Book List

<h2 style="text-align: center;">အခန်း ၁၃၂၃</h2> <h2 style="text-align: center;">ထူးဆန်းထွေလာကမ္ဘာ!</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ကျူးယွမ်ယွမ်နှင့်ဝမ်လီလီက နောက်မှအသံများကြားသော်လည်း မငြင်း။ သက်ပြင်းသာချလိုက်သည်။</p> <p>အမှန်အတိုင်းပြောရရင် အထမ်းသမားတွေကိုစော်ကားခြင်းမဟုတ်။ ဘာပဲဖြစ်ဖြစ် အထမ်းသမားတွေရှိနေမှတော့ ထမ်းဖို့ပဲပေါ့။</p> <p>ဒါကလည်း ဝန်ဆောင်မှုပေးသူနဲ့ယူသူကြား ဆက်ဆံရေးသာ။</p> <p>တောင်မတက်ချင်သောကြောင့် သူတို့ကဝန်ဆောင်ခပေးသည်။ မိသားစုကိုထောက်ပံ့ရန်အလုပ်ကြမ်းလုပ်နေသူများအတွက်မျှတသည်။</p> <p>"ယွမ်ယွမ် သူတို့ကိုဂရုမစိုက်နဲ့... တို့ဘာသာလည်ကြစို့''</p> <p>ဝမ်လီလီက စိတ်ကြည်ကြည်နှင့် ကျူးယွမ်ယွမ်ကိုပြောသည်။</p> <p>"အင်း!''</p> <p>ကျူးယွမ်ယွမ်ခေါင်းညိမ့်လိုက်သည်။</p> <p>အထမ်းသမားများသယ်ရင်း တောင်ပေါ်ရောက်လာသည်နှင့် ပတ်ဝန်းကျင်ရှုခင်းကိုစချီးကျူးရသည်။</p> <p>တောင်တက်လမ်းတွင် စိမ်းစိမ်းစိုစိုအပင်များစွာရှိပြီး အတော်များများကတန်ဖိုးရှိပုံရသည်။ ထင်သာမြင်သာရှိသည်။</p> <p>သို့ရာတွင် ကျူးယွမ်ယွမ်နှင့်ဝမ်လီလီက မျက်မှောင်ကြုတ်လိုက်သည်။</p> <p>သူတို့လာတာ နတ်သမီးပုံပြင်တောင်၊ ဒီမှာ တခြားနေရာတွေလိုစိမ်းစိမ်းစိုစိုအပင်များသာရှိသောကြောင့်ပင်။</p> <p>ဒီတောင်တက်လမ်းက ဗီဒီယိုထဲမှာပြထားသလိုလှပတဲ့ရှုခင်းမျိုးမဟုတ်။</p> <p>ညမရောက်သေးမှန်း သူတို့လည်းသိသည်။ နတ်သမီးပုံပြင်တောင်မိတ်ဆက်တွင် နေ့နှင့်ညက ကမ္ဘာခြားသည်ဟုဆိုထားသည်။</p> <p>နေ့တွင် သာမန်စိမ်းစိမ်းစိုစိုရှုမျှော်ခင်းနေရာဟုသာယူဆနိုင်သည်။ ညပိုင်းတွင်မူ တောင်က နတ်သမီးပုံပြင်ကမ္ဘာပြောင်းသွားမည်။</p> <p>ဒါကြောင့်လည်း ညရောက်ရန်မျှော်လင့်စောင့်စားမိသည်။</p> <p>အချိန်လွန်သည်နှင့် အနောက်ဘက်တွင်နေလုံးလုံးဝင်သွားပြီး အထမ်းသမားများတင်လာသောကျူးယွမ်ယွမ်နှင့်ဝမ်လီလီမှာ တောင်ထိပ်ရှိပန်းအိမ်အစုအဝေးသို့ရောက်လာသည်။</p> <p>နှစ်ယောက်သားဆင်းပြီးနောက် ငွေရှင်း၍ စာရင်းသွင်းကောင်တာအပြေးသွားကာ လက်မှတ်နှင့် ID ကတ်များပြသည်။</p> <p>စာရင်းသွင်းသူက အခန်းစစ်ဆေးပြီးနောက် သူတို့နှစ်ဦးကိုစာရင်းသွင်းကာ အခန်းကတ်ပေးသည်။ သူတို့ကကံကောင်းပြီး နှစ်မဲဆက်တိုက်ရခဲ့သူများပင်။</p> <p>နောက်အစောင့်တစ်ယောက်က ချက်ချင်းရောက်လာပြီး လမ်းပြသည်_</p> <p>"ဧည့်သည်တို့.. ကျွန်တော့်နောက်လိုက်ခဲ့ပါ''</p> <p>ကျူးယွမ်ယွမ်နှင့်ဝမ်လီလီက သူ့နောက်လိုက်ပြီး ပန်းအိမ်အစုအဝေးဆီရောက်လာသည်။</p> <p>ပန်းအိမ်တစ်ခုနှင့်တစ်ခုဆက်စပ်နေသောအစုအဝေးမှာ ပြောမပြတတ်အောင်ခမ်းနားသည်။</p> <p>"လှလိုက်တာ''</p> <p>ကျူးယွမ်ယွမ် ကြည်နူးအံ့ဩသွားသည်။</p> <p>"အင်း.. ပန်းအိမ်က အရမ်းဆွဲဆောင်မှုရှိတာပဲ''</p> <p>ဝမ်လီလီ ခေါင်းညိမ့်လိုက်သည်။</p> <p>တစ်ချက်ကြည့်ရုံနှင့် ပန်းအိမ်၏ အလှ +၂၊ ဆွဲဆောင်မှု +၂ က အကြည့်မခွာနိုင်အောင်ဖြစ်စေသည်။</p> <p>သူတို့တင်မဟုတ်၊ တခြားခရီးသည်များလည်း စိတ်ဝင်စားနေသည်။</p> <p>"အရင်က လိုင်းပေါ်မှာပဲမြင်ဖူးတာ... ကိုယ်တိုင်မြင်ရမယ်မထင်ထားဘူး''</p> <p>"အင်း.. လှလိုက်တာ.. ညကျ အထဲမှာနေလို့ရတယ်''</p> <p>"ပန်းအိမ်တွေအများကြီးဆိုပေမဲ့ တစ်အိမ်တည်းမှာပဲနေရမှာ... အကုန်လုံးလိုက်နေချင်တယ်''</p> <p>"အချစ် သတိထားဦး.. ကိုယ်တို့မှာ အဲလောက်ပိုက်ဆံမရှိဘူး''</p> <p>ပန်းအိမ်ထဲတွင် အင်းဆက်ပိုးမွှားဘာမှမတွေ့သောကြောင့် ခရီးသည်များပိုအံ့ဩရသည်။</p> <p>ထူးဆန်းလိုက်တာ။</p> <p>တောင်ထိပ်မှာ ခြင်အပေါဆုံးနေရာဖြစ်သည်။</p> <p>ခြင်ဆေးဘယ်လောက်ကောင်းကောင်း ခြင်လုံးဝကင်းစင်ဖို့မဖြစ်နိုင်။</p> <p>ချင်းလင်စံအိမ်က ဘယ်လိုလုပ်ထားလဲ?</p> <p>ရွက်ဖျင်တဲနှင့်တည်းခိုဆောင်များအပါအဝင် နတ်သမီးပုံပြင်တောင်တခြားနေရာများတွင် ခြင်ဆေး၊ပိုးသတ်ဆေးများသုံးရပြီး ပန်းအိမ်တွင်မသုံးရကြောင်း ထိုခရီးသည်များမသိကြ။</p> <p>ပန်းအိမ်တွင် အင်းဆက်ပိုးသတ်အာနိသင် +၂ ရှိသော​ကြောင့်ပင်။</p> <p>ပန်းအိမ်ကိုစိတ်ဝင်စားပြီး ခရီးသည်များဖုန်းထုတ်ကာဓာတ်ပုံရိုက်ကြသည်။ ဒီအချိန်ကို မဖြစ်မနေမှတ်တမ်းတင်ရမည်။</p> <p>ကျူးယွမ်ယွမ်နှင့်ဝမ်လီလီလည်း အတူတူပင်။</p> <p>အရင်ဆုံး သူတို့ဖုန်းနှင့်မြင်ကွင်းကိုဓာတ်ပုံရိုက်သည်။ ထို့နောက် သူတို့နှစ်ယောက်တွဲပုံနှင့် သူများကိုဓာတ်ပုံရိုက်ခိုင်းသည်။</p> <p>ပြီးလျှင် Wechat အခိုက်အတန့်များတွင်တင်သည်။ ခေါင်းစဉ်မှာ:</p> <p>'ချင်းလင်နတ်သမီးပုံပြင်တောင်သို့ ပထမဆုံးခရီးသွားအဖွဲ့'</p> <p>ခေါင်းစဉ်မှာ ဂုဏ်ဆာမှုအပြည့်နှင့်။ ပို့စ်တင်ပြီးမကြာမီ လူတွေက Like ပေးကြသည်။ အားကျသောမှတ်ချက်များရေးကြသည်။ သူတို့မပြုံးဘဲမနေနိုင်။</p> <p>နတ်သမီးပုံပြင်တောင်ပေါ်ပထမဆုံးတက်ခွင့်ရတဲ့အခွင့်အရေးက တစ်ခါတည်း။</p> <p>"ညအိပ်မယ့်ပန်းအိမ်ကိုတစ်ချက်သွားကြည့်ရအောင်''</p> <p>ဝမ်လီလီကပြောသည်။</p> <p>"အင်း.. သွားစို့!''</p> <p>ကျူးယွမ်ယွမ် ခေါင်းညိမ့်လိုက်သည်။</p> <p>သူတို့နှစ်ယောက်ပန်းအိမ်က ကပ်လျက်ဖြစ်သည်။</p> <p>ကျူးယွမ်ယွမ်က သူမပန်းအိမ်ဆီသွားပြီး အခန်းကတ်ဖြတ်ကာတံခါးဖွင့်လိုက်သည်။ အထဲဝင်လိုက်သောအခါ ထူးထူးခြားခြားပန်းရနံ့ရသည်။</p> <p>ပန်းရနံ့မှာ အနံ့သင်းသင်းနှင့်နှစ်လိုဖွယ်ကောင်းသည်။</p> <p>အထူးသဖြင့် အတွင်းပိုင်းအပြင်အဆင်ကြောင့် မျက်လုံးကျယ်သွားသည်။ ပန်းရောင်အပြင်အဆင်နှင့်မူလစိမ်းစိမ်းစိုစိုအလှကြောင့် နတ်သမီးအိပ်ခန်းနှင့်တူသည်။</p> <p>သူမကမနေနိုင်ဘဲ ပိုက်ဆံအိတ်ပစ်ချကာ ကုတင်ကြီးပေါ်တက်လိုက်သည်။ လှဲချလိုက်သောအခါ ထူးထူးခြားခြားအားပြည့်သလိုခံစားရသည်။ စိတ်တည်ငြိမ်ပြီး အပူအပင်အားလုံးပျောက်သွားသလိုပင်။</p> <p>ပန်းအိမ်၏လန်းဆန်းခြင်း +၂ အာနိသင်ကြောင့်ဖြစ်သည်။</p> <p>ကျူးယွမ်ယွမ်မှာ အံ့ဩနေသည်။</p> <p>ခရီးသွားရတာသဘောကျသူဖြစ်၍ ဟိုတယ်မျိုးစုံတွင်နေဖူးသော်လည်း ဘယ်ဟိုတယ်မှာမှဒီလိုခံစားချက်မျိုးမရဖူး။</p> <p>ဒီလိုခံစားချက်အားလုံးရသောကြောင့် ပြန်ရမှာနည်းနည်းတွန့်ဆုတ်မိသည်။</p> <p>ထို့နောက် ယွမ် ၁၀ သန်းပေးရသောပန်းအိမ်မျိုးစေ့ကိုသတိရသည်။</p> <p>ဒီတော့ အခုယွမ် ၁၀ သန်းတန်အခန်းထဲမှာနေရတာပေါ့။ ဒါကြောင့် သက်သောင့်သက်သာရှိတာမထူးဆန်း။</p> <p>ကျူးယွမ်ယွမ်က ပန်းအိမ်ထဲမှအမြန်ထွက်ပြီး ဝမ်လီလီအိမ်သွားသည်။</p> <p>ဝမ်လီလီမှာ အိပ်ရာပေါ်လှဲနေပြီဖြစ်ပြီး မထချင်တော့။</p> <p>ဝမ်လီလီပန်းအိမ်ဒီဇိုင်းက သူမအိမ်နှင့်မတူ။ အပြာရောင်နတ်သမီးပုံပြင်အိမ်ပုံစံဖြစ်သည်။</p> <p>ဝမ်လီလီအိပ်ရာပေါ်လှဲနေပုံကိုကြည့်ရင်း ကျူးယွမ်ယွမ်ကခုန်တက်လိုက်သည်။</p> <p>ဒီကောင်မလေး ဒီလောက်သက်သောင့်သက်သာအိပ်နေတာ၊ သူ့ကိုအနိုင်ကျင့်ရမည်။</p> <p> </p> <p> </p> <p> </p> <p style="text-align: center;">***</p>


Save