Book List

<h2 style="text-align: center;">အခန်း (၁၆၀၆ )</h2> <h2 style="text-align: center;">အမှောင်ထဲမှ စောင့်ကြည့်နေသူ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ကောင်းကင်ဝံပုလွေမြို့ ဘေးကင်းလုံခြုံမှု မရှိတော့ကြောင်းကို ကောက်ရှီယွမ်လည်း ခံစားမိ၏။ လျှို့ဝှက်လဝန်းနန်းတော် နန်းတော်သခင်၏ တပည့်ရင်းဖြစ်သော လုချန်း ကောင်းကင်ဝံပုလွေမြို့တွင် ရှိနေကြောင်း သွေးလင်းယုန်ခန်းမက သိသွားပြီဖြစ်ရာ  လျှို့ဝှက်လဝန်းနန်းတော်နှင့် ချီယန်ဂိုဏ်းအကြား ပဋိပက္ခဖြစ်ပွားစေရန် လုချန်းအား လုပ်ကြံသတ်ဖြတ်ဖို့ လူများ ထပ်မံစေလွှတ်နိုင်ခြေ အလွန်ရှိနေသည်။</p> <p> </p> <p>အမှန်စင်စစ် လုချန်း၏ လူ့လောကသို့ ခရီးစဉ်သည် ကျင့်ကြံရန်အတွက်သာဖြစ်ပြီး မည်သည့်နေရာတွင် ကျင့်ကြံမည်ဆိုသည်က အရေးမကြီးလှချေ။ ထို့ကြောင့်ကောင်းကင်ဝံပုလွေမြို့တွင် အချိန်အကန့်အသတ်မရှိ ဆက်နေရန် မလိုအပ်ပေ။</p> <p> </p> <p>ထို့ပြင် မြို့တော်ဝန်နှင့် ဩဇာကြီး မိသားစုအချို့၏ သစ္စာဖောက်မှုကို စုံစမ်းရန် လုချန်း ကောင်းကင်ဝံပုလွေမြို့သို့ ရောက်ရှိလာခဲ့ခြင်း ဖြစ်သည်။ ယခု အခြေအနေများ ရှင်းလင်းသွားပြီဖြစ်သလို ချီယန်ဂိုဏ်းနှင့် လျှို့ဝှက်လဝန်းနန်းတော်တို့၏ မဟာမိတ်ဖွဲ့မှုမှာလည်း နီးကပ်လာပြီဖြစ်ရာ ကောင်းကင်ဝံပုလွေမြို့တွင် ဆက်နေခြင်းက အဓိပ္ပာယ် များများစားစား မရှိတော့ချေ။</p> <p> </p> <p>လုချန်းက</p> <p>“ကောင်းပါပြီ... ကောင်းကင်ဝံပုလွေမြို့မှာ တစ်ရက်လောက် နားပြီး သန်ဘက်ခါကျရင် တခြားမြို့တွေကို ဆက်သွားကြမယ်။”</p> <p> </p> <p>ထိုသို့ပြောပြီးနောက် လေ့ကျင့်ရေးကွင်းအတွင်းမှ လုချန်း လှည့်ထွက်သွား၏။</p> <p> </p> <p>လုချန်း ထွက်သွားပြီးနောက် ရှောင်ရွှီရင်၏ အနီးသို့ ကောက်ရှီယွမ် ချဉ်းကပ်သွားပြီး</p> <p> </p> <p>“ညီမလေး... မမ မရှိတဲ့အချိန်မှာ မောင်လေးချန်း တစ်ခုခု ထူးထူးခြားခြား ပြုမူတာမျိုး ရှိလား။”</p> <p> </p> <p>ထိုအရာကို ကြားလျှင် ရှောင်ရွှီရင် ခဏခန့် ဇဝေဇဝါဖြစ်သွားပြီးမှ</p> <p> </p> <p>“မမ ဘာလို့ အဲ့ဒီလို မေးတာလဲ။”</p> <p> </p> <p>ကောက်ရှီယွမ်က</p> <p> </p> <p>“စီနီယာယဲ့က မေးခိုင်းလိုက်လို့ပါ။”</p> <p> </p> <p>အတွင်းစည်းအကြီးအကဲများ သွေးလင်းယုန်ခန်းမကို မည်သို့ကိုင်တွယ်ရမည်ကို ဆွေးနွေးနေစဉ်အတွင်း ကောင်းကင်ဝံပုလွေမြို့သို့ ပြန်ရောက်လျှင် ရှောင်ရွှီရင်ထံမှ လုချန်း၏ အခြေအနေကို စုံစမ်းရန် ယဲ့ချူယောင်က ကောက်ရှီယွမ်ထံ သတင်းစကား ပေးပို့ခဲ့ခြင်းဖြစ်သည်။ လုချန်းထံတွင် ထူးခြားမှု တစ်စုံတစ်ရာ ရှိပါက ချက်ချင်း အစီရင်ခံရန်လည်း သေချာမှာထား၏။</p> <p> </p> <p>ရှောင်ရွှီရင်က</p> <p> </p> <p> “သူ ဘာမှ ထူးထူးခြားခြား မလုပ်ပါဘူး”</p> <p> </p> <p>ရှောင်ရွှီရင်၏ အဖြေကို ကြားလျှင် ကောက်ရှီယွမ်က</p> <p> “စီနီယာယဲ့က ဘာလို့ မောင်လေးချန်းအပေါ် ဒီလောက်အထိ သတိထားနေရတာလဲ မသိဘူး။”</p> <p> </p> <p>ရှောင်ရွှီရင်က</p> <p> “မောင်လေးချန်းကလည်း နန်းတော်သခင်ရဲ့ တပည့်ရင်း ဖြစ်နေလို့နေမှာပေါ့”</p> <p> </p> <p>ထိုစကားကြောင့် ကောက်ရှီယွမ် မှင်တက်သွားပြီး</p> <p> </p> <p> “ညီမလေးရှောင် ပြောချင်တာက နန်းတော်သခင်လေး ရာထူးအတွက် ပြိုင်ဆိုင်မှုအကြောင်းလား။”</p> <p> </p> <p>ရှောင်ရွှီရင်က</p> <p> </p> <p> “မောင်လေးချန်း မရောက်ခင်က နန်းတော်သခင်မှာ စီနီယာ ယဲ့ တစ်ယောက်ပဲ တပည့်ရင်း ရှိခဲ့တာ။ အဲဒါကြောင့် သူက နန်းတော်သခင်လေး ဖြစ်နေခဲ့တာလေ။ ဒါပေမဲ့ မောင်လေးချန်း ရောက်လာပြီးတဲ့နောက်မှာတော့ နန်းတော်သခင်မှာ တပည့်ရင်း နှစ်ယောက် ရှိလာတယ်။ အဲဒီတော့ စီနီယာယဲ့အတွက် နန်းတော်သခင်လေး ရာထူးက မသေချာတော့ဘူးပေါ့။”</p> <p> </p> <p>ကောက်ရှီယွမ်က</p> <p> “ဒါပေမဲ့ မောင်လေးချန်းက ယောက်ျားလေး မဟုတ်လား။ နန်းတော်သခင်က နန်းတော်သခင် ရာထူးကို မောင်လေးချန်းလက်ထဲ လွှဲပေးမှာ မဟုတ်လောက်ဘူးနော်။”</p> <p> </p> <p>ရှောင်ရွှီရင်က</p> <p> “အဲဒါတော့ မပြောနိုင်ဘူး...  အရင်ကဆိုရင် နန်းတော်သခင်က ယောက်ျားလေး တပည့်တွေကို ဘယ်တုန်းကမှ လက်မခံခဲ့ဘူး။ အခုတော့ သူကိုယ်တိုင် ယောကျ်ားတပည့်ကို ခေါ်ယူနေပြီဆိုတော့ တစ်ခုခု ပြုပြင်ပြောင်းလဲဖို့ ကြံစည်နေတာလည်း ဖြစ်နိုင်တာပဲ။ တကယ်လို့ နန်းတော်သခင်က ယောက်ျား လေးတပည့်တွေကို လက်ခံပြီး လျှို့ဝှက်လဝန်းနန်းတော်ကို ပြုပြင်ပြောင်းလဲဖို့ ရည်ရွယ်ထားတယ်ဆိုရင်... အဲ့ဒီတာဝန်ကို ဘယ်သူ့ကို ပေးမယ်လို့ ထင်လဲ။”</p> <p> </p> <p>ကောက်ရှီယွမ် ရုတ်တရက် သဘောပေါက်သွား၏။ တကယ်၍ လျှို့ဝှက်လဝန်းနန်းတော်က ယောက်ျားလေး တပည့်များကို လက်ခံပြီး ပြုပြင်ပြောင်းလဲမှုများ ပြုလုပ်မည်ဆိုပါက ထိုတာဝန်ကို အမျိုးသမီးများထံ ပေးအပ်မှာ မဟုတ်တာ ထင်ရှားသည်။</p> <p> </p> <p>အမျိုးသမီးများထံ ပေးအပ်ပါက ၎င်းတို့၏ ကိုယ်ကျိုးစီးပွားကိုသာ ဦးစားပေးဖွယ်ရှိပြီး ပြုပြင်ပြောင်းလဲမှုကို တွန်းအားပေးလိုသည့် စိတ်ဓာတ်ရှိကြမည် မဟုတ်ချေ။ လျှို့ဝှက်လဝန်းနန်းတော်က ယောက်ျားလေး တပည့်များကို လက်ခံလိုက်သည့်တိုင် ထိုတပည့်များသည် ကျင့်စဉ် အရင်းအမြစ်များကို များများစားစား ရရှိကြလိမ့်မည်မဟုတ်ပေ။</p> <p> </p> <p>သို့သော်လည်း ယောက်ျားလေးများထံ တာဝန်ပေးအပ်ပါက ၎င်းတို့က ယောက်ျားလေး တပည့်များ၏ အကျိုးစီးပွားကို ထည့်သွင်းစဉ်းစားမည်ဖြစ်၏။ ဤနည်းအားဖြင့် လျှို့ဝှက်လဝန်းနန်းတော်၏ ပြုပြင်ပြောင်းလဲမှုကို ရှေ့သို့ တွန်းတင်နိုင်ပေလိမ့်မည်။</p> <p> </p> <p>ကောက်ရှီယွမ် အာရုံ သွားသည်ကို မြင်လျှင် ရှောင်ရွှီရင် သက်ပြင်းချလိုက်မိ၏။ သူမသည် ပြုပြင်ပြောင်းလဲမှုနှင့် ပတ်သက်ပြီး လျှောက်ပြောနေခြင်းသာဖြစ်သည်။ ယဲ့ချူယောင်က လုချန်းအား ထိုကိစ္စအတွက် စောင့်ကြည့်နေသည်ဟု ကောက်ရှီယွမ် ယုံကြည်သွားအောင် လုပ်လိုက်ခြင်းဖြစ်သည်။</p> <p> </p> <p>သတိပြန်ဝင်လာပြီးနောက် ကောက်ရှီယွမ်က</p> <p> </p> <p> “ညီမလေး ပြောသလိုသာ ဆိုရင်တော့ ချန်းလုက နောက်လာမယ့် နန်းတော်သခင် ဖြစ်လာနိုင်တာပေါ့။ စီနီယာယဲ့အတွက် သူ့ကို စောင့်ကြည့်ပေးနေတာကို မောင်လေးချန်း သိသွားပြီး သူ နန်းတော်သခင် ဖြစ်လာတဲ့အခါကျရင် တို့အတွက် လျှို့ဝှက်လဝန်းနန်းတော်မှာ နေစရာ နေရာ ရှိပါဦးမလား။”</p> <p> </p> <p>ရှောင်ရွှီရင်က</p> <p> “အဲဒါကြောင့်မို့လို့ စီနီယာယဲ့ကို မောင်လေးချန်းအကြောင်း ပြောတဲ့အခါ သူ့ကို ထိခိုက်စေမယ့် အချက်တွေကို ရှောင်ပြောသင့်တယ်။”</p> <p> </p> <p>ကောက်ရှီယွမ်က</p> <p> “သတိပေးတဲ့အတွက် ကျေးဇူးတင်ပါတယ် ညီမလေး။ အစက အစ်မ ဒါတွေကို မစဉ်းစားခဲ့မိဘူး။”</p> <p> </p> <p>နန်းတော်သခင် ရာထူးအတွက် ပြိုင်ဆိုင်မှုများကြားတွင် သူမ လုံးဝ မပါဝင်ရန် ကောက်ရှီယွမ် စိတ်ထဲ ပြတ်ပြတ်သားသား ဆုံးဖြတ်လိုက်၏။ ယနေ့မှစ၍ လုချန်းနှင့် ပတ်သက်သည့် ကိစ္စရပ်များကို အစီရင်ခံခြင်းမှ ဖြစ်နိုင်သမျှရှောင်ကြဉ်တော့မည်ဟုလည်း သူမ တွေးလိုက်သည်။</p> <p> </p> <p>…….</p> <p> </p> <p>ကောင်းကင်ဝံပုလွေမြို့၏ တည်းခိုခန်းတစ်ခုအတွင်း။</p> <p> </p> <p>ကောင်းကင်ဝံပုလွေမြို့အတွင်း နတ်ဘုရင်ခံများ၏ လှုပ်ရှားမှုများနှင့် ပတ်သက်သော လတ်တလောဖြစ်ရပ်များကို အင်းစာရွက်တစ်ရွက်ထုတ်ကာ သွေးလင်းယုန်ခန်းမသို့ ရှုကျင့်ရှူးက သတင်းပေးပို့လိုက်၏။</p> <p> </p> <p>ချီယန်ဂိုဏ်းနှင့် လျှို့ဝှက်လဝန်းနန်းတော်မှ နတ်များအကြား ဆွေးနွေးမှုများကို သူမ မသိသော်လည်း နှစ်ဖက်စလုံးမှ ထိပ်တိုက်တွေ့ဆုံရန် အလားအလာ မရှိကြောင်း ထင်ရှားနေသည်။</p> <p> </p> <p>ရှုကျင့်ရှူး သတင်းပေးပို့ပြီးသည်နှင့် တပြိုင်နက် အခန်းတွင်း၌ အသံတစ်သံ ထွက်ပေါ်လာ၏။</p> <p> </p> <p>“သူတော်စင်မကို ဂါရဝပြုပါတယ်”</p> <p> </p> <p>ထိုအသံကို ကြားလျှင် ရှုကျင့်ရှူး မျက်မှောင်ကြုတ်လျက် သူမ၏ နောက်ဘက်သို့ လှည့်ကြည့်လိုက်၏။</p> <p> </p> <p>သွေးလင်းယုန်ခန်းမမှ နောက်ထပ်လူ မလွှတ်ဖို့ပြောရန် ကြံရွယ်နေစဉ်မှာပင် နတ်ဘုရင်ခံ ထျန်းရှောင် သူမ၏ အခန်းအတွင်းသို့ ရုတ်တရက် ရောက်ရှိလာခြင်းဖြစ်သည်။</p> <p> </p> <p>ရှုကျင့်ရှူးက</p> <p> “နတ်ဘုရင်ခံ ထျန်းရှောင်... ရှင် နောက်ကျသွားပြီ။  ချီယန်ဂိုဏ်းနဲ့ လျှို့ဝှက်လဝန်းနန်းတော်တို့ တစ်ခုခုကို ရိပ်မိသွားပုံရတယ်။ လွန်ခဲ့တဲ့ ရက်ပိုင်းအတွင်းမှာ သူတို့အချင်းချင်း အဆက်အသွယ်တွေ ရှိနေကြပြီး တိုက်ခိုက်ကြမယ့်ပုံ မပေါ်တော့ဘူး။”</p> <p> </p> <p>ထိုစကားကို ကြားလျှင် နတ်ဘုရင်ခံ ထျန်းရှောင် ခဏခန့် တုံ့ဆိုင်းသွားပြီးမှ ရှုကျင့်ရှူးကို</p> <p>“လျှို့ဝှက်လဝန်းနန်းတော် နန်းတော်သခင်ရဲ့ တပည့်ရင်း ကောင်းကင်ဝံပုလွေမြို့မှာ ရှိနေသေးလား။”</p> <p> </p> <p>ရှုကျင့်ရှူးက</p> <p> “ကျွန်မ မသေချာဘူး... အရင်က လျှို့ဝှက်လဝန်းနန်းတော်က နတ်ဘုရင်ခံ လင်ရင် ကောင်းကင်ဝံပုလွေမြို့ကနေ ထွက်သွားခဲ့တယ်။ အဲဒီ ချန်းလုကို သူနဲ့အတူ ခေါ်သွားသလားဆိုတာတော့ ကျွန်မ မသိဘူး။”</p> <p> </p> <p>နတ်ဘုရင်ခံ ထျန်းရှောင် ခဏခန့် စဉ်းစားလိုက်ပြီးနောက် ယနေ့ညတွင် မြို့တော်ဝန်စံအိမ်သို့ သွားရန် ဆုံးဖြတ်လိုက်၏။ သူ ဤနေရာသို့ ရောက်ရှိနေပြီဖြစ်ရာ ဘာမှမလုပ်ပဲ ပြန်ရန်တော့ မဖြစ်နိုင်ချေ။</p> <p> </p> <p>ရှုကျင့်ရှူးက ဆက်လက်၍</p> <p> </p> <p> “လျှို့ဝှက်လဝန်းနန်းတော်ရော ချီယန်ဂိုဏ်းပါ ကောင်းကင်ဝံပုလွေမြို့ကို သတိထားမိနေကြပြီ။ ချန်းလု မြို့ထဲက ထွက်မသွားသေးဘူး ဆိုရင်တောင်မှ ရှင့်အနေနဲ့ ဒီနေရာမှာ ချန်းလုကို ပစ်မှတ်မထားတာ အကောင်းဆုံးပဲ။”</p> <p> </p> <p>ကောင်းကင်ဝံပုလွေမြို့သည် ချီယန်ဂိုဏ်းနှင့် အလွန်နီးကပ်လှ၏။ နတ်ဘုရင်ခံ ထျန်းရှောင်က သူ၏ နတ်ဘုရင်ခံ အငွေ့အသက်ကို ထုတ်ဖော်လိုက်သည်နှင့် တပြိုင်နက် ချီယန်ဂိုဏ်းမှ နတ်ဘုရင်ခံများ ကောင်းကင်ဝံပုလွေမြို့သို့ ချက်ချင်း ရောက်ရှိလာနိုင်သည်။</p> <p> </p> <p>ထိုသို့ဖြစ်လာပါက ချီယန်ဂိုဏ်းကို အပြစ်ပုံချရန် မဖြစ်နိုင်တော့သည့်အပြင် နတ်ဘုရင်ခံ ထျန်းရှောင် ကိုယ်တိုင်လည်း လွတ်မြောက်ရန် ခဲယဉ်းသွားပေလိမ့်မည်။</p> <p> </p> <p>နတ်ဘုရင်ခံ ထျန်းရှောင်က</p> <p> “သူတော်စင်မ စိတ်ချပါ... ဘာလုပ်ရမလဲဆိုတာ ကျုပ် သိပါတယ်။”</p> <p> </p> <p>…….</p> <p> </p> <p> </p> <p>ညဉ့်နက်သန်းခေါင်ယံအချိန်တွင် ကောင်းကင်ဝံပုလွေမြို့၏ မြို့တော်ဝန်စံအိမ်သို့ အရိပ်တစ်ခု ရောက်ရှိလာ၏။ နတ်ဘုရင်ခံ ထျန်းရှောင်က သူ၏ နတ်အာရုံကို စံအိမ်တစ်ခုလုံးသို့ အနည်းငယ် ဖြန့်ကျက်ကြည့်လိုက်ရာ အထဲတွင် မြေနတ်တစ်ပါးနှင့် ကောင်းကင်နတ် နှစ်ပါးရှိနေသည်ကို တွေ့ရှိလိုက်ရသည်။</p> <p> </p> <p>ထျန်းရှောင်၏ နတ်အာရုံ ဖြန့်ကျက်လိုက်သည်နှင့် တပြိုင်နက် လုချန်း မျက်လုံးများ ပွင့်လာပြီး</p> <p> </p> <p>“ဘယ်သူလဲ”</p> <p> </p> <p>သူ၏ တည်ရှိမှုကို ရိပ်မိသွားကြောင်း သိလိုက်ရသဖြင့် မြို့တော်ဝန်စံအိမ်မှ နတ်ဘုရင်ခံ ထျန်းရှောင် အမြန်ဆုံး ဆုတ်ခွာသွား၏။ ယခုအချိန်က လှုပ်ရှားရန် အချိန်ကောင်း မဟုတ်သေးချေ။</p> <p> </p> <p> တစ်ချက်တည်းနှင့် အောင်မြင်အောင် မလုပ်ဆောင်နိုင်ပါက ချီယန်ဂိုဏ်းမှ နတ်ဘုရင်ခံများကို ဆွဲဆောင်မိသွားနိုင်သည်။</p> <p> </p> <p>နတ်ဘုရင်တစ်ပါး၏ တပည့်ရင်းဖြစ်သူတွင် အသက်ဘေးမှ လွတ်မြောက်နိုင်မည့် ဝှက်ဖဲအချို့ ရှိနေမည်မှာ အသေအချာပင်။ လုချန်းကို ချက်ချင်း လက်စဖျောက်နိုင်မည်ဟု နတ်ဘုရင်ခံ ထျန်းရှောင်စိတ်ထဲ အပြည့်အဝ ယုံကြည်မှု မရှိချေ။</p> <p> </p> <p>လုချန်းက သူ၏ နတ်အငွေ့အသက်ကို ထုတ်ဖော်လိုက်သည်နှင့် တရားထိုင်နေကြသော ရှောင်ရွှီရင်နှင့် ကောက်ရှီယွမ်တို့လည်း မျက်လုံးများ ချက်ချင်း ပွင့်လာကြ၏။ အမျိုးသမီးနှစ်ဦးလည်း လုချန်း၏ အခန်းအတွင်းသို့ အလျှင်အမြန် ရောက်ရှိလာကြသည်။</p> <p> </p> <p>ရှောင်ရွှီရင်က</p> <p> </p> <p> “ချန်းလု...ဘာဖြစ်လို့လဲ”</p> <p> </p> <p>လုချန်းက</p> <p>“မြို့တော်ဝန်စံအိမ်ပေါ်ကို နတ်တစ်ပါးရဲ့ နတ်အာရုံ ဖြတ်ပြေးသွားတာ ခင်ဗျားတို့ နှစ်ယောက်ထဲက တစ်ယောက်ယောက် ခံစားမိလိုက်လား။”</p> <p> </p> <p>ထိုမေးခွန်းကို ကြားလျှင် ရှောင်ရွှီရင်နှင့် ကောက်ရှီယွမ်တို့ တစ်ဦးကိုတစ်ဦး ကြည့်လိုက်ကြ၏။ အစောပိုင်းက သူတို့သည် ကျင့်ကြံနေခဲ့ကြခြင်းဖြစ်ပြီး မည်သည့် နတ်အာရုံ ဖြတ်သန်းသွားသည်ကိုမှ မခံစားမိခဲ့ကြချေ။</p> <p> </p> <p>၎င်းတို့၏ မျက်နှာပေါ်မှ ဇဝေဇဝါဖြစ်နေသော အမူအရာကို မြင်လိုက်ရသဖြင့် မည်သူမှ ခံစားမိခြင်းမရှိကြောင်း လုချန်း သိလိုက်ရ၏။ တစ်ဖက်လူက သူ၏ နတ်အာရုံကို ဖုံးကွယ်ရန် အထူးနည်းလမ်းတစ်ခု အသုံးပြုခဲ့ပုံရ၏။ သူ၏ ထူးခြားသော ကျင့်စဉ်ကြောင့်သာ ရှာဖွေတွေ့ရှိနိုင်ခြင်း ဖြစ်လိမ့်မည်ဟု လုချန်း တွေးလိုက်သည်။</p> <p> </p> <p>အစောပိုင်းက နတ်အာရုံ ဖြတ်သန်းသွားချိန်တွင် သူ့အား အလွန် သက်သောင့်သက်သာ မရှိဖြစ်စေခဲ့ပြီး နတ်အလင်း မီးအိမ်တစ်ထောင်ကျမ်းစာလည်း အလိုအလျောက် နိုးကြွလာခဲ့ရာ တိတ်တဆိတ် စောင့်ကြည့်နေသူက မိစ္ဆာနတ် တစ်ပါးဖြစ်နိုင်၏။  ဆိုလိုသည်က သွေးလင်းယုန်ခန်းမမှ နတ်တစ်ပါး ဖြစ်နိုင်ပေသည်။</p> <p> </p> <p> </p> <p> </p> <p> </p> <p style="text-align: center;">***</p>


Save