Book List

<h2 style="text-align: center;">အခန်း(၂၅၀၆)</h2> <h2 style="text-align: center;">*</h2> <p style="text-align:center"> </p> <p> </p> <p>“စီနီယာ ကျွန်တော်လည်း ဒီကြေးနီပြားကို စိတ်ဝင်စားလို့ပါ.. ဒီကြေးနီပြားကို ကျွန်တော့်ဆီ ရောင်းပေးနိုင်မလား”</p> <p> </p> <p> </p> <p>လီရှောင်က ကျန်းချန်ကို လျစ်လျူရှုကာ မီးခိုးရောင်ဝတ်ရုံဝတ် အဘိုးအိုကို တိုက်ရိုက်ပင် ပြောလိုက်သည်။</p> <p> </p> <p> </p> <p>“သခင်လေးလီရှောင်.. သခင်လေးက ကုန်သွယ်ရေးစျေးရဲ့ စည်းမျဥ်းတွေကို ချိုးဖောက်နေတာပဲ.. ဒါက စိမ်းလန်းသောမြစ် ကုန်သွယ်ရေးအဖွဲ့ရဲ့ နယ်မြေ ဆိုတာ သခင်လေး သိသင့်တယ်.. သခင်‌လေးက ကျိုလီအင်မော်တယ်ဂိုဏ်းရဲ့ အဖွဲ့ဝင်တစ်ယောက် ဖြစ်နေရင်တောင် ဒီနေရာမှာတော့ ထိန်းထိန်းသိမ်းသိမ်း နေထိုင်သင့်တယ်”</p> <p> </p> <p> </p> <p>မီးခိုးရောင်ဝတ်ရုံဝတ် အဘိုးအိုက ခေါင်းခါရမ်းလိုက်ပြီး  တည်ငြိမ်စွာ ပြောလိုက်သည်။</p> <p> </p> <p> </p> <p>“ငါ ဒီကြေးနီပြားကို ခုနကပဲ ဒီလူငယ်လေးဆီ ရောင်းလိုက်ပြီးပြီ.. ဒါကြောင့် သူ့ဆီ ကြေးနီပြား ပြန်ပေးလိုက်ပါ”</p> <p> </p> <p> </p> <p>ထိုအခိုက်အတန့်တွင် လီ‌ရှောင်၏ မျက်ဝန်းထဲ၌ အေးစက်စက် အလင်းတန်းတစ်ခု ယှက်သန်းသွားခဲ့သည်။</p> <p> </p> <p> </p> <p>အဘိုးအိုက သူ့ကို မျက်နှာသာပေးမည်ဟု သူထင်ထားခဲ့သော်လည်း လက်တွေ့တွင်မူ ထိုသို့ မဟုတ်ချေ။</p> <p> </p> <p> </p> <p>ထို့ကြောင့် လီရှောင်က ဘာမှ ထပ်မပြောတော့ဘဲ ကျန်းချန်ကို တိုက်ရိုက်ပင် ကြည့်လိုက်သည်။</p> <p> </p> <p> </p> <p>“ဒီကမိတ်ဆွေ ငါ့ကို ကြေးနီပြားပေးလိုက်တာက မင်းအတွက် အကောင်းဆုံးပဲ.. ကြေးနီပြားလေး တစ်ခုအတွက်နဲ့ မစော်ကားသင့်တဲ့လူကို မစော်ကားမိစေနဲ့.. ငါနဲ့ ရန်သူလုပ်တာက ဥာဏ်ရှိတဲ့ ရွေးချယ်မှုမဟုတ်ဘူး”</p> <p> </p> <p> </p> <p>ထိုစကားကိုကြားလျှင် ကျန်းချန်သည် ခံစားချက် ကင်းမဲ့သော အမူအရာဖြင့် အေးစက်စက် ပြောလိုက်သည်။</p> <p> </p> <p> </p> <p>“လီရှောင်.. ငါ နောက်ဆုံးတစ်ကြိမ် ထပ်ပြောမယ်.. ကြေးနီပြားကို ငါ့ဆီ ပြန်ပေးစမ်း”</p> <p> </p> <p> </p> <p>လီရှောင်၏ နှုတ်ခမ်းထောင့်တွင် အေးစက်စက်အပြုံး တစ်ခု ဖြစ်ပေါ်လာခဲ့သည်။</p> <p> </p> <p> </p> <p>“တကယ်လို့ ငါက မပေးဘူးဆိုရင်ရော”</p> <p> </p> <p> </p> <p>ထိုအခိုက်တွင် ကျန်းချန်၏ ပုံရိပ်သည် လက်ခနဲ ဖြစ်သွားခဲ့ပြီး နေရာကနေ ရုတ်တရက် ပျောက်ကွယ်သွားခဲ့သည်။</p> <p> </p> <p> </p> <p>နောက်ထပ် တစ်ခဏတွင် သူ၏ ပုံရိပ်သည် လီရှောင်၏ ရှေ့တွင် တစ္ဆေတစ်ကောင်နှယ် ရိပ်ခနဲ ပေါ်လာခဲ့ပြီး ကြေးနီပြားကို ဆုပ်ကိုင်ထားသော လီရှောင်၏ လက်ဖဝါးကို မြဲမြံစွာ ချုပ်ကိုင်လိုက်သည်။</p> <p> </p> <p> </p> <p>ရုတ်တရက် ဖြစ်ပေါ်လာသော မြင်ကွင်းသည် ပတ်ဝန်းကျင်ရှိ လူအားလုံးကို အံ့အားသင့်သော အမူအရာများ ဖြစ်ပေါ်စေခဲ့၏။</p> <p> </p> <p> </p> <p>ဤနေရာတွင် ရှိနေသူ အားလုံးသည် လီရှောင် မည်သူမည်ဝါဖြစ်သည်ကို ကောင်းစွာ သိရှိထားကြသည်။</p> <p> </p> <p> </p> <p>လီရှောင်သည် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲမှ ကျိုလီအင်မော်တယ်ဂိုဏ်း၏ နံပါတ်တစ် ပါရမီရှင်တစ်ဦး ဖြစ်သည်။</p> <p> </p> <p> </p> <p>အင်မော်တယ် ကျင့်ကြံခြင်း စကြဝဠာ တစ်ခုလုံးဖြင့် ကြည့်လျှင်ပင် လီရှောင်ကို ယှဥ်နိုင်သူမှာ အလွန်တရာပင် ရှားပါးလှ၏။</p> <p> </p> <p> </p> <p>ကပ်ဘေးအဆင့် ကျင့်ကြံသူများထဲတွင် လီရှောင်၏ တိုက်ခိုက်ရေးစွမ်းရည်သည် ပြိုင်ဘက်ကင်းဟုပင် အမွှန်းတင်ခံရပြီး မဟာယာန တစ်ပိုင်းအဆင့် ကျင့်ကြံသူများနှင့်ပင် ရင်ဆိုင်နိုင်စွမ်း ရှိသည်။</p> <p> </p> <p> </p> <p>ဤကဲ့သို့ ကပ်ဘေးအဆင့် အထွတ်အထိပ်တွင် ရှိသည့် ပြိုင်ဘက်ကင်း ပါရမီရှင်၏ လက်ဖဝါးကို ချုပ်ကိုင်နိုင်ခဲ့ခြင်းသည် တကယ်ကို မယုံကြည်နိုင်စရာပင်။</p> <p> </p> <p> </p> <p>သူ့ရှေ့မှ လျှို့ဝှက်ဆန်းကြယ်သော လူငယ်သည် မည်သည်နည်းနှင့်မျှ သာမန် လူတစ်ယောက် မဟုတ်သည်မှာ ထင်ရှားနေခဲ့၏။</p> <p> </p> <p> </p> <p>“မင်းမှာ ဒီလိုစွမ်းရည် ရှိနေလိမ့်မယ်လို့ ငါမထင်ထားခဲ့ဘူး.. ဒါက ငါ့ကို အနည်းငယ် အံ့အားသင့်စေတယ်”</p> <p> </p> <p> </p> <p>ကျန်းချန်က သူ၏ လက်ဖဝါးကို ချုပ်ကိုင်ထားသည်အား မြင်လျှင်  လီရှောင်၏ အေးစက်စက် မျက်ဝန်းထဲတွင် အံ့အားသင့်သော အရိပ်အယောင်များ ဖြစ်ပေါ်လာခဲ့သည်။</p> <p> </p> <p> </p> <p>ကျိုလီအင်မော်တယ်ဂိုဏ်း၏ နံပါတ်တစ် ပါရမီရှင် တစ်ဦးအပြင် ကပ်ဘေး အထွတ်အထိပ်အဆင့် ကျင့်ကြံသူတစ်ဦး အနေဖြင့် လီရှောင်သည် သူ၏ စွမ်းရည် အပေါ်တွင် အလွန်တရာ ယုံကြည်မှု ရှိသည်။</p> <p> </p> <p> </p> <p>သို့ရာတွင် သူ့ရှေ့မှ လျှို့ဝှက်ဆန်းကြယ်သော လူငယ်သည် သူ၏ လက်ဖဝါးကိုပင် လျှပ်တစ်ပြက်အတွင်း ချုပ်ကိုင်နိုင်ခဲ့သည်။</p> <p> </p> <p> </p> <p>သာမန် ကပ်ဘေးအထွတ်အထိပ်အဆင့် ကျင့်ကြံသူ တစ်ဦးပင် ထိုကဲ့သို့ အလွယ်တကူ မလုပ်ဆောင်နိုင်သည်မှာ  သေချာ၏။</p> <p> </p> <p> </p> <p>ဤကဲ့သို့သော လူမျိုးကို အင်မော်တယ် ကျင့်ကြံခြင်းစကြဝဠာ တစ်ခုလုံးဖြင့် ကြည့်လျှင်ပင် ထိပ်တန်း အင်မော်တယ် ဂိုဏ်းကြီး ဆယ်ဂိုဏ်းကသာ လေ့ကျင့်ပေးနိုင်လိမ့်မည် ဖြစ်သည်။</p> <p> </p> <p> </p> <p>သို့သော်လည်း လီရှောင်သည် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းမှ ထိပ်တန်း ပါရမီရှင် အားလုံးကို ကောင်းစွာ သိရှိထားခဲ့၏။</p> <p> </p> <p> </p> <p>ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲတွင် မည်သည့် အင်အားစုက ဤကဲ့သို့ ပြိုင်ဘက်ကင်း ပါရမီရှင်ကို ပိုင်ဆိုင်ထားမှန်း သူ အမှန်တကယ် စဥ်းစား၍ မရခဲ့ပေ။</p> <p> </p> <p> </p> <p>သို့သော်လည်း လီရှောင် အသေအချာ သိရှိထားသည်မှာ အင်မော်တယ် ကျင့်ကြံခြင်းစကြဝဠာ၏ ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းသည် အပြင်ပန်းတွင် မြင်တွေ့ရသကဲ့သို့ ရိုးရှင်းခြင်း မရှိခြင်းပင်။</p> <p> </p> <p> </p> <p>သာမန်လူများသည် သူ့ကို ကျိုလီအင်မော်တယ်ဂိုဏ်း၏ နံပါတ်တစ် ပါရမီရှင်ဟု ဆိုကြသော်လည်း ကျိုလီအင်မော်တယ်ဂိုဏ်းတွင် သူ့ထက်ပင် ပိုမို ကြောက်စရာကောင်းသည့် တည်ရှိမှုမျိုးကို ဝှက်ထားသေးမှန်း မည်သူ သိနိုင်ပါမည်နည်း။</p> <p> </p> <p> </p> <p>ယင်းကြောင့် ဤကောင်လေးသည်လည်း အင်မော်တယ်ဂိုဏ်းကြီး တစ်ဂိုဏ်းဂိုဏ်း၏ လျှို့ဝှက်စွာ ပျိုးထောင်ထားသည့် ပါရမီရှင်တစ်ဦး ဖြစ်နိုင်ပေသည်။</p> <p> </p> <p> </p> <p>ယခုတစ်ကြိမ် ကျင်းပမည့် လေလံပွဲတွင် သူ၏ ပြိုင်ဘက်က တစ်ဦးတည်းသာ ရှိမည်ဟု လီရှောင် မူလက ထင်ခဲ့သည်။</p> <p> </p> <p> </p> <p>သို့သော်လည်း ယခုအခါတွင် နောက်ထပ် တစ်ဦး ထပ်မံ တိုးလာခဲ့ချေပြီ။</p> <p> </p> <p> </p> <p>“စိမ်းလန်းသောမြစ်မြို့မှာ ဒီလိုလူမျိုး ရှိနေလိမ့်မယ်လို့ မထင်ထားခဲ့ဘူး.. ဒီခရီးစဥ်က ပိုပြီး စိတ်ဝင်စားဖို့ ကောင်းလာပြီ”</p> <p> </p> <p> </p> <p>အချင်းများနေသော ကျန်းချန်တို့ နှစ်ဦးကို ကြည့်ရင်း ရွှယ်ဝူရှ၏ မျက်ဝန်းထဲတွင် ထူးဆန်းသော အရိပ်အယောင် တစ်ခု ဖြစ်ပေါ်လာခဲ့သည်။</p> <p> </p> <p> </p> <p>ကျန်းချန်က လီရှောင်ကို အေးစက်သော မျက်ဝန်းများဖြင့် စိုက်ကြည့်လိုက်၏။</p> <p> </p> <p> </p> <p>“လီရှောင်.. မင်းက ကျိုလီအင်မော်တယ်ဂိုဏ်းရဲ့ နံပါတ်တစ်ပါရမီရှင် ဖြစ်တဲ့အတွက် တခြားလူတွေက မင်းကို ကြောက်ရွံ့ကြပေမဲ့ အဲဒီ ဂုဏ်ဒြပ်တွေက ငါ့ရှေ့မှာတော့ ဘာမှ အသုံးမဝင်ဘူး.. ငါ မင်းနဲ့ ဒီမှာ အချိန်ဖြုန်းဖို့ စိတ်မပါဘူး.. အခုချက်ချင်း ကြေးနီပြားကို လွှဲပေးမယ် ဆိုရင် အချိန်မီသေးတယ်”</p> <p> </p> <p> </p> <p>“ဟားဟား အတော်လေး စိတ်ဝင်စားဖို့ ကောင်းတာပဲ”</p> <p> </p> <p> </p> <p>လီရှောင်၏ မျက်နှာပေါ်ရှိ အပြုံးသည် ပို၍ပင် အေးစက်လာခဲ့သည်။</p> <p> </p> <p> </p> <p>“ဒီနှစ်တွေအတွင်းမှာ ငါ့ရှေ့မှာ ဒီလိုစကားမျိုး ပြောရဲတာ မင်း ပထမဆုံးပဲ”</p> <p> </p> <p> </p> <p>စကားဆုံးသည်နှင့် လီရှောင်၏ မျက်ဝန်း အတွင်းကနေ မှော်ဆန်သော အလင်းတန်း တစ်ခု ပွင့်ထွက်လာခဲ့သည်။</p> <p> </p> <p> </p> <p>မကြာမီမှာပင် ထိုနေရာရှိ အခြေအနေသည် ရပ်တန့်သွားသလို ဖြစ်သွားခဲ့ပြီး ကျန်းချန်တို့ နှစ်ဦးသည် လှုပ်ရှားမှု မရှိဘဲ ကျောက်ရုပ်များ ကဲ့သို့ ရပ်နေခဲ့ကြသည်။</p> <p> </p> <p> </p> <p>ဤအခိုက်အတန့်တွင် ကုန်သွယ်ရေးစျေး၏ တတိယအလွှာ တစ်ခုလုံးသည် တစပြင်နှယ် တိတ်ဆိတ်သွားခဲ့ပြီး လူတိုင်း၏ အကြည့်သည် ကျန်းချန်တို့ နှစ်ဦး ကိုယ်ပေါ်သို့ ကျရောက်သွားခဲ့သည်။</p> <p> </p> <p> </p> <p>အချိန်မည်မျှ ကြာသွားမှန်းပင် မသိရပေ။</p> <p> </p> <p> </p> <p>လီရှောင်ကို ချုပ်ကိုင်ထားသော ကျန်းချန်၏ လက်ဖဝါးသည် ရုတ်တရက် ပြင်းပြင်းထန်ထန် ညှစ်ချလိုက်ရာ လီရှောင်၏  လက်ဖဝါး တစ်ခုလုံးသည် အင်အားမဲ့သွားခဲ့ပြီး ကိုင်ထားသော ကြေးနီပြားကို လွှတ်ချလိုက်ရသည်။</p> <p> </p> <p> </p> <p>ကျန်းချန်က ရုတ်တရက် မျက်လုံးဖွင့်လိုက်ပြီး ကြေးနီပြားကို လက်ထဲသို့ ဖမ်းယူလိုက်သည်။</p> <p> </p> <p> </p> <p>ကျန်းချန်၏ ဆန့်ကျင်ဘက်မှ လီရှောင်ကမူ ခြေလှမ်း ငါးလှမ်းခန့် နောက်သို့ ဆုတ်သွားခဲ့ရပြီး မျက်နှာတစ်ခုလုံး ဖြူဖျော့သွားခဲ့သည်။</p> <p> </p> <p> </p> <p>ဤမြင်ကွင်းကို မြင်လျှင် ထိုနေရာရှိ ကြည့်ရှုနေသူအများအပြားသည် အသက်ကို ခပ်ပြင်းပြင်း ရှူရှိုက်လိုက်ကြရသည်။</p> <p> </p> <p> </p> <p>ဂုဏ်သိက္ခာကြီးမားသော ကျိုလီအင်မော်တယ်ဂိုဏ်း၏ နံပါတ်တစ် ပါရမီရှင် ဖြစ်ပြီး ကပ်ဘေးအဆင့် ကျင့်ကြံသူများထဲတွင် ပြိုင်ဘက်ကင်းဟု ကျော်ကြားသူသည် လျှို့ဝှက်ဆန်းကြယ်သော လူငယ်လေးနှင့် ရင်ဆိုင်ရာတွင် အမှန်တကယ်ပင် ရှုံးနိမ့်သွားခဲ့ရသည်။</p> <p> </p> <p> </p> <p>“ဒါက တကယ်ကို မယုံနိုင်စရာပဲ”</p> <p> </p> <p> </p> <p>“ဒီလျှို့ဝှက်ဆန်းကြယ်တဲ့ လူငယ်ရဲ့ နောက်ခံက ဘာများ ဖြစ်နေမလဲ”</p> <p> </p> <p> </p> <p>“ဘာလို့ ဒီလောက်တောင် ကြောက်စရာကောင်းတဲ့ စွမ်းရည်မျိုးကို ပိုင်ဆိုင်ထားရတာလဲ”</p> <p> </p> <p> </p> <p>“မင်းက တကယ် အတင့်ရဲတာပဲ”</p> <p> </p> <p> </p> <p>လီရှောင်၏ အနောက်မှ အဘိုးအိုနှင့် အနက်ရောင်ယူနီကွန်းတို့သည် လီရှောင်၏ နံဘေးသို့ တိုက်ရိုက်ပင် ရောက်ရှိလာကြသည်။</p> <p> </p> <p> </p> <p>မဟာယာန တစ်ပိုင်းအဆင့် ကျင့်ကြံသူ နှစ်ဦး၏ အားကောင်းသော အရှိန်အဝါသည် ကုန်သွယ်ရေးစျေး၏ တတိယအလွှာ တစ်ခုလုံးသို့ တမဟုတ်ချင်း ပျံ့နှံ့သွားခဲ့သည်။</p> <p> </p> <p> </p> <p>“လီရှောင်.. ကုန်သွယ်ရေးစျေးကို တည်ထောင်ကတည်းက ဒီမှာ ဘယ်သူမှ ပြဿနာမရှာရဲဘူး.. မင်းက ကျူလီအင်မော်တယ်ဂိုဏ်းရဲ့ အဖွဲ့ဝင်တစ်ဦး ဖြစ်နေရင်တောင် ဒီအကျိုးဆက်ကို တာဝန်ယူနိုင်မှာ မဟုတ်ဘူး.. ဒါကြောင့် အခုပဲ ရပ်တန့်လိုက်ပါ”</p> <p> </p> <p> </p> <p>ထိုအခိုက်အတန့်တွင် ကြေးနီပြားကို ရောင်းချခဲ့သော မီးခိုးရောင်ဝတ်ရုံဝတ် အဘိုးအိုထံကနေ အေးစက်စက် စကားသံ ထွက်ပေါ်လာခဲ့သည်။</p> <p> </p> <p> </p> <p>“ဒီကိစ္စကို ငါမေ့လိုက်မှာမဟုတ်ဘူး.. မင်းကို ငါ မှတ်ထားလိုက်ပြီ”</p> <p> </p> <p> </p> <p>လီရှောင်က ကျန်းချန်ကို စူးစိုက်ကြည့်လိုက်ပြီး သူ၏ နံဘေးရှိ လူနှစ်ဦးကို ပြောလိုက်သည်။</p> <p> </p> <p> </p> <p>“မင်းတို့နှစ်ယောက် နောက်ဆုတ်လိုက်ကြ”</p> <p> </p> <p> </p> <p>“သွားစို့”</p> <p> </p> <p> </p> <p>ကျန်းချန်က လီရှောင်ကို ဂရုစိုက်မနေဘဲ ရွှယ်ချန်ကျဲကို ခေါ်ကာ တတိယအလွှာ၏ တံခါးဝ ဆီသို့ လျင်မြန်စွာ လျှောက်လှမ်းသွားခဲ့သည်။</p> <p> </p> <p> </p> <p>သို့ရာတွင် သူက လီရှောင်၏ နံဘေးမှ ဖြတ်သွားချိန်တွင် ခြေလှမ်းကို အနည်းငယ် ရပ်တန့်လိုက်ပြီး သူတို့ နှစ်ဦးတည်းသာ ကြားနိုင်လောက်သော လေသံဖြင့် ပြောလိုက်၏။</p> <p> </p> <p> </p> <p>“ငါ့ကို ရန်လာမစနဲ့.. မဟုတ်ရင် မင်း စိမ်းလန်းသောမြစ်မြို့ကနေ အသက်ရှင်လျက် ပြန်ထွက်သွားနိုင်မှာ မဟုတ်ဘူး”</p> <p> </p> <p> </p> <p>ထိုစကားကို ပြောပြီးသည်နှင့် ကျန်းချန်သည် လီရှောင်၏  အလွန်အမင်း သုန်မှုန်နေသော မျက်နှာကို ဂရုစိုက်မနေတော့ဘဲ ရွှယ်ချန်ကျဲနှင့် အတူ လူမြင်ကွင်းကနေ ချက်ချင်းဆိုသလို ပျောက်ကွယ်သွားခဲ့သည်။</p> <p> </p> <p> </p> <p>ကျန်းချန်တို့နှစ်ဦး ထွက်ခွာသွားသည်ကို သုန်မှုန်သော အမူအရာဖြင့် ငေးကြည့်နေပြီးနောက်တွင်  လီရှောင်၏ မျက်ဝန်းထဲ၌ ကောက်ကျစ်သော အပြုံးတစ်ခု ဖြစ်ပေါ်လာခဲ့သည်။</p> <p> </p> <p> </p> <p>“ငါ လီရှောင်က တစ်နေ့နေ့မှာ ခြိမ်းခြောက်ခံရလိမ့်မယ်လို့ မထင်ထားခဲ့ဘူး.. ဒီခရီးစဥ်က တကယ်ကို စိတ်ဝင်စားဖို့ကောင်းနေပြီ.. ဒီနှစ်ယောက်ရဲ့ နောက်ခံကို အခုချက်ချင်း စုံစမ်းလိုက်.. လေလံပွဲ မတိုင်ခင် သူတို့ရဲ့ အသေးစိတ် အချက်အလက်တွေကို ငါသိချင်တယ်”</p> <p> </p> <p> </p> <p>အခန်း(၂၅၀၆)ပြီး၏။</p> <p> </p> <p> </p> <p> </p> <p> </p> <p style="text-align: center;">***</p> <p> </p>


Save