Book List

<h2 style="text-align: center;">အခန်း (၄၆၈)</h2> <h2 style="text-align: center;">*</h2> <p> </p> <p> </p> <p style="text-align:justify">“တိုက်စစ်မှူး နှစ်ယောက်ဖြစ်တဲ့ အယ်လ်ခီဆန်နဲ့ ဝူလေတို့ နှစ်ယောက်စလုံးက တိုက်စစ်စွမ်းအား ကောင်းကြတယ်...” </p> <p style="text-align:justify">လစ်ပီက သူ၏ ငွေရောင်မျက်မှန်ကို ပင့်တင်လိုက်ရင်း “ချူဖုန်းကို ၄-၄-၂ ကစားကွက်ရဲ့ ကွင်းလယ် ဗဟိုချက်မအဖြစ် ကစားခိုင်းမယ်။ သူက ကွင်းလယ်နဲ့ ခံစစ်ကို ချိတ်ဆက်ပေးနိုင်ရုံသာမက တိုက်စစ်မှူးနှစ်ယောက်က နေရာလွတ်တွေ ဖန်တီးပေးတဲ့အခါ ပြိုင်ဘက်ဂိုးဧရိယာထဲကို ပြေးဝင်ပြီး ပြိုင်ဘက်ဂိုးပေါက်ကို ခြိမ်းခြောက်နိုင်စွမ်း ရှိတယ်...” ဟု ပြောလိုက်သည်။</p> <p style="text-align:justify">ထိုအချိန်တွင် သူက အေစီမီလန်အသင်းကို ရုတ်တရက် သတိရသွားသည်။ တစ်ချိန်က ပီယာလိုသည် အသင်း၏ ပဗဟိုချက်မဖြစ်ပြီး ဂတ်တူဆို၊ အမ်ဘရိုဆီနီနှင့် အခြားကစားသမားများ၏ အကာအကွယ်ကို ရရှိထားသဖြင့် ဘောလုံးကို ကိုင်တွယ်ရန် နေရာလွတ် အပြည့်အဝ ရရှိခဲ့သည်။ ထို့အတူ ခြေစွမ်းကောင်းများလည်း ပြသခဲ့ပေသည်။</p> <p style="text-align:justify">ဟုတ်ပါသည်... အသင်းနှစ်သင်းနှင့် လူပုဂ္ဂိုလ်နှစ်ဦး၏ အခြေအနေများကတော့ ကွာခြားပါသည်။ </p> <p style="text-align:justify">ချူဖုန်းက ပီယာလိုထက် ပိုမို ကောင်းမွန်သော စွမ်းရည်များ ရှိပြီး ပြိုင်ဘက်အများအပြားနှင့် ရင်ဆိုင်ရချိန်တွင် ဘောလုံးကို ထိန်းသိမ်းထားနိုင်ရုံသာမက ဘောလုံးကိုပါ လုံခြုံစွာ ပြန်လည် ရယူနိုင်စွမ်း ရှိသည်။ ထို့ကြောင့် ချူဖုန်းက ပီယာလိုထက် ဂိုးပိုသွင်းနိုင် ၊ ဂိုးဖန်တီးမှု ပိုရနိုင်မည်မှာ မလွဲဧကန်ပင်…။</p> <p style="text-align:justify">“၄-၄-၂ ကစားကွက်က ကမ္ဘာ့ဖလား ခြေစစ်ပွဲအောင်ဖို့ ငါတို့ရဲ့ အကောင်းဆုံး လက်နက် ဖြစ်လာနိုင်တယ်...” လစ်ပီက သူ့ဘာသာ တိုးတိုးလေး ရေရွတ်လိုက်သည်။</p> <p style="text-align:justify">အဲဗာဂရန်း အရန်အသင်းနှင့် ကစားရသည်မှာ ဖိအားသိပ်မရှိဘဲ တရုတ်အသင်းက ပွဲကို လျင်မြန်စွာ ထိန်းချုပ်နိုင်ခဲ့သည်။</p> <p style="text-align:justify">“ဒီမှာ...”</p> <p style="text-align:justify">အယ်လ်ခီဆန်က ဂိုးစည်းအစွန်မှနေ၍ တြိဂံပုံစံ နောက်ပြန်ပေးပို့လိုက်ပြီး ချူဖုန်းက ပင်နယ်တီ ဧရိယာ ဘယ်ဘက်ခြမ်းမှနေ၍ သူ၏ နာမည်ကျော် အတွင်းသို့ ကွေးဝင်သွားသော ကန်ချက်ဖြင့် ကန်သွင်းလိုက်သည်။</p> <p style="text-align:justify">အဲဗာဂရန်း အရန်အသင်း၏ ဂိုးသမားမှာ ဘောလုံးကိုပင် မထိလိုက်ရပေ။</p> <p style="text-align:justify">“ဖိအားပေးနိုင်စွမ်းက အရမ်း ပြင်းထန်လွန်းတယ်...”</p> <p style="text-align:justify">ကွင်းဘေးတွင် ထိုင်နေသော ဝေ့ရှီဟောက်က သက်ပြင်းမချဘဲ မနေနိုင်တော့ပေ။ ပြိုင်ဘက် နှစ်ယောက် သုံးယောက်က ချူဖုန်းကို ဝိုင်းရံထားသော်လည်း သူ့ဆီမှ ဘောလုံးကို မလုနိုင်ကြသည်ကို သူ တွေ့လိုက်ရသည်။</p> <p style="text-align:justify">“ချူဖုန်းက နည်းစနစ်ပိုင်းဆိုင်ရာ ရည်မှန်းချက်တွေကို အကောင်းဆုံး အကောင်အထည် ဖော်နိုင်ခဲ့တယ်... ဒါကြောင့် ကွင်းတစ်ကွင်းလုံးကို သူပဲ ထိန်းချုပ်ထားသလို ဖြစ်နေတာ...” </p> <p style="text-align:justify">ကျန်းကျီက ဝင်ထောက်ခံလိုက်သည်။ “အခုတော့ အမျိုးသားအသင်းက တကယ် မျှော်လင့်ချက် ရှိလာပြီ...”</p> <p style="text-align:justify">နောက်ဆုံးတွင်...</p> <p style="text-align:justify">တရုတ်အသင်းက ကွမ်ကျိုးအဲဗာဂရန်း အရန်အသင်းကို ၈-၀ ဖြင့် အနိုင်ရရှိသွားသည်။ </p> <p style="text-align:justify">ပွဲအပြီးတွင် ယူ-၁၈ ကစားသမားအုပ်စုကြီးက ချူဖုန်းကို ချက်ချင်း ဝိုင်းအုံသွားကြသည်။ လက်မှတ်ထိုးခြင်းများနှင့် ဓာတ်ပုံရိုက်ခြင်းများကိုလည်း အဆက်မပြတ် လုပ်လာကြ၏။</p> <p style="text-align:justify">အခုချိန်တွင် ချူဖုန်းသည် လူငယ်ကစားသမားများ၏ အိုင်ဒေါလ် တစ်ယောက် ဖြစ်ရုံသာမက နိုင်ငံရပ်ခြားတွင် သွားရောက် ကစားရန် သူတို့၏ ထောက်ခံသူတစ်ဦးလည်း ဖြစ်လာခဲ့ပြီဖြစ်သည်။ ထို့ကြောင့် သူတို့က ချူဖုန်းကို ချစ်ခင် လေးစားကြပေသည်။</p> <p style="text-align:justify">ခပ်လှမ်းလှမ်းတွင် ရပ်နေသော ကျန်းကျီက ထိုမြင်ကွင်းကို ကြည့်ကာ နှုတ်ခမ်းကို စုပ်သပ်လိုက်မိသည်။</p> <p style="text-align:justify">ဒီမျိုးဆက်တွေ ကြီးပြင်းလာမယ် ဆိုရင် အကုန်လုံးက ချူဖုန်းရဲ့ ပရိသတ်တွေပဲ ဖြစ်နေတော့မှာမလား။ </p> <p style="text-align:justify">သို့သော် ဤသို့ဖြစ်ခြင်းက ကောင်းသည်ဟု သူ ခံစားရသည်။ အဘယ်ကြောင့်ဆိုသော် ချူဖုန်းသည် တရုတ်ဘောလုံးလောကအတွက် တကယ်ကို အနစ်နာခံ ကြိုးစားပေးနေသည်ဟု သူ ခံစားရသောကြောင့် ဖြစ်သည်။ </p> <p style="text-align:justify">မဟုတ်လျှင် ပေါင် သန်း ၁၀၀ ကျော် ချမ်းသာနေသူ တစ်ယောက်က ဘဝကို အေးအေးဆေးဆေး မခံစားဘဲ ကျေးဇူးတင်မခံရသည့်အပြင် ပင်ပန်းခက်ခဲလှသော လူငယ်လေ့ကျင့်ရေး လုပ်ငန်းများတွင် ဘာကြောင့် ဝင်ရောက်လုပ်ကိုင်နေမည်နည်း။</p> <p style="text-align:justify">ထို့အပြင် ထောက်ခံစာများနှင့် အခြားအရာများလည်း ရှိသေးသည်။ ၎င်းတို့အားလုံးက ချူဖုန်း၏ အဆက်အသွယ်များ ဖြစ်သလို ငွေထက် ပို၍ တန်ဖိုးရှိလေ့ရှိသည်။</p> <p style="text-align:justify">——</p> <p style="text-align:justify">အချိန်တွေက ကုန်လွန်တာ မြန်လိုက်တာ...</p> <p style="text-align:justify">စက်တင်ဘာလ ၁၀ ရက်။</p> <p style="text-align:justify">မော်လ်ဒိုက်နိုင်ငံ၏ မြို့တော် မာလီရှိ အမျိုးသားအားကစားကွင်း။ နာမည်ကတော့ အတော်လေး ခမ်းနားပါသည်။ သို့သော် မာလီဆိုသည်က စတုရန်းကီလိုမီတာ နှစ်ကီလိုမီတာပင် မပြည့်သော ကျွန်းငယ်လေး တစ်ခုမျှသာ။</p> <p style="text-align:justify">လူဦးရေ ထူထပ်ပြီး လမ်းများ ကျဉ်းမြောင်းကာ အလွန် ကြပ်တည်းလှသည်။ ဤနေရာရှိ ပင်လယ်ရှုခင်းက အခြားကျွန်းများလောက် မလှပပေ။ </p> <p style="text-align:justify">ထို့ကြောင့် မော်လ်ဒိုက်သို့ အပန်းဖြေလာကြသော ခရီးသွားများသည် ဤနေရာကို အဓိက ကမ္ဘာလှည့် ခရီးသွား ဆွဲဆောင်ရာ နေရာတစ်ခုအဖြစ် မသတ်မှတ်ဘဲ ဖြတ်သန်းသွားလာရာ နေရာတစ်ခုအဖြစ်သာ သတ်မှတ်ကြသည်။</p> <p style="text-align:justify">အမျိုးသားအားကစားကွင်း ဆိုသည်မှာလည်း ရိုးရှင်းလှပြီး ၎င်း၏ အပြင်ဘက်နံရံများက မြို့လမ်းမများနှင့် တိုက်ရိုက် ကပ်လျက်ရှိနေသည်။ ဘောလုံးကို အဝေးသို့ တစ်ချက် ကန်လိုက်ရုံဖြင့် တစ်ဖက်ရှိ ဘားဆိုင်ဆီသို့ ဘောလုံး ရောက်သွားနိုင်လောက်သည်။</p> <p style="text-align:justify">ပွဲကြည့်စင်များကို သံပိုက်ဘောင်များနှင့် သွပ်ပြားများဖြင့် မိုးထားပြီး လျှပ်စစ်ပန်ကာတန်းများကို ချိတ်ဆွဲထားသဖြင့် တရုတ်ပြည်ရှိ ဟင်းသီးဟင်းရွက် ဈေးတစ်ခုနှင့် အနည်းငယ် တူနေသည်။</p> <p style="text-align:justify">သို့သော် ယနေ့ မာလီ အမျိုးသားအားကစားကွင်းသည် လှုပ်ရှားမှုများဖြင့် စည်ကားနေသည်။</p> <p style="text-align:justify">တရုတ်ပရိသတ် ၁၂၀၀ နီးပါးခန့် အစောကြီး ရောက်ရှိနေကြပြီး တောက်ပသော အနီရောင်ဂျာစီများကို ဝတ်ဆင်ကာ မျက်နှာပေါ်တွင် နိုင်ငံတော်အလံပုံစံ သေးသေးလေးများကို ရေဆေးရောင်များဖြင့် ရေးဆွဲထားကြသည်။</p> <p style="text-align:justify">“ဟေး... ကြည့်စမ်း... ရှောင်ချူဟ... တီဗီထဲကထက် ပိုချောတယ်ဟေ့...”</p> <p style="text-align:justify">“ဓာတ်ပုံ အတူတူ တွဲရိုက်လို့ ရမလားဟင်...”</p> <p style="text-align:justify">“တရုတ်အသင်း ရှေ့သို့... ”</p> <p style="text-align:justify">“......”</p> <p style="text-align:justify">အမျိုးသားအသင်း လိုဂိုတပ်ဆင်ထားသော ဘတ်စ်ကား တစ်စီးက အမျိုးသားအားကစားကွင်း၏ ဂိတ်အမှတ် ၃ တွင် ရပ်တန့်သွားသည်။ တရုတ်ပရိသတ်များ၏ သောင်းသောင်းဖြဖြ ကြိုဆိုမှုများကြားတွင် အားလုံးက လက်ပြနှုတ်ဆက်ရင်း ကွင်းထဲသို့ ဝင်သွားကြစဉ် ချူဖုန်းက အင်တာဗျူး ဖြေကြားရန် ကျန်ရစ်ခဲ့သည်။</p> <p style="text-align:justify">“ချူဖုန်း... ဒီနေ့ပွဲကို အနိုင်ရမယ်လို့ ယုံကြည်မှု ရှိလား...” စီစီတီဗီ သတင်းထောက်တစ်ဦးက သူ့ထံ မိုက်ခရိုဖုန်းကို ကမ်းပေးလိုက်သည်။</p> <p style="text-align:justify">“သေချာတာပေါ့... ဒီပွဲက လူဟောင်း လူသစ် အပြောင်းအလဲနဲ့ နိုင်ငံသားပြုခွင့်ရ ကစားသမားတွေ ပါဝင်လာပြီးတဲ့နောက် တရုတ်အသင်းရဲ့ ပထမဆုံး တရားဝင်ပွဲစဉ်ပဲလေ...”</p> <p style="text-align:justify">“ဒါကြောင့် တရုတ်ဘောလုံးလောကဟာ လူတိုင်း ထင်ထားသလောက် မဆိုးရွားဘူးဆိုတာကို သက်သေပြဖို့ အောင်ပွဲတစ်ခု လိုအပ်တယ်...”</p> <p style="text-align:justify">“ဒီ့အပြင် ဒီအဖွင့်ပွဲ အနိုင်ရလဒ်ကနေတစ်ဆင့် တရုတ်ဘောလုံးလောကအတွက် ကံကောင်းခြင်းတွေ ယူဆောင်လာပေးနိုင်ဖို့လည်း မျှော်လင့်ပါတယ်...” </p> <p style="text-align:justify">ချူဖုန်းက ပြုံး၍ ပြောလိုက်သည်။</p> <p style="text-align:justify">“အဝေးကြီးကနေ လာရောက်အားပေးကြတဲ့ တရုတ်ပရိသတ်တွေကိုကော ဘာပြောချင်သေးလဲ...” သတင်းထောက်က ထပ်မေးလိုက်သည်။</p> <p style="text-align:justify">“ပထမဆုံးအနေနဲ့ အားပေးမှုအတွက် ကျေးဇူးတင်ပါတယ်။ ကျွန်တော် အများကြီး မပြောတော့ပါဘူး... ဒါပေမယ့် ခင်ဗျားတို့ကို စိတ်ပျက်အောင်တော့ မလုပ်ဘူးဆိုတာ သေချာပါတယ်...” </p> <p style="text-align:justify">ချူဖုန်းက ပရိသတ်များကို လက်ပြနှုတ်ဆက်ပြီးနောက် ကွင်းထဲသို့ ဝင်သွားတော့သည်။ အဝတ်လဲခန်းက ပြီးခဲ့သော ရာစုနှစ်က အများသုံး ရေချိုးခန်းတစ်ခုနှင့် ဆင်တူနေသည်။ </p> <p style="text-align:justify">မော်လ်ဒိုက်နိုင်ငံကို အထင်သေး၍ မဟုတ်ပါ။ ဆန့်ကျင်ဘက်အနေဖြင့် သူတို့တွင် ကြီးမားသော ဘောလုံးယဉ်ကျေးမှု ရှိသည်။ </p> <p style="text-align:justify">မော်လ်ဒိုက်ငါးဒေါ်လာတန် ငွေစက္ကူပေါ်ရှိ အလီအက်ရှ် ဖာ့ခ်၏ ပုံသည် မော်လ်ဒိုက်၏ အကောင်းဆုံး ပရော်ဖက်ရှင်နယ် ဘောလုံးကစားသမားကို အခြေခံထားခြင်း ဖြစ်သည်။</p> <p style="text-align:justify">ထို့အပြင် ဘောလုံးကစားခြင်းက တစ်ခါတစ်ရံတွင် စက်ပစ္စည်းများ သို့မဟုတ် ကိရိယာများနှင့် မသက်ဆိုင်ပါ။ အာဖရိက၊ ဘရာဇီးနှင့် အခြားနိုင်ငံများရှိ ဆင်းရဲသားရပ်ကွက်များမှ ထွက်ပေါ်လာသော ဘောလုံးကြယ်ပွင့်များကို ကြည့်ပါ။ </p> <p style="text-align:justify">ငယ်ငယ်တုန်းကဆို ကျွန်တော်တို့တွေ ဖိနပ်မပါဘဲ ဘောလုံးကန်ခဲ့ကြတာချည်းပဲ မဟုတ်လား။</p> <p style="text-align:justify">“အားလုံးပဲ မင်္ဂလာညချမ်းပါ ခင်ဗျာ”</p> <p style="text-align:justify">“အခု ကျွန်တော်တို့ ၂၀၂၂ ကာတာ ကမ္ဘာ့ဖလား အာရှဇုန် ခြေစစ်ပွဲ ဒုတိယအဆင့်ကို တိုက်ရိုက် ထုတ်လွှင့်နေပါပြီ...”</p> <p style="text-align:justify">“မော်လ်ဒိုက်အသင်းက အိမ်ကွင်းမှာ တရုတ်အသင်းနဲ့ ယှဉ်ပြိုင်ကစားမှာ ဖြစ်ပါတယ်...”</p> <p style="text-align:justify">“အနီရောင်ဂျာစီ ဝတ်ဆင်ထားတဲ့ အသင်းက မော်လ်ဒိုက် ဖြစ်ပါတယ်။ သူတို့က ၃-၆-၁ ကစားကွက်နဲ့ ပွဲထွက်လာပြီး ဒါက သူတို့ အများဆုံး အသုံးပြုလေ့ရှိတဲ့ ကစားကွက်လည်း ဖြစ်ပါတယ်...”</p> <p style="text-align:justify">“တရုတ်အသင်းက အဖြူရောင် အဝေးကွင်း ဂျာစီကို ဝတ်ဆင်ထားပြီး လစ်ပီက ၄-၄-၂ ကစားကွက်နဲ့ ပွဲထွက်လာပါတယ်...”</p> <p style="text-align:justify">“ဂိုးသမား- ယန်ကျွင်းလင်”</p> <p style="text-align:justify">“နောက်တန်း- ဝမ်ကန်း၊ ကျန်းလင်ဖန်၊ ကျန်းကွမ်းထိုက်၊ လီလိန်”</p> <p style="text-align:justify">“ကွင်းလယ်- ဟောင်ကျွင်းမင်၊ ဝူရှီး၊ ချူဖုန်း၊ ချီကျုံးကော်”</p> <p style="text-align:justify">“ရှေ့တန်း- အယ်လ်ခီဆန်၊ ဝူလေ”</p> <p style="text-align:justify">“လစ်ပီက ရှောင်ချူကို ကွင်းလယ်တိုက်စစ် နေရာမှာ ထားထားတယ်။ သူ ဘယ်လိုအစွမ်းတွေ ပြမလဲဆိုတာ စိတ်ဝင်စားစရာပါပဲ...”</p> <p style="text-align:justify">“ဒါနဲ့... လစ်ပီက တစ်ချိန်က ဆီးရီးယားကို အနိုင်ယူဖို့ ၄-၄-၂ ကစားကွက်ကို အသုံးပြုခဲ့ဖူးတယ် ဆိုတော့ အခုလည်း မျှော်လင့်ချက်ထားလို့ ရမယ်လို့ ထင်ပါတယ်...”</p> <p style="text-align:justify">ကင်မရာက စိမ်းလန်းသော မြက်ခင်းပြင်ဆီသို့ ပြန်လည်ရောက်ရှိသွားသည်။</p> <p style="text-align:justify">တရုတ်အသင်း၏ နည်းဗျူဟာများက အလွန်ရိုးရှင်းပြီး နားလည်ရ လွယ်ကူသည်။ လေကြောင်းမှ ဗုံးကြဲတိုက်ခိုက်ခြင်းပင်။</p> <p style="text-align:justify">တကယ်တမ်းတော့ တရုတ်ကစားသမားများ၏ ကြံ့ခိုင်မှု အရည်အသွေးများက အာရှတွင် အတော်လေး ကောင်းမွန်သည်။ ဘောလုံးပိုင်ဆိုင်မှု အသားပေး ကစားဟန် သို့မဟုတ် ကွင်းလယ်ခံစစ် တစ်ဦးတည်း ထားရှိသော အဆင့်မြင့် နည်းဗျူဟာများကို ဆုပ်ကိုင်ထားမည့်အစား ရိုးရှင်းအောင်သာ ကစားကြစို့။</p> <p style="text-align:justify">ပွဲစတင်ပြီး မကြာမီမှာပင် ချီကျုံးကော်က တောင်ပံမှ ဖောက်ထွက်လာပြီး ဂိုးစည်းအစွန်မှ ဖြတ်တင်ဘော တစ်လုံး ပေးပို့လိုက်သည်။ ချူဖုန်းက သူ၏ အပြေးအရှိန်ကို အသုံးပြုကာ ခုန်တက်လိုက်ပြီး ဘောလုံးကို တည့်တည့် ခေါင်းတိုက်လိုက်သည်။ </p> <p style="text-align:justify">မော်လ်ဒိုက် ဂိုးသမား မိုဟာမက် တုံ့ပြန်လိုက်ချိန်တွင်တော့...</p> <p style="text-align:justify">ဘောလုံးက ဂိုးပေါက်အတွင်းသို့ ရောက်ရှိနေပြီဖြစ်ကာ ငြိမ်သက်နေတော့သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save