Book List

<h2 style="text-align: center;">အခန်း(၁၇၃၀)</h2> <h2 style="text-align: center;">မဟာအသက်ဓာတ်ကျင့်ကြံသူဆေး</h2> <h2 style="text-align: center;">*</h2> <p> </p> <p> </p> <p>"စီနီယာချူး ဒါတွေအပြင်၊ တင်းဖုန်ရဲ့ လျှို့ဝှက်အခန်းထဲမှာ လျှို့ဝှက်စာတစ်စောင်ကိုလည်း ကျွန်တော်တို့တွေ့ခဲ့တယ်။ အဲ့တာက လီချန်းယွမ်က တင်းဖုန်ဆီကို ရေးတဲ့စာ။ လီချန်းယွမ်က တင်းဖုန်ကို စီနီယာ့ကို အကွက်ချဖို့ မေးခဲ့တာ။ ကံကောင်းထောက်မစွာပဲ၊ တင်းဖုန်မလှုပ်ရှားခင် စီနီယာက တင်းမျိုးနွယ်စုကို အမြစ်ပြတ်အောင် ဖြိုခွင်းနိုင်ခဲ့တယ်" ယုချူးယွင်က ပြောသည်။</p> <p> </p> <p>“ငါလည်း အဲ့လိုပဲ ခန့်မှန်းမိတာ"</p> <p> </p> <p>ချူးယွင်ဖန်းသည် လီချန်းယွမ်က တင်းဖုန်ကို မည်သို့ ဆွဲဆောင်မည်ကို ခန့်မှန်းရန် စာကိုဖတ်ရန်ပင် မလိုအပ်ပေ။ ၎င်းသည် အတင်းအကျပ်ခိုင်းစေမှုနှင့် လာဘ်ပေးလာဘ်ယူမှုသာ ဖြစ်သည်။ ထို့အပြင်၊ ပေါင်းထိုင်သို့ ရောက်လာပြီးနောက် သူ၏ခွန်အားသည် တင်းဖုန်ကို လည်ချောင်းတွင် ငါးရိုးတစ်ချောင်း စူးဝင်သွားသကဲ့သို့ ခံစားရစေခဲ့သည်။ နှစ်ဖက်စလုံးက အခြေခံအားဖြင့် တိုက်ခိုက်ခဲ့ကြသည်။ ထို့ကြောင့်ပင် နတ်ဆိုးနတ်ဘုရားဂိုဏ်းသည် စစ်စခန်းကို ကျူးကျော်ဝင်ရောက်ခဲ့ခြင်းဖြစ်သည်။</p> <p> </p> <p>သို့သော် လီချန်းယွမ်ဖြစ်စေ၊ တင်းဖုန်ဖြစ်စေ သူတို့သည် ချူးယွင်ဖန်းး၏ အစွမ်းသတ္တိကို လျှော့တွက်ထားခဲ့သည်မှာ ထင်ရှားသည်။ ထို့ကြောင့် တင်းဖုန်က ကြီးမားသော ဆုံးရှုံးမှုကို ကြုံတွေ့ခဲ့ရခြင်းလည်းဖြစ်၏။</p> <p> </p> <p>"ကျွန်တော်တို့ လျှို့ဝှက်အခန်းထဲမှာလည်း တခြားအရာတစ်ခု တွေ့ခဲ့တယ်။ အဲ့တာက နှစ်တစ်ထောင်သက်တမ်းရှိတဲ့ သွေးဂျင်ဆင်းပဲ" ယုချူးယွင်က ပြောလိုက်သည်။</p> <p> </p> <p> "ကျွန်တော်တို့ ဒီကိုယူလာခဲ့တယ်။ "</p> <p> </p> <p>သူက အာကာသအိတ်တစ်လုံးကို ထုတ်ယူ၍ ချူးယွင်ဖန်းကို ပေးလိုက်သည်။</p> <p> </p> <p>ချူးယွင်ဖန်းသည် အိတ်ကိုဖွင့်လိုက်ရာ အထဲတွင် တိတ်ဆိတ်စွာ ရှိနေသော အနီရောင်ဂျင်ဆင်းတစ်ပင်ကို တွေ့လိုက်ရသည်။</p> <p> </p> <p>"တကယ်ကို သွေးဂျင်ဆင်းပဲ!"</p> <p> </p> <p>သူမျက်လုံးများ တောက်ပသွားတယ်။ နှစ်တစ်ထောင်သက်တမ်းရှိသော ဂျင်ဆင်းတစ်ပင်ကပင် အလွန်တန်ဖိုးရှိနှင့်ပြီးဖြစ်ကာ ဤသည်ကား သွေးဂျင်ဆင်းဖြစ်၏။</p> <p> </p> <p>သွေးဂျင်ဆင်းက ဂျင်ဆင်းမျိုးကွဲတစ်မျိုးပင်ဖြစ်၍ အလွန်အမင်း ထူးခြားသော ပတ်ဝန်းကျင်၌သာ ပေါက်ရောက်နိုင်သည်။ စိုက်ပျိုးရသည်က အလွန်ခက်ခဲ၍  နှစ်တစ်ထောင်ကြာပြီးနောက်မှသာ ဝိဉာဥ်ရှိလာနိုင်မည်ဖြစ်သည်။ ထို့ကြောင့် ယင်းက ကံကောင်းခြင်းကို ရှာဖွေနိုင်၍ ဘေးအန္တရာယ်ကို ရှောင်ရှားနိုင်သည်။</p> <p> </p> <p>အန္တရာယ်မရောက်ခင်တွင် အန္တရာယ်ကို ကြိုတင်ခန့်မှန်းနိုင်ကာ မြေအောက်လွတ်မြောက်ရေး မှော်ပညာများကို အသုံးပြုနိုင်သည်။ ထို့ကြောင့် သာမန်လူများက သွေးဂျင်ဆင်းကို မြင်ကြလျှင်ပင် ဖမ်းမိနိုင်မည်မဟုတ်ပေ။ မိမိ၏ အရှိန်အဝါကို လုံးဝ ဖုံးထားနိုင်သည့် ထိပ်တန်းကျွမ်းကျင်သူမဟုတ်ပါက သွေးဂျင်ဆင်းကို သတိမထားမိသည့်အချိန်တွင် ဖမ်းမိနိုင်သည်။</p> <p> </p> <p>အထူးသဖြင့် ဆေးဧကရာဇ်၏ မှတ်ဉာဏ်ကို အမွေဆက်ခံခဲ့သော ချူးယွင်ဖန်းကဲ့သို့သော ပါရမီရှင် တစ်ဦးအတွက်ဖြစ်သည်။ ယင်းက သူ၏ ခွန်အားကို မြှင့်တင်ပေးနိုင်ပြီး သူလေ့ကျင့်ရန် လိုအပ်သောအချိန်ကို လျှော့ချပေးနိုင်သော ဆေးလုံးများကို ဖော်စပ်နိုင်သည်။</p> <p> </p> <p>ထိုသွေးဂျင်ဆင်းက လီချန်းယွမ်ကို တင်းဖုန်ကို ပူးပေါင်းချင်လာစေရန် အသုံးပြုခဲ့သောအရာဖြစ်၍</p> <p>တင်းဖုန်အသုံးမပြုခင်၌ တင်းမျိုးနွယ်စုတစ်ခုလုံးကို ချူးယွင်ဖန်း အမြစ်ဖြုတ်ခဲ့၍ ယခု အာလုံးက ချူးယွင်ဖန်း၏ လက်ထဲရောက်သွားလိမ့်မည်ဟု မည်သူ သိမည်နည်း။</p> <p> </p> <p> </p> <p>"လီချန်းယွမ် နှစ်ထပ်ဆုံးရှုံးမှု ကြုံတွေ့ခဲ့ရတာက ဘုရားသခင်ရဲ့ အလိုတော်ပါပဲ" ချူးယွင်ဖန်းက လှောင်ပြောင်လိုက်သည်။</p> <p> </p> <p>သာမန် ဆေးပညာရှင်တစ်ဦးသည် အသက်တစ်ထောင်ရှိသော သွေးဂျင်ဆင်းကို မည်သို့မျှ သုံးနိုင်မည်မဟုတ်ပေ။ ၎င်းတို့ကို အရိုင်းဆုံးနည်းလမ်းနဲ့သာ အသုံးပြုနိုင်ပါတယ်။ သို့သော် ချူးယွင်ဖန်းကမူ ကွဲပြားသည်။ သူ့တွင် ဆေးဧကရာဇ်၏ မှတ်ဉာဏ်များရှိ၍ ဆေးပညာ၌ ပါရမီရှင်တစ်ဦးဖြစ်သည်။ သူ့အတွက် သွေးဂျင်ဆင်းကို အသုံးပြုနိုင်သော နည်းလမ်းများ များစွာရှိသည်။</p> <p> </p> <p>"ဘုရားသခင်က ငါ့ကို တကယ်ကူညီပေးနေတာပဲ။ အချိန်မလောက်မှာ စိုးရိမ်နေခဲ့တာ ဒါပေမယ့် အခုတော့ လီချန်းယွမ်က ငါ့ကို သက်တမ်းနှစ်တစ်ထောင်ရှိတဲ့ သွေးဂျင်ဆင်း ပို့ပေးလိုက်ပြီ! ဟားဟားဟား!" ချူးယွင်ဖန်းက ရယ်လိုက်သည်။</p> <p> </p> <p>"ဒါကို မဟာအသက်ဓာတ် ကျင့်ကြံသူ ဆေးလုပ်ဖို့ အသုံးပြုနိုင်တယ်”</p> <p> </p> <p>ယင်းက ဆေးဧကရာဇ်၏ မှတ်ဉာဏ်ထဲရှိသော မ‌ရေမတွက်နိုင်အောင်များပြားလှသည့် ဆေးဖော်စပ်နည်းများထဲမှ တစ်မျိုးဖြစ်ကာ သွေးဂျင်ဆင်းကို အဓိကပါဝင်ပစ္စည်းအဖြစ် အသုံးပြုထားသည်။ ထိုဆေးလုံးကို အောင်မြင်စွာ ဖော်စပ်နိုင်သည်နှင့် လူတစ်ဦး၏ ခွန်အားကို သိသိသာသာ မြှင့်တင်ပေးနိုင်သည်။ ထိုအချိန်တွင် ချူးယွင်ဖန်း၏ ကျင့်ကြံမှုက နောက်ထပ် သိသာ မြန်ဆန်သော တိုးတက်မှုတစ်ခုရှိလာလိမ့်မည်ဖြစ်သည်။</p> <p> </p> <p>ချူးယွင်ဖန်းက သူ သီးသန့်နေထိုင်တော့မည်ဟု ချက်ချင်းကြေငြာခဲ့သည်။ ယခုတစ်ကြိမ်တွင် သူသည် တင်းမျိုးနွယ်စုမှ အဖိုးတန်ဆေးဖက်ဝင်အပင်များစွာကို သိမ်းယူခဲ့သည်။ စစ်ဝန်ကြီးဌာနသို့ လွှဲပြောင်းပေးအပ်ခဲ့သော အစိတ်အပိုင်းတစ်ခုနှင့် ပါဝင်ပတ်သက်ခဲ့သော တပ်စောင့်တပ်သားများထံ ဖြန့်ဝေပေးခဲ့သော အစိတ်အပိုင်းအချို့ကို ချန်လှပ်ထားခဲ့ကာ ကျန်အစိတ်အပိုင်းများမှာ ချူးယွင်ဖန်းအပိုင်ဖြစ်သည်။</p> <p> </p> <p>ထိုပစ္စည်းများကို မဟာအသက်ဓာတ်ကျင့်ကြံသူဆေးလုံးဖော်စပ်ရန်အတွက် အသုံးပြုနိုင်သည်။ အပြင်မှ ဆေးဖက်ဝင်အပင်များ ဝယ်ယူရန် မလိုအပ်ပေ။ တင်းမျိုးနွယ်စုတွင် သိမ်းထားသော ဆေးဖက်ဝင်အပင်များကသာ ချူးယွင်ဖန်း လိုအပ်သော အရာအားလုံးဖြစ်သည်။ တင်းမျိုးနွယ်စု မည်မျှ ချမ်းသာကြောင်း မြင်ယောင်ကြည့်နိုင်သည်။</p> <p> </p> <p>သူ သီးသန့်ကျင့်ကြံမည်ဖြစ်ကြောင်း ကြေငြာပြီးနောက် ချူးယွင်ဖန်းသည် တောင်မြစ်ပန်းချီကားထဲသို့ ချက်ချင်းဝင်ရောက်ခဲ့သည်။ ဤနေရာမှသာ သူ လုံးဝလုံခြုံ၍ မည်သူမျှ သူ့ကို တားဆီးမည်ကို စိုးရိမ်စရာမလိုပေ။</p> <p> </p> <p>ချူးယွင်ဖန်းသည် ချက်ချင်းပင် တောင်မြစ်ဆေးဖိုကို ထုတ်ယူကာ</p> <p>လက်ဖြင့်စည်းချိပ်တစ်ခုလုပ်လိုက်သည်။ သူသည် မီးမွှေးကာ လူသားပုံစံဖြစ်လာပြီးဖြစ်သော သွေးဂျင်ဆင်း၏ သုံးပုံတစ်ပုံကို ဖြတ်တောက်လိုက်သည်။</p> <p> </p> <p>အသက်တစ်ထောင်ရှိ သွေးဂျင်ဆင်းသည် အစွမ်းထက်သည်။ ယခုအချိန်တွင် ၎င်း၏ စုစုပေါင်းအစွမ်းသတ္တိ၏ သုံးပုံတစ်ပုံသည်ပင် ချူးယွင်ဖန်းအတွက် လုံလောက်သည်။ အဓိကအကြောင်းရင်းမှာ မဟာအသက်ဓာတ်ကျင့်ကြံသူဆေးအတွက် လိုအပ်သော ဖြည့်စွက်ဆေးဖက်ဝင်အပင်များစွာသည် အသက်တစ်ထောင်ရှိ သွေးဂျင်ဆင်းတမျှတန်ဖိုးမရှိသော်လည်း ရှာဖွေရန်မလွယ်ကူသောကြောင့်ဖြစ်သည်။ တင်းမျိုးနွယ်စုသည် နှစ်ပေါင်းများစွာ ဆေးဖက်ဝင်အပင်များကို စုဆောင်းခဲ့သော်လည်း ချူးယွင်ဖန်းအတွက် မဟာအသက်ဓာတ်ကျင့်ကြံသူ ဆေးလုံးတစ်လုံး ဖော်စပ်ရန်သာ လုံလောက်သည်။</p> <p> </p> <p>"ဒီကိစ္စပြီးသွားရင် ဖြည့်စွက်ဆေးဖက်ဝင်အပင်နှစ်ခုစာ စုဆောင်းဖို့ နည်းလမ်းတစ်ခု စဥ်းစားရမယ်။ အဲ့ကျ မဟာအသက်ဓာတ် ကျင့်ကြံသူ ဆေးလုံးသုံးလုံးနဲ့ဆို ငါ့ကျင့်ကြံမှုအတွက် တိုးတက်မှုက ပြဿနာရှိမှာ မဟုတ်ဘူး။"</p> <p> </p> <p>ချူးယွင်ဖန်းသည် သူ့ကိုယ်သူ ယုံကြည်မှုအပြည့်ရှိသည်။ သူ၏ပြိုင်ဘက်သည် ဝမ်ယိဖန် သို့မဟုတ် လီချန်းယွမ်ဖြစ်လျှင်ပင် သူ့ခေါင်းကိုငုံ့ထားရန် မဖြစ်နိုင်ပေ။</p> <p> </p> <p>ချူးယွင်ဖန်းက သူတစ်ယောက်တည်းနေထိုင်မည်ဟု ကြေငြာပြီးနောက်၊ ပေါင်းထိုင်သို့ စိမ့်ဝင်နေသော လှိုင်းလုံးကြီးသည် ငြိမ်သက်မသွားခဲ့ပေ။ ဆန့်ကျင်ဘက်အနေဖြင့်၊ အချိန်ကြာလာသည်နှင့်အမျှ ပိုမိုပြင်းထန်လာခဲ့သည်။ ချူးယွင်ဖန်း၏ တင်းမျိုးနွယ်စုကို အမြစ်ပြတ်ဖယ်ရှားသည့် ရက်စက်ကြမ်းကြုတ်သောနည်းလမ်းသည် မြို့တွင်းရှိ အဓိကတပ်ဖွဲ့များ၏ အာရုံကို အရယူခဲ့သည်မှာ သေချာသည်။ ညဉ့်နက်သန်းခေါင်တွင် ပေါင်းထိုင်ရှိ အဓိကတပ်ဖွဲ့ငါးခုအနက် တစ်ခုဖြစ်သည့် ချန်မျိုးနွယ်စု၏ ဘိုးဘွားအိမ်ရှိ လျှို့ဝှက်အခန်းတစ်ခုတွင် စုစုရုံးရုံးဖြစ်နေသည်။</p> <p> </p> <p>ခမ်းနားသော ဝတ်စုံများဝတ်ထားသည့် လူတစ်စု စုဝေးနေကြသည်။ သူတို့အားလုံး၏ မျက်နှာများမကောင်းကြပေ။ ပေါင်းထိုင်တွင် အခြေအနေကို ရင်းနှီးသူတစ်ဦးဦးသာ မြင်ပါက အံ့အားသင့်သွားလိမ့်မည်။ ဤလူတစ်ဦးချင်းစီသည် ပေါင်းထိုင်၏ နာမည်ကြီးပုဂ္ဂိုလ်များဖြစ်သည်။</p> <p> </p> <p>ဦးဆောင်သူလေးယောက်မှာ မြို့၏တပ်ဖွဲ့များ၏ ခေါင်းဆောင်များဖြစ်သည်။</p> <p> </p> <p>ချန်မျိုးနွယ်စု၏ ခေါင်းဆောင် ချန်ထိုက်နင်၊ ဝမ်မျိုးနွယ်စု၏ ခေါင်းဆောင် ဝမ်ပင်း၊ ပေါင်းစည်းခြင်းဂိုဏ်းချုပ် ဖန့်ပေါ် နှင့် ကောင်းကင်နယ်မြေဂိုဏ်း၏ ခေါင်းဆောင် ကျန်းဝမ်တို့ဖြစ်သည်။ </p> <p> </p> <p>ကျန်သူများသည် ၎င်းတို့လေးဦးကို မော့ကြည့်နေကြသည်။</p> <p> </p> <p> ထိုသူများထဲ၌ တစ်ယောက်က သံချပ်ကာဝတ်ထားသည်။ သူက လူအုပ်ကြားထဲတွင် အတန်ငယ် ဆွဲဆောင်မှုရှိကာ လူတိုင်းက သူ့ကို ရင်းနှီးကြသည်။ မူလက တင်းမျိုးနွယ်စု၌ ရာထူးမြင့်မားသော အရာရှိတစ်ဦးဖြစ်ကာ တပ်စခန်း၏ ဒုတပ်မှုးချုပ်ဖြစ်သည့် တင်းချန်ပင်ဖြစ်သည်။</p> <p> </p> <p>ယခင်ခေတ်က အံ့ဖွယ် ကျော်ကြားထင်ရှားခဲ့မှုနှင့်မတူဘဲ၊ လက်ရှိ တင်းက လူတိုင်း၏အမြင်တွင် လမ်းဘေးခွေးတစ်ကောင်ဖြစ်ကြောင်း သံသယဖြစ်ရန် မလိုပေ။ တင်းမျိုးနွယ်တစ်ခုလုံးသုတ်သင်ခံရပြီးနောက် တပ်စခန်းတွင် တင်းချန်၏ ဩဇာလွှမ်းမိုးမှုကို ချူးယွင်ဖန်းက လုံးဝဖယ်ရှားခဲ့သည်။</p> <p> </p> <p>"အားလုံးပဲ ချူးယွင်ဖန်းက ငါ့မျိုးနွယ်စုကို တိုက်ခိုက်ခဲ့တယ်။ သူ့ကို ကိုင်တွယ်ဖြေရှင်းဖို့ မင်းတို့ ပူးပေါင်းမလုပ်ဆောင်ရင် နောက်တစ်ကြိမ်က မင်းတို့အလှည့်ဖြစ်မှာကို ငါစိုးရိမ်တယ်။ ဒီကောင်က ရက်စက်ပြီး လိမ္မာပါးနပ်တယ်!"</p> <p>တင်းချန် မတ်တပ်ရပ်၍ လူတိုင်းကို ကြည့်လိုက်သည်။ သူ့မျက်လုံးများသည် ဝမ်းနည်းမှုနှင့် ဒေါသတို့ဖြင့် တောက်ပနေသည်။ သူ့မိသားစုတစ်ခုလုံးကို ချူးယွင်ဖန်းက မောင်းထုတ်ခဲ့သည်။ သူသည် ဘိုးဘွားအိမ်တော်ရှိ ထွက်ပြေးလမ်းကြောင်းမှ မလွတ်မြောက်ခဲ့လျှင် ချူးယွင်ဖန်း၏ ဖမ်းဆီးခြင်းကို ခံရလိမ့်မည်။</p> <p> </p> <p>ချူးယွင်ဖန်းက အဘယ်ကြောင့် ဤမျှ သတ္တိရှိရှိလုပ်ရဲသည်ကို သူ စိတ်ပင်မကူးနိုင်ပေ။</p> <p>စစ်တပ်ထဲတွင် သူ၏ သြဇာလွှမ်းမိုးမှုလည်း ထိုသို့ ပျောက်ကွယ်သွားကာ တင်းမျိုးနွယ်စုလည်း အမြစ်ပြတ် ပျောက်ကွယ်သွားခဲ့သည်။</p> <p> </p> <p>ချူးယွင်ဖန်းက တွန့်ဆုတ်ပင်မနေခဲ့ပေ။</p> <p> </p> <p> </p> <p> </p> <p style="text-align: center;">***</p>


Save