Book List

<h2 style="text-align: center;">အခန်း (၄၆၉)</h2> <h2 style="text-align: center;">*</h2> <p> </p> <p> </p> <p style="text-align:justify">“ဟင်... ”</p> <p style="text-align:justify">ဟယ်ဝေက အသက်ရှူမှားသွားကာ “ပရိသတ်ကြီးရေ... အခုမှ တီဗီဖွင့်တဲ့သူတွေဆိုရင်တော့ ချူဖုန်းရဲ့ ဂိုးကို လွတ်သွားပြီဗျာ...” ဟု ပြောလိုက်သည်။</p> <p style="text-align:justify">“ဟုတ်တယ်... အဲဒီလောက်ကို မြန်တာ...”</p> <p style="text-align:justify">“သူ ကမ္ဘာ့ဖလား သမိုင်းမှာ အမြန်ဆုံးဂိုး စံချိန်ကို ချိုးသွားပြီလား... အာ... ကံမကောင်းစွာနဲ့ပဲ အမြန်ဆုံး စံချိန်က ဘန်တီကီရဲ့ ၈ ဒသမ ၁ စက္ကန့်ဖြစ်ပြီး ချူဖုန်းက ၁၃ ဒသမ ၆ စက္ကန့် ကြာသွားတယ်...”</p> <p style="text-align:justify">တရုတ်ပရိသတ်များလည်း အနည်းငယ် မှင်သက်သွားကြသည်။ ပျော်ရွှင်မှုက တကယ်ကို ရုတ်တရက် ရောက်လာခြင်းပင်။</p> <p style="text-align:justify">နောက်တစ်ခဏတွင်... သူတို့၏ ကျယ်လောင်သော အော်ဟစ်အားပေးသံများ ပေါက်ကွဲ ထွက်လာတော့သည်။</p> <p style="text-align:justify">မော်လ်ဒိုက် ပရိသတ်များကတော့ ကူကယ်ရာမဲ့စွာဖြင့် လက်ခုပ်တီးပေးလိုက်ကြသည်။ သူတို့၏ ကိုယ်ပိုင်ဂိုးပေါက် ကျိုးပေါက်သွားသော်လည်း ထိုဂိုးက တကယ်ကို ချီးကျူးထိုက်သောကြောင့် ဖြစ်သည်။</p> <p style="text-align:justify">ချူဖုန်းနှင့် ချီကျုံးကော်တို့ ဂိုးသွင်းပြီးနောက် လက်ချင်းရိုက်ကာ အောင်ပွဲခံလိုက်ကြသည်။</p> <p style="text-align:justify">ဘလွန်းဒီအော အဆင့်ရှိတဲ့ ကစားသမား တစ်ယောက်ကို ဂိုးဖန်တီးမှု လုပ်ပေးနိုင်လိမ့်မယ်လို့ ငါ တစ်ခါမှ မတွေးဖူးခဲ့ဘူး... ချီကျုံးကော် အနည်းငယ် စိတ်လှုပ်ရှားသွားသည်။ </p> <p style="text-align:justify">သူ့တွင် အမည်ပြောင် တစ်ခုရှိသည်။ တရုတ်ပြည်၏ ကန်တေ ဟူ၍။ ခန္ဓာကိုယ် သွယ်လျလျဖြင့် မမောနိုင်မပန်းနိုင် ပြေးလွှားနိုင်ပြီး ပြင်းထန်သော ဖျက်ထုတ်မှုများကို ပြုလုပ်နိုင်သူ။</p> <p style="text-align:justify">လစ်ပီက သူ့ကို ဘာကြောင့် ပွဲထွက်စာရင်းမှာ ထည့်ခဲ့တာလဲ။ </p> <p style="text-align:justify">သူက သူ၏ ဘယ်တော့မှ မမောပန်းနိုင်သည့် သဘာဝကို သဘောကျခဲ့လို့ပင်။ </p> <p style="text-align:justify">ထို့အပြင် တစ်ပွဲလျှင် ပျမ်းမျှ ဘောလုံးဖျက်ထုတ်မှုနှင့် ကြားဖြတ်လုယူမှုများတွင် တရုတ်စူပါလိဂ်၏ ကွင်းလယ်ခံစစ် ကစားသမားများထဲတွင် တတိယနှင့် ဒုတိယ အသီးသီး ရပ်တည်နေသည်။</p> <p style="text-align:justify">ဖယ်လိုင်နီနှင့် ပေါ်လင်ဟိုကဲ့သို့သော ကမ္ဘာ့အဆင့်မီ ကွင်းလယ်ခံစစ် ကစားသမားများ ရှိနေသည့် တရုတ်စူပါလိဂ်တွင် ထိုသို့သော အောင်မြင်မှုမျိုး ရရှိရန် မည်မျှခက်ခဲကြောင်း နားလည်ထားရန် အရေးကြီးသည်။</p> <p style="text-align:justify">“လစ်ပီက နည်းဗျူဟာ အပြောင်းအလဲတွေ လုပ်တဲ့နေရာမှာ အရမ်း ကျွမ်းကျင်တယ်...”</p> <p style="text-align:justify">“မော်လ်ဒိုက်မှာ အရပ်အရှည်ဆုံး ကစားသမားက ၁ ဒသမ ၈ မီတာလောက်ပဲ ရှိပြီး ကစားသမား အများစုက ၁ ဒသမ ၇၅ မီတာအောက်ပဲ ရှိတယ်။ ဒါကြောင့် လေကြောင်းကနေ ဗုံးကြဲတဲ့ နည်းဗျူဟာက အရမ်း ထိရောက်တယ်...”</p> <p style="text-align:justify">“တရုတ်အသင်း နောက်ထပ် တိုက်စစ် ဆင်လာပြန်ပြီ...”</p> <p style="text-align:justify">“လှလိုက်တာ... ရှောင်ချူက လူအုပ်ထဲကနေ ဘောလုံးကို ပြန်ယူပြီး အဝေးကနေ မျှောပေးဘော တစ်လုံး ပေးလိုက်ပြီ...”</p> <p style="text-align:justify">“ဝူလေမှာ တစ်ဦးချင်း အခွင့်အရေး ရသွားပြီ...”</p> <p style="text-align:justify">“အဲဒါ ဖောင်းဘောလား... မော်လ်ဒိုက် ဂိုးသမားက ဝူလေကို ခြေထောက်နဲ့ တားလိုက်တယ်...”</p> <p style="text-align:justify">“ဒိုင်လူကြီးက ပင်နယ်တီ ပေးလိုက်ပြီ...”</p> <p style="text-align:justify">“တရုတ်အသင်း ဦးဆောင်ဂိုး ရခဲ့တာက ၂ မိနစ်နဲ့ ၅၄ စက္ကန့်ပဲ ကြာသေးတယ်...” </p> <p style="text-align:justify">ဟယ်ဝေ့က အလွန် စိတ်လှုပ်ရှားစွာဖြင့် ပြောလိုက်သည်။</p> <p style="text-align:justify">ဝူလေက ဘောလုံးကို ချူဖုန်းထံ ကမ်းပေးလိုက်ပြီး မျက်စိတစ်ဖက် မှိတ်ပြကာ “ငါ တစ်ဦးချင်း အခွင့်အရေးကို လွတ်သွားတာ။ မင်းအတွက် သီးသန့် ပင်နယ်တီ ဖန်တီးပေးလိုက်တာ မဟုတ်ဘူးနော်...” ဟု ပြောလိုက်သည်။</p> <p style="text-align:justify">“စိတ်မပူပါနဲ့... ငါကတော့ လွတ်မသွားစေရဘူး...” ချူဖုန်းက ဘောလုံးကို ယူလိုက်သည်။</p> <p style="text-align:justify">အဆိပ်အတောက် အစိတ်အပိုင်းများကို ဖယ်ရှားပြီးနောက် အမျိုးသားအသင်းရှိ လေထုက အမှန်တကယ်ပင် ကောင်းမွန်နေသည်ဟု သူ ခံစားရသည်။ လူတိုင်းက စည်းစည်းလုံးလုံးနှင့် တစ်ပြေးညီ ကြိုးစားနေကြသည်။</p> <p style="text-align:justify">တီ… တီ…</p> <p style="text-align:justify">ဒိုင်လူကြီးက ခရာမှုတ်လိုက်သည်နှင့် တစ်ပြိုင်နက် ချူဖုန်းက အပြေးအရှိန်ယူကာ ကန်သွင်းလိုက်သည်။</p> <p style="text-align:justify">ဘုန်း...</p> <p style="text-align:justify">ပြင်းထန်သော ကန်ချက်တစ်ခုက ဂိုးပေါက်၏ ဘယ်ဘက် အပေါ်ထောင့်ဆီသို့ တိုက်ရိုက် ဝင်ရောက်သွားသည်။ ဤသည်က ယုံကြည်မှု၏ ပြယုဂ်တစ်ခုပင်။</p> <p style="text-align:justify">မိုဟာမက်က မှန်ကန်သော လားရာကို ခန့်မှန်းနိုင်ခဲ့သော်လည်း ဂိုးမဝင်အောင်တော့ မတားဆီးနိုင်ခဲ့ပေ။ အားကစားကွင်းထဲရှိ တရုတ်ပရိသတ်များ၏ အားပေးသံများက ပိုမို ကျယ်လောင်လာသည်။</p> <p style="text-align:justify">မော်လ်ဒိုက် ပရိသတ်များကတော့ လုံးဝ စိတ်အေးလက်အေး ဖြစ်နေကြသည်။ ဘလွန်းဒီအော အဆင့်ရှိ ကစားသမားများ ကစားသည်ကို ကြည့်ချင်သောကြောင့်ဟု သူတို့ သဘောထားလိုက်ကြသည်။ </p> <p style="text-align:justify">ပွဲကြည့်ဖို့ ယူရို ရာနဲ့ချီ ကုန်ကျတာမှ မဟုတ်တာ။ ဒါကြောင့် အေးအေးဆေးဆေးပဲ ဘောလုံးပွဲကို ခံစားလိုက်တော့မယ်။ ဘယ်လိုပဲဖြစ်ဖြစ် နိုင်မှာမှ မဟုတ်တာလေ...။</p> <p style="text-align:justify">“မနေ့က ယှဉ်ပြိုင်ကစားခဲ့တဲ့ အာရှဇုန် ခြေစစ်ပွဲစဉ်မှာ တရုတ်အသင်းက အဝေးကွင်းမှာ မော်လ်ဒိုက်ကို ၉-၀ နဲ့ အနိုင်ရရှိခဲ့ပါတယ်။ ကျွန်တော်တို့ရဲ့ ကစားသမား ချူဖုန်းကတော့ ငါးဂိုး သွင်းယူခဲ့ပြီး အမျိုးသားအသင်းရဲ့ တစ်ပွဲတည်း ဂိုးအများဆုံး သွင်းယူနိုင်တဲ့ စံချိန်သစ်ကို ရေးထိုးသွားခဲ့ပါပြီ...”</p> <p style="text-align:justify">“ပွဲအပြီး မီဒီယာတွေနဲ့ အင်တာဗျူးမှာ ချူဖုန်းက တရုတ်အသင်းအနေနဲ့ ရှေ့ဆက်လျှောက်ရမယ့် ခရီးကြမ်းတွေ အများကြီး ကျန်နေသေးကြောင်း ပြောကြားခဲ့ပါတယ်။ ဒီနိုင်ပွဲရဲ့ အဓိက သော့ချက်က ပြိုင်ဘက်ရဲ့ အားနည်းမှုကြောင့် ဖြစ်ပြီး တရုတ်အသင်းအတွက် တကယ့် စမ်းသပ်မှုအစစ်အမှန်က နိုဝင်ဘာလမှာ ကစားရမယ့် ဆီးရီးယားနဲ့ ပွဲစဉ်ဖြစ်တယ်လို့လည်း သူက ဆိုပါတယ်...”</p> <p style="text-align:justify">“အမျိုးသားအသင်း ကစားသမားတွေအနေနဲ့ မနေ့က အရှိန်အဟုန်ကို ဆက်လက် ထိန်းသိမ်းထားနိုင်ပြီး အာရှဇုန် အကောင်းဆုံး (၁၂) သင်း အဆင့်ကို တက်လှမ်းကာ ကာတာကမ္ဘာ့ဖလား ခြေစစ်ပွဲ အောင်မြင်နိုင်ဖို့ မျှော်လင့်မိပါတယ်...”</p> <p style="text-align:justify">“......”</p> <p style="text-align:justify">နံနက်ခင်း သတင်းကြေညာသူ၏ အသံက နာရီဝက်တိတိ အချိန်တွင် ထွက်ပေါ်လာလေသည်။</p> <p style="text-align:justify">အမျိုးသားအသင်း ပွဲစဉ်များ ပြီးဆုံးပြီးနောက် ချူဖုန်းသည် အင်္ဂလန်သို့ ချက်ချင်း ပြန်လာခဲ့သည်။ တကယ်တမ်းတော့ သူ ထိုမျှလောက် လောကြီးနေရန် မလိုအပ်ပေ။ </p> <p style="text-align:justify">သို့သော် သူ၏ ခန္ဓာကိုယ် ကြံ့ခိုင်မှုကို ဆက်လက်ထိန်းသိမ်းထားရန်အတွက် ကလပ်အသင်းသို့ အမြန်ဆုံး ပြန်လာရန် ရွေးချယ်ခဲ့ခြင်း ဖြစ်သည်။</p> <p style="text-align:justify">ရိုးရိုးသားသား ပြောရလျှင် အမျိုးသားအသင်း၏ ပွဲစဉ်များက အတော်လေး ပျင်းစရာ ကောင်းလှ၏။ သူ၏ အစွမ်းအစ အပြည့်အဝကို ထုတ်ဖော်ခွင့်ပင် မရလိုက်ဘဲ ပွဲက ပြီးဆုံးသွားခဲ့ရသည်။ ခြေစွမ်းကို ထိန်းသိမ်းထားဖို့ ဆိုသည်မှာ ဝေလာဝေးပင်။</p> <p style="text-align:justify">ကာရင်တန် လေ့ကျင့်ရေးကွင်း…</p> <p style="text-align:justify">“ချူ... ငါ မင်းရဲ့ အမျိုးသားအသင်း ပွဲတွေကို ကြည့်ဖြစ်တယ်။ လစ်ပီက မင်းကို နောက်ဆုတ်ပြီး တိုက်စစ်ကစားကွက် ဖန်တီးခိုင်းတာ တကယ်ကို ကောင်းမွန်တဲ့ ဆုံးဖြတ်ချက်ပဲ...”</p> <p style="text-align:justify">မော်ရင်ညိုက ခြေချိတ်ထိုင်ရင်း အလွန် ကျေနပ်နေပုံရသည်။</p> <p style="text-align:justify">သူ အကြောက်ဆုံးအရာက ချူဖုန်း တရုတ်ပြည်သို့ ပြန်ရောက်သွားပြီးနောက် လစ်ပီက သူ့ကို မြည်းတစ်ကောင်လို အသုံးချကာ ကန့်သတ်ချက်ထက် ကျော်လွန်သည်အထိ အတင်းအဓမ္မ ခိုင်းစေမည်ကိုပင်။ ထိုသို့ဆိုလျှင် ကစားသမားအတွက် ကြီးမားသော ဝန်ထုပ်ဝန်ပိုးကြီး ဖြစ်သွားပေလိမ့်မည်။ </p> <p style="text-align:justify">သောက်ကျိုးနည်း... လစ်ပီသာ အဲဒီလို လုပ်ရဲလုပ်ကြည့်စမ်း... သတင်းစာရှင်းလင်းပွဲမှာ ဒင်းကို အသေဆဲပစ်မယ်...</p> <p style="text-align:justify">“ဒီအကြံအစည်ကို ကလပ်အသင်းမှာလည်း အသုံးချလို့ ရတယ်။ ဘရူနို ဖာနန်ဒက်စ်ရော ဟားဗက်ဇ်ပါ ကစားကွက် ဖန်တီးနိုင်စွမ်း အားနည်းကြတယ်...” </p> <p style="text-align:justify">မော်ရင်ညိုက ပွဲစဉ်ဗီဒီယိုကို ဖွင့်ပြရင်း ဆက်ပြောသည်။ “မင်းက တိုက်စစ်ဧရိယာ နေရာမှာ လွတ်လွတ်လပ်လပ် လှုပ်ရှားပြီး အသင်းရဲ့ တိုက်စစ် ဦးတည်ရာကို ဆုံးဖြတ်ပေးရမယ်။ နေရာလွတ် ရပြီဆိုတာနဲ့ မင်းကိုယ်တိုင် ဂိုးကန်သွင်းယူလို့လည်း ရတယ်...”</p> <p style="text-align:justify">သူ၏ နည်းဗျူဟာ အယူအဆများက ယခင်ကနှင့် မတူတော့ဘဲ လုံးဝ ပြောင်းလဲသွားချေပြီ။ သူက ချူဖုန်းကို တစ်သင်းလုံးအား ဦးဆောင်ခွင့် ပေးလိုက်လေပြီ။ ကျန်သည့် ကစားသမား ၁၀ယောက်လုံးက ချူဖုန်း လိုချင်သည့် ကစားဟန်အတိုင်း ကစားရပေမည်။</p> <p style="text-align:justify">ဤသည်က တိုနီစတက်ခ်၏ သံချပ်ကာဝတ်စုံတွင် အာ့ခ် ဓာတ်ပေါင်းဖိုကို ဗဟိုချက်မအဖြစ် တပ်ဆင်လိုက်သည်နှင့် အလားသဏ္ဍာန် တူလေသည်။ သူတို့၏ စွမ်းအားများ ရုတ်ခြည်းဆိုသလို တိုးတက်လာမည်မှာ အသေအချာပင်…။</p> <p style="text-align:justify">တကယ်တမ်းတော့ မော်ရင်ညိုသည်လည်း နည်းဗျူဟာများ ပုံဖော်ရန် အနည်းငယ် ပျင်းရိလာခြင်း ဖြစ်ပေမည်။ </p> <p style="text-align:justify">စဉ်းစားကြည့်လိုက်လေ။ ဂွါဒီယိုလာ၏ ဘောလုံးပိုင်ဆိုင်မှု အသားပေး နည်းဗျူဟာများကို ဘက်စုံ အဆင့်မြှင့်တင်ရသည်က ပိုလွယ်သလား... သို့မဟုတ် ဗဟိုချက်မ ကစားသမား တစ်ဦးကို အခြေခံပြီး ရိုးရှင်းသော နည်းဗျူဟာများ တည်ဆောက်ရသည်က ပိုလွယ်သလား...။</p> <p style="text-align:justify">သေချာပေါက် ဒုတိယအချက်က ပိုလွယ်ကူပေသည်။</p> <p style="text-align:justify">မော်ရင်ညိုက တွေးတောရင်း သူ၏ ဆံပင်များကို ပွတ်သပ်လိုက်သည်။ </p> <p style="text-align:justify">ငါ့ဆံပင်တွေက အရင်ကလောက် မမည်းတော့ပေမယ့် ခေါင်းပေါ်မှာ ရှိနေသေးတာပဲ။ သောက်ပြောင်ကြီး ဂွါဒီယိုလာနဲ့တော့ မတူပါဘူးလေ... ကျွတ် ကျွတ်... ဦးနှောက် အရမ်းစားတဲ့ ကောင်တွေက အဲဒီလိုပဲ...</p> <p style="text-align:justify">“ကျွန်တော်ကတော့ အဆင်ပြေပါတယ် ဆရာကြီး...” </p> <p style="text-align:justify">ချူဖုန်းက ခေါင်းညိတ်ပြလိုက်သည်။ </p> <p style="text-align:justify">တကယ်တမ်းတွင်လည်း သူသည် တိုက်စစ်ကို မည်သို့ စီစဉ်ညွှန်ကြားရမည်ကို လေ့လာနေခဲ့သည်မှာ ကြာပြီ ဖြစ်သည်။ ပွဲစဉ်ပေါင်း များစွာကို ပြန်လည် သုံးသပ်ပြီးနောက် လုံလောက်သော အတွေ့အကြုံများကိုလည်း ရရှိထားပြီး ဖြစ်သည်။ </p> <p style="text-align:justify">ကျန်တာကတော့ ကိုယ့်စွမ်းရည်ကို စမ်းသပ်ရန်နှင့် ပွဲစဉ်တိုင်းမှ တစ်ဆင့် ဆက်လက် လေ့လာ သင်ယူရန်သာ ကျန်တော့သည်။</p> <p style="text-align:justify">“ကောင်းပြီ... ကလပ်အသင်း ကိစ္စတွေ ပြီးပြီဆိုတော့ မင်းရဲ့ ကိုယ်ရေးကိုယ်တာ ကိစ္စတွေကို ပြောကြတာပေါ့...” မော်ရင်ညိုက ရေတစ်ငုံ သောက်လိုက်သည်။</p> <p style="text-align:justify">“ကိုယ်ရေးကိုယ်တာ ကိစ္စတွေ... ဟုတ်လား” </p> <p style="text-align:justify">ချူဖုန်း လုံးဝ ကြောင်အမ်းသွားသည်။ သူ့မှာ ကိုယ်ရေးကိုယ်တာ ပြဿနာ ရှိလို့လား။</p> <p style="text-align:justify">“အဟမ်း... ပြီးခဲ့တဲ့ ရက်အနည်းငယ်က ပက်ပ် ငါ့ဆီ ဖုန်းဆက်တယ်။ မင်းနဲ့ မာရီယာ စေ့စပ်တော့မယ် ဆိုတာလေ။ အဲ့ဒါ ဟုတ်လား...” မော်ရင်ညို၏ လေသံက အနည်းငယ် ချဉ်စုတ်စုတ် ဖြစ်နေသည်။</p> <p style="text-align:justify">ဟူး... ငါ့သမီးက စိတ်ပျက်စရာ ကောင်းနေတာ တကယ် နှမြောစရာပဲ။ မဟုတ်ရင် ငါ့မှာ တပည့်ကောင်းရော သားမက်ကောင်းပါ တစ်ပြိုင်တည်း ရနေလောက်ပြီ... </p> <p style="text-align:justify">“ဟုတ်တယ်... ကျွန်တော်တို့ အဲဒီလို စီစဉ်ထားပါတယ်။ ဒါပေမယ့် ရက်အတိအကျတော့ မသတ်မှတ်ရသေးဘူး...” ချူဖုန်း ချက်ချင်း သဘောပေါက်သွားသည်။ </p> <p style="text-align:justify">အနာဂတ် ယောက္ခမကြီးက သူတို့စုံတွဲ၏ မင်္ဂလာပွဲကို အရမ်း ဂရုစိုက်နေပုံရသည်။ မဟုတ်လျှင် မော်ရင်ညိုထံ ဘာကြောင့် ဖုန်းဆက်ရမည်နည်း။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save