Book List

<h2 style="text-align:center">အခန်း (၁၆၁၅)</h2> <h2 style="text-align:center">မျိုးဆက်ပြန့်ပွားခြင်းလမ်းစဉ် ပြန်လည်မွေးဖွားလာခြင်း</h2> <h2 style="text-align:center">*</h2> <p> </p> <p> </p> <p> </p> <p> </p> <p>လုချန်း အတွေးထဲ၌ နစ်မြောနေမိသည်။</p> <p> </p> <p> သူသည် ဖန်တီးခြင်း လမ်းစဉ်ကို သူ နားလည်သဘောပေါက်ထားသူ ဖြစ်၏။</p> <p> </p> <p> ဖန်တီးခြင်း လမ်းစဉ်ကို အသုံးပြုကာ မျိုးဆက်ပြန့်ပွားခြင်း လမ်းစဉ်ကို ဖော်ထုတ်ခဲ့လျှင် သူ အောင်မြင်နိုင်မလား။</p> <p> </p> <p>ထိုအတွေးနှင့်အတူ လုချန်း တွန့်ဆုတ်မနေတော့ပေ။ ဖန်တီးခြင်း လမ်းစဉ်မှ လမ်းစဉ်စွမ်းအားကို သူ ချက်ချင်းပင် လှုပ်နှိုးလိုက်ပြီးနောက် မျိုးဆက်ပြန့်ပွားခြင်း လမ်းစဉ်ကို ဖော်ထုတ်လိုက်တော့၏။</p> <p> </p> <p>သို့သော်လည်း သူအံ့ဩသွားရသည်က မျိုးဆက်ပြန့်ပွားခြင်း လမ်းစဉ်ကို ဖော်ထုတ်လိုက်သည်နှင့် တစ်ပြိုင်နက် ထိုလမ်းစဉ်သည် လျင်မြန်စွာပင် ဝေဝါးသွားပြီး သူ၏ ကိုယ်တွင်းရှိ နတ်စွမ်းအားများလည်း ထိတ်လန့်ဖွယ် ကောင်းလောက်အောင် ကုန်ဆုံးသွားခြင်း ဖြစ်သည်။</p> <p> </p> <p> မျိုးဆက်ပြန့်ပွားခြင်း လမ်းစဉ်ကို ပိုမြင့်မားသည့် နိယာမစွမ်းအားတစ်ခုက ချိပ်ပိတ်ထားကြောင်း လုချန်း ချက်ချင်း နားလည်လိုက်၏။</p> <p> </p> <p>ထိုသို့ဖြင့် မျိုးဆက်ပြန့်ပွားခြင်း လမ်းစဉ် ဖော်ထုတ်နေမှုကို လုချန်း အလျင်အမြန်ပင် ရပ်တန့်လိုက်သည်။ ဤနှုန်းအတိုင်း စွမ်းအားများ ဆက်လက် ကုန်ဆုံးနေပါက သူ၏ နတ်စွမ်းအားများ ကုန်ခန်းသွားပေလိမ့်မည်။</p> <p> </p> <p>ထိုအခိုက်အတန့်တွင် အခန်းအတွင်း၌ အနီရောင် လှိုင်းတွန့်လေးများ ရုတ်တရက် ပေါ်ပေါက်လာ၏။</p> <p> </p> <p>ဒါက...</p> <p> </p> <p>လုချန်း တစ်စုံတစ်ခုကို သတိရသွားပုံ ရသည်။ ခဏအကြာတွင် အနီရောင်ပန်းရထားလုံးတစ်စင်း အခန်းအတွင်း၌ ပေါ်ထွက်လာတော့၏။</p> <p> </p> <p>ကစဉ့်ကလျား သားရဲအတွင်းရှိ စကြဝဠာမှ သူထွက်လာခဲ့ပြီးကတည်းက ပန်းနီရထားကို နောက်ထပ် မတွေ့ရတော့ပေ။ ပန်းနီရထားနှင့် ပတ်သက်၍ လုချန်း အမြဲပင် စိတ်ဝင်စားနေခဲ့သည်။ သူ၏ မှတ်ဉာဏ်ထဲတွင် ဤကဲ့သို့သော မှော်ရတနာမျိုး ရှိခဲ့ပုံ မရချေ။</p> <p> </p> <p>ပန်းနီရထား ပေါ်လာသည်နှင့် မှေးမှိန်နေသည့် မျိုးဆက်ပြန့်ပွားခြင်း လမ်းစဉ်သည် ရုတ်တရက် ကောင်းကင်သို့ ထိုးတက်သွားပြီး ရှန်ရှမြို့အထက်တွင် သစ်ပင်ပန်းမန်များနှင့် သတ္တဝါများ မျိုးပွားနေသည့် မြင်ကွင်းပေါင်းများစွာ ထွက်ပေါ်လာတော့၏။</p> <p> </p> <p> အတိုင်းအဆမဲ့သည့် နတ်စွမ်းအားအငွေ့အသက်များသည်လည်း လုချန်း ခင်းကျင်းထားသည့် အတားအဆီးကို တိုက်ရိုက်ပင် ဖောက်ထွက်သွားသည်။ အဆောင်အတွင်း၌ ရှိနေသည့် ကောက်ရှီယွမ်လည်း ထိုအရာကို မြင်လျှင် တစ်စုံတစ်ခု ဖြစ်ပြီဟု တွေးကာ အတွင်းသို့ ပြေးဝင်သွား၏။</p> <p> </p> <p>ကောက်ရှီယွမ်က</p> <p> </p> <p> “မောင်လေး... ညီမလေးတို့ အဆင်ပြေရဲ့လား”</p> <p> </p> <p>သို့သော်လည်း အခန်းအတွင်းသို့ ကောက်ရှီယွမ် ဝင်သွားလျှင် လုချန်းနှင့် ရှောင်ရွှီရင်တို့ နီးနီးကပ်ကပ် ရှိနေသည်ကို တွေ့လိုက်ရ၏။</p> <p> </p> <p>ထိုမြင်ကွင်းကို မြင်သောအခါ ကောက်ရှီယွမ် လုံးဝမှင်တက်သွား၏။ သူတို့နှစ်ဦးကြားတွင် တစ်စုံတစ်ခု ရှိနေနိုင်သည်ဟု သူမ ခန့်မှန်းထားခဲ့သော်လည်း ကိုယ်တိုင် မြင်လိုက်ရခြင်းနှင့် ခံစားချက် မတူပေ။</p> <p> </p> <p>အခန်းထဲသို့ ကောက်ရှီယွမ် ဝင်လာသည်ကို မြင်လျှင် ရှောင်ရွှီရင်လည်း မှင်တက်သွား၏။ တစ်စုံတစ်ခုကို ပြောရန် ရှောင်ရွှီရင် ပြင်လိုက်သော်လည်း ပန်းနီရထားမှ ထွက်ပေါ်လာသည့် အနီရောင် နတ်စွမ်းအားအငွေ့အသက်များ သူမ၏ ကိုယ်တွင်းသို့ စီးဝင်သွားသဖြင့် သူမကိုယ်သူမ မထိန်းချုပ်နိုင် ဖြစ်သွားရသည်။</p> <p> </p> <p>ကောက်ရှီယွမ်က</p> <p> “တောင်းပန်ပါတယ်။ ရှင်တို့... ရှင်တို့ ...”</p> <p> </p> <p>ထိုသို့ ပြောပြီးနောက် ကောက်ရှီယွမ် တံခါးကို အမြန် ပြန်ပိတ်လိုက်၏။ ကောက်ရှီယွမ် တံခါးပိတ်လိုက်ပြီးနောက် ရှောင်ရွှီရင်၏ နူးညံ့ပြီး ဆွဲဆောင်မှုရှိသော အသံ အခန်းအတွင်းမှ ချက်ချင်းပင် ထွက်ပေါ်လာသည်။</p> <p> </p> <p>ထိုအခိုက်အတန့်တွင် ကောက်ရှီယွမ်၏ စိတ်များ အလွန်ရှုပ်ထွေးသွားတော့သည်။</p> <p> </p> <p>ညီမလေးရှောင်တစ်ယောက် မောင်လေးလုချန်း၏ မိန်းမ တကယ် ဖြစ်သွားလိမ့်မည်ဟု သူမ မထင်ထားခဲ့ပေ။</p> <p> </p> <p>ဒါက ဖြစ်သင့်ပေသည်။</p> <p> </p> <p> မောင်လေးလုချန်းသည် လျှို့ဝှက်လဝန်းနန်းတော် နန်းတော်သခင်၏ တပည့်ရင်းဖြစ်သလို အနာဂတ် နန်းတော်သခင်လည်း ဖြစ်၏။ သူမအနေနှင့် သူ့အပေါ် စိတ်ဝင်စားသွားခြင်းက နားလည်ပေးနိုင်စရာပင်။</p> <p> </p> <p>…..</p> <p>ထိုအတောအတွင်း။</p> <p> </p> <p>အခန်းထဲ၌။</p> <p> </p> <p>မျိုးဆက်ပြန့်ပွားခြင်း လမ်းစဉ် ပြန်လည် ထွန်းတောက်လာသည်နှင့်အမျှ လမ်းစဉ်စွမ်းအားကို အသုံးပြုကာ ရှောင်ရွှီရင်နှင့်အတူ ရင်သွေးရရှိရန် လုချန်း မျှော်လင့်လိုက်သည်။ သို့သော်လည်း မျိုးဆက်ပြန့်ပွားခြင်း လမ်းစဉ်မှ လမ်းစဉ်စွမ်းအားရှိနေသည့်တိုင် ရှောင်ရွှီရင်အတွက် ကိုယ်ဝန်ရရန် ခက်ခဲနေသေးသည်ကို သူ မကြာမီ တွေ့ရှိလိုက်၏။</p> <p> </p> <p>ဒါက သဘာဝပင် ဖြစ်သည်။</p> <p> </p> <p>နတ်များအဖို့ ရင်သွေးရရှိရန်က နဂိုကတည်းက ခဲယဉ်းလှ၏။</p> <p> </p> <p>ယခုတော့ မျိုးဆက်ပြန့်ပွားခြင်း လမ်းစဉ် ပြန်လည် ထွန်းတောက်လာပြီ ဖြစ်သဖြင့် အနာဂတ်တွင် ရင်သွေးရရန် ပို၍ လွယ်ကူလာပေလိမ့်မည်။ အလျင်စလို လုပ်ရန် မလိုပေ။</p> <p> </p> <p>ကျင့်စဉ်ကျင့်ပြီး ခဏအကြာတွင် လုချန်း၏ ရင်ခွင်ထဲ၌ ရှောင်ရွှီရင် လဲလျောင်းကာ တိုးတိုးလေး မေးလိုက်၏။</p> <p> </p> <p>ရှောင်ရွှီရင်က</p> <p> </p> <p> “တို့ကိစ္စကို စီနီယာအစ်မ ကောက် သိသွားပြီ။ အခု ဘာလုပ်ကြမလဲ။”</p> <p> </p> <p>ကောက်ရှီယွမ်က သူတို့ကိစ္စကို ယဲ့ချူယောင်အား ပြောပြမလားဆိုတာကို ရှောင်ရွှီရင် မဝေခွဲနိုင် ဖြစ်နေသည်။ အကယ်၍ ယဲ့ချူယောင် သိသွားပါက အခက်တွေ့ပေလိမ့်မည်။</p> <p> </p> <p>လုချန်းက ပြုံးလိုက်ပြီး ရှောင်ရွှီရင်ကို ကြည့်ကာ</p> <p>“တို့က တစ်ယောက်ကိုတစ်ယောက် ချစ်ကြတာပဲ။ အတူတူရှိတာက သဘာဝကျပါတယ်။ သိသွားရင်လည်း သိသွားပါစေ။ ဒါက ဘာမှ မဟုတ်ပါဘူး။”</p> <p> </p> <p>ယခင်က သူတို့ တိတ်တဆိတ် နေခဲ့ရသော်လည်း ယခု ကောက်ရှီယွမ် သိသွားပြီ ဖြစ်သဖြင့် ခိုးကြောင်ခိုးဝှက် လုပ်နေစရာ မလိုတော့ပေ။</p> <p> </p> <p>ထိုစဉ် ရှောင်ရွှီရင် တစ်စုံတစ်ခုကို သတိရသွားကာ</p> <p> “စောစောက ထူးဆန်းတဲ့ လမ်းစဉ်စွမ်းအားတစ်ခု ခံစားလိုက်ရသလိုပဲ။”</p> <p> </p> <p>လုချန်းက</p> <p> “ဒါက မျိုးဆက်ပြန့်ပွားခြင်း လမ်းစဉ်က လမ်းစဉ်စွမ်းအားလေ။”</p> <p> </p> <p>လုချန်း၏ စကားကို ကြားလျှင် ရှောင်ရွှီရင် မှင်တက်သွားပြန်၏။</p> <p> </p> <p>မျိုးဆက်ပြန့်ပွားခြင်း လမ်းစဉ်မှ လမ်းစဉ်စွမ်းအား ဟုတ်လား။</p> <p> </p> <p>လုချန်းက သူမအပေါ် မျိုးဆက်ပြန့်ပွားခြင်း လမ်းစဉ်ကို သုံးလိုက်တယ်ဆိုတော့...</p> <p> </p> <p>ရှောင်ရွှီရင် မျက်နှာ နီမြန်းသွားကာ တိုးတိုးလေး မေးလိုက်၏။</p> <p> </p> <p>“ရှင်... ကျွန်မကို... အဲ့ဒါ ဖြစ်အောင် လုပ်နေတာလား”</p> <p> </p> <p>ရှောင်ရွှီရင်၏ အသံရပ်သွား၏။</p> <p> </p> <p>လုချန်းက ပြုံးလိုက်ပြီး</p> <p>“အစ်မ တွေးတာ မှန်ပါတယ်။ မျိုးဆက်ပြန့်ပွားခြင်း လမ်းစဉ် ရှိနေပေမဲ့လည်း နတ်တွေအတွက် ကိုယ်ဝန်ရဖို့က ခက်ခဲနေတုန်းပဲ။ ဒါပေမဲ့ အခု မျိုးဆက်ပြန့်ပွားခြင်း လမ်းစဉ် ပြန်ထွန်းတောက်လာပြီဆိုတော့ နောက်ဆိုရင် နတ်တွေရော လူတွေပါ ရင်သွေးရဖို့ ပိုလွယ်ကူလာလိမ့်မယ်။”</p> <p> </p> <p>ရှောင်ရွှီရင် အနည်းငယ် ထိတ်လန့်သွားကာ အမြန်ပင် မေးလိုက်သည်။</p> <p> </p> <p> “ရှင် ပြောတာ တကယ်လား”</p> <p> </p> <p>လုချန်းက ရှောင်ရွှီရင်ကို</p> <p> “ဟုတ်တယ်။ ထျန်းရန် နတ်ဘုရား နယ်မြေမှာ ကိုယ်ဝန်ရဖို့ ခက်ခဲလာရတဲ့ အကြောင်းရင်းက တစ်ဖက်က ဖန်တီးခြင်း လမ်းစဉ် ညစ်ညမ်းနေတာကြောင့် ဖြစ်သလို တစ်ဖက်ကလည်း မျိုးဆက်ပြန့်ပွားခြင်း လမ်းစဉ် ပျောက်ကွယ်လုနီးပါး ဖြစ်နေလို့ပဲ။”</p> <p> </p> <p>ဖန်တီးခြင်း လမ်းစဉ် ညစ်ညမ်းမှု ပြဿနာကို လုချန်း မဖြေရှင်းနိုင်သေးသော်လည်း မျိုးဆက်ပြန့်ပွားခြင်း လမ်းစဉ်ကို ပြန်လည် ထွန်းတောက်စေခြင်းဖြင့် အနာဂတ်တွင် ကိုယ်ဝန်ရရန် လွယ်ကူလာပေလိမ့်မည်။</p> <p> </p> <p>ရှောင်ရွှီရင်က</p> <p> “ဒါဆိုရင်တော့ ထျန်းရန် နတ်ဘုရား နယ်မြေက နောက်တစ်ကြိမ် ကစဉ့်ကလျား ဖြစ်သွားနိုင်တာပဲ။”</p> <p> </p> <p>ထျန်းရန် နတ်ဘုရား နယ်မြေသည် အလွန်ပင် ကျယ်ပြောပြီး အင်အားကြီး အဖွဲ့အစည်းများ များပြားလှသဖြင့် နဂိုကတည်းက အတော်အတန် ကစဉ့်ကလျား ဖြစ်နေခဲ့သည်။</p> <p> </p> <p>လွန်ခဲ့သည့် နှစ်သန်းပေါင်း တစ်ရာအတွင်း မျိုးဆက်ရရှိရန် ခက်ခဲမှုကြောင့် မွေးဖွားနှုန်း ကျဆင်းလာခဲ့၏။ စစ်ပွဲများအတွင်း လူဦးရေ လျင်မြန်စွာ လျော့နည်းသွားခဲ့ခြင်း နတ်အင်းအားစုများအနေနှင့် လူအင်အား ပြန်လည် မဖြည့်တင်းနိုင်ခြင်းတို့ကြောင့်သာ  မဟုတ်ပါက အင်အားကြီး အဖွဲ့အစည်းများကြားရှိ တိုက်ပွဲများ ရပ်တန့်နေလိမ့်မည် မဟုတ်ပေ။</p> <p> </p> <p>အရာအားလုံး ပုံမှန် ပြန်ဖြစ်သွားပြီး နတ်များလည်း ယခင်ကကဲ့သို့ ပြန်လည် မျိုးပွားနိုင်လာလျှင် ရှောင်လွှဲ၍ မရစွာပင် စစ်ပွဲများ  ဖြစ်ပွားလာပေလိမ့်မည်။</p> <p> </p> <p>မျိုးဆက်ပြန့်ပွားခြင်း လမ်းစဉ် ပြန်လည် ထွန်းတောက်လာလျှင် အဓိက အင်အားစု အသီးသီးမှ နတ်သခင်များလည်း ထိုအရာကို ခံစားလိုက်ရ၏။</p> <p> </p> <p> ထိုနတ်သခင်များသည် မျိုးဆက်ပြန့်ပွားခြင်း လမ်းစဉ်ကို လျှောက်လှမ်းသူများ မဟုတ်သော်လည်း ၎င်းကို ခံစားမိကြသည်။ ထျန်းရန် နတ်ဘုရား နယ်မြေတွင် မျိုးဆက်ရရှိရန် ခက်ခဲခြင်းမှာ လမ်းစဉ်များ ပျောက်ကွယ်သွားခြင်းနှင့် နိယာမများ ပြောင်းလဲသွားခြင်းကြောင့် ဖြစ်နိုင်သည်ဟု သံသယများ ရှိနေခဲ့သည်မှာ ကြာပြီ ဖြစ်၏။</p> <p> </p> <p> သို့သော်လည်း မည်သူမှ မျိုးဆက်ပြန့်ပွားခြင်း လမ်းစဉ်ကို မလိုက်စားကြသဖြင့် ၎င်းပျောက်ကွယ်သွားသည်ကို နတ်သခင်များ  သတိပြုမိလျှင်ပင် ပျောက်ကွယ်ရခြင်း၏ အကြောင်းရင်းကိုတော့ မသိနိုင်ကြပေ။</p> <p> </p> <p>မျိုးဆက်ပြန့်ပွားခြင်း လမ်းစဉ် ပြန်လည် ထွန်းတောက်လာသည်ကို ခံစားမိသည်နှင့် အဓိက အင်အားစုကြီးများမှ ရှေးဟောင်း ဘိုးဘေးကြီးများကလည်း လူသားလောကရှိ ပြောင်းလဲမှုများကို စောင့်ကြည့်ရန် လူများကို ချက်ချင်းပင် စေလွှတ်လိုက်ကြတော့၏။</p> <p> </p> <p> မျိုးဆက်ပြန့်ပွားခြင်း လမ်းစဉ် ပြန်လည် ထွန်းတောက်လာခြင်းကြောင့် လူသားများတွင် ရင်သွေးရရှိရန် လွယ်ကူလာလာပေလိမ့်မည်။ လူသားများ ပိုမိုလွယ်ကူစွာ ကိုယ်ဝန်ရလာပါက အနာဂတ်တွင် နတ်များအတွက်လည်း ရင်သွေးရရှိရန် ပို၍ လွယ်ကူလာနိုင်သည်ကို ညွှန်ပြနေခြင်း ဖြစ်သည်။</p> <p> </p> <p> </p> <p>…….</p> <p> </p> <p> </p> <p>ရှန်ရှမြို့။</p> <p> </p> <p>မြို့တော်ဝန် စံအိမ်။</p> <p> </p> <p>အဆောင်တစ်ခုအတွင်း၌။</p> <p> </p> <p>ကောက်ရှီယွမ်သည် အပန်းဖြေဆောင်တွင် ထိုင်နေရင်း လျှို့ဝှက်နယ်မြေအတွင်း၌ လုချန်း သူမကို ကယ်တင်ခဲ့သည့် အချိန်ကို ပြန်လည် သတိရနေမိ၏။ ရှောင်ရွှီရင်ပင် အဖော်တစ်ယောက် တွေ့ရှိသွားခဲ့ပြီ ဖြစ်သော်လည်း သူမကတော့ တစ်ယောက်တည်း ရှိနေဆဲပင်။</p> <p> </p> <p> လျှို့ဝှက်လဝန်းနန်းတော်တွင် အမျိုးသမီး တပည့်များကိုသာ လက်ခံသော်လည်း အများစုက အဖော်ရှိကြသည်။ အနည်းဆုံးတော့ ယခင်က ရှိခဲ့ဖူးကြ၏။ အထူးသဖြင့် မြေနတ်အဆင့်ရှိသည့် တပည့်များသည် နှစ်သန်းပေါင်း တစ်ထောင်ကျော် နေထိုင်ခဲ့ကြသူများ ဖြစ်ကြ‌သောကြောင့်ဖြစ်သည်။</p> <p> </p> <p>သူတို့တွင် ယောက်ျားတစ်ယောက်မှ မရှိခဲ့ဖူးဟု ပြောရန်က မဖြစ်နိုင်ပေ။ အထူးသဖြင့် ကောင်းကင်နတ် အဆင့်ရှိသူများအတွက်ဆိုလျှင် ပိုမှန်သည်။ ပုံမှန်အားဖြင့် မြေနတ်တစ်ပါးသည် ကောင်းကင်နတ်အဆင့်သို့ မတက်လှမ်းမီ ကျင့်စဉ်တက်ရန်အတွက် လူသားလောကသို့ ဆင်းသက်ရလေ့ ရှိသည်။</p> <p> </p> <p>ဤအဆင့်အတွင်း၌ မြေနတ်အများစုသည် ယခင်က အဖော်မရှိခဲ့လျှင်ပင် ကျင့်စဉ်ခရီး၏ အစိတ်အပိုင်းတစ်ခုအဖြစ် အဖော်တစ်ယောက်ကို ရှာဖွေတတ်ကြ၏။</p> <p> </p> <p>သို့သော်လည်း လျှို့ဝှက်နယ်မြေတွင် ရှိနေစဉ် လုချန်းကို ချစ်မိသွားခဲ့ပြီးကတည်းက ကောက်ရှီယွမ်၏ နှလုံးသား တံခါးပိတ်သွားခဲ့သည်။ အထူးသဖြင့် လုချန်းတစ် ကစဉ့်ကလျား ပင်လယ်အတွင်းသို့ ဝင်သွားသည်ကို သိလိုက်ရပြီးနောက် အဖော်ရှာရန် အတွေးများကို သူမ လုံးဝ စွန့်လွှတ်ခဲ့သည်။</p> <p> </p> <p> </p> <p> </p> <p> </p> <p style="text-align:center">***</p>


Save