Book List

<h2 style="text-align: center;">အခန်း(၂၅၀၁)</h2> <h2 style="text-align: center;">*</h2> <p style="text-align:center"> </p> <p> </p> <p>ကျန်းချန်နှင့် ရှဖေးတို့ စကားပြောနေစဥ်အတွင်း ကောင်းကင်ယံရှိ ရထားလုံးသည် စိမ်းလန်းသောမြစ်မြို့၏ ဗဟိုဆီသို့ လျင်မြန်စွာ ပျံသန်းသွားခဲ့သည်။</p> <p> </p> <p> </p> <p>“ညီနောင်ကျန်းချန် ခရီးလမ်းတစ်လျှောက် စောင့်‌ရှောက်ပေးခဲ့တဲ့အတွက် ကျေးဇူးတင်ပါတယ်.. အခု စိမ်းလန်းသောမြစ်မြို့မှာ လူတွေနဲ့ ပြည့်နှက်နေတဲ့ အတွက် တည်းခိုဖို့ နေရာရှာရတာ လွယ်ကူမှာ မဟုတ်ဘူး.. ညီနောင်ကျန်းချန် အနှောင့်အယှက်မဖြစ်ဘူးဆိုရင် ငါနဲ့အတူ စိမ်းလန်းသောမြစ် ကုန်သွယ်ရေးအဖွဲ့ဆီ လိုက်ခဲ့ပါလား.. ငါ့ရဲ့အိမ်မှာ တည်းခိုနိုင်တာပေါ့.. ညီနောင်ကျန်းချန် လေလံပွဲကို တက်ရောက်ဖို့ အတွက် လေလံပွဲရဲ့ အထူးဧည့်သည်တော် ဖိတ်စာတစ်စောင်ကိုလည်း ငါစီစဥ်ပေးပါ့မယ်”</p> <p> </p> <p> </p> <p>ရှဖေးက ကျန်းချန်ကို ပြုံး၍ ပြောလိုက်သည်။</p> <p> </p> <p> </p> <p>“ကြီးကြပ်ရေးမှုးရှကို အလုပ်ရှုပ်သွားစေမိပြီ”</p> <p> </p> <p> </p> <p>ကျန်းချန်က ရှဖေး၏ စေတနာကို မငြင်းပယ်ခဲ့ပေ။</p> <p> </p> <p> </p> <p>သူက စိမ်းလန်းသောမြစ်မြို့သို့ ယခုမှ ရောက်ရှိလာသူ ဖြစ်၍ မြို့နှင့် ရင်းနှီးမှုမရှိပေ။</p> <p> </p> <p> </p> <p>စိမ်းလန်းသောမြစ် ကုန်သွယ်ရေး အဖွဲ့အစည်းရှိ ရှဖေး၏ နေအိမ်တွင် တည်းခိုပြီး လေလံပွဲကို တိတ်တဆိတ် စောင့်ဆိုင်းခြင်းသည် ပို၍ အဆင်ပြေလိမ့်မည် ဖြစ်၏။</p> <p> </p> <p> </p> <p>စိမ်းလန်းသောမြစ် မြို့အတွင်း၌ နာရီဝက်ခန့် လမ်းလျှောက်ပြီးနောက်တွင် သူတို့အဖွဲ့သည် မြို့လယ်ရှိ မြင့်မားသော အဆောက်အဦးတစ်ခု ရှေ့သို့ အဆုံးသတ်တွင် ရောက်ရှိလာခဲ့သည်။</p> <p> </p> <p> </p> <p>ထိုအဆောက်အဦး၏ တံခါးဝအထက်တွင် မည်သည့် ပစ္စည်းဖြင့် ပြုလုပ်ထားမှန်း မသိရသော ရွှေရောင်ဆိုင်းဘုတ် ပေါ်၌ နဂါးနှင့် ဖီးနစ်များ ကူးခတ်နေသကဲ့သို့ လက်ရေးဖြင့် စိမ်းလန်းသောမြစ် ကုန်သွယ်ရေးအဖွဲ့ဟု ရေးထိုးထားသည်။</p> <p> </p> <p> </p> <p>စိမ်းလန်းသောမြစ် ကုန်သွယ်ရေးအဖွဲ့ အတွင်းသို့ ဝင်ရောက်ပြီးနောက်တွင် ရှဖေးသည် ကိုင်တွယ်ဖြေရှင်းစရာ ကိစ္စရပ်များ ကျန်ရှိနေသဖြင့် သူ၏ လူယုံတစ်ဦးကို ကျန်းချန်တို့ နှစ်ဦးအား သူ၏ နေအိမ်သို့ အရင်ခေါ်သွားရန် အမိန့်ပေးလိုက်သည်။</p> <p> </p> <p> </p> <p>မကြာမီမှာပင် ရှဖေး၏ လူယုံ ဦးဆောင်မှုဖြင့် ကျန်းချန်တို့ နှစ်ဦးသည် စိမ်းလန်းသောမြစ် ကုန်သွယ်ရေးအဖွဲ့၏ ခြံဝန်းတစ်ခုအတွင်း အခြေချနိုင်ခဲ့၏။</p> <p> </p> <p> </p> <p>“သခင်ကြီး.. ကပ်ဘေးဆေးလုံးက အင်အားကြီးမားတဲ့ ကျင့်ကြံသူ အများအပြားကို ဆွဲဆောင်နိုင်ခဲ့တဲ့ပုံပဲ.. ကျွန်‌တော်တို့ရဲ့ ငွေကြေးအင်အားနဲ့ဆိုရင် ကပ်ဘေးဆေးလုံးကို ရဖို့ မလွယ်ကူလောက်ဘူး ထင်တယ်”</p> <p> </p> <p> </p> <p>ရွှယ်ချန်ကျဲက သူ့ရှေ့ရှိ ကျန်းချန်ကို ကြည့်ကာ လေးနက်သော လေသံဖြင့် ပြောလိုက်သည်။</p> <p> </p> <p> </p> <p>“ကိစ္စမရှိပါဘူး.. ငွေကြေးအင်အားတတ်နိုင်ရုံတောင် ကပ်ဘေးဆေးလုံးကို တိုက်ရိုက်ဝယ်ယူဖို့ အစီအစဥ်မရှိဘူး”</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ ပြောလိုက်သည်။</p> <p> </p> <p> </p> <p>ကပ်ဘေးဆေးလုံး၏ ဆွဲဆောင်မှုသည် အလွန်ပင် ကြီးမား၏။</p> <p> </p> <p> </p> <p>ထို့ကြောင့် ကပ်ဘေးဆေးလုံးကို‌ လေလံအောင်သည့် မည်သူမဆို လူအများ၏ ပစ်မှတ် ဖြစ်လာပေလိမ့်မည်။</p> <p> </p> <p> </p> <p>ကပ်ဘေးဆေးလုံးကို ယူပြီး ဘေးကင်းကင်းနှင့် ထွက်သွားရန်မှာ မည်သို့မှ မလွယ်ကူနိုင်ပေ။</p> <p> </p> <p> </p> <p>ဆိုရလျှင် ကပ်ဘေးဆေးလုံး ဆိုသည်မှာ ကောင်းကင်ကိုပင် ဆန့်ကျင်နေသော ဒဏ္ဍာရီလာဆေးလုံး ဖြစ်၏။</p> <p> </p> <p> </p> <p>ထို့ကြောင့် ယခုတစ်ကြိမ်တွင် စိမ်းလန်းသောမြစ် ကုန်သွယ်ရေး အဖွဲ့အစည်းသည် လေလံပွဲတွင် မိုးထိအောင်မြင့်မားသော စျေးနှုန်းဖြင့် ရောင်းချမည်မှာ သေချာသလောက်ပင်။</p> <p> </p> <p> </p> <p>သူ့အနေဖြင့် အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်အားစုများနှင့် ယှဥ်ပြိုင်၍ ကပ်ဘေးဆေးလုံးကို လေလံဆွဲရန် ငွေကြေးအင်အား မရှိပေ။</p> <p> </p> <p> </p> <p>ထို့အပြင် လေလံပွဲသည် ကပ်ဘေးဆေးလုံး အတွက် တိုက်ပွဲအစသာ ဖြစ်နိုင်မှန်း ကျန်းချန် ကောင်းစွာ သိထားခဲ့သည်။</p> <p> </p> <p> </p> <p>ဆေးလုံးကို မည်သူက လေလံအောင်သည်ဖြစ်စေ၊ အခြားသူများသည် ထိုသူကို လွယ်လွယ်ကူကူ ထွက်သွားခွင့်ပေးမည် မဟုတ်ချေ။</p> <p> </p> <p> </p> <p>အချိန်ကျလာလျှင် သူက အမှောင်ထဲတွင် ပုန်းအောင်းနေပြီး ရေနောက်မှ ငါးရှာသကဲ့သို့ ကပ်ဘေးဆေးလုံးကို လက်ထဲရောက်အောင် ယူရန် ဆုံးဖြတ်ထားခဲ့သည်။</p> <p> </p> <p> </p> <p>ကျန်းချန်၏ စကားကို ကြားလျှင် ရွှယ်ချန်ကျဲသည် ထိုကိစ္စနှင့် ပတ်သက်၍ သိပ်မပြောတော့ပေ။</p> <p> </p> <p> </p> <p>“သခင်ကြီး.. သွေးနတ်ဆိုးဂိုဏ်းက ရွှယ်ဝူရှကလည်း စိမ်းလန်းသောမြစ်မြို့ကို ရောက်နေလောက်ပြီ.. သူတို့ရဲ့ အခြေအနေကို ကျွန်တော် သွားစုံစမ်းလိုက်ရမလား”</p> <p> </p> <p> </p> <p>ကျန်းချန်က ခေါင်းခါရမ်းကာ ပြောလိုက်သည်။</p> <p> </p> <p> </p> <p>“မလိုပါဘူး.. လေလံပွဲကျင်းပတဲ့ အချိန်ကျရင် သူတို့ ပေါ်ထွက်လာပါလိမ့်မယ်”</p> <p> </p> <p> </p> <p>ယခုခရီးစဥ်တွင် သူက ရွှယ်ဝူရှကို လုပ်ကြံရန်လာခြင်း မဟုတ်သဖြင့် ရွှယ်ဝူရှတို့ လူစု၏ သွားလာ လှုပ်ရှားမှုများကို ဂရုစိုက်နေရန် မလိုအပ်ပေ။</p> <p> </p> <p> </p> <p>အကယ်၍ ရွှယ်ချန်ကျဲက အခြေအနေ သွားစုံစမ်းရင်း ရွှယ်ဝူရှက သူ မည်သူမည်ဝါ ဖြစ်မှန်း သိသွားခဲ့လျှင် မလိုလားအပ်သော ပြဿနာများ ဖြစ်လာနိုင်ပေသည်။</p> <p> </p> <p> </p> <p>ရွှယ်ချန်ကျဲသည် အရှိန်အဝါကို ဖုံးကွယ်ထားပြီး ရုပ်ဖျက်ထားသော်လည်း သွေးနတ်ဆိုးဂိုဏ်း၏ မျက်လုံးများကိုမူ ဖုံးကွယ်နိုင်မည် မဟုတ်ပေ။</p> <p> </p> <p> </p> <p>ဆိုရလျှင် ပြီးခဲ့သည့်အခေါက်က ရွှယ်ဟုန်ယန်ကို လုပ်ကြံစဥ်တွင် သူတို့သည် အလွန် လျှို့ဝှက်စွာ လုပ်ဆောင်ခဲ့သော်လည်း ရလဒ်အနေဖြင့် သူတို့ မည်သူမည်ဝါ ဖြစ်မှန်း ပေါ်ပေါက်သွားခဲ့သည်။</p> <p> </p> <p> </p> <p>ထို့ကြောင့် သွေးနတ်ဆိုးဂိုဏ်းတွင် သူတို့ မည်သူမည်ဝါဖြစ်ကြောင်း ဖော်ထုတ်နိုင်သည့် နည်းလမ်းတချို့ ရှိနေသည်မှာ ထင်ရှားနေခဲ့၏။</p> <p> </p> <p> </p> <p>ဤသို့ဖြင့်ပင် သူတို့နှစ်ဦးသည် ရှဖေး၏ ခြံဝန်းတွင် အခြေချကာ နေထိုင်ခဲ့ကြသည်။</p> <p> </p> <p> </p> <p>ဒုတိယမြောက်နေ့ ရောက်မှသာ ရှဖေးသည် အနည်းငယ်ပင်ပန်းနွမ်းနယ်နေသော အသွင်အပြင်ဖြင့် ကျန်းချန်တို့ ရှေ့သို့ ရောက်လာခဲ့သည်။</p> <p> </p> <p> </p> <p>“ညီနောင်ကျန်းချန်.. ဒါက လေလံပွဲရဲ့ အထူးဧည့်သည်တော်ဖိတ်စာပါ.. ဒီဖိတ်စာကို ယူပြီး လေလံပွဲကို တက်ရင် မင်းကိုအထူးတလှယ် ကြိုဆိုပါလိမ့်မယ်.. ဒါ့အပြင် အထူးဧည့်သည်တော် ဖိတ်စာရှိရင် လေလံပွဲမှာ မင်းဝယ်ယူသမျှ အရာတိုင်းအတွက် ဆယ်ရာခိုင်နှုန်း လျှော့စျေးကို ခံစားရလိမ့်မယ်”</p> <p> </p> <p> </p> <p>ရှဖေးက အထူးဧည့်သည်တော် ဖိတ်စာကို ကျန်းချန်ထံ ပေးအပ်လိုက်သည်။</p> <p> </p> <p> </p> <p>ကျန်းချန်က လက်သီးဆုပ်၍ ဂါဝရပြုကာ အလျင်အမြန်ပင် ပြောလိုက်သည်။</p> <p> </p> <p> </p> <p>“ကျေးဇူးတင်ပါတယ် ကြီးကြပ်ရေးမှုးရှ”</p> <p> </p> <p> </p> <p>“ညီနောင်ကျန်းချန် အားမနာပါနဲ့.. ငါကသာ မင်းကို ကျေးဇူးတင်ရမှာပါ.. မင်းရဲ့ အကူအညီသာ မပါရင် ဒီတစ်ခေါက် ငါ စိမ်းလန်းသောမြစ် ကုန်သွယ်ရေးအဖွဲ့ ဆီကို အသက်ရှင်လျက်တောင် ပြန်ရောက်မှာ မဟုတ်ဘူး”</p> <p> </p> <p> </p> <p>ရှဖေးက လက်ကာပြ၍ ပြုံးကာ ပြောလိုက်သည်။</p> <p> </p> <p> </p> <p>“ညီနောင်ကျန်းချန် အနေနဲ့ နောက်ရက်တွေမှာ ပျင်းနေရင် စိမ်းလန်းသောမြစ်မြို့က ကုန်သွယ်‌ရေးစျေးကို သွားကြည့်ပါလား.. အဲဒီနေရာမှာ တစ်ခါတစ်လေ ပစ္စည်းကောင်းတွေ အများကြီး ရှိတတ်တယ်.. ရှေးဟောင်းပစ္စည်းတွေလည်း အများကြီးရှိတယ်.. တစ်ခါတုန်းကဆိုရင် လူငယ်လေး တစ်ယောက်က ကုန်သွယ်ရေးစျေးမှာ ဆန်းကြယ်တဲ့ မှော်လက်နက် တစ်ခုကို တွေ့ရှိခဲ့ပြီး မဟာယာနအဆင့် ပြိုင်ဘက်ကင်း ကျင့်ကြံသူတစ်ဦး ဖြစ်လာခဲ့ဖူးတယ်”</p> <p> </p> <p> </p> <p>ထိုစကားကိုကြားလျှင် ကျန်းချန်၏ မျက်ဝန်းထဲတွင် အံ့အားသင့်သော အရိပ်အယောင်များ ဖြစ်ပေါ်လာခဲ့သည်။</p> <p> </p> <p> </p> <p>သူက ရှဖေး ပြောပြသည့် ကုန်သွယ်ရေးစျေးကို အလွန်ပင် စိတ်ဝင်စားသွားမိသည်။</p> <p> </p> <p> </p> <p>ယခုတစ်ကြိမ် စိမ်းလန်းသောမြစ်မြို့ ဆီသို့ သူလာရောက်ရသည့် အဓိက ရည်ရွယ်ချက်မှာ အဆင့်တက်ရန် အခွင့်အလမ်းကို ရှာဖွေရန် ဖြစ်သည်။</p> <p> </p> <p> </p> <p>စိမ်းလန်းသောမြစ်မြို့၏ ကုန်သွယ်ရေးစျေးသည် ထိုမျှအထိ ထူးခြားနေလျှင် သူ၏ အဆင့်တက်မှု အတွက် လိုအပ်သည့်အရာကို ထိုနေရာတွင် ရှာတွေ့နိုင်လောက်၏။</p> <p> </p> <p> </p> <p>အကယ်၍ ထိုအတိုင်းသာ ဖြစ်နေလျှင် ကပ်ဘေးဆေးလုံးအတွက် တကူးတက တိုက်ပွဲဝင်နေစရာပင် လိုအပ်တော့မည်မဟုတ်ပေ။</p> <p> </p> <p> </p> <p>နောက်တစ်နေ့ နံနက်စောစောတွင် ရှဖေး စီစဥ်ပေးလိုက်သော လမ်းပြတစ်ဦးနှင့်အတူ ကျန်းချန်တို့သည် စိမ်းလန်းသောမြစ်မြို့ရှိ ကုန်သွယ်ရေးစျေးသို့ ရောက်ရှိလာခဲ့သည်။</p> <p> </p> <p> </p> <p>စိမ်းလန်းသောမြစ် မြို့ရှိ ကုန်သွယ်ရေးစျေးသည် အထူး အ‌ဆောက်အအုံ တစ်ခုအတွင်း၌ တည်ရှိသည်။</p> <p> </p> <p> </p> <p>ကျန်းချန်တို့ ကုန်သွယ်ရေးစျေး၏ တံခါးဝသို့ ရောက်ရှိလာချိန်တွင် စျေးအတွင်း၌ လူအသွားအလာ များပြားနေပြီ ဖြစ်သည်။</p> <p> </p> <p> </p> <p>ဤကုန်သွယ်ရေးစျေးသည် တကယ်တမ်းတွင် စိမ်းလန်းသောမြစ် ကုန်သွယ်ရေးအဖွဲ့၏ ပံ့ပိုးမှုဖြင့် တည်ရှိနေခြင်း ဖြစ်ပြီး စိမ်းလန်းသောမြစ် ကုန်သွယ်ရေးအဖွဲ့သည် စျေးကို စနစ်တကျ ရှိစေရန်အတွက် အစောင့်တချို့ကိုပင် စီစဥ်ပေးထားသည်။</p> <p> </p> <p> </p> <p>သို့သော်လည်း ဤနေရာသို့ ဝင်ရောက်လာသူများ အတွက် ကန့်သတ်ချက်များ မရှိပေ။</p> <p> </p> <p> </p> <p>ထိုအကြောင်းကြောင့်ပင် ကုန်သွယ်ရေးစျေးသည် လူမျိုးစုံ ရောပြွန်းနေသည်ဟုပင် ဆိုနိုင်၏။</p> <p> </p> <p> </p> <p>ဤနေရာတွင် အချို့လူများသည် အလွန်တရာ တန်ဖိုးရှိသော ရတနာများကို အလွန်နည်းပါးသော စျေးနှုန်းဖြင့် ဝယ်ယူနိုင်ကြပြီး အချို့ကမူ စျေးနှုန်းကြီးကြီးမားမား ပေး၍ အမှိုက်များကို ဝယ်ယူမိတတ်ကြသည်။</p> <p> </p> <p> </p> <p>ရှင်းလင်းစွာဆိုရလျှင် ကုန်သွယ်ရေးစျေး အတွင်းရှိ အရောင်းအဝယ် အားလုံးသည် မိမိ၏ ကျွမ်းကျင်မှုအပေါ်တွင်သာ မူတည်သည်။</p> <p> </p> <p> </p> <p>ကုန်သွယ်ရေးစျေး အတွင်းသို့ ဝင်ရောက်ပြီးနောက်တွင် ကျန်းချန်သည် စျေးက အတော်လေး ကြီးကျယ်ခမ်းနားကြောင်း  တွေ့ရှိခဲ့သည်။</p> <p> </p> <p> </p> <p>မီတာထောင်ချီ ကျယ်ဝန်းသော ကုန်သွယ်ရေးစျေး အတွင်း စျေးဆိုင်အမျိုးမျိုး ရှိနေခဲ့၏။</p> <p> </p> <p> </p> <p>ထိုစျေးဆိုင်များကို တစ်ဆိုင်ချင်းစီ လှည့်ပတ်ကြည့်ရှုလိုက်ပြီးနောက်တွင် ကျန်းချန်၏ မျက်နှာထက်၌ စိတ်ပျက်သော အရိပ်အယောင်များ ရုတ်တရက် ဖြစ်ပေါ်လာခဲ့သည်။</p> <p> </p> <p> </p> <p>ဤကုန်သွယ်ရေးစျေးတွင် ပစ္စည်းအမျိုးအစား စုံလင်ပြီး ထူးဆန်းသော အရာ အများအပြား ရှိသလို အရည်အသွေးအတော်လေး ကောင်းမွန်သော်လည်း ကျန်းချန် အတွက်မူ သိပ်အသုံးမဝင်ပေ။</p> <p> </p> <p> </p> <p>“ဆရာကျန်းချန်.. ကုန်သွယ်ရေးစျေးမှာ အလွှာသုံးလွှာ ရှိပါတယ်.. အပေါ်ထပ်ကို တက်သွားလေလေ ပိုပြီး တန်ဖိုးကြီးမားတဲ့အရာကို တွေ့ရလေလေပါပဲ.. ပထမအလွှာက သခင်ကြီးကျန်းချန်ကို စိတ်ကျေနပ်မှု မပေးနိုင်ဘူးဆိုရင် ဒုတိယအလွှာ ဒါမှမဟုတ် တတိယအလွှာကို သွားကြည့်နိုင်ပါတယ်”</p> <p> </p> <p> </p> <p>ယင်းအချိန်တွင် ရှဖေး စီစဥ်ပေးထားသော လမ်းပြသည် ကျန်းချန် စိတ်ပျက်နေသည်ကို သတိပြုမိသွားခဲ့ပြီး အလျင်အမြန်ပင် ရှင်းပြလိုက်သည်။</p> <p> </p> <p> </p> <p>ထိုစကားကို ကြားလျှင် ကျန်းချန်သည် စိတ်အားတက်ကြွလာခဲ့ပြီး ချက်ချင်းဆိုသလိုပင် ပြောလိုက်သည်။</p> <p> </p> <p> </p> <p>“ဒါဆိုရင် ငါတို့ကို ကုန်သွယ်ရေးစျေးရဲ့ ဒုတိယထပ်ဆီ ခေါ်သွားပေးပါ”</p> <p> </p> <p> </p> <p>အခန်း(၂၅၀၁)ပြီး၏။</p> <p> </p> <p> </p> <p> </p> <p style="text-align: center;">***</p> <p> </p>


Save