒ်များဖြင့်သာ ဆုံးဖြတ်သည်။</p> <p style="text-align:justify">ထို့အပြင် လူငယ်ကစားသမားများကို မြေတောင်မြှောက်ပေးပြီး နိုင်ငံသားပြုခွင့်ရ ကစားသမားများကို အရေးပါသော နေရာများတွင် အသုံးပြုလာသည်။ ဥပမာအားဖြင့် ကွမ်ကျိုး အဲဗာဂရန်းမှ ကျန်းကွမ်းထိုက်၊ လီခယ်နှင့် အယ်လ်ခီဆန် ကဲ့သို့သော ကစားသမားများကို ယခု အမျိုးသားအသင်း ပွဲထွက်စာရင်းတွင် ရွေးချယ်ထားသည်။</p> <p style="text-align:justify">“မင်္ဂလာပါ...”</p> <p style="text-align:justify">ကျန်းကွမ်းထိုက်က ဖော်ရွေစွာဖြင့် လက်ကမ်းပေးလာသည်။ </p> <p style="text-align:justify">သူက ယခင်က အဲဗာတန်နှင့် ဆန်းဒါးလန်းတို့တွင် ကစားခဲ့ဖူးသဖြင့် ပရီးမီးယားလိဂ်၏ ယှဉ်ပြိုင်မှု မည်မျှပြင်းထန်ကြောင်းကို ကောင်းစွာ သိရှိထားသည်။ ထို့ကြောင့်ပင် ချူဖုန်း ယခုကဲ့သို့ အောင်မြင်မှုများ ရရှိနေသည်ကို သူ အလွန်လေးစားမိခြင်း ဖြစ်သည်။ </p> <p style="text-align:justify">ထို့အပြင် သူက အဲဗာတန် လူငယ်အကယ်ဒမီမှ ထွက်ပေါ်လာသူ တစ်ဦးဖြစ်သည်။ အဲဗာတန်နှင့် မန်ချက်စတာယူနိုက်တက်တို့၏ ဆက်ဆံရေးက ဘယ်လိုရှိသလဲ ဆိုတာ အားလုံးအသိပင် မဟုတ်ပါလား။</p> <p style="text-align:justify">“မင်္ဂလာပါ...” ချူဖုန်းက ထိုသန်မာသော လက်အစုံကို ဆုပ်ကိုင်လိုက်သည်။ </p> <p style="text-align:justify">ကျန်းကွမ်းထိုက်၏ ပွဲစဉ်ဗီဒီယိုများကို သူ ကြည့်ဖူးပြီး အနှီ ဗဟိုနောက်ခံလူက အတော်လေး ကျွမ်းကျင်မှု ရှိသည်။</p> <p style="text-align:justify">ဘောလုံးပေးပို့ခြင်း၊ လက်ခံခြင်းနှင့် နေရာယူ ပြေးလွှားခြင်း ကဲ့သို့သော အခြေခံစွမ်းရည်များ ကောင်းမွန်ရုံ သာမက သူ၏ ကိုယ်ကာယ ကြံ့ခိုင်မှုနှင့် ခံစစ်စွမ်းရည်များကလည်း အမျိုးသား အသင်းတွင် အကောင်းဆုံးများထဲမှ တစ်ဦး ဖြစ်သည်။</p> <p style="text-align:justify">သူ၏ ခြေစွမ်းက ကမ္ဘာ့အဆင့် မရှိသည်ကိုတော့ မေ့ထားရပေမည်။ သို့သော်လည်း သူက မက်ဂွိုင်းယား သို့မဟုတ် စတုန်းစ်တို့ ကဲ့သို့ ဘောလုံးကိုင် ကစားနိုင်သည့် စွမ်းရည်မျိုး ရှိနေဆဲဖြစ်ပြီး ပရီးမီးယားလိဂ်ရှိ အလယ်အလတ် သို့မဟုတ် အောက်ခြေအသင်းများတွင် အရန် ကစားသမား အဖြစ် ကစားနိုင်ပေသည်။</p> <p style="text-align:justify">နောက်ရက်အနည်းငယ် ကြာသောအခါ…</p> <p style="text-align:justify">လေ့ကျင့်ရေး... ညှိနှိုင်းမှု... ထပ်မံလေ့ကျင့်ရေး စသဖြင့် တရုတ်ဘောလုံးအသင်းသည် စနစ်ကျစွာ လည်ပတ်နေလေသည်။</p> <p style="text-align:justify">ချူဖုန်း ရောက်ရှိလာမှုကြောင့် အမျိုးသားအသင်းကြီးက ပြန်လည် အသက်ဝင်လာခဲ့သည်။ အထူးသဖြင့် အခုမှ တက်လာသည့် လူငယ်ကစားသမား အနည်းငယ်အတွက် ပို၍ပင် အသက်ဝင်နေသည်။</p> <p style="text-align:justify">ဆိုရိုးစကား ရှိသည်မဟုတ်ပါလား... ဟင်္သာပြဒါးနားနေလျှင် နီသွားတတ်ပြီး မှင်နားနေလျှင် မည်းသွားတတ်သည်တဲ့။ </p> <p style="text-align:justify">ယခင်က လုပ်ပွဲ ကစားတတ်သော တရုတ်စီနီယာ ကစားသမားများကြောင့် လူငယ် ကစားသမားများမှာလည်း ပျက်စီးကုန်ကြသည်။ သို့သော် ယခုတွင်တော့ ယူရို သန်း ၂၀၀ ကျော် တန်ကြေးရှိသော ချူဖုန်းပင်လျှင် လေ့ကျင့်ရေး အစီအစဉ်အတိုင်း ကြိုးကြိုးစားစား လေ့ကျင့်နေသည်ကို မြင်သောအခါ သူတို့အနေဖြင့် ပျင်းရိနေရန် မဝံ့ရဲကြတော့ပေ။</p> <p style="text-align:justify">၂၀၁၉ ခုနှစ်၊ စက်တင်ဘာလ ၅ ရက်။</p> <p style="text-align:justify">တရုတ်အမျိုးသားအသင်းနှင့် ကွမ်ကျိုးအဲဗာဂရန်း အရန်အသင်းတို့ ယှဉ်ပြိုင်ကစားကြသည်။</p> <p style="text-align:justify">တကယ်တမ်းတော့ ဤပွဲကို လေ့ကျင့်ရေးပွဲ တစ်ပွဲအဖြစ်လည်း သတ်မှတ်နိုင်သည်။ အဘယ်ကြောင့်ဆိုသော် အဲဗာဂရန်း အရန်အသင်းတွင် ယူ-၁၈ အမျိုးသားလူငယ်အသင်း ကစားသမား အများအပြား ပါဝင်နေသောကြောင့် ဖြစ်သည်။ သူတို့က ဒီဇင်ဘာလတွင် ကျင်းပမည့် အရှေ့အာရှဖလား ပြိုင်ပွဲတွင် အမျိုးသားအသင်း ကိုယ်စား ဝင်ရောက်ယှဉ်ပြိုင်ကြမည် ဖြစ်သည်။</p> <p style="text-align:justify">အမှန်တော့ လစ်ပီက ချူဖုန်းကို အရှေ့အာရှဖလား ပြိုင်ပွဲတွင် ဝင်ရောက်ကစားရန် ပြန်လာချင်သလားဟု မေးခဲ့ဖူးသော်လည်း ချူဖုန်းက ထိုပြိုင်ပွဲသည် ဂျပန်နှင့် တောင်ကိုရီးယား သို့မဟုတ် ထိပ်သီးအသင်း သုံးသင်း ပါဝင်နေသော်လည်း သိပ်၍ ဂုဏ်သိက္ခာကြီးမားသော ပြိုင်ပွဲမဟုတ်ဟု ခံစားခဲ့ရသည်။ ထို့ကြောင့် သူ ပြန်လာရန် အကြောင်းပြချက် မရှိပေ။</p> <p style="text-align:justify">ထို့အပြင် ထိုအချိန်က ခရစ္စမတ်ကာလနှင့် တိုက်ဆိုင်နေသဖြင့် မန်ချက်စတာယူနိုက်တက်က သူ့ကို လွှတ်ပေးမည် မဟုတ်သည်က သေချာသည်။</p> <p style="text-align:justify">သူ၏ ရည်မှန်းချက်က အိုလံပစ်ပြိုင်ပွဲကို ဝင်ပြိုင်ရန်သာ…။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save