Book List

<h2 style="text-align: center;">ငါကဂိမ်းထဲဝင်နိုင်တယ်</h2> <h2 style="text-align: center;">(စာစဉ်-၈၉)</h2> <h2 style="text-align: center;"> </h2> <h2 style="text-align: center;"> </h2> <h2 style="text-align: center;">အခန်း ၁၃၂၁</h2> <h2 style="text-align: center;">ကောင်းကင်ကရွေးချယ်သူ! ၂</h2> <h2 style="text-align: center;">*</h2> <p> </p> <p> </p> <p>သူကအမြန်ငွေရှင်းလိုက်သည်။ သူမဲပေါက်ရင် အလှလေးတွေနဲ့အတူတူဖြစ်သွားပြီမလား?</p> <p>ဒီအလှလေးတွေနဲ့ နတ်သမီးပုံပြင်တောင်ပေါ်ခရီးသွားရရင် သူအခွင့်အရေးရနိုင်တယ်ဟုတ်?</p> <p>ထိုအတွေးနှင့် ငွေရှင်းရန်အပြေးသွားသည်။</p> <p>"လူကြီးမင်း.. စုစုပေါင်း ယွမ် ၂၃၀၀ ပါ... ၂၃ ကြိမ်မဲနှိုက်လို့ရပါတယ်''</p> <p>ကောင်တာမှတွက်ချက်ပေးသည်။</p> <p>လူငယ်ကအမြန်စကင်န်ဖတ်ပြီး မဲနှိုက်သည်။</p> <p>အချစ်နတ်ဘုရားက မဲပေါက်ခွင့်ပေးပါစေ၊ အချစ်ရှာဖို့အခွင့်အရေးပေးပါစေ!</p> <p>"ပါဝင်ပေးတဲ့အတွက်ကျေးဇူးတင်ပါတယ်!''</p> <p>"ပါဝင်ပေးတဲ့အတွက်ကျေးဇူးတင်ပါတယ်!''</p> <p>"ပါဝင်ပေးတဲ့အတွက်ကျေးဇူးတင်ပါတယ်!''</p> <p>ပါဝင်ပေးတဲ့အတွက်ကျေးဇူးတင်ပါတယ်!'ဟု ၂၃ ​ကြိမ်ဆက်တိုက်ကြားပြီးနောက် လူငယ်ပါးစပ်အဟောင်းသားနှင့်ကြောင်သွားသည်။</p> <p>အခွင့်အရေးက သူ့ရှေ့မှာ၊ ဒါပေမဲ့ ကံကြမ္မာက သူ့ကိုအခွင့်အရေးမပေး။</p> <p>ကျူးယွမ်ယွမ်နှင့်ဝမ်လီလီထွက်သွားပြီးနောက် စျေးဝယ်စင်တာထဲချက်ချင်းပြေးဝင်ကာ ပစ္စည်းများဝယ်ပြီးမဲထပ်နှိုက်သည်။</p> <p>အလှလေးတွေက ပန်းအိမ်ထဲဝင်ချင်တယ်တဲ့။ သူမဲပေါက်ရင် ပန်းအိမ်မှာဆုံလို့ရပြီမလား?</p> <p>ကျူးယွမ်ယွမ်နှင့်ဝမ်လီလီက စျေးဝယ်စင်တာမှထွက်သွားကြပြီ။ ဒီလူငယ်အရူးတပိုင်းဖြစ်နေသည်ကို သူတို့မသိ။</p> <p>သူတို့နှစ်ဦးက နတ်သမီးပုံပြင်တောင်လက်မှတ်ယူရန် ဧည့်ကြိုခန်းမတန်းသွားကြသည်။</p> <p>ပေါက်မဲတွင် ကေဘယ်ကား၊ တောင်တက်လက်မှတ်၊ တောင်ပေါ်ပရောဂျက်တချို့နှင့် ပန်းအိမ်တစ်ညအိပ်ခွင့်ပါသည်။</p> <p>သို့သော် လက်မှတ်ရပြီး ချက်ချင်းတောင်ပေါ်တက်မရသေး။ မနက်ဖြန်နေ့လယ်၊ညနေရောက်အောင် စောင့်ရဦးမည်။ နောက်ပြီး တောင်ပေါ်သို့အုပ်စုလိုက်ခွဲတက်ရမည်။</p> <p>ချင်းလင်ရှုမျှော်ခင်းနေရာက သတ်မှတ်ထားခြင်းပင်။ ဘာပဲဖြစ်ဖြစ် တောင်ပေါ်ကို ခရီးသည်အကုန်လုံးတက်ခွင့်မပေးနိုင်။</p> <p>ပထမဆုံးအကြိမ်လုပ်ငန်းလည်ပတ်ခြင်းဖြစ်၍ အတွေ့အကြုံမရှိသေးသောကြောင့် ပြဿနာရှိနိုင်သည်။</p> <p>အသုတ်လိုက်ခွဲဝင်မှ ဝန်ထမ်းများအသားကျသွားမည်။</p> <p>ထို့ကြောင့် ကျူးယွမ်ယွမ်နှင့်ဝမ်လီလီစောင့်ရုံသာရှိသည်။</p> <p>ချင်းလင်အပန်းဖြေစံအိမ်၊ ချင်လင်ရုံးခန်း_</p> <p>ရုတ်တရက် လင်းလန်ဇီနှင့်ချန်လီအတူတူရောက်လာသည်။</p> <p>သူတို့အတူတူရောက်လာသောကြောင့် နတ်သမီးပုံပြင်တောင်ကိစ္စဖြစ်မည်ဟု ချင်လင်သိလိုက်သည်။</p> <p>မဟုတ်ရင် ချန်လီနှင့်လင်းလန်ဇီ ဆက်သွယ်စရာအကြောင်းမရှိ။</p> <p>"သူဌေးချင်.. ထပ်အနှောင့်အယှက်ပေးရတာ အားနာပါတယ်''</p> <p>ချန်လီကတွေ့တွေ့ချင်းပြောသည်။</p> <p>ချင်လင်ကပြုံးပြီး_</p> <p>"လက်ထောက်ချန်က ကျွန်တော့်ကိုသူစိမ်းလိုသဘောထားနေတာပဲ... အစ်မလင်း အားလုံးထိုင်ရအောင်... ခင်ဗျားတို့အတူတူလာတယ်ဆိုတော့ တစ်ခုခုဖြစ်နေပြီပေါ့''</p> <p>နှစ်ယောက်သားထိုင်ပြီးသည်နှင့် လင်းလန်ဇီကလိုရင်းတန်းပြောသည်_</p> <p>"ဥက္ကဌချင်.. နတ်သမီးပုံပြင်တောင်က ဖွင့်ပြီမလား? ကေဘယ်ကားအပြင် တောင်တက်လမ်းမှာမြင်းစီးလို့လည်းရတယ်''</p> <p>"ဒီတော့ တောင်ပေါ်ခြေလျင်တက်တဲ့လမ်းကြောင်းအတွက် စီရင်စုက ဆင်းရဲသားသက်သာချောင်ချိရေးပရောဂျက်ဖော်ဆောင်ချင်တယ်တဲ့... ဥပမာ ပစ္စည်းတင်တာပေါ့''</p> <p>"ပစ္စည်းသယ်တဲ့သူတွေက ထမ်းစင်နဲ့ ခရီးသည်တွေကိုတောင်ပေါ်ပို့နိုင်တယ်... ခရီးသည်တွေက သယ်ပို့ခပေးရမယ်''</p> <p>"နတ်သမီးပုံပြင်တောင်ထိပ်က အရမ်းမြင့်တယ်... ကိုယ့်အင်ကိုယ့်အားသက်သက်ဆိုရင် ခရီးသည်တွေခဏခဏနားပြီးလျှောက်ရမယ်''</p> <p>"ဒီတော့ ဒီပရောဂျက်ရှိရင် ခရီးသည်တွေကထမ်းစင်ပေါ်ထိုင်ပြီး ရှုခင်းကြည့်ချင်မှာပဲ... ဝိုင်လုပ်ငန်းအတွက်လည်း အခွင့်အရေးအများကြီးရမယ်''</p> <p>"သူဌေးချင်.. ဒီကိစ္စ မင်းကိုဒုက္ခပေးရဦးမယ်''</p> <p>ချန်လီကပြောရင်းဆိုရင်း ချင်လင်ကိုစာဖိုင်ပေးသည်။</p> <p>ချင်လင်လည်း ယူဖတ်လိုက်၏။</p> <p>ဆင်းရဲသားပပျောက်ရေးမှာ အစိုးရတာဝန်တစ်ရပ်ဖြစ်သည်။ နောက်ပြီး မြို့တစ်မြို့ဘယ်လောက်ဖွံ့ဖြိုးသည်ဖြစ်စေ ဆင်းရဲသားကရှိစမြဲ။</p> <p>ရုံချန်းလည်းအတူတူပင်။</p> <p>ရုံချန်းတွင် အလုပ်အကိုင်အခွင့်အလမ်းများသည်။ ကျေးလက်တွင် ချင်းလင်ဓာတ်ခွဲခန်းမှသီးနှံစိုက်ပြီး စီရင်စုထဲတွင်မူ စက်ရုံမှာအလုပ်လုပ်နိုင်သည်။</p> <p>သို့ရာတွင် အလုပ်မရှိ၊ဝင်ငွေမရသူက ရှိနေသေးသည်။</p> <p>အပျင်းကြီးသူများမှာ ဆင်းရဲထိုက်သည်။</p> <p>သို့သော် တချို့က ဒီလိုမဟုတ်။ သီးနှံစိုက်ချင်သော်လည်း ကျေးရွာမှာမြေမရှိ။ စက်ရုံမှာလုပ်ချင်သော်လည်း စာမတတ်၍စက်အကြောင်းနားမလည်။ အနုစိတ်အလုပ်ကိုအဆင်ပြေအောင်မလုပ်နိုင်ပေ။</p> <p>တချို့က မွေးရာပါနားမကြားသူတောင်ရှိသည်။</p> <p>ဒီလိုလူမျိုးတွေက ပင်ပင်ပန်းပန်းအလုပ်လုပ်ပြီးသာ ပိုက်ဆံရှာတတ်သည်။ အလုပ်ကြမ်းဆို သူများထက်ပိုလုပ်နိုင်သည်။</p> <p>ဒီလိုလူမျိုးက စီရင်စုကကူညီပေးချင်သောဆင်းရဲသားမျိုးပင်။</p> <p>ဘာပဲဖြစ်ဖြစ် ချင်းလင်ရှုမျှော်ခင်းနေရာက စီရင်စုအတွက်ဘယ်လောက်အကျိုးရှိလဲ သူတို့သိသည်။ သူတို့အတွက်ခက်ခဲအောင်မလုပ်ချင်သလို ဒုက္ခလည်းမပေးချင်။</p> <p>သူတို့ကူညီရန်ရွေးထားသောဆင်းရဲသားများမှာ သေချာပေါက်လူရိုးများဖြစ်သည်။</p> <p>ချင်လင်က အချက်အလက်ဖတ်ပြီး ခေါင်းညိမ့်ကာ_</p> <p>"ကိစ္စမရှိပါဘူး.. ဥက္ကဌလင်း စီရင်စုကိုသွားပြီးလက်ခံလိုက်ပါ... ပစ္စည်းသယ်တဲ့သူတွေကို ကျွန်တော်တို့ပိုက်ဆံမကောက်ဘူး... စာရင်းသွင်းဖို့ပဲလိုတယ်... တစ်ခုခုအမှားလုပ်မယ် ရှုမျှော်ခင်းနေရာကိုထိခိုက်မယ်ဆိုရင်တော့ သူတို့ကိုစည်းကမ်းအတိုင်းအပြစ်ပေးရပါမယ်''</p> <p>လူအမျိုးမျိုးရှိမှန်း ချင်လင်လည်းသိသည်။ အတော်များများမှာ ပြင်မရသောမွေးရာပါအားနည်းချက်ရှိတတ်သည်။</p> <p>နောက်ပြီး ဆင်းရဲသားအများစုက အလုပ်မလုပ်၍​မဟုတ်၊ အခက်အခဲနှင့်ပင်ပန်းမှုကိုကြောက်၍လည်းမဟုတ်။ တစ်ခါတလေ နေရာမှန်မှာ အားစိုက်ထုတ်မှုမမှန်ခြင်းသာဖြစ်သည်။</p> <p>လူတချို့ကိုအခွင့်အရေးပေးဖို့သာလိုသည်။</p> <p>အခွင့်အရေးပေးချင်စိတ်ရှိရင်ပေါ့။</p> <p>"ကောင်းပါပြီ ဥက္ကဌချင်''</p> <p>လင်းလန်ဇီခေါင်းညိမ့်လိုက်သည်။</p> <p>"ကျေးဇူးအများကြီးတင်ပါတယ် သူဌေးချင်''</p> <p>ချန်လီလည်း ကျေးဇူးတင်စကားပြောသည်။</p> <p>ထိုကိစ္စပြောပြီးသည်နှင့် ချန်လီနှင့်လင်းလန်ဇီလည်း စီရင်စုထဲသွားသည်။ ဒီကိစ္စသူတို့ချက်ချင်းဖြတ်မည်ဖြစ်သော်လည်း စီရင်စုက ထမ်းစင်ဖြစ်စေ၊ ဝါးကုလားထိုင်ဖြစ်စေ အားလုံးပြင်ဆင်ထားပြီးဖြစ်မည်ဟုမထင်မိချေ။</p> <p>အချိန်ကုန်လွန်သွားပြီး ဒုတိယမြောက်နေ့ရောက်လာသည်။</p> <p>ရုံချန်းမှာ စောစောစီးစီးစည်ကားနေသည်။ နတ်သမီးပုံပြင်တောင်လက်မှတ်ရသောခရီးသည်များမှာ ရထားနှင့်ဖြစ်စေ၊ကားနှင့်ဖြစ်စေ ရုံချန်းသို့အစောကြီးရောက်လာကြသည်။</p> <p>ချန်လီလည်း စီရင်စုထဲအစောကြီးရောက်နေပြီး ဆင်းရဲပပျောက်ရေးပရောဂျက်ကိုစောင့်ကြည့်ရန် သီးသန့်လူတစ်ယောက်စီစဉ်သည်။</p> <p> </p> <p> </p> <p style="text-align: center;">***</p>


Save