Book List

<h2 style="text-align: center;">အခန်း(၂၅၁၀)</h2> <h2 style="text-align: center;">*</h2> <p style="text-align:center"> </p> <p> </p> <p>လီရှောင်က ကျန်းချန်တို့ နှစ်ဦး မည်သူမည်ဝါဖြစ်ကြောင်း တိတ်တဆိတ် ခန့်မှန်းနေချိန်မှာပင် အခြားတစ်ဖက်တွင်လည်း ရွှယ်ဝူရှတို့ လူစု၏ အကြည့်သည် ကျန်းချန်တို့ ဆီသို့ ကျရောက်နေခဲ့သည်။</p> <p> </p> <p> </p> <p>“အကြီးအကဲယင်.. ဒီနှစ်ယောက်ရဲ့ အသေးစိတ် အချက်အလက်တွေကို စုံစမ်းခိုင်းထားတာ ဘယ်လိုလဲ.. ဘာတွေသိရပြီလဲ”</p> <p> </p> <p> </p> <p>ရွှယ်ဝူရှက မျက်မှောင်ကြုတ်ကာ ကျန်းချန်တို့ နှစ်ဦးကို ကြည့်ရင်း သူ၏ နံဘေးရှိ ပိန်ပါးပါး အဘိုးအိုကို ခပ်တိုးတိုး မေးလိုက်သည်။</p> <p> </p> <p> </p> <p>“ဒီနှစ်‌ယောက်ရဲ့ မူလအစက အတော်လေး လျှို့ဝှက်ဆန်းကြယ်တယ်.. သူတို့က လေထဲကနေ ရုတ်တရက် ထွက်ပေါ်လာသလိုပဲ.. ကျွန်တော်လည်း ရှိသမျှ အဆက်အသွယ်တွေအကုန်သုံးပြီး ရှာကြည့်ပေမဲ့ သူတို့ ဘယ်နေရာက လာလဲ ဆိုတာ မသိခဲ့ဘူး”</p> <p> </p> <p> </p> <p>ပိန်ပါးပါး အဘိုးအိုက ခေါင်းခါရမ်းလိုက်ပြီးနောက်တွင် လေးနက်စွာ ပြောလိုက်သည်။</p> <p> </p> <p> </p> <p>“ဒါပေမဲ့ တစ်ခုတော့ သေချာတယ်.. ဒီနှစ်ကောင်က ကျွန်တော်တို့ ဆိတ်ငြိမ်သွေးကောင်းကင်နယ်မြေကနေ လာတာပဲ”</p> <p> </p> <p> </p> <p>ထိုစကားကိုကြားလျှင် ရွှယ်ဝူရှ၏ မျက်ဝန်းများသည် အနည်းငယ် ကျဥ်းမြောင်းသွားခဲ့သည်။</p> <p> </p> <p> </p> <p>ထိုနေ့က ကုန်သွယ်ရေးစျေး တတိယအလွှာတွင် ထိုလျှို့ဝှက်ဆန်းကြယ်သော လူငယ်သည် လီရှောင်နှင့် ထိပ်တိုက်ရင်ဆိုင်ပြီး လီရှောင်ကိုပင် အသာစီး ရခဲ့သည်။</p> <p> </p> <p> </p> <p>ယင်းမှာ လီရှောင်၏ ပေါ့ဆမှုကြောင့် ဖြစ်နိုင်သော်လည်း လျှို့ဝှက်ဆန်းကြယ်သော လူငယ်၏ ပင်ကိုစွမ်းရည်သည် အလွန်တရာ ထူးခြားသည်ကို သက်သေပြရန် လုံလောက်၏။</p> <p> </p> <p> </p> <p>ထိုလူငယ်က သူနှင့် နှိုင်းယှဥ်လျှင်ပင် အနည်းငယ်မျှ နိမ့်ကျလိမ့်မည် မဟုတ်ချေ။</p> <p> </p> <p> </p> <p>ရွှယ်ဝူရှသည် ဆိတ်ငြိမ်သွေးကောင်းကင် နယ်မြေတွင် ဤကဲ့သို့ ကြောက်မက်ဖွယ်ရာကောင်းသော ပါရမီရှင် တစ်ဦး ရှိနေသည်ကို မယုံကြည်နိုင်အောင် ဖြစ်နေခဲ့သည်။</p> <p> </p> <p> </p> <p>“ဒီလို ပါရမီရှင်မျိုး ဆိတ်ငြိမ်သွေးကောင်းကင်နယ်မြေမှာ ပုန်းအောင်းနေလိမ့်မယ်လို့ မထင်ထားခဲ့ဘူး.. သူတို့က သွေးဓားအင်မော်တယ်ဂိုဏ်းကများ ဖြစ်နေမလား”</p> <p> </p> <p> </p> <p>ရွှယ်ဝူရှ၏ မျက်ဝန်းထဲတွင် ထက်ရှသော အလင်းတန်း တစ်ခု လက်ခနဲ ဖြစ်သွားခဲ့သည်။</p> <p> </p> <p> </p> <p>သွေးဓားအင်မော်တယ်ဂိုဏ်းသည် အထွတ်အထိပ်ကာလတွင် အင်မော်တယ် ကျင့်ကြံခြင်းစကြဝဠာ၏ ထိပ်တန်းအင်မော်တယ် ဂိုဏ်းကြီးဆယ်ဂိုဏ်း ထဲတွင် ပါဝင်ပြီး ယခု လက်ရှိသွေးနတ်ဆိုးဂိုဏ်းထက်ပင် များစွာ ပို၍ အင်အားကြီးခဲ့သည်။</p> <p> </p> <p> </p> <p>ယခုအခါတွင် သွေးဓားအင်မော်တယ်ဂိုဏ်းသည် ဆုတ်ယုတ်နေပြီ ဖြစ်သော်လည်း ပိန်သွားသော ကုလားအုပ်သည် မြင်းထက် ကြီးမားနေဆဲ ဟူသော ဆိုရိုးစကားကဲ့သို့ပင်။</p> <p> </p> <p> </p> <p>သွေးဓားအင်မော်တယ်ဂိုဏ်းသည် ဤကဲ့သို့ ပါရမီရှင်မျိုးကို လျှို့ဝှက် ပျိုးထောင်ထားရန်မှာ မဖြစ်နိုင်သည်တော့ မဟုတ်ပေ။</p> <p> </p> <p> </p> <p>“ဒါတော့ မဖြစ်နိုင်ဘူးထင်တယ် သခင်လေး”</p> <p> </p> <p> </p> <p>ပိန်ပါးပါး အဘိုးအိုက ခေါင်းခါရမ်း၍ ပြောလိုက်သည်။</p> <p> </p> <p> </p> <p>“ဒီနှစ်တွေအတွင်း ကျွန်တော်တို့ရဲ့ ဖိနှိပ်မှုအောက်မှာ သွေးဓားအင်မော်တယ်ဂိုဏ်းက တပည့်သစ် စုဆောင်းဖို့တောင် အနိုင်နိုင်ပဲ.. သူတို့က ဒီလိုမျိုး ပါရမီရှင်ကို ဘယ်လိုလုပ်ပြီး  ပျိုးထောင်နိုင်မှာလဲ”</p> <p> </p> <p> </p> <p>သွေးဓားအင်မော်တယ်ဂိုဏ်းသည် ရှည်လျားသော သမိုင်းကြောင်း ရှိပြီး အခြေခံအုတ်မြစ်သည် အလွန်တရာပင်  နက်ရှိုင်း၏။</p> <p> </p> <p> </p> <p>သွေးဓားအင်မော်တယ်ဂိုဏ်းသည် ထိပ်တန်း ပါရမီရှင်များအား ပျိုးထောင်နိုင်စွမ်း ရှိသည်ကို ပိန်ပါးပါး အဘိုးအို သံသယမရှိပေ။</p> <p> </p> <p> </p> <p>သို့သော်လည်း အဓိကအချက် အနေဖြင့် သွေးဓားအင်မော်တယ်ဂိုဏ်းသည် အစွမ်းထက် ပါရမီရှင် တပည့်ကို ရှာတွေ့နိုင်ရန် လိုအပ်၏။</p> <p> </p> <p> </p> <p>ယခုအခါတွင်  ဆိတ်ငြိမ်သွေးကောင်းကင် နယ်မြေကို သူတို့သွေးနတ်ဆိုးဂိုဏ်းက ထိန်းချုပ်ထားပြီး သူတို့၏ ပိတ်ဆို့မှုအောက်တွင် ပါရမီရှင် တပည့်တစ်ဦးသည် သွေးဓားအင်မော်တယ်ဂိုဏ်းသို့ ဝင်ရောက်ရန်မှာ မဖြစ်နိုင်သလောက်ပင်။</p> <p> </p> <p> </p> <p>ထို့ကြောင့် သွေးဓားအင်မော်တယ်ဂိုဏ်းသည် နက်ရှိုင်းသော အခြေခံအုတ်မြစ် ရှိသော်လည်း လေ့ကျင် ပျိုးထောင်ပေးရန် ပါရမီရှင်တပည့် မရှိသည့်အတွက် "ဆန်မရှိ၍ ထမင်းချက်ရခက်နေသော မိန်းမကောင်း"ကဲ့သို့ ဖြစ်နေခဲ့သည်။</p> <p> </p> <p> </p> <p>ရွှယ်ဝူရှက မျက်မှောင်ကြုတ်ကာ ပြောလိုက်၏။</p> <p> </p> <p> </p> <p>“တကယ်လို့ ဒီနှစ်ယောက်က သွေးဓားအင်မော်တယ်ဂိုဏ်းက  မဟုတ်ဘူးဆိုရင် ဘယ်သူတွေ ဖြစ်နိုင်မလဲ”</p> <p> </p> <p> </p> <p>ဆိတ်ငြိမ်သွေးကောင်းကင် နယ်မြေသည် သူတို့ သွေးနတ်ဆိုးဂိုဏ်းက ထိန်းချုပ်ထားသော နယ်မြေ ဖြစ်သည်။</p> <p> </p> <p> </p> <p>ယခုအခါတွင် ဆိတ်ငြိမ်သွေးကောင်းကင် နယ်မြေထဲ၌ သူ့ထက်ပင် မနိမ့်ကျသည် ကြောက်မက်ဖွယ်ပါရမီရှင် တစ်ဦး ရှိနေသော်လည်း သူတို့ သွေးနတ်ဆိုးဂိုဏ်းသည် လုံးဝ သတိမထားမိခဲ့ပေ။</p> <p> </p> <p> </p> <p>ယင်းမှာ သူတို့ သွေးနတ်ဆိုးဂိုဏ်း အတွက် သတင်းကောင်းတစ်ခု မဟုတ်ချေ။</p> <p> </p> <p> </p> <p>“သခင်လေး.. သိပ်မကြာခင်က သွေးနတ်ဆိုးဂိုဏ်းရဲ့ ပါရမီရှင်နှစ်ယောက်က ရွှယ်ချန်ကျဲနဲ့ လူငယ် တစ်ယောက်ရဲ့ လက်ထဲမှာ တစ်ယောက်ပြီး တစ်ယောက် ကျဆုံးသွားခဲ့တယ်”</p> <p> </p> <p> </p> <p>ထိုအခိုက်အတန့်တွင် စကားတစ်လုံးမှ ဝင်မပြောသေးသည့်  သွေးရောင်ဆံပင်နှင့် အဘိုးအိုသည် ရုတ်တရက် လေးနက်စွာ ပြောလိုက်သည်။</p> <p> </p> <p> </p> <p>သွေးရောင်ဆံပင်နှင့် အဘိုးအို၏ စကားကိုကြားလျှင် ရွှယ်ဝူရှ၏ မျက်ဝန်းများသည် ရုတ်တရက် ကျဥ်းမြောင်းသွားခဲ့၏။</p> <p> </p> <p> </p> <p>သွေးနတ်ဆိုးဂိုဏ်းသည် ဆိတ်ငြိမ်သွေးကောင်းကင် နယ်မြေကို နှစ်ပေါင်းများစွာ ထိန်းချုပ်လာခဲ့သည် ဖြစ်ရာ အကယ်၍ ဆိတ်ငြိမ်သွေးကောင်းကင် နယ်မြေ ထဲတွင် ဤကဲ့သို့ ပါရမီရှင်တစ်ဦး ရှိနေလျှင် သွေးနတ်ဆိုးဂိုဏ်းသည် မသိဘဲနေရန် မဖြစ်နိုင်ပေ။</p> <p> </p> <p> </p> <p>သို့သော်လည်း မကြာသေးမီက စပြီး ဆိတ်ငြိမ်သွေးကောင်းကင် နယ်မြေတွင် ပါရမီရှင်များကို သတ်ဖြတ်နိုင်သည့် ကြောက်မက်ဖွယ် ပုဂ္ဂိုလ်တစ်ဦး ပေါ်ထွက်လာခဲ့သည်မှာ အမှန်ပင် ဖြစ်၏။</p> <p> </p> <p> </p> <p>ထို့အပြင် ထိုလူသည် သူတို့ သွေးနတ်ဆိုးဂိုဏ်း၏ သစ္စာဖောက် ဖြစ်သည့် ရွှယ်ချန်ကျဲ၏ အပေါင်းအဖော်လည်းဖြစ်သည်။</p> <p> </p> <p> </p> <p>ရွှယ်ချန်ကျဲသည် သွေးနတ်ဆိုးဂိုဏ်းကို တမင် ရည်ရွယ်၍ တိုက်ခိုက်ခဲ့ပြီး သွေးနတ်ဆိုးဂိုဏ်း၏ ပါရမီရှင် နှစ်ဦးကို သတ်ဖြတ်ခဲ့သည်။</p> <p> </p> <p> </p> <p>ထိုသတင်းသည် ဆိတ်ငြိမ်သွေးကောင်းကင် နယ်မြေတစ်ခုလုံးကိုပင် လှုပ်လှုပ်ရှားရှား ဖြစ်သွားစေခဲ့သည်။</p> <p> </p> <p> </p> <p>ထို့အပြင် ရွှယ်ယန်မြို့စား ရွှယ်ချင်းယန်သည်လည်း ရွှယ်ချန်ကျဲတို့ နှစ်ဦး၏ လက်ထဲမှာပင် ကျဆုံးသွားခဲ့ရ၏။</p> <p> </p> <p> </p> <p>ယခုတစ်ကြိမ် စိမ်းလန်းသောမြစ် ကုန်သွယ်ရေးအဖွဲ့သို့ လာရောက်ရသည့် ရည်ရွယ်ချက်မှာ ကပ်ဘေးဆေးလုံး အတွက်သာမက အခြား ရည်ရွယ်ချက်တစ်ခု ဖြစ်သည့် ရွှယ်ချန်ကျဲတို့ နှစ်ဦးကို ဖော်ထုတ်ရန် အတွက် ဖြစ်သည်။</p> <p> </p> <p> </p> <p>သို့သော်လည်း ရွှယ်ချန်ကျဲတို့ နှစ်ဦးသည် သတိကြီးစွာ ထားနေပုံရပြီး သူ့အပေါ်တွင် မည်သည့် လှုပ်ရှားမှုမှ မပြုလုပ်ခဲ့ကြပေ။</p> <p> </p> <p> </p> <p>သို့ရာတွင် ရွှယ်ချန်ကျဲတို့ နှစ်ဦး လှုပ်ရှားမှု မပြုလုပ်ခြင်းသည် သူ့အပေါ်တွင် တိုက်ခိုက်ရန် လက်လျော့လိုက်သည်ဟု မဆိုလိုချေ။</p> <p> </p> <p> </p> <p>ထိုနှစ်ယောက်သည် စိမ်းလန်းသောမြစ်မြို့ကို ရောက်နှင့်နေခြင်းလည်း ဖြစ်နိုင်၏။</p> <p> </p> <p> </p> <p>မျက်နှာချင်းဆိုင်မှ လျှို့ဝှက်ဆန်းကြယ်သော လူနှစ်ယောက်သည် ဆိတ်ငြိမ်သွေးကောင်းကင်နယ်မြေမှ လာသည် ဆိုလျှင် ၎င်းတို့သည် အမှန်တကယ်ပင် ရုပ်ဖျက်ထားသည့် ရွှယ်ချန်ကျဲတို့ နှစ်ဦး ဖြစ်နိုင်လောက်၏။</p> <p> </p> <p> </p> <p>“သခင်လေးဝူရှ.. ကျွန်တော်လည်း ဒီနှစ်ယောက်ကို ရွှယ်ချန်ကျဲတို့ နှစ်ဦး ဖြစ်နိုင်ခြေများတယ်လို့ ထင်မိတယ်.. သူတို့ကို စမ်းသပ်လိုက်ရမလား”</p> <p> </p> <p> </p> <p>ပိန်ပါးပါး အဘိုးအို၏ မျက်ဝန်းက လက်ခနဲ ဖြစ်သွားခဲ့ပြီး ခပ်တိုးတိုး မေးလိုက်သည်။</p> <p> </p> <p> </p> <p>ရွှယ်ဝူရှက ခဏမျှ စဥ်းစားပြီးမှ ပြောလိုက်သည်။</p> <p> </p> <p> </p> <p>“မြွေကို လန့်ပြေးအောင် မခြောက်မိစေနဲ့.. သူတို့ကို တိတ်တဆိတ်ပဲ လေလံပွဲပြီးတဲ့အထိ သတိထားပြီး စောင့် ကြည့်နေပါ”</p> <p> </p> <p> </p> <p>ဤသည်က စိမ်းလန်းသောမြစ် ကုန်သွယ်ရေးအဖွဲ့၏ ဌာနချုပ် ဖြစ်သည်။</p> <p> </p> <p> </p> <p>အကယ်၍ ထိုနှစ်ယောက်က သူတို့ ထင်ထားသလို အမှန်တကယ် ဖြစ်နေလျှင်ပင် ဤနေရာတွင် သတ်၍ မရပေ။</p> <p> </p> <p> </p> <p>ထို့အပြင် စိမ်းလန်းသောမြစ် ကုန်သွယ်ရေးအဖွဲ့၏ လေလံပွဲသည် စတင်တော့မည် ဖြစ်ရာ ယခုအချိန်တွင် သူ့အတွက် အရေးကြီးဆုံး အရာမှာ ကပ်ဘေးဆေးလုံးကို ရရှိရန်သာ  ဖြစ်သည်။</p> <p> </p> <p> </p> <p>အဆုံးသတ်တွင် ကပ်ဘေးဆေးလုံး ဆိုသည်မှာ သူ့ကို မဟာယာန အဆင့်သို့ ထိုးဖောက်ရန် အကူအညီပေးမည့် သော့ချက်ဆိုလည်း မမှားပေ။</p> <p> </p> <p> </p> <p>“သခင်ကြီး.. ကျိုလီအင်မော်တယ်ဂိုဏ်းက လီရှောင်နဲ့ သွေးနတ်ဆိုးဂိုဏ်းက ရွှယ်ဝူရှတို့က ကျွန်တော်တို့ကို သတိထားပြီး စောင့်ကြည့်နေပုံပဲ”</p> <p> </p> <p> </p> <p>မျက်နှာချင်းဆိုင်မှ အကြည့်များကို ခံစားမိလျှင် ရွှယ်ချန်ကျဲက ကျန်းချန်ကို ခပ်တိုးတိုး ပြောလိုက်သည်။</p> <p> </p> <p> </p> <p>“အထူးသဖြင့် သွေးနတ်ဆိုးဂိုဏ်းက လူတွေပဲ.. သူတို့က ကျွန်တော်တို့ ဘယ်သူလဲ ဆိုတာ သိသွားလောက်ပြီလို့ ကျွန်တော် သံသယဖြစ်မိတယ်”</p> <p> </p> <p> </p> <p>ကျန်းချန်ကမူ ထွေထွေထူးထူး ဂရုစိုက်မနေခဲ့ပေ။</p> <p> </p> <p> </p> <p>“ဘာမှမစိုးရိမ်ပါနဲ့.. ဒါက စိမ်းလန်းသောမြစ် ကုန်သွယ်ရေး အဖွဲ့အစည်းရဲ့ ပိုင်နက်ပဲ.. သူတို့တွေ ငါတို့ကို ဘာမှလုပ်လို့မရဘူး”</p> <p> </p> <p> </p> <p>စိမ်းလန်းသောမြစ် ကုန်သွယ်‌ရေးအဖွဲ့သည် ထိပ်တန်း အင်မော်တယ်ဂိုဏ်းကြီး ဆယ်ဂိုဏ်းထဲမှ စိမ်းလန်းသောမြစ်ဂိုဏ်းနှင့် ဆက်နွှယ် ပတ်သက်နေသော အဖွဲ့ ဖြစ်သည်။</p> <p> </p> <p> </p> <p>ထို့ကြောင့် ကျိုလီအင်မော်တယ်ဂိုဏ်းဖြစ်စေ၊ သွေးနတ်ဆိုးဂိုဏ်းဖြစ်စေ၊ ဤနေရာတွင်မူ စိမ်းလန်းသောမြစ် ကုန်သွယ်ရေးအဖွဲ့ကို မျက်နှာသာပေးရပေလိမ့်မည်။</p> <p> </p> <p> </p> <p>ထို့အပြင် သူက အုပ်စိုးသူ တစ်ပိုင်းအဆင့်ကို ထိုးဖောက်ခဲ့ပြီဖြစ်ရာ မဟာယာနအဆင့် ကျင့်ကြံသူတစ်ဦး မလှုပ်ရှားသရွေ့ သူ့ကို ဘာမျှ လုပ်ဆောင်နိုင်မည် မဟုတ်ပေ။</p> <p> </p> <p> </p> <p>ယင်းအပြင် သူ၏ ခန္ဓာကိုယ်ထဲတွင် အင်မော်တယ် ခရစ္စတယ် အစိတ်အပိုင်းလည်း ရှိနေသေးပြီး အုပ်စိုးသူ စွမ်းအားများကလည်း စဥ်ဆက်မပြတ် တိုးပွားနေခဲ့သည်။</p> <p> </p> <p> </p> <p>လေလံပွဲပြီးသည်နှင့် သူက စိမ်းလန်းသောမြစ် ကုန်သွယ်ရေး အဖွဲ့တွင် ဆယ်ရက်၊ ဆယ့်ငါးရက်ခန့် ကျင့်ကြံရုံမျှဖြင့် အုပ်စိုးသူ အဆင့်ကို အောင်မြင်စွာ ထိုးဖောက်နိုင်မည် ဖြစ်၏။</p> <p> </p> <p> </p> <p>ထိုအချိန်သို့ ရောက်လျှင် သွေးနတ်ဆိုးဂိုဏ်း သို့မဟုတ် ကျိုလီအင်မော်တယ်ဂိုဏ်း တို့မှ မဟာယာနအဆင့် ကျင့်ကြံသူ ကိုယ်တိုင် ရောက်လာခဲ့လျှင်ပင် သူ့အနေဖြင့် လုံးဝ ကြောက်ရွံ့နေမည် မဟုတ်ပေ။</p> <p> </p> <p> </p> <p>ကျန်းချန်က သူတို့၏ အထောက်အထား ပေါ်သွားမည်ကို ဂရုစိုက်ပုံ မရသည်ကို မြင်လျှင် ရွှယ်ချန်ကျဲသည် ထပ်မပြောတော့ဘဲ မျက်လုံးကို မှိတ်ကာ ကျင့်ကြံနေလိုက်သည်။</p> <p> </p> <p> </p> <p>မိုးမခသွေးနတ်ဆိုးသစ်သီးကို မျိုချပြီးနောက်တွင် ရွှယ်ချန်ကျဲသည် သစ်သီး၏ စွမ်းအားကို ရက်အနည်းငယ်ကြာ စုပ်ယူခဲ့ရာ မဟာယာနအဆင့် စွမ်းအားများကို ထိတွေ့နိုင်နေပြီ ဖြစ်သည်။</p> <p> </p> <p> </p> <p>သူ့ကို အချိန်အနည်းငယ်သာ ထပ်ပေးမည် ဆိုလျှင် မဟာယာန တစ်ပိုင်းအဆင့်သို့ ရောက်ရှိနိုင်မည် ဖြစ်၏။</p> <p> </p> <p> </p> <p>ဤကဲ့သို့ စောင့်ဆိုင်းရင်းဖြင့် နာရီဝက်ခန့် အချိန်သည် မျက်တောင်တစ်ခတ် အတွင်း ကုန်ဆုံးသွားခဲ့သည်။</p> <p> </p> <p>ထိုအခိုက်အတန့်မှာပင် ကြည်လင်ပြတ်သားသော ခေါင်းလောင်းသံ တစ်သံသည် အဆုံးသတ်တွင် ပဲ့တင်ထပ်လာခဲ့သည်။</p> <p> </p> <p>ခေါင်းလောင်းသံကို ကြားလိုက်ရလျှင် ဆူညံနေသော လေလံခန်းမကြီးသည် ချက်ချင်းဆိုသလို တိတ်ဆိတ်သွားခဲ့သည်။</p> <p> </p> <p> </p> <p>လူတိုင်းသည် လေလံခန်းမ၏ အလယ်ဗဟိုရှိ ခရစ္စတယ်စင်မြင့် ဆီသို့ ကြည့်လိုက်ကြသည်။</p> <p> </p> <p> </p> <p>ခရစ္စတယ်စင်မြင့် ပေါ်တွင် မည်သည့် အချိန်ကတည်းက ရောက်လာသည်ကို မသိရသည့် ဆံပင်များ ဖြူဖွေးနေသော အဘိုးအို တစ်ဦး ပြုံး၍ ရပ်နေသည်ကို အားလုံးက မြင်လိုက်ရ၏။</p> <p> </p> <p> </p> <p>အခန်း(၂၅၁၀)ပြီး၏။</p> <p> </p> <p> </p> <p> </p> <p> </p> <p style="text-align: center;">***</p> <p> </p>


Save