Book List

<h2 style="text-align: center;">အခန်း (၁၆၁၃)</h2> <h2 style="text-align: center;">သူ ပြန်လာပြီ</h2> <h2 style="text-align: center;">*</h2> <p> </p> <p> </p> <p>ကောက်ရှီယွမ်က တံခါးပိတ်ကျင့်စဉ် ဝင်ချင်တာလား။</p> <p> </p> <p>ဒါက တကယ့်ကို ကောင်းတဲ့ကိစ္စပဲ။</p> <p> </p> <p>သူမ တံခါးပိတ်ကျင့်စဉ် ဝင်သွားပြီဆိုရင် လုချန်းနဲ့ ...</p> <p> </p> <p>ကောင်းကင်ဝံပုလွေမြို့၌ သူမနှင့် လုချန်းတို့ လုပ်ခဲ့ကြတဲ့ အကြောင်းအရာများကို တွေးမိပြီး ရှောင်ရွှီရင်၏ ပါးပြင်ပေါ်၌ ရှက်သွေးတွေ ဖြာတက်သွား၏။</p> <p> </p> <p>ရှောင်ရွှီရင် ငိုင်နေတာကို မြင်လျှင် ကောက်ရှီယွမ်က</p> <p> </p> <p>“ညီမလေးရှောင်... ဘာဖြစ်လို့လဲ”</p> <p>ဟု နားမလည်နိုင်စွာ မေးလိုက်သည်။</p> <p> </p> <p>ရှောင်ရွှီရင် သတိပြန်ဝင်လာပြီး</p> <p> </p> <p> “စီနီယာ... စိတ်ချလက်ချ တံခါးပိတ်ကျင့်စဉ် ဝင်ပါ။ မောင်လေးချန်းကို ကျွန်မ စောင့်ရှောက်ထားပါ့မယ်။”</p> <p> </p> <p>ထို့ပြင် ကောက်ရှီယွမ်က ရှောင်ရွှီရင်ကို အချို့ကိစ္စများ မှာကြားပြီး မြို့တော်ဝန်စံအိမ်ရှိ လျှို့ဝှက်အခန်းတစ်ခုကို ရှာကာ သူမ၏ တံခါးပိတ်ကျင့်စဉ်ကို စတင်လိုက်သည်။</p> <p> </p> <p> </p> <p>…….</p> <p> </p> <p>ညနေခင်း။</p> <p> </p> <p>ကောက်ရှီယွမ် လျှို့ဝှက်အခန်းထဲသို့ ဝင်ကာ တံခါးပိတ်ကျင့်စဉ် စတင်လိုက်သည်နှင့် လုချန်း၏ ပုံရိပ် ရှောင်ရွှီရင်၏ အခန်းထဲသို့ ရောက်ရှိလာ၏။</p> <p> </p> <p>လုချန်း ရောက်လာသည်ကို အာရုံခံမိသောကြောင့် ကုတင်ပေါ်တွင် တင်ပလ္လင်ခွေကာ ကျင့်ကြံနေသော ရှောင်ရွှီရင်လည်း မျက်လုံးဖွင့်ကြည့်လိုက်ရာ လုချန်းကို မြင်သဖြင့် သူမ၏ ပါးပြင်ပေါ်တွင် ရှက်သွေးများ ဖြာသွားပြန်သည်။</p> <p> </p> <p>လုချန်းက ပြုံးလျက်</p> <p> “စီနီယာကောက်က တံခါးပိတ်ကျင့်စဉ် ဝင်သွားပြီ ထင်တယ်နော်။”</p> <p> </p> <p>ရှောင်ရွှီရင်က</p> <p> “အင်း”</p> <p>ဟု တိုးတိုးလေး ပြန်ပြောလိုက်သည်။</p> <p> </p> <p> လုချန်း သူမအခန်းထဲ ရောက်လာမှတော့ လုချန်း နောက်ထပ် ဘာလုပ်တော့မည်ကို သူမ မသိပဲ မနေပေ။</p> <p> </p> <p>မည်သည့် တွန့်ဆုတ်မှုမှ မရှိပဲ လုချန်းက ရှောင်ရွှီရင်၏ ဘေးတွင် ထိုင်လိုက်ပြီးနောက် သူမကို ပွေ့ဖက်လိုက်တော့သည်။</p> <p> </p> <p>……..</p> <p> </p> <p> </p> <p>အမွေးဖြူမြို့။</p> <p> </p> <p>လုကျန့်ကျီနှင့် လျောင်ရှောင်ရွှမ်တို့၏ ကြိုးပမ်းအားထုတ်မှုအောက်တွင် အမွေးဖြူမြို့ တစ်ဖန်ပြန်လည် ဖွံ့ဖြိုးတိုးတက်လာခဲ့သည်။</p> <p> </p> <p>မြို့၏ ဖွံ့ဖြိုးတိုးတက်မှုသည် အနီးနားရှိ အချို့သော မြို့များ၏ အာရုံစိုက်မှုကို ရရှိခဲ့၏။</p> <p> </p> <p>ကစဉ့်ကလျား ပင်လယ်နှင့် နီးကပ်သော ဤနယ်မြေတွင် နတ်ဘုရင်အဆင့် အင်အားစုများ မရှိသဖြင့် အတော်အတန် ပရမ်းပတာ ဖြစ်နေသည်။</p> <p> </p> <p>ကစဉ့်ကလျား ပင်လယ်အနီးရှိ မြို့များအတွက် လူဦးရေက အရေးကြီးဆုံး ဖြစ်သည်။</p> <p> </p> <p>ယခင်က အမွေးဖြူမြို့၌ လူဦးရေ အစဉ်အမြဲ လျော့နည်းနေခဲ့သဖြင့် အခြားမြို့များက အမွေးဖြူမြို့ကို ခြိမ်းခြောက်မှုတစ်ခု အနေနှင့် မယူဆခဲ့ကြပေ။</p> <p> </p> <p>သို့သော် မကြာသေးမီက အမွေးဖြူမြို့၏ ချဲ့ထွင်မှု မြန်ဆန်လာပြီး လူဦးရေလည်း တိုးပွားလာခဲ့သည်။</p> <p> </p> <p>ထို့ကြောင့် အခြားမြို့များသို့ သွားရန် ရည်ရွယ်ထားသော သာမန်လူ အမြောက်အမြားလည်း အမွေးဖြူမြို့သို့သာ လာရောက်ကြတော့သည်။</p> <p> </p> <p>အမွေးဖြူမြို့ ပြင်ပရှိ တောင်ထိပ်ပေါ်တွင် ခရမ်းရောင်ဝတ်စုံ ဝတ်ဆင်ထားသော လူတစ်ယောက် ရပ်နေပြီး အမွေးဖြူမြို့ကို စူးစိုက်ကြည့်နေ၏။</p> <p> </p> <p>ထိုအခိုက်အတန့်တွင် သတင်းစုဆောင်းနေသော နောက်လိုက်တစ်ဦး ထိုလူ၏ အနားသို့ ရောက်လာပြီး</p> <p> </p> <p> “မြို့တော်ဝန်... အခြေအနေကို စုံစမ်းသိရပါပြီ။ လုကျန့်ကျီက အဆင့်တက်မသွားပါဘူး။ သူက အခုထိ ကောင်းကင်နတ် အဆင့်မှာပဲ ရှိပါသေးတယ်။”</p> <p> </p> <p>ထိုအရာကို ကြားလျှင် ခရမ်းရောင်လမင်းမြို့၏ မြို့တော်ဝန် ကျားဝမ်ရွှီက အေးစက်စွာ နှာခေါင်းရှုံ့လိုက်ပြီး</p> <p> </p> <p> “သင်္ချိုင်းထဲ ခြေတစ်ဖက် ရောက်နေတဲ့ အဘိုးကြီးက ငါနဲ့ လူလုနေတာပေါ့လေ။”</p> <p> </p> <p>ခရမ်းရောင်လမင်းမြို့သည် အမွေးဖြူမြို့နှင့် မဝေးလှပေ။</p> <p> </p> <p>ယခင်က အမွေးဖြူမြို့မှ လူဦးရေသည် ခရမ်းရောင်လမင်းမြို့ထဲသို့ စီးဝင်ခဲ့သော်လည်း မကြာသေးမီက အမွေးဖြူမြို့သည် အကြောင်းရင်းမရှိပဲ ဒုက္ခသည်များကို လက်ခံလာပြီး လူထုအတွက် အကျိုးရှိမည့် မူဝါဒအမျိုးမျိုးကို ချမှတ်လာကာ သာမန်လူများကိုပင် ကျင့်စဉ်များ ပေးအပ်ခဲ့သည်။</p> <p> </p> <p>ထို့ကြောင့် ခရမ်းရောင်လမင်းမြို့သို့ လာရောက်ရန် ရည်ရွယ်ထားသော ဒုက္ခသည်များနှင့် ကျင့်ကြံသူများလည်း အမွေးဖြူမြို့ကိုသာ ရွေးချယ်သွားကြတော့သည်။</p> <p> </p> <p>လုကျန့်ကျီ ဘာလုပ်ချင်နေမှန်း ကျားဝမ်ရွှီ နားမလည်နိုင် ဖြစ်နေ၏။</p> <p> </p> <p>အားလုံး သိထားသည့်အတိုင်း လုကျန့်ကျီသည် သေခါနီး ဖြစ်နေပြီဖြစ်သလို သူနှင့် လျောင်ရှောင်ရွှမ်တို့ကြားတွင်လည်း အမွေဆက်ခံမည့်သူ မရှိပေ။ ထို့ကြောင့် အမွေးဖြူမြို့ကို စီမံခန့်ခွဲရန် မည်သည့်နေရာမှ တွန်းအားများ ရနေမှန်း ခန့်မှန်း၍မရ ဖြစ်‌နေ၏။</p> <p> </p> <p>အမွေးဖြူမြို့ ယခင်က မည်သည့် အခြေအနေမျိုး ဆိုတာကို သူတို့ ကောင်းကောင်းသိထား၏။</p> <p> </p> <p> “လုကျန့်ကျီက အဆင့်တက်သွားပြီး သက်တမ်း တိုးလာလို့။ ဒါမှမဟုတ် သူ့ရဲ့ ကန့်သတ်ချက်ကို ကျော်ဖြတ်နိုင်သွားလို့ အမွေးဖြူမြို့ကို စီမံဖို့ ဇွဲတွေ ရှိလာပြီး ဒီလို မူဝါဒတွေကို ချမှတ်နေတာလား”</p> <p>ဟု ကျားဝမ်ရွှီ တွေးမိခဲ့သည်။</p> <p> </p> <p>ကျားဝမ်ရွှီသည် အခြေအနေကို ရှင်းရှင်းလင်းလင်း သိနိုင်ရန် လူအချို့ကို ကုန်သည်များ အနေနှင့် ဟန်ဆောင်ခိုင်းကာ အမွေးဖြူမြို့ထဲသို့ ခိုးဝင်စေပြီး သတင်းစုဆောင်းခိုင်းခဲ့သည်။</p> <p> </p> <p>သို့သော် ရရှိလာသော သတင်းများအရ လုကျန့်ကျီ အဆင့်တက်မသွားကြောင်း သိရသည်။</p> <p> </p> <p>ဒီအဘိုးကြီး လုကျန့်ကျီက အဆင့်မတက်ပဲနဲ့ လာပြီး ရှုပ်ရှုပ်ရှက်ရှက် လုပ်နေတာလား။</p> <p> </p> <p>နေပါဦး...</p> <p> </p> <p>ကျားဝမ်ရွှီ ရုတ်တရက် တစ်ခုခုကို တွေးမိသွားပြီး</p> <p> </p> <p>“လျောင်ရှောင်ရွှမ် ကိုယ်ဝန်ရှိနေတာလား”</p> <p> </p> <p> ဟု လှည့်မေးလိုက်သည်။</p> <p> </p> <p>အကယ်၍ သူတို့တွင် အမွေဆက်ခံမည့်သူ ရှိလာခဲ့လျှင် ကလေးအတွက် အရင်းအမြစ်အချို့ ချန်ထားပေးလိုသဖြင့် လုကျန့်ကျီက အမွေးဖြူမြို့ကို တစ်ဖန်ပြန်၍ စီမံခန့်ခွဲခြင်း ဖြစ်နိုင်သည်ဟု ရှင်းပြနိုင်သည်။</p> <p> </p> <p>သူလျှိုက</p> <p> “သခင်ကြီး... လျောင်ရှောင်ရွှမ် ကိုယ်ဝန်ရှိနေတဲ့ လက္ခဏာ ဘာမှ မတွေ့ရပါဘူး။”</p> <p> </p> <p>သူလျှို၏ အဖြေကို ကြားလျှင် ကျားဝမ်ရွှီ စဉ်းစားခန်း ဝင်သွား၏။</p> <p> </p> <p>အဆင့်တက်တာလည်း မဟုတ် ကလေးကြောင့်လည်း မဟုတ်ဘူးဆိုရင် လုကျန့်ကျီက ဘာလို့ ဒီလိုတွေ ရှုပ်အောင် လုပ်နေတာလဲ။</p> <p> </p> <p>ကျားဝမ်ရွှီက</p> <p> “မြို့တော်ဝန်စံအိမ်က စစ်သားတစ်ယောက်ကို ကျုပ်ဆီ ခေါ်လာခဲ့။”</p> <p> </p> <p>“ဟုတ်ကဲ့ မြို့တော်ဝန်”</p> <p> </p> <p>နောက်တစ်ခဏတွင် သူလျှို ထိုနေရာမှ ပျောက်ကွယ်သွား၏။ ကျားဝမ်ရွှီ၏ မျက်လုံးများကတော့ အမွေးဖြူမြို့ပေါ်၌သာ စူးစိုက်မြဲ ရှိနေသည်။</p> <p> </p> <p>ကျားဝမ်ရွှီက</p> <p> “သေခါနီးလူက ကျင့်ကြံခြင်း အခန်းထဲမှာပဲ နေသင့်တာ။ ဒါမှ နောက်ထပ် နှစ်အနည်းငယ် ပိုအသက်ရှည်မှာ”</p> <p>ဟု တစ်ဦးတည်း ရေရွတ်လိုက်သည်။</p> <p> </p> <p>…….</p> <p> </p> <p>မကြာမီတွင် သူလျှိုသည် အမွေးဖြူမြို့ မြို့တော်ဝန်စံအိမ်မှ စစ်သားတစ်ဦးကို ဖမ်းဆီးခေါ်ဆောင်လာခဲ့ပြီး</p> <p> </p> <p> “မြို့တော်ဝန်... လူကို ခေါ်လာပါပြီ”</p> <p> </p> <p>ကျားဝမ်ရွှီထံမှ ထွက်ပေါ်နေသော အရှိန်အဝါကို အာရုံခံမိသည်နှင့် အမွေးဖြူမြို့ စစ်သားက ချက်ချင်း ဒူးထောက်လိုက်ပြီး</p> <p> </p> <p> “ကျုပ်ကို ချမ်းသာပေးပါ စီနီယာ”</p> <p> </p> <p>ကျားဝမ်ရွှီသည် ရှေ့မှ သာမန်စစ်သားကို တစ်ချက်ကြည့်လိုက်ပြီး မည်သည့် တွန့်ဆုတ်မှုမှ မရှိပဲ ထိုစစ်သားအပေါ် ဝိညာဉ်ရှာဖွေ စစ်ဆေးခြင်း အတတ် အသုံးပြုလိုက်၏။</p> <p> </p> <p>ဤစစ်သားကို မေးမြန်းနေမည့်အစား သူ၏ ဝိညာဉ်ကို တိုက်ရိုက် စစ်ဆေးလိုက်ခြင်းက ပို၍ မြန်ဆန်သည်။</p> <p> </p> <p>နောက်တစ်ခဏတွင် ထိုစစ်သား၏ မှတ်ဉာဏ်ထဲမှ အရာများစွာကို ကျားဝမ်ရွှီ မြင်တွေ့လိုက်ရ၏။</p> <p> </p> <p>နတ်ဘုရင် တစ်ပါးနှင့် ကောင်းကင်မှ ဆင်းသက်လာသော လူတစ်ယောက်ကိုလည်း သူ မြင်လိုက်ရသည်။</p> <p> </p> <p>နေဦး...</p> <p> </p> <p>အဲဒီလူက...</p> <p> </p> <p>မြို့တော်ဝန်စံအိမ်သို့ ဆင်းသက်လာသော ထိုလူကို မြင်လိုက်ရလျှင် ကျားဝမ်ရွှီ၏ မျက်နှာအမူအရာမှာ ရုတ်တရက် ပြောင်းလဲသွား၏။</p> <p> </p> <p>ထို့နောက် လုကျန့်ကျီတစ်ယောက် အခုနှစ်ပိုင်းအတွင်း အမွေးဖြူမြို့ကို ဖွံ့ဖြိုးအောင် ဘာ့ကြောင့် အသည်းအသန် လုပ်နေသည်ကိုလည်း သူ နားလည်သွားပုံရသည်။</p> <p> </p> <p>ကျားဝမ်ရွှီက</p> <p> “သူပဲ... သူ ပြန်လာပြီ”</p> <p> ဟု တစ်ဦးတည်း ရေရွတ်လိုက်သည်။</p> <p> </p> <p>“ဒါ ဘယ်လိုလုပ် ဖြစ်နိုင်မှာလဲ။ သူ သေသွားပြီ မဟုတ်ဘူးလား။ ဘယ်လိုလုပ် အသက်ရှင်နေသေးတာလဲ။”</p> <p> </p> <p>ကျားဝမ်ရွှီသည် ထိုလူကို ကျုပ်တိုင် မမြင်ဖူးသော်လည်း သူ၏ အဘိုးနှင့် အဘွားသည် ယခင်က ချန်ဘုရင်၏ လက်အောက်ငယ်သားများ ဖြစ်ခဲ့ကြဖူးပြီး ပုံရိပ်ဖမ်း ကျောက်တုံးများမှတစ်ဆင့် ချန်ဘုရင်၏ ရုပ်သွင်ကို မြင်ဖူးခဲ့ခြင်း ဖြစ်၏။</p> <p> </p> <p>ချန်ဘုရင်ကို အမွေးဖြူမြို့တွင် နှစ်သန်းပေါင်းရာချီ စောင့်ဆိုင်းခဲ့သော်လည်း သူ  ကစဉ့်ကလျား ပင်လယ်ထဲမှ ပြန်ထွက်မလာခဲ့သဖြင့် ကျားဝမ်ရွှီ၏ အဘိုးအဘွားများလည်း ချန်ဘုရင် သေဆုံးသွားပြီဟု ယူဆကာ အမွေးဖြူမြို့မှ ထွက်ခွာသွားရန် ရွေးချယ်ခဲ့ကြသည်။</p> <p> </p> <p>အမွေးဖြူမြို့တွင် သူပြန်လာသည်အထိ စောင့်ရန် သူ၏ လက်အောက်ငယ်သားများကို ချန်ဘုရင်က အမိန့်ပေးခဲ့ဖူးသဖြင့် အမွေးဖြူမြို့မှ ထွက်ခွာခြင်းက ချန်ဘုရင်ကို သစ္စာဖောက်ခြင်းဟု ယူဆနိုင်သည်။</p> <p> </p> <p>ကျားဝမ်ရွှီ ထိတ်လန့်သွားရခြင်းက ချန်ဘုရင်က ထွက်ခွာသွားသူများကို စာရင်းလိုက်ရှင်းမှာ စိုးရိမ်သောကြောင့် ဖြစ်၏။</p> <p> </p> <p>အစပိုင်းတွင် ထိတ်လန့်သွားသော်လည်း ကျားဝမ်ရွှီ၏ မျက်နှာပေါ်တွင် မှိန်ဖျော့သော အပြုံးတစ်ခု ပေါ်လာ၏။</p> <p> </p> <p>သူ တကယ် ပြန်လာတာဆိုရင် ဒီသတင်းကို လူအများကြီး စိတ်ဝင်စားကြမှာ အသေအချာပင်။</p> <p> </p> <p>သူသည် ချန်ဘုရင်၏ လက်အောက်ငယ်သားဟောင်းများ၏ မျိုးဆက်မျှသာ ဖြစ်ပြီး ချန်ဘုရင်အပေါ် မည်သည့် သစ္စာစောင့်သိမှုမှ မရှိချေ။</p> <p> </p> <p>အကယ်၍ သူသာ ချန်ဘုရင် ပြန်လည်ရှင်သန်လာသည့် သတင်းကို လူအချို့ထံ ရောင်းချလိုက်ပါက ကျင့်စဉ်အရင်းအမြစ်များစွာ ရရှိနိုင်ပြီး အဆင့်တက်ရန် ပို၍ နီးစပ်သွားလိမ့်မည်ဟု ကျားဝမ်ရွှီ တွေးလိုက်သည်။</p> <p> </p> <p>ထို့နောက် သူက သူလျှိုကို</p> <p> </p> <p> “သူတို့ကို ဆက်စောင့်ကြည့်ထား”</p> <p> </p> <p> </p> <p>ထိုစကားနှင့်အတူ ကျားဝမ်ရွှီ လှည့်ထွက်သွားပြီး မည်သူ့ကို သတင်းရောင်းရမည်၊ စိတ်ဝင်စားသူများနှင့် မည်သို့ ဆက်သွယ်ရမည်ကိုသာ စဉ်းစားနေတော့သည်။</p> <p> </p> <p>…….</p> <p> </p> <p>မျက်စိတစ်မှိတ်အတွင်းမှာပင်။</p> <p> </p> <p>နောက်ထပ် နှစ်နှစ် ကုန်ဆုံးသွားခဲ့သည်။</p> <p> </p> <p>ဤနှစ်နှစ်အတွင်း ယဲ့ချူယောင်၏ ဦးဆောင်မှုအောက်တွင် လျို့ဝှက်လဝန်းနန်းတော်သည် ချီယန်ဂိုဏ်းနှင့် မဟာမိတ် စာချုပ် လက်မှတ်ရေးထိုးခဲ့သည်။</p> <p> </p> <p>စာချုပ်အရ လျို့ဝှက်လဝန်းနန်းတော် သို့မဟုတ် ချီယန်ဂိုဏ်းကို သွေးလင်းယုန်ခန်းမက တိုက်ခိုက်လာလျှင် တစ်ဖက်မှ မည်သည့် ကန့်သတ်ချက်မှ မရှိပဲ ကူညီရမည် ဖြစ်သည်။</p> <p> </p> <p>ဤမဟာမိတ်စာချုပ်သည် ခုခံကာကွယ်ရေး သဘောတူညီချက်မျှသာ ဖြစ်သည်။</p> <p> </p> <p>အဘယ်ကြောင့်ဆိုသော် သွေးလင်းယုန်ခန်းမတွင် နတ်ဘုရင် သုံးပါး ရှိပြီး လျို့ဝှက်လဝန်းနန်းတော်၏ နတ်ဘုရင်ကတော့ အခုထိ တံခါးပိတ်ကျင့်စဉ် ဝင်နေဆဲ ဖြစ်သောကြောင့် ဖြစ်၏။</p> <p> </p> <p>လျို့ဝှက်လဝန်းနန်းတော်နှင့် ချီယန်ဂိုဏ်း၏ စွမ်းအားဖြင့် သွေးလင်းယုန်ခန်းမကို သွားရောက် တိုက်ခိုက်ခြင်းက ကိုယ့်ကိုယ်ကို သတ်သေခြင်းပင် ဖြစ်လိမ့်မည်။ ထို့ကြောင့် သွေးလင်းယုန်ခန်းမမှ မိစ္ဆာနတ်များကို ခုခံနိုင်ရန် ခုခံကာကွယ်ရေးများကို အားကောင်းအောင် လုပ်ပြီး နည်းဗျူဟာ ပုံစံများကိုသာ အာရုံစိုက်နေကြသည်။</p> <p> </p> <p> </p> <p>……</p> <p> </p> <p> </p> <p>ထိုအခိုက်အတန့်တွင်။</p> <p> </p> <p>လျို့ဝှက်လဝန်းနန်းတော်။</p> <p> </p> <p>အပြာရောင်ဝတ်စုံကို ဝတ်ဆင်ထားသော ယဲ့ချူယောင်သည် ချောက်ကမ်းပါးတစ်ခု၏  အစွန်းတွင် ရပ်နေပြီး ရှန်ရှမြို့ရှိရာ အရပ်ဆီသို့ ငေးကြည့်နေ၏။</p> <p> </p> <p>သူမ၏ ရှေ့တွင် အပြာရောင် ပုံရိပ်ယောင် မျက်နှာပြင်တစ်ခု ရှိနေပြီး ရှန်ရှမြို့ တည်ရှိရာနေရာတွင် အနီရောင် အစက်ကလေး တစ်စက် ပြနေသည်။ </p> <p> </p> <p> </p> <p> </p> <p> </p> <p style="text-align: center;">***</p>


Save