Book List

<h2 style="text-align: center;">အပိုင်း ၃၆၀၂</h2> <h2 style="text-align: center;">*</h2> <h2 style="text-align: center;"> </h2> <p> </p> <p>​ရိုသေလေးစား လိုက်နာခြင်း ကောင်းကင်ဘုံမြို့၏ ဗဟိုစံအိမ်ကြီးထဲမှ တစ်ခုရှိ ဧည့်ခန်းမတွင် ရဲ့ပေဖုန်းက ခန်းမ၏ အလယ်တွင် ရပ်နေသည်။ အရှေ့တွင် အနက်ရောင်ဝတ်ဆင်ထားသော လူတစ်ယောက်က ထိုင်နေသည်။ ထိုလူက ရဲ့ချင်းယွန်ပင်ဖြစ်သည်။</p> <p>ထိုအချိန်တွင် ရဲ့ချင်းယွန်၏ မျက်နှာက ဖြူလျော်ကာ နွမ်းလျနေသည်။ သူ၏ကိုယ်မှ အားနည်းသော အရှိန်အဝါကိုလည်း လွှတ်ထုတ်ထားခြင်းနှင့်အတူ သူက အလွန်ပင် ပြင်းထန်စွာ ဒဏ်ရာရထားခဲ့သည်။ ရဲ့မိသားစုဝင်ဖြစ်သော ရဲ့ပေဖုန်းက ရဲ့ချင်းယွန်ကို တင်းမာစွာ စိုက်ကြည့်ပြီးနောက် ပြော၏။</p> <p>"ချင်းယွန် မင်းက ဒီလောက် ဒဏ်ရာပြင်းနေပြီ၊ မင်း တကယ်ပဲ အဲဒီနေရာကို ရနိုင်တာ သေချာရဲ့လား။ မင်း နောက်ထပ် အတားအဆီး အနည်းငယ်ကို ကျော်ဖြတ်ရဦးမှာ။ မင်းမှာ အဆင့်မြင့် အရည်အသွေးရှိတဲ့ အမတ လက်နက်နှစ်ခုကို ပိုင်ဆိုင်ကောင်း ပိုင်ဆိုင်ထားလိမ့်မယ်၊ ဒါက တိုက်ခိုက်လို့လည်း ရတယ်၊ ခုခံလို့လည်း ရတယ်၊ ဒါပေမဲ့ မင်း ရင်ဆိုင်ရမဲ့ ပြိုင်ဘက်တွေကလည်း အားနည်းတဲ့သူတွေ မဟုတ်ကြဘူး။ မင်း အဆုံးထိ တောင့်မခံနိုင်မှာ စိုးရိမ်နေမိတယ်"</p> <p>​ရဲ့ပေဖုန်းက ရဲ့ချင်းယွန် ကျရှုံးသွားမည်ကို အတော်ပင် စိုးရိမ်နေမိသည်။ မိသားစုအနေဖြင့် သူတို့၏ ရဲ့မိသားစုက ရိုသေလေးစား လိုက်နာခြင်း ကောင်းကင်ဘုံမြို့၏ ဒုမြို့အရှင်ကိုပင် ရှာဖွေထားရသေးသည်။ အကယ်၍ ထိုနေရာကိုသာ အခြားတစ်ယောက် ယူသွားခဲ့လျှင် အလဟဿဖြစ်သွားပေလိမ့်မည်။</p> <p>"မစိုးရိမ်ပါနဲ့ အဖိုး၊ ငါ့မှာ ယုံကြည်မှုရှိပါတယ်"</p> <p>ရဲ့ချင်းယွန်က အားနည်းစွာ ပြောသည်။ ရဲ့ပေဖုန်းက သက်ပြင်းချရင်း ပြောလိုက်သည်။</p> <p>"ငါ မင်းရဲ့ အင်အားကို နားလည်တယ်၊ ဒါပေမဲ့ ဒါက ယုံကြည်မှုနဲ့ မဆိုင်ဘူး။ အဲဒီအစား မင်းရဲ့ ပြိုင်ဘက် ဘယ်သူကမှ မရိုးရှင်းတာ။ ပြောရမယ်ဆိုရင် အခုနောက်ဆုံးထိ ရောက်ခဲ့တဲ့ ထာဝရရှင်သန်ခြင်း ဧကရာဇ်တွေထဲမှာ အခြားကိုးယောက်ရဲ့ နောက်ခံက ငါတို့ရဲ့မိသားစုထက် အများကြီး သာနေတယ်။ နောက်ပြီး လွတ်လပ်တဲ့ ကျင့်ကြံသူတစ်ယောက်ဆိုတာက အရည်အချင်းဖြစ်ရုံလေးပဲ။ ဒါပေမဲ့ သူက နောက်ဆုံးအထိ တောင့်ခံနိုင်တာကလည်း သူ ကံကောင်းနေပြီးသား။ မင်းက ဒီလူတွေထဲက တစ်ယောက်ယောက်ကို နိုင်ခဲ့မယ်ဆိုရင်တောင်မှ နှစ်ယောက်၊ သုံးယောက်ကို နိုင်ပါ့မလား။ ချင်းယွန်၊ မင်း ဒီလိုအချိန်မှာ ဒီနေရာကို ဘာလို့ ယူချင်နေလဲဆိုတာ ငါ မသိဘူး။ ဘာလို့ နှစ်တစ်ထောင်ကျော်လောက် ထပ်မစောင့်တာလဲ။ နောက်တစ်ခေါက် ထပ်စောင့်မယ်ဆိုရင် ရာထူးနေရာတွေ လွတ်သွားတာတွေ အများကြီးရှိမှာ၊ အဲဒီအခါ မင်းအနေနဲ့ တစ်ခုခုကို ရဖို့ အခွင့်အရေးက ပိုမြင့်သွားမှာပဲ"</p> <p>​"ငါ စောင့်လို့မရဘူး၊ ငါ ဒီအခွင့်အရေးကို ဆုံးရှုံးသွားခဲ့ရင် ထာဝရရှင်သန်ခြင်း မဟာဘုရင်အဆင့်ကို တက်ဖို့ ပိုခက်သွားလိမ့်မယ်"</p> <p>ရဲ့ချင်းယွန်က ခေါင်းကိုခါသည်။ မတုန်မလှုပ်သော တုံ့ပြန်မှုများလည်း ရှိသည်။ သူက ချက်ချင်းပင် ဆုံးဖြတ်ချက်ကို ချလိုက်ပြီး အဖြူရောင် ကျောက်စိမ်းပုလင်းကို ထုတ်လိုက်သည်။ ထိုအဖြူရောင် ကျောက်စိမ်းပုလင်းက အလွန်ပင် ရှေးကျသည်။ ရှေးကျသောအရှိန်အဝါကိုလည်း လွှတ်ထုတ်ထားပြီး ကွဲအက်ရာအချို့လည်း ပြည့်နှက်နေကာ အချိန်မရွေး ကြွေကျပျက်စီးသွားမည့်ပုံ ပေါ်နေသည်။</p> <p>​ရဲ့ချင်းယွန်က အနည်းငယ်သော စိုးရိမ်မှုဖြင့် ထိုပုလင်း ကြေမွသွားမည့်အခြေအနေကို စိုးရိမ်သည့်အလား ဂရုတစိုက် ဖွင့်သည်။ သူက တောက်ပသော မျက်လုံးများဖြင့် ပြောလိုက်သည်။</p> <p>"အဖိုး၊ ငါ ဒါကို တိုက်ဆိုင်မှုကတစ်ဆင့် ရလာတာ။ ဒါက ဒီခေတ်က ပစ္စည်းမဟုတ်ဘူး၊ အဲဒီအစား ကုန်လွန်ခဲ့တဲ့ ခေတ်က ရတနာပဲ"</p> <p>ရဲ့ပေဖုန်းက မျက်လုံးများ ကျဉ်းမြောင်းသွားပြီး ထိုကျောက်စိမ်းပုလင်းကို လေ့လာသည်။ သို့သော် ထူးခြားမှုကိုတော့ သတိမထားမိလိုက်ပေ။ သူ၏အမြင်တွင် ကျောက်စိမ်းပုလင်းက သာမန် ပျက်စီးနေသော ပုလင်းတစ်ခုသာ ဖြစ်ပြီး မည်သည့်အရာကမှ ထူးခြားမနေပေ။</p> <p>"ဒီပုလင်းက ဘယ်လို အသုံးဝင်တာမျိုး ရှိလို့လဲ"</p> <p>ရဲ့ပေဖုန်းက မေးသည်။</p> <p>​"အဖိုး၊ ငါတောင်မှ ဒီပုလင်းရဲ့ ထူးခြားမှုတွေကို မြင်တာမဟုတ်ဘူး၊ ဒါပေမဲ့ သူ့ရဲ့ လုပ်နိုင်စွမ်းရည်တွေထဲက တစ်ခုကတော့ အစွန်းရောက် ချီကို စုစည်းနိုင်တာပဲ။ ငါသာ ဒီပုလင်းကို ငါနဲ့အတူ အဲဒီနေရာထဲကို ယူသွားမယ်ဆိုရင် အစွန်းရောက် ချီတွေ အများကြီး စုနိုင်လိမ့်မယ်။ ချီ တစ်မျှင်စာလောက်က ငါ့အတွက် အဆင့်တက်ဖို့ မလုံလောက်လောက်ဘူး၊ ဒါပေမဲ့ အများကြီးသာဆိုရင် ငါသေချာပေါက် ထာဝရရှင်သန်ခြင်း မဟာဘုရင်အဆင့်ကို တက်သွားမှာပဲ"</p> <p>​ရဲ့ချင်းယွန်၏ မျက်လုံးက တောက်ပလျက်ရှိသည်။ ဖုံးကွယ်ရခက်သော ဆန္ဒစောမှု၊ စိတ်လှုပ်ရှားမှုများလည်း ပြည့်နှက်နေသည်။ သူက ထိုနေ့ရောက်လာရန် မျှော်လင့်နေသည်။ သို့သော် သိပ်မကြာခင်မှာပင် ကျောက်စိမ်းပုလင်းကို ကြည့်ပြီး စိတ်ပျက်သွားပြန်သည်။</p> <p>"နှမြောစရာကောင်းတာက ပျက်စီးနေတာပဲ။ သူ တည်ရှိနေခဲ့တာ အရမ်းလည်း ကြာပြီကိုး။ ခေတ်တွေကလည်း ကြာပြီဆိုတော့ ပျက်စီးမှုတွေ များလာပြီပေါ့။ ဒါကြောင့် သေချာ ထိန်းသိမ်းဖို့ မလွယ်တော့ဘူး။ ဒီနှုန်းအတိုင်းဆိုရင် ဒီပုလင်းက နောက်ထပ် နှစ်တစ်ထောင်ကျော်လောက် ဆိုတာနဲ့ ပျက်စီးသွားတော့မှာ။ ဒါကြောင့်ပဲ ငါက ဒီတစ်ကြိမ် ဝင်ကို ဝင်ရမယ်ဆိုပြီး စိတ်အားထက်သန်နေတာပေါ့။ "</p> <p>​ရဲ့ပေဖုန်းက ထိုစကားကြားပြီး တုန်ယင်သွားသည်။ သူက ရေရွတ်သည်။</p> <p>"အစွန်းရောက် ချီက ရိုသေလေးစား လိုက်နာခြင်းကောင်းကင်ဘုံမြို့ရဲ့ အထွတ်အမြတ်မြေမှာပဲ ပေါ်တာ။ ဒါပေမဲ့ အဲဒါကို လွယ်လွယ်ရနိုင်တာ မဟုတ်ဘူး။ အချို့ဆိုရင် နှစ်ပေါင်းထောင်ပေါင်းများစွာ၊ နှစ်သောင်းချီတဲ့အထိ ကြိုးစားတာတောင် တစ်မျှင်တောင် မရဘူး။ မင်းရဲ့ အဲဒီပျက်စီးနေတဲ့ ပုလင်းလေးက ဒီလောက် အံ့သြစရာ သက်ရောက်မှုမျိုး ရှိတာလား"</p> <p>​"ဒီပုလင်းလေးက အဲဒီသက်ရောက်မှုသာ မရှိရင် ငါလည်း ဒီလောက်အထိ ကြိုးစားပြီး ဒီနေရာကို ရဖို့ မလုပ်နေဘူး"</p> <p>ရဲ့ပေဖုန်းက တိတ်ဆိတ်သွားသည်။ အဆုံးတွင် သူက ဆုံးဖြတ်ချက်ကို ချလိုက်သည်။ သူ၏ အသံစွမ်းအင်က လျင်မြန်စွာ အားနည်းလာသည်။ သူ၏ လက်ညှိုးထိပ်တွင် အသံစွမ်းအင် အလုံးတစ်လုံးက စုဝေးလာသည်။</p> <p>"အဖိုး ဘာလုပ်တာလဲ"</p> <p>ထိုအခါ ရဲ့ချင်းယွန်က မှင်သက်သွားသည်။ ရဲ့ပေဖုန်းက သူ၏ကိုယ်မှ အသံစွမ်းအားကို ထုတ်သုံးနေခြင်းဖြစ်ကြောင်း သိလိုက်ရသည်။ စက္ကန့်အနည်းငယ် ခန့်အကြာတွင် ရဲ့ပေဖုန်း၏ အရှိန်အဝါက ထိုးကျသွားသည်။ သူက ပို၍ အားနည်းသွားသည်။ သူက သူ၏ ခန္ဓာကိုယ်မှ အသံစွမ်းအားများကို အားသုံးပြီး ထုတ်ယူလိုက်ကာ သူ၏ လက်ချောင်းထိပ်လေးပေါ်တွင် စုစည်းလာခဲ့ပြီး ရဲ့ချင်းယွန်၏ ကိုယ်ထဲ ထည့်ပေးလိုက်သည်။</p> <p>​"ဒါက မင်းကို သက်သာလာဖို့ အများကြီး အကူအညီဖြစ်လိမ့်မယ် ချင်းယွန်။ ငါတို့ရဲ့ ရဲ့မိသားစုက ကုန်လွန်ခဲ့တဲ့ နှစ်တွေမှာ အင်အားတွေ ထိုးကျနေပြီ။ အခု ငါတို့မှာ ဒါပဲ ရှိတော့တာ။ ငါတို့ အဲဒီ အဖွဲ့အစည်းကြီးတွေကိုလည်း မယှဉ်နိုင်ဘူး။ ငါ မင်းကို ဒီလောက်အထိပဲ ကူညီပေးနိုင်မယ်။ မင်းအနေနဲ့ အဲဒီ အမတ တစ်ထောင် ဗိုလ်ချုပ်နေရာကို ရ မရ ဆိုတာကတော့ မင်းကိုယ်တိုင်ပဲ ကြိုးစားရမှာ ဖြစ်လိမ့်မယ်"</p> <p>ထိုသို့ပြောပြီး ရဲ့ပေဖုန်းက ဗိုလ်ချုပ်စံအိမ်ထဲမှ ထွက်သွားသည်။ ရဲ့ချင်းယွန်၏ ဒဏ်ရာများကလည်း ရဲ့ပေဖုန်း၏ အသံစွမ်းအားကို ရရှိလိုက်သောကြောင့် လျင်မြန်စွာ ကောင်းမွန်လာသည်။ သူ၏ မျက်နှာ အမူအယာက ရှုပ်ထွေးလာသည်။ မည်သို့ပင်ဆိုစေ ရဲ့ပေဖုန်းအနေဖြင့် နှစ်ပေါင်း ရာပေါင်းများစွာ သို့မဟုတ် နှစ်ထောင်ကျော်အထိ ကြာပြီးမှသာ ထိုစွမ်းအားများကို ပြန်ဖြည့်တင်းနိုင်မည်ဖြစ်သည်။</p> <p>"အဖိုး... အဖိုးက ငါ့ရဲ့ အင်အားကို မယုံသေးဘူးပဲ။ ငါက ၉၀ ရာခိုင်နှုန်းအထိ အခွင့်အရေးရှိတယ်လို့ ပြောတဲ့အချိန်မှာ အနည်းဆုံးလို့ ထည့်ပြောခဲ့သင့်တာ"</p> <p>ရဲ့ချင်းယွန်က ရေရွတ်သည်။</p> <p>​အခြားသော ထာဝရရှင်သန်ခြင်း ဧကရာဇ် ကိုးယောက်ကလည်း အလားတူ အခြေအနေများက ဖြစ်ပျက်နေသည်။ လူတိုင်းနီးပါးကလည်း သူတို့၏ ကလန်ထံမှ အထောက်အပံ့ကို အပြည့်အဝ ရရှိထားကြသည်။ အားလုံးက မည်သည့်နည်းနှင့်မဆို သူ့ကို အားပေးရန် ကြိုးစားကြသည်။</p> <p>အခြားတစ်ဖက်တွင် ဂျင်ချန်က အေးဆေး ပေါ့ပါးနေသည်။ ထိုအချိန်အတောအတွင်း သူက အရှိန်အဝါကို လုံးဝဖျောက်ပြီး ရိုသေလေးစား လိုက်နာခြင်း ကောင်းကင်ဘုံမြို့ထဲတွင် ပတ်လျှောက်နေသည်။ သူက ကောင်းကင်ဘုံမြို့ရှိ ဆိုင်များသို့လည်း သွားလည်သည်။</p> <p>ထိုအချိန်အတောအတွင်း သူသည် ရိုသေလေးစားလိုက်နာခြင်း ကောင်းကင်ဘုံမြို့အတွင်းတွင် အဆင့်မြင့် အသုံးအဆောင် ပစ္စည်းများကို ဖော်စပ်ရန် လိုအပ်သော ပစ္စည်းများကို ရှာဖွေနေခဲ့သည်။ အများကြီး သုံးဖြုန်းပြီးနောက်မှသာ အရင်းအမြစ် အများစုကို ဝယ်ယူနိုင်ခဲ့သည်။</p> <p>သိပ်မကြာခင်မှာပင် ဂျင်ချန်သည် ရိုသေလေးစားလိုက်နာခြင်း ကောင်းကင်ဘုံမြို့ထဲမှာ အလွန်ပင် လူစည်ကားသော လမ်းတစ်ခုပေါ်မှ စိတ်ဝင်စားစရာကောင်းသော အရာတစ်ခုကို တွေ့လိုက်ရသည်။</p> <p>​သူက မျှော်စင်ပုံသဏ္ဌာန်ရှိသော အလွန်ပင် ရှေးကျသော အဆောက်အဦလေးကို တွေ့လိုက်ရသည်။ ပုံမှန်အားဖြင့် အလောင်းအစားလုပ်ရန် အသုံးပြုလေ့ရှိသည်။ ထိုအလောင်းအစားကမူ အမတ တစ်ထောင် ဗိုလ်ချုပ် ရာထူးကို မည်သူက ရမည်ဆိုပြီး လောင်းကြေးထပ်ကြခြင်းဖြစ်သည်။</p> <p>ထာဝရရှင်သန်ခြင်း ဧကရာဇ် တစ်ယောက်ကသာ အမတ တစ်ထောင် ဗိုလ်ချုပ် ရာထူးကို ရနိုင်ခြေများနေခဲ့လျှင် အများစုကလည်း သူ့အပေါ် လောင်းကြေး ထပ်ကြပေလိမ့်မည်။</p> <p>ထို့နောက် သင့်တင့်သော နှုန်းထားတစ်ခုကို ရရှိနိုင်သေးသည်။ ဂျင်ချန်ကလည်း သူများနည်းတူ ဝင်သွားပြီး ကြည့်လိုက်သည်။ အများစုက စုဝေးနေကြသည်ကို မြင်ရသည်။ ၁၁ ယောက်လုံး၏ နာမည်ကိုလည်း ပြထား၏။ သူ၏ နာမည်လည်း ပါဝင်သည်။</p> <p>​"ငါက စီနီယာရှား မင်ထျန်း အပေါ်မှာ ငါးရောင်ခြယ် အမတ သလင်းတုံး အတုံး ၃၀ နဲ့ လောင်းကြေးထပ်မယ်။ ရှားမင်ထျန်းက ကောင်းကင်ဘုံ ခုံရုံးက လာတာ၊ သူက အနိုင်ရဖို့ အခွင့်အရေး အများဆုံးပဲ။ "</p> <p>"ငါကတော့ စီနီယာကျိုးက ထိပ်ဆုံးခြောက်ယောက်ထဲကို ဝင်မယ်လို့ အတုံး ၅၀ နဲ့ လောင်းကြေးထပ်တယ်။ စီနီယာကျိုးက အတိတ်မှာ အဆင့်တူတွေထဲမှာ ထူးခြားတဲ့သူတစ်ယောက်ရဲ့ အမွေအနှစ်ကို ရရှိခဲ့တဲ့သူလေ။ သူ့ရဲ့ အင်အားက ကြီးမားလွန်းလို့ သက်တူရွယ်တူတွေထဲမှာလည်း ပြိုင်ဘက်ကင်းတယ်လို့ ပြောကြတာ။ အမတ တစ်ထောင် ဗိုလ်ချုပ်နေရာကို သူ ရမယ်လို့ မသေချာပေမဲ့ ထိပ်ဆုံးခြောက်ယောက်ကတော့ ပြဿနာ မရှိဘူး"</p> <p>"ငါက စီနီယာ ရဲ့ချင်းယွန်က ထိပ်ဆုံးခြောက်ယောက်ထဲကို ဝင်မယ်လို့ လောင်းကြေးထပ်တယ်"</p> <p>"ငါကတော့ ကျိဟွမ်ယွီက ထိပ်ဆုံးခြောက်ယောက်ထဲကို ဝင်မယ်လို့ လောင်းကြေးထပ်တယ်"</p> <p>"ငါကတော့ ဒီတစ်ယောက်က ဒီတစ်ခါလည်း ဘယ်သူနဲ့မှ ယှဉ်စရာမလိုဘဲ ကျော်လွှားသွားဦးမယ်လို့ ငါးရောင်ခြယ် အမတ သလင်းတုံး အတုံး ၂၀ နဲ့ လောင်းကြေးထပ်တယ်။ "</p> <p>​မျှော်စင်ထဲမှာ အမျိုးမျိုးသော အဆင့်တွေရှိသော အမတများက အလောင်းအစားများ ထပ်နေကြသည်။ အချို့လူများကမူ မည်သူသည် ထိပ်ဆုံးခြောက်ယောက်ထဲသို့ ဝင်မည်ဟု လောင်းကြေးထပ်ကြသလို၊ အချို့လူများကလည်း ထိပ်ဆုံးသုံးယောက်ကို လောင်းကြေးထပ်သည်။ အချို့ကဆိုလျှင် နောက်ဆုံးအထိ တိုက်ရိုက် တက်သွားနိုင်သော သူများကို ပြောကြသည်။</p> <p>ဂျင်ချန်က အကြမ်းဖျင်း လေ့လာကြည့်လိုက်သည်။ ၁၁ ယောက်ထဲတွင် အခြား ၁၀ ယောက်လုံးက အတိုင်းအတာတစ်ခုအထိ လောင်းကြေးထပ်ခံရသည်။ အနည်းဆုံးတော့ ထိပ်ဆုံးခြောက်ယောက်ထဲသို့ ဝင်ရန် အလားအလာများသည့် အနေအထားမျိုးဖြင့် လောင်းကြေးထပ်ခံရသည်။</p> <p>ထိုအချိန်တွင် ကောင်းကင်လွှာ အဆင့် ခြောက် ထာဝရရှင်သန်ခြင်း ဧကရာဇ် လွတ်လပ်သော ကျင့်ကြံသူ ဂျင်ချန် အပေါ်တွင်မူ မည်သူကမှ အလောင်းအစား မတင်ထားကြပေ။</p> <p> </p> <p> </p> <p style="text-align: center;">အပိုင်း ၃၅၆၂ ပြီး၏။</p> <p style="text-align: center;">***</p>


Save