Book List

<h2 style="text-align: center;">အခန်း ၁၃၂၂</h2> <h2 style="text-align: center;">ကောင်းကင်ကရွေးချယ်သူ! ၃</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ဒီကိစ္စဆုံးဖြတ်ပြီးမှတော့ သူလိုရာထူးနှင့်လူက မျက်စိဒေါက်ထောက်ကြည့်နေဖို့မဖြစ်နိုင်။ အစီအစဉ်သာဆွဲရမည်။</p> <p>မနက်ပိုင်း ထိုကိစ္စစီစဉ်ပြီးနောက် စွန်းရှန်ကအစည်းအဝေးခန်းထဲဖုန်းဆက်ခေါ်သည်။</p> <p>အစည်းအဝေးခန်းထဲရောက်သောအခါ ယာဉ်လမ်းကြောင်းတာဝန်ခံတချို့ကိုတွေ့ရသည်။</p> <p>ထို့ကြောင့် သူကအမှတ်တမဲ့မေးလိုက်၏_</p> <p>"ယာဉ်လမ်းကြောပျက်ပြန်ပြီလား?''</p> <p>အရာရှိတစ်ဦးက ချက်ချင်းခေါင်းညိမ့်ပြီး_</p> <p>"ဟုတ်တယ်.. လမ်းစပိတ်နေပြီ... တတိယပတ်လမ်းပါ စပိတ်နေတာ''</p> <p>စွန်းရှန်က သက်ပြင်းချကာ_</p> <p>"ထင်တဲ့အတိုင်းပဲ.. ရာသီဥတုကပြောင်းနေပြီ... ခရီးသည်တွေအပန်းဖြေထွက်ဖို့အကောင်းဆုံးအချိန်ပဲ... ချင်းလင်စံအိမ်မှာ ဒီလောက်ကြီးတဲ့ပရောဂျက်ရှိတာ မပိတ်ဘဲမနေဘူး''</p> <p>"ဒီတစ်ခါယာဉ်လမ်းကြောကိုကြိုးစားထိန်းပါ... သယ်ယူပို့ဆောင်ရေးအတွက် ခင်ဗျားတို့အပြင်းအထန်လုပ်ပါ... စတုတ္ထနဲ့ပဥ္စမမြောက်ပတ်လမ်းကိုအမြန်ဆောက်ရမယ့်ပုံရှိတယ်''</p> <p>ထို့နောက် စွန်းရှန်က ချန်လီကိုခေါ်ပြီးဆွေးနွေးသည်။</p> <p>အနောက်ဘက်တွင်နေဝင်ပြီးချိန် နတ်သမီးပုံပြင်တောင်က ပိုစည်ကားလာသည်။ နတ်သမီးပုံပြင်တောင်ဖွင့်ပြီးနောက် လက်မှတ်ရခရီးသည်များအစောကြီးရောက်လာကာ တောင်ပေါ်အမြန်ဆုံးတက်ပြီးအတွေ့အကြုံခံစားချင်ကြသည်။</p> <p>ကျူးယွမ်ယွမ်နှင့်ဝမ်လီလီလည်း အတူတူပင်။</p> <p>သူတို့လည်းဝတ်စားပြင်ဆင်လာသည်။ လှလှပပနှင့်ကိုယ်လုံးကိုယ်ပေါက်ကောင်းသောကြောင့် အမျိုးသားခရီးသည်များစိတ်ဝင်စားကြသည်။</p> <p>အထူးသဖြင့် တဏှာရူးများက အကြည့်မခွာနိုင်ကြ။</p> <p>ထိုတဏှာရူးများဘေးတွင် မကျေမနပ်ဖြစ်နေသောအမျိုးသမီးအဖော်များပါသည်။</p> <p>အဆီတဝင်းဝင်း၊ဗိုက်ရွှဲရွှဲနှင့်အမျိုးသမီးက သူမဘေးမှတဏှာရူးကိုကန်လိုက်ပြီး_</p> <p>"ဘာကြည့်စရာရှိလို့လဲ? အလည်လာတာကို ကလက်တက်တက်ဝတ်စားထားတာ လူကောင်းနဲ့လုံးဝမတူဘူး... အကြွေးတင်နေရင်တင်တယ်ပြော... ဒီလာပြီး *** ရောင်းစားစရာမလိုဘူး''</p> <p>ဗိုက်ရွှဲရွှဲနှင့်အမျိူးသမီးကပြောရင်းပြောရင်း စိတ်အနှောင့်အယှက်ဖြစ်လာပြီးဆဲရေးကာ သူမဘေးမှအမျိုးသမီးများကိုတောင်​မြှောက်ပေးသည်။</p> <p>ထိုအမျိုးသမီးများကိုလည်း ပတ်ဝန်းကျင်မှခရီးသည်များအာရုံစိုက်မိပြီး ခေါင်းခါလိုက်ကြသည်။ ဒီအပြုအမူကို စကားလုံးနည်းနည်းနှင့်ရှင်းပြရခက်သည်။</p> <p>ကျူးယွမ်ယွမ်နှင့်ဝမ်လီလီက ထိုအမျိုးသမီးများဆူပူသံကိုကြားပြီး အမှတ်တမဲ့ခြေလှမ်းသွက်သွက်ထွက်လာသည်။ တစ်ခါတလေ အတော်စိတ်ပျက်စရာကောင်းသည်။</p> <p>သူတို့ဘာမှမလုပ်တာအမှန်။ ခပ်မိုက်မိုက်ဝတ်စားတာ သူတို့အပြစ်မဟုတ်။</p> <p>"လီလီ.. အခုကေဘယ်ကားစီးကြမလား?''</p> <p>ကျူးယွမ်ယွမ်က ဝင်ဝင်ချင်းမေးသည်။</p> <p>ဝမ်လီလီက ချက်ချင်းဘေးကိုညွှန်ပြပြီး_</p> <p>"ယွမ်ယွမ်.. ဟိုမှာထမ်းစင်ရှိတယ်ထင်တယ်... တောင်ပေါ်ထမ်းစင်နဲ့တက်လို့ရမလားပဲ... သွားစီးရအောင်''</p> <p>"ဟုတ်ပြီ!''</p> <p>ကျူးယွမ်ယွမ်ကအကြံကောင်းဟုထင်ပြီး ခေါင်းညိမ့်သည်။ ကေဘယ်ကားလက်မှတ်ရှိသော်လည်း ရှုခင်းကြည့်ရင်း အထမ်းသမားများ၏စီးပွားရေးကိုဂရုစိုက်ပေးတာလည်း အကြံကောင်းပင်။</p> <p>ဒီလိုပင်ပင်ပန်းပန်းလုပ်ပြီး ဘယ်သူကအသက်မွေးချင်မလဲ?</p> <p>"ဦးလေး.. အထမ်းစီးရင် ဘယ်လောက်လဲ?''</p> <p>ကျူးယွမ်ယွမ်က အထမ်းသမားတစ်ဦးကိုမေးသည်။</p> <p>အထမ်းသမားများ တန်းစီနေသည်။ ခရီးသည်များကိုမြင်သောအခါ သူတို့မျက်နှာလင်းထိန်သွား၏။ သူတို့အားလုံးမှာ အလုပ်ကြိုးစားဖို့သာသိသူများပင်။ ရှုမျှော်ခင်းနေရာက အခွင့်အရေးပေးသောကြောင့် သူတို့တန်ဖိုးထားသည်။</p> <p>"အလှလေး.. တစ်ခေါက် ယွမ် ၁၀၀ ပါ!''</p> <p>အထမ်းသမားကချက်ချင်း ဝမ်းသာအားရပြောသည်။ ရှုမျှော်ခင်းနေရာကအခွန်မကောက်သောကြောင့် ထမ်းစင်ကိုလူနှစ်ယောက်သယ်သည်။ တစ်ခေါက်ကို တစ်ယောက်ယွမ် ၅၀ သာရသည်။</p> <p>"ဒါဆို ထမ်းစင်နှစ်ခု''</p> <p>ကျူးယွမ်ယွမ်ကတန်း​ပြောသည်။</p> <p>"ဟုတ်ပြီ.. လူမစေ့ရင် ရှေ့ဆုံးကနှစ်ခုယူလိုက်... ငါတို့တန်းစီမယ်''</p> <p>အထမ်းသမားတစ်ယောက်က ဝမ်းသာအားရပြောသည်။</p> <p>အမှန်ပင်။ အထမ်းသမားများ ခရီးသည်မလုစေရန် တန်းစီရသည်။ တောင်ပေါ်မှဆင်းလာသောအထမ်းသမားက နောက်ဆုံးမှာတန်းစီရသည်။</p> <p>ခန္ဓာကိုယ်သန်မာရင်သန်မာသလောက် တောင်ပေါ်နောက်မှတက်ပြီး သူများထက်အရင်ဆင်းကာ ရှေ့လည်းပြန်ရောက်နိုင်သည်။</p> <p>အထမ်းသမားများမှာ ကျူးယွမ်ယွမ်နှင့်ဝမ်လီလီကြောင့် ဝမ်းသာနေသည်။ ခရီးသည်ရရုံသာမက ပေါင် ၉၀ လောက်သာရှိပြီးပေါ့လည်းပေါ့သောကြောင့် အသာလေးသယ်နိုင်သည်။</p> <p>မကြာမီ နှစ်ယောက်သားထမ်းစင်နှင့်တောင်ပေါ်တက်သွားသည်။</p> <p>တိုက်တိုက်ဆိုင်ဆိုင်ပင်၊ စောစောကဆဲရေးသောအမျိုးသမီးတချို့လည်းရောက်လာ၏။ ဗိုက်ရွှဲရွှဲအမျိုးသမီးက လှောင်တောင်လှောင်သည်_</p> <p>"အားလုံး ကြည့်စမ်းပါဦး... ဒီလိုမိန်းမမျိုးက အရှက်မရှိဘူး... တောင်ပေါ်ကေဘယ်ကားရှိရဲ့သားနဲ့ ထမ်းစင်စီးတယ်... ပိုက်ဆံသုံးပြီး သူများကိုအရှက်ခွဲတာ''</p> <p>ထိုစကားကို ပတ်ပတ်လည်မှအမျိုးသမီးများက တရားမျှတမှုရှိသလိုခံစားရသည်။</p> <p>"ဟုတ်ပါ့.. လူတိုင်းမွေးလာတာ အတူတူပဲဟာ... သူတို့က ဘာကော*င်မမလို့လဲ? ကြည့်ရုံနဲ့ လူကောင်းမဟုတ်မှန်းသိသားပဲ''</p> <p>"ဒီလိုလူမျိုး သေသွားအေးတာပဲ... အရှက်မရှိဘူး''</p> <p>သူတို့ဖုန်းများနှင့်တောင် ကျူးယွမ်ယွမ်နှင့်ဝမ်လီလီကိုဓာတ်ပုံရိုက်ထားသည်။</p> <p>ထိုမြင်ကွင်းကြောင့် တောင်ပေါ်ထမ်းစင်နှင့်တက်ချင်သောခရီးသည်များမှာ အလှလေးနှစ်ယောက်ကိုမြင်ပြီး နောက်ပြန်ဆုတ်သွားကြသည်။ ထိုသူတော်ကောင်းကြေညာချက်စကားကြောင့် ထမ်းစင်စျေးမေးသောခရီးသည်တချို့ ချက်ချင်းပြန်ထွက်သွား၏။</p> <p>ထို့ကြောင့် အထမ်းသမားများက ဗီဒီယိုရိုက်နေသောအမျိုးသမီးများကို မကြည်ကြည့်နှင့်ကြည့်လိုက်ကြသည်။</p> <p>သို့သော် ထိုအမျိုးသမီးများက သတိမထားမိဘဲ သူတို့စကားသူတို့ဂုဏ်ယူနေသည်။</p> <p>"အဲဒီမိန်းမပျက်နှစ်ယောက်ကိုအလွတ်မပေးနိုင်ဘူး... ဖော်ထုတ်မယ်!''</p> <p>"ဟုတ်တယ်.. သူတို့အကြောင်းဖော်မယ်''</p> <p>"သူတို့သိက္ခာချမယ်... နာမည်ကြီးပါစေ''</p> <p> </p> <p> </p> <p style="text-align: center;">***</p>


Save