Book List

<h2 style="text-align: center;">အခန်း - ၁၅၇၈</h2> <h2 style="text-align: center;">နတ်ဘုရားမလေးက သိပ်ကို အာဏာရှင်ဆန်လွန်းတယ်- ၂</h2> <h2 style="text-align: center;">*</h2> <p> </p> <p> </p> <p> </p> <p> </p> <p>သို့သော် ချင်တုန်ရွယ် အမေးကို သူ စိတ်ရှည်လက်ရှည် ရှင်းပြရန်သာ တတ်နိုင်လေသည်။<br /> "အန်တီလေး... စိတ်မပူပါနဲ့... အနည်းဆုံး အပူချိန် ဒီဂရီ နှစ်ထောင်လောက်ကို ခံနိုင်ရည်ရှိအောင် ဒီအခန်းထဲမှာ မီးခံဝင်္ကပါ တစ်ခု တည်ဆောက်ဖို့ လိုသေးတယ်လေ... ဒါပေမဲ့ အန်တီလေး ကိုယ်ပေါ်မှာတော့ သွားတည်ဆောက်လို့ မရဘူးလေ ဟုတ်တယ်မလား..."</p> <p>ချင်တုန်ရွယ်မှာ လင်းရန်၏ စကားကြောင့် ရယ်ချင်သွားပြီး မနေနိုင်ဘဲ သူ့ကို မျက်စောင်းထိုးလိုက်လေသည်။ "မင်းက အမြဲတမ်း မှန်နေတာပဲ..."</p> <p>တကယ်တမ်းတွင် ချင်တုန်ရွယ်သည် အလွန်တရာ ဆုံးဖြတ်ချက် ခိုင်မာသူ တစ်ဦး ဖြစ်လေသည်။ ပြီးခဲ့သည့် ခြောက်လအတွင်း သူမသည် လင်းရန်နှင့် သူမ၏ ဆက်ဆံရေးအပေါ် အပြည့်အဝ ဆုံးဖြတ်ချက်ချထားပြီးဖြစ်ရာ မည်သူ့ကြောင့်ဖြစ်စေ၊ မည်သည့်အရာကြောင့်ဖြစ်စေ ဤအရာက ဘယ်တော့မှ ပြောင်းလဲသွားမည် မဟုတ်ပါချေ။</p> <p>ထို့ကြောင့် လင်းရန်၏ ရှင်းပြချက်ကို ကြားပြီးနောက် သူမ ရှက်ရွံ့နေသော်လည်း နောက်ဆုံးတွင် သဘောတူလိုက်ခြင်း ဖြစ်ပေသည်။</p> <p>ထိုသို့မဟုတ်ပါက လင်းရန် ဤအိပ်ခန်းထဲသို့ ဝင်ရောက်နိုင်ရန် မဆိုထားနှင့်၊ ပြဿနာများအကြောင်း သူ စပြောသည့် အချိန်ကတည်းက ချင်တုန်ရွယ်သည် သူ့သစ္စာခံ ရန်သူတော်ကြီး ဖြစ်သွားမည်မှာ သေချာလွန်းပေသည်။</p> <p>မယုံလျှင် အခြားသူတစ်ယောက်ယောက်နှင့် စမ်းကြည့်နိုင်သည်။</p> <p>ချင်တုန်ရွယ်က သူမ၏ အသက်ကို စတေးရမည် ဆိုလျှင်ပင် သူ့ကို သတ်ပစ်မည်မှာ သေချာလှ၏။</p> <p>လင်းရန်က ဝိညာဉ်ကျောက်တုံး အများအပြားကို ထုတ်ယူကာ အခန်းထဲတွင် မီးထိန်းချုပ်ရေး ဝင်္ကပါ တစ်ခု တည်ဆောက်နေသည်ကို ကြည့်ရင်း ချင်တုန်ရွယ်သည် သူ တည်ဆောက်ပြီးသည်နှင့် ရှက်ရွံ့စွာဖြင့် ကုတင်ပေါ်သို့ တက်ကာ တင်ပျဉ်ခွေ ထိုင်လိုက်လေသည်။</p> <p>"စကြရအောင်..."</p> <p>လင်းရန်က သေချာပေါက် တုံ့ဆိုင်းနေမည် မဟုတ်ပါချေ။ သူသည်လည်း ကုတင်ပေါ်သို့ ပျံတက်သွားပြီး ချင်တုန်ရွယ်၏ အနောက်သို့ ရောက်ရှိသွားခဲ့၏။ တင်ပျဉ်ခွေ ထိုင်ပြီးနောက် သူက စိတ်ကို စုစည်းကာ တည်ငြိမ်စွာ ပြောလိုက်လေသည်။<br /> "အန်တီလေး... ဒါက အန်တီလေး ဒဏ်ရာတွေကို ကုသဖို့ အခွင့်အရေး တစ်ခုဖြစ်သလို အန်တီလေး အဆင့်တက်ပြီး ပြန်လည် တည်ဆောက်ဖို့ အကောင်းဆုံး အခွင့်အရေးလည်း ဖြစ်တယ်... အခုကစပြီး အဲဒီ ရှုပ်ထွေးတဲ့ အတွေးတွေကို မတွေးပါနဲ့တော့... ကျင့်ကြံဖို့ကိုပဲ အာရုံစိုက်ထားရမယ်..."</p> <p>"ကောင်လေးရယ်... စိတ်ချပါ..."</p> <p>ချင်တုန်ရွယ်က လင်းရန်ကို ခေါ်ဝေါ်သည့် အသုံးအနှုန်းကို ရုတ်တရက် ပြောင်းလဲလိုက်ပြီး "ကောင်စုတ်လေး"မှ "ကောင်လေး" ဟု ပြောင်းခေါ်လိုက်လေသည်။</p> <p>လင်းရန် အဓိပ္ပာယ်ပါပါ ခေါင်းညိတ်လိုက်၏။</p> <p>ဘုန်း...</p> <p>အစကတည်းကပင် လင်းရန်သည် ယင်-ယန် ဒြပ်စင်ငါးပါး မီးတောက်ကို ထုတ်လွှတ်လိုက်ပြီး အရောင်ခုနစ်မျိုး မီးတောက်များကို မီတာနှစ်ဝက်ခန့် အကျယ်အဝန်းအဖြစ် ပြောင်းလဲကာ သူတို့နှစ်ဦးကို လွှမ်းခြုံထားလိုက်လေသည်။ ယင်းက တောက်လောင်နေသော မီးတောက်ကြီးတစ်ခုနှင့် တူသော်လည်း အပူချိန်မှာ မမြင့်မားပါချေ။ နွေးထွေးပြီး သက်တောင့်သက်သာ ရှိလှ၏။ ချင်တုန်ရွယ်မှာ အတွင်း၌ ရှိနေစဉ် တစ်ကိုယ်လုံး နွေးထွေးကာ အလွန်တရာ သက်တောင့်သက်သာ ရှိလှကြောင်း ခံစားလိုက်ရလေသည်။</p> <p>ယင်-ယန် ဒြပ်စင်ငါးပါး မီးတောက်ကို တတ်မြောက်ပြီးသည်နှင့် ၎င်း၏ အသုံးပြုမှုများမှာ လုံးဝကို အံ့မခန်း ဖြစ်လှပေသည်။ ၎င်း၏ အခြေခံအကျဆုံး အသုံးပြုမှုတစ်ခုမှာ လူ့ခန္ဓာကိုယ်ကို သန့်စင်ရန်နှင့် မမြင်နိုင်သော ဒန်တျန် သွေးကြောများနှင့် အစစ်အမှန်ချီ များကို သန့်စင်ရန်ပင်။</p> <p>ချင်တုန်ရွယ် သူမ၏ အတွင်းအားများကို ဖျက်ဆီးပစ်ပြီးနောက် ကျန်ရှိနေသော ဖရိုဖရဲ အစစ်အမှန်ချီ များကို ဖယ်ရှားရန်နှင့် နောင်တွင် ပြဿနာများ မဖြစ်ပေါ်စေရန်အတွက် လင်းရန်က ဤသို့ လုပ်ဆောင်ခြင်းဖြင့် သူမ၏ ခန္ဓာကိုယ်ကို သေချာစွာ သန့်စင်ပေးလိုက်ခြင်း ဖြစ်ပေသည်။</p> <p>ပထမအဆင့်မှာ ကျန်ရှိနေသော အညစ်အကြေးများကို ဖယ်ရှားရန်ဖြစ်ပြီး ဒုတိယအဆင့်မှာ ချင်တုန်ရွယ်၏ သွေးကြောများနှင့် ရိုးတွင်းခြင်ဆီများကို တစ်ဖန် ပြန်လည် သန့်စင်ပေးရန် ဖြစ်လေသည်။ လင်းရန်က ယင်-ယန် ဒြပ်စင်ငါးပါး မီးတောက်ကို အသုံးပြု၍ အဆင့်နှစ်ဆင့်စလုံးကို ပြီးမြောက်အောင် လုပ်ဆောင်ခဲ့ရာ နာရီဝက်ခန့်သာ ကြာမြင့်ခဲ့၏။</p> <p>"အန်တီလေး... အခု ကျုပ် အန်တီလေးရဲ့ ဒန်တျန်နဲ့ သွေးကြောတွေကို ပြန်ဆက်ပေးတော့မယ်..."</p> <p><br /> ဘုန်း...</p> <p>အရေးကြီးသော အချိန်ရောက်လာပြီ ဖြစ်လေသည်။ လင်းရန်သည် သူ့နတ်ဘုရားအဆီအနှစ် အစက် ၁,၈၀၀ကို တိုက်ရိုက် လောင်ကျွမ်းလိုက်ပြီး သူ့အမြင့်မားဆုံး စွမ်းအားကို အသုံးပြုကာ သူ့မိုးကြိုးကန်ကို ဖွင့်လှစ်လိုက်လေသည်။ တစ်ချိန်တည်းမှာပင် သူက မိုးကြိုးကန် ထဲရှိ သတ္တုဒြပ်စင် ကပ်ဘေးမိုးကြိုး စွမ်းအင်များကို ချင်တုန်ရွယ်၏ ခန္ဓာကိုယ်ထဲသို့ အဆက်မပြတ် ပို့လွှတ်လိုက်တော့သည်။</p> <p>ဤသည်မှာ လောကတွင် အသန့်စင်ဆုံးသော ဒြပ်စင်ငါးပါး ကပ်ဘေးမိုးကြိုး စွမ်းအင် ဖြစ်ပြီး ၎င်း၏ အကျိုးသက်ရောက်မှုမှာ အင်မော်တယ်စိတ်ဝိညာဥ်ချီနှင့် မည်သို့မျှ မကွာခြားပါချေ။ ထို့ကြောင့် လင်းရန်သည် ဤတစ်ကြိမ်တွင် မည်သည့် အင်မော်တယ်စိတ်ဝိညာဥ်ချီ ကိုမျှ အသုံးမပြုခဲ့ခြင်း ဖြစ်ပေသည်။</p> <p>"အန်တီလေး... အခု အန်တီလေး ရွှေအင်ပါယာ နဂါးရူးရိုက်ချက် ကျင့်စဉ်ကို အပြည့်အဝ စတင် လည်ပတ်သင့်ပြီ..."</p> <p>လင်းရန်၏ ညွှန်ကြားချက်များအတိုင်း ချင်တုန်ရွယ်သည် ရွှေအင်ပါယာ နဂါးရူးရိုက်ချက်ကို ချက်ချင်း စတင် ကျင့်ကြံလိုက်လေသည်။ သူမ လည်ပတ်လိုက်သည်နှင့် သန့်စင်သော သတ္တုဒြပ်စင် စွမ်းအင်များ သူမ၏ ဒန်တျန် သွေးကြောများထဲတွင် ပြည့်နှက်နေကြောင်း ခံစားလိုက်ရပြီး သူမက အားစိုက်ထုတ်စရာ မလိုဘဲ အလွယ်တကူ ထိန်းချုပ်နိုင်ခဲ့၏။</p> <p>လင်းရန်၏ အကူအညီဖြင့် ကောင်းကင်စက်ဝန်း တစ်ပတ် အပြည့်အဝ လည်ပတ်ပြီးနောက် ချင်တုန်ရွယ်သည် စွမ်းအင်များကို သူမ၏ ဒန်တျန် သွေးကြောများအတွင်း ပုံမှန် လည်ပတ်စေရန် ထိန်းချုပ်နိုင်သွားခဲ့လေသည်။</p> <p>ယင်းက ထိုကြီးမားလှသော သတ္တုဒြပ်စင် စွမ်းအင်များအားလုံးမှာ ယခုအခါ ချင်တုန်ရွယ် ပိုင်ဆိုင်သွားပြီ ဖြစ်ကြောင်း အဓိပ္ပာယ်ရပေသည်။</p> <p>သို့သော် လင်းရန်က စိတ်ပူနေဆဲဖြစ်သဖြင့် ချင်တုန်ရွယ်အား ကြီးမြတ်သော ကောင်းကင်စက်ဝန်း နောက်ထပ် ဆယ့်နှစ်ကြိမ် လည်ပတ်စေခဲ့ပြီး သူမ ရွှေအင်ပါယာ နဂါးရူးရိုက်ချက် ကျင့်စဉ်ကို အသုံးပြုကာ သတ္တုဒြပ်စင် စွမ်းအင်များကို သူမအလိုကျ ထိန်းချုပ်နိုင်သည့်တိုင်အောင် စောင့်ဆိုင်းခဲ့သည်။ ထို့နောက်မှသာ သူမကို ယာယီ ရပ်တန့်ခိုင်းလိုက်၏။</p> <p>"အခု သွေးဧကရာဇ် မီးဖီးနစ် အသွင်ပြောင်းခြင်းကို ကျင့်ကြံလိုက်တော့..."</p> <p>ဘုန်း...</p> <p>လင်းရန်က သတ္တုဒြပ်စင် စွမ်းအင်များ ပို့လွှတ်ခြင်းကို ရပ်တန့်လိုက်ပြီး ချင်တုန်ရွယ်၏ ခန္ဓာကိုယ်ထဲသို့ မီးဒြပ်စင် ကပ်ဘေးမိုးကြိုး စွမ်းအင် များ စတင် ပို့လွှတ်ရန် သူ့နတ်ဘုရားအဆီအနှစ် များကို ချက်ချင်း လောင်ကျွမ်းလိုက်ပြန်သည်။</p> <p>မီးဒြပ်စင် စွမ်းအင်များ ထွက်ပေါ်လာသည်နှင့် တပြိုင်နက် အခန်းထဲရှိ အပူချိန်မှာ မျက်စိတစ်မှိတ်အတွင်းမှာပင် ရုတ်တရက် မြင့်တက်လာခဲ့ပြီး ဒီဂရီ စင်တီဂရိတ် ၁,၀၀၀ နီးပါးခန့် မြင့်မားသော အပူချိန်သို့ ရောက်ရှိသွားခဲ့တော့၏။</p> <p>ထိုကဲ့သို့ ကြောက်မက်ဖွယ်ကောင်းသော အပူချိန်များမှာ လင်းရန်သာ မရှိပါက ချင်တုန်ရွယ် အတွက် ခံနိုင်ရည်ရှိမည် မဟုတ်ပါချေ။ သို့သော် လင်းရန်က သူ့နတ်ဘုရားအဆီအနှစ် များကို လောင်ကျွမ်းပြီး ဘာလုပ်နေသနည်း။ သေချာပေါက် သူမ၏ ခန္ဓာကိုယ်ကို ကာကွယ်ပေးနေခြင်းပင်။</p> <p>သို့သော် သူမ၏ ခန္ဓာကိုယ်ကို ကာကွယ်ထားသော်လည်း လင်းရန် ပြောခဲ့သည့်အတိုင်းပင် ချင်တုန်ရွယ်၏ အဝတ်အစားများအားလုံးမှာ မျက်စိတစ်မှိတ်အတွင်းမှာပင် ပျောက်ကွယ်သွားခဲ့ပြီး လင်းရန်၏ မျက်စိရှေ့တွင် ပြီးပြည့်စုံသော နတ်ဘုရားမ ခန္ဓာကိုယ်တစ်ခု ရုတ်တရက် ပေါ်လာခဲ့တော့၏။</p> <p>တစ်ချက်... တစ်ချက်တည်းသာ ကြည့်လိုက်ရုံပင်။</p> <p>လင်းရန်မှာ သူ့ကိုယ်သူ ထိန်းချုပ်နိုင်စွမ်းပင် ဆုံးရှုံးလုမတတ် ဖြစ်သွားရလေသည်။ ချင်တုန်ရွယ်၏ နူးညံ့သိမ်မွေ့သော ခန္ဓာကိုယ်လေးမှာ သလင်းကျောက်ကဲ့သို့ ဖြူဖွေးနေပြီး သေးသွယ်ကာ ကောက်ကြောင်းများ ပေါ်လွင်နေ၏။ သူမ၏ ခန္ဓာကိုယ် အချိုးအစားမှာ သိပ်ကို လှပလွန်းလှပေသည်။</p> <p>ထို့အပြင် သူ့လက်များမှာ ယခုအခါ ချင်တုန်ရွယ်၏ ကျောပြင်ပေါ်တွင် တင်းကြပ်စွာ ဖိကပ်ထားရာ ချောမွေ့ပြီး အထိအတွေ့မှာလည်း အလွန် ကောင်းမွန်လှသဖြင့် စိတ်မလှုပ်ရှားဘဲ နေရန်မှာ ခက်ခဲလှပေသည်။</p> <p>"မင်း ကြည့်ချင်သလောက် ကြည့်နိုင်ပါတယ်... ပြီးတော့ နောင်မှာလည်း မင်း ကြည့်ချင်သလောက် ကြည့်လို့ ရတယ်... ဒါပေမဲ့ အခုကစပြီး မင်းက ငါ့ကို တာဝန်ယူရမယ်နော်..."</p> <p>ဤအခိုက်အတန့်တွင် ချင်တုန်ရွယ်က အလွန်တရာ တည်ငြိမ်နေခဲ့ပေသည်။ သူမ၏ မျက်နှာပေါ်တွင် ထူးဆန်းသော အပြုံးတစ်ခု ပေါ်လာပြီး အပြင်းအထန် ကျင့်ကြံနေသည့်ကြားမှပင် ဤစကားများကို ပြောလိုက်ခြင်း ဖြစ်လေသည်။</p> <p>"နားလည်ပါပြီ..."</p> <p>လင်းရန် အရူး မဟုတ်ပါချေ။</p> <p>သို့သော် ယခုအချိန်က အခြား အကြောင်းအရာများကို တွေးတောနေရန် အချိန်မဟုတ်ပါချေ။ ဤသည်မှာ အရေးကြီးသော အချိန်ဖြစ်ရာ သူတို့နှစ်ဦးစလုံး ပေါ့ဆရန် မဝံ့မရဲ ဖြစ်နေကြပြီး ချင်တုန်ရွယ် သည်လည်း သူမ၏ အားအင်အားလုံးကို ထုတ်သုံးနေခဲ့လေသည်။</p> <p>အချိန်များ ဖြည်းညှင်းစွာ ကုန်လွန်သွားပြီး နောက်ထပ် ဆယ့်နှစ်ကြိမ် လည်ပတ်မှု ပြီးဆုံးသွားခဲ့၏။ ယခင်ကဲ့သို့ပင် ချင်တုန်ရွယ်သည် သွေးဧကရာဇ် မီးဖီးနစ် အသွင်ပြောင်းခြင်း ကျင့်စဉ်ကို အသုံးပြုကာ သူမ၏ ခန္ဓာကိုယ်ထဲရှိ မီးဒြပ်စင် စွမ်းအင်များကို အပြည့်အဝ ထိန်းချုပ်နိုင်သွားသည်။</p> <p>ယခု ချင်တုန်ရွယ်၏ ရှေးဟောင်း သိုင်းပညာ အဆင့်အကြောင်း ပြောရမည်ဆိုလျှင် သူမသည် နတ်ဘုရားစွမ်းအား အဆင့်ရှစ် အထွတ်အထိပ်သို့ ရောက်ရှိနေပြီဖြစ်ပြီး ယခင်ကထက် များစွာ သာလွန်နေပြီ ဖြစ်ချေသည်။</p> <p>"ကျင့်စဉ် နှစ်ခုကို တစ်ပြိုင်နက်တည်း အသက်သွင်းပြီး မျက်ခုံးနှစ်ခုကြားက ရွှမ်ဂွမ် အမှတ်ကို အပြည့်အဝ တိုက်ခိုက်လိုက်တော့..."</p> <p>လင်းရန်က အချိန်တန်ပြီဟု ခံစားလိုက်ရသဖြင့် ချင်တုန်ရွယ်အား အတားအဆီးကို ချိုးဖြတ်ရန် အားကုန်သုံးဖို့ ချက်ချင်း အမိန့်ပေးလိုက်လေသည်။</p> <p>ဘုန်း...</p> <p>ချင်တုန်ရွယ်၏ မျက်ခုံးကြားမှာ မျက်စိတစ်မှိတ်အတွင်းမှာပင် ပွင့်သွားခဲ့ပြီး သူမသည် အစစ်အမှန် နတ်ဘုရားအာရုံကို ချက်ချင်း ရရှိသွားခဲ့တော့၏။</p> <p>ဘုန်း... ဘုန်း... ဘုန်း...</p> <p>ချီသန့်စင်ခြင်း အဆင့်တစ်... ချီသန့်စင်ခြင်း အဆင့်နှစ်... ချီသန့်စင်ခြင်း အဆင့်သုံး...</p> <p>ချီသန့်စင်ခြင်း အဆင့်သုံး အထွတ်အထိပ်။</p> <p>"ရပ်တော့..."</p> <p>ချင်တုန်ရွယ် ချီသန့်စင်ခြင်း အဆင့်သုံး အထွတ်အထိပ်သို့ ချိုးဖြတ်ဝင်ရောက်သွားပြီးနောက် လင်းရန်က သူမကို ထပ်မံ အဆင့်မတက်နိုင်တော့ကြောင်း၊ ထိုသို့မဟုတ်ပါက ကောင်းကင် ကပ်ဘေးက သူမထံ ကျရောက်လာမည်ဖြစ်ကြောင်း ပြောကာ အလျင်အမြန် ရပ်တန့်ခိုင်းလိုက်လေသည်။</p> <p>"အန်တီလေး... အန်တီလေးသာ ထပ်အဆင့်တက်မယ်ဆိုရင် ကပ်ဘေးကို တိုက်ရိုက် ဖြတ်ကျော်ရလိမ့်မယ်... ကပ်ဘေး မဖြတ်ခင် အန်တီလေးရဲ့ ကျင့်ကြံဆင့် အသစ်နဲ့ သေချာ အသားကျအောင် အချိန်ယူသင့်တယ်လို့ ကျွန်တော် ထင်တယ်..."</p> <p>ချင်တုန်ရွယ် အတွက် အဆင့်တက်ခြင်း ပြီးဆုံးသွားပြီဖြစ်ပြီး အရေးအကြီးဆုံး အချိန်ကို ဖြတ်ကျော်သွားခဲ့ပြီ ဖြစ်လေသည်။ ယခု သူတို့နှစ်ဦးမှာ သက်တောင့်သက်သာ စကားပြောဆိုနိုင်ပြီ ဖြစ်ချေသည်။</p> <p>ဝှစ်...</p> <p>ချင်တုန်ရွယ်မှာ တင်ပျဉ်ခွေ ထိုင်နေဆဲဖြစ်သော်လည်း ရုတ်တရက် လှည့်လိုက်ရာ လင်းရန်နှင့် မျက်နှာချင်းဆိုင် ဖြစ်သွားတော့၏။</p> <p>ပြီးခဲ့သည့် နာရီအနည်းငယ်အတွင်း ချင်တုန်ရွယ်သည် လင်းရန်၏ နတ်ဘုရားအာရုံ အောက်တွင် ရှိနေခဲ့သော်လည်း လင်းရန်ကို ကျောခိုင်းထားခြင်းနှင့် မျက်နှာချင်းဆိုင် ဖြစ်နေခြင်းမှာ လုံးဝကို မတူညီသော အရာနှစ်ခု ဖြစ်လေသည်။</p> <p>"ငါ့ကို 'အန်တီလေး' လို့ ခေါ်တုန်းပဲလား..."</p> <p>အရောင်ခုနစ်မျိုး မီးတောက်များကြားတွင် ချင်တုန်ရွယ်က တင်ပျဉ်ခွေ ထိုင်နေပြီး သူမ၏ အလှတရားမှာ ရင်သပ်ရှုမောဖွယ် ကောင်းလှပေသည်။ မီးနတ်ဘုရားမ တစ်ပါးကဲ့သို့ သူမက လင်းရန်ကို တိုက်ရိုက် စူးစိုက်ကြည့်နေပြီး သူမ၏ လှပသော မျက်လုံးများက မျက်တောင်မခတ်ဘဲ မျက်နှာပေါ်တွင်လည်း ညင်သာသော အပြုံးတစ်ခု ရှိနေခဲ့၏။</p> <p>"အခုကစပြီး မင်း ငါ့ကို 'အန်တီလေး' လို့ ထပ်ခေါ်ရဲခေါ်ကြည့်... မင်း ခြေထောက်တွေကို ငါ ချိုးပစ်မယ်..."</p> <p>ချင်တုန်ရွယ်မှာ သိပ်ကို အာဏာရှင်ဆန်လွန်းလှပေသည်။</p> <p>အခန်း ၁၅၇၈ ပြီး</p> <p> </p>


Save