Book List

<h2 style="text-align: center;">အခန်း(၁၇၂၉)</h2> <h2 style="text-align: center;">ကံကောင်းခြင်း</h2> <h2 style="text-align: center;">*</h2> <p> </p> <p> </p> <p>“တင်းမျိုးနွယ်စု ပြီးသွားပြီ”</p> <p> </p> <p>ပတ်ဝန်းကျင်ရှိ ကြီးမားသော အုပ်စုများမှ ကင်းထောက်များသည် ဤမြင်ကွင်းကို မြင်သောအခါ တစ်ယောက်ပြီးတစ်ယောက် ပြောဆိုနေကြသည်။ ဤအချိန်တွင် တင်းမျိုးနွယ်စု ပြီးဆုံးသွားပြီ ဖြစ်သည်။</p> <p> </p> <p>တင်းမျိုးနွယ်စုခေါင်းဆောင်က ဝမ်းနည်းဖွယ်ကောင်းလောက်အောင် သေဆုံးသွားခဲ့ပြီး ကျန်ရှိနေသော အကြီးအကဲများလည်း သေဆုံးသွားခဲ့ကြသည်နှင့် လက်နက်ချခဲ့ကြသည်။ ကျန်နေသော သူများကိုမူ ချူးယွင်ဖန်း၊ ယုချူးယွင်နှင့် အခြားသူများက တစ်ပြိုင်နက်တည်းဖမ်းမိနိုင်ခဲ့ကြသည်။</p> <p>၎င်းတို့သည် သူတို့၏ ပြိုင်ဘက်များလုံးဝမဟုတ်ပေ။</p> <p> </p> <p>ဤမြင်ကွင်းကိုမြင်သောအခါ ချူးယွင်ဖန်းက ကောင်းကင်မှ နတ်ဘုရားတစ်ပါးကဲသို့ ပျံသန်းနေသည်ကိုမြင်၍ လူအများ အံ့အားသင့်သွားကြသည်။</p> <p> </p> <p>လူတိုင်း၏ ယခင်က ခန့်မှန်းချက်များ လုံးဝမှားယွင်းနေခဲ့သည်။ ချူးယွင်ဖန်း တစ်ယောက်တည်းနေခဲ့စဥ်က လူတိုင်း သူသည် ဒေသခံမြွေတစ်ကောင်ကို မနှိမ်နင်းနိုင်သော ခွန်အားကြီးသည့် နဂါးတစ်ကောင်ဖြစ်ကာ ခေါင်းငုံ့ရန်မှတပါး အခြားနည်းလမ်းမရှိဟု ထင်ခဲ့ကြသည်။ သို့သော် ၎င်းတို့၏ ယခင်ခန့်မှန်းချက်များအားလုံးက မှားယွင်းနေကြောင်း ထင်ရှားသည်။ ချူးယွင်ဖန်းသည် မြစ်ကို ဖြတ်ကူး၍ မရသေးသော  ရက်စက်ကြမ်းကြုတ်သောနဂါးတစ်ကောင်ဖြစ်သော်လည်း ဤဒေသခံအာဏာရှင်များကို မကြောက်ပေ။</p> <p> </p> <p>သူသည် အခြေအနေကို ယခင်က နည်းမလည်ခဲ့ခြင်းသာဖြစ်၍ ၎င်းကို နားလည်သွားသည်နှင့် မြို့၏ အဓိကတပ်ဖွဲ့ငါးခုအနက် တစ်ခုဖြစ်သည့် တင်းမျိုးနွယ်စုကို အမြစ်ပြတ်ဖယ်ရှားခဲ့သည်။</p> <p> </p> <p>ထိုအစွမ်းက လူများစွာကို အံ့အားသင့်စေခဲ့သည်။ ချူးယွင်ဖန်း၏ လုပ်ရပ်များတွင် မထီမဲ့မြင်ပြုသော ခံစားချက်ကိုပင် လူများစွာက မြင်တွေ့နေရ၏။ ပေါင်းထိုင်၌ရှိသော အဓိက ဂိုဏ်းအနည်းငယ်ထဲမှ တစ်ခုအနေနှင့် ချူးယွင်ဖန်းက တင်းမျိုးနွယ်စုကို သတိထားသင့်သည်ဟု ၎င်းတို့ ထင်ခဲ့ကြသည်။ သို့သော် ချူးယွင်ဖန်းက သာမန်အသိဉာဏ်နှင့်မလုပ်ဆောင်ခဲ့ပေ။ သူက တင်းမျိုးနွယ်စုကို ချက်ချင်းဖျက်ဆီးပစ်ကာ ၎င်းတို့ကို အမြစ်ပျက်ဖယ်ရှားခဲ့သည်။</p> <p> </p> <p>၎င်းတို့က ချူးယွင်ဖန်းကို ကြောက်အောင်လုပ်နိုင်မည်ဟု ထင်ခဲ့ကြသော်လည်း တကယ်တမ်းတွင် ချူးယွင်ဖန်းက ၎င်းတို့ကို လုံးဝဂရုမစိုက်ပေ။ ထိုမထီမဲ့မြင်ပြုမှုက ၎င်းတို့၏ အရိုးများထိ အေးစက်မှုကို ခံစားစေခဲ့သည်။ အခြားသူများသည် ချူးယွင်ဖန်းက ၎င်းတို့နှင့် စကားကောင်းကောင်းပြောကြလိမ့်မည်ဟု ထင်ခဲ့ကြသော်လည်း ထိုဖြစ်နိုင်ခြေလုံးဝမရှိခဲ့ပေ။</p> <p> </p> <p>အရာအားလုံးက လူအများ မျှော်လင့်ထားသည်နှင့် လုံးဝ မကွာခြားပေ။ လူအများက အစကတည်းက မျှော်လင့်ထားသကဲ့သို့ တင်းဖုန်၏ ဦးဆောင်မှုမပါဘဲ တင်းမျိုးနွယ်စုတစ်ခုလုံးက တပ်စခန်းကို ယှဥ်နိုင်မည်မဟုတ်ပေ။</p> <p> </p> <p>မကြာမီတွင်၊ တင်းမျိုးနွယ်စု၏ ခံတပ်သည် ဖြိုဖျက်ခံခဲ့ရသည်။ ချူးယွင်ဖန်း၏ တိုက်ခိုက်မှုကို မတားဆီးနိုင်ခဲ့ပေ။ ခဏတာအတွင်းတွင်ပင်၊ တပ်စခန်းများသည် တင်းမျိုးနွယ်စုကို ကျူးကျော်ဝင်ရောက်ပြီးဖြစ်သည်။ သတင်းက ပေါင်းထိုင်တစ်ခွင်လုံးသို့ လျင်မြန်စွာ ပျံ့နှံ့သွားခဲ့သည်။ မြို့တစ်ခုလုံး တုန်လှုပ်သွားပြီး လူတိုင်း ရုတ်ရုတ်သဲသဲ ဖြစ်နေကြသည်။ အထူးသဖြင့် ပေါင်းထိုင်၏ အဓိကတပ်ဖွဲ့ငါးခုနှင့် အသားကျသည်မှာ ကြာနှင့်ပြီဖြစ်သောလူများအတွက် ထိုအချက်က မှန်ကန်သည်။ ၎င်းတို့အတွက် ထို ဧရာမမျိုးနွယ်စုကို မည်သို့ အမြစ်ပြတ်ဖယ်ရှားနိုင်မည်ကို မတွေးတတ်ကြပေ။</p> <p> </p> <p>တိုက်ပွဲအသေးစိတ်အချက်အလက်များသည် လျင်မြန်စွာပျံ့နှံ့သွားခဲ့သည်။</p> <p> </p> <p> </p> <p>"တင်းမျိုးနွယ်စုကြီးက ဒီလောက်လွယ်လွယ်နဲ့ အမြစ်ပြတ်သွားလိမ့်မယ်လို့ ငါမထင်ထားဘူး။"</p> <p> </p> <p>"ဒါက 'အားကောင်းတဲ့သူတွေကြားမှာ အမြဲတမ်း ပိုအားကောင်းတဲ့သူရှိတယ်' ဆိုတဲ့ အဓိပ္ပာယ်လား"</p> <p> </p> <p>"ဒါက ဂိုဏ်းကြီးဆယ်ဂိုဏ်းရဲ့ ထိပ်တန်းတပည့်လား။ ချူးယွင်ဖန်းရဲ့တပည့်က အရင်တပ်မှူးအနည်းငယ်နဲ့ လုံးဝကွာခြားတဲ့အဆင့်မှာရှိတယ်။"</p> <p> </p> <p>"ချူးယွင်ဖန်းက အရမ်းအစွမ်းထက်တယ်။ မုန်တိုင်းတွေလာတော့မှာတောင်စိုးရတယ်!"</p> <p> </p> <p>လူတိုင်းက စိတ်အားထက်သန်စွာ ဆွေးနွေးကြသော်လည်း မည်သူမျှ ဤကိစ္စကို မညည်းညူရဲကြပေ။</p> <p>နောက်တစ်နေ့တွင် တပ်စခန်း၏ တပ်မှုးချုပ်ရုံးခန်း၌ ချူးယွင်ဖန်းသည် အဓိကထိုင်ခုံတွင် ထိုင်နေသည်။ ယုချူးယွင်က သူ့ကို အစီရင်ခံစာပေးနေသည်။</p> <p> </p> <p>"စီနီယာချူး၊ တစ်ညတာ အချိန်ပိုဆင်းပြီးတဲ့နောက်မှာ ကျွန်တော်တို့ ရေတွက်ပြီးသွားပါပြီ။ တင်းမျိုးနွယ်စုရဲ့ ဘိုးဘွားပိုင်မြေမှာ အလယ်အလတ်အဆင့် ဝိညာဉ်ကျောက်တုံး နှစ်သန်းကို ကျွန်တော်တို့ တွေ့ရှိခဲ့ပါတယ်။ အလယ်အလတ်အဆင့် ဝိညာဉ်ကျောက်တုံး တစ်သန်းကျော်တန်ဖိုးရှိတဲ့ ဆေးဖက်ဝင်အပင်အမျိုးမျိုး၊ သန့်စင်ပစ္စည်းတွေနဲ့ အခြားရတနာတွေလည်း ရှိပြီး သိုင်းပညာလက်စွဲစာအုပ်တွေလည်း မရေမတွက်နိုင်အောင် အရမ်းများတယ်"</p> <p> </p> <p>ချူးယွင်ဖန်း၏ မျက်လုံးများ တောက်ပသွားသည်။ တင်းမျိုးနွယ်စု၏ ပိုင်ဆိုင်မှုများကို သိမ်းပိုက်ခြင်းသည် သူ၏ အရေးတကြီး လိုအပ်ချက်များကို သက်သာစေရန် မမျှော်လင့်ထားပဲဖြစ်လာခြင်းဖြစ်သည်။ သူ၏ ကျင့်ကြံမှုနှုန်းသည် သာမန်လူများထက် များစွာပိုမြန်သဖြင့် တစ်ချိန်တည်းမှာပင် သုံးစွဲခဲ့သော အရင်းအမြစ်များသည် မယုံနိုင်လောက်အောင်ပင်ဖြစ်သည်။</p> <p> </p> <p>"နောက်ပြီး အလုပ်ကြမ်းလုပ်ဖို့ ဖမ်းဆီးခံရတဲ့ စစ်သားတွေက စစ်စခန်းကို ပြန်သွားကြပြီ။ ဒါပေမယ့် ကျွန်တော်တို့ တင်းချန်ကို ရှာမတွေ့ဘူး။ ကျွန်တော်တို့ ရရှိထားတဲ့ အချက်အလက်တွေအရ သူ အိမ်နောက်ဖေးကနေ ထွက်ပြေးသွားတာ ဖြစ်နိုင်တယ် စီနီယာချူး။ တစ်ယောက်ယောက်က သူ ထွက်ပြေးသွားတာကို မြင်လိုက်ရတယ်။”</p> <p>"တင်းချန်အတွက် စိတ်မပူပါနဲ့။ သူက လူပြက်တစ်ယောက်ပဲ" ချူးယွင်ဖန်းက လက်ပြလိုက်သည်။</p> <p> </p> <p>သူက တင်းချန်ကို လုံးဝ ဂရုမစိုက်ပေ။ တင်းချန်က ပြဿနာရှာချင်လျှင်ပင် လက်ချောင်းတစ်ချောင်းတည်းနှင့် သတ်၍ ရသည်။ တင်းချန်သည်လည်း ဒြပ်မဲ့ကျွမ်းကျင်အဆင့်ရှိနေသည့်တိုင် သူ၏ တိုက်ခိုက်ရေးအစွမ်းက ချူးယွင်ဖန်းထက် များစွာနိမ့်ကျသည်။</p> <p> </p> <p>"ဒါ့အပြင်၊ ဒါက အခွင့်အရေးကောင်း မဟုတ်ဘူးလား။ မနေ့က ရန်သူတွေကို သတိပေးဖို့နဲ့ ဒီမြို့ငယ်လေးမှာ မကောင်းဆိုးဝါးတွေ ဘယ်လောက်များ ပုန်းအောင်းနေလဲဆိုတာ ကြည့်ဖို့ ငါ တင်းမျိုးနွယ်စုကို အမြစ်ပြတ်ဖယ်ရှားခဲ့တာ"</p> <p> </p> <p>ချူးယွင်ဖန်းက အေးစက်စက်မျက်လုံးများနှင့် တစ်နေရာသို့ကြည့်ကာ ပြုံးလိုက်သည်။</p> <p> </p> <p>"သူတို့ကို ရှာဖို့ မလွယ်ပေမယ့် အခု တင်းချန် ဦးဆောင်နေတာဆိုတော့ အရာအားလုံးက လွယ်ကူသွားပါပြီ။ သူ့ကို စောင့်ကြည့်ထားပါ။ သူ ဘာပဲလုပ်လုပ် ငါတို့ရဲ့မျက်လုံးတွေကနေ လွတ်မြောက်မှာ မဟုတ်ဘူး။ ဘယ်သူက သူတို့ရဲ့လည်ပင်းကို ထုတ်ပြမလဲဆိုတာ ငါမြင်ချင်တယ်။"</p> <p> </p> <p>"ဒီအဓိကအင်အားစုငါးခုကို အမြစ်ဖြုတ်ပစ်တာ အကောင်းဆုံးပဲ။ ဒီအင်အားစုတွေက ပေါင်းထိုင်မြို့ကို ထိန်းချုပ်ထားခဲ့တာ အချိန်အတော်ကြာနေပြိ။ သူတို့ သူတို့က ကပ်ဘေးကြီးတစ်ခု ဖြစ်လာခဲ့တာကြာပြီ။ ဧကရာဇ်နန်းတော်က စေလွှတ်လိုက်တဲ့ တပ်စောင့်တပ်သားတွေကိုတောင် သတ်ရဲကြတယ်။ သူတို့ မလုပ်ရဲတာ ဘာတွေရှိသေးလဲ”</p> <p> </p> <p>ချူးယွင်ဖန်းမတိုင်မီက တပ်စခန်းအရာရှိအများအပြား အသတ်ခံခဲ့ရ၍ ၎င်းတို့အားလုံး နတ်ဆိုးနတ်ဘုရားဂိုဏ်း၏ လက်ချက်နှင့် သေဆုံးခဲ့ကြရသည်ဟု သူမယုံပေ။ ၎င်းသည် ဤတပ်ဖွဲ့များနှင့် များစွာသက်ဆိုင်နေရမည်။</p> <p> </p> <p>ချူးယွင်ဖန်းက သူတို့ ယခု ထွက်လာမည်ကို ကြောက်ခြင်းမဟုတ်ဘဲ မထွက်လာမည်ကို စိုးရိမ်ခြင်းဖြစ်သည်။ ၎င်းတို့ ထွက်လာပါက  သူ အားလုံးကို ဖမ်းမိနိုင်သည်။ ၎င်းတို့ မည်သို့မျှ မလုပ်ပါက ဒုက္ခနည်းနည်းရောက်ရလိမ့်မည်။ ထိုသို့ဖြစ်ပါက ၎င်းတို့ကို ကိုင်တွယ်ဖြေရှင်းရန် နည်းလမ်းကို သူစဥ်းစားရလိမ့်မည်။</p> <p> </p> <p>ချူးယွင်ဖန်းသည် တင်းမျိုးနွယ်စုကို ကြီးကျယ်ခမ်းနားစွာ ဖြိုခွင်းခဲ့သည်။ တင်းမျိုးနွယ်စုသည် ရက်စက်ကြမ်းကြုတ်သော ရာဇဝတ်မှုများကို ကျူးလွန်ခဲ့ခြင်းမှလွဲ၍ ရန်သူများကိုလည်း သတိပေးလိုခဲ့သည်။ ဤနည်းဖြင့်သာ သူသည် ၎င်းတို့ကို ကျဥ်းထဲကြပ်ထဲသို့ တွန်းပို့နိုင်မည်ဖြစ်သည်။ ထို့နောက်မှသာ သူသည် ဤနတ်ဆိုးများကို ဖယ်ရှား၍ ပေါင်းထိုင်ကို ပြန်လည်ငြိမ်းချမ်းစေနိုင်မည်။</p> <p> </p> <p>"စည်းမျဉ်းတွေအရ တင်းမျိုးနွယ်စုမှာ တွေ့ရှိရတဲ့ ပစ္စည်းတွေရဲ့ တစ်ဝက်ကို စစ်ဝန်ကြီးဌာနကို လွှဲပြောင်းပေးအပ်ရမယ်။ တစ်ဝက်ရဲ့ တစ်ဝက်ကို ကျွန်တော်ယူမယ်၊ လေးပုံတစ်ပုံရဲ့ တစ်ဝက်ကို ခင်ဗျားတို့ ၁၁ ယောက်ကို ခွဲဝေပေးမယ်။ နောက်ဆုံး လေးပုံတစ်ပုံကို ဒီစစ်ဆင်ရေးမှာ ပါဝင်ခဲ့တဲ့ လူတိုင်းကို ပေးအပ်မယ်။"</p> <p> </p> <p>ချူးယွင်ဖန်းက လက်ပြ၍ ကုန်ပစ္စည်းအားလုံးကို ဝေငှလိုက်သည်။ မှန်သည်။ ကုန်ပစ္စည်းအများစုကို စစ်ဝန်ကြီးဌာနကို လွှဲပြောင်းပေးရမည်ဖြစ်ကာ မည်သို့ပင်ဖြစ်စေကာမူ သူက စစ်ဝန်ကြီးဌာန၏ အာဏာနှင့် တရှ၏ နာမည်ကို ငှားထားခြင်းဖြစ်၍ ဤနည်းဖြင့်သာ ၎င်းတို့ကို ပါးစပ်ပိတ်နိုင်ပေမည်။</p> <p> </p> <p>သူသည် အလယ်အလတ်အဆင့် ဝိညာဉ်ကျောက်တုံး ၅၀၀,၀၀၀ နှင့် ဆေးဖက်ဝင်အပင်အမျိုးမျိုးနှင့် သန့်စင်ပစ္စည်းများ ၂၀၀,၀၀၀ ကျော်တန်ဖိုးရှိသော ဝိညာဉ်ကျောက်တုံးများကို ရရှိခဲ့သည်။ ထို့ကြောင့် အလွန်ကြီးမားသော ချမ်းသာကြွယ်ဝသူဟု ဆိုနိုင်သည်။</p> <p> </p> <p>၎င်းသည် ချူးယွင်ဖန်း၏ လက်ရှိအသားတင်ပိုင်ဆိုင်မှုထက်ပင် ပိုများသည်။ မျှော်လင့်ထားသည့်အတိုင်း မြင်းတစ်ကောင်သည် ညဘက်တွင် မြက်မရှိလျှင် ဝမည်မဟုတ်သကဲ့သို့၊ လူတစ်ယောက်သည်လည်း ကံကောင်းခြင်းမရှိဘဲ ချမ်းသာမည်မဟုတ်ပေ။</p> <p> </p> <p>ကျန်သည်များကို ယုချူးယွင်နှင့် အခြားသူများအပြင် ၎င်းတို့လက်အောက်မှ စစ်သားများဆီသို့ပါ သဘာဝအတိုင်းခွဲဝေပေးခဲ့သည်။ ယင်းက သူ့လက်အောက်မှလူများ၏ ချစ်ခင်မှုကို ရရန်ဖြစ်သည်။</p> <p> </p> <p> </p> <p> </p> <p style="text-align: center;">***</p>


Save