Book List

<h2 style="text-align:center">အခန်း (၁၆၂၀)</h2> <h2 style="text-align:center">လုချန်း၏ အကူအညီ</h2> <h2 style="text-align:center">*</h2> <p> </p> <p> </p> <p> </p> <p> </p> <p>ကောက်ရှီယွမ် ရုန်းကန်နေစဉ်မှာပင် သူမ၏ ခန္ဓာကိုယ်အတွင်း ထူးဆန်းသော ခံစားချက်တစ်ခုကို ရုတ်တရက် ခံစားလိုက်ရပြီး သူမ၏ လည်ချောင်းထဲမှ အသံတိုးတိုးတစ်ခု ထွက်ပေါ်လာ၏။</p> <p> </p> <p>လုချန်းက ကောက်ရှီယွမ်ကို ဂရုမစိုက်ပေ။ အောင်မြင်သွားပြီးနောက် နှင်းနှင့်ရေခဲလမ်းစဉ်ကို ဆင့်ကဲပြောင်းလဲရန် ဖန်တီးခြင်းလမ်းစဉ်ကို လုချန်း အသုံးပြုလိုက်သည်။</p> <p> </p> <p> နောက်တစ်ခဏတွင် နှင်းခဲမြို့၏ ကောင်းကင်ထက်ရှိ နှင်းနှင့်ရေခဲလမ်းစဉ် ပိုမိုထင်ရှားလာသော်လည်း မိုးသီးများကတော့ ရပ်တန့်သွားပြီး မကြာမီမှာပင် နှင်းမုန်တိုင်းလည်း တဖြည်းဖြည်း ပျောက်ကွယ်သွား၏။</p> <p> </p> <p>နှင်းနှင့်ရေခဲစွမ်းအားကို ကျွမ်းကျင်ပိုင်နိုင်သွားပြီးနောက် သူ၏ နှင်းနှင့်ရေခဲစွမ်းအားများကို ကောက်ရှီယွမ်၏ ခန္ဓာကိုယ်အတွင်းသို့ ထည့်သွင်းပေးကာ သူမ၏ ခန္ဓာကိုယ်အတွင်းရှိ နှင်းနှင့်ရေခဲစွမ်းအားများနှင့် ပေါင်းစပ်ပေးလိုက်သည်။</p> <p> </p> <p>ထို့နောက် ကောက်ရှီယွမ်၏ ခန္ဓာကိုယ်မှ နှင်းနှင့်ရေခဲစွမ်းအားကို သူ၏ ခန္ဓာကိုယ်ထဲသို့ ပြန်လည်ဆွဲယူလိုက်ပြီး သူတို့နှစ်ဦး၏ ခန္ဓာကိုယ်အကြားတွင် နှင်းနှင့်ရေခဲစွမ်းအား လည်ပတ်မှုတစ်ခုကို ဖန်တီးလိုက်၏။</p> <p> </p> <p>ဤနည်းဖြင့် ကောက်ရှီယွမ်၏ ခန္ဓာကိုယ်အတွင်းရှိ သောင်းကျန်းနေသော နှင်းနှင့်ရေခဲစွမ်းအားများ တည်ငြိမ်သွားတော့သည်။</p> <p> </p> <p>သို့သော် ကောက်ရှီယွမ် လုံးဝသတိပြန်ဝင်သောအခါ သူမနှင့် ရှိနေသူက ချန်းလုဖြစ်သည်ဟုသာ ယုံကြည်နေဆဲဖြစ်၏။ သူမသည် ချန်းလုထံမှ ရုန်းထွက်ရန် ကြိုးစားသော်လည်း သူတို့၏ နှင်းနှင့်ရေခဲစွမ်းအားများ ပေါင်းစပ်သွားပြီးနောက် သူမ၏ စွမ်းအားအပေါ် ထိန်းချုပ်နိုင်မှု လုံးဝ ဆုံးရှုံးသွားပြီး လုချန်း၏ လမ်းညွှန်မှုနောက်သို့သာ လိုက်ပါနိုင်တော့၏။</p> <p> </p> <p>သူမ၏ ခန္ဓာကိုယ်ကို မထိန်းချုပ်နိုင်တော့ကြောင်း သိလိုက်ရလျှင် ကောက်ရှီယွမ်၏ ပါးပြင်ထက်၌ မျက်ရည်များ စီးကျလာ တော့သည်။ လုချန်းအတွက် နှစ်ပေါင်းများစွာ စောင့်ထိန်းလာခဲ့သော အပျိုစင်ဘဝကို ဤကဲ့သို့သော အခြေအနေမျိုးတွင် အခြားသူတစ်ဦးထံ ဆုံးရှုံးလိုက်ရခြင်းအား သူမ မယုံကြည်နိုင်ဖြစ်နေ၏။</p> <p> </p> <p>ကောက်ရှီယွမ်၏ မျက်ရည်များကို မြင်လျှင်  သူမ၏ပါးစပ်ကို ပိတ်ထားခြင်းအား လုချန်း ရပ်လိုက်ပြီး ခေါင်းကို ဖြည်းညှင်းစွာ မော့ကာ သူမကို ကြည့်လိုက်သည်။</p> <p> </p> <p>ကောက်ရှီယွမ်က</p> <p> </p> <p> “ထစမ်း”</p> <p> </p> <p>ဟု အေးစက်စွာ ပြောလိုက်၏။</p> <p> </p> <p>လုချန်းက</p> <p> </p> <p>“စီနီယာအစ်မ... အစ်မရဲ့ ခန္ဓာကိုယ်ထဲက နှင်းနှင့်ရေခဲစွမ်းအားတွေက မတည်ငြိမ်သေးဘူး။”</p> <p> </p> <p>ကောက်ရှီယွမ်က</p> <p> </p> <p> “ရှင့်အကူအညီ ကျွန်မ မလိုဘူး”</p> <p> </p> <p>ဟု အေးစက်စက် ပြန်ပြော၏။</p> <p> </p> <p>လုချန်းက ပြုံးလျက်</p> <p> “အစ်မ ရှီယွမ်... ခင်ဗျား ခုနက ကျင့်စဉ်ဖောက်ပြန်နေတုန်းက ကျုပ်နာမည်ကို တတွတ်တွတ် ခေါ်နေခဲ့တာလေ။ အခုကျမှ ဘာလို့ ကျုပ်အပေါ် ဒီလောက် အေးစက်သွားရတာလဲ။”</p> <p> </p> <p>လုချန်း၏ စကားများကို ကြားလျှင် ကောက်ရှီယွမ် ခဏခန့် မှင်တက်သွား၏။ သူမက ချန်းလု၏ နာမည်ကို ဘာလို့ အဆက်မပြတ် ခေါ်နေရမည်နည်း။</p> <p> </p> <p>ကောက်ရှီယွမ်က</p> <p> “ကျွန်မက ရှင့်နာမည်ကို ဘာလို့ခေါ်နေရမှာလဲ”</p> <p>ဟု အေးစက်စွာ ပြောလိုက်၏။</p> <p> </p> <p>လုချန်းက</p> <p> “ခင်ဗျား ခုနက မရပ်မနား ခေါ်နေတာလေ။ ကျုပ်နာမည်ကို ခေါ်နေတာ မဟုတ်ရင် ဘယ်သူ့နာမည်ကို ခေါ်နေတာလဲ။”</p> <p> </p> <p>ကောက်ရှီယွမ်က</p> <p> “ရှင်က လုချန်း မဟုတ်ဘူး”</p> <p> </p> <p>လုချန်းက ရယ်မောလိုက်ပြီး</p> <p> “ကျုပ်က လုချန်း မဟုတ်ရင် ဘယ်သူဖြစ်ရမှာလဲ။ ရှီယွမ်... ကျုပ် လျှို့ဝှက်နယ်မြေထဲမှာ ခင်ဗျားရဲ့အသက်ကို တစ်ခါ ကယ်ဖူးတယ်လေ။ ခင်ဗျားက ကျုပ်ရုပ်ကိုတောင် မမှတ်မိတော့ဘူးလား။”</p> <p> </p> <p>ဤအရာကို ကြားလျှင် ကောက်ရှီယွမ်၏ စိတ်ထဲတွင် ကျယ်လောင်သော အသံတစ်ခုနှင့်အတူ လုံးဝဗလာဖြစ်သွား၏။</p> <p> </p> <p>လုချန်း...</p> <p> </p> <p>သူက လုချန်းလား...</p> <p> </p> <p>ဒါက ဘယ်လိုလုပ် ဖြစ်နိုင်မှာလဲ...</p> <p> </p> <p>သတိပြန်ဝင်လာသောအခါ ကောက်ရှီယွမ်က မယုံကြည်နိုင်စွာဖြင့်</p> <p> </p> <p> “ဟင့်အင်း... ရှင်က သူ မဖြစ်နိုင်ဘူး”</p> <p> </p> <p>လုချန်းက ဆက်လက်၍</p> <p> “ကျုပ်က သူ ဟုတ်မဟုတ်ဆိုတာကို နောက်မှ ဆွေးနွေးကြတာပေါ့။ အခုတော့ ခင်ဗျားကို အရင်ဆုံး အဆင့်တက်အောင် ကူညီပေးပါရစေဦး။”</p> <p> </p> <p>ထိုစကားနှင့်အတူ လုချန်းသည် နှင်းနှင့်ရေခဲစွမ်းအား လည်ပတ်မှုကို အရှိန်မြှင့်လိုက်ရာ ကောက်ရှီယွမ်၏ လည်ချောင်းထဲမှ အသံတစ်သံ မသိစိတ်ဖြင့် ထွက်ပေါ်လာ၏။</p> <p> </p> <p> </p> <p>ထို့နောက် သူမက နှုတ်ခမ်းကို ခပ်ဖွဖွကိုက်လိုက်ပြီး</p> <p> </p> <p> “ကျွန်မကို လွှတ်ပေး”</p> <p> </p> <p>အခန်းထဲရှိ နှင်းနှင့်ရေခဲစွမ်းအား တည်ငြိမ်သွားသည်ကို ခံစားမိလျှင် ရှောင်ရွှီရင် အနည်းငယ် စိတ်သက်သာရာ ရသွား၏။ သူမ အခန်းထဲသို့ ဝင်ကြည့်ချင်သော်လည်း ကောက်ရှီယွမ်နှင့် လုချန်းကို နှောင့်ယှက်မိမည်ကို စိုးရိမ်နေမိသည်။</p> <p> </p> <p>အချိန်များ ကုန်လွန်သွားသော်လည်း  လုချန်း အခန်းထဲမှ ထွက်လာသည်ကို မမြင်ရသေးသဖြင့် အခြေအနေကို မည်သို့ရှိသနည်းဟု ရှောင်ရွှီရင် တွေးတောနေမိ၏။</p> <p> </p> <p>ထိုအတောအတွင်း အခန်းထဲမှ အသံများ ထွက်ပေါ်လာသည်။</p> <p> </p> <p>“ချန်းလု... ရှင်... လူယုတ်မာ”</p> <p> </p> <p>“ချန်းလု... ရှင့်ကို ကျွန်မ သတ်မယ်။”</p> <p> </p> <p>“အစ်မကို လွှတ်ပေးပါ။ အစ်မ ရှင့်နဲ့ အတူမရှိနိုင်ဘူး...”</p> <p> </p> <p>……..</p> <p> </p> <p> </p> <p>အခန်းထဲမှ အသံများကို ကြားရလျှင် ရှောင်ရွှီရင် မှင်တက်သွား၏။</p> <p> </p> <p>ဒါက...</p> <p> </p> <p>လုချန်းနှင့် အကြိမ်ပေါင်းများစွာ အတူကျင့်ကြံဖူးသဖြင့် ကောက်ရှီယွမ်၏ လေသံကို နားထောင်ရုံဖြင့် သူတို့ ဘာလုပ်နေကြသည်ကို သူမ အလိုလို သိလိုက်သည်။</p> <p> </p> <p>သူမ၏ စိတ်ကို ရှောင်ရွှီရင် အမြန်ပြန်စုစည်းလိုက်၏။ သူမ အလွန် အံ့အားသင့်ခြင်း မရှိခဲ့ချေ။</p> <p> </p> <p>အကြောင်းမှာ ထိုအမျိုးသားသည် အချစ်ရေး ကိစ္စများစွာရှိသော လုချန်းဖြစ်နေသောကြောင့်ပင်။</p> <p> </p> <p>လုချန်းထံ၌ အမျိုးသမီး နောက်တစ်ယောက် တိုးလာတိုင်း သူမ ဝမ်းနည်းနေမည်ဆိုလျှင် မည်မျှအထိ ဝမ်းနည်းနေရမည်မှန်း မသိနိုင်သဖြင့် ဝမ်းနည်းခြင်းလည်း မရှိခဲ့ချေ။</p> <p> </p> <p>သို့သော် လုချန်းက ကောက်ရှီယွမ်အပေါ် ဤသို့ ပြုမူလိုက်သောကြောင့် နောက်ပိုင်းတွင် ကောက်ရှီယွမ်က နန်းတော်သခင်ထံ တိုက်ရိုက် တိုင်ကြားမည်ကိုတော့ ရှောင်ရွှီရင် တိတ်တဆိတ် စိုးရိမ်နေမိသည်။</p> <p> </p> <p>ဤသို့ဖြင့် အချိန်များ ကုန်လွန်သွားရာ မျက်စိတစ်မှိတ်အတွင်းမှာပင် ခြောက်လခန့် ကုန်လွန်သွားခဲ့၏။</p> <p> </p> <p>မိစ္ဆာနယ်ပယ်အတွင်း ကျရောက်လုနီးပါး ဖြစ်ခဲ့သော ကောက်ရှီယွမ်လည်း လုချန်း၏ အကူအညီဖြင့် သူမ၏ ကျင့်စဉ်ကို ခဲခဲယဉ်းယဉ်း တည်ငြိမ်အောင် ပြုလုပ်နိုင်ခဲ့သည်။ စစ်မှန်သော နတ်အဆင့်သို့ တက်ရန်အတွက် ကျင့်ကြံရန် အချိန်ပို လိုအပ်သဖြင့် သူမ၏ ကျင့်ကြံမှု တည်ငြိမ်စေရန်အတွက် ထိုခြောက်လလုံးလုံး လုချန်းက ကူညီပေးခဲ့၏။</p> <p> </p> <p> တကယ်တော့ သူမ ပူးပေါင်းရန် သဘောတူခဲ့သည့် အဓိက အကြောင်းရင်းက ချန်းလုသည် တကယ်ပင် လုချန်း ဖြစ်သည်ဟု ပိုယုံကြည်လာသောကြောင့်ဖြစ်၏။ လုချန်းမှလွဲ၍ ထျန်းရန်နတ်ဘုရားနယ်မြေတွင် သူမကို ခြောက်လတာ ကာလပတ်လုံး မရပ်မနား နှောင့်ယှက်နိုင်သူ မရှိနိုင်ပေ။</p> <p> </p> <p>လျှို့ဝှက်နယ်မြေတွင် လုချန်း၏ ကယ်တင်ခြင်းကို ခံရပြီးနောက် လုချန်းအပေါ် စိတ်ဝင်စားမှု ရှိလာခဲ့သဖြင့် လုချန်းနှင့် သူ၏ ဇနီးများအကြောင်း အပါအဝင် လုချန်း၏ ကိစ္စရပ်များစွာကို သူမ တိတ်တဆိတ် စုံစမ်းခဲ့ဖူးသည်။</p> <p> </p> <p>ဟုတ်ပါသည်။ သူမ၏ စိတ်ထဲတွင် လုချန်းအပေါ် မကျေနပ်ချက် အချို့ ရှိနေဆဲ ဖြစ်၏။</p> <p> </p> <p>ဤလူယုတ်မာက အစကတည်းက သူ မည်သူဖြစ်ကြောင်းကို မထုတ်ဖော်ပြပဲ သူမ ဝေခွဲမရ ဖြစ်နေချိန်ကို အခွင့်ကောင်းယူကာ သူမအတွက် ပြင်ဆင်ချိန်မရအောင် ပြုလုပ်ခဲ့သည်။</p> <p> </p> <p>ထိုအခိုက်တွင် လုချန်းသည် ကောက်ရှီယွမ်ကို ပွေ့ဖက်ထားပြီး သူမကို သူ၏အပေါ်တွင် မှီထားစေကာ သူ၏ လက်ချောင်းများက သူမ၏ ကျောပြင်ကို ညင်သာစွာ ပွတ်သပ်နေ၏။</p> <p> </p> <p>ကောက်ရှီယွမ်က လုချန်း၏ ရင်ခွင်ထဲတွင် လဲလျောင်းရင်း</p> <p> “ရှင် တကယ်ပဲ လုချန်းလား။ လုံချွမ်းလျှို့ဝှက်နယ်မြေမှာ ကျွန်မကို ကယ်ခဲ့တဲ့သူလား။”</p> <p> </p> <p>လုချန်းက</p> <p> </p> <p>“ကျုပ်ပါပဲ”</p> <p> </p> <p>ကောက်ရှီယွမ်က</p> <p> </p> <p> “ဒါဆို ဘာလို့ အစကတည်းက ရှင့်ဘယ်သူလဲ ဆိုတာ ကျွန်မကို မပြောခဲ့တာလဲ။”</p> <p> </p> <p> </p> <p>လုချန်းက</p> <p> </p> <p> “ကျုပ်ရဲ့  အခြေအနေက ထူးခြားတယ်။ ကျုပ် ပြန်လာပြီဆိုတာကို လူအများကြီး သိသွားရင် မကောင်းဘူး။”</p> <p> </p> <p>“နောက်ပြီး နန်းတော်သခင်နဲ့ ယဲ့ချူယောင်က ကျုပ်အပေါ် အငြိုးအတေးတွေ အများကြီး ရှိကြတာ။ သူတို့သာ ကျုပ် လုချန်းမှန်း သိသွားရင် ကျုပ်ကို သတ်ကြမှာ မလွဲမသွေပဲ။”</p> <p> </p> <p>ကောက်ရှီယွမ်က ဇဝေဇဝါဖြင့်</p> <p> </p> <p> “နန်းတော်သခင်နဲ့ စီနီယာအစ်မယဲ့က ရှင့်အပေါ် အငြိုးအတေး ရှိတယ် ဟုတ်လား။”</p> <p> </p> <p>လုချန်းက</p> <p> “ဟုတ်တယ်... သူတို့နဲ့ အနီးကပ်ဆုံးလူကို ကျုပ် ခေါ်သွားခဲ့လို့လေ။”</p> <p> </p> <p>ထိုအရာကို ကြားလျှင် အကြောင်းစုံကို ကောက်ရှီယွမ် ဆက်စပ်မိသွား၏။ ယဲ့ချူယောင်၏ ကိစ္စကို သူမ မသိသော်လည်း</p> <p>သူမကိုယ်တိုင် လျှို့ဝှက်လဝန်း ကျောင်းတော်မှ လာသူဖြစ်သဖြင့် ယွမ်ယုတိ၏ အခြေအနေကိုတော့ ကောင်းစွာ သိထားသည်။</p> <p> </p> <p> တံခါးပိတ်ကျင့်စဉ်မှ ထွက်လာပြီး လုချန်းက သူမ၏ညီမကို ကစဉ့်ကလျား ပင်လယ်ထဲသို့ ခေါ်သွားကြောင်း ယွမ်ယုတိ သိလိုက်ရစဉ်က အလွန် ဒေါသထွက်ခဲ့၏။ နောက်ပိုင်းတွင် သူမ၏ မကျေနပ်ချက်များကြောင့်</p> <p>လျှို့ဝှက်လဝန်း ကျောင်းတော်မှ ယွမ်ယုတိ နှင်ထုတ်ခံခဲ့ရ၏။ </p> <p> </p> <p>ထို့နောက် သူမ၏ တပည့်အချို့နှင့်အတူ ထွက်ခွာသွားကာ ယခုလက်ရှိ လျှို့ဝှက်လဝန်းနန်းတော်ကို တည်ထောင်ခဲ့ခြင်း ဖြစ်သည်။</p> <p> </p> <p>ထို့နောက် ကောက်ရှီယွမ်က</p> <p> “နတ်ဧကရာဇ်တွေတောင် ကစဉ့်ကလျား ပင်လယ်ထဲမှာ အသက်မရှင်နိုင်ဘူးလို့ ပြောကြတယ်။ ရှင်က ဘယ်လို ပြန်ထွက်လာတာလဲ။”</p> <p> </p> <p>လုချန်းက</p> <p> “ကျုပ် ကစဉ့်ကလျား ပင်လယ်ထဲမှာ ကံကောင်းမှုတချို့နဲ့ ကြုံခဲ့လို့ ထျန်းရန်နတ်ဘုရား နယ်မြေကို တည်နေရာရွှေ့ပြောင်းပြီး ပြန်လာနိုင်ခဲ့တာပါ။” </p> <p> </p> <p> </p> <p> </p> <p> </p> <p> </p> <p style="text-align:center">***</p>


Save