Book List

<h2 style="text-align: center;">အခန်း ၁၃၂၅</h2> <h2 style="text-align: center;">ထူးဆန်းထွေလာကမ္ဘာ! ၃</h2> <h2 style="text-align: center;">*</h2> <p> </p> <p> </p> <p>နေ့လယ်ရောက်မှအိပ်ရာထကြသည်။ မျက်နှာသစ်၊ကိုယ်လက်သန့်စင်ပြီးနောက် ပန်းအိမ်အစုအဝေးမှထွက်လာ၏။</p> <p>တစ်ညထပ်နေချင်၍နည်းနည်းတွန့်ဆုတ်နေသော်လည်း မဲပေါက်ပြီးတစ်ညသာအိပ်ခွင့်ရှိသည်။</p> <p>သူတို့က ကေဘယ်ကားနှင့်တောင်အောက်ဆင်းလာသည်။ နတ်သမီးပုံပြင်တောင်ကို ကေဘယ်ကားနှင့်ခပ်လှမ်းလှမ်းမှကြည့်ရတာ အရသာတစ်မျိုးပင်။</p> <p>ကေဘယ်ကားဧည့်ကြိုနေရာရောက်သောအခါ ချင်းလင်စံအိမ်သို့လမ်းလျှောက်ပြန်လာကြသည်။ ပြီးရင် ချင်းလင်မွေးမြူရေးခြံသွားလည်ရဦးမည်။</p> <p>သို့ရာတွင် ရေပေါ်တံတားရှုခင်းလက်မှတ်အရောင်းနေရာရောက်သောအခါ လူအများကြီးက သူတို့ကိုလက်ညိုးထိုးနေကြောင်းတွေ့ရသည်။</p> <p>"သူတို့ထင်တယ်!''</p> <p>"အင်း.. နာမည်ကြီးနေတဲ့ဗီဒီယိုထဲမှာပါတဲ့သူတွေလေ''</p> <p>ကျူးယွမ်ယွမ်နှင့်ဝမ်လီလီ ဇဝေဇဝါဖြစ်သွားသည်။</p> <p>ဒီလူတွေက သူတို့အကြောင်းပြောနေတာပဲ။ ဘာဗီဒီယိုလဲ?</p> <p>ဘာတွေဖြစ်နေမှန်းမသိ။</p> <p>လိုင်းပေါ်နာမည်ကြီးနေတဲ့ဗီဒီယိုက သူတို့နဲ့ဆက်စပ်နေမှန်းသာသိသည်။</p> <p>လက်မှတ်ဝယ်ပြီးနောက် တီးတိုးတီးတိုးသံများ၊လက်ညိုးများကိုသည်းမခံနိုင်သောကြောင့် အလောတကြီးထွက်လာသည်။ ထို့နောက် ဖုန်းဖွင့်ပြီး Tiktok ထဲဝင်လိုက်သည်။</p> <p>ဗီဒီယိုတချို့ကြည့်ပြီးနောက် သူတို့ထမ်းစင်စီးနေသောဗီဒီယိုကိုတွေ့ရသည်။</p> <p>"ပိုက်ဆံသုံးပြီး သူများကိုသိက္ခာချတာ... လှောင်ပြောင်တဲ့လုပ်ရပ်ပဲ''</p> <p>ကျူးယွမ်ယွမ်နှင့်ဝမ်လီလီက ဗီဒီယိုကြည့်ပြီး မျက်မှောင်ကြုတ်ကာ မှတ်ချက်များကိုမြင်မြင်ချင်း ဒေါသထွက်သွားသည်။</p> <p>"သူကလှတာပဲ... ဘာလို့ဒါမျိုးလုပ်တာလဲ?''</p> <p>"ပြည့်တန်ဆာတွေ.. အမှောင်ထဲကထွက်လာပြီးတော့ သူတို့ကိုယ်သူတို့မြင့်တယ်မှန်တယ်အထင်နဲ့ သူများသိက္ခာကိုချနင်းတယ်''</p> <p>"အဲလိုထမ်းစင်မျိုး ငါမစီးဘူး... ငါ့ကိုယ်ငါ သူများထက်မြင့်တယ်မထင်ဘူး''</p> <p>"သူတို့မျက်နှာတွေပြထားတာကောင်းတယ်... သူတို့ဘယ်သူဆိုတာ အားလုံးမြင်ရတာပေါ့''</p> <p>"သူများဂုဏ်သိက္ခာကိုချမနင်းဖို့ လူသားဆန်ဖို့ သူတို့သိအောင်လုပ်ပေးသင့်တယ်ထင်တယ်''</p> <p>သူတို့လုပ်ရပ်ကို ခွင့်မလွှတ်နိုင်စရာတစ်ခုလို လိုင်းပေါ်တင်ထားကြမည်ဟု ကျူးယွမ်ယွမ်နှင့်ဝမ်လီလီမထင်မိ။</p> <p>သူတို့ပိုက်ဆံပေးချိန်က အထမ်းသမားများပြုံးရွှင်နေသည်ကိုသာမှတ်မိသည်။</p> <p>ချင်းလင်အပန်းဖြေစံအိမ်_</p> <p>ချင်လင်လည်း လင်းလန်ဇီနှင့်တွေ့နေသည်။ လင်းလန်ဇီတင်ပြချက်ကြားပြီး သူမျက်မှောင်ကြုတ်လိုက်သည်။</p> <p>ထမ်းစင်ပရောဂျက်ရည်ရွယ်ချက်က ကောင်းသည်။ ဆင်းရဲသားများကိုကူညီပေးခြင်း၊ အထမ်းသမားများကိုဝင်ငွေပေးခြင်းပင်။</p> <p>ခရီးသည်အမျိုးသမီးနှစ်ယောက်ထမ်းစင်စီးတာကိုဗီဒီယိုရိုက်ပြီး လိုင်းပေါ်တင်လိမ့်မယ်လို့ဘယ်ထင်မလဲ? ပြည်သူတွေကြားမှာတောင် ဆူပွက်နေပြီ။</p> <p>ဒီလုပ်ရပ်က ဘာလဲ? သူများအလုပ်အကိုင်ဖျက်ပြီး ကိုယ့်ကိုယ်ကိုယ်မြင့်မြတ်ပါတယ်လို့ကြေညာနေတာလား?</p> <p>အထူးသဖြင့် လိုင်းပေါ်တွင်ပြဿနာကြီးကြီးလာသည်။</p> <p>"ဥက္ကဌချင်.. ပြည်သူတွေအမြင်ရှင်းအောင် ဒီကိစ္စကိုအမြန်ဆုံးဖြေရှင်းမှရမယ်''</p> <p>လင်းလန်ဇီက ချင်လင်ကိုပြောသည်။</p> <p>ချင်လင် ခေါင်းညိမ့်လိုက်သည်။ သူသဘောပေါက်သည်။ ထိုအချိန် ဖုန်းမြည်လာ၏။ ချန်လီပင်။ သူကချက်ချင်းဖုန်းကိုင်ပြီး_</p> <p>"လက်ထောက်ချန်.. လိုင်းပေါ်ကကိစ္စလား?''</p> <p>ချန်လီအသံထွက်လာသည်_</p> <p>"သူဌေးချင်.. အားနာလိုက်တာ... အထမ်းသမားပရောဂျက်က လိုင်းပေါ်ဒီလိုဖြစ်မယ်မထင်မိဘူး... အရမ်းအားနာပါတယ်... လိုင်းပေါ်ကပြဿနာမရပ်ဘူးဆိုရင် အထမ်းသမားပရောဂျက်ကိုရပ်ဖို့ စီရင်စုကမကန့်ကွက်ပါဘူး''</p> <p>ချန်လီစကားကြောင့် ချင်လင်မျက်မှောင်ကြုတ်လိုက်သည်။</p> <p>သူရပ်လိုက်ရင် ဒီလိုင်းပေါ်ကသူတော်ကောင်းလိုလိုဘာလိုလိုဟာတွေ မာန်တက်ကုန်မှာပေါ့။</p> <p>နောက်ပြီး တခြားခရီးသည်တွေရှုမျှော်ခင်းနေရာလာပြီး သူတို့ပရောဂျက်ကိုဖျက်လိုဖျက်စီးလုပ်တာ လျစ်လျူမရှုနိုင်။</p> <p>သူ ဒီလိုမလုပ်။</p> <p>ဒီတော့ သူဘာလုပ်မလဲ စဉ်းစားရမည်။</p> <p> </p> <p> </p> <p style="text-align: center;">***</p>


Save