Book List

<h2 style="text-align: center;">အခန်း(၂၅၀၃)</h2> <h2 style="text-align: center;">*</h2> <p style="text-align:center"> </p> <p> </p> <p>မိုးမခသွေးနတ်ဆိုးသစ်သီးကို လဲလှယ်ပြီးနောက်တွင် ကျန်းချန်တို့သည် ကုန်သွယ်ရေးစျေး၏ ဒုတိယအလွှာတွင် ဆက်လက် လှည့်ပတ်ခဲ့ကြသော်လည်း ဝယ်ယူရန်အတွက် ထိုက်တန်သောအရာ တစ်ခုမှ ထပ်မံ မတွေ့ရှိခဲ့ပေ။</p> <p> </p> <p> </p> <p>“ကဲ တတိယအလွှာကို သွားကြစို့”</p> <p> </p> <p> </p> <p>ကျန်းချန်က တုံ့ဆိုင်းမနေခဲ့ဘဲ ကုန်သွယ်ရေးစျေး၏ တတိယအလွှာ ဝင်ပေါက် ဆီသို့ တိုက်ရိုက်ပင် လျှောက်လှမ်းသွားခဲ့သည်။</p> <p> </p> <p> </p> <p>တတိယအလွှာ၏ ဝင်ပေါက်တွင် လူလတ်ပိုင်းအရွယ် ကျင့်ကြံသူနှစ်ဦး စောင့်ကြပ်နေကြ၏။</p> <p> </p> <p> </p> <p>ထိုနှစ်ဦးစလုံးသည် စိမ်းလန်းသောမြစ် ကုန်သွယ်ရေးအဖွဲ့၏ ဝတ်စုံများကို ဝတ်ဆင်ထားကြ၍ စိမ်းလန်းသောမြစ် ကုန်သွယ်ရေး အဖွဲ့ဝင်များ ဖြစ်သည်မှာ ထင်ရှားနေခဲ့သည်။</p> <p> </p> <p> </p> <p>ယင်းအပြင် ထိုနှစ်ဦးသည် ကပ်ဘေးအဆင့် ကျင့်ကြံသူများ ဖြစ်ကြသည်။</p> <p> </p> <p> </p> <p>ကုန်သွယ်ရေးစျေး၏ တတိယအလွှာတွင် ကပ်ဘေးအဆင့်ကျင့်ကြံသူနှစ်ဦး စောင့်ကြပ်နေသည်ကို ကြည့်ခြင်းအားဖြင့်  တတိယအလွှာ၏ အဆင့်အတန်းက မည်မျှအထိ မြင့်မားသည်ကို သိနိုင်ပေသည်။</p> <p> </p> <p> </p> <p>ယွမ်ကျောက်တုံး တစ်သောင်းကို ဝင်ကြေး ပေးဆောင်ပြီးနောက်တွင် ကျန်းချန် တို့သည် သူတို့ ရှေ့ရှိ လှေကားထစ်များကို လျင်မြန်စွာ ဖြတ်ကျော်လာခဲ့ရာ ကုန်သွယ်ရေးစျေးသည် သူတို့၏ မြင်ကွင်းထဲတွင် ပေါ်လာခဲ့သည်။</p> <p> </p> <p> </p> <p>ယခင် အလွှာနှစ်ခုနှင့် နှိုင်းယှဥ်လျှင် ကုန်သွယ်ရေးစျေး၏ တတိယအလွှာသည် များစွာ သေးငယ်သွားသည်မှာ သံသယဖြစ်စရာ မရှိပေ။</p> <p> </p> <p> </p> <p>ဆိုရလျှင် တတိယအလွှာ တစ်ခုလုံးသည် မီတာတစ်ရာခန့်သာ ရှိ၏။</p> <p> </p> <p> </p> <p>သို့သော်လည်း ဤနေရာ၏ အပြင်အဆင်သည် ဒုတိယအလွှာထက် များစွာ ပို၍ လက်ရာမြောက်သည်။</p> <p> </p> <p> </p> <p>ဆန်းကြယ်သည့် ခပ်ဖျော့ဖျော့ အပြာရောင် ကျောက်တုံးများက တတိယ အလွှာတစ်ခုလုံး၏ ကြမ်းခင်းကို ဖုံးလွှမ်းထားပြီး ခြေဖဝါးဖြင့် နင်းလိုက်လျှင် နွေးထွေးသော အငွေ့အသက်သည် ခြေဖဝါးမှ တစ်ဆင့် စီးဝင်ကာ လူကို လန်းဆန်းသော ခံစားချက်များ ပေးစွမ်းနိုင်စွမ်း ရှိသည်။</p> <p> </p> <p> </p> <p>တတိယထပ်ရှိ လူဦးရေသည် အလွန်တရာ နည်းပါးပြီး စုစုပေါင်း လူတစ်ရာပင် မပြည့်ပေ။</p> <p> </p> <p> </p> <p>အကြောင်းရင်းမှာ ကုန်သွယ်ရေးစျေး၏ တတိယအလွှာသို့ ဝင်ရောက်ရန် အတွက် ဝင်ကြေးသက်သက်ပင် ယွမ်ကျောက်တုံး တစ်သောင်း ပေးဆောင်ရသောကြောင့်ပင်။</p> <p> </p> <p> </p> <p>ထိုပမာဏသည် လမ်းစဥ်ပေါင်းစည်းခြင်းအဆင့် ကျင့်ကြံသူများ အတွက်ပင် ကြီးမားသော ပမာဏ ဖြစ်၏။</p> <p> </p> <p> </p> <p>သာမန် လမ်းစဥ်ပေါင်းစည်းခြင်းအဆင့် ကျင့်ကြံသူများသည် ကုန်သွယ်ရေးစျေး တတိယအလွှာသို့ အလွယ်တကူ ခြေမချရဲကြပေ။</p> <p> </p> <p> </p> <p>ထိုအကြောင်းကြောင့်ပင် ကုန်သွယ်ရေးစျေး၏ တတိယအလွှာသို့ ရောက်လာကြသူများသည် အနည်းဆုံး ကပ်ဘေးအဆင့် ကျင့်ကြံသူများသာ ဖြစ်ကြသည်။</p> <p> </p> <p> </p> <p>ကျန်းချန်တို့ နှစ်ဦးက တတိယအလွှာသို့ ရောက်ရှိလာသော်လည်း လူအများ၏ အာရုံစိုက်မှုကို သိပ်မခံခဲ့ရပေ။</p> <p> </p> <p> </p> <p>ကျန်းချန်က တတိယအလွှာ၏ အခြေအနေကို အကဲခတ်ရန် ပြင်နေစဥ်မှာပင် နံဘေးရှိ ရွှယ်ချန်ကျဲသည် ရုတ်တရက် တစ်စုံတစ်ရာကို အာရုံခံမိသွားခဲ့ပြီး လေးနက်သော လေသံဖြင့် ကျန်းချန်၏ နားထဲသို့ တိုက်ရိုက်ပင် အသံလွှင့်ကာ ပြောလိုက်သည်။</p> <p> </p> <p> </p> <p>“သခင်ကြီး.. သွေးနတ်ဆိုးဂိုဏ်းက ရွှယ်ဝူရှလည်း ဒီနေရာမှာ ရှိနေတယ်”</p> <p> </p> <p> </p> <p>ကျန်းချန်၏ စိတ်နှလုံးက အနည်းငယ် တုန်လှုပ်သွားခဲ့သည်။</p> <p> </p> <p> </p> <p>သူက ပတ်ဝန်းကျင်ကို မျက်စိကစားလိုက်ရာ သိပ်မကြာခင်မှာပင် သွေးရောင်ပုံရိပ် သုံးခုကို တွေ့ရှိခဲ့၏။</p> <p> </p> <p> </p> <p>ထိုပုံရိပ်သုံးခု အနက် ရှေ့ဆုံးမှ ဦးဆောင်လာသူသည်  သွေးရောင် ပိုးထည်ဝတ်ရုံကို ဝတ်ဆင်ထားပြီး တည်ကြည်သောမျက်နှာထားရှိသည့် လူငယ်တစ်ဦး ဖြစ်သည်။</p> <p> </p> <p> </p> <p>ထိုလူငယ်၏ အရှိန်အဝါက အလွန်တရာ အားကောင်းပြီး ရွှယ်ချန်ကျဲထက် နိမ့်ကျခြင်းမရှိဘဲ ကပ်ဘေး အထွတ်အထိပ်အဆင့်သို့ ရောက်ရှိနေသည်မှာ ထင်ရှား၏။</p> <p> </p> <p> </p> <p>ထိုလူငယ်က သွေးနတ်ဆိုးဂိုဏ်း၏ နံပါတ်တစ် ပါရမီရှင် ဖြစ်သော ရွှယ်ဝူရှ ဆိုသည်ကို ကျန်းချန် အနေဖြင့် တွေးနေစရာပင် မလိုခဲ့ပေ။</p> <p> </p> <p> </p> <p>ရွှယ်ဝူရှ၏ နံဘေးတွင် သွေးရောင်ဝတ်စုံဝတ် အဘိုးအိုနှစ်ဦး ရှိနေခဲ့သည်။</p> <p> </p> <p> </p> <p>ထိုနှစ်ဦး၏ အရှိန်အဝါက အလွန်တရာပင် နက်ရှိင်း၍ အနည်းဆုံး မဟာယာန တစ်ပိုင်းအဆင့် ကျင့်ကြံသူနှစ်ဦး ဖြစ်နိုင်လောက်သည်။</p> <p> </p> <p> </p> <p>သူ့ရှေ့မှ မြင်ကွင်းကို မြင်လျှင် ကျန်းချန်သည် အနည်းငယ် မျက်မှောင်ကြုတ်သွားခဲ့သည်။</p> <p> </p> <p> </p> <p>ယခု ခရီးစဥ်တွင် ရွှယ်ဝူရှသည် အမှန်တကယ်ပင် အသေအချာ ပြင်ဆင်၍ လာခဲ့ခြင်း ဖြစ်ပုံရ၏။</p> <p> </p> <p> </p> <p>ကပ်ဘေး အထွတ်အထိပ်အဆင့် ပါရမီရှင် တစ်ဦးနှင့် မဟာယာန တစ်ပိုင်းအဆင့် ကျင့်ကြံသူ နှစ်ဦး ဟူသော လူအင်အားစုဖွဲ့မှုသည် မဟာယာနအဆင့် ကျင့်ကြံသူ တစ်ဦးကိုပင် သေချာပေါက် ရင်ဆိုင်နိုင်မည် ဖြစ်သည်။</p> <p> </p> <p> </p> <p>ကံကောင်းစွာဖြင့် သူတို့သည် ရွှယ်ဝူရှနှင့် တိုက်ရိုက် မရင်ဆိုင်မိခဲ့ပေ။</p> <p> </p> <p> </p> <p>မဟုတ်လျှင် သူတို့သည် ပြဿနာ အများအပြားနှင့် အမှန်တကယ် ရင်ဆိုင်ရပေလိမ့်မည်။</p> <p> </p> <p> </p> <p>“သူတို့ကို လျစ်လျူရှုထားလိုက်ပါ”</p> <p> </p> <p> </p> <p>ကျန်းချန်က ရွှယ်ချန်ကျဲကို ပြောလိုက်သည်။</p> <p> </p> <p> </p> <p>ထို့နောက်တွင် သူတို့က ရွှယ်ဝူရှကို ဆက်လက် အာရုံမစိုက်တော့ဘဲ ကုန်သွယ်ရေးစျေး တတိယအလွှာတွင် လှည့်ပတ်ကြည့်ရှုနေခဲ့၏။</p> <p> </p> <p> </p> <p>ယခုအခါတွင် သူတို့၏ ရုပ်ရည် အသွင်အပြင်နှင့် အရှိန်အဝါကို လုံးဝ ပြောင်းလဲထားသဖြင့် ထိုသုံးဦးသည် သူတို့ မည်သူမည်ဝါဖြစ်မှန်း သိရှိလိမ့်မည် မဟုတ်ပေ။</p> <p> </p> <p> </p> <p>ထို့အပြင် ဤကုန်သွယ်ရေးစျေးသည် စိမ်းလန်းသောမြစ်  ကုန်သွယ်ရေးအဖွဲ့၏ ပိုင်နက် ဖြစ်သည်။</p> <p> </p> <p> </p> <p>ရွှယ်ဝူရှ အနေဖြင့် သူတို့ မည်သူမည်ဝါ ဖြစ်မှန်း အမှန်တကယ် သိရှိသွားလျှင်ပင် ဤနေရာတွင် မည်သည့်အရာကိုမျှ လုပ်ရဲလိမ့်မည် မဟုတ်ပေ။</p> <p> </p> <p> </p> <p>အကယ်၍ သူတို့ တကယ် လုပ်ချင်လျှင်ပင် ရွှယ်ဝူရှတို့ သုံးဦးသည် အားမနည်းသည့်တိုင် သူတို့ကို အနိုင်ယူဖို့ ဆိုသည်မှာ မသေချာပေ။</p> <p> </p> <p> </p> <p>ထိုအချိန်တွင် ရွှယ်ဝူရှသည် တစ်စုံတစ်ရာကို အာရုံခံမိသွားခဲ့ပြီး ကျန်းချန်တို့ နှစ်ဦး ရှိရာသို့ ရုတ်တရက် လှည့်ကြည့်လိုက်သည်။</p> <p> </p> <p> </p> <p>“သခင်လေးဝူရှ ဘာဖြစ်လို့လဲ”</p> <p> </p> <p> </p> <p>ထိုအခိုက်အတန့်တွင် ရွှယ်ဝူရှ၏ နံဘေးရှိ မဟာယာန တစ်ပိုင်းအဆင့် ကျင့်ကြံသူ နှစ်ဦးသည် ရွှယ်ဝူရှ၏ ထူးခြားသော အမူအရာကို သတိပြုမိသွားပြီး နားမလည်သော အမူအရာဖြင့် မေးလိုက်သည်။</p> <p> </p> <p> </p> <p>“ဘာမှမဟုတ်ပါဘူး.. ဒီကိုရောက်လာတဲ့ လူသစ်တွေရဲ့ အရှိန်အဝါက အနည်းငယ် ထူးခြားနေသလို ခံစားရလို့ပါ”</p> <p> </p> <p> </p> <p>ရွှယ်ဝူရှက ခေါင်းခါရမ်း၍ ပြောလိုက်သည်။</p> <p> </p> <p> </p> <p>ထိုစကားကို ကြားလျှင် မဟာယာန တစ်ပိုင်းအဆင့် ကျင့်ကြံသူနှစ်ဦးက ခပ်ယဲ့ယဲ့ ပြုံးကာ ပြောလိုက်သည်။</p> <p> </p> <p> </p> <p>“ကုန်သွယ်ရေးစျေးရဲ့ တတိယအလွှာကို လာနိုင်တဲ့သူတွေက  သာမန်လူတွေ မဟုတ်တော့ တချို့တလေ ထူးခြားနေတာက ပုံမှန်ပါပဲ”</p> <p> </p> <p> </p> <p>ရွှယ်ဝူရှက ခေါင်းညိတ်လိုက်ပြီး ဘာစကားမှ ထပ်မပြောတော့ဘဲ သူ၏ ရှေ့ရှိ ဆိုင်ခန်းကို ဆက်လက် အာရုံစိုက်နေခဲ့သည်။</p> <p> </p> <p> </p> <p>ကျန်းချန်တို့ နှစ်ဦးက ရွှယ်ဝူရှ၏ အကြည့်ကို လျစ်လျူရှုကာ ကုန်သွယ်ရေးစျေး၏ တတိယအလွှာကို ဆက်လက် လှည့်ပတ်နေခဲ့ကြသည်။</p> <p> </p> <p> </p> <p>မကြာမီမှာပင် ကျန်းချန်သည် တတိယအလွှာ၏ မြောက်ဘက်ထောင့် တစ်နေရာသို့ ရောက်ရှိလာခဲ့သည်။</p> <p> </p> <p> </p> <p>ထိုနေရာတွင် ကြီးမားသော ကျောက်စိမ်းစင်မြင့် တစ်ခု ရှိနေခဲ့၏။</p> <p> </p> <p> </p> <p>ကျောက်စိမ်းစင်မြင့်ပေါ်တွင် ဆေးဖက်ဝင်အပင်များ၊ ကျမ်းစာလိပ်များနှင့် ထူးဆန်းသော အရာမျိုးစုံ ရှိနေခဲ့ပြီး ၎င်းတို့ထဲမှ တစ်ခုချင်းစီသည် သာမန် မဟုတ်သည်မှာ ထင်ရှားနေခဲ့သည်။</p> <p> </p> <p> </p> <p>ကျောက်စိမ်းစင်မြင့်၏ ပတ်ပတ်လည်တွင် ကပ်ဘေးအဆင့် ကျင့်ကြံသူ ဆယ်ဦးထက် မနည်း စုဝေးနေကြ၏။</p> <p> </p> <p> </p> <p>၎င်းတို့သည် ကျောက်စိမ်းစင်မြင့် ပေါ်ရှိ အရာများကို စိတ်ဝင်တစား ကြည့်ရှုနေကြသည်။</p> <p> </p> <p> </p> <p>ကျန်းချန်၏ အကြည့်က လူအုပ်ကို ဖြတ်ကျော်သွားခဲ့ပြီး ကျောက်စိမ်းစင်မြင့်၏ အနောက်ရှိ မီးခိုးရောင်ဝတ်ရုံဝတ် အဘိုးအို တစ်ဦးပေါ်သို့ ကျရောက်သွားခဲ့သည်။</p> <p> </p> <p> </p> <p>ထိုအဘိုးအိုသည် အလွန်အမင်း အိုမင်းပုံရပြီး ခါးအနည်းငယ်ကိုင်းကာ သာမန် အဘိုးအိုတစ်ဦးနှင့် ဆင်တူနေခဲ့သည်။</p> <p> </p> <p> </p> <p>သို့သော်လည်း သူ့ရှေ့ရှိ မီးခိုးရောင်ဝတ်ရုံဝတ် အဘိုးအိုသည် မည်သည့်နည်းနှင့်မျှ သာမန် လူတစ်ဦး မဟုတ်မှန်း ကျန်းချန် ကောင်းစွာ သိထားခဲ့သည်။</p> <p> </p> <p> </p> <p>ထိုအဘိုးအိုသည် အနည်းဆုံး မဟာယာန တစ်ပိုင်းအဆင့်သို့ ရောက်ရှိနေသည့် အစွမ်းထက် ကျင့်ကြံသူ တစ်ဦး ဖြစ်နိုင်လောက်၏။</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအိုက သူ့ရှေ့ရှိ ကြည့်ရှုသူများကို လျစ်လျူရှုကာ ထိုနေရာမှာပင် တင်ပျဥ်ခွေ၍ ထိုင်နေခဲ့ပြီး မျက်လုံးများကို မှိတ်ထားခဲ့သည်။</p> <p> </p> <p> </p> <p>တစ်ယောက်ယောက်က စျေးနှုန်းကို မေးမြန်းလျှင် အဘိုးအိုသည် မှိတ်ထားသော မျက်လုံးကို ဖွင့်ကာ စျေးနှုန်းကို ပြောပြလိုက်သည်။</p> <p> </p> <p> </p> <p>ထို့နောက်တွင် အဘိုးအိုသည် မျက်လုံးကို ပြန်မှိတ်လိုက်ပြီး စျေးဆစ်ရန် အခွင့်အရေး လုံးဝ မပေးခဲ့ပေ။</p> <p> </p> <p> </p> <p>ထိုအကြောင်းကြောင့်ပင် ကျောက်စင်မြင့်ပေါ်ရှိ ရတနာအချို့ကို စိတ်ဝင်စားနေသော ကျင့်ကြံသူများသည် အဘိုးအို ပြောဆိုသည့် မြင့်မားလှသော စျေးနှုန်းကြောင့် အဆုံးသတ်တွင် လက်လျှော့သွားခဲ့ကြသည်။</p> <p> </p> <p> </p> <p>ကျန်းချန်က အနည်းငယ် ထူးဆန်းသော မီးခိုးရောင်ဝတ်ရုံဝတ် အဘိုးအိုကို တစ်ချက် ကြည့်လိုက်ပြီးနောက်တွင် ချက်ချင်းဆိုသလို ကျောက်စိမ်းစင်မြင့်ပေါ်ရှိ ပစ္စည်းများကို အကဲခတ်လိုက်သည်။</p> <p> </p> <p> </p> <p>ထိုအဘိုးအိုသည် ထူးဆန်းသောအမူအရာ ရှိသော်လည်း ရောင်းချနေသာ ပစ္စည်းအားလုံးကမူ ထူးခြားလှ၏။</p> <p> </p> <p> </p> <p>တချို့ဆေးဖက်ဝင် အပင်များဆိုလျှင် ကျန်းချန် ပင်လျှင် တစ်ခါမျှ မကြားဖူးသော အပင်များ ဖြစ်ကြသည်။</p> <p> </p> <p> </p> <p>ကျန်းချန်သည် ဆေးဖက်ဝင် အပင်များကနေ ထွက်ပေါ်လာသည့် ကြောက်မက်ဖွယ်ရာ ကောင်းသော စွမ်းအင်များကို ခံစားမိနေခဲ့သည်။</p> <p> </p> <p> </p> <p>သူ၏ အကြည့်သည် ကျောက်စိမ်းစင်မြင့် ပေါ်တွင် တဖြည်းဖြည်း ‌ရွေ့လျားသွားခဲ့သည်။</p> <p> </p> <p> </p> <p>မကြာမီမှာပင် ကျန်းချန်၏ အကြည့်သည် ကျောက်စိမ်းစင်မြင့်၏ ထောင့်ရှိ ပစ္စည်းတစ်ခု ပေါ်သို့ ကျရောက်သွားခဲ့သည်။</p> <p> </p> <p> </p> <p>ယင်းမှာ သံချေးများဖြင့် ဖုံးလွှမ်းနေသော အဝါဖျော့ဖျော့ အရောင်ရှိသည့် ကြေးနီပြား တစ်ချပ် ဖြစ်သည်။</p> <p> </p> <p> </p> <p>သို့သော် အသေအချာ ကြည့်ရှုမည်ဆိုလျှင် ကြေးနီပြား ပေါ်၌ သိပ်မထင်ရှားတော့သည့် ဆန်းကြယ်သည့် သင်္ကေတ တချို့ကို မြင်တွေ့နိုင်မည် ဖြစ်သည်။</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအို ရောင်းချနေသော ပစ္စည်းများသည် ပြင်ပကမ္ဘာတွင် ရှားပါးသော ရတနာများ ဖြစ်ကြသော်လည်း ဤလျှို့ဝှက်ဆန်းကြယ်သည့် ကြေးနီပြားကမူ တခြား ပစ္စည်းများနှင့် ဆန့်ကျင်နေသကဲ့သို့ ဖြစ်နေခဲ့သည်။</p> <p> </p> <p> </p> <p>ကျန်းချန်က လျှို့ဝှက်ဆန်းကြယ်သော ကြေးနီပြားကို စူးစမ်းလိုစိတ်ဖြင့် ကြည့်လိုက်ပြီး စျေးနှုန်းမေးမြန်းရန် ပြင်လိုက်စဥ်မှာပင် သူ၏ ခန္ဓာကိုယ်အတွင်း၌ ရှင်းပြ၍ မရနိုင်လောက်သည့် လှုပ်ရှားမှုတစ်ခု ရုတ်တရက် ဖြစ်ပေါ်လာခဲ့သည်။</p> <p> </p> <p> </p> <p>“အင်မော်တယ်ကျောက်တိုင်က လှုပ်ရှားလာပါလား”</p> <p> </p> <p> </p> <p>အင်မော်တယ်ကျောက်တိုင်ထံမှ လှုပ်ရှားမှုကို ခံစားမိလျှင် ကျန်းချန်၏ မျက်ဝန်းထဲ၌ အံ့အားသင့်သော အရိပ်အယောင်များ ဖြစ်ပေါ်လာခဲ့သည်။</p> <p> </p> <p> </p> <p>အခန်း(၂၅၀၃)ပြီး၏။</p> <p> </p> <p> </p> <p> </p> <p style="text-align: center;">***</p> <p> </p>


Save