Book List

<h2 style="text-align: center;">အခန်း(၂၅၀၉)</h2> <h2 style="text-align: center;">*</h2> <p style="text-align:center"> </p> <p> </p> <p>ကြီးကြပ်ရေးမှု ရှဖေး၏ နေအိမ်ရှိ ဆိတ်ငြိမ်သော အခန်းတစ်ခန်းထဲတွင် ကျန်းချန်သည် မျက်လုံးများကို မှိတ်ထားပြီး တင်ပျဥ်ခွေကာ ငြိမ်သက်စွာ ထိုင်နေခဲ့သည်။</p> <p> </p> <p> </p> <p>သူ၏ ခန္ဓာကိုယ်မှ ထွက်ပေါ်နေသာ အရှိန်အဝါသည် ကြောက်မက်ဖွယ်ရာ ကောင်းသော အရှိန်အဟုန်ဖြင့် လျင်မြန်စွာ တိုးတက်နေခဲ့သည်။</p> <p> </p> <p> </p> <p>အချိန်မည်မျှကြာသွားမှန်း မသိရ‌ပေ။</p> <p> </p> <p> </p> <p>အဆုံးသတ်တွင် ကျန်းချန်သည် သူ၏ မျက်လုံးများကို ဖြည်းညင်းစွာ ဖွင့်လိုက်သည်။</p> <p> </p> <p> </p> <p>“သုံးရက်အတွင်းမှာ  ငါ့ရဲ့ခန္ဓာကိုယ်ထဲက အုပ်စိုးသူစွမ်းအားက ဆယ်ပုံတစ်ပုံ အထိ ရောက်လာလိမ့်မယ်လို့ မထင်ထားခဲ့ဘူး”</p> <p> </p> <p> </p> <p>သူ၏ ခန္ဓာကိုယ်အတွင်းမှ အင်အားကို ခံစားမိလျှင် ကျန်းချန်၏ နှုတ်ခမ်း‌ထောင့်တွင် ကျေနပ်သောအပြုံး တစ်ခု ဖြစ်ပေါ်လာခဲ့သည်။</p> <p> </p> <p> </p> <p>အင်မော်တယ်ခရစ္စတယ် အစိတ်အပိုင်းသည် ခန္ဓာကိုယ်အတွင်းရှိ နတ်ဘုရင်စွမ်းအားကို အားဖြည့်ပေးနိုင်ပြီး အုပ်စိုးသူစွမ်းအား အဖြစ် အလိုအလျောက် ပြောင်းလဲပေးနိုင်မှန်း အတည်ပြုပြီးနောက်တွင် ကျန်းချန်သည် အလဟဿ ထိုင်မနေဘဲ အခြေအနေကို သိရှိရန် ကျင့်ကြံခဲ့သည်။</p> <p> </p> <p> </p> <p>ချက်ချင်းဆိုသလိုပင် ကျန်းချန်သည် သူ၏ ကိုယ်ပိုင် ကျင့်ကြံမှုကလည်း သူ၏ ခန္ဓာကိုယ်အတွင်းမှ  အုပ်စိုးသူစွမ်းအားကို တိုးတက်စေနိုင်ကြောင်း ရှာဖွေ တွေ့ရှိခဲ့သည်။</p> <p> </p> <p> </p> <p>ထို့ကြောင့် ကျန်းချန်သည် လွန်ခဲ့သော ရက်အနည်းငယ်အတွင်း အာရုံစူးစိုက်ကာ ကျင့်ကြံနေခဲ့သည်။</p> <p> </p> <p> </p> <p>သုံးရက်မျှသာ ရှိသေးသော အချိန်တွင် ကျန်းချန်၏ ခန္ဓာကိုယ်အတွင်းရှိ နတ်ဘုရင် စွမ်းအားသည် အရည်အသွေးပိုင်းအရ ပြောင်းလဲသွားခဲ့ပြီး ခန္ဓာကိုယ်အတွင်းရှိ စွမ်းအား၏ ဆယ်ပုံတစ်ပုံခန့်ကို အုပ်စိုးသူစွမ်းအားက နေရာယူထားပြီ ဖြစ်သည်။</p> <p> </p> <p> </p> <p>တစ်နည်းအားဖြင့်ဆိုသော် ဤနှုန်းအတိုင်း ဆက်လက် တိုးတက်သွားမည် ဆိုလျှင် ဆယ့်ငါးရက်ခန့် အာရုံစူးစိုက်၍ ကျင့်ကြံရုံဖြင့် အုပ်စိုးသူအဆင့်ကို ထိုးဖောက်နိုင်ပေလိမ့်မည်။</p> <p> </p> <p> </p> <p>“ဒီနေ့က စိမ်းလန်းသောမြစ် ကုန်သွယ်ရေးအဖွဲ့ရဲ့ လေလံပွဲနေ့ပဲ.. အရင်ဆုံး လေလံပွဲကို သွားကြည့်မယ်”</p> <p> </p> <p> </p> <p>ကျန်းချန်က သူ့ဘာသာသူ တစ်ကိုယ်တည်း တီးတိုးရေရွတ်လိုက်ပြီးနောက်တွင် မတ်တတ်ရကာ အခန်းအပြင်ဘက်သို့  လှမ်းထွက်လာခဲ့သည်။</p> <p> </p> <p> </p> <p>ယခုအခါတွင် သူသည် အင်မော်တယ်ခရစ္စတယ် အစိတ်အပိုင်း၏ အထောက်အပံ့ဖြင့် အုပ်စိုးသူ တစ်ပိုင်း အဆင့်သို့ အောင်မြင်စွာ ရောက်ရှိနေပြီ ဖြစ်သည်။</p> <p> </p> <p> </p> <p>သူ့အတွက် အုပ်စိုးသူအဆင့်သို့ ထိုးဖောက်ရန်မှာ လွယ်ကူသောကိစ္စ ဖြစ်နေပြီ ဖြစ်ရာ ကပ်ဘေးဆေးလုံး အပေါ်တွင် စိတ်ဝင်စားမှု ကြီးကြီးမားမား မရှိတော့ပေ။</p> <p> </p> <p> </p> <p>သို့သော်လည်း ဤနေရာသို့ ရောက်နေပြီ ဖြစ်၍ ကျန်းချန်သည် စိမ်းလန်းသောမြစ် ကုန်သွယ်ရေးအဖွဲ့၏ လေလံပွဲကို ကြည့်ရှုလိုနေသေးသည်။</p> <p> </p> <p> </p> <p>အဆုံးသတ်တွင် စိမ်းလန်းသောမြစ် ကုန်သွယ်ရေးအဖွဲ့၏ လေလံပွဲတွင် ထွက်ပေါ်လာနိုင်သည့် အရာများသည် မည်သည့်နည်းနှင့်မျှ သာမန်ပစ္စည်းများ မဟုတ်ပေ။</p> <p> </p> <p> </p> <p>ထိုအထဲတွင် အင်မော်တယ်ခရစ္စတယ် အစိတ်အပိုင်းနှင့် ဆင်တူသော အရာမျိုးပင် ပေါ်လာနိုင်ပေသည်။</p> <p> </p> <p> </p> <p>အကယ်၍ လေလံပွဲတွင် အင်မော်တယ်ခရစ္စတယ် အစိတ်အပိုင်းနှင့် ဆင်တူသော ရတနာတစ်ခု သို့မဟုတ် နှစ်ခုလောက် ရရှိနိုင်မည် ဆိုလျှင် သူ့အနေဖြင့် အကျိုးအမြတ်အမြောက်အများ ရရှိပေလိမ့်မည် မဟုတ်ပါလား။</p> <p> </p> <p> </p> <p>အခန်းထဲမှ ထွက်လာပြီးနောက်တွင် ကျန်းချန်သည် ရွှယ်ချန်ကျဲနှင့်အတူ စိမ်းလန်းသောမြစ် ကုန်သွယ်ရေးအဖွဲ့၏ လေလံပွဲကျင်းပသည့် နေရာသို့ တိုက်ရိုက်ပင် သွားရောက်ခဲ့သည်။</p> <p> </p> <p> </p> <p>ကပ်ဘေးဆေးလုံး၏ ကျော်ကြားမှုကြောင့် စိမ်းလန်းသောမြစ် ကုန်သွယ်ရေးအဖွဲ့၏ လေလံပွဲသည် စိမ်းလန်းသောမြစ်ကောင်းကင်နယ်မြေ ပတ်ဝန်းကျင်ရှိ အခြားသော နယ်မြေအသီးသီးမှ အစွမ်းထက် ကျင့်ကြံသူများကို ဆွဲဆောင်နိုင်ခဲ့သည်။</p> <p> </p> <p> </p> <p>ထို့ကြောင့် ကျန်းချန်တို့ နှစ်ယောက် လေလံပွဲ တံခါးဝသို့ ရောက်ရှိလာသောအခါတွင် လူအုပ်ကြီးသည် ပြည့်နှက်နေခဲ့ချေပြီ။</p> <p> </p> <p> </p> <p>“ကပ်ဘေးဆေးလုံးရဲ့ ဆွဲဆောင်မှုက တကယ်ကို မသေးဘူးပဲ"</p> <p> </p> <p> </p> <p>"ကပ်ဘေးဆေးလုံး ဆိုတာက တိမ်မြုပ်ပျောက်ကွယ်နေတဲ့ ရှေးဟောင်းဆေးလုံးတစ်မျိုးပဲ.. အဲဒီဆေးလုံးရဲ့စွမ်းအားက မဟာယာနအဆင့် ကျင့်ကြံသူတစ်ဦးကို ဖန်တီးပေးနိုင်တာနဲ့ အတူတူပဲ.. ထိပ်တန်း အင်မော်တယ် ဂိုဏ်းကြီးဆယ်ဂိုဏ်းတောင်မှ ကပ်‌ဘေးဆေးလုံးကို အတော်လေး လိုချင်နေကြတယ်"</p> <p> </p> <p> </p> <p>"တကယ်လို့ စိမ်းလန်းသောမြစ် ကုန်သွယ်ရေးအဖွဲ့က လေလံပွဲကို အလျင်စလို မကျင်းပဘဲ စိမ်းလန်းသောမြစ် ကောင်းကင်နယ်မြေ ပတ်ဝန်းကျင်က နယ်မြေတချို့ကိုပဲ သတင်းမဖြန့်ခဲ့ဘူး ဆိုရင် စိမ်းလန်သောမြစ် ကုန်သွယ်ရေးအဖွဲ့က အခုထက် အဆပေါင်းများစွာ ပိုပြီး စည်းကားနေမှာပဲ”</p> <p> </p> <p> </p> <p>ရွှယ်ချန်ကျဲက ခပ်တိုးတိုး ပြောလိုက်သည်။</p> <p> </p> <p> </p> <p>ကပ်ဘေးအဆင့် ကျင့်ကြံသူတစ်ဦး အနေဖြင့် ရွှယ်ချန်ကျဲသည် ကပ်ဘေးဆေးလုံးက မည်မျှအထိ ဆွဲ‌ဆောင်မှုရှိမှန်း ကောင်းစွာ သိရှိထားခဲ့သည်။</p> <p> </p> <p> </p> <p>ကျန်းချန်က ခပ်ယဲ့ယဲ့ပြုံးကာ ပြောလိုက်သည်။</p> <p> </p> <p> </p> <p>“ငါတို့ အထဲဝင်ကြစို့”</p> <p> </p> <p> </p> <p>ယခုအခါတွင် သူက အင်မော်တယ်ခရစ္စတယ် အစိတ်အပိုင်း၏ အကူအညီဖြင့် အုပ်စိုးသူ တစ်ပိုင်းအဆင့်ကို  ရောက်ရှိနေပြီ ဖြစ်သည်။</p> <p> </p> <p> </p> <p>သူ့အတွက်မူ ကပ်ဘေးဆေးလုံးသည် မရှိမဖြစ် မဟုတ်တော့၍ တောင်ပေါ်တွင် ထိုင်ကာ ကျားနှစ်ကောင် တိုက်ခိုက်သည်ကို ကြည့်နေရုံသာ ဖြစ်၏။</p> <p> </p> <p> </p> <p>အထူးသဖြင့် သွေးနတ်ဆိုးဂိုဏ်းမှ ရွှယ်ဝူရှ ဖြစ်သည်။</p> <p> </p> <p> </p> <p>အကယ်၍ ရွှယ်ဝူရှသာ ကပ်ဘေးဆေးလုံး အတွက် တိုက်ခိုက်နေစဥ် အတွင်း ပြဿနာနှင့် ကြုံတွေ့ရလျှင် သူက ထိုအရေးကြီးသော အခိုက်အတန့်၌ သေစေလောက်သော ထိုးနှက်ချက် တစ်ခုကို ပေးစွမ်းမည် ဖြစ်ပြီး သွေးနတ်ဆိုးဂိုဏ်း၏ နံပါတ်တစ် ပါရမီရှင်ကို အဆုံးသတ်ပေးမည် ဖြစ်သည်။</p> <p> </p> <p> </p> <p>ရှဖေးထံမှ အထူးဧည့်သည်တော် ဖိတ်စာ ရရှိထားသောကြောင့် ကျန်းချန်သည် လေလံပွဲ အတွင်းသို့ တန်းစီစောင့်ဆိုင်းနေစရာ မလိုဘဲ တိုက်ရိုက်ပင် ဝင်ရောက်နိုင်ခဲ့သည်။</p> <p> </p> <p> </p> <p>လေလံပွဲ၏ တံခါးဝသို့ ဝင်ရောက်လိုက်သောအခါတွင် စင်္ကြန်လမ်း၏ အလင်းရောင်သည် အနည်းငယ် မှိန်ဖျော့နေခဲ့၏။</p> <p> </p> <p> </p> <p>ကျန်းချန်တို့က စင်္ကြန်လမ်းအတိုင်း လျှောက်သွားခဲ့ရာ လမ်းအဆုံးတွင် လေလံပွဲကျင်းပသည့် နေရာသည် ကျန်းချန်တို့၏ မြင်ကွင်းရှေ့၌ ပေါ်လာခဲ့သည်။</p> <p> </p> <p> </p> <p>ဤလေလံပွဲ ကျင်းပသော နေရာသည်  ကျန်းချန် ယခင်က မြင်ဖူးသမျှ လေလံပွဲကျင်းပရာ နေရာများထက် ပို၍  ကြီးမား၏။</p> <p> </p> <p> </p> <p>စီတန်းထားသော ထိုင်ခုံများနှင့် တောက်ပသော ခရစ္စတယ်များဖြင့် တည်ဆောက်ထားသည့် လေလံစင်မြင့်သည် လူကို အနည်းငယ်ပင် မျက်စိကျိန်းစေခဲ့သည်။</p> <p> </p> <p> </p> <p>“သခင်လေး.. သခင်လေးရဲ့ ထိုင်ခုံနံပါတ်က ဘယ်လောက်လဲရှင့်”</p> <p> </p> <p> </p> <p>ထိုအခိုက်အတန့်တွင် လှပသော အစေခံ မိန်းကလေး တစ်ဦးသည် သူ့အနားသို့ အလျင်အမြန် လျှောက်လာပြီး ကျန်းချန်ကို တရိုတသေ မေးလိုက်သည်။</p> <p> </p> <p> </p> <p>“ထိုင်ခုံနံပါတ်လား”</p> <p> </p> <p> </p> <p>ကျန်းချန်က ခဏမျှ မှင်တက်သွားပြီးနောက်တွင် ရှဖေး ပေးထားသည့် အထူးဧည့်သည်တော် ဖိတ်စာကို ထုတ်ပြလိုက်သည်။</p> <p> </p> <p> </p> <p>“ငါ့မှာ ဒါပဲ ရှိတယ်”</p> <p> </p> <p> </p> <p>ကျန်းချန်၏ လက်ထဲရှိ အထူးဧည့်သည်တော် ဖိတ်စာကို မြင်လျှင် အစေခံ မိန်းကလေး မျက်ဝန်းထဲတွင် အံ့အားသင့်သော အရိပ်အယောင် တစ်ခု ဖြစ်ပေါ်လာခဲ့သည်။</p> <p> </p> <p> </p> <p>လေလံပွဲ၏ အစေခံတစ်ဦး အနေဖြင့် ကျန်းချန်၏ လက်ထဲရှိ အထူးဧည့်သည်တော် ဖိတ်စာ၏ အထူး အဆင့်အတန်းကို သူမ သဘာဝကျစွာပင် မြင်နိုင်ခဲ့သည်။</p> <p> </p> <p> </p> <p>ဤသည်မှာ ပထမတန်းစား အထူးဧည့်သည်တော် ဖိတ်စာ ဖြစ်သည်။</p> <p> </p> <p> </p> <p>ယင်းက အထူးဖိတ်စာတချို့မှ လွဲလျှင် စိမ်းလန်းသောမြစ် ကုန်သွယ်ရေးအဖွဲ့၏ အမြင့်ဆုံးအဆင့် အထူးဧည့်သည်တော်  ဖိတ်စာ ဖြစ်၏။</p> <p> </p> <p> </p> <p>လေလံပွဲတိုင်းတွင် စိမ်းလန်းသောမြစ် ကုန်သွယ်ရေးအဖွဲ့က ထုတ်ပေးသည့် ပထမတန်းစား အထူးဖိတ်စာ အရေအတွက်သည် အစောင်သုံးဆယ်ထက် မပိုပေ။</p> <p> </p> <p> </p> <p>ထို့ကြောင့် ပထမတန်းစား အထူး ဧည့်သည်တော် ဖိတ်စာကို ရရှိနိုင်သူသည် မည်သို့မှ သာမန် လူတစ်ယောက် မဟုတ်သည်မှာ သေချာ၏။</p> <p> </p> <p> </p> <p>“သခင်လေးက ကျွန်မတို့ စိမ်းလန်းသောမြစ် ကုန်သွယ်ရေးအဖွဲ့ရဲ့ ပထမတန်းစား အထူးဧည့်သည် ဖြစ်နေတာကိုး.. ကျွန်မ နောက်ကို လိုက်ခဲ့ပါရှင့်”</p> <p> </p> <p> </p> <p>အစေခံမိန်းကလေးသည် ယခင်ကထက်ပင် ပို၍ ရိုသေကိုင်းညွှတ်သွားခဲ့ပြီး ကျန်းချန်ကို လေလံပွဲ အတွင်းသို့ လျင်မြန်စွာ  ခေါ်ဆောင်သွားခဲ့သည်။</p> <p> </p> <p> </p> <p>ကြီးမားလှသော လေလံပွဲ ကျင်းပရာနေရာတွင် အတန်ကြာ လျှောက်သွားပြီးနောက် အစေခံမိန်းကလေးသည် ကျန်းချန်ကို ခရစ္စတယ် လေလံစင်မြင့်၏ အနီးတွင် နေရာချပေးကာ အရိုအသေ ပေး၍ ထွက်ခွာသွားခဲ့သည်။</p> <p> </p> <p> </p> <p>ကျန်းချန်က ကျယ်ဝန်းပြီး နူးညံ့သော ဇိမ်ခံထိုင်ခုံတွင် ထိုင်ချလိုက်ရင်း လေလံပွဲ ကျင်းပသည့် နေရာကို အကဲခတ် ကြည့်ရှုလိုက်သည်။</p> <p> </p> <p> </p> <p>ကျင့်ကြံသူ အများအပြားသည် လေလံပွဲကို ရောက်ရှိနေခဲ့ကြပြီ ဖြစ်၏။</p> <p> </p> <p> </p> <p>ကျန်းချန် တစ်ချက် ဝေ့ကြည့်လိုက်ရုံဖြင့်ပင် တစ်ရာထက်မနည်းသော ကပ်ဘေးအဆင့် ကျင့်ကြံသူများနှင့် ဆယ်ဦးထက် မနည်းသော မဟာယာန တစ်ပိုင်းအဆင့် ကျင့်ကြံသူများ၏ အရှိန်အဝါကို ခံစားလိုက်ရသည်။</p> <p> </p> <p> </p> <p>“အင်မော်တယ် ကျင့်ကြံခြင်း စကြဝဠာရဲ့ အင်အားက  တကယ်ကို မသေးဘူးပဲ”</p> <p> </p> <p> </p> <p>ကျန်းချန်က စိတ်ထဲတွင် သက်ပြင်းချမိလိုက်၏။</p> <p> </p> <p> </p> <p>လေလံပွဲသို့ ရောက်ရှိနေသော အစွမ်းထက် ကျင့်ကြံသူများ၏ အင်အားဖြင့်ပင် သူတို့ နတ်ဘုရားနယ်မြေ တစ်ခုလုံးကို ချေမှုန်းရန် လုံလောက်၏။</p> <p> </p> <p> </p> <p>“သခင်လေးလီရှောင်.. ဟိုကောင်လည်း ရောက်နေတယ်”</p> <p> </p> <p> </p> <p>ကျန်းချန်က ခန်းမတစ်ခုလုံးကို လှည့်ပတ် ကြည့်ရှုနေစဥ်မှာပင် ကျန်းချန်တို့နှင့် မျက်နှာချင်းဆိုင်ရှိ ပထမတန်းစား အထူး ဧည့်သည်တော် ထိုင်ခုံရှိ လီရှောင်၏ နံဘေးမှ အဘိုးအိုက ခပ်တိုးတိုး ပြောလိုက်သည်။</p> <p> </p> <p> </p> <p>“စိတ်မပူပါနဲ့ ငါဒီသတင်းကို ဂိုဏ်းဆီ အကြောင်းကြားပြီးပြီ.. ဂိုဏ်းက မဟာယာနအဆင့် ကျင့်ကြံသူတစ်ဦးကို စေလွှတ်လိမ့်မယ်.. ဒီကောင့်အတွက် ပြေးစရာမြေ မရှိစေရဘူး”</p> <p> </p> <p> </p> <p>လီရှောင်က အေးစက်စက် ပြောလိုက်သည်။</p> <p> </p> <p> </p> <p>“ဒီနေ့က စိမ်းလန်းသောမြစ် ကုန်သွယ်ရေးအဖွဲ့ရဲ့ လေလံပွဲနေ့ပဲ.. အရင်ဆုံး ကပ်ဘေးဆေးလုံးကို ရအောင် ယူလိုက်ဦးမယ်”</p> <p> </p> <p> </p> <p>“စိမ်းလန်းသောမြစ် ကုန်သွယ်ရေးအဖွဲ့က ကပ်ဘေးဆေးလုံးကို လေလံတင်မယ် ဆိုတဲ့သတင်းက အတော်လေး အလျင်စလို ဖြစ်သွားခဲ့တဲ့ အတွက် စိမ်းလန်းသောမြစ်ကောင်းကင်နယ်မြေရဲ့ ပတ်ဝန်းကျင်နယ်မြေ အနည်းငယ်လောက်ကိုပဲ ဆွဲဆောင်နိုင်ခဲ့တယ်.. ဒါကြောင့် ဒီနေ့မှာ ငါတို့ရဲ့အကြီးမားဆုံး ပြိုင်ဘက်က သွေးနတ်ဆိုးဂိုဏ်းက ရွှယ်ဝူရှ  တစ်ယောက်ပဲ ရှိလိမ့်မယ်”</p> <p> </p> <p>အဘိုးအိုက ထိုစကားကိုပြောရင်း ရွှယ်ဝူရှ ရှိရာဘက်သို့ လှမ်းကြည့်လိုက်သည်။</p> <p> </p> <p>“ရွှယ်ဝူရှ အတွက် ငါမစိုးရိမ်ဘူး.. အဲဒီကောင်ကို ငါ ပိုပြီး စိုးရိမ်နေမိတယ်”</p> <p> </p> <p> </p> <p>လီရှောင်က မျက်နှာချင်းဆိုင်ရှိ ကျန်းချန်ကို လှမ်းကြည့်ကာ လေးနက်စွာ ပြောလိုက်သည်။</p> <p> </p> <p> </p> <p>“အဲဒီကောင်က ဆိတ်ငြိမ်သွေးကောင်းကင်နယ်မြေက လာတယ် ဆိုတာ မင်းသေချာရဲ့လား”</p> <p> </p> <p> </p> <p>အဘိုးအိုက ခေါင်းညိတ်၍ ပြောလိုက်သည်။</p> <p> </p> <p> </p> <p>“အဲဒီကောင်က စိမ်းလန်းသောမြစ် ကုန်သွယ်ရေးအဖွဲ့နဲ့ အတူ ဆိတ်ငြိမ်သွေးကောင်းကင် နယ်မြေကနေ တကယ်ပဲ လာခဲ့တာပါ”</p> <p> </p> <p> </p> <p>လီရှောင်၏ မျက်ဝန်းထဲတွင် ထူးဆန်းသော အမူအရာတစ်ခု ရုတ်တရက် ပေါ်ပေါက်လာခဲ့သည်။</p> <p> </p> <p> </p> <p>“ဒီကောင့်လို လူမျိုးကို ထိပ်တန်းအင်မော်တယ် ဂိုဏ်းကြီး ဆယ်ဂိုဏ်းကပဲ ပျိုးထောင်နိုင်လိမ့်မယ်.. ဒါပေမဲ့ သွေးနတ်ဆိုးဂိုဏ်းက ရွှယ်ဝူရှကို စေလွှတ်လိုက်ပြီးပြီပဲ.. ကပ်ဘေးဆေးလုံး အတွက် နောက်ထပ် လူတစ်ယောက်ကို ဘယ်လိုလုပ်ပြီး လျှို့ဝှက်စေလွှတ်ဖို့ ဖြစ်နိုင်မှာလဲ.. တကယ်လို့ ဒီကောင်က သွေးနတ်ဆိုးဂိုဏ်းက မဟုတ်ဘူး ဆိုရင် ဒီကောင့်ရဲ့နောက်ခံက ဘာများ ဖြစ်နေမလဲ”</p> <p> </p> <p> </p> <p>အခန်း(၂၅၀၉)ပြီး၏။</p> <p> </p> <p> </p> <p> </p> <p> </p> <p style="text-align: center;">***</p> <p> </p>


Save