BIT

Title

Show in VIP/Series

Status (Active / Inactive)

<h2 style="text-align: center;">အပိုင်း ၃၅၉၉</h2>

မည်သို့ပင်ဆိုစေ သူတို့၏ ကျင့်ကြံခြင်း အဆင့်ချင်း ကွာဟချက်က ရှိနေသေးသည်။ သို့ရာတွင် ထာဝရ ရှင်သန်ခြင်း ဧကရာဇ် လီရှန်းကလည်း အခြေအနေ မကောင်းပါချေ။ သူ၏ မျက်နှာက ပျက်ယွင်းသထက် ပျက်ယွင်းလာပြီး သုန်မှုန်သထက် သုန်မှုန်လာသည်။ အဆုံးသတ်နားတွင်မူ သူ၏ မျက်လုံးက ပြင်းထန်လွန်းသဖြင့် တစ်ဖက်သို့ စိုက်ကြည့်ကာ တောက်ပလာကာ မုန်းတီးမှုများလည်း စွန်းထင်းလာသည်။

သူဟာ ကောင်းကင်ဘုံ ဒိုင်းနတ်စွမ်းအားကို အသုံးပြု၍ ဂျင်ချန်၏ တိုက်ကွက်များကို တားထားသည်။ သို့သော် တိုက်ကွက်က ပြင်းလေလေ လက်ခံရရှိသည့် စွမ်းအားကလည်း ပြင်းလေလေဖြစ်ပြီး အင်အားကုန်လာလေလေ ဖြစ်၏။

ယခုအခါ ဂျင်ချန်၏ တိုက်ကွက် အသီးသီးအောက်တွင် ထာဝရ ရှင်သန်ခြင်း ဧကရာဇ် လီရှန်းက မျှော်လင့်ထားသည်ထက် စွမ်းအား အများကြီး ပိုသုံးနေရသည်။ ထို့ကြောင့် သူလိုချင်သော ရလဒ်၏ ဆန့်ကျင်ဘက် ဖြစ်လာသည်။ နဂိုမူလကမူ သူသည် ဒီစက္ကန့် ၃၀ ခန့်အပြီးတွင် ဂျင်ချန်ကို လက်ခုပ်တီးနိုင်လိမ့်မည်ဟု ထင်ထားသည်။

ထို့နောက် သူသည် ကျန်သောစွမ်းအားများဖြင့် ကုစားရန် အချိန် ပိုရပေလိမ့်မည်။ သို့ရာတွင် သူ၏ ကိုယ်ပိုင် ခန့်မှန်းချက် မှားယွင်းမှုကြောင့် စွမ်းအားကုန်ဆုံးနှုန်းက ပိုများသွားမည်ဟု မထင်ထားမိပေ။ ထို့ကြောင့် သူဟာ အလွန်တုန်လှုပ်လာကာ မျက်နှာက ဖြူဖျော့လာသည်။

ထာဝရ ရှင်သန်ခြင်း ဧကရာဇ် လီရှန်းက နတ်ဘုရားဆေးလုံးများကို သုန်မှုန်နေသော မျက်နှာဖြင့် မျိုချလိုက်သည်။ သူဟာ တိုက်ကွက်များကို ဆက်လက်ပြီး တောင့်ခံနေရင်း အကာအကွယ် စွမ်းအင်နှင့် နတ်ဘုရား စစ်လက်နက်ကို သုံးကာ ဂျင်ချန်၏ တိုက်ကွက်များကို တားနိုင်ရန် မျှော်လင့်နေခဲ့သေးသည်။ သိပ်မကြာခင်မှာပင် စက္ကန့် ၃၀ က ပြည့်သွားသည်။

"ချင်းရန်... နောက်ပိုင်းဖြစ်မယ့် ကိစ္စအတွက် မင်း ငါ့ကို အပြစ်မတင်တာ ကောင်းလိမ့်မယ်"

အချိန်က ပြည့်သွားသည်နှင့် ထာဝရ ရှင်သန်ခြင်း ဧကရာဇ် လီရှန်းကလည်း ထပေါက်ရန် တားဆီးနေသည်မှာ ကြာပြီဖြစ်သော မီးတောင်တစ်ခုကဲ့သို့ တုံ့ပြန်လေသည်။ သူဟာ ဒေါသတကြီး အော်ဟစ်လိုက်ကာ နတ်ဘုရား အဆင့်မြင့် နတ်ဘုရားစစ်လက်နက် တူကြီးကို အသုံးပြုလိုက်ပြီး လျှပ်စစ်ကဲ့သို့သော မျက်စိကျိန်းလောက်သည့် အရှိန်နှုန်းဖြင့် ထုချလိုက်သည်။

ထို စစ်တူက လေထုကို ထိုးဖောက်ကာ ကြေမွသွားသည်အထိ ဖျက်ဆီးပြီးနောက် မျက်စိကျိန်းမတတ်  တောက်ပသော အလင်းတန်းများနှင့်အတူ ရှေ့သို့ တိုးဝင်လာသည်။ ကြောက်ဖွယ်ကောင်းသော ဖိအားက ပတ်ဝန်းကျင်တစ်ခုလုံးတွင် ပျံ့နှံ့သည်။ ကောင်းကင်လွှာ အဆင့် ကိုး ထာဝရ ရှင်သန်ခြင်း ဧကရာဇ်များ၏ မျက်နှာကိုပင် ဖြူဖျော့စေလောက်သည့် အရှိန်အဝါမျိုးကို လွှတ်ထုတ်ထားသည်။

ထာဝရ ရှင်သန်ခြင်း ဧကရာဇ် လီရှန်းက သာမန်တိုက်ကွက်များကို ထုတ်သုံးလာခြင်း မဟုတ်ပေ။ ထိုအစား သူသည် နတ်ဘုရားအဆင့် ထာဝရ ရှင်သန်ခြင်းသိုင်းကို ထုတ်သုံး၍ ကြောက်မက်ဖွယ်ကောင်းသော စွမ်းအားကိုပါ အသုံးပြုလာသည်။

ဂျင်ချန်က မတုန်လှုပ်သွားပေ။ သူဟာ မထိတ်လန့်သွားခဲ့ပေ။ သို့ရာတွင် သူ၏ မျက်လုံးကလည်း စူးရှသွားသည်။ ထို့နောက် တစ်ခဏချင်းတွင် သူ၏ ပြိုင်ဘက်ကင်း စိတ်ဆန္ဒကို အသုံးပြု၍ မမြင်ရသော ဓားတစ်ခုအဖြစ် ပြောင်းကာ နတ်ဘုရားအဆင့်သိုင်းနှင့် ဆက်နွယ်မှုကို ဖြတ်တောက်ပေးလိုက်သည်။

ချက်ချင်းဆိုသလိုပင် ကြောက်မက်ဖွယ်ကောင်းသော အရှိန်အဟုန်က လုံးဝပျောက်သွားသည်။ နတ်ဘုရားအဆင့် ထာဝရ ရှင်သန်ခြင်းသိုင်းကလည်း အလဟဿဖြစ်သွားပြီး သာမန်တိုက်ကွက်အဖြစ်သာ ပြောင်းလဲသည်။

"ဘာဖြစ်သွားတာလဲ"

ထာဝရ ရှင်သန်ခြင်း ဧကရာဇ် လီရှန်းက ကြောင်အသွားသည်။ သူ၏ မျက်နှာက မြုံစိစိနိုင်မှုများ ပြည့်နှက်လာသည်။ သူသည်လည်း သူ၏ နတ်ဘုရားအဆင့် ထာဝရ ရှင်သန်ခြင်းသိုင်းကို အသုံးပြုလိုက်သည်မှာ ရှင်းနေသည်။ ထို့အပြင် အောင်မြင်စွာလည်း ထုတ်သုံးနိုင်ခဲ့၏။

သို့သော် အဆုံးသတ်တွင် ထူးဆန်းသော အကြောင်းအရင်းမျိုးကြောင့် ကျရှုံးသွားရသည်။ ဒါက သူ မကြားဖူးသော အနေအထားမျိုး ဖြစ်သည်။ ထာဝရ ရှင်သန်ခြင်း ဧကရာဇ် လီရှန်းက မှင်သက်နေစဉ်တွင် ဂျင်ချန်က တုံ့ဆိုင်းမနေခဲ့ခြင်း။ သူဟာ တစ်ချက် လှုပ်ရှားလိုက်ရုံနှင့် ထာဝရ ရှင်သန်ခြင်း ဧကရာဇ် လီရှန်းက ထုတ်သုံးလိုက်သည့် ရိုက်ချက်ကို ရှောင်လိုက်ပြီး အဝေးမှနေ၍ လှမ်း၍ ခုတ်ချလေသည်။

သူဟာ ခုတ်လိုက်သည့် အချိန်တွင် ဓားနှင့် လက်မောင်းတို့၏ သေးငယ်သော အပိုင်းက ရုတ်တရက် ပျောက်သွားသည်။ သူဟာ အရိပ်မဲ့ အသက်ယူ တိုက်ကွက်ကို အသုံးပြုလိုက်ပြီး ထာဝရ ရှင်သန်ခြင်း ဧကရာဇ် လီရှန်း၏ ခုခံမှုအားလုံးကို လစ်လျူရှုကာ ခန္ဓာကိုယ်ထဲသို့ တိုက်ရိုက် ဝင်ရောက်လာသည်။

ထာဝရ ရှင်သန်ခြင်း ဧကရာဇ် လီရှန်း၏ အမူအရာက ချက်ချင်း ပြောင်းလဲသည်။ သူ၏ ခန္ဓာကိုယ် အတွင်းတွင် အင်အားကြီးမားသော ဓားစွမ်းအင်က ရုတ်တရက် ပေါ်လာတာ ခံစားမိတာဖြစ်သည်။ ထိုဓားကြီး အရှေ့တွင် ကိုယ်တွင်းအင်္ဂါများက ချောက်တီးလောက်အောင် အားနည်းလွန်းနေသည်။ ထိုသို့ဖြင့် ခပ်အေးအေး ဆုတ်ဖြဲခံရသည်။

ထာဝရ ရှင်သန်ခြင်း ဧကရာဇ် လီရှန်းက ပါးစပ်ဟ၍ သွေးမြူတစ်လုတ်ကို အန်ထုတ်လိုက်ရလေသည်။ သူ၏ မျက်နှာကလည်း စက္ကူဖြူတစ်ရွက်လို ဖြူစုတ်ကာ နွမ်းလျသွားလေသည်။ သူဟာ အလွန်ပင် အားနည်းသွား၏။ ယခင်တိုက်ပွဲများမှ တစ်ဆင့် သူဟာ ဒဏ်ရာရရှိထားပြီးသား ဖြစ်သည်။ အပြည့်အဝလည်း မသက်သာသေးပေ။

ယခုအခါ သူသည် အရိပ်မဲ့ အသက်ယူ ရိုက်ချက်ထံမှ ပြင်းထန်သော ထိုးနှက်ချက်ကို ခံစားလိုက်ရလေရာ ဒဏ်ရာက ပို၍ ဆိုးသွားသည်။

ထိုအချက်အပြင် သူ ရရှိထားသော ဒဏ်ရာများက ယခင်အကြိမ် အရေအတွက် နှစ်ခုထက်ပင် ပိုဆိုးနေသည်။ ယခင်က တိုက်ပွဲများအတောအတွင်းတွင် ထိုဒဏ်ရာများ အားလုံးကလည်း သူ၏ အကာအကွယ် စွမ်းအင် နတ်ဘုရား စစ်လက်နက်တို့ကြောင့် အားနည်းသွားပြီးသား ဖြစ်သည်။ ထို့ကြောင့် ထို တိုက်ကွက်များက သူ့ကို အမှန်တကယ် မထိခိုက်စေခဲ့ပေ။

သို့ရာတွင် ယခုတစ်ကြိမ်တွင်မူ သူ၏ ခုခံမှုများ အားလုံးကလည်း အသုံးမကျဖြစ်သွားရပြီး ခန္ဓာကိုယ်ထဲတွင် ပေါ်လာသည့် အလျားက သူ့ကို တိုက်ရိုက် ထိသည်။

ထာဝရ ရှင်သန်ခြင်း ဧကရာဇ် လီရှန်းကို ပို၍ တုန်လှုပ်စေသည်မှာ အလွန် ထက်ရှသော ဓားစိတ်ဆန္ဒ ဖြစ်သည်။ ထိုဓားစိတ်ဆန္ဒက ခန္ဓာကိုယ်ထဲတွင် ဝေ့ဝဲနေပြီး သူ၏ ခန္ဓာကိုယ်ကို အတွင်းပိုင်းမှနေ၍ တဖြည်းဖြည်း ဖျက်ဆီးနေခဲ့သည်။ သူ၏ ဝိညာဉ်ဆီသို့ တိုက်ရိုက် သွားမိသည့် လက္ခဏာကို ပြသနေ၏။

ထို အခြေအနေက ထာဝရ ရှင်သန်ခြင်း ဧကရာဇ် လီရှန်းကို အသိစိတ် လွတ်မတတ်ဖြစ်စေအောင် ကြောက်လန့်သွားစေသည်။ သူဟာ စွမ်းအားများ အားလုံးကို သုံးကာ ထိုဓားကြီးကို တားရသည်။

ထို အခြေအနေအပြင် နောက်ထပ် ပေါက်ကွဲသံက ထွက်ပေါ်လာလေသည်။ ထာဝရ ရှင်သန်ခြင်း ဧကရာဇ် လီရှန်းက ဓားကြီးကို ဖိညှစ်ရန် အလုပ်များနေခဲ့ချိန်တွင် ဂျင်ချန်က သူ၏ ရင်ဘတ်ကို ဓားဖြင့် ခုတ်ချလိုက်သည်။

ထိုတိုက်ကွက်က ထာဝရ ရှင်သန်ခြင်း ဧကရာဇ် လီရှန်း၏ ကောင်းကင်ဘုံ ဒိုင်းနတ်စွမ်းအားကို ခပ်အေးအေး ထိုးဖောက်သွားနိုင်ပြီး အတွင်းမှာ နတ်ဘုရားစစ်လက်နက်ပေါ်သို့ တိုက်ရိုက်ကျကာ အလွန်နက်သော အမှတ်အသားကြီးကို ချန်ရစ်နေစေသည်။ ပြင်းထန်သော အားကလည်း သူ့ကို လွင့်ထွက်သွားစေ၏။

သို့ရာတွင် သူဟာ မြေပြင်တွင် တည်ငြိမ်အောင် မရပ်တည်နိုင်ခဲ့ပေ။ ဂျင်ချန်က သူ၏ အနောက်ဘက်တွင် ပေါ်လာကာ နောက်ထပ် တစ်ကြိမ် ထပ်ကာ ခုတ်ပိုင်းလိုက်ခြင်းအားဖြင့် ထာဝရ ရှင်သန်ခြင်း ဧကရာဇ် လီရှန်းကိုလည်း ပြင်းထန်သော အားအောက်တွင် ထပ်ပြီး လွင့်ထွက်သွားစေပြန်သည်။

အရိပ်မဲ့ အသက်ယူ ရိုက်ချက်ကြောင့် ဒဏ်ရာ ပြင်းထန်စွာ ရရှိထားပြီးသား ထာဝရ ရှင်သန်ခြင်း ဧကရာဇ် လီရှန်းဟာ အင်အားများ အားလုံး ဆုံးရှုံးသွားပြီ ဖြစ်သည်။ သူဟာ ဂျင်ချန်၏ တိုက်ကွက်အောက်တွင် အနည်းငယ် အကာအကွယ်မဲ့လာပြီးနောက် ဆက်တိုက်ဆိုသလို ခုခံရန် တွန်းအားပေးခံရသည်။

ဂျင်ချန်ဟာ တတိယမြောက် တိုက်ကွက်ကို ထုတ်သုံးလိုက်ချိန်တွင် အလယ်အလတ် အရည်အသွေးရှိ နတ်ဘုရားအဆင့် လက်နက်က ကွဲကြေသွားပြီး ပတ်ဝန်းကျင် အနှံ့ ရွက်ကြွေများ အလား လွင့်စင်ကုန်သည်။ ဓား၏ ထက်ရှသော ထိပ်က သူ့ကို တိုက်ရိုက် ထိုးဖောက်လာသည်။ ဂျင်ချန်၏ ဓားထိပ်က သူ၏ကိုယ်ထဲသို့ တိုက်ရိုက် ထိုးဖောက်သွားသည်။

ထို့နောက် တစ်စက္ကန့်တွင် ဓားမှ အကန့်အသတ်မဲ့ စွမ်းအားက ရေကြီးသကဲ့သို့ ရေကာတာ ပေါက်သွားသော ရေများကဲ့သို့ တဟုန်ထိုး စီးကာ ဝင်ရောက်လာသည်။ ထာဝရ ရှင်သန်ခြင်း ဧကရာဇ် လီရှန်း၏ ကိုယ်ထဲသို့ ရောက်သည်နှင့် ပေါက်ကွဲသွားပြီး သူ၏ နဂိုထိခိုက်ထားပြီးသား နေရာကို ပို၍ တိုက်ဖျက်စေသွားစေသည်။ သူဟာ သွေးမြူ တစ်စိုင်များအဖြစ် ပြောင်းလဲမတတ်ဘဲ ပေါက်ကွဲကုန်၏။ ထာဝရ ရှင်သန်ခြင်း ဧကရာဇ် လီရှန်း၏ ခန္ဓာကိုယ်က ဖျက်ဆီးခံရပြီး ခုခံကာ ဝိညာဉ်သာ ကျန်သည်။ ထိုအချိန်တွင် ထာဝရ ရှင်သန်ခြင်း ဧကရာဇ် လီရှန်းဟာ လေထဲတွင် စိတ်ရှုပ်ထွေးကာ နားမလည်နိုင်ပုံနှင့် ဝဲပျံ နေရှာသည်။

"ငါ ရှုံးသွားတယ်... ငါ ရှုံးသွားတာလား။ မဖြစ်နိုင်ဘူး... မဖြစ်နိုင်ဘူး။ ဘယ်လိုကြောင့် အရှိန်အဝါ ကြီးမားတဲ့ ကောင်းကင်လွှာ အဆင့် ကိုး ထာဝရ ရှင်သန်ခြင်း ဧကရာဇ်က ထာဝရ ရှင်သန်ခြင်း အဆင့် ခြောက် လောက်ကို ရှုံးရမှာလဲ။ ငါ ဘယ်လိုကြောင့် ရှုံးသွားတာလဲ။ ငါ့အနေနဲ့ ရှုံးဖို့မှ မဖြစ်နိုင်တာ။ ရှင်းလင်းနေတာပဲ...။ ဒါက လုံးဝ သေချာပေါက် နိုင်မှာ သေချာနေတာကို။ အဲဒီ စက္ကန့် ၃၀ ပြီးတဲ့နောက်မှာ ငါကသာ ခပ်အေးအေး နိုင်သွားသင့်တာ"

ထာဝရ ရှင်သန်ခြင်း ဧကရာဇ် လီရှန်းက အလိုအလျောက် ရေရွတ်နေသည်။ သူ၏ မျက်လုံးကလည်း ဟောင်းလောင်းပေါက် ဖြစ်နေပြီး သူဟာ ဒီဖြစ်ရပ်မှန်ကို လက်ခံရန် ငြင်းဆန်နေ၏။

"ငါ့ကို လျှော့ပေးတာ ကျေးဇူးတင်ပါတယ် ထာဝရ ရှင်သန်ခြင်း ဧကရာဇ် လီရှန်း"

ဂျင်ချန်က ထာဝရ ရှင်သန်ခြင်း ဧကရာဇ် လီရှန်း၏ ဝိညာဉ်ကို ကြည့်ကာ ရိုးသားစွာ ကျေးဇူးတင်နေသည်။ ထို့နောက် တစ်ခဏချင်းတွင် ရိုသေလေးစား လိုက်နာခြင်း ကောင်းကင်ဘုံမြို့၏ စွမ်းအားက ဆင်းသက်လာကာ ဂျင်ချန်နှင့် ထာဝရ ရှင်သန်ခြင်း ဧကရာဇ် လီရှန်းတို့ကို အပြင်ဘက်သို့ ပို့ဆောင်ပေးလိုက်လေသည်။ ပတ်ဝန်းကျင်မှ မြင်ကွင်းများက ပြောင်းလဲသွားပြီးနောက် ဂျင်ချန်ဟာ စင်မြင့်၏ အပြင်ဘက်သို့ ရောက်သွားပြန်သည်။

ထိုအခါ အခြားသော သူများ၏ တိုက်ပွဲကို ကြည့်နိုင်ပြီ ဖြစ်သည်။ အချို့သော တိုက်ပွဲများက စပင် မစရသေးပေ။ ထိုအချိန်တွင် ထာဝရ ရှင်သန်ခြင်း ဧကရာဇ် လီရှန်းကမူ ဖယ်ထုတ်ခံရပြီးလေပြီ။ ဂျင်ချန်က လေထဲတွင် ထိုင်ရင်း အခြားသော သူများ၏ တိုက်ပွဲကို ခပ်အေးအေး ကြည့်သည်။ သူဟာ သူတို့၏ တိုက်ခိုက်ပုံ နည်းလမ်းကို နားလည်ထားပြီးသား ဖြစ်သည်။ ယခုအခါ သူတို့၏ ဝှက်ဖဲကို ကြည့်ရမည့် အလှည့်ဖြစ်သည်။

သုံးရက်ခန့် ကြာပြီးနောက် တစ်စုံတစ်ယောက်က ကွင်း၏ အပြင်ဘက်သို့ ရောက်လာသည်။ ထိုလူဟာ ဂျင်ချန်၏ နားသို့ ရောက်လာ၏။ ထိုလူဟာ အဖြူရောင် ဝတ်စုံကို ဝတ်ထားသော လူငယ်တစ်ယောက် ဖြစ်သည်။ သို့သော် အဖြူရောင် ဝတ်စုံက သွေးများဖြင့် စိုရွှဲနေသည်။ သူ၏ ကိုယ်တွင်လည်း ဒဏ်ရာများ ရှိပြီး အရှိန်အဝါကလည်း အားနည်း၏။ သူဟာ အလွန်ပင် အားနည်းသော အနေအထားမျိုးတွေ ဖြစ်သည်။

သူသည် ရဲ့ မိသားစုမှ ရဲ့ချင်းယွန် ဖြစ်သည်။ သူဟာ ပေါ်လာသည်နှင့် ဝေဝါးသော အလင်းတန်းများဖြင့် လွှတ်ထုတ်နေသော ကောင်းကင်ဘုံ ရတနာများကို ထုတ်ကာ ဝါးမြိုလိုက်ပြီး ကုစားသည့် အနေအထားထဲသို့ ဝင်ရောက်သွားသည်။

သို့သော် သိပ်မကြာခင်မှာပင် တစ်စုံတစ်ယောက်ကို အာရုံခံမိခဲ့သကဲ့သို့ မျက်လုံးကို ဆတ်ခနဲ ဖွင့်ကာ ဂျင်ချန်ကို အံ့သြတကြီး ကြည့်သည်။ သူထက် အရင် ပေါ်ထွက်လာသောသူက တစ်ဖက်သူ ဖြစ်နေမည်ဟု မထင်ထားမိပေ။

သို့ရာတွင် ထိုနေရာတွင် ရပ်နေသောသူက ဂျင်ချန် ဖြစ်ကြောင်း သိကာ ပို၍ပင် မှင်သက်သွားရသည်။ ထိုအခိုက်အတန့်တွင် သူဟာ အသက်ရှူနှုန်းပင် ရပ်ချင်မိသွားသည်။

"ဘာလို့ မင်းလဲ။ ထာဝရ ရှင်သန်ခြင်း ဧကရာဇ် လီရှန်းက ဘယ်ရောက်သွားတာလဲ"

ရဲ့ချင်းယွန်က အလိုအလျောက် မေးလိုက်မိသေးသည်။ အမှန်စင်စစ်အားဖြင့် သူဟာ စကား အများကြီး မပြောချင်ပါချေ။ သို့သော် သံသယကို မဖုံးကွယ်နိုင်ခဲ့၍ ဖြစ်သည်။

"သူလား... သူက ရှုံးသွားပြီ။ ဒီမှာ မရှိတော့ဘူး"

ဂျင်ချန်က ခပ်အေးအေး ပြောသည်။ သူဟာ ရဲ့ချင်းယွန်၏ တိုက်ပွဲကိုလည်း မြင်ထားသည်။ ရဲ့ချင်းယွန်ဟာ သူ့ထက် ၃ ရက်ဆိုသည့် ကာလအတွင်းတွင် တိုက်ပွဲကို အဆုံးသတ်နိုင်ခဲ့သော်လည်း သူ၏ ကျန်းမာရေးကိုပင် ထိခိုက်စေလောက်သည့် ရှေးဟောင်း လျှို့ဝှက်သိုင်း တစ်မျိုးကို အသုံးပြုခဲ့၍ ဖြစ်သည်။ ဒါဟာ ပြိုင်ဘက်ကိုလည်း အများကြီး ဆိုးရွားစွာ ထိခိုက်စေခဲ့ပြီး ဝိညာဉ်အဖြစ် ပြောင်းလဲသွားစေခဲ့သည်။

ရိုသေလေးစား လိုက်နာခြင်း ကောင်းကင်ဘုံမြို့ကသာ အရေးကြီးသော အခိုက်အတန့်တွင် ကာကွယ်ပေးခဲ့ခြင်း မဟုတ်လျှင် ရဲ့ချင်း၏ ပြိုင်ဘက်က သေသွားလောက်လေပြီ။ သို့သော် ထိုအချိန်တွင် ရဲ့ချင်းယွန်၏ နဖူးနားတွင် ဆံဖြူအမွေး အနည်းငယ်ကိုပဲ မြင်နေရသည်။ သူဟာ လူကြီးနှင့်ပင် တူလာသည်။

"ထာဝရ ရှင်သန်ခြင်း ဧကရာဇ် လီရှန်းက ရှုံးသွားတာ ဟုတ်လား"

ရဲ့ချင်းယွန်က ထိုအဖြစ်ကို တအံ့တဩ အော်ထုတ် ပြောလိုက်မိသည်။ ထိုသို့ဖြင့် သူဟာ ဂျင်ချန်ကိုသာ တစ်ချက်ကြည့် မျက်လုံး ပြန်မှိတ်ကာ ကုစားနေလိုက်သည်။ ထို့နောက် လဝက်ခန့် ထပ်မံ ကုန်ဆုံးသွားသည်။ နောက်ထပ် ထာဝရ ရှင်သန်ခြင်း ဧကရာဇ် တစ်ယောက်ကလည်း ဒဏ်ရာ ဗရပွနှင့် ပေါ်လာသည်။ သူဟာ အမတ ငှက်မွေး ဂိုဏ်းမှ ရှားမင်ထျန်း ဖြစ်သည်။ ရဲ့ချင်းယွန်နှင့် ယှဉ်သော် သူဟာ အခြေအနေ ပိုကောင်းသေးသည်။ သူ့တွင် ဒဏ်ရာ အများကြီး ရှိနေသည့်တိုင် မည်သည့် ဒဏ်ရာကမှ အမှန်တကယ် မထိခိုက်စေနိုင်ပေ။

ရှားမင်ထျန်းက ပေါ်လာသည်နှင့် အံ့အားသင့်သွားသည်။ သူက ဂျင်ချန်ကို မှင်သက်စွာ ကြည့်၏။ ထို့နောက် အခြားသော သူများကလည်း တိုက်ပွဲများ အဆုံးသတ်ပြီး ထွက်လာကြလေသည်။ ထာဝရ ရှင်သန်ခြင်း ဧကရာဇ်များ များပြားလာသည်နှင့်အမျှ ဂျင်ချန်ကို အံ့ဩစွာ ကြည့်ကြသည်။

"ထာဝရ ရှင်သန်ခြင်း ဧကရာဇ် လီရှန်း ဘယ်ရောက်သွားတာလဲ၊ ဘာလို့ မရှိတာလဲ"

အဆုံးသတ်တွင် တာအိုဆရာသခင် ရှန်းချင်က အောင်မြင်မှု အပြည့်နှင့် ဝင်ရောက်လာသည်။ ဝတ်စုံကပင် နွမ်းလျနေ၏။ သူ၏ ဆိုးရွားသော ဒဏ်ရာများက သွေးများဖြင့် စေးကပ်နေသေးသည်။

သို့ရာတွင် သူက ဒဏ်ရာကို လစ်လျူရှုထားသည်။ သူ၏ အိုမင်းသော မျက်ဝန်းက အနည်းငယ်ပဲ ဗလာဖြစ်နေပြီး ဂျင်ချန်ကို မှင်သက်စွာ စိုက်ကြည့်သည်။ အဆုံးသတ်တွင် သူကိုယ်တိုင်ကပင် မြင်ရသော အရာကို ယုံကြည်ရန် ရုန်းကန်နေရသည်။ သူဟာ မျက်လုံးကို အင်အားသုံးပြီး ပွတ်လိုက်သည်။ ထို့နောက် ပြန်ကြည့်သည်။

"ထာဝရ ရှင်သန်ခြင်း ဧကရာဇ် လီရှန်းက အဖယ်ထုတ်ခံလိုက်ရတယ်။ ဒါက အံ့ဩစရာပဲ"

တာအိုဆရာသခင် ရှန်းချင်ကပင် အချိန်အတော်ကြာမှ သက်ပြင်းချနိုင်လေသည်။

တတိယအလှည့် ပြီးသွားသော အခါ ၂၂ ယောက်သာလျှင် ကျန်သည်။ ဒီလေးပွဲမြောက်က ခုနစ်ရက်ခန့် နေမှသာ စတင်မည် ဖြစ်သည်။ ဂျင်ချန်က လွဲပြီး အားလုံးကလည်း ထိုခုနစ်ရက်ဆိုသည့် အချိန်ကာလကို ယူပြီး ကုစားရမည် ဖြစ်သည်။

သိပ်မကြာခင်မှာပင် ခုနစ်ရက်က ကုန်သွားလေသည်။ ကျန်သော ၂၂ ယောက်ကလည်း နောက်ထပ် ပြိုင်ဘက်များအတွက် မဲနှိုက်ရသည်။ ဒီတစ်လှည့်တွင် ဂျင်ချန်၏ ပြိုင်ဘက်က တာအိုဆရာသခင် ရှန်းချင် ဖြစ်သည်။

ပတ်ဝန်းကျင်မှ နယ်မြေက ပြောင်းလဲသွားပြီးနောက် ဂျင်ချန်နှင့် တာအိုဆရာသခင် ရှန်းချင်တို့က တိုက်ပွဲနယ်မြေ အတွင်းသို့ အတူတကွ ရောက်ရှိသွားလေသည်။

အပိုင်း ၃၅၉၉ ပြီး၏။

***

Book List