Book List

<h2 style="text-align:center">​အပိုင်း ၃၆၀၀</h2> <h2 style="text-align:center">*</h2> <p> </p> <p> </p> <p>​လေပြင်းက ရှေးဟောင်း တိုက်ပွဲမြေပြင်ကို ဖြတ်တိုက်သွားသည့် အချိန်တွင် ဂျင်ချန်နှင့် တာအိုဆရာသခင် ရှန်းချင်တို့က လေထဲတွင် မီတာတစ်ထောင်ခန့် အမြင့်၌ ရပ်နေကြပြီး တစ်ယောက်နှင့်တစ်ယောက် အကွာအဝေးတစ်ခုခြားကာ ကြည့်နေကြသည်။ သို့ရာတွင် ထာဝရ ရှင်သန်ခြင်း ဧကရာဇ်များအတွက် ထို ကီလိုမီတာ အနည်းငယ်လောက်က အကွာအဝေးဟု ပြော၍ မရနိုင်ချေ၊ လက်မအနည်းငယ်နှင့်ပင် မခြားနားပါချေ။</p> <p>​ထိုအချိန်တွင် ဂျင်ချန်က အထူးတလည် အခြေအနေမျိုးတွင် ရှိနေသည်။ သူဟာ ခြေရာပင် မထင်ထားသလို အသက်စွမ်းအားလည်း အပြည့်ရှိသလို ပြင်းထန်သော စွမ်းအားများကိုလည်း ပိုင်ဆိုင်ထားသည်။</p> <p>အခြားတစ်ဖက်တွင် တာအိုဆရာသခင် ရှန်းချင်မှာ အနည်းငယ် ဆိုးရွားသော အခြေအနေမျိုးတွင် ရှိနေသည်။ သူဟာ တာအိုဝတ်ရုံ အသစ်တစ်စုံ လဲထားသည့်တိုင် အသေးစိတ် ရရှိထားသည့် ဒဏ်ရာများကြောင့် စွမ်းအားအများကြီး ကုန်ဆုံးနေခဲ့လေရာ ကျန်သော အင်အားများကလည်း နဂိုအခြေအနေ၏ ၇၀ မှ ၈၀ ရာခိုင်နှုန်းခန့်သာ ရှိတော့သည်။</p> <p>​တာအိုဆရာသခင် ရှန်းချင်က ဂျင်ချန်ကို ရှုပ်ထွေးသော မျက်လုံးများဖြင့် စိုက်ကြည့်ပြီး သက်ပြင်းချလိုက်သည်။</p> <p>"ညီနောင် ချင်းရန်... ငါ ဒီရက်တွေအတောအတွင်းမှာ ပဟေဠိ ဖြစ်နေတာ ရှိတယ်။ ထာဝရ ရှင်သန်ခြင်း ဧကရာဇ် လီရှန်းက မင်းကို ဘယ်လို ရှုံးသွားတာလဲ။"</p> <p>ထိုက်ကြီး ကောင်းကင်ဘုံမှာ သူ လာခဲ့သည့် ဂိုဏ်းက ထာဝရ ရှင်သန်ခြင်း ဧကရာဇ် လီရှန်း၏ ဂိုဏ်းနှင့် ပဋိပက္ခ ဖြစ်ခဲ့တာ နှစ်သန်းကျော်ပြီဖြစ်သည်။ ထာဝရ ရှင်သန်ခြင်း ဧကရာဇ် လီရှန်းက သူ့၏ ပြိုင်ဘက် ဖြစ်ခဲ့တာ နှစ်ပေါင်းများစွာ ကြာပြီဟု ပြောရမည်ဖြစ်သည်။ ဒါကြောင့် သူ၏အင်အားကို ကောင်းကောင်း နားလည်သည်။</p> <p>"သူ့ရဲ့ အင်အားက ငါနဲ့ ယှဉ်ရင် ငါတို့ တိုက်ခိုက်မယ်ဆိုရင် ငါတို့ထဲက တစ်ယောက် အမှန်တကယ် သေတဲ့အထိ တိုက်ခိုက်မယ်ဆိုပြီး မရုန်းကန်သမျှ ရလဒ်ထွက်ဖို့ ခက်လိမ့်မယ်။ နောက်ပြီး တကယ့် အဆုံးသတ် ရလဒ်ကလည်း နှစ်ယောက်လုံး အင်အား ကုန်ဆုံးတာမျိုးပဲ ဖြစ်နေဦးမှာ။ ဒါပေမဲ့ ထာဝရ ရှင်သန်ခြင်း ဧကရာဇ် လီရှန်းက မင်းဆီမှာ ရှုံးသွားတာက ငါ့ကို ပဟေဠိ ဖြစ်စေတာပဲ။"</p> <p>​ဂျင်ချန်က ပြုံးပြီး ဖြေသည်။</p> <p>"တာအိုဆရာသခင် ရှန်းချင်... အခု ငါနဲ့ တိုက်ပွဲက ရှောင်လို့မရဘူးနော်။ ထာဝရ ရှင်သန်ခြင်း ဧကရာဇ် လီရှန်းက ငါ့ဆီမှာ ဘယ်လို ရှုံးသွားသလဲ ဆိုတာ သိပ်မကြာခင် သိရမှာပဲ မဟုတ်ဘူးလား။"</p> <p>တာအိုဆရာသခင် ရှန်းချင်ကလည်း ခေါင်းကို ဖြည်းဖြည်းချင်း ညိတ်သည်။</p> <p>"အမှန်ပဲ၊ ဒါပေမဲ့ လီရှန်းကို နမူနာရှိနေတော့ ငါမင်းကိုလည်း လေးစားရတဲ့ ပြိုင်ဘက်တစ်ယောက် အနေနဲ့ ဆက်ဆံရလိမ့်မယ်။ မင်းက ကောင်းကင်လွှာ အဆင့်ခြောက် ဆိုတဲ့ ကိစ္စကို ငါထည့်တွက်တော့မှာ မဟုတ်ဘူး။ ရလဒ်အနေနဲ့ ငါ့ရဲ့ အင်အားအပြည့် တိုက်ကွက်ကိုပဲ အစကတည်းက သုံးရလိမ့်မယ်။"</p> <p>​သူက ထိုသို့ ပြောပြီးသည်နှင့် ကြောက်စရာကောင်းသော ဖိအားက သူ၏ ခန္ဓာကိုယ်မှ ဖြာထွက်လာသည်။ ကောင်းကင်ဘုံ အတွင်းမှာ အချို့သော နိယာမနှင့်ပင် လိုက်ဖက်ညီနေလောက်သော စွမ်းအားမျိုးပင် ပါလာသည်။</p> <p>"ရွှမ်ချီရဲ့ နတ်မိုးကြိုး။ "</p> <p>တာအိုဆရာသခင် ရှန်းချင်ဟာ လက်နှစ်ဖက်လုံးဖြင့် ချိပ်ပိတ်တံဆိပ် တစ်မျိုးကို ဖန်တီးလိုက်သည်။ လျှို့ဝှက်ဆန်းကြယ်သော စွမ်းအားစုက လောကကြီးနှင့် ဆက်သွယ်နေပုံရပြီး တောင်၏ အထက်မှာ ကောင်းကင်တစ်ခုလုံးကို ကပြောင်းကပြန် ဖြစ်စေလျက် မိုးကြိုးပင်လယ်အဖြစ် ပြောင်းသည်။ မီးပွား လျှပ်စီးများက ကွဲအက်ကာ လက်လာပြီးနောက် မှင်သက်ဖွယ်ကောင်းသော ဖိအားကို ထုတ်လွှတ်သည်။</p> <p>​ကြောက်မက်ဖွယ်ကောင်းသော မိုးခြိမ်းသံက ကောင်းကင်တစ်ခွင် ပဲ့တင်ထပ်သည်။ မိုးကြိုးတန်း တစ်စင်းက ခရမ်းရောင် အလင်းတန်းအဖြစ် ပြောင်းလဲကာ အာကာသပြင်ကို ထိုးဖောက်ပြီး ဂျင်ချန်၏ ကိုယ်ပေါ်သို့ ကျဆင်းလာကာ လမ်းတစ်လျှောက် မိုးကြိုးစွမ်းအားဖြင့် ဖျက်ဆီးခဲ့သည်။</p> <p>ထိုမိုးကြိုးတန်းဟာ ဂျင်ချန်၏ ရှေ့မှောက်ကို ပိတ်လှောင်လိုက်ပြီ ဖြစ်သည်။ သူဟာ မှင်သက်ဖွယ်ကောင်းသော အရှိန်အဟုန်ဖြင့် လှုပ်ရှားလေရာ ဂျင်ချန်ကိုယ်တိုင်ကပင် ရှောင်လွှဲ၍ မရတော့သလို ခံစားရသည်။ သူဟာ အာကာသနိယာမကို ပိုင်ဆိုင်ထားသည့်တိုင် ထိုမိုးကြိုး၏ အရှိန်အဟုန်တွင် အသုံးမဝင်သလိုပင်။ ထို မိုးကြိုးက ဖျက်ဆီးသည့် စွမ်းအားဖြင့် ပတ်ဝန်းကျင်တစ်ခုလုံးကို တိုက်ရိုက်ဖျက်ဆီးခြင်းအားဖြင့် အာကာသ၏ အစီအစဉ်ကိုပင် ဖျက်ဆီးလိုက်သည်။ သူ၏ အာကာသ နိယာမက ကောင်းကင်လွှာ အဆင့် ကိုး ထာဝရ ရှင်သန်ခြင်း ဧကရာဇ် အဆင့်အထိ မရောက်သေးသမျှ အသုံးမဝင်လာချေ။</p> <p>​ရုတ်တရက် ဂျင်ချန်က ဓားစိတ်ဆန္ဒများဖြင့် ပေါက်ကွဲလိုက်သည်။ သူဟာ လက်ထဲမှ ဓားကို ထိန်လင်းစွာ တောက်ပလာစေပြီးနောက် တာအိုဆရာသခင် ရှန်းချင်၏ ရွှမ်ချီ နတ်မိုးကြိုးကို ခုတ်ပိုင်းပစ်လိုက်သည်။ ကျယ်လောင်သော ပေါက်ကွဲသံ ထွက်ပေါ်လာပြီးနောက် ဂျင်ချန်က ခရမ်းရောင် မိုးကြိုး၏ ဝါးမြိုမှုကို ခံလိုက်ရသည်။ ခရမ်းရောင် မိုးကြိုးက သူ့ကို ကျော်ဖြတ်ပြီးနောက် သူ၏ အောက်ဘက်မှ မြေပြင်ကို မြန်ဆန်လှသော အရှိန်နှုန်းဖြင့် ထိုးဖောက်ပျက်စီးစေကာ မြေကမ္ဘာ တစ်ခုလုံးကို တုန်ခါသွားစေသည်။</p> <p>ထိုနေရာတွင် ကြီးမားသော တွင်းပေါက်ကြီးက ပေါ်လာပြီး ဂျင်ချန်ကလည်း ပျောက်သွားသည်။ သူဟာ ထိုမိုးကြိုးကြောင့် မြေအောက်ထဲသို့ ရောက်ရှိသွားခြင်း ဖြစ်သည်။ အခြားတစ်ဖက်မှ တာအိုဆရာသခင် ရှန်းချင်က မျက်မှောင်ကြုတ်သည်။ ဂျင်ချန်၏ လက်ရှိ အခြေအနေကို သူဟာ ကောင်းကောင်း နားလည်သည်။ သူဟာ ထာဝရ ရှင်သန်ခြင်း ဧကရာဇ် လီရှန်းကို နိုင်ခဲ့ကတည်းက ထိုမျှလောက် အင်အား မနည်းနေသင့်ချေ။</p> <p>​"ချင်းရန်က ကောင်းကင်လွှာ အဆင့်ခြောက်မှာပဲ ရှိနေတာ။ သူ့မှာ အကာအကွယ် နတ်ဘုရား စစ်လက်နက်တွေလည်း ရှိတာ မဟုတ်ဘူး။ သူကသာ ငါ့ရဲ့ ရွှမ်ချီနတ်မိုးကြိုးကနေ လွတ်မြောက်ခဲ့မယ်ဆိုရင်တောင် တစ်ပိုင်းသေသွားမှာပဲ။"</p> <p>တာအိုဆရာသခင် ရှန်းချင်က ထိုသို့ တွေးသည်။ ရွှမ်ချီမိုးကြိုး၏ စွမ်းအားကိုလည်း သူဟာ ကောင်းကောင်း နားလည်သည်။ ကောင်းကင်လွှာ အဆင့်ခြောက်ကို မဆိုထားနှင့် ထာဝရ ရှင်သန်ခြင်း ဧကရာဇ် လီရှန်းကပင် တားမြစ်ရန် ရုန်းကန်ရလေသည်။</p> <p>​သို့ရာတွင် တာအိုဆရာသခင် ရှန်းချင် ထိုသို့တွေးနေသည့် အချိန်တွင်ပင် နတ်မိုးကြိုးကြောင့် ဖြစ်သော တွင်းထဲမှ ပုံရိပ်တစ်ခုက ခုန်ထွက်လာသည်။ တစ်ကိုယ်လုံးက ထိန်လင်းသော အလင်းများဖြင့် တောက်ပနေ၏။ ဓားနိယာမက ရုတ်တရက် အတူတကွ စုစည်းလာပြီးနောက် လျှင်မြန်သော ထိုးခတ်မှုမျိုးကို ပြုလုပ်လျက် တာအိုဆရာသခင် ရှန်းချင်ကို ခုတ်ပိုင်းလာသည်။ ဂျင်ချန်ပင် ဖြစ်သည်။ သူ၏ ခန္ဓာကိုယ် အပေါ်ယံ မျက်နှာပြင်ပေါ်တွင် မီးပွားလေးများ လက်နေသော အသားများကိုလည်း မြင်ရသည်။ အရေပြား တော်တော်များများကလည်း မည်းနေ၏။</p> <p>သိရမည်မှာ သူဟာ သူ၏အသားများကို ထပ်ထားသကဲ့သို့ ပြင်းထန်သော မိုးကြိုးဒဏ်ကို ခံလိုက်ရပုံပေါ်သည်။ သို့သော် ထိုအသား၏ ကင်ထားသလို အနံ့ကလည်း ထွက်နေသေးသည်။</p> <p>"မာလိုက်တဲ့ ခန္ဓာကိုယ်။ "</p> <p>တာအိုဆရာသခင် ရှန်းချင်၏ မျက်လုံးက ကျဉ်းမြောင်းသွားပြီး မှင်သက်စွာ သက်ပြင်းချလိုက်သည်။</p> <p>​ထို့နောက် သူဟာ လက်နှစ်ဖက်ဖြင့် ချိပ်ပိတ်တံဆိပ် တစ်ခုကို လုပ်ကာ ကောင်းကင်ကို ညွှန်လိုက်သည်။</p> <p> "နတ်မိုးကြိုး ဓားဖြင့် သုံးဝင်။ "</p> <p>ကောင်းကင်မှ ခရမ်းရောင် မိုးကြိုးအလင်းတန်းက ရုတ်တရက် ဆင်းသက်လာပြီး မှင်သက်ဖွယ်ကောင်းသော စွမ်းအားဖြင့် ဂျင်ချန်ကို ပစ်ခတ်သည်။ ဒါဟာ မိုးကြိုးဖြင့် ပေါင်းစပ်ထားသော ဓားဖြစ်သည်။</p> <p>သို့ရာတွင် ထိုဓားက တစ်မီတာ ဝန်းကျင်ခန့်သာ ရှိပြီး ပျံသန်းလာနေသည့် အချိန်တွင်ပင် အာကာသပြင်ကို လှုပ်ခတ်နေစေသည်။ ဂျင်ချန်က ရောက်လာသည့် မိုးကြိုးကို အထူးတလည် ရှောင်ရှားရန် မကြိုးစားတော့ချေ။ သူဟာ ခန္ဓာကိုယ် သီးသန့်ဖြင့် တောင့်ခံနိုင်သည်။ ထို့အပြင် သူ ထုတ်လာသော တိုက်ကွက်ကလည်း အားမလျော့သွားခဲ့ဘဲ တာအိုဆရာသခင် ရှန်းချင်ကို ဆက်လက်၍ ခုတ်ပိုင်းသည်။</p> <p>​မိုးကြိုးဓားက ဂျင်ချန်၏ ရင်ဘတ်ကို ထိုးဖောက်သွားပြီးနောက် ကျောဘက်မှ ဖောက်ထွက်၍ ဟိုးအနောက်ဘက်မှာ ကီလိုမီတာ သန်းပေါင်းများစွာ အကွာအဝေးတွင် ရှိနေသော တောင်တန်းများကို ပေါက်ကွဲသွားစေသည်။ တစ်တောင်လုံးက ပြာဖြစ်၏။ သူ၏ ရင်ဘတ်တွင် ကြီးမားသော အပေါက်ကြီးက ပေါ်လာပြီး ကိုယ်တွင်းအင်္ဂါများ၊ အသားများ အားလုံးက ပျောက်သွားသည်။ အကန့်အသတ်မဲ့ ခန္ဓာကိုယ်က အမှန်တကယ် အင်အားကြီးမားသည်။</p> <p>သို့သော် ကောင်းကင်လွှာ အဆင့်ခြောက် ထာဝရ ရှင်သန်ခြင်း ဧကရာဇ် အဆင့်မှာ တိုက်ကွက်များကို တားရန် မလိုအပ်တော့သည့် အနေအထားမျိုး ဖြစ်နေသေးသည်။ တိုက်ကွက်က ကောင်းကင်လွှာ အဆင့်ခြောက်ကို မကျော်သေးသမျှ ပြဿနာမရှိနိုင်ချေ။ သို့ရာတွင် ထိုအဆင့်ခြောက်ကို ကျော်သွားခဲ့ပြီး အဆင့်ခုနစ်သို့ ရောက်ရုံသာ ရှိသေးသည့် သူ၏ခန္ဓာကိုယ်ကို ထိခိုက်လုပ်နိုင်နေပြီ ဖြစ်သည်။</p> <p>​တာအိုဆရာသခင် ရှန်းချင်ဟာ အမှန်တကယ်ပင် အင်အားကြီးမားသော ကောင်းကင်လွှာ အဆင့်ကို ထာဝရ ရှင်သန်ခြင်း ဧကရာဇ် ဖြစ်သည်။ သူသည် အစကတည်းက အင်အားအပြည့်ကို ထုတ်သုံးထားသည်။ သူ၏ တာအိုခန္ဓာကိုယ် တစ်ခုချင်းစီတိုင်းကလည်း နတ်ဘုရားအဆင့် ထာဝရ ရှင်သန်ခြင်းသိုင်းများနှင့် ယှဉ်နိုင်သည်။</p> <p>ပုံမှန် ကောင်းကင်လွှာ အဆင့် ကိုး ထာဝရ ရှင်သန်ခြင်း ဧကရာဇ်များသာ ဆိုလျှင် တားဆီးရန် ရုန်းကန်ရလောက်သည်။ ဂျင်ချန်ကဲ့သို့ အဆင့်ခြောက်ဆိုလျှင် ပို၍ ဆိုးသည်။ ဂျင်ချန်မှာ ဒဏ်ရာရသွားသည့်တိုင်အောင် အရှိန်အဝါက အားမနည်းသွားချေ။ သူ၏ တိုက်ပွဲဝင် စွမ်းအားကလည်း မလျော့သွားခဲ့ချေ။ သူဟာ ဒဏ်ရာကို လုံးဝ ဂရုမစိုက်ဘဲ လျစ်လျူရှုကာ မြန်ဆန်လှသော အရှိန်နှုန်းဖြင့် ရုတ်တရက် ဓားခုတ်သည်။</p> <p>​တာအိုဆရာသခင် ရှန်းချင်ကလည်း မထိတ်လန့်သွားခဲ့ပေ။ သူဟာ ဓားကို ရမ်းလိုက်ပြီးနောက် "ဖျက်ဆီးခြင်း ထိုက်ကျိ ပုံစံကွက်" က ရုတ်တရက် ထိုးထွက်လာသည်။ ထိုအရာက တဖြည်းဖြည်း လည်ထွက်သွားပြီးနောက် တာအိုဆရာသခင် ရှန်းချင်၏ အရှေ့တွင် ကြီးမားသော ဒိုင်းကြီးတစ်ခု ဖြစ်သွားသည်။</p> <p>ထိုက်ချီ ဒိုင်းပုံစံကွက်က အလယ်အလတ် အရည်အသွေးရှိသော နတ်ဘုရားအဆင့် လက်နက်ဖြစ်သည်။ ဂျင်ချန်၏ တိုက်ကွက်က ဖျက်ဆီးခြင်း ထိုက်ကြီး ပုံစံကွက်ကို ထိသွားခဲ့ပြီး နတ်ဘုရားစစ်လက်နက်ကို နှစ်ခြမ်းကွဲသွားစေကာ အမှန်တကယ် ပျက်စီးသွားစေသည်။ တာအိုဆရာသခင် ထိုက်ကြီးကလည်း လျင်မြန်စွာ နောက်ဆုတ်လိုက်သည်။ သူဟာ လက်ချိပ်ပိတ်တံဆိပ်တစ်ခုကို လုပ်ဆောင်နေသည်မှာ အားမလျော့သွားခဲ့ချေ။ သူဟာ အာကာသပြင်ကို နည်းနည်းချင်း ညွှန်လျက် အော်သည်။</p> <p>"ရွှမ်ချီ တာအို ဂါထာ - လေလှိုင်း"</p> <p>​ကြမ်းတမ်းသော လေက လေချွန်သံများကို ထုတ်လွှတ်၍ ပတ်ဝန်းကျင် တစ်ခုလုံးကို အနှံ့အပြားသို့ စုဝေးလာသည်။ ကြမ်းတမ်းသော လေပြင်းကြီးများက ထက်ရှလှသော ဓားများအဖြစ် ပြောင်းလဲသွားသည်။ ဂျင်ချန်ဟာ လေပြင်းများကြားတွင် ရပ်နေသည်။ သူ့ကို မျက်စိတစ်မှိတ်အတွင်းမှာပင် ဓားများက လှီးနေ၏။ အရိုးထိနက်သော ဒဏ်ရာများကလည်း တစ်ခုပြီးတစ်ခု ပေါ်လာသည်။ မမြင်ရသော လေဓားများကပင် ကောင်းကင်လွှာ အဆင့်ကို ထာဝရ ရှင်သန်ခြင်း ဧကရာဇ်များကို ခြိမ်းခြောက်ရန် လုံလောက်သည်။ သူတို့ဟာလည်း အမှန်တကယ် အင်အားကြီးမားသည်။ ဂျင်ချန်က အကန့်အသတ်မဲ့ ခန္ဓာကိုယ်ကို အကန့်အသတ်သို့ သုံးပို့ထားသည့်တိုင်အောင် ခုခံရန် ရုန်းကန်ရသည်။</p> <p>"ရွှမ်ချီ တာအို ဂါထာ - ထိုးချခြင်း မိုး"</p> <p>​လေက ပေါ်လာပြီးသည်နှင့် တာအိုဆရာသခင် ရှန်းချင်က နောက်ထပ် ဂါထာတစ်ခုကို ထပ်ရွတ်သည်။ ကောင်းကင်က စတင်ကာ လှုပ်ခတ်လာသည်။ ဒါဟာ သာမန်မိုး မဟုတ်ချေ၊ မိုးတစ်စက်ချင်းစီတိုင်းက တောင်တစ်လုံးစာမျှ လေးလံသည်။</p> <p>မြေပြင်ပေါ်သို့ ပြုတ်ကျလာသော အခါ ဥက္ကာမိုး ရွာသွန်းသကဲ့သို့ တွင်းပေါက်ကြီးများ ဖြစ်ပေါ်စေသည်အထိ ချက်ချင်းဆိုသလို မြေပြင်တစ်ခုလုံးက အပေါက်များနှင့် ပြည့်နှက်သွားလေတော့သည်။</p> <p> </p> <p> </p> <p style="text-align:center">အပိုင်း ၃၆၀၀ ပြီး၏။</p> <p style="text-align:center">***</p>


Save