Book List

<h2 style="text-align: center;">အခန်း(၁၇၃၄)</h2> <h2 style="text-align: center;">အလွန်သန်မာလာခြင်း</h2> <h2 style="text-align: center;">*</h2> <p> </p> <p> </p> <p>နှောင်းပိုင်း ဒြပ်မဲ့လေ့လာသူအဆင့်သို့ တက်လှမ်းပြီးနောက် သူ၏ ကျင့်ကြံမှုသည် နှစ်ဆထက်မက မြင့်တက်လာသည်ကို ရှင်းလင်းစွာခံစားလိုက်ရသည်။ သူသာ ဟုတ်သားရဲအဖြစ်မပြောင်းလဲနိုင်လျှင်ပင်</p> <p>သူနှင့် ပခုံးချင်းယှဉ် ရပ်နိုင်သည့် ဒြပ်မဲ့ကျွမ်းကျင်အဆင့် အနည်းငယ်သာ ရှိသည်။</p> <p> </p> <p>ချူးယွင်ဖန်းသည် သူ၏ မူလကိုယ်ရည်ကိုယ်သွေး သုံးဦးမှ ငါးဦးအထိ အလွယ်တကူ သတ်နိုင်သည်ဟု ခံစားမိသည်။ ကျင့်ကြံမှုအဆင့် တစ်ကြိမ်တိုးလာရုံဖြင့် သူ၏ တိုက်ခိုက်ရေးအစွမ်း မြင့်တက်လာသည်ကို ခံစားမိနေပြီဖြစ်သည်။ သူသည် သာမန်လူများနှင့် မတူပေ။ သာမန်လူများအတွက် အဆင့်တက်ခြင်းက လွယ်ကူသော်လည်း ထိုးဖောက်ဝင်ရောက်ပြီးနောက် တိုက်ခိုက်ရေးအစွမ်း တိုးလာမှုမှာ အကန့်အသတ်ရှိသည်။ ချူးယွင်ဖန်း၏ အဆင့်တက်မှုက သာမန်လူများထက် များစွာပို၍ ခက်ခဲသော်လည်း သူ အဆင့်တက်ပြီးသည်နှင့် သူ၏ လေ့ကျင့်မှုနှင့် တိုက်ခိုက်ရေးအစွမ်းသည်လည်း ကမ္ဘာမြေကြီးကို တုန်လှုပ်စေသော ပြောင်းလဲမှုတစ်ခု ဖြစ်လာလိမ့်မည်။</p> <p> </p> <p>အစပိုင်းတွင်ခါးသက်၍ တဖြည်းဖြည်းချိုမြိန်သွားခြင်းပင်ဖြစ်ကာ သူ ဆက်သွားလေလေ သူ၏ ကျင့်ကြံမှု အားသာချက်က ပိုများလာလေလေဖြစ်၍ တူညီသောအဆင့်၌ ပြိုင်ဘက်ကင်းဆိုသော စကားကို သက်သေပြနေခြင်းလည်းဖြစ်သည်။</p> <p>သူ့ထက် များစွာအဆင့်မြင့်သော ကျွမ်းကျင်သူများကိုပင် အနိုင်ယူနိုင်နေပြီဖြစ်သည်။</p> <p> </p> <p>"ငါ့ ဟုတ်သားရဲနဲ့သာ တွဲလိုက်ရင် သာမန် အထွတ်အထိပ် ဒြပ်မဲ့ ကျွမ်းကျင်အဆင့်လောက်က ငါ့ကို မယှဥ်နိုင်ဘူး။ သိပ်မကြာပေမယ့် တိုက်ပွဲတစ်ပွဲအတွက် လုံလောက်တယ်။" ချူးယွင်ဖန်းက လှောင်ရယ်လိုက်သည်။</p> <p> </p> <p>"ဘာထောင်ချောက်လဲ။ ငါ သူတို့နေရာမှာတင် ကပ်ပါးကောင်တွေအားလုံးကို အမြစ်ပြတ် ရှင်းပစ်မယ်။"</p> <p> </p> <p>ချူးယွင်ဖန်းက အချိန်ကို တွက်ချက်လိုက်သည်။ ယနေ့သည် ဆယ်ရက်ကြာပြီးဖြစ်၍ ပွဲတော်အတွက် အချိန်ရောက်တော့မည်ဖြစ်သည်။</p> <p> </p> <p>နေဝင်သွားသည်နှင့်အမျှ ညကောင်းကင်သည် နေဝင်ချိန်၏ နောက်ဆုံးရောင်ခြည်များကို တစ်စတစ်စ ဆုတ်ဖြဲကာ အနက်ရောင်အဝတ်စတစ်ခုကဲ့သို့ အရာအားလုံးကို ဖုံးအုပ်ထားသည်။ တောက်ပသောလသည် ကောင်းကင်တွင် တွဲလောင်းကျ၍ မြေပြင်ပေါ်သို့ အေးစက်သောလရောင်ကို ဖြာကျနေစေသည်။ ညဉ့်နက်နေပြီဖြစ်သော်လည်း ချန်မျိုးနွယ်စု၏ ဘိုးဘွားပိုင်မြေသည် အလွန်သက်ဝင်လှုပ်ရှားနေသည်။</p> <p> </p> <p>ယနေ့တွင် ချန်မျိုးနွယ်စု၏ ခေါင်းဆောင်သည် ချူးယွင်ဖန်းနှင့် အဓိကတပ်ဖွဲ့အမျိုးမျိုးမှ ခေါင်းဆောင်များကို ဧည့်ခံရန်အတွက် ဘိုးဘွားပိုင်မြေတွင် ပွဲတော်တစ်ခု ကျင်းပခဲ့သည်။ ပေါင်းထိုင်ရှိ ဩဇာကြီးမားသော ပုဂ္ဂိုလ်အားလုံး တက်ရောက်ခဲ့ကြသည်။ နှစ်ဖက်တိုက်ပွဲတွင် မပါဝင်ခဲ့သူများစွာပင် ပွဲတော်တွင် ရှိနေကြသည်။ ဤသည်မှာ ပေါင်တိုင်း၏ အနာဂတ်ကို ဆွေးနွေးရန် ပွဲတော်တစ်ခုသာ ဖြစ်သကဲ့သို့ပင်အသက်ဝင်နေ၏။</p> <p> </p> <p>"ချူးယွင်ဖန်း မလာသေးဘူး။ သူ မလာရဲဘူးလို့ မပြောနဲ့။"</p> <p> </p> <p>"ဖြစ်ကောင်းဖြစ်နိုင်တယ်။ ဒီပွဲရဲ့ အခြေအနေက မရှင်းလင်းသေးပါဘူး။ ချူးယွင်ဖန်း ကိုယ်တိုင်လာချင်မှလာမယ်။ လူတော်တော်များများက သူ့ကို မုန်းတီးကြတယ်ဆိုတာ မင်းသိတယ်။"</p> <p> </p> <p> </p> <p>"မဖြစ်နိုင်ဘူး။ မင်းတို့ထဲက ဘယ်သူမှ မမှန်ဘူး။ ချူးယွင်ဖန်းက ပြန်ကြားချက်ပို့ပြီးပြီဆိုတာ မင်းတို့မသိဘူးလား။ သူကိုယ်တိုင် ဒီနေ့ညစာစားပွဲကို တက်ရောက်လိမ့်မယ်။"</p> <p> </p> <p>"သူက အရမ်းမာနကြီးတာပဲ။ လူတိုင်းက အစောကြီးရောက်ပြီး သူ့ကိုစောင့်နေကြတယ်။"</p> <p> </p> <p>"သူက တပ်မှုးပဲလေ တရှရဲ့ စည်းမျဉ်းတွေအရ ပေါင်တိုင်းမှာ နောက်ဆုံးဆုံးဖြတ်ပိုင်ခွင့်ရှိတယ်။"</p> <p> </p> <p>ဧည့်သည်များသည် စိတ်အားထက်သန်စွာ ဆွေးနွေးကြသည်။ အတွင်းခန်းမသို့ ဖိတ်ကြားခံရခြင်းမရှိသော်လည်း ခန့်မှန်းချက်အမျိုးမျိုးကို မရပ်တံ့နိုင်ပေ။</p> <p>သူတို့အများစုတွင် သတင်းအချက်အလက်ရယူသည့် ၎င်းတို့၏ကိုယ်ပိုင်လမ်းကြောင်းများရှိသောကြောင့် ၎င်းသည် မှန်မမှန် ပြောရန်ခက်ခဲခဲ့သည်။</p> <p> </p> <p>"ဒုတပ်မှူး ချူးယွင်ဖန်း ရောက်လာပါပြီ!"</p> <p> </p> <p>အစေခံများ၏ ကြေငြာချက်နှင့်အတူ အသံအားလုံး တိတ်ဆိတ်သွားသည်။ လူတိုင်းက စိတ်အားထက်သန်စွာ ခေါင်းလှည့်ကြည့်ကြသည်။ လူအများအပြားက သူ့ကို ပထမဆုံးအကြိမ် မြင်တွေ့ဖူးခြင်းဖြစ်ကာ ချူးယွင်ဖန်းသည် အလွန်ငယ်ရွယ်ကြောင်း သူတို့ သိရှိခဲ့ရသည့် အချိန်လည်း ဖြစ်သည်။</p> <p> </p> <p>ချူးယွင်ဖန်း ဝင်လာသည်နှင့်အမျှ လူတိုင်းသည် သူ၏အလင်းရောင်အောက်တွင် အသံများ ပျောက်ကွယ်သွားသကဲ့သို့ တိတ်ဆိတ်နေကြသည်။ အစေခံများ၏ လမ်းညွှန်မှုအောက်တွင် ချူးယွင်ဖန်းသည် အပြင်ဘက်ရင်ပြင်ကို ဖြတ်ကျော်ပြီး အတွင်းရင်ပြင်သို့ ရောက်ရှိခဲ့သည်။</p> <p> </p> <p> အပြင်ဘက်ရင်ပြင်ရှိ ရှုပ်ထွေးမှုများနှင့်မတူဘဲ အတွင်းရင်ပြင်သည် ပိတ်ထားသော ခန်းမဆောင်တစ်ခုတွင် တည်ရှိသည်။ ကြီးမားသောဂိုဏ်းအမျိုးမျိုး၏ ခေါင်းဆောင်များသည် ခန်းမထောင့်များတွင် ထိုင်ကာ အရက်များဖလှယ်နေကြသည်။ ၎င်းသည် သူတို့အတွက် မိတ်ဆွေဖွဲ့ရန် ရှားပါးအခွင့်အရေးတစ်ခုလည်း ဖြစ်သည်။</p> <p> </p> <p>ဂိုဏ်းခွဲလေးခု၏ ခေါင်းဆောင်များသည် လူတိုင်း၏ အာရုံစိုက်မှုကို ရရှိခဲ့သည်။ သို့သော် ချူးယွင်ဖန်း အတွင်းခန်းထဲသို့ လျှောက်လှမ်းဝင်ရောက်လာသည်နှင့်အမျှ လူတိုင်း၏ မျက်လုံးများသည် သူ့ထံတွင် စုပြုံနေကြသည်။</p> <p> </p> <p>"ချူးယွင်ဖန်းလား။ သူက အရမ်းငယ်သေးသလိုပဲနော်။ ကောလာဟလတွေပြောသလို တကယ်ကို အစွမ်းထက်တာလား။"</p> <p> </p> <p>"သူက အနည်းဆုံးတော့ ဒြပ်မဲ့ကျွမ်းကျင်အဆင့်မှာ ရှိနေတယ်လို့ ကောလာဟလတွေ ထွက်နေတာ။ ဒါပေမယ့် အခုချိန်မှာတော့ ငါလုံးဝ အတိအကျမပြောနိုင်သေးဘူး။ ငါသိသလောက်တော့ သူက ပြိုင်ဘက်ကင်းပဲ”</p> <p> </p> <p>"ဒီမှာ တပ်မှူးတွေ အများကြီး သေသွားတယ်ဆိုတာ သိရက်နဲ့တောင် မင်းက သိမ်းပိုက်ရဲသေးလား။ မင်းမှာ အရည်အချင်းတစ်ခုခု မရှိရင် အလုပ်မဖြစ်မှာစိုးတယ်"</p> <p> </p> <p>ကြီးမားသော အုပ်စုအမျိုးမျိုး၏ ခေါင်းဆောင်များသည် သီးသန့်ဆွေးနွေးမှုများ စတင်ပြုလုပ်ခဲ့ကြသည်။ သို့သော် ၎င်းတို့၏ အသံများသည် အလွန်တိုးညှင်းလှ၍ ၎င်းတို့၏ နတ်ဘုရားစိတ်ဝိဉာဥ်များမှတစ်ဆင့် အချင်းချင်း သတင်းအချက်အလက်များပင် ဖလှယ်ခဲ့ကြသည်။ ၎င်းတို့က ချူးယွင်ဖန်း ဝင်လာသည်ကို ကြည့်နေကြသည်။ တပ်ဖွဲ့လေးဖွဲ့၏ ခေါင်းဆောင်များပင် ချူးယွင်ဖန်းကို တစ်ခါမျှ မမြင်ဖူးကြပေ။ ထိုမတိုင်ခင်ပ ၎င်းတို့သည် သူ၏ ပုံတူကိုသာ မြင်ဖူးကြသည်။</p> <p> </p> <p>"တပ်မှုူးချူး၊ ရောက်လာပြီပဲ။ ကျေးဇူးပြုပြီး ထိုင်ပါ" ချန်လူကြီးမင်းက အလျင်အမြန်ထရပ်ကာ ပြောလိုက်သည်။ ပုံမှန်အားဖြင့် ပေါင်းထိုင်တွင် သူ့ကို ဤမျှယဉ်ကျေးအောင် လုပ်နိုင်သူ မရှိပေ။</p> <p> </p> <p>"မလိုပါဘူး၊ ငါမထိုင်တော့ပါဘူး အချိန်ဖြုန်းရုံဖြစ်နေမှာပဲ" ချူးယွင်ဖန်းက ပြောသည်။</p> <p> </p> <p>"ဘာကိုဆိုလိုတာလဲ ခင်ဗျာ" ဝမ်လူကြီးမင်းက မေးသည်။</p> <p> </p> <p>ထိုအချိန်၌ ထောင့်၌ သောက်နေသော ရွှီသခင်ကြီးအပါအဝင်အားလုံး စိတ်လှုပ်ရှားသွားကြသည်။ ချူးယွင်ဖန်းက ဤမျှ ရိုးရှင်း၍ ရက်စက်လိမ့်မည်ဟု မမျှော်လင့်ထားသဖြင့် သူ့သောက်လက်စဝိုင်ပင် အန်ထွက်လုမတက်ဖြစ်သွားသည်။</p> <p> </p> <p>"အချိန်ဖြုန်းတာမို့ မထိုင်ဘူးလို့ပြောတာပါ။ ခင်ဗျားတို့ အစာထဲအဆိပ်ခတ်ထားလားဆိုတာ ကျုပ်မသိဘူးလေ” ချူးယွင်ဖန်းက ခပ်ပါးပါးပြုံး၍ ပြောလိုက်သည်။</p> <p>"ဒါကြောင့် လုံခြုံအောင် ကျုပ်မထိုင်တော့ဘူး"</p> <p> </p> <p>"ဘယ်လိုဟာသတွေပြောနေတာလဲ။ ဘာလို့ အစားအစာကို အဆိပ်ခတ်ရမှာလဲ" ပေါင်းစည်းခြင်းဂိုဏ်း  ခေါင်းဆောင်က ပြောသည်။</p> <p> </p> <p>သူနှင့် ကောင်းကင်နယ်မြေ ဂိုဏ်းခေါင်းဆောင်သည် ချူးယွင်ဖန်း ထွက်ပြေးနိုင်မည့် လမ်းကြောင်းကို တိတ်တဆိတ်ပိတ်ဆို့ခဲ့သည်။ ဝမ်မျိုးနွယ်စု၏ ခေါင်းဆောင်နှင့် ချန်မျိုးနွယ်စုနှင့်အတူ ချူးယွင်ဖန်းကို ထောင်ချောက်ဆင်ရန် အဖွဲ့တစ်ဖွဲ့ဖွဲ့စည်းခဲ့သည်။</p> <p> </p> <p>"ခင်ဗျားတို့အစီအစဥ်ကို ကျုပ်သိပြီးသား ဟန်ဆောင်နေစရာ မလိုဘူး။ ကျုပ်တို့အားလုံး အချိန်ကုန်သက်သာတာပေါ့” ချူးယွင်ဖန်းက စိတ်မဝင်စားစွာ ပြောလိုက်သည်။ သူက အားလုံးကို ကြည့်လိုက်ကာ ဝိုင်းရံထားမှုကို အနည်းငယ်မျှ မကြောက်ပေ။</p> <p> </p> <p> </p> <p> </p> <p style="text-align: center;">***</p>


Save