Book List

<h2 style="text-align: center;">အခန်း(၂၅၀၄)</h2> <h2 style="text-align: center;">*</h2> <p style="text-align:center"> </p> <p> </p> <p>အင်မော်တယ်ကျောက်တိုင်ထံမှ ပုံမှန်မဟုတ်သော လှုပ်ရှားမှုကို ခံစားမိပြီးနောက်တွင် ကျန်းချန်သည် မှင်တက်ရာကနေ ပြန်လည် သက်သာလာရန် အချိန်အတော်ယူခဲ့ရသည်။</p> <p> </p> <p> </p> <p>အင်မော်တယ်လောကမှ ဆင်းသက်လာသော လျှို့ဝှက်ဆန်းကြယ်သည့် ကျင့်ကြံသူကို သုတ်သင်ရန်အတွက် အကူအညီပေးခဲ့သည့် အချိန်မှစ၍ အင်မော်တယ်ကျောက်တိုင် ထံကနေ မည်သည့် ထူးခြားမှုမှ ထပ်မံ မပေါ်ပေါက်ခဲ့ပေ။</p> <p> </p> <p> </p> <p>အင်မော်တယ်ကျောက်တိုင်က ဤအခိုက်အတန့်တွင် လှုပ်ရှားလာလိမ့်မည်ဟု ကျန်းချန် အမှန်တကယ် မမျှော်လင့်ထားခဲ့ပေ။</p> <p> </p> <p> </p> <p>“ကောင်လေး.. ဒီကြေးနီပြားရဲ့ နောက်ခံက အင်မတန် နက်ရှိုင်းတယ်.. ဒီပစ္စည်းကို မရရအောင် ယူဖို့ ကြိုးစားပါ”</p> <p> </p> <p> </p> <p>ကျန်းချန် မှင်တက်နေစဥ်မှာပင် သူနှင့် အနည်းငယ် ရင်းနှီးနေသော အသံတစ်သံသည် ကျန်းချန်၏ စိတ်ထဲတွင် ထွက်ပေါ်လာခဲ့သည်။</p> <p> </p> <p> </p> <p>ထိုအသံသည် အင်မော်တယ်ကျောက်တိုင်က အင်မော်တယ်လောကမှ ကျင့်ကြံသူများကို သတ်ဖြတ်ရန်အတွက် သူ့ကို အကူအညီပေးစဥ်က အသုံးပြုခဲ့သော အသံနှင့် အတူတူပင် ဖြစ်သည်။</p> <p> </p> <p> </p> <p>ယင်းအသံကို ကြားလျှင် ကျန်းချန်သည် အနည်းငယ် မှင်တက်သွားခဲ့သည်။</p> <p> </p> <p> </p> <p>ကျန်းချန်သည် အပြင်ပန်းတွင် တည်ငြိမ်မှု ရှိနေသော်လည်း ကြေးနီးပြားကို ကြည့်နေသော သူ၏ မျက်ဝန်းများထဲတွင်မူ လိုချင်တပ်မက်သည့် အရိပ်အယောင်များ ဖုံးဖိမရစွာ ဖြစ်ပေါ်နေခဲ့သည်။</p> <p> </p> <p> </p> <p>အင်မော်တယ်ကျောက်တိုင်သည် အလွန်တရာပင် လျှို့ဝှက်ဆန်းကြယ်ပြီး  စကြဝဠာအဆင့် စစ်ပွဲကိုပင် ဖြစ်ပေါ်စေသော ပစ္စည်း ဖြစ်သည်။</p> <p> </p> <p> </p> <p>ယခုအခါတွင် အင်မော်တယ်ကျောက်တိုင် အတွင်းမှ စကားသံက ကြေးနီပြားကို မရိုးရှင်းကြောင်း ပြောဆိုနေခဲ့သည် ဖြစ်ရာ ကြေးနီပြား၏ နောက်ခံသည် အမှန်တကယ် ထူးခြားနေမည်မှာ သေချာသလောက်ပင်။</p> <p> </p> <p> </p> <p>သို့ရာတွင် ကြေးနီပြားကို အရယူမည်ဟု စိတ်ပိုင်းဖြတ်ထားသော်လည်း ကျန်းချန်သည် လိုချင်သည့် အမူအရာကို လုံးဝ ထုတ်မပြခဲ့ပေ။</p> <p> </p> <p> </p> <p>သူက ကြေးနီပြားထံကနေ အကြည့်လွှဲလိုက်ပြီး ကျောက်စိမ်းစင်မြင့်ပေါ်ရှိ အခြားပစ္စည်းများကို ကြည့်ရှုနေခဲ့သည်။</p> <p> </p> <p> </p> <p>ခဏအကြာမှ သူက မျက်လုံးမှိတ်ကာ တင်ပျဥ်ခွေ၍ ထိုင်နေသော မီးခိုးရောင်ဝတ်ရုံဝတ် အဘိုးအိုကို ပြုံး၍ ပြောလိုက်သည်။</p> <p> </p> <p> </p> <p>“စီနီယာ ဒီကြေးနီပြားကို တစ်ချက်လောက် ပြပေးလို့ရမလား”</p> <p> </p> <p> </p> <p>“မရဘူး.. ဝယ်နိုင်ရင်ဝယ် မဝယ်နိုင်ရင် သွားတော့”</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအိုက မျက်လုံးကို ဖွင့်လိုက်ပြီး ကျန်းချန်ကို တစ်ချက်ကြည့်ကာ အေးစက်စက် ပြောလိုက်သည်။</p> <p> </p> <p> </p> <p>ထိုစကားကိုကြားလျှင် ကျန်းချန်သည် မျက်လုံး ကလယ်ကလယ် ဖြစ်သွားခဲ့သည်။</p> <p> </p> <p> </p> <p>သူ့ရှေ့မှ အဘိုးအိုသည် အမှန်တကယ်ပင် ပြောရဆိုရ ခက်ခဲနေခဲ့၏။</p> <p> </p> <p> </p> <p>သူက ခေါင်းခါရမ်းလိုက်ပြီး ကြေးနီပြားကို အသေအချာပင် အကဲခတ်လိုက်သည်။</p> <p> </p> <p> </p> <p>ကြေးနီပြား၏ မျက်နှာပြင်သည် သာမန် ကြေးနီပြားများ ကဲ့သို့ပင် အလွန်တရာ ကြမ်းတမ်းပုံရသည်။</p> <p> </p> <p> </p> <p>သို့ရာတွင် ကြေးနီပြားပေါ်ရှိ လျှို့ဝှက်ဆန်းကြယ်သော သင်္ကေတ အများစုသည် ပျက်စီးနေသည့်တိုင် အတော်လေးနက်ရှိုင်းပြီး ရှုပ်ထွေးနေသည် ဖြစ်၍ အလွန်ထူးခြားသော ခံစားချက်ကို ပေးစွမ်းနေခဲ့သည်။</p> <p> </p> <p> </p> <p>လျှို့ဝှက်ဆန်းကြယ်သော သင်္ကေတ အများစုက ပျက်စီးနေသဖြင့် ကျန်းချန်သည် မည်သည့်အရာမှန်း လုံးဝ မသိနိုင်ခဲ့ပေ။</p> <p> </p> <p> </p> <p>“ဒီကြေးနီပြားက ဘာမို့လို့ အင်မော်တယ်ကျောက်တိုင်ရဲ့ စိတ်ဝိညာဥ်ကိုတောင် လှုံ့ဆော်နိုင်ရတာလဲ”</p> <p> </p> <p> </p> <p>ကျန်းချန် အနည်းငယ် မယုံကြည်နိုင်သလို ဖြစ်နေခဲ့သည်။</p> <p> </p> <p> </p> <p>သူ မည်မျှပင် စူးစမ်းပါစေ၊ ကြေးနီပြားပေါ်တွင် ထူးခြားသည့်  အရာတစ်ခုကိုမှ မတွေ့ရှိခဲ့ချေ။</p> <p> </p> <p> </p> <p>အကယ်၍ အင်မော်တယ်ကျောက်တိုင် ထံမှ ရုတ်တရက် ထွက်ပေါ်လာသော အသံသာ မရှိခဲ့လျှင် ထိုအရာသည် ထူးခြားသော ရတနာ တစ်ခု ဖြစ်လိမ့်မည်ဟု ကျန်းချန် ယုံကြည်ရန် ခက်ခဲလိမ့်မည် ဖြစ်သည်။</p> <p> </p> <p> </p> <p>“ကြည့်မနေနဲ့တော့.. ဒါက ငါရောင်းသမျှ အရာအားလုံးထဲမှာ အဖိုးအတန်ဆုံးပစ္စည်းပဲ.. ဒါကြောင့် စျေးအရမ်းကြီးတယ်.. မင်းဘယ်လိုမှ တတ်နိုင်မှာမဟုတ်ဘူး”</p> <p> </p> <p> </p> <p>ကျန်းချန် အတွေးနက်နေစဥ်မှာပင် မီးခိုးရောင်ဝတ်ရုံဝတ် အဘိုးအို၏ အေးစက်စက် စကားသံသည် ရုတ်တရက် ထွက်ပေါ်လာခဲ့သည်။</p> <p> </p> <p> </p> <p>ကျန်းချန်၏ မျက်ဝန်းများက လက်ခနဲ ဖြစ်သွားခဲ့ပြီး အဘိုးအိုကို ပြုံး၍ မေးလိုက်သည်။</p> <p> </p> <p> </p> <p>“စီနီယာ.. ဒီကြေးနီပြားက ဘယ်လို ထူးခြားမှုတွေ ရှိနေလဲဆိုတာ သိပါရစေ”</p> <p> </p> <p> </p> <p>ထိုအဘိုးကြီးသည် ကြေးနီပြားကို သူရောင်းချသည့် မည်သည့် ရတနာထက်မဆို ပိုတန်ဖိုးရှိသည်ဟု အမှန်တကယ်ယုံကြည်နေသည် ဖြစ်ရာ ထိုအဘိုးအိုသည် ကြေးနီပြား၏  တန်ဖိုးကို သိနေ၍ ဖြစ်နိုင်ပါသလော။</p> <p> </p> <p> </p> <p>“ကောင်လေး.. ဒီကြေးနီပြားက ဒီကမ္ဘာက ပစ္စည်းမဟုတ်ဘူး.. ဒီအဘိုးကြီးက ကြေးနီပြားရဲ့ မူလအစကို သိကောင်း သိနိုင်ပေမဲ့ ကြေးနီပြားရဲ့ စစ်မှန်တဲ့ တန်ဖိုးကိုတော့ သိဖို့ မဖြစ်နိုင်ဘူး.. ဘယ်လောက်ပဲ စျေးကြီးကြီး ဝယ်လိုက်ရင် မင်းအတွက် အရှုံးမရှိဘူးကွ”</p> <p> </p> <p> </p> <p>ထိုအခိုက်အတန့်တွင် အင်မော်တယ်ကျောက်တိုင်၏ စကားသံသည် ကျန်းချန်၏ စိတ်ထဲတွင် ထပ်မံ ထွက်ပေါ်လာခဲ့သည်။</p> <p> </p> <p> </p> <p>ယင်းအချိန်မှာပင် မီးခိုးရောင်ဝတ်ရုံဝတ် အဘိုးအိုသည် ကျန်းချန်၏ မေးခွန်းကို ပြန်ဖြေလိုက်သည်။</p> <p> </p> <p> </p> <p>“ဒီကြေးနီပြားက ဘာတွေ ထူးခြားမှုရှိနေလဲ ဆိုတာ ငါလည်း မသိဘူး.. ဒါပေမဲ့ ဒါက ငါ့ဆီမှာ အဖိုးအတန်ဆုံးပစ္စည်းပဲ.. မင်းဒီကြေးနီပြားကို လိုချင်ရင် ယွမ်ကျောက်တုံးတစ်သန်း ပေးရမယ်.. ဒီလိုမှမဟုတ်ဘဲ ကပ်ဘေးဆေးလုံးနဲ့ လဲမယ်ဆိုရင်လည်း ရတယ်”</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအိုက ထိုစကားကိုပြောလိုက်သောအခါတွင် ပတ်ဝန်းကျင်ရှိ လူအများအပြားသည်ပင် လှုပ်လှုပ်ရှားရှား ဖြစ်သွားခဲ့သည်။</p> <p> </p> <p> </p> <p>အင်မော်တယ် ကျင့်ကြံခြင်း စကြဝဠာတွင် ယွမ်ကျောက်တုံးသည် ကျင့်ကြံသူများ အတွက် ဘုံသုံး ငွေကြေး ဖြစ်သည်ဟု ဆိုနိုင်သော်လည်း ယွမ်ကျောက်တုံး တစ်တုံးချင်းစီသည် အဖိုးမဖြတ်နိုင်ပေ။</p> <p> </p> <p> </p> <p>ကပ်ဘေးအဆင့် ကျင့်ကြံသူများထဲတွင်ပင် ယွမ်ကျောက်တုံးတစ်သိန်း ထုတ်ပေးနိုင်သူသည် အလွန်တရာ ချမ်းသာနေပြီ ဖြစ်သည်။</p> <p> </p> <p> </p> <p>ယွမ်ကျောက်တုံးတစ်သန်း ဆိုသည်မှာ အင်မော်တယ် ကျင့်ကြံခြင်း စကြဝဠာ၏ ထိပ်တန်းဂိုဏ်းကြီး ဆယ်ဂိုဏ်း အတွက်ပင် နည်းပါးသော ပမာဏမဟုတ်ပေ။</p> <p> </p> <p> </p> <p>ကပ်ဘေးဆေးလုံးနှင့် ပတ်သက်၍ ပြောရလျှင် ထိုဆေးလုံးသည် အင်မော်တယ် ကျင့်ကြံခြင်း စကြဝဠာ၏ ထိပ်တန်း ဆေးဝါးများထဲမှ တစ်ခု ဖြစ်သည်။</p> <p> </p> <p> </p> <p>ထိုဆေးလုံးသည် ကပ်ဘေးအဆင့် ကျင့်ကြံသူတစ်ဦးကို မဟာယာန အဆင့်သို့ တက်လှမ်းရန် အတွက် အထောက်အပံ့ပေးနိုင်သည့် ပြိုင်ဘက်ကင်းဆေးလုံး ဖြစ်ပြီး အင်မော်တယ်ကျင့်ကြံသူ ကြုံတွေ့ရမည့် ကပ်ဘေးခြိမ်းခြောက်မှုကို အနည်းဆုံး သုံးဆယ် ရာခိုင်နှုန်းခန့် လျှော့ချပေးနိုင်၏။</p> <p> </p> <p> </p> <p>ဤကဲ့သို့သော ဆေးလုံးသည် အင်မော်တယ် ကျင့်ကြံခြင်း စကြဝဠာတွင် အဖိုးမဖြတ်နိုင်သလောက် ရှားပါးပြီး တစ်လုံးချင်းစီ၏ တန်ဖိုးသည် ယွမ်ကျောက်တုံး တစ်သန်းထက် မနည်းပေ။</p> <p> </p> <p> </p> <p>သူတို့ရှေ့မှ မီးခိုးရောင်ဝတ်ရုံဝတ် အဘိုးအိုသည် ပျက်စီးနေသော ကြေးနီပြား တစ်ချပ်ကို မိုးထိအောင် မြင့်မားသော စျေးနှုန်းဖြင့် ရောင်းချနေခဲ့သည်။</p> <p> </p> <p> </p> <p>စင်စစ် ထိုအဘိုးအိုသည် အမှန်တကယ်ပင် လောဘကို အတောမသတ်နိုင်ဘဲ တောင်းဆိုနေခြင်း ဖြစ်၏။</p> <p> </p> <p> </p> <p>ဤကြေးနီပြားတွင် မည်သည့် နောက်ခံအကြောင်းအရင်း ရှိနေပါစေ၊ ငတုံး တစ်ယောက် မဟုတ်သရွေ့ မည်သူကမှ မည်သည့်နေရာတွင် အသုံးဝင်မှန်း မသိသည့် ကြေးနီပြား အတွက် ဤမျှလောက်အထိ စျေးပေးပြီး ဝယ်ယူပါမည်နည်း။</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအို၏ စျေးနှုန်းကို ကြားလျှင် ကျန်းချန်သည် မရယ်ဘဲ မနေနိုင်အောင် ဖြစ်သွားခဲ့သည်။</p> <p> </p> <p> </p> <p>“စီနီယာ.. စီနီယာ ခေါ်ထားတဲ့စျေးနှုန်းက စျေးအရမ်းကြီးလွန်းတယ်.. ကျွန်တော် ယွမ်ကျောက်တုံး တစ်သန်းကို မတတ်နိုင်သလို ကပ်ဘေးဆေးလုံးလည်း ကျွန်တော့်မှာ မရှိဘူး”</p> <p> </p> <p> </p> <p>အင်မော်တယ်ကျောက်တိုင်က မဖြစ်မနေ ဝယ်ယူရန် သတိပေးခဲ့သော်လည်း ကျန်းချန်သည် ကြေးနီပြားကို အလွယ်တကူ မလဲလှယ်ခဲ့ပေ။</p> <p> </p> <p> </p> <p>အကယ်၍ သူက စျေးမဆစ်ဘဲ ကြေးနီပြားကို တိုက်ရိုက်ဝယ်ယူခဲ့လျှင် ထိုအဘိုးကြီးကို သတိထားမိစေမည် ဖြစ်သောကြောင့်ပင်။</p> <p> </p> <p> </p> <p>“စျေးကြီးတယ်လို့ ထင်နေရင်လည်း ဝယ်မနေနဲ့တော့”</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအိုက စကားကို ခပ်ပြတ်ပြတ်ပင် ပြောလိုက်သည်။</p> <p> </p> <p> </p> <p>“ဒီကြေးနီပြားက ဘာအကျိုးသက်ရောက်မှု ရှိလဲ ငါမသိပေမဲ့ ဒါက ရှေးခေတ်ကာလက နာမည်ကျော်ကြားခဲ့တဲ့ ထျန်းယွိနဲ့ ပတ်သက်မှု ရှိနေတယ်”</p> <p> </p> <p> </p> <p>“ဒီကြေးနီပြားက ထျန်းယွိနဲ့ ပတ်သက်နေတာလား”</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအို၏စကားသည် ကုန်သွယ်ရေးစျေး၏ တတိယအလွှာ တစ်ခုလုံးကို တစ်ခဏမျှ ငြိမ်သက်သွားစေခဲ့ပြီး အားလုံး၏ အကြည့်သည် အဘိုးအို ရှေ့ရှိ ကြေးနီပြား ပေါ်သို့ ကျရောက်သွားခဲ့သည်။</p> <p> </p> <p> </p> <p>လူအများအပြား၏ မျက်ဝန်းထဲတွင် လိုချင်တပ်မက်သော အရိပ်အယောင်များ ဖြစ်ပေါ်လာခဲ့သည်။</p> <p> </p> <p> </p> <p>ပတ်ဝန်းကျင်ရှိ ကျင့်ကြံသူများ၏ အပြောင်းအလဲကို ခံစားမိလျှင် ကျန်းချန်သည် မျက်နှာအမူအရာ အနည်းငယ်ပြောင်းလဲသွားခဲ့သည်။</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအို၏ စကားထဲမှ ထျန်းယွိဟူသော လူသည် သာမန်လူတစ်ဦး မဟုတ်သည်မှာ သေချာသလောက်ပင်။</p> <p> </p> <p> </p> <p>“သခင်ကြီး.. ထျန်းယွိက ရှေးခေတ်ကာလက အင်မော်တယ်ကျင့်ကြံခြင်းစကြဝဠာမှာ နာမည်ကျော်ကြားတဲ့ ထိပ်တန်း အင်မော်တယ် ကျင့်ကြံသူတစ်ဦးပဲ.. သူက အင်မော်တယ် ကျင့်ကြံခြင်း စကြဝဠာရဲ့ အင်မော်တယ်လမ်းစဥ် ပြတ်တောက်သွားချိန်မှာ အင်မော်တယ် အဆင့်ကို တက်လှမ်းနိုင်ခဲ့တဲ့  နောက်ဆုံးသော အင်မော်တယ်ပဲ”</p> <p> </p> <p> </p> <p>ထိုအခိုက်အတန့်တွင် ရွှယ်ချန်ကျဲ၏ လေးနက်သော စကားသံသည် ကျန်းချန်၏ နားထဲသို့ တိုက်ရိုက်ပင် ဝင်ရောက်လာခဲ့သည်။</p> <p> </p> <p> </p> <p>ထိုစကားကိုကြားလျှင် ကျန်းချန်သည် စိတ်ထဲတွင် အနည်းငယ် တုန်လှုပ်သွားခဲ့၏။</p> <p> </p> <p> </p> <p>ဤမျှ ကြီးမားသော နောက်ခံ ရှိသည့် ထျန်းယွိသည် အင်မော်တယ်ကျင့်ကြံခြင်း စကြဝဠာ၏ နောက်ဆုံးသော အင်မော်တယ် ဖြစ်နေလိမ့်မည်ဟု သူ မထင်ထားခဲ့ပေ။</p> <p> </p> <p> </p> <p>ယခုအခါတွင် အင်မော်တယ် ကျင့်ကြံခြင်း စကြဝဠာရှိ အင်မော်တယ်လမ်းစဥ် ပြတ်တောက်နေသဖြင့် ထိပ်တန်း အင်မော်တယ် ဂိုဏ်းကြီးဆယ်ဂိုဏ်းသည် အင်မော်တယ်ဖြစ်နိုင်မည့် နည်းလမ်းကို လိုက်လံ ရှာ‌ဖွေနေခဲ့ကြသည်။</p> <p> </p> <p> </p> <p>အကယ်၍ ဤကြေးနီပြားသာ ထျန်းယွိနှင့် အမှန်တကယ် ပတ်သက်မှု ရှိနေသည် ဆိုလျှင် အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းလုံးသည် ကြေးနီပြား အတွက် ရူးသွပ်စွာ တိုက်ပွဲဝင်ကြမည်မှာ သေချာသလောက်ပင်။</p> <p> </p> <p> </p> <p>ကျန်းချန်က အသက်ကို ခပ်ပြင်းပြင်း ရှူရှိုက်လိုက်ပြီး မီးခိုးရောင်ဝတ်ရုံဝတ် အဘိုးအိုကို ကြည့်ကာ ပြောလိုက်သည်။</p> <p> </p> <p> </p> <p>“ဒီကြေးနီပြားက ထျန်းယွိနဲ့ ပတ်သက်နေတယ်လို့ စီနီယာက ဘာကြောင့် ယုံကြည်နေရတာလဲ”</p> <p> </p> <p> </p> <p>“ဒါက ငါ့ရဲ့ ခန့်မှန်းချက်ပါ”</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအိုက ပြုံးလိုက်ပြီး အလွန်ယုံကြည်ရခက်သော အဖြေတစ်ခုကို ပေးလိုက်သည်။</p> <p> </p> <p> </p> <p>ကျင့်ကြံသူ အများအပြားသည် မီးခိုးရောင်ဝတ်ရုံဝတ် အဘိုးအို၏ ယုံကြည်ရခက်သော အဖြေကို ကြားလျှင် ခေါင်းခါရမ်းလိုက်ကြသည်။</p> <p> </p> <p> </p> <p>ထျန်းယွိသည် အင်မော်တယ် ကျင့်ကြံခြင်း စကြဝဠာရှိ နောက်ဆုံးအင်မော်တယ် ဖြစ်ပြီး သူနှင့် အနည်းငယ် ပတ်သက်မှု ရှိသည့် အရာမှန်သမျှသည် ထိပ်တန်းအင်မော်တယ် ဂိုဏ်းကြီး ဆယ်ဂိုဏ်းကိုပင် တိုက်ပွဲဖြစ်ပွားစေရန် လုံလောက်၏။</p> <p> </p> <p> </p> <p>အကယ်၍ ဤကြေးနီပြားသည် ထျန်းယွိနှင့် အမှန်တကယ် ပတ်သက်မှု ရှိနေသည် ဆိုလျှင် မီးခိုးရောင်ဝတ်ရုံဝတ် အဘိုးအိုသည် ဤနေရာတွင် အချိန်အတော်ကြာအောင် မည်ကဲ့သို့ ထားထားနိုင်ပါမည်နည်း။</p> <p> </p> <p> </p> <p>အခန်း(၂၅၀၄)ပြီး၏။</p> <p> </p> <p> </p> <p> </p> <p style="text-align: center;">***</p> <p> </p>


Save