Book List

<h2 style="text-align: center;">အခန်း (၈၁၇)</h2> <h2 style="text-align: center;">လူပုံသဏ္ဍာန် တိုင်ရန်နိုဆောရပ်စ် ဒိုင်နိုဆောကြီး</h2> <h2 style="text-align: center;">*</h2> <p> </p> <p> </p> <p style="text-align:justify">ယဲ့ထျန်းသည် ဆွန်းချင်းယွမ်၏ တိုက်ခိုက်မှုကို လုံးဝ လျစ်လျူရှုကာ သူ၏ လည်ပင်းကို ဖမ်းဆုပ်လိုက်သည်။</p> <p style="text-align:justify">အရပ်အမောင်း ၁.၇ မီတာအောက်သာ ရှိပြီး ပုကွကွ ဖြစ်နေသော ဆွန်းချင်းယွမ်မှာ ချက်ချင်းပင် လေပေါ်သို့ မြောက်တက်သွားတော့သည်။ ထို့နောက် သူ၏ မျက်နှာပေါ်သို့ မိုးသီးမိုးပေါက်များ ရွာကျလာသကဲ့သို့ ပါးရိုက်ချက်များ ဆက်တိုက် ကျရောက်လာလေသည်။</p> <p style="text-align:justify">အရှက်ရခြင်း...။ ပြောမပြတတ်အောင် အရှက်ရခြင်းပင်...။ </p> <p style="text-align:justify">ဤအခိုက်အတန့်တွင် ဆွန်းချင်းယွမ် ခံစားရသမျှသည် ၎င်းသာ ဖြစ်သည်။</p> <p style="text-align:justify">အာကာသအဆင့် သိုင်းပညာရှင် တစ်ဦးအနေဖြင့် သူသည် မည်သည့်နေရာသို့ သွားသည်ဖြစ်စေ မြင့်မြတ်ပြီး ဂုဏ်သိက္ခာရှိသော တည်ရှိမှုတစ်ခု ဖြစ်ခဲ့သည်။ တစ်နေ့နေ့တွင် သူသည် ဤကဲ့သို့ ပါးချည်း ဆက်တိုက် အပိတ်ခံရကာ မြေးလေး တစ်ယောက်လို အရိုက်ခံရလိမ့်မည်ဟု လုံးဝ ထင်မှတ် မထားခဲ့ဖူးချေ။</p> <p style="text-align:justify">သူ ပြန်လည် ခုခံချင်သော်လည်း သူ၏ ကျင့်ကြံမှု အဆင့်မှာ ပြင်းထန်စွာ ဖိနှိပ်ခံထားရသဖြင့် ယဲ့ထျန်း၏ လက်မောင်းကို အနည်းငယ်မျှပင် မလှုပ်ခါနိုင်ခဲ့ပေ။</p> <p style="text-align:justify">ဆွန်းချင်းယွမ်မှာ အလွန်အမင်း ထိတ်လန့်သွားကာ မြို့တော်တွင် ဤကဲ့သို့သော ခန္ဓာကိုယ် သန့်စင်သူ တစ်ဦး ဘယ်အချိန်ကတည်းက ပေါ်ပေါက်လာသနည်းဟု တွေးတောနေမိသည်။ </p> <p style="text-align:justify">မြို့တော်ရှိ အာကာသအဆင့်နှင့် အထက် သိုင်းပညာရှင် အနည်းငယ်ကို သူ သိထားပြီး အနှီ လူငယ်လေးကိုမူ အရင်က တစ်ခါမှ မမြင်ဖူးခဲ့ချေ။</p> <p style="text-align:justify">မျက်တောင်တစ်ခတ် အတွင်းမှာပင် ပါးရိုက်ချက် အချက် ၁၀၀ ကျော် အပြီး၌ မူလက ပိန်လှီ ချိုင့်ဝင်နေသော ဆွန်းချင်းယွမ်၏ ပါးပြင်များမှာ အလျင်အမြန် ဖောင်းအစ်လာကာ ခေါင်းကြီးအရုပ် တစ်ရုပ်နှင့်ပင် တူသွားတော့သည်။</p> <p style="text-align:justify">သို့သော် ယဲ့ထျန်းက ဤမျှနှင့် ရပ်တန့်မသွားပေ။ ယင်းအစား သူက လက်များကို ဆက်တိုက် ဝှေ့ယမ်းကာ ဆွန်းချင်းယွမ်၏ အဝတ်အစားများကို အပိုင်းပိုင်း အစစ ဆွဲဖြဲပစ်လိုက်ပြီး ပြတင်းပေါက်မှနေ၍ အပြင်သို့ ကန်ထုတ်လိုက်တော့သည်။</p> <p style="text-align:justify">"အား..."</p> <p style="text-align:justify">ဆွန်းချင်းယွမ်မှာ အလွန်အမင်း ရှက်ရွံ့သွားသလို ဒေါသလည်း အကြီးအကျယ် ထွက်နေပြီး သူ၏ အဆုတ်များပင် ပေါက်ကွဲထွက်တော့မည့်အလား ခံစားနေရသည်။</p> <p style="text-align:justify">ဂုဏ်သိက္ခာရှိသော အာကာသအဆင့် သိုင်းပညာရှင် တစ်ဦး ၊ အထူးရေးရာဗျူရို၏ ဒုတိယ အကြီးအကဲ တစ်ဦး အနေဖြင့် ယခုကဲ့သို့ လူပုံအလယ်တွင် အရှက်ခွဲခံလိုက်ရခြင်းက တစ်သက်တာ လှောင်ပြောင်စရာ အကြောင်းအရာ တစ်ခု ဖြစ်လာတော့မည်မှာ သေချာလှပေသည်။</p> <p style="text-align:justify">သို့သော် သူ လုပ်နိုင်သည်မှာ ဘာမျှမရှိချေ။ ကိုယ်တုံးလုံးကြီးဖြင့် ရပ်နေ၍ မဖြစ်သဖြင့် သူက အမြန်အဆန် နောက်သို့လှည့်ကာ အဝတ်အစားသစ်များ ယူရန် သူ၏ အခန်းဆီသို့ ပြေးသွားရတော့သည်။</p> <p style="text-align:justify">ယဲ့ပုဖန်၏ နှုတ်ခမ်းစွန်းများမှာ အေးစက်စက် အပြုံးတစ်ခု အဖြစ်သို့ ကွေးတက်သွား၏။ အထူးရေးရာဗျူရိုမှ လူများကို သူ သတ်ပစ်၍ မရသော်လည်း သေချာပေါက် အရှက်ခွဲ၍တော့ ရပေသေးသည်။</p> <p style="text-align:justify">ထို့ပြင် ဤမျှနှင့် ရပ်တန့်ပစ်ရန် သူ ရည်ရွယ်မထားပေ။ ယဲ့ထျန်းသည် စစ်ကြောရေးခန်းထဲမှ ပြေးထွက်သွားပြီး မြင်မြင်သမျှ လူတိုင်းကို လိုက်လံ ရိုက်နှက်တော့ရာ အထူးရေးရာဗျူရိုမှ လူတစ်ယောက်ကိုမျှ ချန်လှပ်မထားခဲ့ချေ။</p> <p style="text-align:justify">အထူးရေးရာဗျူရို တစ်ခုလုံးတွင် ကျောက်မင်းကျန်းက ကျင့်ကြံမှု အမြင့်ဆုံး ဖြစ်ပြီး သူ၏ နောက်တွင် ဆွန်းချင်းယွမ်က ဒုတိယ လိုက်လေသည်။ ကျန်သူများ အားလုံးမှာ အာကာသအဆင့် အောက်တွင်သာ ရှိကြရာ ကျားတစ်ကောင်အလား အရှိန်အဟုန်ပြင်းစွာ ဝင်ရောက်လာသော ယဲ့ထျန်းကို သူတို့ မည်ကဲ့သို့ ခုခံနိုင်မည်နည်း။</p> <p style="text-align:justify">မူလက ဆူညံသံများကို ကြားသဖြင့် လုံခြုံရေး အစောင့်အများအပြား အပြေးအလွှား ရောက်လာကြသော်လည်း မျက်တောင်တစ်ခတ် အတွင်းမှာပင် သူတို့ အားလုံးလည်း မြေပြင်ပေါ်သို့ လဲကျသွားကြတော့သည်။</p> <p style="text-align:justify">အချို့ကလည်း ယဲ့ထျန်းကို ပစ်ခတ်ရန် သေနတ်များကို အသုံးပြုရန် ကြိုးစားကြသေးသည်။ သို့သော် ယဲ့ထျန်း၏ အမြန်နှုန်းမှာ လွန်စွာ မြန်ဆန်လွန်းလှရာ သူတို့ကို ချိန်ရွယ်ပစ်ခတ်ရန် အခွင့်အရေး လုံးဝ မပေးခဲ့ချေ။</p> <p style="text-align:justify">မကြာမီ ထိုလူများလည်း မြေပြင်ပေါ်သို့ လဲကျသွားကြပြီး သူတို့၏ သေနတ်များမှာလည်း သံအမှိုက်ပုံ တစ်ပုံ အဖြစ်သို့ ပြောင်းလဲသွားတော့သည်။ </p> <p style="text-align:justify">ပထမထပ်ကို ရှင်းလင်းပြီးနောက် ယဲ့ထျန်းသည် ဒုတိယထပ်သို့ တိုက်ရိုက် ပြေးတက်သွားပြီး အလားတူ လုပ်ငန်းစဉ်ကိုသာ ထပ်မံ ပြုလုပ်လေသည်။ သူက အထူးရေးရာဗျူရိုမှ လူများကို အမြန်အဆန် ရိုက်နှက်လိုက်ရာ သူတို့အားလုံးမှာ မိဘများကို တစာစာ ခေါ်ကာ ငိုယိုကုန်ကြပြီး အခြေအနေမှာ ဖရိုဖရဲ ဖြစ်သွားကြတော့သည်။</p> <p style="text-align:justify">ထို့နောက်တွင်တော့ တတိယထပ်နှင့် စတုတ္ထထပ်များဆီသို့ ဆက်လက် တက်သွားပြန်သည်။ ယဲ့ပုဖန်ကမူ စစ်ကြောရေးခန်းထဲတွင် ထိုင်လျက် အပေါ်ထပ်မှ အရာအားလုံးကို သူ၏ စိတ်ဝိညာဉ်အာရုံဖြင့် ဖြန့်ကျက် အကဲခတ်ကာ အရာအားလုံးအား စိတ်ဝင်တစား ကြည့်ရှုနေလေသည်။</p> <p style="text-align:justify">ယဲ့ထျန်းသည် အပေါ်ထပ်များသို့ ဆက်တိုက် တိုက်ခိုက် ထိုးဖောက်သွားပြီး သူ၏ တိုက်ကွက် တစ်ကွက်ကိုပင် မည်သူမျှ မခုခံနိုင်ခဲ့ကြချေ။ ကျောက်မင်းကျန်းသည် သူ၏ ရုံးခန်းထဲတွင် ထိုင်ကာ ဆွန်းချင်းယွမ်ထံမှ ရလဒ်များကို စောင့်ဆိုင်းနေစဉ် အပြင်ဘက်မှ ကြီးမားသော ဆူညံသံများကို ရုတ်တရက် ကြားလိုက်ရသည်။ </p> <p style="text-align:justify">"ဘာတွေ ဖြစ်ကုန်တာလဲ"</p> <p style="text-align:justify">သူက မျက်မှောင်ကြုတ်လိုက်၏။ အထူးရေးရာဗျူရို ဌာနချုပ်မှာ လာရောက် ပြဿနာရှာရဲမည့်သူ ရှိလိမ့်မည်ဟု သူ လုံးဝ ထင်မှတ်မထားခဲ့ပေ။</p> <p style="text-align:justify">ခဏအကြာတွင် ဆူညံပွက်လောရိုက်မှုများမှာ ထိန်းချုပ်နိုင်စွမ်း မရှိတော့ရုံသာမက ပိုမို၍ပင် ဆိုးရွားလာသဖြင့် သူ မတ်တပ်ရပ်လိုက်ကာ အပြင်ထွက်၍ စစ်ဆေးရန် ပြင်လိုက်သည်။ ထိုအခိုက်အတန့်မှာပင် အပြင်ဘက်မှ တံခါးကို ဝုန်းခနဲ ကန်ဖွင့်လိုက်ပြီး ယဲ့ထျန်း ပြေးဝင်လာတော့သည်။ </p> <p style="text-align:justify">သူသည် အထူးရေးရာဗျူရို၏ အကြီးအကဲချုပ် ဖြစ်သော်ငြား ယဲ့ပုဖန်က သူ့ကို လွှတ်ပေးရန် ရည်ရွယ်ချက် လုံးဝ မရှိခဲ့ချေ။</p> <p style="text-align:justify">"မင်းက ဘယ်သူလဲ... သေချင်နေတာလား"</p> <p style="text-align:justify">ကျောက်မင်းကျန်းက ဟိန်းဟောက်လိုက်ပြီးနောက် အားပါသော လက်သီးတစ်ချက်ဖြင့် ထိုးချလိုက်သည်။ </p> <p style="text-align:justify">ယဲ့ထျန်းသည် ရှောင်တိမ်းခြင်း အလျဉ်းမရှိဘဲ လက်သီးတစ်ချက် ပြန်လည် ထိုးနှက်လိုက်ရာ သူတို့ နှစ်ဦး၏ လက်သီးများမှာ ထိပ်တိုက် ရိုက်ခတ်သွားတော့သည်။ </p> <p style="text-align:justify">အာကာသအဆင့် သိုင်းပညာရှင် နှစ်ဦး၏ ထိပ်တိုက် ရင်ဆိုင်မှုက လေထုအတွင်း၌ ဧရာမ ချီစွမ်းအင် လှိုင်းတံပိုးကြီး တစ်ခုကို ချက်ချင်း ဖန်တီးလိုက်ပြီး အခန်းတွင်းရှိ အလှဆင် ပစ္စည်းများကို အပိုင်းပိုင်း အစစ ဖြစ်သွားစေခဲ့သည်။</p> <p style="text-align:justify">ထိုအထဲတွင် ကျောက်မင်းကျန်း စုဆောင်းထားသော တန်ဖိုးကြီး ရှေးဟောင်းပစ္စည်း အများအပြားလည်း ပါဝင်နေပြီး ၎င်းတို့မှာ ယခုအခါ မြေပြင်ပေါ်တွင် အပိုင်းအစများ အဖြစ်သို့ လုံးဝ ပြောင်းလဲသွားချေပြီ။</p> <p style="text-align:justify">သို့သော် ဤအခိုက်အတန့်တွင် ၎င်းတို့ကို သူ ဂရုမစိုက်နိုင်တော့ချေ။ ယဲ့ထျန်း၏ လက်သီးချက်ကြောင့် သူသည် ခုနစ်မီတာ၊ ရှစ်မီတာခန့် နောက်သို့ လွင့်စင်သွားပြီး စာအုပ်စင်တန်းများဆီသို့ ဝုန်းခနဲ ဝင်အောင်းသွားတော့သည်။ </p> <p style="text-align:justify">သူတို့ နှစ်ဦးစလုံးမှာ အာကာသ အလယ်အလတ်အဆင့် ဖြစ်ကြသော်လည်း ယဲ့ထျန်း၏ ရုပ်ခန္ဓာကိုယ်မှာ အလွန်တရာ အစွမ်းထက်လွန်းလှပြီး သူ ယှဉ်ပြိုင်နိုင်စွမ်း ရှိသည့် အတိုင်းအတာထက် လုံးဝ ကျော်လွန်နေပေသည်။</p> <p style="text-align:justify">တစ်ဖက်လူမှာ ဤမျှလောက် အစွမ်းထက်လိမ့်မည်ဟု မထင်မှတ်ထားခဲ့သဖြင့် ယခုအခါ ကျောက်မင်းကျန်းမှာ အလွန်အမင်း ထိတ်လန့်သွားတော့သည်။ </p> <p style="text-align:justify">"မင်းက ဘယ်သူလဲ... ဒီနေရာက ဘယ်နေရာလဲ ဆိုတာကို မင်း သိရဲ့လား..."</p> <p style="text-align:justify">သူက အထူးရေးရာဗျူရို၏ ဂုဏ်သိက္ခာကို အသုံးပြု၍ တစ်ဖက်လူအား ဖိအားပေးရန် မူလက ရည်ရွယ်ထားသော်လည်း ယဲ့ထျန်းက သူ့ကို စကားပြောရန် အခွင့်အရေး မပေးတော့ဘဲ ရှေ့သို့ ထပ်မံ ပြေးဝင်လာပြန်သည်။ </p> <p style="text-align:justify">ထို့နောက် ကျောက်မင်းကျန်းသည် သိုင်းကွက် သုံးကွက်မျှသာ တောင့်ခံနိုင်လိုက်ပြီး ယဲ့ထျန်း၏ လက်အောက်တွင် အရေးနိမ့်သွားတော့သည်။ </p> <p style="text-align:justify">သူ့ကို အံ့ဩဆုံးနှင့် အဒေါသထွက်ဆုံး ဖြစ်စေသည့် အရာမှာ တစ်ဖက်လူက အာကာသ အလယ်အလတ်အဆင့် သိုင်းပညာရှင် တစ်ဦး ဖြစ်နေသည်မှာ ရှင်းလင်းနေသော်လည်း လမ်းဘေးလူမိုက် တစ်ယောက်နှင့် မခြား တိုက်ခိုက်နေခြင်းပင် ဖြစ်သည်။ </p> <p style="text-align:justify">သူ့ကို မြေပြင်ပေါ်သို့ လဲကျသွားအောင် လုပ်ပြီးနောက် ယဲ့ထျန်းက သူ့အပေါ်သို့ ချက်ချင်း ခွထိုင်လိုက်သည်။ ထို့နောက် သူ၏ မျက်လုံး နှစ်ဖက်စလုံးကို ညိုမဲသွားအောင် အရင် လုပ်လိုက်ပြီးနောက် မျက်နှာတစ်ခုလုံး ပွန်းပဲ့ရောင်ရမ်းသွားသည်အထိ လက်သီးများဖြင့် ဆက်တိုက် ထိုးနှက်တော့သည်။</p> <p style="text-align:justify">"ခွေးကောင်... ငါ့ကို အခုချက်ချင်း လွှတ်စမ်း..."</p> <p style="text-align:justify">ကျောက်မင်းကျန်းမှာ ဒေါသကြောင့် မီးခိုးများပင် ထွက်လာမတတ် ဖြစ်နေသော်လည်း တစ်ဖက်လူ၏ ကျင့်ကြံမှုမှာ အလွန် အစွမ်းထက်လွန်းပြီး ခန္ဓာကိုယ်မှာလည်း သံမဏိကဲ့သို့ မာကျောနေသဖြင့် ပြန်လည် ခုခံရန် မဖြစ်နိုင်ချေ။</p> <p style="text-align:justify">ထို့နောက် ယဲ့ထျန်းသည် ကျောက်မင်းကျန်း တစ်သက်လုံး စိတ်ဒဏ်ရာ ရသွားစေမည့် အရာတစ်ခုကို ပြုလုပ်လိုက်သည်။ သူက လက်ဆန့်ထုတ်၍ ကျောက်မင်းကျန်း၏ ဆံပင်များကို ဖမ်းဆုပ်ကာ အနည်းငယ် ဆွဲငင်လိုက်ပြီးနောက် ဆံပင်အစုလိုက် အပုံလိုက်ကို ဆွဲနှုတ်ပစ်လိုက်တော့သည်။</p> <p style="text-align:justify">"အား..."</p> <p style="text-align:justify">ကျောက်မင်းကျန်းက စူးရှစွာ အော်ဟစ်လိုက်သည်။ သူ့အဖို့ ၎င်းလုပ်ရပ်မှာ စိတ်ပိုင်းဆိုင်ရာရော၊ ရုပ်ပိုင်းဆိုင်ရာပါ နှစ်ထပ်ကွမ်း ထိုးနှက်ခံလိုက်ရခြင်းပင် ဖြစ်၏။ </p> <p style="text-align:justify">အသက် ၈၀ ကျော်လာပြီးနောက် သူ၏ ခေါင်းပေါ်ရှိ ဆံပင်များမှာ အလွန်အမင်း တန်ဖိုး ကြီးလာခဲ့သည်။ သို့သော် ယခုအခါ အခြားလူတစ်ယောက်၏ အတင်းအကျပ် ဆွဲနှုတ်ခြင်းကို ခံလိုက်ရချေပြီ။</p> <p style="text-align:justify">ယဲ့ထျန်းက ဘာကိုမျှ ဂရုမစိုက်ဘဲ သူ၏ လက်များကို ဆက်တိုက် ဝှေ့ယမ်းလိုက်ရာ စက္ကန့်အနည်းငယ် အတွင်းမှာပင် ကျောက်မင်းကျန်း၏ ပါးလျနေသော ဆံပင်များ အားလုံး ပြောင်စင်သွားတော့၏။</p> <p style="text-align:justify">ယဲ့ပုဖန်၏ နှုတ်ခမ်းစွန်းများမှာ အပြုံးတစ်ခု အဖြစ်သို့ ကွေးတက်သွား၏။ ဒီအဘိုးကြီးက သူ့ကို ဒုက္ခပေးချင်နေမှတော့ ဒီလောက်တော့ နာကျင်မှုကို ခံစားသင့်တာပေါ့။</p> <p style="text-align:justify">ဤအရာအားလုံးကို ပြုလုပ်ပြီးနောက် ယဲ့ထျန်းသည် ကျောက်မင်းကျန်း၏ အဝတ်အစားများ အားလုံးကို ချွတ်ပစ်လိုက်ပြီး အဆောက်အအုံပေါ်မှနေ၍ အောက်သို့ ကန်ချလိုက်တော့သည်။</p> <p style="text-align:justify">၁၀ ထပ် အဆောက်အအုံသည် အလွန် မြင့်မားသော်လည်း ကျောက်မင်းကျန်းသည် အာကာသ အလယ်အလတ်အဆင့် သိုင်းပညာရှင် တစ်ဦး ဖြစ်ပေရာ အောက်သို့ ကျရောက်ချိန်တွင် ထိခိုက်ဒဏ်ရာ တစ်စုံတစ်ရာ မရရှိခဲ့ချေ။ သို့သော် သူ၏ လက်အောက်ငယ်သားများ အားလုံးရှေ့တွင် ကိုယ်တုံးလုံးကြီးဖြင့် ရပ်နေရခြင်းကတော့ လွန်စွာ အရှက်ရစရာ ကောင်းလွန်းလှပေသည်။ </p> <p style="text-align:justify">ဆွန်းချင်းယွမ်ကဲ့သို့ပင် သူသည်လည်း အမြန်အဆန် ပျောက်ကွယ်သွားပြီး အဝတ်အစားများ ရှာဖွေရန် သူ၏ အခန်းဆီသို့ ပြန်သွားရတော့သည်။</p> <p style="text-align:justify">အခန်းတွင်း၌ ယဲ့ထျန်းသည် လူတိုင်းကို ရှင်းလင်းပြီးသွားပြီ ဖြစ်ရာ အဆောက်အအုံ တစ်ခုလုံးတွင် မည်သူမျှ မရှိတော့ချေ။ ထို့နောက် သူ၏ အဆောက်အအုံကို ဖြိုချမည့် အစီအစဉ်ကို စတင်လိုက်တော့သည်။</p> <p style="text-align:justify">အဆင့်သုံး ရွှေအလောင်း တစ်ခု အနေဖြင့် ယဲ့ထျန်း၏ ရုပ်ပိုင်းဆိုင်ရာ ခွန်အားမှာ သာမန်လူများ စိတ်ကူးနိုင်သည့် အတိုင်းအတာထက် သာလွန်နေပေသည်။ လက်တစ်ချက် ဝှေ့ယမ်းလိုက်ရုံဖြင့် နံရံတစ်ခုကို ပြိုကျသွားစေနိုင်ပြီး ခြေကန်ချက် တစ်ချက်ဖြင့် အိမ်တစ်လုံးကို ပြိုကျသွားစေနိုင်သည်။ သူ့ကို လူပုံသဏ္ဍာန် တိုင်ရန်နိုဆောရပ်စ် ဒိုင်နိုဆောကြီး ဟု ခေါ်ဆိုလျှင်ပင် အနည်းငယ်မျှ ချဲ့ကား ပြောဆိုခြင်း မဟုတ်ပေ။</p> <p style="text-align:justify">ယဲ့ထျန်းက အဆောက်အအုံ ဖြိုချခြင်းကို ၁၀ ထပ်မြောက်မှ စတင်လိုက်ရာ အံ့မခန်း အမြန်နှုန်းဖြင့် စက္ကန့် ဆယ်ဂဏန်း အတွင်းမှာပင် အခွံသာသာ အဆောက်အအုံ အကြွင်းအကျန် တစ်ခုသာ ကျန်ရစ်တော့သည်။</p> <p style="text-align:justify">ထို့နောက် ကိုးထပ်၊ ရှစ်ထပ်၊ ခုနစ်ထပ်... ဆက်တိုက် ပြိုကျလာတော့သည်။</p> <p style="text-align:justify">အထူးရေးရာဗျူရိုမှ လူများ အားလုံးမှာ အဆောက်အအုံ၏ အပြင်ဘက်သို့ ဆုတ်ခွာသွားခဲ့ကြပြီး အနှီ မြင်ကွင်းကို မြင်သောအခါ လူတိုင်းမှာ ဇဝေဇဝါ ဖြစ်ကုန်ကြသည်။ </p> <p style="text-align:justify">ဘာတွေ ဖြစ်နေတာလဲ...။</p> <p style="text-align:justify">ဒီလူက ဘယ်က ရောက်လာတာလဲ ဆိုတာကို သူတို့ နားမလည်နိုင်ကြချေ။ ထို့အပြင် သူ၏ ရည်မှန်းချက်ကိုလည်း သူတို့ မခန့်မှန်းနိုင်ကြပေ။</p> <p style="text-align:justify">အကြောင်းမှာ ထိုလူသည် သူတို့အား တိုက်ခိုက်ခဲ့သော်ငြား မည်သူ့ကိုမျှ သေအောင် မသတ်ခဲ့သလို သေစေလောက်သည် အထိ ဒဏ်ရာမရစေခဲ့သောကြောင့်ပင်…။</p> <p style="text-align:justify">ရန်သူ မဟုတ်ဘူး ဆိုလျှင်လည်း သူက လူတိုင်းကို သင်ခန်းစာ ပေးထားပြီး ယခုတော့ သူတို့၏ ဌာနချုပ် အဆောက်အအုံကြီးကိုပါ ဖြိုချနေလေပြီ။ </p> <p style="text-align:justify">ဒါက ဘယ်လို စစ်ဆင်ရေးမျိုးလဲ။ ဒါက အာကာသအဆင့် သိုင်းပညာရှင် တစ်ယောက် လုပ်သင့်တဲ့ အလုပ်မျိုးလား။</p> <p style="text-align:justify">ယဲ့ပုဖန်ကမူ စစ်ကြောရေးခန်းထဲတွင် ထိုင်လျက် ကျေနပ်အားရစွာဖြင့် ကြည့်ရှုနေလေသည်။ ဤအရာအားလုံးမှာ ယဲ့ထျန်းကို လုပ်ဆောင်ရန် သူ ကိုယ်တိုင် ညွှန်ကြားထားခြင်း ဖြစ်ပေသည်။</p> <p style="text-align:justify">ကံကောင်းထောက်မစွာဖြင့် အဆောက်အအုံသည် သိပ်မမြင့်မားဘဲ ၁၀ ထပ်သာ ရှိပေသည်။ အကယ်၍ သူ၏ စိတ်ဝိညာဉ်အာရုံ အတိုင်းအတာထက် ကျော်လွန်နေပါက ယဲ့ထျန်းအား ဖြိုချခိုင်းရန် ခက်ခဲပေလိမ့်မည်။</p> <p style="text-align:justify">သူတို့က သူ့ကို ဤနေရာသို့ ဖမ်းဆီးခေါ်ဆောင်လာပြီ ဆိုမှတော့ အမှတ်တရ လက်ဆောင်လေး တစ်ခုတော့ ရသင့်တာပေါ့။</p> <p style="text-align:justify">မကြာမီ အဝတ်အစားများ လဲလှယ်ပြီးနောက် ပြန်ရောက်လာကြသော ကျောက်မင်းကျန်းနှင့် ဆွန်းချင်းယွမ်တို့သည် အကောင်းပကတိ ရှိနေသော အဆောက်အအုံကြီး၏ ထက်ဝက်ခန့်မှာ ဖြိုချခံလိုက်ရပြီ ဖြစ်ကြောင်း တွေ့လိုက်ရသောအခါ သူတို့၏ ရင်ထဲတွင် သွေးထွက်မတတ် နာကျင်သွားရတော့သည်။</p> <p style="text-align:justify">၎င်းမှာ မရေမတွက်နိုင်သော ငွေကြေးများ အကုန်အကျခံကာ မကြာသေးမီကမှ အသစ် တည်ဆောက်ပြီးစီးခဲ့သော ဌာနချုပ် အဆောက်အအုံကြီး ဖြစ်ပြီး ယခုတော့ ဤကဲ့သို့ ဖြိုချခံလိုက်ရချေပြီ။ </p> <p style="text-align:justify">သူတို့ရဲ့ အထက်လူကြီးတွေကို ဘယ်လို ရှင်းပြကြမလဲ။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save