Book List

<h2 style="text-align: center;">အခန်း(၁၇၃၃)</h2> <h2 style="text-align: center;">အဆင့်ဖြတ်ကျော်ခြင်း</h2> <h2 style="text-align: center;">*</h2> <p> </p> <p> </p> <p>"ဒီလူတွေက အရမ်းကောက်ကျစ်တာပဲ။ သူတို့မှာ မကောင်းတဲ့ရည်ရွယ်ချက်ရှိတယ်ဆိုတာ ကျွန်တော် သိသားပဲ!" ယုချူးယွင်က အံ့အားသင့်စွာ ပြောလိုက်သည်။</p> <p> </p> <p>ဤလူများတွင် မကောင်းသော ရည်ရွယ်ချက်များရှိကြောင်း သူ ခန့်မှန်းထားနှင့်ပြီးဖြစ်၍ တိုက်ရိုက်သက်သေအထောက်အထား မရှိလျှင်ပင် ဤကိစ္စနှင့်ပတ်သက်၍ သတိမလျှော့တားပေ။</p> <p> </p> <p>တကယ်တမ်းတွင် ထို့ကြောင့်သာ ချူးယွင်ဖန်းက ဤကိစ္စကို ကြားသောခါ အံ့သြမသွားခြင်းဖြစ်၏။</p> <p>တစ်ဖက်လူ၏ အစီအစဥ်များက မည်သို့ပင်ဖြစ်စေကာမူ အနည်းဆုံးအနေဖြင့် ချူးယွင်ဖန်းက အဆိုးဆုံးအတွက် ပြင်ဆင်ထားနှင့်ပြီးဖြစ်သည်။</p> <p> </p> <p>"ဒါက ပွဲတစ်ခုပါပဲ။ သူတို့ချည်းပဲဆိုရင်လည်း ဘာမှမဖြစ်ဘူး။ သူတို့နဲ့တိုက်ဖို့ ငါ့မှာ အကြောင်းပြချက်မရှိဘူးဆိုတော့ အခု သူတို့ကိုယ်တိုင် ငါ့အိမ်တံခါးဝထိရောက်လာကြတာပဲ” ချူးယွင်ဖန်းက ပြောသည်။</p> <p> </p> <p>"ဒါပေမယ့် သူတို့ဖိတ်ကြားထားတဲ့ ပြင်ပအကူအညီက နည်းနည်းခက်ခဲမယ်ထင်တယ်။ ရွှီမျိုးနွယ်စုရဲ့ အကြီးအကဲရဲ့ ပြောစကားအရဆို သူတို့က ပြင်ပနယ်ပယ်က နတ်ဆိုးဂိုဏ်းငယ်လေးရဲ့ ဂိုဏ်းခေါင်းဆောင်ကို ဖိတ်ခေါ်ဖို့ စီစဉ်ထားတယ်။ ဒီလူက အနည်းဆုံးတော့ စကြဝဌာအဆင့်မှာရှိတယ်။ အဲ့လူက ငါ့အတွက် တကယ့်ခြိမ်းခြောက်မှု ဖြစ်လာလိမ့်မယ်။"</p> <p> </p> <p>ချူးယွင်ဖန်းသည် သူတို့၏ အတွေးများကို နားလည်နိုင်သည်။ သူသည် ဧကရာဇ်နန်းတော်နှင့် အင်ပါယာ၏ အရာရှိများကို ကိုယ်စားပြုသည်။ သူတို့တွင် စခန်းကို တိုက်ခိုက်ရန် သတ္တိမရှိပေ။ သာမန် မိစ္ဆာဂိုဏ်းများပင် ထိုသို့ လုပ်ဆောင်ဝံ့ခြင်း မရှိပေ။ လူသားမျိုးနွယ်ကို ဆန့်ကျင်ရန် မွေးဖွားလာသော နတ်ဆိုးနတ်ဘုရားဂိုဏ်းသာလျှင် တရှ၏ ဟန့်တားမှုကို မကြောက်ရွံ့ဘဲ စခန်းကို တိုက်ခိုက်ဝံ့ခဲ့သည်။ အခြား အဓိကအင်အားကြီးနိုင်ငံများကလည်း ထိုသို့ လုပ်ဆောင်ဝံ့ခြင်း မရှိပေ။ တရှသည် ထိုအကြောင်းကို သိရှိသည်နှင့် ၎င်းတို့အား မရေမတွက်နိုင်သော လူများက လိုက်လံဖမ်းဆီးကြလိမ့်မည်။ ဤသည်မှာ တရှ၏ သမိုင်းတစ်လျှောက်တွင် သက်သေပြခဲ့ပြီးဖြစ်သည်။</p> <p> </p> <p>ထို့ကြောင့်ပင် ၎င်းတို့က ဤသို့လှည့်ကွက်မျိုး တီထွင်ခဲ့ကြခြင်းဖြစ်သည်။ ချူးယွင်ဖန်းကို ထွက်လာအောင် လှည့်စားပြီးလျှင် ၎င်းတို့ စတင်လှုပ်ရှားရန် ပိုလွယ်ကူသွားပေလိမ့်မည်။ သို့သော် ယင်းက ချူးယွင်ဖန်းအတွက် အဓိကအင်အားစုများကို လုံးဝဖယ်ရှားပစ်နိုင်မည့်အခွင့်အရေးတစ်ခုလည်းဖြစ်သည်။</p> <p> </p> <p>"ဒါဆို ကျွန်တော်တို့ ဘာလုပ်သင့်လဲ" ယုချူးယွင်က အနည်းငယ် စိတ်ညစ်နေသည်။</p> <p> </p> <p>၎င်းတို့ မည်သည့်နေရာ၌ ရှိစေကာမူ စကြဝဌာအဆင့်ဟူသည် အံ့မခန်းတည်ရှိမှုတစ်ခုဖြစ်သည်။</p> <p>၎င်းတို့သာ ကြယ်ကြွေကောင်းကင်ဂိုဏ်း၌ ရှိနေပါက တပည့်စစ်တစ်ဦးဖြစ်လာနိုင်သည်။ အသက်ကြီးသူများသည် ဂိုဏ်း၏ အကြီးအကဲများဖြစ်လာနိုင်သည်။  ၎င်းတို့ တစ်ယောက်ချင်းစီက ၎င်းတို့၏နယ်မြေတစ်ခု၏ ကိစ္စများကို တာဝန်ယူရကာ မြင့်မားသော အခွင့်အာဏာကို ရရှိကြသည်။</p> <p> </p> <p>"အဆင်ပြေပါတယ်။ ညကို အခွင့်ကောင်းယူပြီး ဒီကျောက်စိမ်းပြားနဲ့ ကြယ်ကြွေကောင်းကင်ကို ပြန်သွားပါ။ စီနီယာယွီယွင်ယောင်ကို ရှာပြီး ကျောက်စိမ်းပြားပေးလိုက်ပါ။ သူ အရာအားလုံးကို သိသွားလိမ့်မယ်" ချူးယွင်ဖန်းက ပြော၍ ယုချူးယွင်ထံသို့ ကျောက်စိမ်းပြား ပေးလိုက်သည်။</p> <p> </p> <p>"ဟုတ်ကဲ့၊ စီနီယာချူး"</p> <p> </p> <p>ယုချူးယွင်က သူ၏ နတ်ဘုရားစိတ်ဝိဉာဥ်ကို ကျောက်စိမ်းပြားထဲကို မကြည့်ခဲ့သောကြောင့် ချူးယွင်ဖန်းက ယွီယွင်ယောင်ကို ကျောက်စိမ်းပြားထဲ၌ ဤမျှ ယုံကြည်မှုရှိအောင် မည်သို့ပြောခဲ့သည်ကို သူမသိပေ။ သို့သော် သူက အချိန်မဆိုင်းဝံ့ဘဲ ညအမှောင်ထဲ၌ စခန်းမှ အမြန်ထွက်သွားသည်။</p> <p>သူထွက်သွားကြောင်း မည်သူမျှ မသိခဲ့ကြပေ။</p> <p> </p> <p>ချူးယွင်ဖန်းသည် ယုချူးယွင် ထွက်သွားသည်ကို ကြည့်ရင်း သူ့အမူအရာက ချက်ချင်း တည်ငြိမ်သွားသည်။</p> <p> </p> <p>"ထောင်ချောက်လား။ မင်းတို့က လူပြက်တွေပဲကွ။ ဒီအခွင့်အရေးကို အသုံးချပြီး မင်းတို့အားလုံးကို တစ်ပြိုင်နက်တည်း ဖမ်းမိအောင် လုပ်မယ်။" ချူးယွင်ဖန်းက လှောင်ပြောင်လိုက်ပြီးနောက် ချက်ချင်းပင် တောင်မြစ်ပန်းချီကားထဲသို့ဝင်သွားသည်။</p> <p> </p> <p>ဤအချိန်တွင်၊ တောင်မြစ်ပန်းချီကားထဲ၌ တောင်မြစ်အိုးသည် ခပ်တိုးတိုးအသံတစ်ခုပေါ်ထွက်လာသည်။ ထို့နောက်၊ အိုးအဖုံး ပွင့်သွားသည်။ ချက်ချင်းပင်၊ ထိတ်လန့်ဖွယ်ကောင်းသော ဆေးဖက်ဝင်အမွှေးအကြိုင်သည် အဖြူရောင်မြူခိုးများအဖြစ်သို့ ပြောင်းလဲသွားပြီး ကောင်းကင်နှင့် မြေကြီးကြားရှိ နေရာလွတ်တိုင်းကို ဖုံးလွှမ်းသွားသည်။</p> <p> </p> <p>ချူးယွင်ဖန်းက အသက်ကို ပြင်းပြင်းရှူလိုက်သည်။ အဖြူရောင်မြူခိုးများအဖြစ်သို့ ပြောင်းလဲသွားသော ဆေးဖက်ဝင်ရနံ့သည် နဂါးရှည်နှစ်ကောင်အဖြစ်သို့ ပြောင်းလဲသွားပြီး သူ့နှာခေါင်းထဲသို့ တိုးဝင်လာသည်။ ရုတ်တရက် သူ့ခန္ဓာကိုယ်ရှိ ချွေးပေါက်များအားလုံး ပွင့်သွားသည်ကို ခံစားလိုက်ရသည်။ ဆေးဖက်ဝင်ရနံ့သာ ဖြစ်သော်လည်း သူ့ခန္ဓာကိုယ်တစ်ခုလုံးတွင် နယ်ပယ်အသစ်တစ်ခုသို့ အပြေးအလွှားသွားရန် စိတ်အားထက်သန်မှုကို ခံစားရစေသည်။</p> <p> </p> <p>ချူးယွင်ဖန်းက သူ့လက်ကို ဝှေ့ယမ်းလိုက်ရာ ဆေးဖိုကြီးက လှည့်သွားသည်။ ၎င်းမှ အနီရောင်ဆေးပြားတစ်ပြား လွင့်ထွက်လာသည်။ ၎င်းသည် သွေးဂျင်ဆင်းကို အဓိကပါဝင်ပစ္စည်းအဖြစ် ပြုလုပ်ထားသော မဟာအသက်ဓာတ် ကျင့်ကြံသူဆေးပြားဖြစ်သည်။</p> <p> </p> <p>"ဆေးပြားက နောက်ဆုံးတော့ ပြီးပြီ။ ဆယ်ရက်အတွင်း ပွဲတော်ကျင်းပမယ်။ အဲ့တာကြောင့် ငါ့ ကျင့်ကြံမှု အဆင့်ထပ်တက်ဖို့အချိန်ရှိတယ်” ချူးယွင်ဖန်း၏ မျက်နှာက ပျော်ရွှင်မှုအရိပ်အယောင်များပေါ်လာသည့်တိုင် သူ၏ တည်ငြိမ်သော အမူအရာသို့ ချက်ချင်း မြန်မြန်ဆန်ဆန် ပြန်ရောက်သွားသည်။</p> <p> </p> <p>ချူးယွင်ဖန်းသည် လီချန်းယွမ်အား သူ၏အကူအညီအတွက် ကျေးဇူးတင်ရမည်ဖြစ်သည်။ လီချန်းယွမ်မရှိလျှင် နောက်ထပ်အဆင့်တက်ရန် အချိန်မည်မျှကြာမည်ကို မသိပေ။</p> <p> </p> <p>ဤအရာကို စဉ်းစားရင်း ချူးယွင်ဖန်းသည် တင်ပျဥ်ခွေချိတ်ထိုင်၍ ဧကရာဇ်ကျဥ့်စဥ်ကို လည်ပတ်စေလိုက်သည်။ ထို့နောက် သူက မဟာအသက်ဓာတ် ကျင့်ကြံသူ ဆေးလုံးကို မျိုချလိုက်သည်။ ဆေးလုံးသည် သွေးနီရောင် မီးလျှံအဖြစ်သို့ ပြောင်းလဲသွားသည်ကို ခံစားလိုက်ရပြီး ရူးသွပ်စွာ လောင်ကျွမ်းသွားသည်။</p> <p> </p> <p>ခဏတာအတွင်း၌ ဤအနီရောင်မီးတောက်က ချူးယွင်ဖန်း၏ ခန္ဓာကိုယ်တစ်ခုလုံဂသို့ ပျံ့နှံ့သွားခဲ့သည်။ သွေးကြောတိုင်း၊ ဆဲလ်တိုင်းက ရူးသွပ်စွာ လောင်ကျွမ်းနေကြောင်း သူခံစားလိုက်ရသည်။ သာမန်လူတစ်ဦးသာဆိုပါက ထိုမီးတောက်ကြောင့် သေသွားနိုင်သော်လည်း ချူးယွင်ဖန်းက သာမန်လူတစ်ဦးမဟုတ်ပေ။ သူ ပြင်ဆင်ထားနှင့်ပြီးဖြစ်သည်။</p> <p> </p> <p>ထိုသွေးဂျင်ဆင်းကို အထူးမျိုးစိတ်တစ်ခုအဖြစ် သတ်မှတ်ကြကာ အထူးသဖြင့် နှစ်ထောင်ပေါင်းများစွာ သက်တမ်းရှိသည့် သွေးဂျင်ဆင်းဖြစ်သည်။ ၎င်း၌ နတ်ဆိုးစွမ်းအင်အနည်းငယ်သာ ပါရှိသည်။</p> <p> </p> <p>သွေးဂျင်ဆင်းနှင့် ပြုလုပ်ထားသော ဆေးလုံးများသည် သဘာဝအတိုင်း စွမ်းအင်ချေဖျက်ရန် မလွယ်ကူပေ။ ၎င်း၌ နတ်ဆိုးစွမ်းအင်တချို့ရှိသည်ဟု ပြောနိုင်သည်။</p> <p> </p> <p>ချူးယွင်ဖန်းသည် ကောင်းကင်စားသုံးခြင်းပညာရပ်ကို လျင်မြန်စွာ အသက်သွင်း၍ အနီရောင်မီးတောက်ကို မျိုချလိုက်ကာ သူ၏ကိုယ်ပိုင်စွမ်းအားအဖြစ်သို့ ပြောင်းလဲလိုက်သည်။</p> <p> </p> <p> ၎င်း၏တစ်စိတ်တစ်ပိုင်းသည် သူ၏ခြေလက်များနှင့် အရိုးများထဲသို့ ပျံ့နှံ့သွားသည်။ ၎င်းသည် သူ၏ဆဲလ်တိုင်းထဲသို့ ပေါင်းစည်းသွားပြီး သူ့ခန္ဓာကိုယ်ကို အာဟာရဖြည့်တင်းပေးသည့် အစွမ်းထက်သောစွမ်းအားတစ်ခုအဖြစ်သို့ ပြောင်းလဲသွားသည်။ ကျန်တစ်စိတ်တစ်ပိုင်းသည် ဒြပ်မဲ့လေ့လာသူအဆင့်သို့ ဦးတည်သော ကြီးမားသောစွမ်းအင်ပမာဏအဖြစ်သို့ ပြောင်းလဲသွားသည်။ ၎င်းသည် သာမန်လူတစ်ဦးဖြစ်ပါက ၎င်းတို့သည် ပြိုလဲသွားလိမ့်မည်။ သို့သော် ချူးယွင်ဖန်းသည် ကွဲပြားသည်။ သူသည် တစ်ချိန်တည်းတွင် အရာနှစ်ခုကို လုပ်ဆောင်နိုင်သည်။</p> <p> </p> <p>တစ်ချိန်တည်းမှာပင်၊ တောင်မြစ်ပန်းချီကားထဲရှိ အလယ်အလတ်အဆင့် ဝိဉာဥ်ကျောက်တုံးက လေထဲသို့ လွင့်စင်သွားပြီး ပေါက်ကွဲသွားသည်။ ခဏလေးအတွင်းမှာပင် ၎င်းတို့သည် မရေမတွက်နိုင်သော ဝိညာဉ်စွမ်းအင်များအဖြစ်သို့ ပြောင်းလဲသွားပြီး ချူးယွင်ဖန်း၏ စိတ်ထဲသို့ ရှည်လျားသော နဂါးတစ်ကောင်ကဲ့သို့ စီးဝင်လာခဲ့သည်။ ၎င်းတို့အားလုံးသည် နတ်ဘုရားစိတ်ဝိဉာဥ်၏ စုပ်ယူမှုကို ခံခဲ့ရသည်။</p> <p> </p> <p>ချူးယွင်ဖန်းသည် သူသည် ဉာဏ်အလင်းရရှိသည့်အဆင့်သို့ ရောက်ရှိသွားသည်ဟု ခံစားလိုက်ရပြီး နှောင်းပိုင်း ဒြပ်မဲ့လေ့လသာသူအဆင့်နှင့်ပတ်သက်သော မရေမတွက်နိုင်အောင်များပြားသည့် နက်နဲသော လျှို့ဝှက်ဆန်းကြယ်မှုများသည် သူ့ရှေ့တွင် ပေါ်လာကာ လျှို့ဝှက်ချက်အနည်းငယ်မျှမပါဘဲ အသေးစိတ်အချက်အလက်တိုင်းကို ဖော်ထုတ်ပြသနေသည်။</p> <p> </p> <p>ချူးယွင်ဖန်း၏ နားလည်မှုက ပိုမိုနက်ရှိုင်းလာသည်နှင့်အမျှ နောက်ဆုံး ဒြပ်မဲ့လေ့လာသူအဆင့်၏ အတားအဆီးသည် တစ်စတစ်စ ပြိုကွဲလာသည်ကို သူ ရှင်းရှင်းလင်းလင်း ခံစားမိနိုင်သည်။</p> <p> </p> <p>ဘမ်း</p> <p>ကျယ်လောင်သော ပေါက်ကွဲသံနှင့်အတူ ချူးယွင်ဖန်းသည် သူ့ခန္ဓာကိုယ်မှ ကြောက်မက်ဖွယ်ကောင်းသော စွမ်းအင်များ ထွက်လာသည်ကို ခံစားလိုက်ရပြီး ကမ္ဘာတစ်ခုလုံးကို ပြည့်နှက်သွားသည်။ သို့သော် သူသည် ချက်ချင်းပင် သူ၏ နတ်ဘုရားစွမ်းအားကို ရုပ်သိမ်းလိုက်သည်။ ထိုကြောက်မက်ဖွယ်ကောင်းသော စွမ်းအင်များ ထွက်ပေါ်လာခြင်းနှင့်အတူ နောက်ဆုံး ဒြပ်မဲ့လေ့လာသူအဆင့် အတားအဆီးသည်လည်း ကျယ်လောင်သော ပေါက်ကွဲသံနှင့်အတူ ပြိုလဲသွားကာ အဆင့်ကျော်ဖြတ်သွားသည်ကို သူခံစားလိုက်ရသည်။</p> <p> </p> <p>သူ ယခု နှောင်းပိုင်း ဒြပ်မဲ့လေ့လာသူအဆင့်သို့ရောက်သွားပြီဖြစ်သည်။</p> <p> </p> <p> </p> <p> </p> <p style="text-align: center;">***</p>


Save