Book List

<h2 style="text-align: center;">​အပိုင်း ၃၅၉၈</h2> <h2 style="text-align: center;">*</h2> <p> </p> <p> </p> <p>​ထာဝရ ရှင်သန်ခြင်း ဧကရာဇ်များ အားလုံးကလည်း ထာဝရ ရှင်သန်ခြင်း ဧကရာဇ် လီရှန်းက ဂျင်ချန်နှင့် တိုက်ခိုက်ခွင့် ရရှိသွားသည့်အတွက် မည်မျှ ကံကောင်းကြောင်း ပြောနေကြသည်။ မည်သို့ပင်ဆိုစေ သူတို့၏ အမြင်တွင် ကောင်းကင်လွှာ အဆင့်ခြောက် ထာဝရ ရှင်သန်ခြင်း ဧကရာဇ် တစ်ယောက်လောက်က ခြိမ်းခြောက်မှု မပေးနိုင်ပေ။</p> <p>​အချို့သော ကြည့်ရှုနေသူများက သူ့ကို ပုရွက်ဆိတ်တစ်ကောင်ပမာ မြင်သည်ဟု ပြောတာက ချဲ့ကားပြောရုံ မဟုတ်ချေ။ သူတို့အားလုံးက အင်အားကြီးမားသော နောက်ခံများမှ လာကြလေပြီး သူတို့၏ အုတ်မြစ်ကလည်း အလွန်ပင် ခိုင်မာသည်။ သူတို့၏ နည်းလမ်းများကလည်း မြင့်မြတ်သည်။ သူတို့ဟာ လွတ်လပ်သော ကျင့်ကြံသူများ ယှဉ်ပြိုင်နိုင်သော အဆင့်တွင် မဟုတ်ချေ။</p> <p>ကောင်းကင်လွှာ အဆင့် ကိုး ထာဝရ ရှင်သန်ခြင်း ဧကရာဇ် လွတ်လပ်သော ကျင့်ကြံသူများကိုပင် အလေးမထားကြလေရာ အဆင့်ခြောက်ဆိုလျှင် ပို၍ပင် ဆိုးသေးသည်။</p> <p>"ဟူး... သူက ကံကောင်းလိုက်တာ"</p> <p>တာအိုဆရာသခင် ရှန်းချင်က သက်ပြင်းကိုချပြီး ခေါင်းကိုခါသည်။</p> <p>​ဆိုတော့ အသေးစားလောကတွေ အများကြီးနဲ့ ဖွဲ့စည်းထားတဲ့ စင်မြင့်ဆိုတာ ဒီလိုမျိုးပေါ့လေ။</p> <p>ဂျင်ချန်က စင်မြင့်တစ်ခုထဲသို့ ရောက်သွားသည်နှင့် ပတ်ဝန်းကျင်ကို လိုက်ကြည့်ပြီး သက်ပြင်းကိုချသည်။ သူသည် ယခုအခါ အလွန်ပင် ထူးခြားသော လောကတစ်ခုအတွင်းသို့ ရောက်ရှိနေ၏။ မြေပြင်က အက်ကြောင်းများ ပြည့်နှက်နေပြီး ယခင်တိုက်ပွဲများက ချန်ထားရစ်ခဲ့သော အမှတ်အသားများကိုလည်း မြင်ရသည်။</p> <p>ပြောရမည်ဆိုလျှင် နတ်ဘုရားအဆင့် လက်နက်များ၏ အပိုင်းအစများကို ပတ်ဝန်းကျင်အနှံ့တွင် မြင်ရသလို သွေးနီရောင်အလင်းဖြင့် တောက်ပနေသော အရည်များကိုလည်း မြင်ရသည်။ ဒါဟာ ထာဝရ ရှင်သန်ခြင်း ဧကရာဇ်များ၏ သွေးများဖြစ်သည်။ အချို့ကို ယခင်တိုက်ပွဲ နှစ်ပွဲက ချန်ထားရစ်ခဲ့ခြင်း ဖြစ်သည်။ ဂျင်ချန်ကလည်း သွေးပိုင်ရှင်များကို တန်း၍ သိနိုင်၏။ အခြားသော သွေးများကမူ မေ့မေ့လျော့လျော့ ရှိနေကြပြီး ရှင်းလင်းစွာပင် နှစ်ပေါင်းများစွာ ကြာအောင် တည်ရှိနေခဲ့ခြင်း ဖြစ်သည်။</p> <p>​ဒီအသေးစားလောကတွေက တန်ဖိုးကြီးရုံတင် မဟုတ်သေးဘဲ ရိုသေလေးစား လိုက်နာခြင်း ကောင်းကင်ဘုံမြို့ရဲ့ စွမ်းအားတွေက ထောက်ပံ့ပေးထားရသေးတယ်။ ဒီလို အာကာသပြင်မျိုးက အရမ်းကို မာကျောတာ။ ထာဝရ ရှင်သန်ခြင်း ဧကရာဇ်တွေကို မပြောနဲ့၊ ပုံမှန် ထာဝရ ရှင်သန်ခြင်း မဟာဘုရင်တွေတောင်မှ ဖျက်ဆီးဖို့ ရုန်းကန်ရလောက်တယ်။ ဂျင်ချန်က ခပ်တိုးတိုး ရေရွတ်သည်။ သူဟာ ရိုသေလေးစား လိုက်နာခြင်း ကောင်းကင်ဘုံမြို့၏ အင်အားကို ပို၍ နားလည်လာသည်။</p> <p>​"ဟားဟား... ညီငယ် ချင်းရန်... မင်း အခု ရှေ့ထွက်ရပြီပေါ့။ ငါ့ရဲ့ ကျေးဇူးတင်စိတ်ကို ဖော်ပြဖို့အတွက် ငါ မင်းကို မိနစ်ဝက် အချိန်ပေးမယ်။ ဒီစက္ကန့် ၃၀ ဆိုတဲ့ အချိန်ကာလအတွင်းမှာ မင်း ဘယ်လို နည်းလမ်းမျိုးကိုမဆို သုံးပြီး ငါ့ကို ထိခိုက်အောင် တိုက်ခိုက်ကြည့်နိုင်တယ်။ ငါ မရှောင်ဘူး၊ ပြန်လည်း မတိုက်ခိုက်ဘူး"</p> <p>မီတာအနည်းငယ် အကွာမှ ထာဝရ ရှင်သန်ခြင်း ဧကရာဇ် လီရှန်းက လက်ကိုပိုက်ပြီး ကျောကို ဖြောင့်မတ်စွာ ရပ်ထားသည်။ သူဟာ ဂျင်ချန်ကို ယုံကြည်မှုအပြည့်နှင့်ကြည့်ပြီး အလွန်ပင် ရဲရဲဝံ့ဝံ့ ပြောလာသည်။</p> <p>​"ခင်ဗျား ငါ့ကို တကယ် စက္ကန့် ၃၀ ပေးမှာလား၊ သေချာလား။ စိတ်မပြောင်းတာ သေချာလား"</p> <p>ဂျင်ချန်က ထာဝရ ရှင်သန်ခြင်း ဧကရာဇ် လီရှန်းကို ထူးဆန်းသလို ကြည့်သည်။ ထာဝရ ရှင်သန်ခြင်း ဧကရာဇ် လီရှန်းက ပြုံးလျှက်</p> <p>"ငါက ထိုက်ကြီး ကောင်းကင်ဘုံလို နေရာမှာ ထိပ်ဆုံးက ရပ်တည်နိုင်စွမ်း ရှိတဲ့သူ မဟုတ်လောက်ပေမဲ့ ငါလည်း နာမည်ကြီးပါသေးတယ်။ ဆိုတော့ မင်း စိုးရိမ်စရာမလိုဘူး၊ ငါ ကတိတည်တယ်"</p> <p>"မိနစ်ဝက်တောင်လား၊ တကယ်ကို မတိုဘူးပဲ။ ညီနောင် လီရှန်း... ဂရုစိုက်ပါ"</p> <p>​ဂျင်ချန်က လျှို့ဝှက်ဆန်းကြယ်စွာ ပြောပြီးနောက် တစ်ခဏချင်းတွင် သူ၏ လက်ထဲ၌ ဓားတစ်လက် ပေါ်လာသည်။ ဒါဟာ အလယ်အလတ် အရည်အသွေးရှိသော နတ်ဘုရားအဆင့် လက်နက်ဖြစ်သည်။ ယင်းက ဂျင်ချန်က ထာဝရ ရှင်သန်ခြင်း လောကမှ ရရှိခဲ့သော နတ်ဘုရားအဆင့် လက်နက်များထဲမှ တစ်လက်ဖြစ်သည်။</p> <p>သူဟာ ထာဝရ ရှင်သန်ခြင်း လောကသို့ ရောက်ရှိလာခဲ့ချိန်တွင် လော့ဖု အမတ ဂိုဏ်းကို ဖျက်ဆီးခဲ့သလို၊ ယွီချင် အမတ ဂိုဏ်း၊ ထိုက်ဖူ အမတ ဂိုဏ်းများ အားလုံးကိုလည်း ဖျက်ဆီးခဲ့သေးသည်။ ထို့နောက်ပိုင်းတွင် သူဟာ ရိုသေလေးစား လိုက်နာခြင်း ကောင်းကင်ဘုံမြို့မှ အပျက်အစီးများကြားတွင် ချန်ရွှေဖုန်းကို ကယ်တင်ခဲ့ပြီးနောက် ရှန်းရှီးက တဖွဖွ ကြိုးစားခဲ့သော ထာဝရ ရှင်သန်ခြင်း ဧကရာဇ် သုံးယောက်ကိုလည်း သတ်ဖြတ်ခဲ့သေးသည်။</p> <p>ထို့နောက်ပိုင်းတွင် သူဟာ ခရမ်း ကောင်းကင် ဓားဂိုဏ်း ပတ်ဝန်းကျင်မှ အဖွဲ့အစည်း လေးခုကိုလည်း ဖျက်ဆီးခဲ့သေးသည်။ ရလဒ်အနေဖြင့် ဂျင်ချန်မှာ ယခုအခါ နတ်ဘုရား သလင်းတုံးပေါင်းများစွာ၊ အမျိုးမျိုးသော အဆင့်ရှိ နတ်ဘုရား စစ်လက်နက်ပေါင်း များစွာကို ပိုင်ဆိုင်နေပြီဖြစ်သည်။ အလယ်အလတ် အရည်အသွေးရှိ နတ်ဘုရားအဆင့် လက်နက်က တိုက်ပွဲမှ ရခဲ့သော အကျိုးအမြတ်များထဲမှ တစ်ခုသာ ဖြစ်သည်။</p> <p>​ဂျင်ချန်က အလယ်အလတ် အရည်အသွေးရှိ နတ်ဘုရားအဆင့် လက်နက်ကို ခပ်အေးအေး ထုတ်လိုက်သောအခါ ထာဝရ ရှင်သန်ခြင်း ဧကရာဇ် လီရှန်း၏ မျက်လုံးထဲမှ လှောင်ပြောင်လိုစိတ်က ပို၍ လေးနက်လာသည်။ သူက မစိုးရိမ်သော ပုံစံမျိုးနှင့် ပြောသည်။</p> <p>"ညီနောင် ချင်းရန်... မင်း လက်ထဲက နတ်ဘုရားအဆင့် လက်နက်ရဲ့ ဓားက အရည်အသွေး မမြင့်ဘူးနော်။ ငါ့ရဲ့ ကောင်းကင်ဘုံ ဒိုင်း နတ်စွမ်းအားကိုတောင် ထိုးဖောက်နိုင်မှာ မဟုတ်ဘူး"</p> <p>ထိုသို့ဖြင့် ထာဝရ ရှင်သန်ခြင်း ဧကရာဇ် လီရှန်းက ကောင်းကင်လွှာ အဆင့် ကိုး ထာဝရ ရှင်သန်ခြင်း ဧကရာဇ် စွမ်းအားများ အပြည့် ဖြည့်တင်းလိုက်ပြီး သိပ်သည်းသော အကာအကွယ်လွှာတစ်ခုကို ဖန်တီးလိုက်ကာ ခန္ဓာကိုယ် တစ်ခုလုံးကို ကာပစ်လိုက်သည်။</p> <p>​ကောင်းကင်ဘုံ ဒိုင်း နတ်စွမ်းအား ဆိုသည်မှာ ထာဝရ ရှင်သန်ခြင်း ဧကရာဇ် လီရှန်းက ကျင့်ကြံထားသော လျှို့ဝှက်သိုင်းဖြစ်သည်။ အင်အားကြီးမားသော ခုခံမှုကြောင့်လည်း ကျော်ကြားသည်။ ကောင်းကင်ဘုံ ဒိုင်းနတ်စွမ်းအား၏ ထိပ်ဆုံးတွင် အလယ်အလတ် အရည်အသွေးရှိသော နတ်ဘုရားအဆင့် လက်နက်က တစ်ချက်ချင်းစီ ထိမှန်နေသော်လည်း အချည်းနှီးသာ ဖြစ်နေသည်။</p> <p>ထာဝရ ရှင်သန်ခြင်း ဧကရာဇ် လီရှန်းမှာ အဆင့်မြင့် အရည်အသွေးရှိ နတ်ဘုရားစစ်လက်နက်များကို ပိုင်ဆိုင်ထားသော်လည်း သူ၏ အဆင့်မြင့် အရည်အသွေးရှိ နတ်ဘုရား စစ်လက်နက်မှာ တိုက်ခိုက်ရန်သာ အသုံးဝင်သည့်အတွက် ခုခံရန် မဖြစ်မနေဖြစ်သည်အထိ ထုတ်မသုံးလာခြင်း ဖြစ်ပုံရသည်။</p> <p>​အစောပိုင်းက တိုက်ပွဲနှစ်ပွဲတွင်လည်း အလယ်အလတ် အရည်အသွေးရှိ နတ်ဘုရား စစ်လက်နက် ဓားတစ်ချက်က အနည်းငယ် ထိခိုက်စေခဲ့သော်လည်း သိပ်မကြာခင်မှာပင် ဂျင်ချန်က တစ်ဖက်သူ၏ အရှေ့သို့ ရုတ်တရက် ချက်ချင်း ရောက်သွားသည်။ သူ၏ အကန့်အသတ်မဲ့ စွမ်းအင်က လက်ထဲမှ ဓားကို ထိန်လင်းစွာ တောက်ပလာစေပြီးနောက် ထာဝရ ရှင်သန်ခြင်း ဧကရာဇ် လီရှန်းဆီသို့ တိုးဝင်သွားလေသည်။</p> <p>​"ဓား နိယာမနဲ့ အာကာသ နိယာမလား။ နှမြောစရာပဲ... မင်းရဲ့ နားလည် သဘောပေါက်မှုက သိပ်နိမ့်လွန်းနေတယ်"</p> <p>ထာဝရ ရှင်သန်ခြင်း ဧကရာဇ် လီရှန်းက လက်ကိုပိုက်လိုက်သေးသည်။ သူဟာ ဒီနေ့ အေးအေးဆေးဆေးနေပြီး ရှောင်ရှားရန်ပင် မကြိုးစားခဲ့ပေ။</p> <p>"ဘုန်း"</p> <p>ကျယ်လောင်သော ပေါက်ကွဲသံ ထွက်ပေါ်လာပြီးနောက် ဂျင်ချန်၏ ဓားက ထာဝရ ရှင်သန်ခြင်း ဧကရာဇ် လီရှန်း၏ ကောင်းကင်ဘုံ ဒိုင်းနတ်စွမ်းအားပေါ်သို့ ကျရောက်သွားကာ လျင်မြန်စွာ မှေးမှိန်သွားစေပြီး အလွန်ကြီးမားသော စွမ်းအင်က ပတ်ဝန်းကျင် တစ်ခုလုံးကို လှုပ်ခတ်လိုက်ကာ သဲများ၊ ကျောက်တုံးများကို လွင့်စင်သွားစေသလို ဖုန်မှုန့်များ အားလုံး အလေ့အလွင့် ဖြစ်သွားစေသည်။</p> <p>​"အကန့်အသတ်မဲ့ စွမ်းအားလား။ မင်းက အဲဒါကို ကျင့်ကြံတယ်"</p> <p>ထာဝရ ရှင်သန်ခြင်း ဧကရာဇ် လီရှန်း၏ မျက်နှာက ချက်ချင်း ပျက်သည်။ အချို့သော လှောင်ပြောင်မှုများက ပျောက်ဆုံးသွားသည်။</p> <p>"ညီနောင် ချင်းရန်... အခုက မင်း လူကြီးလူကောင်း လုပ်နေရမယ့် အချိန်မဟုတ်ဘူးနော်။ မင်းအနေနဲ့ အကန့်အသတ်မဲ့ စွမ်းအားကို ကျင့်ထားရက်နဲ့ ငါ့ကို ဘာလို့ ကြိုမပြောတာလဲ။ အကန့်အသတ်မဲ့ စွမ်းအားက ကျင့်ကြံခြင်း အဆင့်ထက် အများကြီး သာလွန်နေတာပဲကို။ မင်းက မင်းရဲ့ တိုက်ကွက်ကြောင့် တစ်ချိန်တည်းမှာပဲ ငါ့ရဲ့ စွမ်းအားကို ပျက်ပြယ်သွားအောင် လုပ်ချင်တာလား"</p> <p>ထို့အပြင် အကန့်အသတ်မဲ့ စွမ်းအားကို ကျင့်ခြင်းက အလွန်ခက်ခဲကာ လိုအပ်သည့် အရည်အချင်းတွေကလည်း ကြောက်စရာ ကောင်းသည်။</p> <p>သာမန် အထူးအဖွဲ့အစည်းတွေတောင်မှ ဒါကို တတ်နိုင်တာ မဟုတ်ဘူး။ ဒါတောင်မှ မင်းက ဒီလောက်အထိ ကျင့်ကြံခြင်း အဆင့်မြင့်အောင် ကျင့်နိုင်ခဲ့တယ်။ မင်းရဲ့ အကန့်အသတ်မဲ့ ခန္ဓာကိုယ်ကလည်း အဓိက အောင်မြင်တိုးတက်မှု အဆင့်ကို ရောက်နေပြီထင်တယ်၊ ချင်းရန်။ မင်းက လွတ်လပ်တဲ့ ကျင့်ကြံသူလို့ ငါ မယုံဘူး။</p> <p>​"ထာဝရ ရှင်သန်ခြင်း ဧကရာဇ် လီရှန်း... ငါက အကန့်အသတ်မဲ့ ခန္ဓာကိုယ်ကို ကျင့်တယ်လို့ ဘာလို့ ပြောရမှာလဲ။ နောက်ပြီး ခင်ဗျားက စက္ကန့် ၃၀ ပေးထားမယ်ဆိုတာကို ကတိပြန်ဖျက်တော့မှာပေါ့"</p> <p>ဂျင်ချန်က ပြောသည်။ ထာဝရ ရှင်သန်ခြင်း ဧကရာဇ် လီရှန်း၏ မျက်နှာက သုန်မှုန်လာသည်။ သူက အံကိုကြိတ်လျက် ပြော၏။</p> <p>"မစိုးရိမ်ပါနဲ့၊ ငါ ကတိတည်တယ်။ ငါ ကတိကို ပေးထားပြီးရင် မဖျက်ဘူး။ စက္ကန့် ၃၀ အခွင့်ပေးမယ်၊ တစ်စက္ကန့်တောင် မလျော့စေရဘူး"</p> <p>​"ဒါဆိုရင်လည်း မထိန်းထားတော့ဘူးနော်။ ခင်ဗျား ရှုံးသွားပြီးရင် နောက်မှ အပြစ်မတင်တာ ကောင်းမယ်"</p> <p>ဂျင်ချန်က နှေးကွေးစွာ ပြောသည်။</p> <p>"ဟင်း... ငါက ဒီတစ်ခါ တိုက်ပွဲ အဆုံးထိ ရောက်ချင်မှ ရောက်မှာပါ။ ဒါပေမဲ့ မင်းဆီမှာတော့ မရှုံးနိုင်ဘူး"</p> <p>ထာဝရ ရှင်သန်ခြင်း ဧကရာဇ် လီရှန်းက အေးစက်စွာ ပြောသည်။ ဂျင်ချန်က ဘာမှ ဆက်မပြောလိုက်တော့ဘဲ သူ၏ ဓားကို တစ်ချိန်ပြီးတစ်ချိန် လွှဲရမ်းလိုက်ကာ ကောင်းကင်လွှာ အဆင့် ၁၇ အကန့်အသတ်မဲ့ စွမ်းအားများ အားလုံးကို ထိန်းချုပ်ထားခြင်း မရှိဘဲ ထုတ်သုံးပစ်လိုက်သည်။ သူဟာ တစ်ချက်ချင်းစီတိုင်းလိုလို သူ၏ အင်အားအပြည့်ကို ထုတ်သုံးထားပြီး ထာဝရ ရှင်သန်ခြင်း ဧကရာဇ် လီရှန်း၏ ဒိုင်းအကာအကွယ်ထံသို့ အလင်းတန်းများစွာဖြင့် ဝင်တိုးသွားစေသည်။</p> <p>​တိုက်ပွဲက ရုတ်တရက် တိုက်ခိုက်မှုကို ရပ်တန့်သွားပြီးနောက် နောက်တစ်ကွက်က ချက်ချင်း ရောက်လာလေရှိသေးသည်။ သူ၏ အာကာသနိယာမနှင့် ဓားနိယာမတို့ကလည်း အတူတကွ ပေါင်းစပ်ကာ အသုံးပြုခြင်း ခံရသည်။</p> <p>ထို့အပြင် သူဟာ အလွန်ပင် လျင်မြန်စွာ ရွေ့လျားနေပြီး တစ်ချက်ပြီးတစ်ချက်က ဆက်တိုက်ဆိုသလို ရောက်ရှိလာသည်။ သူ၏ တိုက်ကွက်များက တဖြည်းဖြည်း ထပ်သွားလေပြီး အာကာသပြင် တစ်ခုလုံး အနှံ့ ပြည့်သွားသည်။</p> <p>​သူဟာ ကျင့်ကြံထားသော အကန့်အသတ်မဲ့ စွမ်းအားသည် သူ့ကို အဆုံးစမဲ့သော စွမ်းအားများ ပေးသည်။ အကန့်အသတ်မဲ့နေသည်ဟုပင် ထင်ရ၏။ ထို့ကြောင့် ဂျင်ချန်သည် အလွန်ပင် တိုတောင်းသော ကာလအတွင်းတွင် အချက် ရာကျော်ကိုပင် ထုတ်နိုင်လေပြီး အချက် ရာကျော်တိုင်းက အင်အားအပြည့် ဖြစ်နေလေသည်။ အင်အား ကုန်ခမ်းသည့် လက္ခဏာပင် မမြင်ရပေ။</p> <p>​ထာဝရ ရှင်သန်ခြင်း ဧကရာဇ် လီရှန်းဟာ အလွန်ပင် အင်အားကြီးမားကြောင်း ဝန်ခံရပေမည်။ သူ၏ စွမ်းအားတစ်ခုတည်းကတင် အလွန်ပင် သန့်စင်သော အတိုင်းအတာအထိ သိပ်သည်းခံထားရသည်။ ထို့ကြောင့် ကောင်းကင်လွှာ အဆင့် ကိုးထာဝရ ရှင်သန်ခြင်း ဧကရာဇ်များက ချဉ်းကပ်ရုံ မယှဉ်နိုင်သော အနေအထားမျိုး ဖြစ်သည်။ သူဟာ သူ၏ ထို ဒိုင်းကိုသာ မှီခိုပြီး ဂျင်ချန်၏ တိုက်ကွက်များ အားလုံးကို တောင့်ခံနိုင်နေလေသည်။</p> <p>ဂျင်ချန်၏ အကန့်အသတ်မဲ့ စွမ်းအားက ဓားနိယာမဖြင့် ပေါင်းစပ်ထားသည့်တိုင်အောင် ထာဝရ ရှင်သန်ခြင်း ဧကရာဇ် လီရှန်း၏ အကာအကွယ် စွမ်းအင်လွှာကို ထိုးဖောက်နိုင်ရန် ရုန်းကန်နေရသည်။</p> <p> </p> <p> </p> <p style="text-align: center;">အပိုင်း ၃၅၉၈ ပြီး၏။</p> <p style="text-align: center;">***</p>


Save