Book List

<h2 style="text-align: center;">အပိုင်း ၃၆၀၄</h2> <h2 style="text-align: center;">*</h2> <p> </p> <p> </p> <p>​" ချင်းရန်၊ ပထမနေရာ၊ ၅ ရောင်ခြယ် နတ်ဘုရားသလင်းတုံး အတုံး ၂၀၀ "</p> <p>​ဂျင်ချန်က ရိုသေလေးစား လိုက်နာခြင်း  ကောင်းကင်ဘုံမြို့၏ လမ်းများပေါ်တွင် ဖြတ်သန်းသွားလာနေရင်း တံဆိပ်ပြား၏ အတွင်းဘက်မှ စွမ်းအားများကို လေ့လာနေခဲ့လေသည်။</p> <p>တံဆိပ်ပြားအတွင်းတွင် စည်းတံဆိပ်၏ စွမ်းအားမျိုး ရှိနေတာ ခံစားလိုက်ရသည်။ သို့သော် ဒါဟာ ယုချန်ခုံးထံမှတင် မဟုတ်ပေ။ သူ့အပြင် လက်တစ်ဝါးအရွယ်အစားသာရှိသော ထိုတံဆိပ်ပြားထံတွင် အခြားသော စည်းတံဆိပ် ၁၀ ခုမကသော စွမ်းအားကိုလည်း ခံစားမိလာသည်။ အဓိကအချက်ကမူ အဆင့်နှစ်ဆင့် ကွဲနေသည်။ ပထမအဆင့်က ယုချန်ခုံးလို အမတ တစ်ရာ တပ်မှူးချုပ်တွေနဲ့ ဆိုင်လိမ့်မည်။ ဒုတိယအဆင့်ကတော့ အမတ တစ်ထောင် ဗိုလ်ချုပ် ဖြစ်မည်။</p> <p>​ဒီတံဆိပ်ပြားတစ်ခုတည်းတွင်ပင် ရိုသေလေးစားလိုက်နာခြင်း ကောင်းကင်ဘုံမြို့၏ အရာရှိ အများစု၏ စွမ်းအားကို ထည့်သွင်းထားပြီးသား။ ကြည့်ရတာ လောင်းကစားရုံ၏ အထောက်အပံ့တွေ ဖြစ်မည်။ ဂျင်ချန်က ထိုသို့ တွေးလိုက်သည်။ သူက မသိမသာပင် ထိပ်ဆုံး ခြောက်ယောက်ကို ဆုံးဖြတ်မည့်နေရာသို့ ရောက်သွားသည်။ ရိုသေလေးစား လိုက်နာခြင်း  ကောင်းကင်ဘုံမြို့ တစ်မြို့လုံးပေါ်တွင် ကြီးမားသော ပုံရိပ်ဖမ်း မျက်နှာပြင်ကြီး ၅ ခုက ပေါ်လာသည်။</p> <p>လာမည့် တိုက်ပွဲ ၅ ခုလုံးက ယခင်ကထက် ခြားနားသွားသည်။ ယခင်အလှည့်များတွင် အပြင်ဘက် လောကတွင်သာ သွားရောက်ကာ တိုက်ခိုက်ခဲ့ကြခြင်း ဖြစ်သောကြောင့် တိုက်ပွဲများကို ကြည့်ရှုခွင့်မရနိုင်ပေ။ သို့သော် ဒီတစ်ပွဲမှ စတင်ပြီး တစ်ပွဲချင်းစီတိုင်းကို အပြင်သို့ တိုက်ရိုက် ထုတ်ပြတော့မည် ဖြစ်သည်။</p> <p>​ဂျင်ချန်နှင့် အခြားသော ၁၀ ဦးတို့ကလည်း ရိုသေလေးစား လိုက်နာခြင်း ကောင်းကင်ဘုံမြို့၏ စွမ်းအားဖြင့် အခြားသော လွတ်လပ်သည့် အာကာသဖြစ်သော နေရာသို့ ပို့ဆောင်ပေးခြင်းခံရသည်။ တူညီသော နေရာသာ ဖြစ်သည်။</p> <p>သို့သော် ၁၁ ဦးအဖြစ် ပြောင်းလဲသွားသည်။ ဂျင်ချန်သည်လည်း အခြားသော ၁၀ ယောက်ကို လေ့လာလိုက်သည်။ ထိုအချိန်တွင် သူတို့အားလုံးက စွမ်းရည်များဖြင့် ပြည့်နှက်နေကြသည်ကို မြင်ရသည်။ သူတို့ဟာ အထွတ်အထိပ် အခြေအနေကို ပြန်မရောက်လာသေးသော်လည်း အနည်းဆုံးတော့ သူတို့၏ အင်အား ၈၀ ရာခိုင်နှုန်းခန့်ကို ပိုင်ဆိုင်နေကြပြီဖြစ်သည်။ သိပ်မကြာခင်မှာပင် စွမ်းအင်လုံး ၁၁ လုံးက ခေါင်းထက်တွင် ပေါ်လာသည်။</p> <p>​လူတိုင်းကလည်း စွမ်းအင်လုံးများကို အလိုအလျောက် ကြည့်ကြသည်။ သူတို့၏ မျက်လုံးက စူးရှမှုများဖြင့် တောက်ပနေသည်။</p> <p>အကြောင်းမူကား ဒီတစ်ခေါက်တွင်လည်း နောက်ထပ် အလှည့်ကျော်တက်နိုင်မည့် အခွင့်အရေးရှိနေသောကြောင့် ဖြစ်သည်။</p> <p>ထိုသို့ ကျော်တက်နိုင်သောသူက ထိပ်ဆုံးခြောက်ယောက်ထဲသို့ တိုက်ရိုက်ဝင်သွားမည်ဖြစ်ပြီး တစ်ချိန်တည်းတွင်ပင် ဒါဟာ နောက်ဆုံးတော့ ကျော်တက်နိုင်မည့် အခွင့်အရေးလည်း ဖြစ်သည်။ ထိပ်ဆုံးခြောက်ယောက် ပြီးလျှင် ထိပ်ဆုံးသုံးယောက်ကို ဆုံးဖြတ်ရတော့မည် ဖြစ်သည်။ နောက်ဆုံး သုံးယောက်ကမူ နောက်ဆုံး အနိုင်ရသူ ပေါ်သည်အထိ တစ်ပတ်လှည့် တိုက်ခိုက်ရမည် ဖြစ်သည်။</p> <p>​" ဒီတစ်ခေါက် ဘယ်သူကများ ဒီလိုအခွင့်အရေး ရမှာလဲ မသိဘူး "</p> <p>အမတ ငှက်မွှေး ဂိုဏ်းမှ ရှားမင်ထျန်းက လေထဲက အလင်းလုံး ၁၁ လုံးကို ကြည့်ပြီး ရေရွတ်သည်။</p> <p>" အရင်က ဒီလို အလှည့်ကျော်တက်ခွင့် ရခဲ့တဲ့သူတွေ ရှိတယ်။ ဒီတစ်ခေါက် သူက ဘယ်လို ကံကောင်းမလဲဆိုတာ ဘယ်လိုသိနိုင်ပါ့မလဲ။ ဒီတစ်ခေါက်တော့ သူ မဖြစ်နိုင်ဘူး ဟုတ်တယ်မလား "</p> <p>​အနက်ရောင်ဝတ်ဆင်ထားသော လူကြီးက ဂရုစိုက်သလို ပြောသည်။ သူက ပျောက်ကွယ်ခြင်းခန်းမမှ မဟာ အကြီးအကဲဖြစ်ပြီး သူ့ကို သွေးရွှေဟု ခေါ်သည်။ ပျောက်ကွယ်ခြင်း ခန်းမဆိုသည်မှာ ကောင်းကင်ဘုံ ခုံရုံး ၁၂ ခုလောက် မကြီးကျယ်သည့်တိုင်အောင် အခြေအနေ သိပ်မဆိုးသော အနေအထားမျိုးတွင် ရှိသည်။ သူတို့ဟာလည်း လောကတစ်ခုလုံးအနှံ့ ကျော်ကြားပေသည်။</p> <p>" ဟိဟိ၊ အဲဒီကောင်ကသာ ဒီတစ်ခေါက် ထပ်ပြီး ကံကောင်းမယ်ဆိုရင် ငါတော့ ထပ်ပြီး ယှဉ်ပြိုင်ဖို့ မလိုတော့ဘူး ထင်တယ်။ သူက ပထမနေရာကို ရသွားမှာပဲလေ။ နှစ်ပွဲဆက်တိုက် ကျော်တက်နိုင်တာကလည်း တော်တော်လေးကို ဆိုးနေပြီ။ ဒါပေမဲ့ ဒီတစ်ခေါက် ထပ်ပြီး ကျော်တက်သွားနိုင်ခဲ့ရင် ဒီအခြေအနေကို ကြိုတင် ဆုံးဖြတ်ပြီးသားလို့ ပြောရတော့မယ်။ ငါတို့ ဘယ်လိုပဲ တိုက်ခိုက်တိုက်ခိုက် သူ့အတွက်ပဲ ဖြစ်နေမှာ "</p> <p>​လော့ကလန်မှ ကျိဟွမ်ယွီက ပြောသည်။</p> <p>" ရိုသေလေးစား လိုက်နာခြင်း ကောင်းကင်ဘုံမြို့ရဲ့ ရာထူးတွေ အားလုံးက အင်အားကနေ ယှဉ်ပြိုင်ယူရတာ။ ကြိုတင်ဆုံးဖြတ်ပြီးသားဆိုတာ ဘာကိုပြောနေတာလဲ။ အဓိပ္ပာယ်မှ မရှိတာ။ အမှန်ပဲ ရိုသေလေးစား လိုက်နာခြင်း ကောင်းကင်ဘုံမြို့ရဲ့ လက်နက် ဝိညာဥ်က ဘက်မလိုက်မှုအတွက် နာမည်ကြီးတယ်။ အတိတ်က စည်းမျဉ်းတွေ အားလုံးကိုလည်း သခင်ဖြစ်သူက ဒီလိုပဲ ချမှတ်ခဲ့တာ မဟုတ်ဘူးလား။ သူက ဘာကြောင့် တစ်ယောက်ယောက်ကို ဘက်လိုက်ရမှာလဲ။ "</p> <p>​" ကျိဟွမ်ယွီ မင်း တွေးတာ များနေပြီ။ ရိုသေလေးစား လိုက်နာခြင်း ကောင်းကင်ဘုံမြို့ လက်နက်ဝိညာဥ်က အခြား လက်နက်ဝိညာဥ်တွေလို မဟုတ်ဘူး။ ဒီမှာ မဟာဘုရင်တွေက ကိုယ်တိုင်ကိုယ်ကျ အဖော်ပြုပြီး လိုက်ပါပို့ဆောင်ပေးခြင်းခံရတဲ့ တိုက်ရိုက်တပည့် မဟုတ်သမျှ အထူးတလည် ဆက်ဆံခံရမှာ မဟုတ်ဘူး။ ဒါပေမဲ့လည်း မဟာဘုရင်ရဲ့ တပည့်တွေက ဘာလို့ ဒီတိုက်ပွဲတွေမှာ ပါဝင်ဖို့ လိုအပ်နေမှာလဲ ဟုတ်တယ်မလား။ သူတို့ရဲ့ နောက်ခံ သူတို့ရဲ့ အဆင့်အတန်းနဲ့ဆိုရင် အဲဒီနယ်မြေကို တိုက်ရိုက်သွားပြီး ကျင့်ကြံလိုက်ရုံပဲလေ။ "</p> <p>​အချို့သော ထာဝရ ရှင်သန်ခြင်း ဧကရာဇ်များကလည်း ကျိဟွမ်ယွီ၏ စကားကို ပြန်ငြင်းကြသည်။ သူတို့ကလည်း သဘောမတူကြပေ။ ကျိဟွမ်ယွီက ပြုံးပြီး အလေးအနက် မထားလိုက်ပေ။</p> <p>မည်သို့ပင်ဆိုစေ သူမက နှစ်ပေါင်းများစွာ နေထိုင်ပြီးသား ဖြစ်သည်။ ထို့ကြောင့် ရိုသေလေးစား လိုက်နာခြင်း ကောင်းကင်ဘုံမြို့၏ စည်းမျဉ်းများကိုလည်း နားလည်သည်။ ထို့ကြောင့် မှတ်ချက်ပေးလိုက်ရုံသာ ဖြစ်သည်။</p> <p>​ထိုအချိန်တွင် လူတိုင်း၏အကြည့်က အလင်းလုံးများထံတွင် ကပ်တွယ်နေသည်။ သူတို့က အရှိန်အဟုန်ဖြင့်လည်း မည်သူကမှ မလှုပ်ရှားကြပေ။</p> <p>" စီနီယာတို့ အားလုံးက စောင့်တော့မယ်ဆိုရင် ငါပဲ စလိုက်တော့မယ်။ "</p> <p>ဂျင်ချန်က ဂရုမစိုက်ဘဲ ပြောလိုက်သည်။ သူ၏ အကန့်အသတ်မဲ့ ခန္ဓာကိုယ်ကြောင့် စွမ်းအင်ကုန်ဆုံးမည့် ကိစ္စကိုလည်း စိုးရိမ်ရန် မလိုအပ်ပါပေ။ အသက် အရင်းအမြစ် ရှိနေခြင်းကြောင့် သူ၏ ဒဏ်ရာများ အားလုံးကိုလည်း လျစ်လျူရှုနိုင်ပြီးသား ဖြစ်သည်။ ရလဒ်အနေဖြင့် သူဟာ ကျော်တက်နိုင်သည်ဖြစ်စေ၊ မကျော်တက်နိုင်သည်ဖြစ်စေ ဂရုမစိုက်ပါပေ။</p> <p>​ဂျင်ချန်က အလင်းလုံးတစ်လုံးကို ယူလိုက်သည်။ သိပ်မကြာခင်မှာ အလင်းလုံး ၁၁ လုံးလုံးကို ရွေးချယ်ပြီးသား ဖြစ်သည်။ သို့ရာတွင် လူတိုင်းကလည်း လက်ထဲတွင် ကိုင်ထားကြပြီး ဖွင့်မကြည့်ကြပေ။</p> <p>ရှင်းလင်းစွာပင် အားလုံးကလည်း အလှည့်ကျော်တက်ချင်ကြလေသည်။ ဒီအဆင့်အထိ ရောက်လာပြီးနောက် အင်အား ကွာခြားချက် အနည်းငယ်သာ ရှိကြတော့သော်လည်း ထူးထူးခြားခြား မကွာခြားတော့ချေ။ တစ်ပွဲချင်းစီတိုင်းက အခြေခံအားဖြင့် သူတို့၏ အင်အားကို ထုတ်သုံးရန် လိုအပ်လာသည်။ အကယ်၍ သူတို့ဟာသာ တစ်ပွဲကို ရှောင်ရှားနိုင်မည် ဆိုသည်ကမူ နောက်ပိုင်းအတွက် ပိုကောင်းပေလိမ့်မည်။</p> <p>​ထိုသို့ဖြင့် အစောဆုံးတစ်ယောက်က လက်ထဲမှ အလင်းလုံးကို ဖြေညှစ်လိုက်သည်။ ရွှေရောင် နံပါတ်တစ်ခုက ပေါ်လာသည်။</p> <p>" ဟိုး။ "</p> <p>ထိုလူက သက်ပြင်းချသည်။ သူက စိတ်ပျက်သွားသည်။ ထို့နောက် နောက်ထပ် ကွဲအက်သံများ ပေါ်ထွက်လာသည်။ ရွှေရောင် နံပါတ်စဉ်များကသာ ပေါ်ထွက်လာ၏။ အလင်းလုံး ၁၁ လုံးထဲမှာ ၉ လုံးကို ခြေမွ၍ ပြီးသွားလေပြီ။ နောက်ဆုံးတွင် ဂျင်ချန်နှင့် ကျိဟွမ်ယွီတို့ကသာ ကျန်ရစ်သည်။ ထိုအချိန်တွင် အားလုံးက ဂျင်ချန်နှင့် ကျိဟွမ်ယွီကို ကြည့်သည်။</p> <p>​" ဟမ်း၊ မင်းက နောက်ထပ်တစ်ကြိမ် ထပ်ပြီး ကျော်တက်နိုင်မယ်လို့ မယုံဘူး။ "</p> <p>ကျိဟွမ်ယွီက နှိမ့်ချစွာ နှာခေါင်းရှုံ့လိုက်သည်။ သူမက လက်ထဲမှာ အလင်းလုံးကို ကြည့်ပြီး ရှုပ်ထွေးသော ခံစားချက်များဖြင့် ပြည့်နှက်သွားသည်။ စိတ်လှုပ်ရှားမှုလည်း ရှိသလို မသက်မသာ ဖြစ်သလိုလည်း ခံစားနေရ၏။ ကျိဟွမ်ယွီက ခြေမွတော့မည့် အချိန်တွင် ရုတ်တရက် ခေါင်းမော့၍ ဂျင်ချန်ကို ပြောသည်။</p> <p>" ချင်းရန်၊ ငါတို့ အလင်းလုံး လဲကြမလား "</p> <p>​" ပြဿနာ မရှိဘူး "</p> <p>ဂျင်ချန်က ပြုံးပြီး လက်ထဲက အလင်းလုံးကို မစိုးရိမ်ဘဲ ပစ်ပေးလိုက်သည်။ သူဟာ ကျော်တက်ခွင့် ရ မရ ဆိုသည့် ကိစ္စပေါ် မစိုးရိမ်ပါပေ။ သူ့အတွက်လည်း အရေးမကြီးပေ။ ကျိဟွမ်ယွီက သူမ၏ လက်ထဲမှ အလင်းလုံးကို ဂျင်ချန်ကို ကမ်းပေးသည်။ သူမက ဂျင်ချန်၏ အလင်းလုံးကို လှမ်းယူပြီး လက်ဖဝါးဖြင့် အုပ်ကာ ကိုင်ထားကာ တစ်ခါတည်း ခြေမွလိုက်လေသည်။</p> <p>ချက်ချင်းဆိုသလိုပင် မျက်စိကျိန်းမည့် တောက်ပသော ရွှေရောင် အလင်းလုံးက မြောက်တက်လာသည်။ ရွှေရောင် နံပါတ်တစ်ခု ဖြစ်၏။ ကျိဟွမ်ယွီက တုန်ယင်သွားပြီး စိတ်ပျက်လက်ပျက် ဖြစ်သွားသည်။ သူမတင် မဟုတ်ပေ။ အခြားသော ထာဝရရှင်သန်ခြင်း ဧကရာဇ်များ အားလုံး၏ မျက်လုံးက ရုတ်တရက်ဆိုသလို ကျဉ်းမြောင်းသွားလေသည်။</p> <p>​" သူ့နားက လူက သုံးကြိမ်မြောက် ကံကောင်းတယ်။ ဒါက မကြားဖူးတဲ့ ကိစ္စပဲ။ "</p> <p>​" ငါ့ရဲ့ ကံက ဒီလောက် ကောင်းမယ် မထင်ဘူး။ နောက်ထပ် တစ်လှည့် ကျော်တက်ခွင့် ရပြီပေါ့။ "</p> <p>ဂျင်ချန်က လွယ်ကူစွာ ပြုံးလိုက်ပြီးနောက် အလင်းလုံးကို ချက်ချင်း ခြေမွလိုက်သည်။ ရှင်းလင်းစွာဖြင့် ဗလာဖြစ်နေလေသည်။</p> <p>" ဒါက ညီနောင် ယွီ အပိုင် ဖြစ်သင့်တာ။ မင်း ဘယ်လိုများ ဒီလိုရအောင် လုပ်လိုက်တာလဲ "</p> <p>​" မဟာအကြီးအကဲ ရီ၊ တကယ်တော့ ငါလည်း ဘာပြောရမှန်း မသိတော့ဘူး။ ဟားဟား၊ မင်းက မင်းရဲ့ အခွင့်အရေးကို ဒီလိုမျိုး နှုတ်ဆက်လိုက်တာပဲ ကျိဟွမ်ယွီ။ ဒါက မင်း ရွေးချယ်တဲ့ ပုံစံလား "</p> <p>အခြားသော ထာဝရ ရှင်သန်ခြင်း ဧကရာဇ် ၉ ယောက်ကလည်း ပြဇာတ်ဆန်သော အလှည့်အပြောင်းကို သဘောကျသွားကြသည်။ ကျိဟွမ်ယွီ ကိုယ်တိုင်၏ မျက်နှာကမူ အလွန်ပင် ပျက်ယွင်းနေပြီး သူမကလည်း နောင်တရနေလေသည်။ သို့သော် အဆုံးသတ်တွင် သက်ပြင်းကိုသာ ချပြီး ကံဆိုးမှုကို လက်ခံလိုက်သည်။ သူမဟာ ရှေးဟောင်း တိုက်ပွဲနယ်မြေထဲသို့ ဝင်သွားလိုက်သည်။</p> <p>​ထွက်သွားသော ကျိဟွမ်ယွီကို ကြည့်ပြီး ဂျင်ချန်ကလည်း ခေါင်းကို ဖြည်းညှင်းစွာ ခါသည်။ အကယ်၍ အလင်းလုံး မလဲခင်ကပင် ရလဒ်ဟာ တူလောက်မည်ဟု သူကိုယ်တိုင်ကသာ သိနေလောက်သည်။ သူက ဘယ်အလင်းလုံးကို ယူယူ သူ အလှည့်ကျော်တက်ရမှာ။ သုံးကြိမ်ဆက်တိုက် ကျော်တက်နိုင်ခဲ့ခြင်းက ဂျင်ချန်အား ရိုသေလေးစား လိုက်နာခြင်း ကောင်းကင်ဘုံမြို့၏ လက်နက်ဝိညာဥ်က သူ့ကို ကူညီပေးနေကြောင်း နားလည်လိုက်ပြီ ဖြစ်သည်။</p> <p>​သိပ်မကြာခင်မှာပင် ပြိုင်ပွဲဝင် ၁၀ ယောက်လုံးက တိုက်ပွဲနယ်မြေ အသီးသီးသို့ ဝင်ရောက်သွားကြသည်။ ဂျင်ချန်ကသာ စောင့်ကြည့်ရသည့်အထဲ ကျန်ရစ်သည်။ တိုက်ပွဲနယ်မြေ ၅ ခု၏ ပုံရိပ်ယောင်များကလည်း မြို့၏အထက်တွင် ပေါ်လာသည်နှင့် လူတိုင်းက အာရုံစိုက်သွားကြသည်။ သူတို့ဟာ ထာဝရရှင်သန်ခြင်း ဧကရာဇ်များ အကြားမှ ပြိုင်ပွဲကို ကြည့်ရှုရင်းနှင့် ဒီတစ်လှည့်ကို ကျော်တက်နိုင်ခဲ့သောသူကို ဆွေးနွေးနေကြရာ နေရာတိုင်းတွင် သက်ပြင်းချသော မှင်သက်အံ့သြသံများက ပေါ်ထွက်လာလေသည်။</p> <p>​" အဓိပ္ပာယ် မရှိဘူး၊ အဓိပ္ပာယ်ကို မရှိတာ။ ချင်းရန်ကလွဲပြီး အခြား ထာဝရ ရှင်သန်ခြင်း ဧကရာဇ်တွေ အားလုံးက ကောင်းကင်လွှာ အဆင့် ၉ တွေချည်းပဲ။ ဒါတောင်မှ အများစုက ဖယ်ထုတ်ခံရပြီးပြီ။ ချင်းရန်ကတော့ အဆင့် ၆ မှာပဲ ရှိနေရသေးတာ၊ ထိပ်ဆုံး ၆ ယောက်ထဲကို ဝင်သွားလေရဲ။  "</p> <p>​" ကောင်းကင်လွှာ အဆင့်နိမ့် ထာဝရ ရှင်သန်ခြင်း ဧကရာဇ်တစ်ယောက်က ထိပ်ဆုံး ၆ ယောက်ထဲကို ဝင်နိုင်တာ ဒီအတွေးကလည်း ကြောက်ဖို့ကောင်းတယ်။ မင်းက ဘာသိလို့လဲ။ ထာဝရ ရှင်သန်ခြင်း ဧကရာဇ် ချင်းရန်က ထိပ်ဆုံး ၆ ယောက်ထဲ ဝင်နိုင်တာက ကံကောင်းသွားလို့ပဲ။ သူတစ်ယောက်တည်းက သုံးကြိမ်တောင် အလှည့်ကျော်တက်နိုင်ခဲ့တာလေ။ ဒီ အခြေအနေကလည်း အခြား ထာဝရရှင်သန်ခြင်း ဧကရာဇ်တွေက မယှဉ်နိုင်တော့ဘူး "</p> <p>​ဂျင်ချန်ကိုယ်တိုင်ကလည်း သူဟာ လူပြောအများဆုံး အကြောင်းအရာ ခေါင်းစဉ် ဖြစ်နေတာ သတိမထားမိလိုက်ဘဲ လက်ရှိအချိန်တွင် သူသည် မြေပြင်တွင် ထိုင်နေပြီး တိုက်ပွဲများကိုသာ သေချာ စိုက်ကြည့်နေလိုက်သည်။ ဒီတစ်လှည့်က တစ်လနီးပါးခန့် ကြာပြီးမှသာ အဆုံးသတ်မည် ဖြစ်သည်။</p> <p>အနိုင်ရသူ ၅ ယောက်က ဒဏ်ရာ အသီးသီးနှင့် ထွက်လာကြသောအခါ တစ်လက ကုန်ဆုံးသွားပြီ ဖြစ်သည်။ ထိုသို့ဖြင့် ထိပ်ဆုံး ၆ ယောက်ကို ဆုံးဖြတ်၍ ပြီးသွားသည်။ ဂျင်ချန်ကမူ ထိပ်ဆုံး ၆ ယောက်ထဲတွင် တစ်ယောက်အဖြစ် အေးဆေးစွာ ပါဝင်သွားလေသည်။</p> <p> </p> <p> </p> <p style="text-align: center;">အပိုင်း ၃၆၀၄ ပြီး၏။</p> <p style="text-align: center;">​ ***</p>


Save