Book List

<h2 style="text-align: center;">အခန်း (၁၆၁၇ )</h2> <h2 style="text-align: center;">အန်းယွမ် လုကျင်၏ အကြံအစည်</h2> <h2 style="text-align: center;">*</h2> <p> </p> <p> </p> <p> </p> <p>ဤဖြစ်နိုင်ခြေကို လုကျင် တွေးတောမိသော်လည်း အနည်းငယ်တော့ လက်တွေ့မကျသလို ဖြစ်နေဆဲပင်။</p> <p> </p> <p>ထိုစဉ်က ထိပ်တန်းအင်အားစုများမှ အစွမ်းထက်ပုဂ္ဂိုလ်များစွာနှင့် နတ်သခင်များပင် ရှိနေခဲ့၏။</p> <p> </p> <p>နတ်ဘုရင်အဆင့်မျှသာရှိသော လုချန်းအဖို့ “ရွှေပုရစ်ခွံလဲခြင်း” နည်းပရိယာယ်ဖြင့် လွတ်မြောက်ရန်က မလွယ်ကူလှချေ။</p> <p> </p> <p>ကစဉ့်ကလျား ပင်လယ်ထဲသို့ ဝင်သွားသည့် လုချန်း အစစ်ဟုတ်မဟုတ်ကို ခွဲခြားနိုင်သည့် နည်းလမ်းကောင်းများ ထိုထိပ်တန်းအင်အားစုများတွင်  ရှိပြီးသားဖြစ်သည်။ လူတစ်ယောက်က မရိပ်မိလျှင်ပင် အင်အားစုအားလုံးက မသိနိုင်တာတော့ မဖြစ်နိုင်ပေ။</p> <p> </p> <p>ထိုအချိန်က ကစဉ့်ကလျား ပင်လယ်ထဲသို့ ဝင်သွားသူမှာ လုချန်းကိုယ်တိုင်ပင် ဖြစ်ရမည်။</p> <p> </p> <p>သို့သော်လည်း...</p> <p> </p> <p>ခန်းမမကြီးအတွင်း ကျားဝမ်ရွှီ ထုတ်ပြထားသည့် မှတ်ဉာဏ်ပုံရိပ်များကို လုကျင် တစ်ဖန် ပြန်ကြည့်လိုက်၏။ ပုံရိပ်ထဲမှ ထိုသူက လုချန်းနှင့် အလွန်ပင် တူနေသည်။</p> <p> </p> <p> အကယ်၍ ထိုသူသာ လုချန်း တကယ် ဖြစ်နေခဲ့လျှင် စိတ်ဝင်စားစရာ ကောင်းလာတော့မည်။</p> <p> </p> <p>နှုတ်ခမ်းထောင့်တွင် အဓိပ္ပာယ်ပါသော အပြုံးတစ်ခုကို ဆင်မြန်းလျက် ခန်းမအတွင်း ဒူးထောက်နေသော ကျားဝမ်ရွှီကို လုကျင့်ဖူက</p> <p> </p> <p> “ ဒီသတင်းပေးဖို့ တစ်ခုတည်းအတွက်နဲ့ ကျုပ်ကိုတွေ့ဖို့ ဒီလောက်တောင် ကြိုးစားနေတာလား။”</p> <p> </p> <p>ကျားဝမ်ရွှီက</p> <p> “ ချန်ဘုရင်က ထျန်းရှ နတ်ဘုရား နိုင်ငံတော်ရဲ့ သစ္စာဖောက်တစ်ယောက်ပါ။ ထျန်းရန် နတ်ဘုရား နယ်မြေရဲ့ ဘေးအန္တရာယ်လည်း ဖြစ်ပါတယ်။ အကယ်၍ သူသာ ထျန်းရှ နတ်ဘုရား နိုင်ငံတော်ကို ပြန်ရောက်လာရင် စစ်မီးကို တစ်ဖန် ပြန်မွှေးဦးမှာ အသေအချာပါပဲ။”</p> <p> </p> <p>“ကျုပ် ဒီသတင်းကို ပေးနိုင်ဖို့အတွက် အရှင်ရဲ့ အာရုံစိုက်မှုကို ရအောင် နည်းလမ်းမျိုးစုံ သုံးခဲ့ရတာပါ။ တခြား ရည်ရွယ်ချက် မရှိပါဘူး”</p> <p> </p> <p>လုကျင် ခပ်ဖွဖွ ရယ်လိုက်၏။</p> <p> </p> <p> ကျားဝမ်ရွှီ၏ ရည်ရွယ်ချက်ကို သူ ဘာ့ကြောင့် မသိပဲ နေပါ့မည်နည်း။</p> <p> </p> <p> ဤသတင်းအချက်အလက်ကို အသုံးပြုကာ ကျင့်စဉ်အရင်းအမြစ်အချို့နှင့် လဲလှယ်ရန် ကြိုးပမ်းခြင်းသာ ဖြစ်သည်။</p> <p> </p> <p>ထို့နောက် လုကျင်က</p> <p> </p> <p> “ဒီနေ့ကစပြီး အမွေးဖြူမြို့ကို ကျုပ်အတွက် စောင့်ကြည့်ပေးပါ။ လုချန်း ထပ်ပေါ်လာတာပဲဖြစ်ဖြစ် မြို့ထဲမှာ တစ်ခုခု ထူးခြားတာရှိရင်ပဲဖြစ်ဖြစ် ကျုပ်ကို ချက်ချင်း အစီရင်ခံရမယ်။”</p> <p> </p> <p>“ခင်ဗျား ဒီကိစ္စကို သေချာ ကိုင်တွယ်နိုင်ရင် ကျုပ်ရဲ့ လူယုံအဖြစ် ခန့်ထားပေးမယ်။”</p> <p> </p> <p>ထိုအရာကို ကြားလျှင် ကျားဝမ်ရွှီ အလွန် ဝမ်းသာသွား၏။</p> <p> </p> <p>သူ၏ လောင်းကြေး တကယ်ပင် မှန်သွားခဲ့ပြီ။</p> <p> </p> <p>သူတို့မျိုးဆက်သည် ယခင်က ချန်ဘုရင်၏ လက်အောက်ငယ်သား ဖြစ်ခဲ့ဖူးသဖြင့် ထျန်းရှ နတ်ဘုရား နိုင်ငံတော်ရဲ့ သစ္စာဖောက်တစ်ဦးအဖြစ် သတ်မှတ်ခံထားရသူ ဖြစ်သည်။ ထို့ကြောင့် အရေးယူခံရမည်ကို စိုးရိမ်သဖြင့် ထျန်းရှ နတ်ဘုရား နိုင်ငံတော်အတွင်းသို့ ဝင်ရောက်ရန် တစ်ခါမျှ မဝံ့ရဲခဲ့ချေ။</p> <p> </p> <p>ယခုတစ်ကြိမ် နိုင်ငံအတွင်းသို့ ဝင်ရောက်ခြင်းက စွန့်စားမှုတစ်ခု ဖြစ်သော်လည်း ရလဒ်ကတော့ တန်ဖိုးရှိလှပေသည်။</p> <p> </p> <p>လုကျင်၏ လက်အောက်တွင် အမှုထမ်းခွင့် ရနိုင်ပါက ရရှိမည့် ကျင့်စဉ်အရင်းအမြစ်များသည် ခရမ်းရောင်လမင်းမြို့နှင့် ကစဉ့်ကလျား ပင်လယ်အနီးတွင် ရရှိမည့် အရာများထက် သာလွန်မည်မှာ ဧကန်မုချပင်။</p> <p> </p> <p>ကျားဝမ်ရွှီက စိတ်လှုပ်ရှားစွာဖြင့်</p> <p> </p> <p>“စိတ်ချပါ ... ကျုပ် ဒါကို ကောင်းကောင်း ကိုင်တွယ်ပါ့မယ်”</p> <p> </p> <p>လုကျင်က</p> <p> </p> <p>“ကောင်းပြီ... တခြား ဘာမှမရှိတော့ရင် ခင်ဗျား ပြန်လို့ရပြီ။”</p> <p> </p> <p>ကျားဝမ်ရွှီက</p> <p> “ဟုတ်ကဲ့ပါ”</p> <p> </p> <p>လုကျင်က သူ့ကို ဆုလာဘ် တစ်စုံတစ်ရာ မပေးခဲ့သော်လည်း ကျားဝမ်ရွှီ စိတ်ပျက်ခြင်း မရှိချေ။</p> <p> </p> <p>အဘယ်ကြောင့်ဆိုသော် ဤသည်က သူတို့၏ ပထမဆုံးအကြိမ် တွေ့ဆုံမှုသာ ဖြစ်သောကြောင့်ပင်။</p> <p> </p> <p>လုကျင်၏ လက်အောက်သို့ ရောက်ရှိသွားသည်နှင့် နောင်တွင် အရင်းအမြစ်များကို အလိုအလျောက် ရရှိလာတော့မည် ဖြစ်သည်။</p> <p> </p> <p>ယခု သူ၏ တာဝန်က အမွေးဖြူမြို့ကို စောင့်ကြည့်ရန်နှင့် လုချန်း ပေါ်လာမည့်အချိန်ကို စောင့်ဆိုင်းရန်သာ ဖြစ်၏။ လုချန်း ပေါ်လာသည်နှင့် လုကျင် လှုပ်ရှားလာမည်ဟု သူ ယုံကြည်နေသည်။</p> <p> </p> <p>အဘယ်ကြောင့်ဆိုသော် လုချန်းသည် ထျန်းရှ နတ်ဘုရား နိုင်ငံတော်၏ သစ္စာဖောက်တစ်ဦးဖြစ်ကာ ယခင်က ထိပ်တန်းအင်အားစုများ၏ ဘေးအန္တရာယ်အဖြစ် သတ်မှတ်ခြင်း ခံထားရသူ တစ်ဦးလည်းဖြစ်သောကြောင့်ပင်။</p> <p> </p> <p>သို့သော်လည်း ကျားဝမ်ရွှီ အတွက်မှားသွားခဲ့ပုံရသည်။</p> <p> </p> <p>ခန်းမထဲမှ ကျားဝမ်ရွှီ ထွက်ခွာသွားသည်နှင့် လုကျင်၏ နှုတ်ခမ်းထောင့်တွင် ထိန်းမနိုင်သိမ်းမရ အပြုံးတစ်ခု ပေါ်ပေါက်လာ၏။ အကယ်၍ လုချန်းသာ ထျန်းရှ နတ်ဘုရား နိုင်ငံတော်သို့ ပြန်ရောက်လာပါက အစိုးရိမ်ဆုံးဖြစ်မည့်သူမှာ သူ မဟုတ်ချေ။</p> <p> </p> <p>သူသည်လည်း လုချန်းအား ဝိုင်းရံတိုက်ခိုက်ရာတွင် ပါဝင်ခဲ့ဖူးသော်လည်း ဤကိစ္စအားလုံး၏ ပင်မတရားခံမှာ ကွမ်းရန်ဘုရင် လုကျင့်ဖူသာ ဖြစ်၏။</p> <p> </p> <p> ထျန်းရှ နတ်ဘုရား နိုင်ငံတော်၏ ဘုရင်အနည်းငယ်ထဲတွင် လုကျင့်ဖူသည် စွမ်းအားအကြီးဆုံး ဖြစ်သည်။ လက်ရှိ နိုင်ငံတော်သခင်သည် သေအံ့ဆဲဆဲဖြစ်နေရာ လုကျင့်ဖူသာ တစ်ခုခုဖြစ်သွားခဲ့လျှင် ကျန်သောဘုရင်များအတွက် စိတ်သက်သာရာ ရစရာပင်။</p> <p> </p> <p>လုချန်းသာ ပြန်လာခဲ့လျှင် လုကျင့်ဖူကို မုချ လက်စားချေလိမ့်မည်ဟု လုကျင် ယုံကြည်၏။ လုချန်းက သူကို ခြိမ်းခြောက်နိုင်မလားဟူသည့် ကိစ္စကိုတော့ လုကျင် သိပ်ပြီး စိတ်မပူချေ။</p> <p> </p> <p> ကျားဝမ်ရွှီ ထုတ်ယူခဲ့သည့် မှတ်ဉာဏ်များအရ လုချန်းသည် နတ်ဘုရင် အဆင့် မဟုတ်တော့ပေ။</p> <p> </p> <p> နတ်ဘုရင် အဆင့်မဟုတ်သော လုချန်းက သူ့အတွက် ဘာမှ မဟုတ်ပေ။</p> <p> </p> <p>နတ်ဘုရင် အဆင့် မဟုတ်သော်လည်း လုချန်း ပြဿနာရှာရန် ရည်ရွယ်လာပါက လုကျင့်ဖူကိုတော့ အခက်တွေ့အောင် လုပ်နိုင်လိမ့်ဦးမည်။</p> <p> </p> <p>ထိုစဉ် တံခါးဝရှိ လူကို လုကျင်က</p> <p> </p> <p>“တပ်မှူးဝမ်ကို သွားခေါ်လိုက်။”</p> <p> </p> <p>မကြာမီပင် အနက်ရောင် သံချပ်ကာ ဝတ်ဆင်ထားသော အမျိုးသားတစ်ဦး လုကျင်၏ ရှေ့တွင် ပေါ်လာကာ ဂါရဝပြုလိုက်၏။</p> <p> </p> <p> “အရှင်... ဂါရဝပြုပါတယ်”</p> <p> </p> <p>“ဘာကိစ္စများ ရှိလို့ ခေါ်ယူလိုက်တာပါလဲ”</p> <p> </p> <p>လုကျင်က</p> <p> “တပ်မှူးဝမ်... ဟိုတုန်းက ချန်ဘုရင်ကို ထောင်ချောက်ဆင်ဖို့ အင်အားစုအမျိုးမျိုးနဲ့ ကွမ်းရန်ဘုရင် ပူးပေါင်းခဲ့တဲ့အကြောင်း သတင်းလွှင့်လိုက်ပါ။”</p> <p> </p> <p>ထိုအရာကို ကြားလျှင် ဝမ်ထုံ အတန်ငယ် တုံ့ဆိုင်းသွားမိ၏။ ဤကိစ္စက နှစ်ပေါင်းသန်းထောင်ချီ ကြာခဲ့ပြီဖြစ်ရာ လုကျင်က အဘယ်ကြောင့် ယခုမှ ပြန်ဖော်ထုတ်ရသနည်း။</p> <p> </p> <p> ယခုအခါ ဘုရင်များသည် ပြဿနာရှာရန်အတွက် တစ်ဦး၏အမှားကို တစ်ဦးက ရှာဖွေနေကြသော်လည်း ဤကိစ္စတွင်တော့ ထိုစဉ်က ဘုရင်အားလုံးသည် ချန်ဘုရင်အား ဝိုင်းရံတိုက်ခိုက်ရာတွင် ပါဝင်ခဲ့ကြသည်ချည်း ဖြစ်၏။</p> <p> </p> <p>ထို့ကြောင့် ဤကိစ္စက လုကျင့်ဖူအပေါ် သက်ရောက်မှုရှိမည် မဟုတ်ဟု ထင်ရ၏။</p> <p> </p> <p>ဝမ်ထုံက</p> <p> “ဘာကြောင့် ဒီလိုလုပ်ခိုင်းရတာလဲဆိုတာ သိပါရစေ။ ဒါက ကြာခဲ့လှပြီ မဟုတ်လား”</p> <p> </p> <p>လုကျင်က</p> <p> “ခိုင်းတဲ့အတိုင်းသာ လုပ်စမ်းပါ။ မကြာခင် ခင်ဗျား အကြောင်းရင်းကို သိလာပါလိမ့်မယ်”</p> <p> </p> <p>လုချန်း ပြန်လာသည့်သတင်းက ကြီးမားသော ဂယက်ရိုက်ခတ်မှုများ ဖြစ်ပေါ်စေလိမ့်မည်။ ဤအရာကို သူတစ်ဦးတည်း သိနေသည် ဆိုပါက ပြဿနာသိပ်တက်မည် မဟုတ်ပေ။</p> <p> </p> <p>သို့သော် လုချန်းကို ပစ်မှတ်ထားခဲ့သည့် ထိပ်တန်းအင်အားစုကြီးများသာ သူ ပြန်လာသည်ကို သိသွားပါက သူ့ကို တစ်ဖန် ပြန်လည်ဝိုင်းရံရန် လူလွှတ်ကြပေလိမ့်မည်။</p> <p> </p> <p>အဘယ်ကြောင့်ဆိုသော် လုချန်း၏ ပါရမီသည် ကြောက်မက်ဖွယ်ကောင်းလှသောကြောင့်ဖြစ်၏။</p> <p> </p> <p> ထိုအင်အားစုကြီးများသည် သူ နတ်ဧကရာဇ် ဖြစ်လာမည်ကို အလွန်အမင်း စိုးရိမ်ကြသည်။ လုချန်းကို အသုံးပြုကာ လုကျင့်ဖူအား ဒုက္ခပေးရန် လုကျင် ကြံစည်ထားသော်လည်း ထိုအင်အားစုကြီးများက လုချန်းကို သတ်သွားခြင်းမျိုးကိုတော့ သူ အဖြစ်မခံနိုင်ချေ။</p> <p> </p> <p>ဝမ်ထုံက</p> <p> </p> <p>“နားလည်ပါပြီ”</p> <p> </p> <p>ထို့နောက် ဝမ်ထုံ ခန်းမအတွင်းမှ ထွက်ခွာသွားတော့သည်။</p> <p> </p> <p>ရက်အနည်းငယ်အကြာတွင် ချန်ဘုရင်အား ထောင်ချောက်ဆင်ရန် အင်အားစုကြီးများနှင့် လုကျင့်ဖူ ပူးပေါင်းခဲ့သည့် သတင်းများ ထျန်းရှ နတ်ဘုရား နိုင်ငံတော်အတွင်း ပျံ့နှံ့သွား၏။</p> <p> </p> <p> ထိုသတင်းကို ကြားလျှင် အချို့နတ်များ  ဇဝေဇဝါ ဖြစ်သွားကြသည်။ နှစ်ပေါင်းသန်းထောင်ချီ ကြာခဲ့ပြီဖြစ်ရာ အများစုသည် ချန်ဘုရင်အကြောင်းကိုပင် မေ့လျော့နေကြပြီ ဖြစ်သည်။</p> <p> </p> <p>လက်ရှိအချိန်အထိ အသက်ရှင်ကျန်ရစ်သူများသည် အနည်းဆုံး ကောင်းကင်နတ်အဆင့် ရှိသူများ ဖြစ်သည်။</p> <p> </p> <p>ဟုတ်ပါသည်။ ချန်ဘုရင်အား ဝိုင်းရံရာတွင် ပါဝင်ခဲ့သူများ အသက်ရှင်နေသေးပါက ထိုအကြောင်းကို မှတ်မိနေကြဦးမည်။ သို့သော် ဤကောလာဟလကို ကြားသောအခါ သူတို့ အံ့ဩသွားကြ၏။</p> <p> </p> <p>နှစ်ပေါင်းသန်းထောင်ချီ အကြာက သေဆုံးသွားခဲ့သည့် လူတစ်ယောက်က အဘယ်ကြောင့် ယခုမှ အာရုံစိုက်ခံနေရသနည်း။</p> <p> </p> <p>ထို့ပြင် ကောလာဟလကလည်း အကြောင်းရင်းမရှိပဲ ပျံ့နှံ့နေခြင်း ဖြစ်သည်။</p> <p> </p> <p>ချန်ဘုရင် သစ္စာဖောက်သည်ဟူသော အချက်က ထိုစဉ်က လူတိုင်းသိသည့် အကြောင်းအရာ ဖြစ်သော်လည်း ယခုမှ ထိုသတင်းက တစ်ဖန် ပြန်လည်ထွက်ပေါ်လာခြင်း ဖြစ်၏။ တစ်စုံတစ်ဦးက ရည်ရွယ်ချက်ရှိရှိ သတင်းလွှင့်နေခြင်းဖြစ်ကြောင်း ထင်ရှားလှသော်လည်း အဘယ်ကြောင့် ထိုသို့လုပ်နေသည်ဆိုသည့် အချက်ကိုတော့ မည်သူမှ မခန့်မှန်းနိုင်ကြချေ။</p> <p> </p> <p>…….</p> <p> </p> <p>ကွမ်းရန်ဘုရင်၏ နယ်မြေအတွင်း...</p> <p> </p> <p> တောင်ထိပ်တစ်ခုပေါ်ရှိ။</p> <p> </p> <p> အဆောင်ငယ်တစ်ခုအတွင်း၌။</p> <p> </p> <p>လေထုအတွင်းရှိ စိတ်ဝိညာဉ်စွမ်းအားများကို  စုပ်ယူရင်း အဆောင်ငယ် အတွင်း၌ လုကျင့်ဖူ ထိုင်နေ၏။</p> <p> </p> <p> ထိုစဉ် အဆောင်ငယ်၏ အပြင်ဘက်၌ အစေခံတစ်ဦး ပေါ်လာသည်။</p> <p> </p> <p>မျက်လုံးကိုပင် ဖွင့်မကြည့်ပဲ လုကျင့်ဖူက</p> <p> </p> <p> “ဘာကိစ္စလဲ”</p> <p> </p> <p>အစေခံက</p> <p> “အရှင်... လတ်တလောမှာ ထျန်းရှ နတ်ဘုရား နိုင်ငံတော်အတွင်း အရှင်နဲ့ ပတ်သက်တဲ့ ကောလာဟလတွေ ထွက်နေပါတယ်။”</p> <p> </p> <p>ထိုအရာကို ကြားလျှင် လုကျင့်ဖူ မျက်လုံးဖွင့်ကြည့်လိုက်၏။ ထို့နောက် အစေခံကို ကြည့်ကာ</p> <p> </p> <p> “ကျုပ်ရဲ့ မောင်နှမတွေကတော့ မငြိမ်မသက် ဖြစ်နေကြပြီ ထင်တယ်။”</p> <p> </p> <p>“ကောလာဟလက ဘာတဲ့လဲ”</p> <p> </p> <p>ယခုအချိန်တွင် ကောလာဟလများဖြင့် တိုက်ခိုက်ခြင်းက အချည်းနှီးသာ ဖြစ်ပေလိမ့်သည်။</p> <p> </p> <p>သူတို့၏ ဖခင်သည် သေအံ့ဆဲဆဲ ဖြစ်နေပြီ ဖြစ်၏။ သားတစ်ဦးက ပုန်ကန်ရန် ကြံစည်နေသည်ဟူသော ကောလာဟလ ပျံ့နှံ့လျှင်ပင် မည်သူမှ ဂုရုစိုက်မည် မဟုတ်ပေ။</p> <p> </p> <p>ယခုအချိန်တွင် ဘုရင်များအကြားရှိ စွမ်းအားနှင့် အပြင်ဘက်မှ ထောက်ခံမှုများကသာ အရေးကြီးဆုံး ဖြစ်သည်။</p> <p> </p> <p> </p> <p> </p> <p style="text-align: center;">***</p>


Save